Post: #1
Title: تعال يا دينق أسمع الغنية دي عشان تاني ما تسألني : الجديد شنو ؟!!
Author: ناذر محمد الخليفة
Date: 09-03-2007, 00:06 AM
أها يا حبيب ..
دي غنية منبثقة عن أغنية (حنانا نسى أهلو ما نسانا) ..
خلي بالك كويس وأسمع كلمات الأغنية دي عشان تعرف خطورة ما أشرت ليو في بوستي الفات ..
صنفرة :
الغنية داخل البوست دا برضو على مسئولية من يسمعها !!
|
Post: #2
Title: Re: تعال يا دينق أسمع الغنية دي عشان تاني ما تسألني : الجديد شنو ؟!!
Author: ناذر محمد الخليفة
Date: 09-03-2007, 00:10 AM
Parent: #1
الخاينة chاchيتا !!
|
Post: #3
Title: Re: تعال يا دينق أسمع الغنية دي عشان تاني ما تسألني : الجديد شنو ؟!!
Author: ناذر محمد الخليفة
Date: 09-03-2007, 00:14 AM
Parent: #1
دينق بيسأل :
Quote: يا جماعة.
الجديد شنو في الموضوع ده؟
نوعية الاغاني دي موجودة من زمان وبتمجد في بعض القبائل, وفي نفس الاغنية دي يا نازر الفنانة زكرت قبيلة الشايقية فلماذا أنت أخترت الغرابة بالذات؟
دينق. |
ناذر خليفة :
Quote: الجديد في الموضوع إنو الغنا الهابط البيودي لي طريق بتاع تهييج قبائل بعينا والقصد منو ما التطريب بقدر زراعة العنصرية والكراهية ضد القبائل التانية رغم إنك ممكن تلقى في الأغنية كل قبائل السودان ..دايرين نوعية الغنا دا يقيف طالما أساسا ألحانو مسروقة والكلمات أقحمت إقحام على اللحن وما عندها قيمة ولا إبداع ولا بطيخ !!
|
من هنا :
والله نحنا الغرابة مانحن أسياد الشي زاتا .. !!
|
Post: #4
Title: Re: تعال يا دينق أسمع الغنية دي عشان تاني ما تسألني : الجديد شنو ؟!!
Author: ناذر محمد الخليفة
Date: 09-03-2007, 00:16 AM
Parent: #1
ناذر خليفة :
Quote: شوف يا دينق ...
بما إنك سألت عن (الجديد شنو) فحا أعمل ليك بوست منفصل يا دينق بعد ما ينتهي دا فيهو أغنية فيها مقطع بيقول (حنانا .. خوة خدم ووسخانة) .. لمن تسمعا ما اظنك حا تجي تسأل السؤال دا تاني لأنو أكيد حا تكون عرفت الجديد شنو .. |
|
Post: #10
Title: Re: تعال يا دينق أسمع الغنية دي عشان تاني ما تسألني : الجديد شنو ؟!!
Author: Munir
Date: 09-03-2007, 00:32 AM
Parent: #4
.. يا ناذر ياخوي والله عندما ذكرت انك عندك نموذج تاني سئ كنت ناوي أقول ليك أوع تنزله هنا .. لكنك سبقتني .. فدحين يا عزيزنا حقو تشيل الاغنية دي بره .. فالبورد ما ناقص نيران .. وتشكر مقدمآ ..
الاغنية عمومآ اجتماعية حريمية ما فيها حاجة ، لكين اقحام المقطع العنصري الذكرته ده ما مقبول ابدآ.. وتداوله ونشره يعتبر ترويج للشر .. وتحريض مافي داعي ليهو ..
|
Post: #5
Title: Re: تعال يا دينق أسمع الغنية دي عشان تاني ما تسألني : الجديد شنو ؟!!
Author: ناذر محمد الخليفة
Date: 09-03-2007, 00:17 AM
Parent: #1
Quote: مقاطع هابطة أدخلت على كلمات أغنية قديمة ولحن منقرض !!، تغنيها عدة مغنيات ومغنواتية في أحياء الخرطوم هذه الأيام ، تعتمد على ذكر أسماء القبائل لتحميس الحضور وحثهم على التجاوب بالإعتماد على قبائلهم وأصولهم العرقية ..
وهنالك كلمات عنصرية بغيضة تسئ لقبائل وعرقيات بالإسم (على عينك يا تاجر وأمام الملأ) !! تنتشر في أسواق شرائط الكاسيت البيضاء إنتشار النار في الهشيم دون أن يتدخل أحد لمنع هذه المهزلة !! ، رغم أن أسماء هؤلاء المغنواتية معروفين ومشهورين وسط مجتمعات معينة ومعروفة بل وبعضهم يجد الحماية والدعم والتشجيع من شخصيات مسئولة تقع ضمن بند (سوء إستخدام النفوذ ) !!..
