ســهــم طااااااااااااااااااائـش !!

إهداء لكل محبي الأستاذ يوسف الموصلي

save 2 pc

الحبيب ناذر
أولا الفايل مزيكتو ماطالعه
نحيي الشاعر الكبير عبد القادر الكتيابي
على قصيدته الرائعة
وبجيك

ياسلااااااااااااااااااااااااااااام الاغينة دي بذكرني الفاشر وصاحبي احمد ابراهيم والزمن الجميل واللة ياموصلي لوشفت صورتك وانت في الشريط ده ماتصدق

الاخ ناذر رسلى تلفونك
[email protected]
وشكرا000000000000000000
اخوك خالد المحرب

تسلم يا ابو حميد

أستاذ الموصلي :

Quote: أولا الفايل مزيكتو ماطالعه

لا والله طالعة لمن بي هناك !!!

والدليل مداخلات الجماعة ال بي وراك !!

غير الجهاز أو إتصرف شوف إيه الحاصل

ناذر سمعتها من كومبيوتر البيت
بتاع المكتب ماسمعناه سمعناه

محمد الأمين :

Quote: ياسلااااااااااااااااااااااااااااام الاغينة دي بذكرني الفاشر وصاحبي احمد ابراهيم والزمن الجميل واللة ياموصلي لوشفت صورتك وانت في الشريط ده ماتصدق

صورتو الخاتيها في البروقايل الهسي ولا واحدة تانية ؟

إتخايلي مصدق يا ود الامين ,, ويا ريتك تحكي لينا شن ذكرك الأغنية دي بالفاشر !!

Quote: صورتو الخاتيها في البروقايل الهسي ولا واحدة تانية

ناذر سلام التسجيل دة حديث جدا انا سمعتها بتسجيل اقدم من كدة قبل 12سنة اما الصوره اكيد وحدة تانية من زمن الشعر الخنفس

الحبيب
هو نفس التسجيل القديم بس دخلنا عليهو البنقز
عشان عمر الفاروق مايزعل

خالد المحرب ..

Quote: الاخ ناذر رسلى تلفونك [email protected] وشكرا000000000000000000 اخوك خالد المحرب

بتلقاهو عندك في الماسنجر الداخلي ..

نويت تسجل لي شنو كمان ؟!!

ناذر

الوفاء للعمل المؤسس .. دليل على الزوق العالي





الموصلي .. شغلك نظيف


اضافة حرف

بتلقاهو عندك في الماسنجر الداخلي
ناذر رسالتك سهم طايش
ياربى تكون مشت وين دى
والله اظنها مافاتت الجريف ركبت غلط خلى بالك
الجو عندنا فى الرياض بارد شديد
امكن تكون رجعت
سهم طايش قبله راجعه

خالد
كيف انك والسهام

الحبيب حيدر
الفنان بلا متذوقين حقيقيين
كالسمك خارج المياه
الجديد الجايي شديد
بفعل تشجيعكم

أوَّع إكون ده سهم دكين !


تحياتي الموصلي كلمات ولحن وآداء أجمل ..

تسلم ناذر ..

درة من درر الأستاذ

ما تفتكروه محمود محمد طه

أنا قصدي الأستاذ حقيقة (يوسف الموصلي)

معتز لك الشكر
ولكن الاستاذ محمود هو الاستاذ الذي يعتز باستاذيته
جميع الاساتذة

لك الود

جميلة الدواخل
صديقي دكين مطالب بدفع المقابل
لآستعارتنا المكنية

الموصلي ..

Quote: ناذر سمعتها من كومبيوتر البيت بتاع المكتب ماسمعناه سمعناه

الحمد لله سمعتها في النهاية ..


عمل جميل وإبداع حقيقي والله .. شريط سفر العيون كان من أهم ما إقتنيته من أشرطة في تسعينات القرن المنصرم لدرجة أنني حفظت موسيقاه (صم) .. وإستعنت ببعض الأغاني فيه كمؤثرات للخلفيات المسرحية عندما كنت أمارس التمثيل والإخراج في المرحلة الثانوية وأيضا في سنوات الدراسة الجامعية ..

وفي هذه المراحل كانت أغنية بلدنا نعلي شانا تحظى بالقدر الوافر من الظهور لأنها جاءت بالنسبة لنا في فترة حرجة أصاب الإحباط جميع نواح الحياة الإجتماعية والسياسية في البلاد فكنا نلجا لهذه الأغنية في عدد من العروض والمناشط ..

أما أغنية الشريط نفسها (سفر العيون) فهي ملحمة قائمة ومكانها بوست قادم منفصل بإذن الله ..

