Post: #1
Title: مرة تانية وتالتة : على كيفي أرقعها أو لا أرقعها ..
Author: ناذر محمد الخليفة
Date: 04-20-2007, 09:16 AM
|
Post: #2
Title: Re: مرة تانية وتالتة : على كيفي أرقعها أو لا أرقعها ..
Author: ناذر محمد الخليفة
Date: 04-20-2007, 09:21 AM
Parent: #1
لا تسأل عن الكيف حبيبي أنت يا..
ياوطن النجوم الزهر سلهم...
سلهم كيف..
لماذا لم يخلوني على كيفي..
أنا في هذه الدنيا علي كيفي..
سأبقي ما حييت أنا علي كيفي..
أنا في هذه الدنيا علي كيفي..
الي أن تطهر الدنيا وينزل سيدي عيسي..
لأن طريقتي في الحب يا وطني على كيفي..
لأن طريقتي في الحب يا وطني على كيفي..
لأن طريقتي في الحب يا وطني على كيفي..
لأن طريقتي في الحب يا وطني على كيفي..
|
Post: #3
Title: Re: مرة تانية وتالتة : على كيفي أرقعها أو لا أرقعها ..
Author: ناذر محمد الخليفة
Date: 04-20-2007, 09:24 AM
Parent: #1
سئمت هشاشة الترميز مابعد الذبى يا سيل من شي
لمن يا طبل والخرطوم غائبة وأمدرمان والنيلان يختلفان
والاطفال في الخيران الحرب الدمار دموع
كيف الحال ؟ لا تسأل عن الكيف
حبيبي انت يا وطن النجوم الزهر سلهم كيف
سلهم عني
لماذا لم يخلوني على كيفي ؟!!
|
Post: #4
Title: Re: مرة تانية وتالتة : على كيفي أرقعها أو لا أرقعها ..
Author: ناذر محمد الخليفة
Date: 04-20-2007, 09:24 AM
Parent: #1
لو لم يكتب الكتيابي شيئاً خلاف هذه القصيدة لكفاه !!
ولو لم يلحن همزة سليمان نصاخلاف (على كيفي) لكفاه برضو !!
|
Post: #5
Title: Re: مرة تانية وتالتة : على كيفي أرقعها أو لا أرقعها ..
Author: Muna Khugali
Date: 04-20-2007, 09:28 AM
Parent: #4
هي فعلا غنيه بالمعاني ورائعة التلحين..
|
Post: #6
Title: Re: مرة تانية وتالتة : على كيفي أرقعها أو لا أرقعها ..
Author: تاج السر حسن
Date: 04-20-2007, 09:41 AM
Parent: #5
يا حبه
يبقو كده كم واحد على كيفو ؟؟؟
انا وكتيابى ومنو تانى؟
وسمعت بى سلطان الكيف ؟؟
عنكبه:-
امشى على كيفك وأكتب على كيفك لكن خلى بالك
|
Post: #7
Title: Re: مرة تانية وتالتة : على كيفي أرقعها أو لا أرقعها ..
Author: abubakr
Date: 04-20-2007, 09:45 AM
Parent: #1
Quote: لو لم يكتب الكتيابي شيئاً خلاف هذه القصيدة لكفاه !!
ولو لم يلحن همزة سليمان نصاخلاف (على كيفي) لكفاه برضو !! |
|
Post: #8
Title: Re: مرة تانية وتالتة : على كيفي أرقعها أو لا أرقعها ..
Author: ناذر محمد الخليفة
Date: 04-20-2007, 09:58 AM
Parent: #1
سلام يا منى ...
| Quote: هي فعلا غنيه بالمعاني ورائعة التلحين.. |
ما تتصوري الغنية دي عاملة فيني شنو ..
لي أكتر من شهر بقيت مجرد ما أقعد في الكمبيوتر لازم أسمعا أول قبل أي حاجة تانية ..
|
Post: #9
Title: Re: مرة تانية وتالتة : على كيفي أرقعها أو لا أرقعها ..
Author: ناذر محمد الخليفة
Date: 04-20-2007, 09:59 AM
Parent: #1
تاج السر ..
Quote: عنكبه:-
امشى على كيفك وأكتب على كيفك لكن خلى بالك |
كلامك دا هو الجاب لي الهوا بي هناك 
معناتو أقرص وألبد مش ؟!!
|
Post: #10
Title: Re: مرة تانية وتالتة : على كيفي أرقعها أو لا أرقعها ..
Author: ناذر محمد الخليفة
Date: 04-20-2007, 10:00 AM
Parent: #1
أبو بكر ..
Quote: لو لم يكتب الكتيابي شيئاً خلاف هذه القصيدة لكفاه !!
