Post: #1
Title: أي بــت غــزالــة اخــوها أســد !!!
Author: ناذر محمد الخليفة
Date: 08-15-2006, 12:47 PM
واحد صحبي شديد من ايام الثانوي كان عندنا عادة حلوة شوية كان كل واحد فينا لمن يصاحب ليهو بت جديدة الا يوريها للتاني نظام (أنا حبيبتي احلى من حبيبتك) وكنا كل يوم قاعدين نطلع بعد الحصص من مدرسة الخرطوم الجديدة ونمشي للمواعيد البنعملا .. الأيامات ديك ما خلينا لا كفتريا لا بقالة لا موقف حافلات او باصات ما إستعملناهو .. كنا طواالي في حالة مواعيد مع (البلي) بتاع المدارس التانية .. الجديدة الثانوية بنات والعمارات بنات وعبد المنعم المتوسطة بنات وحتى مدرسة الثريا الإبتدائية بنات ما ريحناها وخلطنا منها برضو ..
ظروفنا بتاعت ما بعد الدراسة الثانوية خلتنا نفترق من بعض فترة طويلة جدا .. بالصدفة قابلتو قبل فترة وبعد السلام والسؤال عن الاحوال قعدنا نستعيد في أيامات (مجدنا ديك) صاحبي قام قال لي : بالمناسبة دي فرصة عشان اعرفك بي حبيبتي الجديدة .. عاينت ليهو بي إستغراب وقلت ليهو : إنت لسة ما خليت العادة ديك ولا شنو ؟ قال لي ما خليتا وهسي داير اعرفك على بتي دي !! والله تشوفا غزال بس .. قلت ليو : أسمع يا اخوي أنا الشغلة دي بطلتها بدري جدا والحاجة التانية انا زااتي ما فاضي عشان أمش معاك في نص النهارية عشان أتفرج على حبيبتك .. الكلام دا كان زمان لمن كنا طلبة ، هسي بقى ما عندي وكت لي جنس دا وانا زااتي شغال بالنهار .. قال لي : يا أبو النيز ياخ بطل الحنك وانا عارفك زول بكاي والله دي تعاين ليها غزال بس وأصلو ما تزح عيونك منها تاني .. إنت بس(أرحكاكا) معاي .. قلت ليو : شنو شابكني حبيبتي غزال وحبيبتي حصان ؟! أنا بالنهار ما فاضي لو بتعمل معاها مواعيد بعد المغرب أنا بجي عشان خاطرك لكن حا تكون أخر مرة .. قال لي هي بالليل ما بتطلع لكن حا أحاول أواعدا بعد المغرب .. قلت ليو أوكي يا فردة لمن تعمل معاها مواعيدك دي أديني تلفون عشان اشوف غزالتك دي !!
بعد كم يوم ضرب لي تلفون وقال لي أنو عمل معاها مواعيد بعد المغرب وممكن اجي معاهو عشان اشوفا .. قلت ليهو إنت مصر يعني ؟ قال لي أيوة مصر .. ياخي إنت لمن تشوف غزالتي دي بتقتنع بي أخوك .. قلت ليو خلاص حا أجي إنت بس ما تقفلا معاي تشبكني غزال وبطيخ بعدين أجي القى وشها عامل زي (وش الملاح) تجيب لي نفسيات ..
|
Post: #2
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 08-15-2006, 12:50 PM
Parent: #1
يوم المواعيد أنا إتجهزت للزول دا قلت فرصة يا أبو النيز تستعيد ذكريات الثانوي أيام الجهل والتسكع بين الأسابيع الثقافية في مدارس البنات ... مشيت غشيت صحبي دا ولقيتو قاشر قشرة أصلو ما شفتها قبل كدة .. فنلة كت لونا اظنو أحمر طوبي ومرسوم فيها هيفاء وهبي وبنطلون جينز لونو ظهري وفيهو ستة ولا سبعة جيوب تحت الركبة وفوق ليها (نظام جلكسات) وشاكي القميص (شانقو) فووووووووووووق قريب صدرو !! .. وشعرو مجلطو ليك بي دهن ولا مصيبة كدة لمن مدفقة وسايلة في جبهتو و (ورا) إضنينو ، مجرد ما ركب العربية وشميت الريحة الكابي منها رطلين في هدومو طوالي قعدت اقح وشعرت إنو الأزمة حا تقوم علي !! قلت ليهو دا شنو العاملو في روحك دا !! هسي دي خلقة زول ما شي يقابل حبيبتو الجديدة ؟؟!! ما كان ممكن تلبس حاجة محترمة شوية ياخ !! قال لي : يا خي انت مالك ؟ غزالتي دي بتحب الموضة وإنت ما بتفهم في الموضة الايامات دي !! قفلت معاي قلت ليهو كويس أركب خلينا نتخارج نشوف (حصانتك) دي حا تجي لابسة شنو كمان !!
دورنا مشينا لي واحدة من الكافتريات في شارع محمد نجيب ودي الحتة المواعدين بعض فيها .. مجرد ما وصلنا المطرة بقت تنقط !! والبت لسة ما جات .. قلت ليهو أها هسي العمل شنو ؟ قال لي كدي موبايلك النضرب ليها ! قلت ليهو جابت ليها (إستعمار) كمان ؟ يا زول أنا ما بحب نمرة موبايلي دي تظهر في اي موبايل تاني أمشي أضرب من محل الاتصالات داك !! صاحبنا مشى وجاني بعد شوية قال لي الموبايل ما بيرد ؟! قلت ليهو هسي العمل شنو ؟ قال لي بيتم قريب بي هنا نقوم نمشي ليها .. قلت ليهو أنت مجنون ؟ أنا مباريك من سنة دو حصل يوم مشينا لي بت في بيتا ؟ولا حدنا بس الكافتريات والمظلات ؟ قال لي يا خي بتكون حصلت ليها ظروف أو ما قدرت تجي عشان المطرة . كدي النمشي ليها .. صدقني البت دي غزال وبتخاف من النسمة خلينا من المطرة ..
الزول قفلا معاي لكن قلت النمشي نشوف (غزالتو) دي .. قلت ليهو شوف هنا أكلمك من هسي أنا بقيف بعيد بنتظركم إنت تمشي ليها وتجوني سرعة كويس معاك ؟ قال لي ما مشكلة أنا متاكد هي هسي بتكون راجياني قريب باب بيتم .. عاينت ليهو بغيظ .. قلت ليو سمح يا توم كروز .. النشوف ..
دخلنا شارع بيتم لقيت في بقالة في اول الشارع قلت ليهو أنا بنتظرك في البقالة دي أمشي وتعال سرعة ما تتاخر قبل ما المطرة تزيد .. بتاع البقالة طلعت بعرفو قعدت اسلم عليهو وفي نفس الوكت عاينت ناحية صحبي (المتشنط ) وهو ماشي على باب البيت بي قشرتو العجيبة دي .. الزول دا ماشي مشية زي الروبوت لأنو لو رفع يدو لي فوق ساي للسلام حا يبوظ منظر (الشكة) دا لو ما رمى البنطلون (الشاكيهو تحت حنكو) !!
الزول بي كل ثقة ضرب جرس الباب (التقول بيت ابوهو) يعد شوية شوف عيني في حاجة كبيرة كدة زي (الصبة) جات ناطة من جوة البيت وقبضت ليك صحبي دا وبدون أي مقدمات (وقشطتو) ليك بونية رمتو اربعة أمتار لي ورا !! وشوف عيني الدهن ولا الحاجة الكان مجلط بيها شعرو لمن إتكشحت في ا########## .. عاينت للمنظر مخلوع وما مصدق قلت لي بتاع الدكان الزول دا مالو !! بتاع الدكان قال لي أوعى يكون الضربوهو دا صحبك ؟ قلت ليو ااي صحبي !! الزول دا منو ؟ قال لي صحبك دا الليلة يحلو الحلة بلة من التور دا !! عاينت للمنظر لقيت (التور دا) قابض ليك في صحبي دا وبيعمل فيهو عملية أنا أصلو ما شفتها ولا حتى في أفلام توم وجيري ديك !! (التور دا ) عامل بالضبط زي المصارعين اليابانيين في الحجم والضخامة وكان لابس ليهو سروال عريض وفنلة داخلية وبطنو لمن مدفقة قريب ركبتو .. ساموراي بس !!
|
Post: #45
Title: Re: أي بــت غــزالــة اخــوها أســد !!!
Author: ناصر البطل
Date: 08-16-2006, 07:16 AM
Parent: #2
ناذر إزيك 
أول حاجه إنته متأكد إنو ده صاحبك
تانيايا ما ناقش حاجه:
لمايقولوا ليك الزوله دي بت أسد معناها ...
أما لما يقولوا ليك الولد ده لبوه معناها ... (فهمته )
يلا أمشي نوم
|
Post: #110
Title: Re: أي بــت غــزالــة اخــوها أســد !!!
Author: الفاتح يوسف جبرا
Date: 11-20-2006, 04:34 PM
Parent: #2
أها وبعدين ؟
|
Post: #3
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 08-15-2006, 12:52 PM
Parent: #1
عمري كلو بتفرج على المشاكل والضرب البيحصل في الأسواق ومطالعات نهاية اليوم في المدارس ، لكن زي الشفتو قدامي دا أصلا ما قابلني ولا حا يقابلني !!
الساموراي دا رفع ليك صحبي المسكين فووووووق من رقبتو بي إيد واحدة و(تااااااااح) قشطو كف وهو معلق لسة في الهوا لمن أضاني أنا صنت !!!.. بعد شوية مسكو من كرعينو و(رحل) بيهو كدة في الهوا (نظام طوطحانية) وبعد تلاتة او أربعة لفات (فكا) كرعينو وصحبي دا طاير في الهوا ويلفلف زي الضقل بتاع (سكج بكج) وطاااخ خبت الحيطة بي راسو ورقد زي الحطبة !!
أنا لسة مخلوع قلت لي بتاع البقالة أرح نحجز الزول دا !! قال لي إنت مجنون !! زولك دا قبل كدة الحلة كلها ما حاشتو دايرنا نحن الاتنين نمسكو ؟! أمشي براك لو داير تحجزو ؟؟ عاينت لي جهة (الحلبة) وانا ما قادر إتصرف .. (وزولنا الساموراي كان بدأ يطبق في نظرية جديدة) ..قلت ليهو هسي العمل شنو ؟ الزول دا حا يموت بالطريقة دي !! بتاع البقالة بارد جدا قال لي : لا لا هو ما بيكتل ليو زول .. لكن أمكن يعمل ليهو عاهة مستديمة ولو صحبك دا محظوط بيطلع بي كسور وجروح بسيطة أو حاجة بالشكل دا !!
