Post: #1
Title: مجنون جن يا سيف الجامعة !!
Author: ناذر محمد الخليفة
Date: 05-01-2007, 03:15 PM
|
Post: #2
Title: Re: مجنون جن يا سيف الجامعة !!
Author: ناذر محمد الخليفة
Date: 05-01-2007, 03:17 PM
Parent: #1
وفي رواية أخرى :
مجنون جن يا طارق أبو عبيدة ..
|
Post: #3
Title: Re: مجنون جن يا سيف الجامعة !!
Author: ناذر محمد الخليفة
Date: 05-01-2007, 03:17 PM
Parent: #1
والرواية الأصح :
مجنون جن يا محجوب شريف ..
|
Post: #4
Title: Re: مجنون جن يا سيف الجامعة !!
Author: ناذر محمد الخليفة
Date: 05-01-2007, 03:30 PM
Parent: #1
مجنون الحزن المسجون
بارود الحزن المسنون
جواي أنا شافع محزون
عن أمو بيفتش فتيش ..
فتش فتيش هبش هبيش
دقش دقيش يصرخ يا ناس
مريم محمود راحت شقيش ؟!
في زنك اللحمة وفي الزحمة
مريم محمود راحت شقيش ؟!!
في منحنيات الأسواق
مريم محمود راحت شقيش ؟!!
وأنا أأه يا مريم محمود
آاااااااااه يا مريم محمود
يا ذات الضل الممدود
يا ذات القلب الساساق
حتلت جواي الأشواق
حتلت جواكي الأشواك
وأنا كنت الولد المحبوب
لا هجرا ليك ولا عاق ..
حبيتك زي ما حبيت
الوطن الوارف والبيت
منك خطفوني تماسيح
كم مرة وخلو تباريح
كم جيتك راجع مسحور
بذاك الوجه المفرون
هل بيني وبينك عصفور
على قلبو منشن صياد ؟!
ظلموك يا مريم ظلموك حرموك يا مريم حرموك ..
خلوكي الدمعة تفصد خدك في الأعياد
والشوق في الشوف على حد السيف
إتعلمتي الشك في الغربة وكنتي ملاذ الشتاء والصيف
سرقو أمانك وإطمئنانك
قلبك كل ما باب الشارع دق يدق
إيدك ترجف في الصقاطة ووشك شاحب :
ربنا يستر أمكن هم !!
تفرحي فرحاً قدر الدنيا
إذا ما كان الطارق صاحب
حالاً نارك بالهبابة لهيبا يبق ..
|
Post: #5
Title: Re: مجنون جن يا سيف الجامعة !!
Author: ناذر محمد الخليفة
Date: 05-01-2007, 03:36 PM
Parent: #4
ما عارف لكن ...!!!
زي الغنية دي ما إنتهت أو قفلتا ما مفروض تكون كدة أو فيها حاجة ناقصة !!
أو أخر تلاتة أبيات في القصيدة اللي هي :
Quote: تفرحي فرحاً قدر الدنيا
إذا ما كان الطارق صاحب
حالاً نارك بالهبابة لهيبا يبق .. |
أقحمت إقحام على الأغنية او خربت على المستمع الشعور الموحد لي خط سير الأغنية والقصيدة بي صفة عامة ؟!!
غايتو في حاجة في خاتمة الأغنية دي ما ياها سواء من ناحية القصيدة أو من ناحية التلحين !!!
|
Post: #6
Title: Re: مجنون جن يا سيف الجامعة !!
Author: ابراهيم بقال سراج
Date: 05-01-2007, 03:37 PM
Parent: #4
وفي رواية ثالثة وهي الاصح مشوطن يا ناذر الخليفة
|
Post: #7
Title: Re: مجنون جن يا سيف الجامعة !!
Author: ناذر محمد الخليفة
Date: 05-01-2007, 04:00 PM
Parent: #6
بقال سلامات ..
من ناحية مشوطن فدي عندي من عشرين سنة وما جبت حاجة من عندك عارف لييه ؟!!
زماان في الدافوري بتاع الحلة إشتبكت لي مع واحد من الجماعة ومسكتو خبطتو وهبرتو هبر شديد لمن قام جاري بيتم وبعد نص ساعة جاني في البيت ومعاهو امو البتعمل جلسات الظار (نسأل الله السلامة) كانت عيونا حممممممممممممر وبتطير شرار ما أدتني فرصة قالت لي بي صوت واثق (من الليلة وعشرين سنة لي قدام شواطين راسي كلها تركب في راسك) !!
أنا قايلا بتاعت جلكسات وجاكات ساي وما إشتغلت بيها كتير .. لكن في نفس اليوم شعرت بي شي ما طبيعي في مخي وتركيزي ما ياهو وكمان بهضرب وبتصرف تصرفات غريبة وبكورك بالليل لمن ناس بيتنا يربطوني في كراع العنقريب .. فطوالي عرفت إنها دي شواطين الولية ديك عاملين لي توطش في سلوك راسي !!