شكرآ يا ناذر على الإمتاع

تسـلم لينا يالموصلى الفنان


عواصف من المحبة

وتسلم ايها الشفيف ود ميلاد

حيدر حسن ..

Quote: الوفاء للعمل المؤسس .. دليل على الزوق العالي

تسلم إنت يا الكلك زوق وحنية ..

خالد المحرب ..

Quote: ناذر رسالتك سهم طايش ياربى تكون مشت وين دى

حاول مرة أخرى ولا تيأس

تماضر سلامات ..

Quote: أوَّع إكون ده سهم دكين !

ما ظنيتو لأنو سهم دكين ما بيطيش !!
بيطعن في القلب طوالي ..

معتز القريش ..

Quote: درة من درر الأستاذ ما تفتكروه محمود محمد طه أنا قصدي الأستاذ حقيقة (يوسف الموصلي)

طبعا إنت من أهل الفن وحسك الفني عالي في العلالي ..

تسلم ...

يا سلاااااااااام يا موصلي

أغنية جميلة بالجد و مكلفة و قاعدين ليها بي مزاج


شكراً ناذر


خالد

العزيز خالد
ليك كل النجوم

مرحبين يا رأفت وخالد ..

كل شئ هنا ممتع ... فأي واحة تجتذب الخلوق { الشقيانة } ده ,

وأي أنغام تترتل على فوهات الأذن ... أوسطها وطبلها وصوانها...

تحريك موسيقي عالى ... مداخلات ظريفة ... ناس لطيفين ... وكل

اللوحة تقول الفرح ... أسعدوا أيها الأحباب .


شكرا ناذر , موصلي ... أظن أجرا يجري فى حسابكم الجاري .

ونحن نستمتع بمرورك الشفيف هنا عزيزي
حيدر

حيدر كيفنك ..

Quote: كل شئ هنا ممتع ... فأي واحة تجتذب الخلوق { الشقيانة } ده , وأي أنغام تترتل على فوهات الأذن ... أوسطها وطبلها وصوانها... تحريك موسيقي عالى ... مداخلات ظريفة ... ناس لطيفين ... وكل اللوحة تقول الفرح ... أسعدوا أيها الأحباب .

وحضورك زاد البوست متعة ..

تسلم كتير ..

ناذر باشا:
تحياتي
وشكراً للتسجيل الجميل والأغنية الجميلة ..
ويا استاذ الموصلي عليييييييييك الله أسمع صوت البنقز ده ..
أها يا الموصلي والله ده نوع التسجيلات البيريحني في حنان حناني والإيقاعات دي مريحة وسمحة خلاص أي نعم هي دخيلة على قولك بس سكنت وجداننا ..
عشان كده الله يرضى عليك يا موصلي اي تسجيل أبعد منو الإيقاع الإلكتروني ده (وده رجاء وليس أمر ) ..
عندي ملاحظة صغيروووووووونة كده وعايز اسألك منها يا موصلي :
لاحظت دوماً إنو أي دويتو تعملو مع صوت نسائي بيطلع في تناغم في الأصوات بي صورة راقية وجميلة ودوماً في بالي صوتك مع البلابل والان هذه الأغنية أكدت لي الإحساس ده
فهل موضوع التناغم ده عندو علاقة بي طبقات صوتك وأنت بتتعمد إدخال الصوت النسائي بصورة أساسية كصوت أساسي لا يقتصر فقط على انها كورس تردد خلفك فقط ؟(لأنو ما كل الناس البتعمل دويتو مع اصوات نسائية ما بتظبط وما بيكون جميل)
أم الموضوع بيكون صدفة في اختيار الصوت النسائي ؟
عن نفسي استبعد الإحتمال الثاني فالموصلي موسيقار ويتعمد فعل الاشياء لكن كمان انا ما عايز افكها في روحي وأصدق إني فهمتها صاح واضاني الموسيقية نضييفة ولماحة

عمر الفاروق ..

لمن شفت إسمك من برة إتخلغت
بس الحمد لله جات سليمة

تعرف يا ناذر الأستاذ الموصلي عندو فيني نظرية ..
قاعد يقول انا ببدا معاهو كوييييييييييييس وبعدين بخرمج
يعني زي ما تقول برمي ليهو الشرك وحسب السنارة تغمز ولا لأ
ولّا شنو يا موصلي ؟

تعرف يا مان كلامك ده شهادة ما ساهلة وتبرئة مجانية من الإتهامات بتاعت إني زول مشاتر ..