غايتو ما عارف لكن زولي دا في اليوم داك إتجيه جيهة تمام ..
أي نوع من انواع الدق أنا شفتو .. دق الحرامي في المولد ودق توم لي جيري ودق الجرتق ودق الدلجة ودق الريحة وكل انواع الدق المعروفة والما معروفة لي أي زول .. لكن زي جنس الشفتو قدامي دا تاني ما حا يمر علي أصلو ..
أنا أبشع منظر شفتو في حياتي كنت قايلو منظر دق( مل جبسون) في فيلم آلام المسيح لكن في اليوم داك عرفت روحي غلطان وأنا لسة جاهل في الدنيا دي وما شفت حاجة لسع !!
الوكت داك الساموراي كان قطع في صحبي كف مذدوج (بي يدينو الإتنين يعني ) من صوت الكفين أنا لمن ضروسي خلخلت !!
والشي العاجبني في صحبي إنو والله ثبت قدام التور داك (أي والله) الزول دا لا كورك لا صرخ لا إتحرك ولا إتنفس زاتو .. واقف زيو وزي أي بطل أسطوري قدام جلادينو .. بس ما عارف لحدي هسي هو ثبت قدام التور دا .. لمجرد الثبات ولا عشان هو ما قادر يعمل حاجة ولا عشان كان غمران ؟ أنا غايتو إفترضت حسن النية ونسبت ليهو البطولة ..
طبعا بعد ما بتاع البقالة حذرني قلت خلاص انا احسن اقعد في محلي وقعدت ادعو ربنا انو الزول دا يفتر من الضرب أو يكون متابع المسلسل يمشي يحضرا و(يعتق) صحبي المسكين دا .. لكن برضو كنت في دي غلطان !!
صاحبنا لا فتر لا كان متابع مسلسلة لا بطيخ
!! إستمر في مجذرتو وإنتهاكاتو لحقوق الإنسان في صحبي دا قريب النص ساعة وانا كل مرة بعاين للساعة ... وأسأل الله السلامة ..
بعد شوية الساموراي نفض صحبي دا من ا########## (قبل الحركة دي كان راميهو على ضهرو ونايخ ليهو في بطنو وشغال فيهو (هوكات) وكفوف ) قام مسك ليك الفنلة (الكط) المرسوم فيها هيفاء وهبي .. وبي جرة بسيطة شرط ليك وش هيفاء وهبي لي إتنين .. (والله ذكرني بس بي هوقن بتاع المصارعة الحرة ) !! بعد داك إستعدل صحبي بي بنية في بطنو.. ولمن داك دنقر جرا الفنلة الداخلية وشرطا برضو .. أنا في سري قلت هسي صحبي دا لو ما عبيط ساكت في داعي يلبس فنلة داخلية تحت ال تي شيرت المرسومة فيهو هيفاء وهبي !!
شلوت جا طاير فجأة كدة خلي صحبي يلف زي القرقور (وانا جد معجب بي صمودو ووقفتو الباسلة لأنو لو أنا في محلو كنت حا اكون في أحمد شرفي من الكف الاول داك) .. بعد شريط الـ تي شيرت والفنلة الداخلية الساموراي دا قبل على البنطلون وجراهو من تحت جرة واحدة (أنا مما سمعت شرررررررررررررررررط ) بتاعت الشريط طوالي عرفت إنو صاحبنا دا غشوهو وما ادوهو بنطلون الجنز الاصلي .. باعوا ليهو النوع البيجي من ليبيا بالتهريب وانا دا عارفو ما بيعيش كتير .. لكن الحمد لله الحزام الكان لابسو كان جلد أصلي لانو ابى ينقطع كلو كلو .. والله العظيم لو كان إنقطع كانت حا تكون مصيبة لانو بكل تاكيد اللباس الداخلي (البياري) ما كان حا يطلع اصلي وحا يتشرط من اول نفخة من التور دا ودي كانت حا تكون مصيبة تانية !!
|
Post: #6
Title: Re: أي بــت غــزالــة اخــوها أســد !!!
Author: عادل فضل المولى
Date: 08-15-2006, 01:06 PM
Parent: #3
ناذر يا حبوب
..............
كمل الحكاية بي سرعة
اخوك خلاص قرب يموت من الضحك....
لا حولاااااااااااااااا
|
Post: #4
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 08-15-2006, 12:54 PM
Parent: #1
غايتو بعد شوية ولي سبب أنا ما قادر افهمو التور دا رفع صحبي دا فوووووووق زي الرافع ليهو مخدة .. وفكاهو ناحيتي بي كل قوتو (إتخيلو المسكين طاير في الهوا قريب التسعة امتار) !! وخبت ا########## .. بعد داك الساموراي دخل بيتم وقفل الباب وراهو (بيكون ما شي يحصل باقي المسلسل) !!
سرعة سرعة جريت على صحبي عشان اهنيو على الثبات والصمود دا وأوريو إنو ما في فرق بينو وبين ثبات حزب الله في لبنان .. وبالمرة كدة اعمل ليهو عملية (إخلاء) سريعة من ميدان المعركة .. غايتو لقيت صحبي عيونو مفتحة (وما مهم لوكانت بتدور في محجريهما زي ريشات الخلاطة) المهم أنها مفتحة ودي براها سلامة ..
تكلتو سرعة كدة وركبتو العربية ورقدت ليهو المقعد عشان يكون مرتاح لمن دورت بتاع البقالة قال لي .. : عليك الله طمني عليو .. قلت ليهو سمح !!
دورت سرعة كدة ووقفت في شارع الزلط قلت ليهو : إنت كويس يا زول !! إنت سامعني !! قول حاجة إنشاء الله (أح) عشان إطمن عليك !! ... صاحبنا قاطع موية ونور قلت احسن ادور أوديهو الحوادث للإسعافات الاولية ولي قدام بمشي معاهو ناس العظام والمخ والاعصاب والأذن والحنجرة !! في الطريق قال لي : موديني وين هسي !! قلت ليهو الحمد لله مخارج حروفك سليمة ودا معناتو ما في كسور في خشمك أو (قطوع) في لسانك .. موديك الحوادث يعني موديك وين ؟ قال لي لا لا وديني بيتنا انا داير أرتاح شوية ؟ قلت ليو : ترتاح من شنو ؟ ما إنت كنت مرتاح من جبيل يدك ساي ما رفعتها وزولك دا هو القام بي الشغل كلو ؟ قال لي بس إنت وديني بيتنا !!
حمدت الله لأنو في الحوادث كان حا يقولوا لي جيب أورنيك تمنية لانو الدكتور ما حا يصدق إنو صحبي مضروب في شكلة وأنا زااتي ما بقدر أقنعوا لأني زاااتي داير اليقنعني ..
وديت الزول بيتم ورقدتو في السرير .. كانت حالتو صعبة خلاص عريان من فوق و(هاف كاست) من تحت وريحتو الجبيل ديك اتغيرت بقت ريحتو طير طير .. والشعر الكان مجلط بي الدهان داك تاني لو كتبوهو ليهو ما بيقوم خليهو من التجلط ..
جبت ليهو موية يشرب قال لي داير منك طلب : قلت ليهو إنت أفتح خشمك وقول : قال لي توعدني ما توري زول بالحصل دا !!.. قلت ليو في دي ما معاك لاني لا زم أحكي لي لأي زول عشان تكون عبرة لمن يعتبر .. شابكني حبيبتي غزالة وحبيبتي رمانة .. هسي كدة كويس ؟
قال لي بعد تنهيدة : يا ابو النيز يا خي هاك الحكمة دي .:
أي غزالة اخوها اسد
صنفرة :
مشيت امبارح المسرح القومي عشان احضر عروض التخريج بتاعت كلية الموسيقى والدراما .. واحد صحبي جنبي قال لي يا أبو النيز عاين البت دي حلوة كيف ؟ عاينتها لقيتا بالجد غزالة .. قلت ليهو هي كدة اخوها بيكون كيف ؟ قال لي قصدك شنو ؟ قلت ليهو خليك من قصدي واشرت ليهو على بت تانية وشها عامل زي الإجزخانة (كلو حبوب) تطير الرحمة من البيت .. قلت ليهو هسي زي دي مالا ما كويسة على الاقل أخوها ممكن (تجازفو) !! عاين لي مستغرب قال لي يا أبو النيز دا كلام شنو البتقول فيهو دا !! إنت بقيت ...... قبل ما يتم كلامو قلت ليو : أسكت ساكت خلينا نتابع العرض لانو عمرك ما حا تفهمني !!
|
Post: #5
Title: Re: أي بــت غــزالــة اخــوها أســد !!!
Author: على محمد على بشير
Date: 08-15-2006, 12:57 PM
Parent: #4
ناذر
انتا الحكومه حقتك ماقاعده تدخل النت ؟؟؟؟
|
Post: #102
Title: Re: أي بــت غــزالــة اخــوها أســد !!!
Author: Kamal Mahjoob
Date: 11-18-2006, 03:55 AM
Parent: #5
الإبن ناذر المجنون سلام
كلما أتضايق (والضيق كتر الأيام دي) أفتش لي بوستاتك (جمع بوست) وأقراها حتة حتة .. شكرا والله قاعد تمرقنا من حالات الإكتئاب ...
عندي بت غزالة ، تجي تجرب كان عندي أسد ولا لا .... ولا التوبة يا حبوبة.....
|
Post: #7
Title: Re: أي بــت غــزالــة اخــوها أســد !!!
Author: عادل فضل المولى
Date: 08-15-2006, 01:11 PM
Parent: #4
استغفر الله
|
Post: #8
Title: Re: أي بــت غــزالــة اخــوها أســد !!!
Author: معتز تروتسكى
Date: 08-15-2006, 01:15 PM
Parent: #7
ناذر
     
---------------
ابومحمود ازيك..
|
Post: #10
Title: Re: أي بــت غــزالــة اخــوها أســد !!!
Author: عادل فضل المولى
Date: 08-15-2006, 01:23 PM
Parent: #8
الحبيب معتز
كيفك يا شفيف
اخبارك ما مقطوعة
لكن (القدم ليهو رافع)
طمنا عليك أكثر
|
Post: #25
Title: Re: أي بــت غــزالــة اخــوها أســد !!!