ولو لم يلحن همزة سليمان نصاخلاف (على كيفي) لكفاه برضو !! |
ولو لم يستمع ناذر خليفة لأي أغنية بخلاف على كيفي لكفاه برضو ..
|
Post: #11
Title: Re: مرة تانية وتالتة : على كيفي أرقعها أو لا أرقعها ..
Author: Hussein Mallasi
Date: 04-20-2007, 10:07 AM
Parent: #10
متين حيتنازل حمزة و يطلع لينا شريط على كيفو و .. كيفنا!
|
Post: #12
Title: Re: مرة تانية وتالتة : على كيفي أرقعها أو لا أرقعها ..
Author: ناذر محمد الخليفة
Date: 04-20-2007, 10:30 AM
Parent: #1
كيفك يا ملاسي ..
والله ليك حق في التساؤل ..
غايتو الحمد لله الواحد بيلاقي أعمال همزة سليمان حايمة في النيت وبيلقط منها ..
|
Post: #13
Title: Re: مرة تانية وتالتة : على كيفي أرقعها أو لا أرقعها ..
Author: abubakr
Date: 04-20-2007, 10:31 AM
Parent: #1
يا ناذر
برضو
ابوبكر
|
Post: #14
Title: Re: مرة تانية وتالتة : على كيفي أرقعها أو لا أرقعها ..
Author: ناذر محمد الخليفة
Date: 04-20-2007, 10:38 AM
Parent: #1
يا أخوانا ..
الداير يستمتع بالأغنية دي بالطريقة الصاح لا زم يكون عندو سماعات كويسة وفيها إمكانية التحكم في الصوت والصدى والحاجات الزي دي ..
|
Post: #15
Title: Re: مرة تانية وتالتة : على كيفي أرقعها أو لا أرقعها ..
Author: mulhim
Date: 04-20-2007, 11:01 AM
Parent: #14
ابو النيذ العزيز ...
تحيات واشواق وعلك بخير ..
| Quote: الداير يستمتع بالأغنية دي بالطريقة الصاح لا زم يكون عندو سماعات كويسة وفيها إمكانية التحكم في الصوت والصدى والحاجات الزي دي .. |
والداير يسمعها باى طريقة تانية .....بـــــــــرضو على كيفة
وبالله الحاجات القاعد تلقاها لاستاذ (همزة) جادعنا بيها هنا عشان نسمع على كيف كيفنا و (نتكيف) ..
وابقى عافية
|
Post: #16
Title: Re: مرة تانية وتالتة : على كيفي أرقعها أو لا أرقعها ..
Author: ناذر محمد الخليفة
Date: 04-20-2007, 03:20 PM
Parent: #15
ملهم ..
Quote: وبالله الحاجات القاعد تلقاها لاستاذ (همزة) جادعنا بيها هنا عشان نسمع على كيف كيفنا و (نتكيف) ..
|
جدا ما عندك مشكلة ..
يمين تباريني بتلقى عندي أغنيات لي همزة هو زاتو ما عندو تسجيلات ليها ..
|
Post: #17
Title: Re: مرة تانية وتالتة : على كيفي أرقعها أو لا أرقعها ..
Author: mulhim
Date: 04-20-2007, 03:33 PM
Parent: #16
ابو النيذ ..... الصديق
Quote:
يمين تباريني بتلقى عندي أغنيات لي همزة هو زاتو ما عندو تسجيلات ليها .. |
مالى ما بباريك ما خلاص رجعت تاااانى للبلد ديك ..
اها البتلقى ليه موضوع من اغانى (همزة) جادعه بجاى والما بتلقى ليه خانة ..
بتلقانى مصنقر محل ماعارف وبرضو جادعه بغادى..
والسلام
|
Post: #18
Title: Re: مرة تانية وتالتة : على كيفي أرقعها أو لا أرقعها ..
Author: ناذر محمد الخليفة
Date: 04-20-2007, 03:43 PM
Parent: #17
يا ملهم ..
أمشي مكتبتي حا تلقى بوست إسمو (سمحة القدلة فوق مختار المو فشار) فيهو غنية لي همزة .. ولو مشيت أرشيف الربع الاول من 2007 حا تلقى بوست أنا كاتبو إسمو (همزة سليمان يرثي قرنق) أو حاجة بالشكل دا حا تلقى فيهو ملحمة رائعة جدا ..
أمش لقط ديل وبعد داك تعال أوصف ليك باقي البتاعات قاعدة وين ..
|
Post: #19
Title: Re: مرة تانية وتالتة : على كيفي أرقعها أو لا أرقعها ..
Author: بشير دفع الله
Date: 04-20-2007, 04:07 PM
Parent: #18
عزيزنا نازر
سلامات .. ويا سلام عليك ،أسمعتنا جميلا ، لانو لينا يومين وهاك بلاوى كلامات كلامات ..
|
Post: #20
Title: Re: مرة تانية وتالتة : على كيفي أرقعها أو لا أرقعها ..