تخريمة :
انت البيظهروا في الصور ديل أخوانك ؟؟؟
بيشبهوك شدييييييييييييييييييييييييييييد ياخ

عزيزي ناذر لاتخف عليّ من عمر الفاروق فهو رجل اوضح من شمس النهار وانن أثق فيه الى درجة كبيرة مهما بلغت
بنا درجة الاختلاف وعمر انا شخصيا اتوسم الخير في رؤية اسمه ولكنني لا ابيح سرا بانني عندما ارى بعض الاسماء وهي قلة لاتحسب في هذا الموقع النبيل أقول (أصبحنا بالله وأدعو ربي أن يسترني
من شر غضبي وانفعالي

عمر بجيك لاحقا

الموصلي وعمر ..

شكلي حا أربع يديني وأسمع كلامكم عن الغنية دي
عمر زولك ياالموصلي والموصلي زولك يا عمر .. يلا شدو حيلكم

تعرف يا ناذر وبما إنك أديتني المايك
الأغنية دي ما فيها ولا كلمة بس في حاجة واااااااااحدة ما ماشة مع وتيرة الأغنية ولا مع التكامل الموسيقي الفيها !!!
الأورغن (إذا كان ده اورغ طبعاً) بتحس بيهو أكتر الة مزعجة في الفرقة ومرات مرات بتحس في شترة في العزف أو إستعجال انا ما عارفو مقصود ولا لأ لكن بيتكرر كتير
مع العلم إنو انا متأكد البيعزف واحد من أمهر العازفين (ممكن يكون ده ماهر تاج السر) فهل دي عملية مقصودة يا استاذ الموصلي ولّا العملية جات كده وقلتو تخلوها على كده

بس دي الحاجة الموقفاني وداير اسأل فيها وغير ده ولا كلمة اللهم إلا إذا فتح لينا الأستاذ باب للتحاور من خلال ردودو ..

إبداع والله
أول مرة أسمع الأغنية
وطالما عجبت عمر الفاروق،
تاني مافي زول ما ممكن تعجبو
وزى ما قال عمر
الأورقن لما يقوم بدور الإيقاع والبيز وو
المزيكة ما بتكون مليانة
لكن لما تكون كل الآلات موجود والأورقن شغال موليدي بس،
ممكن الزول يتذوق كل آلة منفردة، ومع الجماعة

لقيتني كيف يا الفاروق!!!

ود طيفور ياخي انت قايل نفسك
هيِّن ولا ليٍّن

ماهر ياعمر عزف في الاغنيه ديه
لكن النحاس ده حق عازف مصري
أنا تركت ليهو فرصة الارتجال
بيني بينك مره مره بينتابني شعورك ده وتاني
لان الناس ديل لمن يختو نحاس بيكون نحاس
يعني عندهم قدرة على اختيار الاصوات جيده
متفقين تقريبا

الاصوات النسائية التي عملت معي في اعمال مشتركة
منى السيد على في شوق الهوى (أغنية الحجروك)
وبعدها إختطفتها عقد الجلاد
1- ثم آمال النور في أغنية سفر العيون وبعدها إخذت عقد الجلاد موضوعها بطريقة جادة
2- أذكر ياعمر أن اهل منى السيد ضيفوني بمنزلهم بالعمارات بعد شوق الهوى مباشرة
3- وكانوا فخورين جداً ببنتهم
4- أما آمال النور فهي اول من تغنى باغنية الاماني السندسية فاكسبتها لونا فريدا
أخذت منه أنا ثم تبعني الراحل مصطفى عندما غني الاماني السندسية
آمال ياعزيزي أحسن من يعرف ان ينوع الجملة اللحنية بيننا جميعا
ولاننسى التوفيق من عند الله ايضا فقد وفقت تماما معهما
والصوت النسائي جميل جدا إن تركنا الوانه تسرح في دواخلنا
وبجيك للموضوع التاني

على أيام التسيعينيات..

و على أيام فترة عصيبة وطنيا و غربويا صوب الموصلي هذا السهم فجاءنا طائشا دون أدنى سابق مقدمات .. و عاد يافرحة "المصيود" وكت يرموه و هو أصلا ميت !..

سهم طائش كانت بمثابة التحلية بعد وجبة دسمة إسمها " سفر العيون" و دي نخليها هسة زي ما قال ناذر..

أغنية خفيفة حلوة و شعر جميل و مختلف و فيهو تصوير و حكي درامي جميل .. الموصلي و آمال لو كانو سبقو الحويج و السني و أبو دية كانوا ممكن يستلمو حكاية "ثنائي العاصمة دي"!.. ثنائيتهم ليها طعم خاص جدا "عندي"..