Author: طارق أحمد أبوبكر
Date: 08-15-2006, 09:39 PM
Parent: #4
يا رائع يا فاكهة المنبر العام .. الله يجازى محنك والله صحكتني لما قطعت مصاريني ..
دامت ايامك فرح وسعادة .. ربنا يديك العافية
|
Post: #33
Title: Re: أي بــت غــزالــة اخــوها أســد !!!
Author: Gaafar Ismail
Date: 08-16-2006, 02:25 AM
Parent: #4
ناذر اللذيذ
سلامات
يا أخي قطعت مصاريني من الضحك .
صاحبك ده غشــيم .. حد يمشي للأسد في عرينه.
وكمان ما حريف .. لما شاف الأسد العاتي البشبه البعاتي كان يقول ليه " أنا بتاع تصليح المواسير " ويتخارج .
تحياتي .
|
Post: #9
Title: Re: أي بــت غــزالــة اخــوها أســد !!!
Author: Khalid Osman Jaafar
Date: 08-15-2006, 01:19 PM
Parent: #1
سلام يا ناذر ...
مبالغة لكن، إنت وصاحبك ده
|
Post: #13
Title: Re: أي بــت غــزالــة اخــوها أســد !!!
Author: حيدر حسن ميرغني
Date: 08-15-2006, 01:55 PM
Parent: #9
العريس متين نفضتا الكيس وبقيت تحوم مع ناس سعد اليتيم ديل
واحد ود جيرانا مكسر في بت الجيران وخجلان يصارحها
قام قال لي أعمل شنو
قلت ليهو بسيطة..... أكتب ليها جواب وبوح فيه بحبك لها
كتب الجواب وإنتظر بومين الزولة ما طلت على الشارع
ما قدر ينتظر ... شال الجواب وقصد منزلها
ضرب جرس البيت برجفة طلعت ليهو الزولة زاتها وقام في الكبكبة
قال ليها
هاكي أدي الجواب ده لأخوك
|
Post: #11
Title: Re: أي بــت غــزالــة اخــوها أســد !!!
Author: saadeldin abdelrahman
Date: 08-15-2006, 01:44 PM
Parent: #1
ابوالنيذ
يجازي محنك!
خاويت سجيمان ولا شنو ...الواحد بقى يضحك زي المجنون
ياخي صاحبك (شهيد الغرام) ده.. شليق كيف!..
طلعت حريف طبعا انتا و الخواف ربا عيالو هههه
العينة الزي الاسد ده و الحلة ما بتحلك منو.. يجيرك الله!
حكمتي لي توم كروز : الجاتك في ودكـك سامحتك
----
ابومحمود سلاماااااات ياخي
|
Post: #12
Title: Re: أي بــت غــزالــة اخــوها أســد !!!
Author: عادل فضل المولى
Date: 08-15-2006, 01:53 PM
Parent: #11
سعد الدين
سلام شديد شدة
بركة الجيت ولقيت البوست يا دوبك طالع من الفرن
نظام قروووووووووووووض يعني
زي العيش الساخن مع اجواء السودان اليومين ديل
ياخ والله مشتاقين ومتابعين
و..
ومتلومين كمان
....
هانت خلاص
|
Post: #14
Title: Re: أي بــت غــزالــة اخــوها أســد !!!
Author: mulhim
Date: 08-15-2006, 02:19 PM
Parent: #11
ابو النيز ياخ حمدلله الف على السلامة و الجاتك فى الفانلة و بنطلون الجينز الما اصلى سامحتك و انا كم يوم كده فاقدك اتاريك ملازم السرير بترتاح من المجهود البزله اخو الغزاله قال واحد صاحبى قال ..ياخ حسى دى قصة تحكيهالكن كويس الاعتبرت بالحصل المرة دىوكان تحكى لصحابك الحضر معاك التخريج ده ولا عايزه يشوف الاسد بعيونه
|
Post: #15
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 08-15-2006, 04:45 PM
Parent: #1
علي كيفك ...
Quote: ناذر
انتا الحكومه حقتك ماقاعده تدخل النت ؟؟؟؟
|
شككتني في روحي
هسي أنا قلت حاجة غلط
|
Post: #16
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 08-15-2006, 04:47 PM
Parent: #1
[عادل المتشنج ..
يا زول مالك بتستغفر !!!
الواحد اصلو ما يكلمكم بالعربية الفصحى ولا شنو
|
Post: #17
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 08-15-2006, 04:50 PM
Parent: #1
تروتو ...
البوست دا كاتبو أبو النيز ... عندك اي موضوع مع ابو محمود امشي ليهو في الماسنجر بتاع ال أم اس ان عشان هنا في باندويثات قاعدة (تهرق) في جنس كلامك دا
|
Post: #18
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 08-15-2006, 04:52 PM
Parent: #1
كيفك يا خالد ..
Quote: سلام يا ناذر ...
مبالغة لكن، إنت وصاحبك ده
|
يا زول ما تبالغ ... بالغ هو براهو ومعاهو غزالتو أنا ذنبي شنو ؟
|
Post: #19
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 08-15-2006, 04:55 PM
Parent: #1
كيفك يا حيدر ...
Quote: العريس متين نفضتا الكيس وبقيت تحوم مع ناس سعد اليتيم ديل
|
يا اخوانا انا لسة خطيب مالكم دايرين تنجهونا
انا والله ما نفضت لا كيس لا شوال أصبروا لي كم سنة كدة .. ممكن ولا لا ؟
|
Post: #20
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 08-15-2006, 04:58 PM
Parent: #1
ابو السعود سلامات ..
| Quote: طلعت حريف طبعا انتا |
عليك الله اتخيل لو صحبي دا كان ضرب من موبايلي لي (غزالتو ديك) وقام اخوها الـ أسد دا لقط الرقم
انا براااي باقي روح كمان داير زول اسد زي الساموراي دا يتم الناقصة
|
Post: #21
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 08-15-2006, 05:04 PM
Parent: #1
ملهم سلامات ..
| Quote: و انا كم يوم كده فاقدك اتاريك ملازم السرير بترتاح من المجهود البزله اخو الغزاله قال واحد صاحبى قال |
شنو يا ملهم .. إنت بتشكك في روايتي ولا شنو
والله انا ما هو .. أخوك حاليا مرتبط على سنة الله ورسوله واخر عهدي بالامور دي كان سنة 95 يعني من زمن صحبي الشليق دا وانا الشلاقة خليتا من زمن اخر علقة أختها في مدرسة البشير الريح في الحلة الجديدة لكن هو ما خلاها ... لو كان قلت كلامك دا قبل عشرة سنين كان الناس ممكن تصدقك لكن هسي ما اظن
|
Post: #22
Title: Re: أي بــت غــزالــة اخــوها أســد !!!
Author: الأمين عثمان صديق محمد
Date: 08-15-2006, 05:20 PM
Parent: #1
| Quote: قلت ليهو هسي زي دي مالا ما كويسة على الاقل أخوها ممكن (تجازفو) !! |
ذكرتني واحد عندو نظرية غريبة ومطبقا وماشة معا
عارف دا كان لمن يدور يجكس ليهو واحدة طوالي يخلق ليك أي مشكلة مع اخوها
وفهمو للقصة دي يقول ليك اخو البنت ما بقبل اختو تجكس
واذا في يوم لقاهو مع اختو احسن تكون من الاول البيناتهم ما عامرة
كدي اديها زولك دا على الاقل من بدري يكون جس نبض الاسد
|
Post: #23
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 08-15-2006, 05:29 PM
Parent: #1
الامين كيفك !!!
صنفرة حاااااااارة :
يا اخوانا السرق باصويردي منو وكتب بيهو القصة دي !!
|
Post: #24
Title: Re: أي بــت غــزالــة اخــوها أســد !!!
Author: أحمد الشايقي
Date: 08-15-2006, 06:07 PM
Parent: #1
عشــان كدا يا ناذر
أحســن الخطوبـة بي (خشــم ) البـاب,
لا يـدقــونـا لا نـدقـهــم,
قصــة حلـوة والله تنفـع فلـم,
ولك تحياتي
أحمـد الشايقي
|
Post: #26
Title: Re: أي بــت غــزالــة اخــوها أســد !!!
Author: doma
Date: 08-16-2006, 01:18 AM
Parent: #24
يا ناذر تاني لما صاحبك دا يمشي يفتش ليهو غزاله لازم يسوق معاه نوبي
|
Post: #27
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 08-16-2006, 01:48 AM
Parent: #1
كيفك يا طارق ..
Quote: يا رائع يا فاكهة المنبر العام .. الله يجازى محنك والله صحكتني لما قطعت مصاريني ..
دامت ايامك فرح وسعادة .. ربنا يديك العافية |
بالمناسبة سمعت نكتة الثعلب والكلب
قالوا كان في كلب مضبلن عامل فيها اسد وداير يقشر قدام الثعلب إنو صياد وإنو بتاع مجازفات والثعلب شاميهو في قشرتو دي .. في يوم من الايام كان النمر راقد ورا كوم بتاع أشجار قام الثعلب جاب الكلب وقال ليهو . ورا الاشجار دي في غزالة سمييييينة إنت أمشي أصطادا .. الكلب فرح وعمل نرررررررررررررررر وقال للثعلب : شوف عيوني حمرت ؟ الثعلب قال ليهو : لا لا ما حمرت !! الكلب تاني عمل نررررررررر وقال للثعلب : كدة كيف عيوني حمرت ولا لسع ! الثعلب قال ليهو : لا لا ما حمرت .. الكلب تاني عمل نرررررر وشد عضلاتو وقال للثعلب : كدة حمرت ولا لا ؟ الثعلب اتضايق قال ليهو أي حمرت ياخ ! أمش تلب قبل ما الغزالة تمش .. الكلب طبعا تلب على اساس إنو في غزالة وقام قابل النمر بي هناك .
غايتو النمر جيه ليك الكلب زي جييهة الساموراي لي صاحبنا الفوق دا ..
جلدو جلد نضيف !!
الكلب جا ليك للثعلب يترنح وحالتو صعبة خلاص .. الثعلب عاين ليهو في وشو وقال ليهو : تعرف يا كلب يا دووووب عيونك حمرت
|
Post: #28
Title: Re: أي بــت غــزالــة اخــوها أســد !!!