Author: ناذر محمد الخليفة
Date: 04-20-2007, 06:41 PM
Parent: #19
سلامات يا بشير ..
| Quote: سلامات .. ويا سلام عليك ،أسمعتنا جميلا ، لانو لينا يومين وهاك بلاوى كلامات كلامات .. |
والله الواحد لو ليهو مراد يبطل الكتابة في المنبر دا ويتفرغ بس للإستماع لجميل الالحان .
تسلم للمرور .gif)
|
Post: #21
Title: Re: مرة تانية وتالتة : على كيفي أرقعها أو لا أرقعها ..
Author: الشفيع عوض شوشتا
Date: 04-20-2007, 06:46 PM
Parent: #20
ايوة كدا ..
لغاية ما (يقضي الله أمراً كان مفعولاً )
خليك مع الاغاني و (همزة)
------
خبرك ..
|
Post: #22
Title: Re: مرة تانية وتالتة : على كيفي أرقعها أو لا أرقعها ..
Author: طارق جبريل
Date: 04-20-2007, 06:53 PM
Parent: #1
ةينا نستمتع
|
Post: #23
Title: Re: مرة تانية وتالتة : على كيفي أرقعها أو لا أرقعها ..
Author: ناذر محمد الخليفة
Date: 04-20-2007, 07:01 PM
Parent: #1
شوشتا
كيف الحال لا تسأل عن الكيف ..
Quote: ايوة كدا ..
لغاية ما (يقضي الله أمراً كان مفعولاً )
خليك مع الاغاني و (همزة)
------
خبرك .. |
أنا أساسا قررت أكون مع الأغاني .. ومرة مرة بنقابض .gif)
مشتاقين والله .. جهازي لسع معكلت والخط فيهو إشكالية او ما شابه ..
من بكرة إنشاء الله بظهر بي هناك ..
|
Post: #24
Title: Re: مرة تانية وتالتة : على كيفي أرقعها أو لا أرقعها ..
Author: ناذر محمد الخليفة
Date: 04-20-2007, 07:02 PM
Parent: #1
طارق جبريل .
حبابك ... علي صوت السماعات شوية وإستمتع بي نبرات حنجرة همزة في الغنية دي .gif)
|
Post: #25
Title: Re: مرة تانية وتالتة : على كيفي أرقعها أو لا أرقعها ..
Author: Fadl Karrar
Date: 04-20-2007, 11:50 PM
Parent: #24
والله العظيم يا ناذر
وتاني والله العظيم
أنا متكيف منك كيف
كيف
ياخي أنا حقو بعد دا أشجع دينمو كييف
مش علي كيفي؟؟
أنا لاقيتك فى رمضان ما وفى مكان ماقبل سنتين وشوية
وتاني لاقيتك يوم حفل غادة نوري
يعني مرتين بس
لكن متابعك فى البوستات
ومستمتع متعة مبالغ فيهابي جمالياتك
الغريبة نهارك طوب ومغالق وأسمنت وعتالة
وبالليل طروب درجة أولي
جيكل إنت ولا مستر هايد
خلال تلاتة سنين
ما عرفت كتار ، لكنهم صفوة
الكتيابي ، دكتور حساس وناس جميلين داخرهم للزمن الأغبر
معليش كترت عليك الكلام وقلت كلام مفروض ما يتقال
ولكني
علي كيفي
|
Post: #26
Title: Re: مرة تانية وتالتة : على كيفي أرقعها أو لا أرقعها ..
Author: Mahjob Abdalla
Date: 04-21-2007, 02:37 AM
Parent: #1
Well, it would be better as RAP music
|
Post: #27
Title: Re: مرة تانية وتالتة : على كيفي أرقعها أو لا أرقعها ..
Author: HAMZA SULIMAN
Date: 04-21-2007, 06:33 AM
Parent: #26
يا ود الخليفة
الله يجفظك ويرعاك واشكرك لاهتمامك باغنية
على كيفى
ياخى انت مبالغة
وتحياتى وشكرى لكل المتداخلين
تحياتى
|
Post: #28
Title: Re: مرة تانية وتالتة : على كيفي أرقعها أو لا أرقعها ..
Author: Amjed
Date: 04-21-2007, 06:58 AM
Parent: #1
ya nazir wo hamza
ma tadona save links yakhi
|
Post: #29
Title: Re: مرة تانية وتالتة : على كيفي أرقعها أو لا أرقعها ..