وقبل أن أكتب عن الأسباب التي أدت لفشل جميع الجهود التي بذلت من قبل إتحاد الفنانين وشرطة أمن المجتمع وشرطة المصنفات الفنية لإيقاف تلك المهزلة التي تسمى (غناءً) ، والأسباب التي أدت لإستمرارية محاولات (تشويه الذائقة الغنائية للأذن السودانية) عن سبق إصرار وترصد ..
أدعوكم للإستماع لهذه الأغنية العجيبة لتحكموا بأنفسكم !!..
|
|
Post: #6
Title: Re: تعال يا دينق أسمع الغنية دي عشان تاني ما تسألني : الجديد شنو ؟!!
Author: ناذر محمد الخليفة
Date: 09-03-2007, 00:18 AM
Parent: #1
حتى ناس جدة ما سلمو من المغنية دي !!!!!
|
Post: #7
Title: Re: تعال يا دينق أسمع الغنية دي عشان تاني ما تسألني : الجديد شنو ؟!!
Author: ناذر محمد الخليفة
Date: 09-03-2007, 00:22 AM
Parent: #1
ما صبرنا والله أدانا !!!!
|
Post: #8
Title: Re: تعال يا دينق أسمع الغنية دي عشان تاني ما تسألني : الجديد شنو ؟!!
Author: ناذر محمد الخليفة
Date: 09-03-2007, 00:23 AM
Parent: #1
يا ريت لو جا واحد حريف يكتب الغنية دي كاملة ..
|
Post: #9
Title: Re: تعال يا دينق أسمع الغنية دي عشان تاني ما تسألني : الجديد شنو ؟!!
Author: طارق جبريل
Date: 09-03-2007, 00:24 AM
Parent: #1
ابو النز كيفنك
ما بسألك
|
Post: #11
Title: Re: تعال يا دينق أسمع الغنية دي عشان تاني ما تسألني : الجديد شنو ؟!!
Author: Deng
Date: 09-03-2007, 03:35 AM
Parent: #1
نازر,
أنا كنت بتناقش معك في الاغنية المعنية بذلك البوست ولقد زكرت لك ما هو الجديد في غنا البنات الذي يمدح القبائل؟
تقوم تمشي تجيب لك أغنية تانية لا علاقة لها بالموضوع أصلا؟
دينق.
|
Post: #12
Title: Re: تعال يا دينق أسمع الغنية دي عشان تاني ما تسألني : الجديد شنو ؟!!
Author: ناذر محمد الخليفة
Date: 09-03-2007, 08:19 AM
Parent: #1
منير ..
Quote: .. يا ناذر ياخوي والله عندما ذكرت انك عندك نموذج تاني سئ كنت ناوي أقول ليك أوع تنزله هنا .. لكنك سبقتني .. فدحين يا عزيزنا حقو تشيل الاغنية دي بره .. فالبورد ما ناقص نيران .. وتشكر مقدمآ ..
|
أنا ذنبي شنو ؟!!
الغنية دي بغنيها أنا !!!!!!
النيران يا حبيب مولعة في حفلات السودان هنا من بدري ولو دايرين نحارب الأغنية دي مش بي سحبها من هنا .. العكس يا حبيب .. لا زم الناس تسمعا عشان تعرف خطورة الأغنيات دي وتتفاكر في السبل عشان تحارب بيها الإنحطاط دا ..
| Quote: الاغنية عمومآ اجتماعية حريمية ما فيها حاجة ، |
برضو ما فيها حاجة ؟!!
هو الغنية عشان يكون فيهاحاجة إلا البتغنيها تكون ماسكة ليها كلاشنكوف ولا شنو ؟!!
صنفرة :
أها عشان كلامك دا يا منير عندي غنية تالتة وبرضو حا أنزلا في بوست منفصل ..
يمين تسمعا تقول الغنية الفي البوست دا والبوست الفات غناوي أطفال بالنسبة ليها !!
|
Post: #13
Title: Re: تعال يا دينق أسمع الغنية دي عشان تاني ما تسألني : الجديد شنو ؟!!
Author: ناذر محمد الخليفة
Date: 09-03-2007, 08:21 AM
Parent: #1
طارق جبريل ...
Quote: ابو النز كيفنك
ما بسألك |
حنانة الخوة عامة تعبانة ا 
|
Post: #14
Title: Re: تعال يا دينق أسمع الغنية دي عشان تاني ما تسألني : الجديد شنو ؟!!