Author: عمر عبد الخالق سعيد
Date: 08-16-2006, 01:50 AM
Parent: #1
______________________________
اسلوب جميل و لذيذ
|
Post: #29
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 08-16-2006, 01:51 AM
Parent: #1
كيفك يا الشايقي ..
Quote: عشــان كدا يا ناذر
أحســن الخطوبـة بي (خشــم ) البـاب,
لا يـدقــونـا لا نـدقـهــم,
قصــة حلـوة والله تنفـع فلـم,
|
والله برضو ما في ضمان تخطب ليك واحدة زي أخت الساموراي الفوق دا ويخليك تجيها بعد المغرب والمطرة بتنقط
الخطوبة لو ما منعت المقابضا شن فايدتا
|
Post: #30
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 08-16-2006, 01:52 AM
Parent: #1
دوما .. مشتاقين والله
وين أراضيك !!
| Quote: يا ناذر تاني لما صاحبك دا يمشي يفتش ليهو غزاله لازم يسوق معاه نوبي |
تاني بعد المجذرة ديك تاب من فتيش الغزال وهسي قرر يكمل نص دينو
|
Post: #40
Title: Re: أي بــت غــزالــة اخــوها أســد !!!
Author: doma
Date: 08-16-2006, 05:13 AM
Parent: #30
Quote: دوما .. مشتاقين والله
وين أراضيك !!
|
قاعده والله
قلت الشباب ديل اكيد بمشوا علي ملاسي وبعزمومي عشاء في الهلتون ولا غداء في سوق الناقه .
|
Post: #31
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 08-16-2006, 02:00 AM
Parent: #1
عمر سلامات ...
مشتاقين والله ..
إنت الالذ والله
دا بس درس صغير لي اي زول عشان يبطل المقابضة
|
Post: #32
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 08-16-2006, 02:07 AM
Parent: #1
عمر يا فنان ..
والله كتلتو كتلة 
بس الضعيفوني المضبلن دا لو كان شعرو مجلط شوية كان بيكون هو زاااااتو 
|
Post: #34
Title: Re: أي بــت غــزالــة اخــوها أســد !!!
Author: Tabaldina
Date: 08-16-2006, 03:33 AM
Parent: #1
..
.
والله مبالغة يا ابو النزيز
ياخى دى اروع شمار من شهور..
Quote: أي نوع من انواع الدق أنا شفتو ..
دق الحرامي في المولد ودق توم لي جيري ودق الجرتق ودق الدلجة ودق الريحة
وكل انواع الدق المعروفة والما معروفة لي أي زول ..
لكن زي جنس الشفتو قدامي دا تاني ما حا يمر علي أصلو .. |
انواع الدق دى براها كوم ..
حتى دق ميل جبسون ما نسيتو!!
بس الشوفكـ دق الريحة شنو !! انتو ابتديتو التجهيزات خلاص!؟
ياخى انت ابداع ..
u really made my day
يديك العافية
|
Post: #35
Title: Re: أي بــت غــزالــة اخــوها أســد !!!
Author: Tabaldina
Date: 08-16-2006, 03:37 AM
Parent: #1
..
.
BTW
نسيت اقول ليكـ ..
أنت أســد .. والله !!
قرقرقرقرقر
|
Post: #36
Title: Re: أي بــت غــزالــة اخــوها أســد !!!
Author: aosman
Date: 08-16-2006, 03:37 AM
Parent: #1
الله يجازي محنك يا ناذر
|
Post: #37
Title: Re: أي بــت غــزالــة اخــوها أســد !!!
Author: أبوبكر حامد الأمين
Date: 08-16-2006, 04:05 AM
Parent: #1
| Quote: الكلب جا ليك للثعلب يترنح وحالتو صعبة خلاص .. الثعلب عاين ليهو في وشو وقال ليهو : تعرف يا كلب يا دووووب عيونك حمرت |
ياخى والله ضحكتا ودموعى جرن ، وهسى الكيبورد شايفوا طشاش طشاش ، الله إجازى محنك.
|
Post: #38
Title: Re: أي بــت غــزالــة اخــوها أســد !!!
Author: Ahmed Mohammed Osman
Date: 08-16-2006, 04:14 AM
Parent: #1
صحبك دا قديم جدا
من زمن بسك الجكس
قول ليهو الهوا قلب
الجكس بقي يسكنا
دحين خليهو يقعد في بيتو
ويحلق شعرو
وينزل البنظلون شوييييييية كدا
وحرش اختو تقيف في الباب
تاخد تارو من اي واحدة تدق الباب
|
Post: #39
Title: Re: أي بــت غــزالــة اخــوها أســد !!!
Author: saadeldin abdelrahman
Date: 08-16-2006, 04:44 AM
Parent: #1
الاسد في المرحلة دي بتجازف عادي...
بس صاحبك ده يخلي عندو نظر!
|
Post: #41
Title: Re: أي بــت غــزالــة اخــوها أســد !!!
Author: منصوري
Date: 08-16-2006, 05:46 AM
Parent: #1
ناذر...
نذر ينذر.. نذراَ...
وهنالك النذير...ومناشير التقدميين.. زمان كان يكتبوا عنوانا( النذبر العريان)
.....
أما نذر ينذر نذراً
النذر في اللغة.. هو الوقف( نذرت نفسها فداءاً لمن تحب)
......
يا ناذر.. ناذر معناها ناذر روحو.. ليه ما ساعدت صاحبك وإنت اسمك ناذر ناذر روحو..أمال فايدة الصحبة شنو؟
أما النذير من النذارة.. هي عكس البشير من البشارة..
..........
|
Post: #42
Title: Re: أي بــت غــزالــة اخــوها أســد !!!
Author: بدرالدين شنا
Date: 08-16-2006, 05:53 AM
Parent: #1
|
Post: #43
Title: Re: أي بــت غــزالــة اخــوها أســد !!!
Author: فيصل نوبي
Date: 08-16-2006, 06:33 AM
Parent: #1
يا عمك
في حاجه مفقوده
هو مع المارينز و لا انتحاري .. و لا ما عندو خبر انو اخوها ساموراي ..
بعدين
الساموراي ده معناها بيعرف صاحبك ده او عندو مشكله معاو..
يعني من الباب للطاق كده يجي يخبتو !!!
كدي امشي اسال صاحبك و اسالو من اليوم الاسود
إحتمال يكون كان شايل ليو سكينة و خاتيها لليوم الاسود
بعدين انت ذاتك ليك كم يوم ما ظاهر -- اوعك تكون ده انت ذاتك !!
نسال عاصم !! ولا مافي داعي
تهريجة:
دومة
مشتاقين اطنان
| Quote: يا ناذر تاني لما صاحبك دا يمشي يفتش ليهو غزاله لازم يسوق معاه نوبي |
عشان أعمل ليو ( باك اب ) من الساموري مش كده يا دومه 
|
Post: #44
Title: Re: أي بــت غــزالــة اخــوها أســد !!!
Author: محمد علي يوسف
Date: 08-16-2006, 06:48 AM
Parent: #1
سلامات
ناذرناذر
انت متاكد ان الزول ده صاحبك
شديد ساي يعني
يعني ما انت
لو خجلان تقول ده انت مافي مشكلة
بعدين اسمع
هو الزول ده قال لي اخو البت شنو
اوعا يكون قال ليهو
اختك حبيبتي دي وين
لانو عندنا واحد صاحبنا ملرة عملها
لي واحد كان جانا زيارة في الجامعة وقام صاحبك خش فيه عرض
وشبكو ليك الجكس وانا جكسيني واوريك حبيبتي وشنو شنو
في الاخير طلعت حبيبته اخت الزول الجا زاير ده
لكن الزول طلع عاقل
بعدين صاحبنا زاتو كان كبير وضخم وبتاع مشاكل
فداا ساعدن و
و
و
و
و
و الشباب وقعو للزول اعتذارات وجرسة وكدة
الجميل انو الزول ساق معاه اخته
وبعد شهر جاتنا البت راجعة
لكن محننه من تحت لي فوق
تمت السنة ديك وخلت الجامعة لظروف الحمل والولادة .
|
Post: #46
Title: Re: أي بــت غــزالــة اخــوها أســد !!!
Author: الصادق صديق سلمان
Date: 08-16-2006, 07:20 AM
Parent: #1
يا ابوالنيذ /
ياخي انت زول حتة عديل كدا
ياخي قصة لذيذة بشكل عجيب
لكن الفردة بتاعك دا اظنو ياناذر
البت تكون قالت ليهو ياخي لازم تنضرب
قدامي من اخوي عشان انا عاوزة اعرف
انت ممكن تصبر عشاني ولا مابتصبر عشاني
صنفرة:
وين صاحبك دينق
أبوفتحية
|
Post: #47
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 08-16-2006, 08:09 AM
Parent: #1
ناصر البطل ..
Quote: لمايقولوا ليك الزوله دي بت أسد معناها ...
أما لما يقولوا ليك الولد ده لبوه معناها |
نسأل الله السلامة
|
Post: #48
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 08-16-2006, 08:12 AM
Parent: #1
جعفر إسماعيل ..
| Quote: وكمان ما حريف .. لما شاف الأسد العاتي البشبه البعاتي كان يقول ليه " أنا بتاع تصليح المواسير " ويتخارج |
قلت ليك الزول دا ما لقى فرصة يتنفس تقول لي بتاع المواسير ..
يا خي دا يحمد الله إنو لحدي هسي عايش
|
Post: #96
Title: Re: أي بــت غــزالــة اخــوها أســد !!!
Author: إدريس البدري
Date: 08-20-2006, 02:50 AM
Parent: #48
أبو النيز يا رهيب
وديني ضحكت لما دموعي نزلت
يا ود باللاي عليك الكلام ده حقيقة؟
| Quote: الساموراي دا رفع ليك صحبي المسكين فووووووق من رقبتو بي إيد واحدة و(تااااااااح) قشطو كف وهو معلق لسة في الهوا لمن أضاني أنا صنت |
ده وصف موووووبالغة
الله يديك العافية ياخ
|
Post: #49
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 08-16-2006, 08:15 AM
Parent: #1
تبلدينا ..
Quote: بس الشوفكـ دق الريحة شنو !! انتو ابتديتو التجهيزات خلاص!؟
|
طيب ما تسألني تقول لي باقي الدق شفتو وين 
|
Post: #50
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 08-16-2006, 08:16 AM
Parent: #1
عثمان مشتاقين ..
| Quote: الله يجازي محنك يا ناذر |
أنا طول ما بسأل الله السلامة ما بتجيني عوجة بإذن الله 
|
Post: #51
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 08-16-2006, 08:18 AM
Parent: #1
كيفك يا أبو بكر ..
| Quote: ياخى والله ضحكتا ودموعى جرن ، وهسى الكيبورد شايفوا طشاش طشاش ، الله إجازى محنك. |
يا دوبك دي نكتة الثعلب والكلب عملت فيك كدة ..