Author: عماد محمود علي
Date: 04-21-2007, 11:10 AM
Parent: #28
عزيزي الكريم وصديقي النبيل ناذر
صباحاتك حلوه وجميلة جمال الأغنية ، ، ،
| Quote: لماذا لم يخلوني على كيفي ؟!! |
ده السؤال الذي لم نجد له جواب حتى الآن . بس تعرف ... ولا خليها في سرك أحسن ، ســلام يا صحبي ....
|
Post: #30
Title: Re: مرة تانية وتالتة : على كيفي أرقعها أو لا أرقعها ..
Author: ناذر محمد الخليفة
Date: 04-21-2007, 02:43 PM
Parent: #1
فضل كرار ..
Quote: أنا لاقيتك فى رمضان ما وفى مكان ماقبل سنتين وشوية
وتاني لاقيتك يوم حفل غادة نوري
يعني مرتين بس
لكن متابعك فى البوستات
ومستمتع متعة مبالغ فيهابي جمالياتك
|
بالله هم مرتين بس !! أنا والله من شدة ما مبادلك الشعور قايل روحي بقابلك كل يوم
Quote: الغريبة نهارك طوب ومغالق وأسمنت وعتالة
وبالليل طروب درجة أولي
جيكل إنت ولا مستر هايد
|
وبعد المغرب بي شوية ولحدي الساعة تسعة برمي طعمية وأبيعا قدام خشم باب بيتنا برضو ..
Quote: خلال تلاتة سنين
ما عرفت كتار ، لكنهم صفوة
الكتيابي ، دكتور حساس وناس جميلين داخرهم للزمن الأغبر
|
وديل حالتو ما كتار !!
إنت أكتر من ديل داير تعرف منو ؟! والله ديل كفاية لمن فايضين ..
تسلم كتير وخلينا نشوفك قريب ..
|
Post: #31
Title: Re: مرة تانية وتالتة : على كيفي أرقعها أو لا أرقعها ..
Author: ناذر محمد الخليفة
Date: 04-21-2007, 02:44 PM
Parent: #1
محجوب عبد الله ..
وين السنفرة الليلة !!
| Quote: Well, it would be better as RAP music |
دي ما فهمتها !! كدي أشرحا لي بالعربي ..
|
Post: #32
Title: Re: مرة تانية وتالتة : على كيفي أرقعها أو لا أرقعها ..
Author: ناذر محمد الخليفة
Date: 04-21-2007, 02:50 PM
Parent: #1
سلامات يا همزة ..
Quote: يا ود الخليفة
الله يجفظك ويرعاك واشكرك لاهتمامك باغنية
على كيفى
|
والله أنا شاعر إنو الغنية دي هي البتهتما بي مش أنا البهتم بيها ..
قدر ما أفتح الجهاز وفي أي DRIVE بلقاها متحكرة .. يعني مستهدفاني عدييل كدة وانا ما بقدر أقاوم وطوالي ببدا بيها كأول أغنية أشغلا ..
لاحظ إنو البوست دا مكرر .. وحتى جذء من زوارو بتاعين المرة الفاتت تاني جو وعدد الزوار برضو ما شاء الله ..
غايتو يا همزة أنا والله الشمار كاتلني عديييييييل كدة .. نفسي بس يكون عندك الكواليس بتاعت بروفات الأغنية دي (فيديو) والمحاولات التمت لحدي ما طلعت بالطريقة الخرافية دي !
لكن طبعا للأسف أكيد ما عندك ..
أصلو نحن السودانيين ما بنهتم كتير بي التوثيق لي مراحل أي عمل بيتم وبتهمنا بس الخلاصة ..
ولا موكدي !
غايتو ما عارف أقول ليك شنو !! بس ربنا يخليك لينا ..
|
Post: #33
Title: Re: مرة تانية وتالتة : على كيفي أرقعها أو لا أرقعها ..
Author: ناذر محمد الخليفة
Date: 04-21-2007, 02:52 PM
Parent: #1
أمجد ..
Quote: ya nazir wo hamza
ma tadona save links yakhi |
جدا يا حبيب ..
SAVE 2 PC
|
Post: #34
Title: Re: مرة تانية وتالتة : على كيفي أرقعها أو لا أرقعها ..
Author: ناذر محمد الخليفة
Date: 04-21-2007, 02:54 PM
Parent: #1
عماد محمود ...
وينك يا زول يا راقي ..
Quote: عزيزي الكريم وصديقي النبيل ناذر
صباحاتك حلوه وجميلة جمال الأغنية ، ، ،
|
الحميل فيك إني ما قاعد أصادفك في بوستاتي البكون مدور فيها عجاجة وكويس إنك بتجيني في نوعية البوستات الروعة الزي دي ..
تسلم ..
|
Post: #35
Title: Re: مرة تانية وتالتة : على كيفي أرقعها أو لا أرقعها ..