غايتو الحمد لله العشرين سنة قربو يخلصو ... فاضل ليهم بس شهرين ونخلص من المصيبة دي !!
شنكل :
بالمناسبة يا بقال صورة بروفايلك دي كبيرة شويةو وخاربة منظر البوست ..
صغرتها ليك خدمة مني لله في الله كدي .. ختها التحت دي محل ديك :
|
Post: #8
Title: Re: مجنون جن يا سيف الجامعة !!
Author: ناذر محمد الخليفة
Date: 05-01-2007, 05:42 PM
Parent: #7
!!!!!!
صورة بروفايل سيف الجمعة لا زالت في مكانها في مكتبته بالمنبر !ّ!
ترى هل يكون هذا البوست سببا في عودة الأستاذ سيف للمنبر من جديد ؟!!!
|
Post: #9
Title: Re: مجنون جن يا سيف الجامعة !!
Author: ناذر محمد الخليفة
Date: 05-02-2007, 05:41 AM
Parent: #1
يا ريت ..
|
Post: #10
Title: Re: مجنون جن يا سيف الجامعة !!
Author: مجاهد عبد الرحمن
Date: 05-02-2007, 07:16 AM
Parent: #9
ناذر انت جميل والله
ولو كان الشياطين ديل هم البيخلوك تجيب حاجات جميلة زي دي
نطالب بتمديد فترة بقائهم لعشرين سنةً قابلة للتجديد
بعد نهاية المدة
أخي ناذر معك نتمنى عودة الفنان سيف الجامعة
نرجو فضلاً لا أمراً إن كان بحوزتك أغنيته أعذريني أن تكرمنا بها
لأن سيف هو الوحيد الذي يعطي الكلمات حقها ومستحقها من الاحساس
هذا بجانب الابهار في عملية الأداء الصوتي
لك ودي
|
Post: #11
Title: Re: مجنون جن يا سيف الجامعة !!
Author: nazar hussien
Date: 05-02-2007, 07:22 AM
Parent: #10
ما تراكم انت وبقال لسة بتهظرو مع بعض يا ناذر...
وشكرا للغنية المجنونة
|
Post: #12
Title: Re: مجنون جن يا سيف الجامعة !!
Author: محمد فرح
Date: 05-02-2007, 07:36 AM
Parent: #11
الحبيب ناذر
سلامات
سيف الجامعه قامه وصوت لن يتكرر إطلاقاً
ربنا يديهو الصحه والعافيه
حقيقي أنا أحفظ ألبومه بتاع وصتني وصيتها عن ظهر قلب بس الألبومات التانيه إلا أسمع أغانيها طشاش طشاش ...
بس مرات الزول ده بشتر الطاقيه شتره بت كلب
أنا متأكد إنو مافي زول ممكن يقنع سيف الجامعه مايلبس طاقيه لكن ياريت لو في واحد يختار ليهو الطواقي البلبسها .....
تاني نحيي الجميل سيف الجامعه الفنان المسكون بالإبداع
ولك من الود مؤونة عام
|
Post: #13
Title: Re: مجنون جن يا سيف الجامعة !!
Author: غباشي
Date: 05-02-2007, 10:28 AM
Parent: #1
يا الله .... يا أبو النذر
و الله يا حبيب رجعت بي زمن كدة زي 3 سنوات لي ورا ..... كنت في مأمورية في النيل الأبيض
و الغنية كنت كل يوم بسمع منها مقاطع و أنقر الشريط بتاع منو؟
الشريط بتاع عامل بسيط كان شغال تبع عمالنا !!!!
و الله يا ناذر العامل ده كان صاحبي عديييل
ما كمل قرايتو .. لكن عندو تجربة في الحياة
و كان بيحترمني جدا و أنا بحترمو جدا جدا
لأنو تعلقو بالغنية دي بالذات و بسيف الجامعة كان لافت جدا
في نفس الفترة .. سيف الجامعة جا حفلة في النادي الشرقي بكنانة
و للأسف ما عرفنا الا تاني يوم .... و الله صاحبي ده زعل شديد
على ما أظن كان الغنية اسمها (مريم ومي ) و الله ما عارف
لكن مقطع ظلموك يا مريم ... انا متأكد منو و متزكرو
عليك الله يا ناذر لو معلومتي دي غلط صححها لي
يا سلام يا ناذر .... و الله الغنية شديدة وزوقك أشد منها 
سيف الجامعة و محجوب شريف ... الكلام انتهى ! 
طبعا احنا ما زيكم محللين و نقاد
تحياتي
|
Post: #14
Title: Re: مجنون جن يا سيف الجامعة !!