أمال لمن احكي ليك نكتة الزرافة والقرد حا تعمل شنو 
|
Post: #52
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 08-16-2006, 08:20 AM
Parent: #1
كيفك يا ابو حميد ..
Quote: صحبك دا قديم جدا
من زمن بسك الجكس
قول ليهو الهوا قلب
|
لكن هو متعود عشرة سنين علي كدة .. صعب بعد دا يخلي الطبعة دي .. لكن بعد العلقة الاخدا هسي هو مفكر يخليها عشان يكمل نص دينو
|
Post: #53
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 08-16-2006, 08:22 AM
Parent: #1
سعد الدين ..
بس البيقنع الديك شنو 
|
Post: #54
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 08-16-2006, 08:27 AM
Parent: #1
استاذ منصوري سلامات ..
Quote: يا ناذر.. ناذر معناها ناذر روحو.. ليه ما ساعدت صاحبك وإنت اسمك ناذر ناذر روحو..أمال فايدة الصحبة شنو؟
|
قالوا المساعدة حسب المقدرة ...
هسي عليك الله بعد القصة الحكيتا ليكم فوق دي كان في مقدرة لي أي مساعدة
أنا والله حسب مقدرتي إتشاورت في أمرو مع سيد الدكان وجيت عملت ليهو اخلاء من الميدان وكنت داير اوديهو الحوادث ووديتو بيتم وشربتو موية وفي النهاية طلعت بي حكمة بليغة بتقول (أي بت غزال اخوها اسد) 
أها أكتر من دا يساعدوهو كيفن
|
Post: #55
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 08-16-2006, 08:31 AM
Parent: #1
فيصل ..
Quote: الساموراي ده معناها بيعرف صاحبك ده او عندو مشكله معاو..
يعني من الباب للطاق كده يجي يخبتو !!!
كدي امشي اسال صاحبك و اسالو من اليوم الاسود
إحتمال يكون كان شايل ليو سكينة و خاتيها لليوم الاسود |
غايتو السكينة انا ما شفتها لكن الساموراي الشفتو قدامي اليوم داك .. اظن لو كان دخل ليهو السكينة في عينو ما بتعمل ليو حاجة
ما جاوبت لي على سؤالي بتاع الفرق .. ولا عرفتو براك 
|
Post: #56
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 08-16-2006, 08:35 AM
Parent: #1
محمد علي كيفك ..
Quote: لانو عندنا واحد صاحبنا ملرة عملها
لي واحد كان جانا زيارة في الجامعة وقام صاحبك خش فيه عرض
وشبكو ليك الجكس وانا جكسيني واوريك حبيبتي وشنو شنو
في الاخير طلعت حبيبته اخت الزول الجا زاير ده |
والله ما تشوف المتداخلين الكتار ديل هنا .. أنا متاكد أنو كلهم بيكونوا مروا بي موقف زي دا وأمكن انجلدوا فيهو لكن ما دايرين يحكوا ساكت .. من أكبر واحد في البورد (أظنو صديق الموج) لحدي أصغر واحد (أظنو ناجي الملك)
عليك الله خليهم يحكو بدون خجل
|
Post: #57
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 08-16-2006, 08:39 AM
Parent: #1
الصادق كيفك ..
Quote: لكن الفردة بتاعك دا اظنو ياناذر
البت تكون قالت ليهو ياخي لازم تنضرب
قدامي من اخوي عشان انا عاوزة اعرف
انت ممكن تصبر عشاني ولا مابتصبر عشاني
|
وانا والله بشهد ليهو بالشجاعة انو صبر وصمد لا قام جاري لا قدر يتنفس
Quote: صنفرة:
وين صاحبك دينق
|
أي والله ذكرتني ؟ الزول دة طولت ما قابلتو في ملف !!
كدي النمشي بعد شوية ارفع البوست بتاعي الاعملتو ليهو داك أكان يظهر
|
Post: #58
Title: Re: أي بــت غــزالــة اخــوها أســد !!!
Author: معتز تروتسكى
Date: 08-16-2006, 09:38 AM
Parent: #57
Quote: تروتو ...
Quote: ابومحمود ازيك..
البوست دا كاتبو أبو النيز ... عندك اي موضوع مع ابو محمود امشي ليهو في الماسنجر بتاع ال أم اس ان عشان هنا في باندويثات قاعدة (تهرق) في جنس كلامك دا |
ناذر انت مالك..
اسى انا جيتكم فى بيتكم ولا جيتكم فى بتنا ؛ مش منبر بكرى انا حر …
بعدين ياخ انت بعد عمليتك فى الزول الدفعه ده عندك خشم ياعديم الضمير ..
والناس منتظرنك مهند بكون دينو طلع…
------------
نحن ياعادل السودان ده بقى لينا زى مدنى الخرطوم تجى يومين وترجع اسبوع..
عادل إهداء اليك والى حوته ومقتدى والجميع..
علاء شاموق ؛ عادل فضل المولى...يعنى ماعارف غلاوتك؟!؟!
|
Post: #59
Title: Re: أي بــت غــزالــة اخــوها أســد !!!
Author: معتصم دفع الله
Date: 08-16-2006, 10:11 AM
Parent: #1
غايتو الرجالة تطير يا أبوالنيز ..
ما كان تعلن "الجهاد" ..
أصلو الواحد ما يصاحبكم ..
عالم جبانات بشكل ..
|
Post: #60
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 08-16-2006, 01:10 PM
Parent: #1
معتصم سلامات ..
Quote: غايتو الرجالة تطير يا أبوالنيز ..
ما كان تعلن "الجهاد" .. |
جهاد إيه اللي جاي تقول علييه
والله الساموراي دا كان داير إعلان دخول قوات اممية عدييل كدة عشان تحوشو من زولي داك
بعدين انا مما سمعت كلام سيد البقالة طوالي قلت أحسن ادعو :
اللهم لا نسألك رد القضاء بل اللطف فيه
|
Post: #61
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 08-16-2006, 01:11 PM
Parent: #1
كيفك يا تروتو ..
Quote: عادل إهداء اليك والى حوته ومقتدى والجميع..
|
يا سلاام عليك ياخ ! وليد دا رائع عدييييل كدة وزول فاهم بمعنى الكلمة !!
|
Post: #62
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 08-16-2006, 01:13 PM
Parent: #1
|
Post: #64
Title: Re: أي بــت غــزالــة اخــوها أســد !!!
Author: جمال هباني
Date: 08-16-2006, 01:39 PM
Parent: #62
ناذر
انت جادي والله لو اميتاب باتشان كان مات وانت شربت بارد ولا اكلت تسالي في المشاهدة دي
|
Post: #65
Title: Re: أي بــت غــزالــة اخــوها أســد !!!
Author: Yassir Tayfour
Date: 08-16-2006, 05:19 PM
Parent: #64
يا ناذر
مرة اخوك مقدم غزالة باكستانية لى عمارتم، واقفين بنتونس جمب الصانصير، يفتح الصانصير ويطلع ابوها من الصانصير..وقف دقيقة كدى حدرليها وحدر لى، وcheeew الغزالة تدخل الصانصير وتخلينى واقف مع ابوها...والله يا ناذر بقيت اشوف ابوها زى الملا عمر بتاع طالبان...غايتو ربك رب الخير اظن ابوها اتزكر this is Canada, not Pakistan,
otherwise, كان حصلت صاحبك
|
Post: #66
Title: Re: أي بــت غــزالــة اخــوها أســد !!!
Author: Shao Dorsheed
Date: 08-16-2006, 08:38 PM
Parent: #1
| Quote: أي نوع من انواع الدق أنا شفتو .. دق الحرامي في المولد ودق توم لي جيري ودق الجرتق ودق الدلجة ودق الريحة وكل انواع الدق المعروفة والما معروفة لي أي زول .. لكن زي جنس الشفتو قدامي دا تاني ما حا يمر علي أصلو .. |
في دقه اسمها "عجوز سدت بابها". ان شاء الله من ضمن الدقات الشفتهم ديل...
|
Post: #67
Title: Re: أي بــت غــزالــة اخــوها أســد !!!
Author: عصام الطيب حسن
Date: 08-16-2006, 10:35 PM
Parent: #66
| Quote: وفكاهو ناحيتي بي كل قوتو (إتخيلو المسكين طاير في الهوا قريب التسعة امتار) !! وخبت ا########## |
ناذز
تحياتى
ياخى زولك دا قطع شك بكون حطم الرقم القياسى فى الوثب العالى
|
Post: #68
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 08-18-2006, 00:13 AM
Parent: #1
جمال هباني مشتاقين والله ..
وينك ؟؟
| Quote: انت جادي والله لو اميتاب باتشان كان مات وانت شربت بارد ولا اكلت تسالي في المشاهدة دي |
أميتاب باتشان شنو .. والله إتذكرت فلم (غلام) بتاع أمير خان وراني موخيرجي .. متذكر الدق الإدقاهو امير خان من (القندة) بتاع الحلة ديك
أها بس هنا .. نفس الشي
|
Post: #69
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 08-18-2006, 00:15 AM
Parent: #1
كيفك يا ياسر .
| Quote: مرة اخوك مقدم غزالة باكستانية لى عمارتم، واقفين بنتونس جمب الصانصير، يفتح الصانصير ويطلع ابوها من الصانصير..وقف دقيقة كدى حدرليها وحدر لى، وcheeew الغزالة تدخل الصانصير وتخلينى واقف مع ابوها...والله يا ناذر بقيت اشوف ابوها زى الملا عمر بتاع طالبان |
بس ما قلت لي .. أبوها كان اسد ولا لا ؟
بعدين احمد الله إنك شفتو الملا عمر ما شفتو ساموراي
|
Post: #70
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 08-18-2006, 00:16 AM
Parent: #1
شاو ..