مع اختلافي عموما مع عمر الفاروق حول مسألة الإيقاع الإلكتروني لكن فعلا البنقز هنا أجمل بس بيني بينكم كده كان عايزة ليها بتاع كيبورد لعآآآآآآآب و بيعرف يختار الأصوات لأنها فيها مساحات كتيرة جائعة للتكنيك الكيبوردي العالي..و بتاع بيز مولع بالريقي و الslap & funk..

أجمل حاجة في الشريط عموما أنه كل الأصوات الموسيقية و حتى الأصوات الغنائية كلها طبيعية و الشريط يخلو تماما من المؤثرات الصوتية الزائدة و كأنما التسجيل قد تم من خلال حفل غنائي في واحدة من الرحلات أو السهلات باستثناء مداخلات الكيبورد في الأغنية دي تحديدا .. أحب الإسترنق "الكمنجات" ال Live أنا و مافي شئ بيمرضني زي الإسترنق المزيف "إلا لماما"..

تحية للموصلي و لآمال و الكتيابي و الفرقة اللطيفة..

شكرا يا ناذر يازوق..

الحبيب المعز
ياخوي انا (استرنقاتي) دايما حقيقية
لان راجل عاشق للكاونتربيونت
وهل هنالك من فصيل الالات من يجد الكاونتربيونت أفضل من الوتريات؟؟

محبتي

ياااااااااااااااه !!!! دى نكتها من وين دى ياخ

الزمان نهاية الثمانينيات على ما اذكر , استوديو عمار الشريعى

القاهرة ,, ليالى ذات طعم خاص اعادت نكهتها تلك السهام المباشرة
فى حينها ,,, موجة من الحماس والاحساس الجميل الدفاق عند تنفيذنا
لتلك الدرر التى اصبحت ثوابت موسيقية وانموذج يحتذى به على مر الدهور
والاجيال, وتلك هى لعمرى زادا للشجون ورحلة العمر.
كل الفخر والاعزاز ز

التحية للحريف ودعثمان بلال والتحية لك اخ ناذر على هذه الهدية
العذبة.

فى القريب العاجل سوف اسطر ذلك الحدث الضخم باسم انامل سودانية
باستوديوهات عمّار الشريعى بالتفصيل عن ماجرى هناك.

كل الحب والامتنان اخ ناذر!

بكري صاحب الكمنجه الحنينه
ياخوي الظاهر الكبر حصل
انت خالط بين دي وشريط شوق الهوي
دي كانت في بداية التسعينييات لما
السمندل وعقد الجلادوحنان النيل والموصلي
بواسطة شركة (سودان فيستفال)

ياسر طيفور:
صباحت الله بي خيرا..

يا زول انا زمااااااااان كلمتك لمن تكتب بي العربي ما عندك عوجة تب

الأستاذ الموصلي :
شكراً للتوضيح وإثراء النقاش ...
ولسة راجيك في موضوع تناغم الأصوات ده ..
تحياتي..

طبعا ياعمر انا عندي مشاكب في التناغم مع الاصوات النسائية
لان صوتي (تينور ُثاني)
لكنني دايما بكون حريص بان غختار من الاغنية
المقاطع التي يمكن ان تكون منطقة للتلاقي مع الاصوات النسائية

الشكر لكل من مر من هنا .

البوست مفتوح للجميع ..

نذار وموصلي
تحياتي
سهمكم دا ما طائش

دا سهم موجه بدقة عجيبة

حبيبنا عمر لك هميم الود

وده حالتو سهم طائش ...؟؟
طيب لو أصاب كنت عملت شنو يا الموصلي ...؟؟
شكرا ليك ياخى ...



.........
........


ناذر

انا بفتش فيك من أمبارح ما لاقيك ...
عليك الله امشي بوست د. المعز ( هكذا تم اعتقالي ) ... ونزل فيهو اغنية فرايحية ..أو موسيقى هادية ..

وده شرط اساسي عشان امشي اصوت ليك باثر رجعي في البوست داك ...

حبيبنا الطاهر ننحني لك
والشكر لناذر الذي اعاد للناس
ماطرحته حصاد للسوق باهمال ظاهر

حقيقة لا بد من ذكرها ..

مهما كان رأينا في شركة حصاد تظل هي الشركة الوحيدة التي لم تنتج شيئا مبتذلا لفنانين مبتذلين مثلما حدث للشركات التي أتت من بعدها فأغرقت السوق بكل نكرة ومهين للفن والفنانين ..

اتفق معك ياناذر
ولكن قلت قولي ذاك
وانا كنت شريكا فيها ومديرها الفني
فشريطي هذا هو الوحيد الذي لم يصصم له بوستر او تعمل له دعايه
والسبب انني مشغول بالعمل لاخراج مزيد من الاعمال لاخوتي الفناني
فاهمل مكتبنا بالخرطوم اعمالي