Author: طارق عبد اللطيف نقد
Date: 05-02-2007, 11:26 AM
Parent: #1
والله يا ناذر انته المجنون جن
طبعا اجتمع الابداع
محجوب شريف
طارق ابوعبيده
واخيرا المبدع سيف الجامعه
والرائع النزله ناذر محمد الخليفه
وبتذكر يا ناذر في بداية التسعينات
طارق ابوعبيده لحنه لينا وكنا بنغنيها
في كورال الكلاكله بجامعة القاهره الفرع
وطبعا انا ما بغني معاهم لكن مستمع جيد
|
Post: #15
Title: Re: مجنون جن يا سيف الجامعة !!
Author: سلمى الشيخ سلامة
Date: 05-02-2007, 12:48 PM
Parent: #1
يا ناذر ازيك انت اول مرة تسمع الاغنية دى ؟ يا ريتك كنت تشوف سيف فى شبين الكوم او اسكندرية او القاهرة لمن يقول ( مريم محمود راحت شقيقش ) وتلقى كل الناس بتبكى ، او لمن يكون سيف محمد كما يحلو لى تسميته وهو يغنى فى بيت السنى تلك الاغنية وتجدهما معا هو ومصطفى سيد احمد ينقلان الالحان الى باحة القلب ولا تخرج لا تخرج يا صديقى لان سيف مسكون بالطرب ، والالحان والاختيار الدقيق للكلمات لك الحب يا ناذر وتحياتى لسيف محمد اينما وجدته
|
Post: #16
Title: Re: مجنون جن يا سيف الجامعة !!
Author: الشيخ إبراهيم الشيخ
Date: 05-02-2007, 01:45 PM
Parent: #15
ناذر والله جنك زاتو لذيذ
تعرف رجعتني لكم سنة كدة لورى ايام سيف كان في
الامارات ومرة مرة بجينا في العين مع خالك الحلنقي
والاستاذ تاج السر ابو العايلة وبقية العقد الفريد
تعرف كان بغني البلوم في فرعه غنى تقول يا دوب اول
مرة اسمعها من شدة جمال الاداء وحلاوة الصوت ... سيف
ده متحف رسمي من الابداع زول مسكون عديل كدة وحاتك.
صنفرة ما زي حقتك:
لكن ده ما بجدعو معاها الحفظ وما تقول لي
استاذ لؤي انا طالب بليد خالص وبحب الجاهزة
بعدين لو عندك مريم ومي ما تبخل علينا
واوعك تقولي ما عندي ولا ما سمعتها
مودتي
|
Post: #17
Title: Re: مجنون جن يا سيف الجامعة !!
Author: ناذر محمد الخليفة
Date: 05-02-2007, 01:54 PM
Parent: #1
مجاهد عبد الرحمن ..
Quote: نرجو فضلاً لا أمراً إن كان بحوزتك أغنيته أعذريني أن تكرمنا بها
لأن سيف هو الوحيد الذي يعطي الكلمات حقها ومستحقها من الاحساس
هذا بجانب الابهار في عملية الأداء الصوتي
|
يا خي والله زوقك هو الأجن !!
أغنية أعذريني من كلمات الحلنقي وألحان صلاح إدريس من أجمل ما تغنى سيف الجامعة في الفترة الأخيرة ..
رغم إنو في فنانين كتار غنوها زي جمال فرفور وكم واحد كدة من الفنانين الجداد لكن عند سيف عندها طعم خاص ..
موجودة عندي طبعا (دا كلامك ؟) وحا تلقاها في المنبر عما قريب ..
|
Post: #18
Title: Re: مجنون جن يا سيف الجامعة !!
Author: ناذر محمد الخليفة
Date: 05-02-2007, 01:56 PM
Parent: #1
نزار حسين ..
كيفك يا زول يا مجنون .!
Quote: ما تراكم انت وبقال لسة بتهظرو مع بعض يا ناذر...
|
ما تخدعك المظاهر يا زول ..
الشي البتقول عليهو هظار أنا بسميهو مغرزة من المغارز البتحصل بيني وبين بقال .. نظام يوم ليك والتانية عليك وكدة ..
|
Post: #20
Title: Re: مجنون جن يا سيف الجامعة !!
Author: حبيب نورة
Date: 05-02-2007, 02:07 PM
Parent: #18
أحي انا
جنس شوطنة
شكرن كتيرن!
|
Post: #19
Title: Re: مجنون جن يا سيف الجامعة !!
Author: ناذر محمد الخليفة
Date: 05-02-2007, 02:03 PM
Parent: #1
سلام يا محمد فرح ..
Quote: حقيقي أنا أحفظ ألبومه بتاع وصتني وصيتها عن ظهر قلب بس الألبومات التانيه إلا أسمع أغانيها طشاش طشاش ...
|
بالغت والله !! إنت قديم جدا كان كدة ..
أمشي أسأل من ألبومات (القمر المجنون) و (بروق بسيمتك) و (ليلة) و (عشان تسأل) و (قلب محروق) .. وأهم من دا كلو تشتري ألبوم (حا تتفاجأ) بيعزف ليهو فيهو عوض أحمودي ودا كبير الجن زاتو ..