وينك إنت ياخي ما بتظهر إلا في بوستاتي
| Quote: في دقه اسمها "عجوز سدت بابها". ان شاء الله من ضمن الدقات الشفتهم ديل... |
لا لا والله .. أحكي لي كيف دي ؟؟
|
Post: #71
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 08-18-2006, 00:17 AM
Parent: #1
عصام الطيب ..
| Quote: ياخى زولك دا قطع شك بكون حطم الرقم القياسى فى الوثب العالى |
صدق وتامن الزول دا اليوم داك حطم الرقم القياسي في أي حاجة
راجع القصة فوق واستخلص كمية الحاجات الحطم رقما كم
|
Post: #72
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 08-18-2006, 00:33 AM
Parent: #1
أستاذ منصوري ..
جلبت هذه المداخلة من بوست الدكتور نزار لما لها من علاقة بمعنى الاسم (ناذر) و (نزار) .
Quote: العزيز ناذر
الزمخشري كان ناذرا، ووفى بنذره، وجاور حتى لقب بجار الله.
ظني أنك أنت أيضا ناذر في الخير مش نزار.
قالوا نزار معناها (قليل)*، عشان كدة الناس الـ بنادوني (نزار الدين) بيحيروني فعلاً ولا أملك موافقتهم أو معارضتهم فقط أشرح لهم معنى ما قالوا!
* جاء في لسان العرب في سبب تسمية جد الرسول صلى الله عليه وسملم نزار بن معد بن عدنان، أن أباه (معد) رأى نور النبوة في وجهه فأولم ولائم كثيرة حتى قيل له: لقد أسرفت، فقال: إن هذا نزار في حق هذا المولود، يعني قليل في حق المولود! |
|
Post: #73
Title: Re: أي بــت غــزالــة اخــوها أســد !!!
Author: محمد سنى دفع الله
Date: 08-18-2006, 01:07 AM
Parent: #72
أضحكتني لمن قربت ادردق جنب سيد الدكان
أقوليك حاجة القطعة الكوميدية دي حجزناها لي مسرحيتي الجديدة
انا كلمتك ماتمشي تبيعة لي بدرالدين شنا ولا جمال حسن سعيد
الا اجي ادقك دقة صاحبك براك شوفتني كيف
وبعتذر عن عدم رجوعنا ليك تاني وتوقعنا حضورك في افتتاح معرض عصام
قلت شنو نمضى العقد ؟؟؟؟
|
Post: #74
Title: Re: أي بــت غــزالــة اخــوها أســد !!!
Author: حيدر حسن ميرغني
Date: 08-18-2006, 02:13 AM
Parent: #73
| Quote: الا اجي ادقك دقة صاحبك براك شوفتني كيف |
ود السني
انا غايتو لو شاهدت منظر الدقة دي بكون فرحان شديد
صدَقني انا لسَه زعلان لمرمطة صديق نادر (سعد اليتيم)
علي الاقل كان يجدع ليهو طوبة ويعمل شتات
|
Post: #75
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 08-18-2006, 02:53 AM
Parent: #1
أستاذ السني كيفك ..
يا زول المصحيك بردي كدة شنو الليلة
Quote: أضحكتني لمن قربت ادردق جنب سيد الدكان
أقوليك حاجة القطعة الكوميدية دي حجزناها لي مسرحيتي الجديدة
انا كلمتك ماتمشي تبيعة لي بدرالدين شنا ولا جمال حسن سعيد
الا اجي ادقك دقة صاحبك براك شوفتني كيف
وبعتذر عن عدم رجوعنا ليك تاني وتوقعنا حضورك في افتتاح معرض عصام
قلت شنو نمضى العقد ؟؟؟؟ |
ما عندك مشكلة تشيلا طوالي بس حضر الكاش
والله أنا شفتك كيف لكن والله ما تسوى حاجة قدام الساموراي داك
بعدين ياخي تعال هنا ذكرتني إنت مشيت وين يوم إفتتاح المعرض !!
أنا جيت وسألت منك قالوا لي السني جا مستعجل شديد وحتى بالإمارة ما لقى المقص عشان يقص الشريط قام شال الشريط معاهو وإتخارج عشان يقصوا في بيتم بي رااحتو
|
Post: #76
Title: Re: أي بــت غــزالــة اخــوها أســد !!!
Author: عصام الطيب حسن
Date: 08-18-2006, 03:08 AM
Parent: #75
ناذر
و الله دقة زى دى تشهى فى الدق
غايتو زولك دا عجبنى فيه ثباته ..رغم الدق دا كلو ما قام صوف
الحتة دى محيرانى
و المحيرنى اكتر ( هو بكون قال للزول دا شنو اول ما شافو )
عشان نتعلم الحكمة من دقتو دى
|
Post: #77
Title: Re: أي بــت غــزالــة اخــوها أســد !!!
Author: الأمين عثمان صديق محمد
Date: 08-18-2006, 03:38 AM
Parent: #1
| Quote: يا اخوانا السرق باصويردي منو وكتب بيهو القصة دي !! |
انت قايلة قصة 00 اصبر لي انا بوريك الزول بتاع النظريات العكسية
دا فهمو للدنيا دي كلها عكس
يقول ليك اذا جاتك نزله استحما وامشي عكس الهواء تبقى كويس
ياخي مره في واحد اخونا كدا بحاحي لي في واحدة وما خلى حاجة تقربو منها الا وسواها
اها جاء مغترب جاهز كدا واتقدم ليها وادوها ليهو طوالي
اخونا تعب خلاص وبقى يجقلب وقعد يحكي لينا و وو وانا وانا
قام صاحبنا الاتجاه المعاكس دا قال لي اسمع ما عندك أي مشكلة انا بفش ليك غبينتك دي بس عايزك يوم الحفلة تجي قاشر وتعمل فيها الوضع عادي والولد روحك رياضية والباقي سيبو علي
وجات الحفلة والعريس قاعد ليك جمب الحاجة اخر انبساط والناس تبارك والمزك راشح بعد شوية العريس قام يبشر والحريم يزغردن والجو ولا اروع
يقوم صاحبنا الاتجاه المعاكس يعمل فيها الولد عايز يشارك ويعبر عن مشاعرو ويقوم يشيل ليك العريس ويلف بيهو زي هداف البطولة وفجأة يعمل نفسو اتعتر ويجيب ليك العريس دا من فوق ارضا زي بتاعين المصارعة ديلك تماما
ياخي انا من شفت ليك كرفتة العريس بي ورا ضهرو شايلها الهواء والزول دا نازل بيهو عمودي قلت خلاص فقهو فقهو
ياناذر العريس دا لمن وقع قال جغ وكتم واتكوم حتة واحدة
الناس جرت على العريس يجبدوا ويفرتكوا فيهو بقى زي النضارة لمن تقع وتعفصها بدون قصد
غايتو العريس بدلتو اصلية ما جاتها أي عوجة وزولنا وسط الزحمة ديك كب الزوغة
والشي المتاكد منو العريس دا اليوم داك ما دخل على عروسو
|
Post: #78
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 08-18-2006, 04:33 AM
Parent: #1
تعرف يا حيدر ..
| Quote: علي الاقل كان يجدع ليهو طوبة ويعمل شتات |
زماان الرومان كان عندهم إختراع كدة بيدكوا بيهو الحصون والقلاع والسفن وهي في نص البحر وكان أقوى سلاح في العصر داك ,, الإختراع دا إسمو (المنجنيق) أها لولا إنو المنجنيق إنقرض كان دا حا يكون الشي الوحيد الممكن إتدخل بيهو عشان اساعد صحبي دا
تقول لي طوبة .. بعدين انا زااتي أشتر وما نياش ولو فكيت طوبة في إحتمال أنيش صحبي دا يقوم ينسى الكوجنة الكوجنوها ليهو ويعملني سبب
|
Post: #79
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 08-18-2006, 04:34 AM
Parent: #1
يا عاصم ..
Quote: و المحيرنى اكتر ( هو بكون قال للزول دا شنو اول ما شافو )
|
أنا طبعا كنت بعيد وما سامع حاجة لكن قطع شك ما بيكون لحق قال ليهو اي حاجة وأنا شكيت إنتو الساموراي دا كان منتظرو عدييييل كدة
|
Post: #80
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 08-18-2006, 04:38 AM
Parent: #1
الامين ..
بالغت عدييل كدة
Quote: ياخي مره في واحد اخونا كدا بحاحي لي في واحدة وما خلى حاجة تقربو منها الا وسواها
اها جاء مغترب جاهز كدا واتقدم ليها وادوها ليهو طوالي
اخونا تعب خلاص وبقى يجقلب وقعد يحكي لينا و وو وانا وانا
قام صاحبنا الاتجاه المعاكس دا قال لي اسمع ما عندك أي مشكلة انا بفش ليك غبينتك دي بس عايزك يوم الحفلة تجي قاشر وتعمل فيها الوضع عادي والولد روحك رياضية والباقي سيبو علي
وجات الحفلة والعريس قاعد ليك جمب الحاجة اخر انبساط والناس تبارك والمزك راشح بعد شوية العريس قام يبشر والحريم يزغردن والجو ولا اروع
يقوم صاحبنا الاتجاه المعاكس يعمل فيها الولد عايز يشارك ويعبر عن مشاعرو ويقوم يشيل ليك العريس ويلف بيهو زي هداف البطولة وفجأة يعمل نفسو اتعتر ويجيب ليك العريس دا من فوق ارضا زي بتاعين المصارعة ديلك تماما
ياخي انا من شفت ليك كرفتة العريس بي ورا ضهرو شايلها الهواء والزول دا نازل بيهو عمودي قلت خلاص فقهو فقهو
ياناذر العريس دا لمن وقع قال جغ وكتم واتكوم حتة واحدة
الناس جرت على العريس يجبدوا ويفرتكوا فيهو بقى زي النضارة لمن تقع وتعفصها بدون قصد
غايتو العريس بدلتو اصلية ما جاتها أي عوجة وزولنا وسط الزحمة ديك كب الزوغة
|
إتخيلت المنظر عشان كدة من هسي في يوم عرسي كراعي دي ما برفعا من ا########## كلو كلو واي زول داير يتشبر من هسي يشوف ليهو عرس تاني
| Quote: والشي المتاكد منو العريس دا اليوم داك ما دخل على عروسو |
لكم بيكون مالو
|
Post: #81
Title: Re: أي بــت غــزالــة اخــوها أســد !!!