Author: kamalabas
Date: 04-21-2007, 03:05 PM
Parent: #1
تعرف.يا نازر لماصاحب الجبهة قرر يرقعها بالاسود smc لاقي أستحسانا
وتهليلا ...بأعتبار أن هذا حقه وهو حر في أختيار أعلانه....
وحينما تراجع صاحب الجبة أستجابة للرأي العام (حسب ما قال)
لاقي أستهجانا من مشجعي الرقعة السوداء وسلبوه حق أن يسحب أعلانا
مش غريبة....????
...حتي لايربط البعض بين خيط نازر والاعلان .....أقول أني أستوحيت موضوعي
من خيطك والذي ربما يكون. مصوب في أتجاه أخر مغائر.......
لك الود
كمال
|
Post: #36
Title: Re: مرة تانية وتالتة : على كيفي أرقعها أو لا أرقعها ..
Author: ناذر محمد الخليفة
Date: 04-21-2007, 05:42 PM
Parent: #35
لا لا والله يا كمال ...
ما في أي نوع من الغرض في البوست دا ..
تسلم كتير ...
|
Post: #37
Title: Re: مرة تانية وتالتة : على كيفي أرقعها أو لا أرقعها ..
Author: kamalabas
Date: 04-21-2007, 06:50 PM
Parent: #1
.... شكرا ,...نازر
| Quote: ما في أي نوع من الغرض في البوست دا .. |
عشان كدة قلنا
...Quote: حتي لايربط البعض بين خيط نازر والاعلان .....أقول أني أستوحيت موضوعي
من خيطك والذي ربما يكون. مصوب في أتجاه أخر مغائر....... |
بس مافي مانع نستلف تعبيرك ونوظفه في أتجاه أخر....
كمال
|
Post: #38
Title: Re: مرة تانية وتالتة : على كيفي أرقعها أو لا أرقعها ..
Author: ناذر محمد الخليفة
Date: 04-21-2007, 07:16 PM
Parent: #1
ما عندك مشكلة يا كمال ..
اخت راحتك تماما ..
|
Post: #39
Title: Re: مرة تانية وتالتة : على كيفي أرقعها أو لا أرقعها ..
Author: kamalabas
Date: 04-21-2007, 07:22 PM
Parent: #1
........
| Quote: اخت راحتك تماما .. |
أخت راحتي دي منو? أسمها منو ...?
شكرا يا نازر سأاخذ راحتي علي الاخر وأتوهط علي "كيفي".....
وكيفي قهوة وبس
كمال
|
Post: #40
Title: Re: مرة تانية وتالتة : على كيفي أرقعها أو لا أرقعها ..
Author: abubakr
Date: 04-21-2007, 07:23 PM
Parent: #1
يا ناذر
بتعرف "الرفاي"
طبعا بدلتك المشرطة ما برقعوها بس برفوها ..ما انت زول بندر وبتلبس بدلة مش جلابية
فعلي كيفك رفها ...
|
Post: #41
Title: Re: مرة تانية وتالتة : على كيفي أرقعها أو لا أرقعها ..
Author: ناذر محمد الخليفة
Date: 04-21-2007, 07:46 PM
Parent: #40
كمال عباس ..
إنتو الواحد أصلو ما يغلط معاكم في حرف
Quote: شكرا يا نازر سأاخذ راحتي علي الاخر وأتوهط علي "كيفي".....
وكيفي قهوة وبس
|
الحمد لله كيفك ما بقى حاجة تانية نسأل الله السلامة !!!
|
Post: #42
Title: Re: مرة تانية وتالتة : على كيفي أرقعها أو لا أرقعها ..
Author: ناذر محمد الخليفة
Date: 04-21-2007, 07:48 PM
Parent: #40
أبو بكر ...
Quote: يا ناذر
بتعرف "الرفاي"
طبعا بدلتك المشرطة ما برقعوها بس برفوها ..ما انت زول بندر وبتلبس بدلة مش جلابية
فعلي كيفك رفها ... |
يا زول إتكلم معاي بالعربي
عندي واحد صحبي إسمو إيهاب رفاي .. عازف ساكس رهيب جدا ..
دي علاقتي الوحيدة بي (رفاي)
|
Post: #43
Title: Re: مرة تانية وتالتة : على كيفي أرقعها أو لا أرقعها ..
Author: Dr.Mohammed Ali Elmusharaf
Date: 04-21-2007, 08:22 PM
Parent: #1
ياسلام ياناذر
تعرف انا في الغني اشتر جدا حتي اسال الطيب بشير!!!
لكن مباراة بوستاتك الرائعة دي واهدااتك بقيت مستمع جيد......علي كيفي..علي كيفي
شكرا ليك كتير وشكرا للاستاذ حمزة والرائع الكتيابي
محمد علي المشرف
|
Post: #44
Title: Re: مرة تانية وتالتة : على كيفي أرقعها أو لا أرقعها ..