Quote: بس مرات الزول ده بشتر الطاقيه شتره بت كلب
أنا متأكد إنو مافي زول ممكن يقنع سيف الجامعه مايلبس طاقيه لكن ياريت لو في واحد يختار ليهو الطواقي البلبسها .....
|
شايف دا راي حسين ملسي برضو !!
يا أخوانا طاقية طواقي سيف وبناطلين الجنز البتبشتن شكة القميص بتاعو أختوها وخلو بالكم بس مع صوتو !! هو الفنان بيغني من حنجرتو ولا من طاقيتو ؟!!
| Quote: ولك من الود مؤونة عام |
فيك الخير !!
|
Post: #21
Title: Re: مجنون جن يا سيف الجامعة !!
Author: ناذر محمد الخليفة
Date: 05-02-2007, 02:08 PM
Parent: #1
غباشي مشتاقون والله ..
Quote: يا الله .... يا أبو النذر
و الله يا حبيب رجعت بي زمن كدة زي 3 سنوات لي ورا ..... كنت في مأمورية في النيل الأبيض
و الغنية كنت كل يوم بسمع منها مقاطع و أنقر الشريط بتاع منو؟
الشريط بتاع عامل بسيط كان شغال تبع عمالنا !!!!
و الله يا ناذر العامل ده كان صاحبي عديييل
ما كمل قرايتو .. لكن عندو تجربة في الحياة
و كان بيحترمني جدا و أنا بحترمو جدا جدا
|
طبعا يا غباشي نوعية الأغاني البسيطة دي بتلقى ليها مكان بسرعة جدا في قلوب الغبش والبسطاء زيها وزي عم عبد الرحيم بتاعت مصطفى ديك ..
Quote: على ما أظن كان الغنية اسمها (مريم ومي ) و الله ما عارف
لكن مقطع ظلموك يا مريم ... انا متأكد منو و متزكرو
|
سيف عندو غنية تانية برضو لي محجوب شريف إسمها مريم ومي موجودة في نفس الشريط ..
Quote: و الله الغنية شديدة وزوقك أشد منها
سيف الجامعة و محجوب شريف ... الكلام انتهى ! |
بالضبط أو زي ما بيقول عمنا السر قدور (رفعت الجلسة) ..
تسلم يا غباشي .
|
Post: #24
Title: Re: مجنون جن يا سيف الجامعة !!
Author: شهاب الفاتح عثمان
Date: 05-02-2007, 02:17 PM
Parent: #21
ايا ناذر يبدو ان رواياتك الثلاث صحيحه !.
لك ولهم التحيه .
|
Post: #22
Title: Re: مجنون جن يا سيف الجامعة !!
Author: ناذر محمد الخليفة
Date: 05-02-2007, 02:13 PM
Parent: #1
طارق عبد اللطيف ..
يا خي والله مداخلتك دي بددت فيني الشك ..
Quote: والله يا ناذر انته المجنون جن
طبعا اجتمع الابداع
محجوب شريف
طارق ابوعبيده
واخيرا المبدع سيف الجامعه
والرائع النزله ناذر محمد الخليفه
وبتذكر يا ناذر في بداية التسعينات
طارق ابوعبيده لحنه لينا وكنا بنغنيها
في كورال الكلاكله بجامعة القاهره الفرع
|
قبل ما أنزل البوست دا ضربت لي كم واحد عشان أتأكد إذا ما كان طارق أبو عبيدة هو اللحن الغنية دي لأني كنت شاكي فيها ومتذكر إنو طارق قبل كدة كلمني عنها بحضور صديق مشترك ، إتصلت على الصديق دا وسألتو فقال هو ما متأكد ، وفي النهاية إتوكلت وكتبت إسم طارق بدون ما أقول هو اللحن الأغنية لأني كنت متأكد إنو في زول حا يجي يزيل الشك ..
والحمد لله إنت جيت لأنو لو كان في واحد جا قبليك وقال لي الدخل طارق هنا شنو كنت حا أتجهجه جهجهة شديدة خلاص بي عدم تأكدي ..
التحية للفنان طارق أبو عبيدة أحد أهم أضلاع أغنية مريم محمود صاحب هذا اللحن ..
تشكر كتير يا طارق ..
|
Post: #23
Title: Re: مجنون جن يا سيف الجامعة !!
Author: Elmosley
Date: 05-02-2007, 02:14 PM
Parent: #1
تحياتي لسيف وقول ليهو الموصلي
عافي ليك ملامح السندسية الموجودة في المقدمة
مانحن جيل واحد
والعفو ده لانني معجب
|
Post: #25
Title: Re: مجنون جن يا سيف الجامعة !!
Author: وليد محمد المبارك
Date: 05-02-2007, 02:22 PM
Parent: #23
ابو النا
والله لو لحقتها لينا بي زر حفظ وتحميل تكون ما قصرت
ولو كمان رفعت لينا عيشكن يا قماري علي بصوت ليك في تصويت السنة الجاية
شكرا كتير يا مان
|
Post: #26
Title: Re: مجنون جن يا سيف الجامعة !!