Author: WadAker
Date: 08-18-2006, 12:01 PM
Parent: #1
| Quote: تكلتو سرعة كدة وركبتو العربية ورقدت ليهو المقعد عشان يكون مرتاح لمن دورت بتاع البقالة قال لي .. : عليك الله طمني عليو .. قلت ليهو سمح !! |
ابــــــــــــــــــــــــــداع يانيزو...انا اضحك وناس المكتب عاملين ساتر قالوا امكن جن وفقد المحنة.... بس غاظنى بتاع الدكان ...متواطئ يكون ...كان يرشح صاحبك دى بى بارد يبل ريقو ...قال طمنى عليهو..قال...!!
|
Post: #82
Title: Re: أي بــت غــزالــة اخــوها أســد !!!
Author: ناصر محمد خليل
Date: 08-18-2006, 12:26 PM
Parent: #1
لم أضحك في حياتي مثلما ضحكت هذا اليوم وحقيقة أزلت عني الكثير من الإكتئاب والاحباط الذي صار يلازمني كظلي
واصل ولا تتوقف
ناصر
|
Post: #83
Title: Re: أي بــت غــزالــة اخــوها أســد !!!
Author: munswor almophtah
Date: 08-18-2006, 12:59 PM
Parent: #82
قلت االراجلقاليك وديهو البيت عشان إرتاح....تعرف إنت مجنون ويوم بتودر ليك روح زول يكون عنده إرتفاع فى الضغط......................
منصور
|
Post: #84
Title: Re: أي بــت غــزالــة اخــوها أســد !!!
Author: الأمين عثمان صديق محمد
Date: 08-18-2006, 01:09 PM
Parent: #1
| Quote: إتخيلت المنظر عشان كدة من هسي في يوم عرسي كراعي دي ما برفعا من الارض كلو كلو واي زول داير يتشبر من هسي يشوف ليهو عرس تاني |
غايتو لو في واحد جاء عايز يشيلك يبقى هو صاحبي الاتجاة ذاتو 00 اعمل حسابك وفشق وخليك قريب من ا ل ارض كإجراء احترازي لحدي ما نجي نلحقك ومايهمك كل يقرب عليك زيد قربا الى الارض انشاء الله تبقى زي ناس الاكروبات مش احسن من ما تدخل نهائي
|
Post: #85
Title: Re: أي بــت غــزالــة اخــوها أســد !!!
Author: saadeldin abdelrahman
Date: 08-18-2006, 01:32 PM
Parent: #1
الاميــــــن
مع جنس صاحبك بتاع الاتجاه المعاكس و الوصايا الزي دي
| Quote: اعمل حسابك وفشق وخليك قريب من الارض كإجراء احترازي |
خليناهو زااااتو!! ...
الشئ شنو يا تفشق يا تنفهق ..
عرس ولا ترويض خيول برية!
لا لا بكون شد عضلي بسيط
|
Post: #86
Title: Re: أي بــت غــزالــة اخــوها أســد !!!
Author: الأمين عثمان صديق محمد
Date: 08-18-2006, 02:04 PM
Parent: #85
| Quote: خليناهو زااااتو!! ... |
يا ابو السعود انت قاعد لي في البلد السمحة ديك وما جايب خبر
ياخوي العرس اليومين ديل بختلف ما زي عرس ناس زمان
داير ليهو تجهيزات خاصة
استعدادات مبكرة شي تمارين سويدي وصالات مغلقة وقوات حراسة خارجية وقوة حماية شخصية
هسه يجي زول زي المعاكس دا يصيب العريس في مقتل ويبوظ كل شي في لحظة ما مكن ياخ
ابو النيذ دا دايرن عرسو يكون زي عرس امير ولز
|
Post: #87
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 08-19-2006, 09:26 AM
Parent: #1
كيفك يا ود عكر ..
| Quote: بس غاظنى بتاع الدكان ...متواطئ يكون ...كان يرشح صاحبك دى بى بارد يبل ريقو ...قال طمنى عليهو..قال...!! |
تتصور بداع الدكان دا انا ما بلومو لأنو الظاهر الفلم د هو دخلو لوج كم مرة ..
الزول ما كان متفاعل مع الحدث نهائي .. يعني تخيل وانا بتفرج على المذبحة.. بتاع الدكان دا كان ما شغال بي حاجة وكمان فتح تلفزيونو عادي وقعد يتفرج على المسلسل وما متفاعل معاي نهائي ..
والغريبة انا عشان عارفو زول مجامل أبيت اطمنو على صحبي أصلو !!
صنفرة :
صلالة في راس السنة جوها كيف ؟؟
جاييك نفر ومعاو نفرتو .. جهز البتاعات
|
Post: #88
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 08-19-2006, 09:28 AM
Parent: #1
ناصر كيفك ..
أواصل شنو قصدك !!
يا زول لو قصدك اواصل في شغلة أمشي عشان اشوف حبيبات وغزالات الناس التانين دي بطلتها نهائي وتاني ما ماشي مع أي زول مشوار عاطفي
|
Post: #89
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 08-19-2006, 09:36 AM
Parent: #1
أووووووووووووووووووووووووو
أسيادا جو
شرفت ونورت والله يا استاذ منصور ..
| Quote: قلت االراجل قاليك وديهو البيت عشان إرتاح....تعرف إنت مجنون ويوم بتودر ليك روح زول يكون عنده إرتفاع فى الضغط...................... |
تعرف ذكرتني بي بورداب (دولة شقيقة) في واحدة من تجمعاتم إتكلموا عني وقالو ناذر دا غياااااااااظ وكتاباتو بترفع الضغط وهو قاصد كدة ، واحد من الجماعة إعترض قال ليهم أحسن حاجة إنو بيرفع ضغط الناس البيقصدم ناس ......... و ......... و ........ وما عندو مشكلة مع ناس غيرم ..
تتصور انا بعد الشمار دا جاني ومعاهو لستة الأسماء القالو عني كدة طوالي قصدتهم وبقيت ادخل ليهم في بوستاتم وارفع ضغطهم بي مناسبة وبدون مناسبة (عشان يآمنو) لمن هم قالو الزول دا جن ولا شنو وكل فترة يجيني خبر إنو الجماعة متغيبين من المنبر ولما اسأل بيقولوا لي (والله الايامات دي موعوكين شوية)
صنفرة :
اها من هسي أي زول عندو مشكلة في ضغطو ما يخش بوستاتي .. كفاية علينا انو الصفحة الاولى من المنبر بقت عاملة زي شواهد القبور
|
Post: #90
Title: Re: أي بــت غــزالــة اخــوها أســد !!!
Author: WadAker
Date: 08-19-2006, 10:15 AM
Parent: #1
| Quote: صلالة في راس السنة جوها كيف ؟؟ |
جاهزززززززززززززين...
تصدق يانيزو كل هذه السنوات وماشفت صلالة ؟ موووووووششش كحيان
|
Post: #91
Title: Re: أي بــت غــزالــة اخــوها أســد !!!
Author: لبنى آدم علي
Date: 08-19-2006, 11:52 AM
Parent: #1
قتلتني بالضحك والله
بالمناسبة لك مقدرات هائلة في السرد الدرامي
أتمنى لك التوفيق .
|
Post: #92
Title: Re: أي بــت غــزالــة اخــوها أســد !!!
Author: صلاح الأحمر
Date: 08-19-2006, 07:50 PM
Parent: #91
ألذ بوست شفتو من يوم ماعرفت سودانيز أونلاين
روح ياشيخ ،الله لايكسبك الواحد ضحك لمن بقى عوير!
|
Post: #93
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 08-20-2006, 01:03 AM
Parent: #1
ود عكر ..
| Quote: تصدق يانيزو كل هذه السنوات وماشفت صلالة ؟ موووووووششش كحيان |
هي لكن إنت فاضي لينا من مبارات الحاشية
شنكل :
ما اكون بي كلامي دا كتلت لي زول !!
|
Post: #94
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 08-20-2006, 01:05 AM
Parent: #1
كيفك يا لبنى ..
Quote: قتلتني بالضحك والله
بالمناسبة لك مقدرات هائلة في السرد الدرامي
|
هائلة كم شوال كدة يعني
تسلمي يا ستي ودا كلو من فضلك ..
|
Post: #95
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 08-20-2006, 01:08 AM
Parent: #1
صلاح الاحمر سلامات ..
تتصور قطعنا فيك قبل كم يوم انا وطارق جبريل ..
والله حننتوني لمن فكرت اجيكم في بي هناك عشان ازيدكم نفر
Quote: ألذ بوست شفتو من يوم ماعرفت سودانيز أونلاين
روح ياشيخ ،الله لايكسبك الواحد ضحك لمن بقى عوير! |
ضحك شنو يا صلاح !! غايتو ناس المنبر ديل مرات بيفهمو بالقلبة
أنا بحكي ليكم عن ماساة إنسانية بصفتي (شاهد على العصر) بدل ما تتعاطفوا مع الزول وتبكوا قاعدين تضحكوا!! .. دا شنو البتسوو فيهو دا
|
Post: #97
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 08-20-2006, 08:33 AM
Parent: #1
إدريس البدري سلامات ..
يا خي عليك الله المرة الجاية لو داير تعقب على البوست إستعمل أيقونة (أضف رد) القاعدة تحت وما تستعمل أيقونة (رد) الجوة البوست عشان المداخلة تجي بالترتيب وما تتشنق فوووق كدة زي السفة
Quote: يا ود باللاي عليك الكلام ده حقيقة؟
|
باقيلك صعبة على الزول المرسوم في الصورة دي
|
Post: #98
Title: Re: أي بــت غــزالــة اخــوها أســد !!!
Author: محمد احمد سنهورى
Date: 10-20-2006, 05:30 AM
Parent: #1
تعرف يا ناذر اجمل حاجة فى الكلام دة كلو انك مالاطشو ولاجايبو من اى مكان زى الجماعة بتاعين الصحافة والراى العام !!
|
Post: #99
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 10-20-2006, 11:27 AM
Parent: #98
سنهوري !!
تسلم كتير لرفع البوست !!
والواحد فرصة يرفه فيهو عن نفسو شوية يغير من الإحباط بتاع السرقات البرة دي !!
| Quote: تعرف يا ناذر اجمل حاجة فى الكلام دة كلو انك مالاطشو ولاجايبو من اى مكان زى الجماعة بتاعين الصحافة والراى العام !! |
الله يكفينا شر اللطش .. تعرف يا سنهوري أنا لا صحفي ولا عندي أي ميثاق ملتزم بيهو غير أمانة نفسي بس ، لكن صراحة الموقع دا علمنا الكتير ، لا حظت لو اي زول جاب ليهو خبر طوالي بيخت المصدر بتاعو ، ولو ما ختيت المصدر ناس كوستاوي وأبو الريش وهشام مدني بعصروك لامن تجيب الزيت عشان تجيب المصدر ، والحمد لله ربنا جعل لينا اخوان كبار يحاسبونا على كتاباتنا بجانب ضمائرنا واخلاقنا !!
|
Post: #100
Title: Re: أي بــت غــزالــة اخــوها أســد !!!