Author: نهال الطيب
Date: 04-21-2007, 09:04 PM
Parent: #43
لا تسأل عن الكيف حبيبي أنت يا..
ياوطن النجوم الزهر سلهم...
سلهم كيف..
لماذا لم يخلوني على كيفي..
أنا في هذه الدنيا علي كيفي..
سأبقي ما حييت أنا علي كيفي..
أنا في هذه الدنيا علي كيفي..
الي أن تطهر الدنيا وينزل سيدي عيسي..
لأن طريقتي في الحب يا وطني على كيفي..
لأن طريقتي في الحب يا وطني على كيفي..
لأن طريقتي في الحب يا وطني على كيفي..
لأن طريقتي في الحب يا وطني على كيفي
ناذر الفنان
شكرا جزيلا على هذا الجمال
وعليك الله يا ناذر تواصل في نشر الدرر دي
دي وصيتي ليك يافنان
وأختى الكتاحة وخليك في الحدائق
مودتي
|
Post: #45
Title: Re: مرة تانية وتالتة : على كيفي أرقعها أو لا أرقعها ..
Author: عاصم الطيب قرشى
Date: 04-22-2007, 01:56 AM
Parent: #44
التحية لك اخى ناذر وانت تنوب عن كل الموسيقيين فى هذا المنبر,
مرءاتا تعكس الجمال وتزيده ألقا.
الشكر الجزيل للاستاذ عبدالقادر الكتيابى
وهو يسترد عنا حريتنا المسلوبة بعصا موسى
ورمز جبته المرقوعة منتخبا فيها كل الالوان
لتناسب تنوعنا وتعددنا كيفا وكما.
مقلوبة أو ظهرها كبطنها ضربا من الشفافية أو اللا نفاقية
وهكذا السودان كما كان وكما نريده صوفيا بدين الفطرة
اليسر المعاملة المحبة, دينا شعبيا وليس تجاريا
سياسيا كما الحال.
ثم الاحتفاء كل الاحتفاء بالاستاذ حمزة سليمان على
اختيار هذا النص واكمال الرسالة بلحن توفق فيه
أيما توفيق أبرز قيمته الجمالية ورفع صوته جاهرا
ليصل إلى كل المسامع الصم والصاغية منها.
ويكتمل الشكر لطاقم عقد الجلاد وهم يقودون
سفينة التنوير بأشرعة الفن وبوصلة الغناء.
شكرا مكررا
عاصم الطيب
|
Post: #46
Title: Re: مرة تانية وتالتة : على كيفي أرقعها أو لا أرقعها ..
Author: Mohamed Abdelmotalib Hassan
Date: 04-22-2007, 04:50 AM
Parent: #45
أبو النذر يا عجيب
والله دايما نلقي عندك الواحة الوارفة
كلما هدانا التعب , نقول وينك يا ود الخليفة.
خليك كده دايما علي كيفك , ونزل علي كيفك .
شكرا علي كيفي.
شكرا حمزه سليمان.
كونا كما انتم دائما علي كيفيكما.
|
Post: #47
Title: Re: مرة تانية وتالتة : على كيفي أرقعها أو لا أرقعها ..
Author: ناذر محمد الخليفة
Date: 04-22-2007, 09:27 AM
Parent: #1
دكتور المشرف سلامات ..
Quote: ياسلام ياناذر
تعرف انا في الغني اشتر جدا حتي اسال الطيب بشير!!!
لكن مباراة بوستاتك الرائعة دي واهدااتك بقيت مستمع جيد......علي كيفي..علي كيفي
شكرا ليك كتير وشكرا للاستاذ حمزة والرائع الكتيابي
محمد علي المشرف |
يا زول ما في زول أشتر في الإستماع إلا يكون نافد فيهو قدر ربنا ..
هسي عليك الله الإستماع لي الأغنية دي دليرا ليها زول أشتر أو حريف عشان ينطرب بيها ويحسها ..؟!
تسلم ..
|
Post: #48
Title: Re: مرة تانية وتالتة : على كيفي أرقعها أو لا أرقعها ..
Author: ناذر محمد الخليفة
Date: 04-22-2007, 09:31 AM
Parent: #1
نهال الطيب ..
Quote: ناذر الفنان
شكرا جزيلا على هذا الجمال
وعليك الله يا ناذر تواصل في نشر الدرر دي
دي وصيتي ليك يافنان
وأختى الكتاحة وخليك في الحدائق
|
عليك الله لا حظي كويس لي المقطع البيقول فيهو همزة (لمن يا طبل والخرطوم غائبة) .. لاحظي لمن يكررا تاني بالسؤال بإصرار (لمن يا طبل !) مع صوت العود الإرتفع فجأة وإتفاعل مع السؤال زي كأنو العود زااتو بيسأل مع همزة (لمن يا طبل والخرطوم غائبة ؟!) ..