Author: ناذر محمد الخليفة
Date: 05-02-2007, 02:22 PM
Parent: #1
يا سلام يا سلمي ...
| Quote: يا ناذر ازيك انت اول مرة تسمع الاغنية دى ؟ يا ريتك كنت تشوف سيف فى شبين الكوم او اسكندرية او القاهرة لمن يقول ( مريم محمود راحت شقيقش ) وتلقى كل الناس بتبكى ، او لمن يكون سيف محمد كما يحلو لى تسميته وهو يغنى فى بيت السنى تلك الاغنية وتجدهما معا هو ومصطفى سيد احمد ينقلان الالحان الى باحة القلب ولا تخرج لا تخرج يا صديقى لان سيف مسكون بالطرب ، والالحان والاختيار الدقيق للكلمات لك الحب يا ناذر وتحياتى لسيف محمد اينما وجدته |
تعرفي الأغنية دي عندي معاها قصة غريبة جدا ..
سنة 1997 في الهند في مدينة إسمها بونا كان في كورال بتاع الجبهة الديمقراطية بيتجهز لي إحتفالات في المدينة وأنا جيت زائر فطوالي إنقشطت معاهم في الكورال ولقيت الضابط بيلقن في الأغنية دي ودي أول مرة كان أسمعا ..
رسلت للسودان كم مرة لكن ولا واحد من أصحابي كان عندو الشريط دا وفي السوق ما متوفر .. وقالو ما بيتلقي إلا في القاهرة ..
المهم قنعت .. وبعد ما رجعت السودان قدر ما فتشت ليو ما لقيتو .. وفي يوم من الأيام جيت موقف الكلاكلات الجمب الإستاد ولقيت الناس الفارشين شرائط في الشمس وقفت كايس لي شريط تاني .. وفجأة لقيت شريط سيف الكايس ليو بالسنوات متحكر في نص الشرائط !!
طبعا إتخلعت جدا جدا لأني ما متوقع ألقاهو طوالي إشتريتو منو بي سعر زهيد جدا ما أكتر من تلاتة ألف جنيه .. والزول البيبيعو لو كان عارف أنا كايس للشريط دا ومتلهف ليو من كم سنة كان أكيد حا يبيعو لي بي تلتين ألف !! وبكل تأكيد كنت حا أدفع ليهو أي حاجة هو يقول عاوزا ..
تسلمي يا سلمى ..
|
Post: #27
Title: Re: مجنون جن يا سيف الجامعة !!
Author: ناذر محمد الخليفة
Date: 05-02-2007, 02:28 PM
Parent: #1
راجعي البوست دا يا سلمى
|
Post: #28
Title: Re: مجنون جن يا سيف الجامعة !!
Author: ناذر محمد الخليفة
Date: 05-02-2007, 02:34 PM
Parent: #1
الشيخ ..
Quote: تعرف رجعتني لكم سنة كدة لورى ايام سيف كان في
الامارات ومرة مرة بجينا في العين مع خالك الحلنقي
والاستاذ تاج السر ابو العايلة وبقية العقد الفريد
تعرف كان بغني البلوم في فرعه غنى تقول يا دوب اول
مرة اسمعها من شدة جمال الاداء وحلاوة الصوت ... سيف
ده متحف رسمي من الابداع زول مسكون عديل كدة وحاتك.
|
أها أنا أقول ليك حاجة ..
عندي شريط بتاع جلسة فنية مسجل في الإمارات سيف بيغني فيهو البلوم ومعاها رائعة ود الأمين (قلنا ما ممكن تسافر) .. تبكي بس ..
Quote: لكن ده ما بجدعو معاها الحفظ وما تقول لي
استاذ لؤي انا طالب بليد خالص وبحب الجاهزة
بعدين لو عندك مريم ومي ما تبخل علينا
واوعك تقولي ما عندي ولا ما سمعتها
|
اللنك بيجيك هسي ومريم ومي موجودة .. إنت بس روق المنقة شوية عشان أنزلا ليك ..
للأسف في بوست كاتبو طارق أبو عبيدة قبل كم سنة عن الموضوع دا لكن هسي إختفى من المنبر قدر ما كست ليهو ما لقيتو !!!
|
Post: #29
Title: Re: مجنون جن يا سيف الجامعة !!
Author: ناذر محمد الخليفة
Date: 05-02-2007, 02:36 PM
Parent: #1
SAVE 2 PC
رابط الحفظ ..
|
Post: #30
Title: Re: مجنون جن يا سيف الجامعة !!
Author: ناذر محمد الخليفة
Date: 05-02-2007, 02:37 PM
Parent: #1
حبيب نورة ..
Quote:
أحي انا
جنس شوطنة
شكرن كتيرن! |
مش كدة بللاي ..