Author: الشفيع عوض شوشتا
Date: 11-17-2006, 01:31 PM
Parent: #99
| Quote: ألذ بوست شفتو من يوم ماعرفت سودانيز أونلاين |
|
Post: #101
Title: Re: أي بــت غــزالــة اخــوها أســد !!!
Author: معروف حمدين
Date: 11-17-2006, 01:35 PM
Parent: #1
شوشتا
من يومها .. كل ما أتذكرو ..
أو أشوف لي حاجة كدا ..
اتذكر البوست .. وأضحك !!!!
|
Post: #103
Title: Re: أي بــت غــزالــة اخــوها أســد !!!
Author: yasiko
Date: 11-18-2006, 04:50 AM
Parent: #1
humida
Mohammed Dahawi Al-Hassan Join Date: Aug 2003
Posts: 764
Quote: شد الحاجب .. وبرم الشفتين .. مع خلع الضرس
________________________________________
كذا كان
وخلع الضرس .. كان من نصيبي
وبعد الحاجب .. وبرم الشفتين
كانت الحكاية
وبدايتها .. كانت بعبارة
شوفي المعولق دا
قال بيشاغل قال
ونظرت الي نفسي
وأكتشفت فعلاً أني .. معولق
وقد كانت الموضة في تلك الأيام
قمصان الهزاز .. ذات الألوان المتداخلة
وكنت قد جمعت في هذا القميص عدة ألوان
تعجز حتي الامم المتحدة .. في جمعها تحت قبة واحدة
اما بنطلون الجينز .. فحدث ولا حرج .. ولا أدري متي خلعته اخر مرة
وكان من الشفتنة حينها .. ألا تغسله أبداً
ويا حبذا .. ببعض الرقع في الركبتين
وهي أمور تندرج تحت باب البهدلة .. وأن لم تستحي فأفعل ما تشاء
ومنذ أن نصحني جاري العزيز
بشرب نصف قزازة بيبسي ... يومياً
وسكب النصف المتبقي .. علي رأسي
أصبح شعري فائراً .. وسكري المذاق
وكان عزائي الوحيد
البوت الذي أرتديه
وقد اشتريته من أحد العساكر .. في سوق الحرامية
وكان يشعرني بأنني من المارينز
ويساعدني في انتحال شخصية الجندي المجهول
وكانت قمة اناقتي الشخصية
اجدها في الساعة الرياضية .. التي تشبه عداد المياه
ولا بأس بعد ذلك .. من نظارات طه حسين الشهيرة
ورغم هذه الماسأة المتحركة .. كنت مزهواً بنفسي .. الي حد الوقاحة
فغاظني وصفي بالمعولق
رغم اعترافي بذلك في قرارة نفسي
فبادرتها قائلاً
معولق .. يا تلنقا
وقد كان هذا التلنقا .. أقبح من في حارتنا
ولديه قصة طريفة مع أحد حبوباتنا
عندما أتانا زائراً .. بعد الساعة التاسعة
فأقسمت بالتقطعها .. أنه مرفعين
وأستحلفتنا بكل عزيز وغالي .. أن نترك صداقته
لكن كان يغرينا .. طيب معشره .. ودماثة أخلاقه
وأيضا .. الحماية التي نجدها تحت ظله
فاستنكرت الأمر .. في تشبيهي لها بذلك الشخص
وأنطلق سيل من الشتائم
كان نصفها حقيقة .. والنصف الاخر تحقق في المستقبل
ووعدتني خيراً .. وبأنها ستجلب من يقوم بتربيتي
وأحسست بالخطر
فهي فارهة الطول .. ممتلئة الجسم
ولو كان أخوها .. بنفس المواصفات
فيبدو أنني سأنال تربية علي أيد أمينة
وبتقييم سريع للموقف
وبعدما أيقنت بوقوع البلاء
دخلت الي المنزل ... وجلبت كلبي العزيز جرقاس
وأصيته .. أن يوصلها الي باب بيتهم
وقد قام بالمهمة خير قيام
ولم يثنيه عنها .. كمية الطوب التي استخدمها المتفرجين
وكدلالة علي أتقانه العمل .. جلب فردة من حذائها
وفي احتفال بهيج .. قمت بتعليقه في عمود النور
ومنح العقيد جرقاس .. وسام الجاهلية من الطبقة الاولي
وترقيته الي .. وكيل نيابة ..
نسبة الي كمية الزرزرة .. التي قام بها
أما ما حدث بعد ذلك بيومين
فيندرج تحت باب سري للغاية
وتمثلت الخسائر ... في
كسر مركب في اليد اليمني
جرح مقطعي تحت الحاجب
وخلع أحد الاضراس
وقطع ذيل ... المناضل جرقاس
وللذكري والتاريخ
لم يكن أخوها .. بنفس المواصفات
وأنما ..
جميع أخوانها السبعة |
http://www.mugran.com/omdur/board/showthread.php?t=7225
الحبيب ناذر
سلام
شكراً على هذا السرد
والجاتك في صاحبك سامحتك
عثرت على القصة أعلاه في منتدى "أمدر" وهي تصور جزء من حال صاحبك
|
Post: #104
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 11-18-2006, 08:57 AM
Parent: #103
يا سيكو !!!
الضخك شرطني زولك دا بيكون زولي أخو الغزالة زاااتو
هو قال أخوها ما كان بي نفس المواصفات معناها الغزالة زااتا ما كانت بي نفس المواصفات
|
Post: #105
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 11-18-2006, 09:03 AM
Parent: #1
شوشتا ومعروف ..
شايفكم مدورين تحركات اليومين دي في بوستاتي
إنشالله خير بس
|
Post: #106
Title: Re: أي بــت غــزالــة اخــوها أســد !!!
Author: Adel Sameer Tawfiq
Date: 11-20-2006, 08:21 AM
Parent: #1
والله العظيم ضحكت من أعماق قلبي !! إنت زول رائع جد ياناذر !! الله يحفظك ..
عادل سمير
|
Post: #107
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 11-20-2006, 10:28 AM
Parent: #1
تسلم يا مولانا ..
Quote: والله العظيم ضحكت من أعماق قلبي !! إنت زول رائع جد ياناذر !! الله يحفظك ..
|
هسي عليك الله لو صحبي دا جا إشتكاليك من أخو الغزالة والعملو فيهو ..
بتحكم ليهو ولا عليهو ؟
|
Post: #114
Title: Re: أي بــت غــزالــة اخــوها أســد !!!
Author: Adel Sameer Tawfiq
Date: 11-21-2006, 04:58 PM
Parent: #107
Quote: هسي عليك الله لو صحبي دا جا إشتكاليك من أخو الغزالة والعملو فيهو ..
بتحكم ليهو ولا عليهو ؟ |
دي دايرة ليها سيناريوهات أخونا الفاتح جبرا !!
رأيك شنو ياالفاتح ؟؟!!
|
Post: #108
Title: Re: أي بــت غــزالــة اخــوها أســد !!!
Author: طارق جبريل
Date: 11-20-2006, 12:01 PM
Parent: #1
انا عارفها الريدة بتودي التوج
|
Post: #109
Title: Re: أي بــت غــزالــة اخــوها أســد !!!
Author: شهاب الفاتح عثمان
Date: 11-20-2006, 02:42 PM
Parent: #108
لو لم تكتب الا هذا البوست الرائع يا ناذر لكفاك.
بورد عالي الاداء.
د. شهاب الفاتح __ كوالالمبور.
|
Post: #111
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 11-21-2006, 09:45 AM
Parent: #1
الفاتح يوسف ..
عندك مداخلة في البوست دا لكن قاعدة في الصفحة الاولى ..
واصل
|
Post: #112
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 11-21-2006, 09:46 AM
Parent: #1
طارق جبريل ..
| Quote: انا عارفها الريدة بتودي التوج |
التوج ساهل .. الخوف توديك لي أخو الغزالة دا
|
Post: #113
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 11-21-2006, 09:51 AM
Parent: #1
دكتور شهاب ..
Quote: لو لم تكتب الا هذا البوست الرائع يا ناذر لكفاك.
|
تسلم كتير لكن كفاي دي شنو
|
Post: #115
Title: Re: أي بــت غــزالــة اخــوها أســد !!!
Author: الفاتح يوسف جبرا
Date: 11-21-2006, 06:09 PM
Parent: #1
Quote: دي دايرة ليها سيناريوهات أخونا الفاتح جبرا !!
رأيك شنو ياالفاتح ؟؟!! |
تعرف يا مولانا جنس (الجكيس) ده كان عملناهو (سيناريوهات)أخونا (عروة) يسنسروهو كلو !!
بعدين يا ناذر قصة الزرافة والقرد دى شنو؟؟؟ أنحنا بنعرف قصة الأسد والقرد الماسك (الجريده) قاعد يقرأ فيها !!!!
|
Post: #116
Title: Re: أي بــت غــزالــة اخــوها أســد !!!
Author: ناذر محمد الخليفة
Date: 11-21-2006, 06:29 PM
Parent: #1
أستاذ الفاتح ..
شايف مولانا إتخارج من إجابة السؤال ودرعا فيك وإنت ما قصرت
| Quote: بعدين يا ناذر قصة الزرافة والقرد دى شنو؟؟؟ |
والله دي لو حكيتا ليك هنا.. أنا ما حا إنضر .. تراني زول عنقالي ساكت وما عندي أي شي بي وراي أخاف عليو .. لكن إنت حا تنفصل من أي حاجة مرتبط بيها ..
من الجريدة ومن التدريس ومن الأصحاب ومن المعجبين و(المعجبات) .. وحتى بكري دا .. سودانيز أون لاين دي حا يفصلك منها .. وناس الـ DSL برضو حا يفصلو منك الكونكشن .. دا غير الفصلات والإنفصالات التانية العامة والخاصة .. ودا كلو بسبب نكتة الزرافة دي لو حكيتا ليك !!
مالك ومال المحن يا الفاتح .. نخسر دا كلو عشان زرافة وقرد !!!
ضنفرة :
خليك في سيناريوهاتك ونحن في سيناريوهاتنا ..
|
|