Author: ناذر محمد الخليفة
Date: 09-03-2007, 08:26 AM
Parent: #1
دينق ...
Quote: أنا كنت بتناقش معك في الاغنية المعنية بذلك البوست ولقد زكرت لك ما هو الجديد في غنا البنات الذي يمدح القبائل؟
تقوم تمشي تجيب لك أغنية تانية لا علاقة لها بالموضوع أصلا؟
|
دا نظام كب زوغة ولا شنو ؟!!
طيب وكت قلت كدي ..
ما في جديد في غنا البنات البيمدح القبائل ..
الجديد في غنا البنات البيهجو ويسئ للقبائل زي النموذج العندنا دا ..
بعدين يا دينق إنت ما متابع أحسن تسمع كلامي دا كويس ..
في غنا اليومين دي ما في حاجة إسمها مدح قبيلة بدون ما يصاحبا إساءة عنصرية أو تلميحات قبيحة لي قبيلة تانية ..
صنفرة :
لكن في أكتر الأحايين بتجي إساءة بدون أي مناسبة وبدون أي سبب زي النموذج العندنا في البوست دا .
شفت كيف ؟!!
|
Post: #15
Title: Re: تعال يا دينق أسمع الغنية دي عشان تاني ما تسألني : الجديد شنو ؟!!
Author: ناذر محمد الخليفة
Date: 09-03-2007, 04:16 PM
Parent: #1
تقول كلمات الأغنية الهابطة :
دي الخاينة جاجيتا جاجيتا جاجيتا
يا ريتني لو دقيتا أنا بالجزمة ساويتا
عقدو ليو ورجع جانا !!
الريدو ما بتخلى عقدو ما بتتحلى
قتي تبقي لي ضرة بفرج فوقك خلق الله
غرزة لناس فلانة !!
ست الشاي وروها ما عارفة حقيقة روحا
ما عارفة حقيقة روحا بتحب في مقام أبوها
ما صبرنا والله ادانا !!
جهولة يا أم سكاسك يا السبسبتي راسك
ما تحترمي نفسك ما نحن قدر بناتك
دي القاصداني غبيانة !!
العجوزة الخرفانة تتمسح بالديانة
تتمسح بالديانة والوش حالتو تعبانة ..
غرزة !! !!
يا توبي الهلالي هلالي وتمنو غالي
ما بسيب الجمفاري لو أخرب بيت حلالي
دي القاصداني غبيانة !!
حنانة خوة خدم ووسخانة !!
حنانة الخوة عامة تعبانة !!
حنانة خوة في جدة وسخانة !!
حنانة دي الريدة بقت خيانة !!
حنانة والريدة بقت عفانة !!
والصفقة ويييييييييييييييييييين ؟؟؟؟!!
صنفرة :
ما في زول يجي يسألني عن الشاعر والملحن بتاع الغنية دي ..
|
Post: #16
Title: Re: تعال يا دينق أسمع الغنية دي عشان تاني ما تسألني : الجديد شنو ؟!!
Author: Deng
Date: 09-03-2007, 04:40 PM
Parent: #1
نازر.
هسع أنت عليك الله قضيت وقت في كتابة الاغنية دي وتنزيلها في البورد؟
دينق.
|
Post: #17
Title: Re: تعال يا دينق أسمع الغنية دي عشان تاني ما تسألني : الجديد شنو ؟!!
Author: ناذر محمد الخليفة
Date: 09-03-2007, 08:36 PM
Parent: #1
دينق .!!!!
Quote: هسع أنت عليك الله قضيت وقت في كتابة الاغنية دي وتنزيلها في البورد؟
|
أبدا والله .. كلها تلاتة أربعة دقائق علي الماشي !!!
أخوك والحمد لله سرعة كتابتو لتوازي سرعة سمعو ...
صنفرة :
ما انا من أسياد الشي زاتا !!
|
Post: #18
Title: Re: تعال يا دينق أسمع الغنية دي عشان تاني ما تسألني : الجديد شنو ؟!!
Author: ahmed khidir
Date: 09-03-2007, 09:51 PM
Parent: #17
ناذر
ســـــــــلامات
وكيفك يا عريس
| Quote: ما في زول يجي يسألني عن الشاعر والملحن بتاع الغنية دي .. |
يكون لينا عظيم الشرف نعرف اسم الفنانه
احمــد خضــر
|
Post: #19
Title: Re: تعال يا دينق أسمع الغنية دي عشان تاني ما تسألني : الجديد شنو ؟!!