الشوطنة زاتا شوية علي الحاصل دا ..
|
Post: #31
Title: Re: مجنون جن يا سيف الجامعة !!
Author: ناذر محمد الخليفة
Date: 05-02-2007, 02:39 PM
Parent: #1
دكتور شهاب الفاتح ..
Quote: ايا ناذر يبدو ان رواياتك الثلاث صحيحه !.
لك ولهم التحيه . |
ما تنسى رواية بقال الرابعة لمن قال لي
| Quote: وفي رواية ثالثة وهي الاصح مشوطن يا ناذر الخليفة |
هو طبعا قادي حساب فإفتكر روايتو هي التالتة
|
Post: #32
Title: Re: مجنون جن يا سيف الجامعة !!
Author: ناذر محمد الخليفة
Date: 05-02-2007, 02:40 PM
Parent: #1
الموصلي ..
Quote: تحياتي لسيف وقول ليهو الموصلي
عافي ليك ملامح السندسية الموجودة في المقدمة
مانحن جيل واحد
والعفو ده لانني معجب |
والله ريحة الأماني السندسية فايحة فوح من المقدمة ومالية الحلة
بس ما عارف الكلام دا أقولو لي سيف ولا لي طارق
|
Post: #33
Title: Re: مجنون جن يا سيف الجامعة !!
Author: ناذر محمد الخليفة
Date: 05-02-2007, 02:42 PM
Parent: #1
وليد المبارك ..
Quote: اتبو النا
والله لو لحقتها لينا بي زر حفظ وتحميل تكون ما قصرت
ولو كمان رفعت لينا عيشكن يا قماري علي بصوت ليك في تصويت السنة الجاية
|
زر الحفظ حا تلقاهو فوق ..
وعيشكن يا قماري أصبر لي شوية لحدي ما تروح سكرتنا العملتا فينا الغنية دي
|
Post: #34
Title: Re: مجنون جن يا سيف الجامعة !!
Author: عاصم احمد محمد أبوحجل
Date: 05-02-2007, 03:20 PM
Parent: #33
عزيزي نازر الخليفه
انا برضو بفتش عنك فتيش
وبرضو
حتلت جواي الأشواق
لك امنياتي وودي العميق
|
Post: #35
Title: Re: مجنون جن يا سيف الجامعة !!
Author: ناذر محمد الخليفة
Date: 05-02-2007, 03:28 PM
Parent: #1
سلامات يا عاصم ...
والله طوالي بسأل منك وعارف روحي مقصر شديد معاك ..
بس الأيامات دي مضغوط جدا جدا والفرقة بقت صعبة الواحد يلقاها ..
لكن إنشاء الله نتقابل قريب ..
سلام شديد يغشاك ...
|
Post: #36
Title: Re: مجنون جن يا سيف الجامعة !!
Author: غباشي
Date: 05-03-2007, 01:56 AM
Parent: #1
| Quote: غايتو الحمد لله العشرين سنة قربو يخلصو ... فاضل ليهم بس شهرين ونخلص من المصيبة دي !! |
ناذر ياقلب
لو الجنترة و الشوطنة بتخليك تجيب جدعات شديدة زي دي و الله يا حبيب ما في طريقة ليك تزوغ
نحن حنمشي للمرة بتاعت الظار (نسأل الله السلامة) و نخليها تجدد ليك عشرين سنة تانية
أو نخلى ولدها يتحرش بيك و تهبتو تاني عشان تجي تصرف ليك العشرين التانية
|
Post: #37
Title: Re: مجنون جن يا سيف الجامعة !!
Author: hamid brgo
Date: 05-03-2007, 02:43 AM
Parent: #36
ناذر للانتاج الاعلامي
شارع مناوي اركو.... عفوا.... شارع البلدية
|
Post: #38
Title: Re: مجنون جن يا سيف الجامعة !!
Author: ناذر محمد الخليفة
Date: 05-03-2007, 05:42 AM
Parent: #1
كيفك يا غباشي .
Quote: ناذر ياقلب
لو الجنترة و الشوطنة بتخليك تجيب جدعات شديدة زي دي و الله يا حبيب ما في طريقة ليك تزوغ
نحن حنمشي للمرة بتاعت الظار (نسأل الله السلامة) و نخليها تجدد ليك عشرين سنة تانية
أو نخلى ولدها يتحرش بيك و تهبتو تاني عشان تجي تصرف ليك العشرين التانية |
تجديد عشرين سنة ما في ليو طريقة لاني حسب البعرفو إنو الجن والشواطين ديل بيأتمرو بي أول أمر بس
بعدين ولد المرة بقى صحبي بس أمو لسع مكاجراني ومصرة ناسا الفي راسي يكملو المدة القانونية الحددتا
|
Post: #39
Title: Re: مجنون جن يا سيف الجامعة !!
Author: ناذر محمد الخليفة
Date: 05-03-2007, 05:43 AM
Parent: #1
برقو ...