دي أجمل حتة في الغنية كلها .. تحسي بيها بتخج مشاعرك من جوة وتقربي تبكي !!
والكتاحة بنحاول نختاها يا نهال علا بس هي كيف تختانا
|
Post: #49
Title: Re: مرة تانية وتالتة : على كيفي أرقعها أو لا أرقعها ..
Author: ناذر محمد الخليفة
Date: 04-22-2007, 09:38 AM
Parent: #1
يا سلااااااااااااااااااام !!
عاصم الطيب شخصيا بي هنا !!
دا والله شرف ما بعدو شرف ..
Quote: التحية لك اخى ناذر وانت تنوب عن كل الموسيقيين فى هذا المنبر,
مرءاتا تعكس الجمال وتزيده ألقا.
الشكر الجزيل للاستاذ عبدالقادر الكتيابى
وهو يسترد عنا حريتنا المسلوبة بعصا موسى
ورمز جبته المرقوعة منتخبا فيها كل الالوان
لتناسب تنوعنا وتعددنا كيفا وكما.
مقلوبة أو ظهرها كبطنها ضربا من الشفافية أو اللا نفاقية
وهكذا السودان كما كان وكما نريده صوفيا بدين الفطرة
اليسر المعاملة المحبة, دينا شعبيا وليس تجاريا
سياسيا كما الحال.
ثم الاحتفاء كل الاحتفاء بالاستاذ حمزة سليمان على
اختيار هذا النص واكمال الرسالة بلحن توفق فيه
أيما توفيق أبرز قيمته الجمالية ورفع صوته جاهرا
ليصل إلى كل المسامع الصم والصاغية منها.
ويكتمل الشكر لطاقم عقد الجلاد وهم يقودون
سفينة التنوير بأشرعة الفن وبوصلة الغناء.
شكرا مكررا
عاصم الطيب
|
تسلم كتير يا عاصم ..
عليك الله مش مفروض السودان دا كلو يعمل مهرجان لتكريم الكتيابي وهمزة سليمان على الملحمة دي ؟!
مش كدة وبس .. كمان يتم إختيار الكلمات دي وتكون نشيد جمهوري عدييل كدة يقولوه طلبة المدارس في الصباح وفي كل الطوابير والمناسبات ..
كلماتو معبرة وقوية أكتر من النشيد الجمهوري الحالي ..
شكرا عاصم ...
|
Post: #50
Title: Re: مرة تانية وتالتة : على كيفي أرقعها أو لا أرقعها ..
Author: ناذر محمد الخليفة
Date: 04-22-2007, 09:40 AM
Parent: #1
محمد هونولولو ..
يا زول حمدلله على السلامة !! تراكا حي وعائش !!
ما قايلك حي ترزق بعد الهجمة الأخيرة الشنوها الجماعة عليك ..
Quote:
أبو النذر يا عجيب
والله دايما نلقي عندك الواحة الوارفة
كلما هدانا التعب , نقول وينك يا ود الخليفة.
خليك كده دايما علي كيفك , ونزل علي كيفك .
شكرا علي كيفي.
شكرا حمزه سليمان.
كونا كما انتم دائما علي كيفيكما. |
دايما خليك علي كيفك ..
|
Post: #51
Title: Re: مرة تانية وتالتة : على كيفي أرقعها أو لا أرقعها ..
Author: Mohamed Abdelmotalib Hassan
Date: 04-22-2007, 10:19 AM
Parent: #50
يا ابو النذر
كيف ؟؟؟
هجمة شنو كمان ؟؟؟ دي تسخينة كده من طرف الدولاب , خلت الجماعة فكو آخرهم بسرعة وينهارو...
بعدين دايما موجودبن في الصفحة الاولي ...
ما علينا , واصل ابداعاتك يا مبدع.
|
Post: #52
Title: Re: مرة تانية وتالتة : على كيفي أرقعها أو لا أرقعها ..
Author: ناذر محمد الخليفة
Date: 04-22-2007, 04:58 PM
Parent: #51
محمد ..
الليلة كمان شايف هبة جات متحزمة وشايلا عكازا ومطوتها معاها
|
Post: #53
Title: Re: مرة تانية وتالتة : على كيفي أرقعها أو لا أرقعها ..
Author: ناذر محمد الخليفة
Date: 04-23-2007, 05:38 AM
Parent: #52
أرقع جبتي أو لا أرقعها !!
|
Post: #54
Title: Re: مرة تانية وتالتة : على كيفي أرقعها أو لا أرقعها ..