Author: Albino Akoon Ibrahim Akoon
Date: 09-03-2007, 11:08 PM
Parent: #1
Quote: والصفقة ويييييييييييييييييييين ؟؟؟؟!!
|
صفقة شنو بعد العفانة دي!!!
صنفرة بحجر الكرعين..............
امسح بيهم الازقة والشوارع!!!
عافي منك وراضي عنك يا ود خليفة.
وليبارككم الله
|
Post: #20
Title: Re: تعال يا دينق أسمع الغنية دي عشان تاني ما تسألني : الجديد شنو ؟!!
Author: اسعد الريفى
Date: 09-04-2007, 05:34 AM
Parent: #1
ناذر
صباح الخير و سلامات و خارج النص الاصلى بعد كريم إذنك!
اليوم لقيت هنا ناس بتتكلم عن ممدوح طاهر فريد ..و بعض الذين كانوا يحاولون فى الاغانى السودانية كما حاول ناصر المزداودى فى الاغنية العربية فى السبعينات .. قدموا الكثير فى جلسات استماع ، و الحفلات و التسجيلات و المئات من الالحان امتدت من ممدوح الى الازهرى مرورا بهادية طلسم (المريود) .. و شاكر والموصلى و اندريه رايدر(وردى) وود الامين و عبدالقادر سالم و ابو عركى و قبلهم عمالقة كعثمان حسين و أبو داؤد و الكاشف و احمد المصطفى و الكابلى ..و.... كلهم قدموا ما جعلنا نشعر بأن لنا إرثا فنيا موسيقيا.. جميلا !
كان يمكن لاجهزة الاعلام المختلفة أن تجعله اداة أرتقاء بالذوق العام لولا .. (الله يجازى الكان السبب) !!
لكن..
هذا الذى نسمعه و نراه ينتشر ..
نتيجة حتمية للأسف
و كما يقول المصريون ( هذا زمان شارع محمد على)
لك الود أبدا
|
Post: #21
Title: Re: تعال يا دينق أسمع الغنية دي عشان تاني ما تسألني : الجديد شنو ؟!!
Author: ناذر محمد الخليفة
Date: 09-04-2007, 09:05 AM
Parent: #1
أحمد خدر ...
Quote: يكون لينا عظيم الشرف نعرف اسم الفنانه
|
خلوها مستورة ...
|
Post: #22
Title: Re: تعال يا دينق أسمع الغنية دي عشان تاني ما تسألني : الجديد شنو ؟!!
Author: ناذر محمد الخليفة
Date: 09-04-2007, 09:07 AM
Parent: #1
ألبينو ....
Quote: صفقة شنو بعد العفانة دي!!!
صنفرة بحجر الكرعين..............
امسح بيهم الازقة والشوارع!!!
عافي منك وراضي عنك يا ود خليفة.
|
مش كدة بالله يا ألبينو ؟!
جمعاً إنشاء الله .!!
|
Post: #24
Title: Re: تعال يا دينق أسمع الغنية دي عشان تاني ما تسألني : الجديد شنو ؟!!
Author: على محمد على بشير
Date: 09-04-2007, 09:24 AM
Parent: #22
| Quote: ما في زول يجي يسألني عن الشاعر والملحن بتاع الغنية دي .. |
الشاعر غايتو انا شبه عرفتو ليك
كدى لا حظ دى
اها عرفتو الشاعر منو
|
Post: #23
Title: Re: تعال يا دينق أسمع الغنية دي عشان تاني ما تسألني : الجديد شنو ؟!!
Author: ناذر محمد الخليفة
Date: 09-04-2007, 09:15 AM
Parent: #1
سلام ياأستاذ أسعد ..
صباح النو ر
Quote: صباح الخير و سلامات و خارج النص الاصلى بعد كريم إذنك!
اليوم لقيت هنا ناس بتتكلم عن ممدوح طاهر فريد ..و بعض الذين كانوا يحاولون فى الاغانى السودانية كما حاول ناصر المزداودى فى الاغنية العربية فى السبعينات .. قدموا الكثير فى جلسات استماع ، و الحفلات و التسجيلات و المئات من الالحان امتدت من ممدوح الى الازهرى مرورا بهادية طلسم (المريود) .. و شاكر والموصلى و اندريه رايدر(وردى) وود الامين و عبدالقادر سالم و ابو عركى و قبلهم عمالقة كعثمان حسين و أبو داؤد و الكاشف و احمد المصطفى و الكابلى ..و.... كلهم قدموا ما جعلنا نشعر بأن لنا إرثا فنيا موسيقيا.. جميلا !