Quote: ناذر للانتاج الاعلامي
شارع مناوي اركو.... عفوا.... شارع البلدية |
أها زي نوعية كتابتك دي هي البتهيج علي شواطيني الجد جد
مالك داير تجيب لي الهوى ياخ
|
Post: #41
Title: Re: مجنون جن يا سيف الجامعة !!
Author: القلب النابض
Date: 05-03-2007, 02:47 PM
Parent: #39
مبااااااالغة
كل يوم يزداد احترامي لي طارق ابو عبيدة ..
تحياتي واحترامي
ناذر مبدع وبس
|
Post: #40
Title: Re: مجنون جن يا سيف الجامعة !!
Author: Yasir Elsharif
Date: 05-03-2007, 02:36 PM
Parent: #1
سلامات يا ناذر وشكرا، والتحايا للفنان سيف الجامعة والشاعر محجوب شريف والأخ خدر.. قرأت في واحدة من مداخلاتك نظرتك التالية:
Quote:
ما عارف لكن ...!!!
زي الغنية دي ما إنتهت أو قفلتا ما مفروض تكون كدة أو فيها حاجة ناقصة !!
أو أخر تلاتة أبيات في القصيدة اللي هي :
Quote: تفرحي فرحاً قدر الدنيا
إذا ما كان الطارق صاحب
حالاً نارك بالهبابة لهيبا يبق ..
أقحمت إقحام على الأغنية او خربت على المستمع الشعور الموحد لي خط سير الأغنية والقصيدة بي صفة عامة ؟!!
غايتو في حاجة في خاتمة الأغنية دي ما ياها سواء من ناحية القصيدة أو من ناحية التلحين !!! |
القصيدة مكونة من عدة مشاهد للأم "مريم محمود" وكلها يدخل فيها الشاعر المسكون بحبها والأبيات الثلاثة الأخيرة هي الخاتمة السعيدة عندما يكون الطارق ليس من ناس الأمن الذي يأتون للقبض على الشاعر، بل أحد الأصدقاء وبسرعة تبدأ الأم في إيقاد النار لزوم الضيافة.. شوفتا كيف؟؟
شكرا يا زول شواطينك جابتني..
|
Post: #42
Title: Re: مجنون جن يا سيف الجامعة !!
Author: ناذر محمد الخليفة
Date: 05-03-2007, 05:41 PM
Parent: #40
القلب ...
Quote: مبااااااالغة
كل يوم يزداد احترامي لي طارق ابو عبيدة ..
|
سمعتي ألبوم الغيم بتاع طارق أبو عبيدة والفاتح حسين ولا لا ؟!!
غايتو لو ما سمعتيهو يبقى إحترامك لي طارق سابق لي أوانو !!
|
Post: #43
Title: Re: مجنون جن يا سيف الجامعة !!
Author: محمد عثمان
Date: 05-03-2007, 05:49 PM
Parent: #1
شكرا ناااذر...
|
Post: #44
Title: Re: مجنون جن يا سيف الجامعة !!
Author: ناذر محمد الخليفة
Date: 05-03-2007, 05:56 PM
Parent: #1
دكتور يا سر ...
Quote: القصيدة مكونة من عدة مشاهد للأم "مريم محمود" وكلها يدخل فيها الشاعر المسكون بحبها والأبيات الثلاثة الأخيرة هي الخاتمة السعيدة عندما يكون الطارق ليس من ناس الأمن الذي يأتون للقبض على الشاعر، بل أحد الأصدقاء وبسرعة تبدأ الأم في إيقاد النار لزوم الضيافة.. شوفتا كيف؟؟
|
القفلة ما عجبتني لأنها ما راعت شعور المستمع الكان بيتوقع حاجة تانية غير نهاية سعيدة ..
يعني زي الطلع مريم محمود وكأنها مليانة بالهواجس وإنو هواجسا ما ليها اي علاقة بالحقيقة ..
في حين إنو جرى العرف إنو تكون نوعية الأغاني دي ما بتنتهي نهاية سعيدة ..
عندك مثلا القصيدة دي :
عزة جيتك وما ني خايف
جيت أعزيكي وأكابر
في البنية الجرتقوها
وهسي ودوها المقابر
*************
شلت حزني وجيتك إنتي
جيت أعزيكي وأكابر
إلا بابك كان مقفل
وفوقو واقفين العساكر
المقارنة يا دكتور بين باب مريم محمود البيدق وهي عندها هواجس إنو (ربنا يستر أمكن هم) وباب عزة الـ لي (كان مقفل وفوقو واقفين العساكر) ..
في حالة باب مريم زي كأنو بتوضح إنو عهد الإعتقالات انتهى وإنها المفروض (تفرح فرحاً قدر الدنيا) وما تخاف من اي مستقبل قداما..
وحالة باب عزة اللي لسع العساكر واقفين قدامو والتشاؤم البيملا القصيدة ..