Author: Mohamed Abdelmotalib Hassan
Date: 04-23-2007, 05:45 AM
Parent: #53
ابو النذر يا فنان
Quote: محمد ..
الليلة كمان شايف هبة جات متحزمة وشايلا عكازا ومطوتها معاها |
لكن عليك الله لقيتنا كيف ؟؟
في فيلم هندي فاتك بتاع أبو الشا, الظاهر انت كنت نايم , مشيت الخور ذاتو لقيتو جففو !!!
|
Post: #55
Title: Re: مرة تانية وتالتة : على كيفي أرقعها أو لا أرقعها ..
Author: ناذر محمد الخليفة
Date: 04-23-2007, 01:09 PM
Parent: #54
!!!!
| Quote: في فيلم هندي فاتك بتاع أبو الشا, الظاهر انت كنت نايم , مشيت الخور ذاتو لقيتو جففو !!! |
أبو الشاء دا منو ؟؟ ما عرفتو والله !!
|
Post: #56
Title: Re: مرة تانية وتالتة : على كيفي أرقعها أو لا أرقعها ..
Author: الفاتح ميرغني
Date: 04-24-2007, 02:21 AM
Parent: #55
الجميل ناذر
……. أو لا ارقًعها الحتة دي رغم بساطة الهارموني المصاحب لها واظنه ثالثة هابطة فيها شحنة جمال عالي عالي عالي.وزي ما قلت ليك قبل كده (You are beautiful inside out) والتحية عبرك للفنان المبدع حمزة سليمان.
|
Post: #57
Title: Re: مرة تانية وتالتة : على كيفي أرقعها أو لا أرقعها ..
Author: ناذر محمد الخليفة
Date: 04-25-2007, 05:40 AM
Parent: #56
الفاتح ميرغني ...
وينك يا زول يا رائع ..
تسلم كتير للحضور والكلمات الطيبة ..
وما تحرمنا من بوستاتك الجميلة ..
|
Post: #58
Title: Re: مرة تانية وتالتة : على كيفي أرقعها أو لا أرقعها ..
Author: ناذر محمد الخليفة
Date: 04-25-2007, 05:49 PM
Parent: #57
لأن طريقتي في الحب يا وطني ...
على كيفي ..............!!
|
Post: #59
Title: Re: مرة تانية وتالتة : على كيفي أرقعها أو لا أرقعها ..
Author: ناذر محمد الخليفة
Date: 04-25-2007, 05:58 PM
Parent: #1
أنا ما قلت شيئاً بعد حتى الآن ..
حتى الآن أسلك أضعف الإيمان ..
دا حالتك ما قلت حاجة يا الكتيابي ؟!!
|
Post: #60
Title: Re: مرة تانية وتالتة : على كيفي أرقعها أو لا أرقعها ..
Author: ناذر محمد الخليفة
Date: 04-27-2007, 11:52 AM
Parent: #59
|
Post: #61
Title: Re: مرة تانية وتالتة : على كيفي أرقعها أو لا أرقعها ..
Author: AmroKamal
Date: 04-27-2007, 03:13 PM
Parent: #60
انا ما عرفت الزيف وما بايعت بعد محمد رجلا.........
مبروووووووووووووووووووووووووووووووووووووووووووووك
|
Post: #62
Title: Re: مرة تانية وتالتة : على كيفي أرقعها أو لا أرقعها ..
Author: القلب النابض
Date: 04-27-2007, 03:36 PM
Parent: #61
ناذر سلام
دا شعاري او بالأصح توقيعي ياخ شكرا
تحياتي
|
Post: #63
Title: Re: مرة تانية وتالتة : على كيفي أرقعها أو لا أرقعها ..
Author: ناذر محمد الخليفة
Date: 04-27-2007, 04:32 PM
Parent: #62
مولا نا عمرو ..
وينك يا زول طولت كدة !!
| Quote: مبروووووووووووووووووووووووووووووووووووووووووووووك |
الله يبارك فيك ويخلي ليك وليداتك ..
|
Post: #64
Title: Re: مرة تانية وتالتة : على كيفي أرقعها أو لا أرقعها ..
Author: ناذر محمد الخليفة
Date: 04-27-2007, 04:33 PM
Parent: #62
القلب النابض ..
Quote: ناذر سلام
دا شعاري او بالأصح توقيعي ياخ شكرا
تحياتي |
ومن الليلة حا يكون دا توقيعنا كلنا ...
لان طريقتي في الحب يا وطني علي كيفي ..
|
Post: #65
Title: Re: مرة تانية وتالتة : على كيفي أرقعها أو لا أرقعها ..
Author: ناذر محمد الخليفة
Date: 05-08-2007, 00:09 AM
Parent: #1
++
|
|