كان يمكن لاجهزة الاعلام المختلفة أن تجعله اداة أرتقاء بالذوق العام لولا .. (الله يجازى الكان السبب) !!
|
للأسف إرثنا الفني والذي تم صنعه بعرق وجهد هؤلاء العمالقة موجود في أدراج مؤسساتنا القومية لعدة أغراض .. البعض يحتفظ به دون أن يداوم على بثه حتى يجد هذا الإنحطاط الشائع الأن في الشارع الغنائي فرصته للتمكن أكثر وأكثر ..
والبعض يحتفظ به لنفسه كي يستمع إليه ويجتر ذكريات ذلك الزمن الأصيل يعد أن سيطر الغناء الهابط على جميع مخارج الكلم والموسيقى في ليالي السودان وأفراحها البهية ..
أنا مقتنع تماما أن لنا إرثا موسيقيا عظيما .. ولكن كيف نعود به مرة أخرى للريادة ونطرد من أساءوا وشوهو الفن السوداني وسيطروا على أذن الشارع السوداني ؟!!
Quote: هذا الذى نسمعه و نراه ينتشر ..
نتيجة حتمية للأسف
و كما يقول المصريون ( هذا زمان شارع محمد على)
|
نتيجة حتمية نعم ... ولكن لا بد من تغييرها لتعود الأمور إلى نصابها ..
شكرا للمداخلة الثرة أستاذ أسعد ..
|
Post: #25
Title: Re: تعال يا دينق أسمع الغنية دي عشان تاني ما تسألني : الجديد شنو ؟!!
Author: محمد الطيب حسن
Date: 09-04-2007, 09:34 AM
Parent: #23
ايييييييييييك والله انت طلعت قديم جنس قيدومه
شكلو كده الغنيه دي غنوهنا ليك في عرسك
والله انت لو كده ماسمعت الغني البجيب المشاكل بالجد
بنسمعك ليه لكن
بس برانا
وخوتك ياناذر تعبانه
ودينق الليله مالو ماجانا
من البوست زاغ وخلانا
Quote:
صنفرة :
ما في زول يجي يسألني عن الشاعر والملحن بتاع الغنية دي .. |
هي كانت في عصر النهضه الغنيه دي مش كده
|
Post: #26
Title: Re: تعال يا دينق أسمع الغنية دي عشان تاني ما تسألني : الجديد شنو ؟!!
Author: ناذر محمد الخليفة
Date: 09-04-2007, 05:24 PM
Parent: #1
علي ....
Quote: الشاعر غايتو انا شبه عرفتو ليك
كدى لا حظ دى
|
إصلو شعر اليومين دي بقى زي موضة تأليف المدائح البيعملوها الفنانين البيسجلو للإذاعات والقنوات الخاصة .!!
الواحد فيهم يألف ليهو مدحة ويحشر فيها إسمو في أخر بيت منها .!
|
Post: #27
Title: Re: تعال يا دينق أسمع الغنية دي عشان تاني ما تسألني : الجديد شنو ؟!!
Author: ناذر محمد الخليفة
Date: 09-04-2007, 05:26 PM
Parent: #1
محمد الطيب ..
Quote: والله انت لو كده ماسمعت الغني البجيب المشاكل بالجد
بنسمعك ليه لكن
بس برانا
|
لا لا ما برانا ....
أكشحو في المنبر دا عشان الناس تكون مواكبة للإنحطاط الحاصل ..
| Quote: هي كانت في عصر النهضه الغنيه دي مش كده |
مضبوط مية في المية ..
كانت في عصر نهضة الإنحطاط ..!!!
|
Post: #28
Title: Re: تعال يا دينق أسمع الغنية دي عشان تاني ما تسألني : الجديد شنو ؟!!
Author: ناذر محمد الخليفة
Date: 09-06-2007, 07:55 PM
Parent: #1
++
|
Post: #29
Title: Re: تعال يا دينق أسمع الغنية دي عشان تاني ما تسألني : الجديد شنو ؟!!
Author: bob
Date: 09-07-2007, 10:19 PM
Parent: #28
الصفقه ويييين!!!
خوة البورد بقت تعبانه!!
وفى العامه ميتانه!!
وناذر الخليفه جاب الديانه!!
بكرعينوا الحفيانه...!!
كتـــاحــه:
اها الفنانه دى اسمه منو ما تقولى علوية طقطقه!!
|
Post: #30
Title: Re: تعال يا دينق أسمع الغنية دي عشان تاني ما تسألني : الجديد شنو ؟!!
Author: حسن الجيلى سعيد
Date: 09-08-2007, 12:32 PM
Parent: #1
ناذر أخوى ,
حكمة اليوم
| Quote: حنانة والخوة بقت عفانة !! |
|
|