خاتمة قصيدة مريم محمود بتدي إشارات مفادا إنو الناس تتطمن وتبطل هواجس وظنون ..
وقصيدة عزة بتستمر للنهاية في خط تحفيزي محدد لليقظة والإنتباه وإنو ما في امل إلا بي ثورة زي ثورة أبريل وأكتوبر ..
شفت كيف
|
Post: #45
Title: Re: مجنون جن يا سيف الجامعة !!
Author: ناذر محمد الخليفة
Date: 05-03-2007, 05:59 PM
Parent: #1
محمد عثمان ...
شكرا ليك إنت يا زول يا راقي ..
أنا بالمناسبة متابع إسهاماتك الفنية في المنبر ومبسوط منك شديد والله ..
تسلم كتير ...
|
Post: #46
Title: Re: مجنون جن يا سيف الجامعة !!
Author: ناذر محمد الخليفة
Date: 05-03-2007, 10:42 PM
Parent: #45
++
|
Post: #47
Title: Re: مجنون جن يا سيف الجامعة !!
Author: ناذر محمد الخليفة
Date: 05-04-2007, 05:26 PM
Parent: #46
+++
|
Post: #48
Title: Re: مجنون جن يا سيف الجامعة !!
Author: Nasser Mousa
Date: 05-04-2007, 05:47 PM
Parent: #47
الاخ / ابو النيز
رجل المهام الصعبة
Quote: لكن في نفس اليوم شعرت بي شي ما طبيعي في مخي وتركيزي ما ياهو وكمان بهضرب وبتصرف تصرفات غريبة وبكورك بالليل لمن ناس بيتنا يربطوني في كراع العنقريب .. فطوالي عرفت إنها دي شواطين الولية ديك عاملين لي توطش في سلوك راسي !!
غايتو الحمد لله العشرين سنة قربو يخلصو ... فاضل ليهم بس شهرين ونخلص من المصيبة دي !! |
لمن قريت الكلام الفوق ده ما صدقت الرواية ده
ولكن لمن قريت الكلام التحت ده اتحيرتها
واضحكتني اكتر من ساعة وفعلا صدقت قصة الشوطنة ده
Quote: شنكل :
بالمناسبة يا بقال صورة بروفايلك دي كبيرة شويةو وخاربة منظر البوست ..
صغرتها ليك خدمة مني لله في الله كدي .. ختها التحت دي محل ديك |
ودايما انت الفنان يا ناذر
خالص ودي
ناصر موسى
|
Post: #49
Title: Re: مجنون جن يا سيف الجامعة !!
Author: ناذر محمد الخليفة
Date: 05-04-2007, 07:48 PM
Parent: #48
سلامات يا ناصر ...
مع بقال دا بقو علي شياطين في مكانين ..
جزء في الراس وجزء في السايبر ..
حقين الراس قربنا نتحل منهم ... حقين السايبر مدتم كم سنة لا سمح الله !!!
|
Post: #50
Title: Re: مجنون جن يا سيف الجامعة !!
Author: غباشي
Date: 05-04-2007, 09:01 PM
Parent: #1
مجنوووووووووووون ........ مجنووووووووووون يا ناذر ....
|
Post: #51
Title: Re: مجنون جن يا سيف الجامعة !!
Author: ناذر محمد الخليفة
Date: 05-04-2007, 10:21 PM
Parent: #50
كلها شهريييييييييييييييييييييين شهريييييييييييين يا غباشي 
|
Post: #53
Title: Re: مجنون جن يا سيف الجامعة !!
Author: ناذر محمد الخليفة
Date: 05-04-2007, 10:58 PM
Parent: #52
الأمين ...
صورة سيف دي جبتها من وين ؟!!!
الظاهر جديدة لنج !!
أكيد جبتها من الأبى يشتغل عندي داك
|
Post: #54
Title: Re: مجنون جن يا سيف الجامعة !!
Author: الأمين عثمان صديق محمد
Date: 05-04-2007, 11:18 PM
Parent: #53
Quote: الأمين ...
صورة سيف دي جبتها من وين ؟!!!
الظاهر جديدة لنج !!
أكيد جبتها من الأبى يشتغل عندي داك |
هي فعلا جديدة
قلت يمكن تفهمني وتغير لي سيف
من القميص والبنطلون ديل للبدلة
وكل ما عايز تبدل كلمني
عندي ليهو كمية من البدل والقمصان
بس ديل ما بي الاي بي
ديل بي كرت الديجتال داك
|
Post: #55
Title: Re: مجنون جن يا سيف الجامعة !!
Author: ناذر محمد الخليفة
Date: 05-05-2007, 05:44 AM
Parent: #54
خلاص يا الأمين إعتمدنا الصورة
|
Post: #56
Title: Re: مجنون جن يا سيف الجامعة !!
Author: ناذر محمد الخليفة
Date: 05-05-2007, 05:19 PM
Parent: #1
++
|
|
