Post: #1
Title: ما شعورك حينما يحذف لك بوست او يذهب بوستك الى الخور ؟؟؟
Author: ناذر محمد الخليفة
Date: 04-29-2006, 08:36 AM
Parent: #0
!!!!!!!!!!!!
صنفرة :
فقدت قبل قليل أحدى بوستاتي التي تعبت في تربيتها وتغذيتها !!
|
Post: #2
Title: Re: ما شعورك حينما يحذف لك بوست او يذهب بوستك الى الخور ؟؟؟
Author: Mohamed E. Seliaman
Date: 04-29-2006, 08:55 AM
Parent: #1
معظم بوستاتي
ستذهب الى الارشيف
وهي في مرحلة الرضاعة
| Quote: فقدت قبل قليل أحدى بوستاتي التي تعبت في تربيتها وتغذيتها !! |
الاسبرانت سلام.
حصل لنا نفس الشيء
انا وهاشم نوريت
تعب هاشم نوريت في التربية
وتعبت أنا في التغذية
فتسبب خضر الطيب وأبو الريش
في نقلتا الى الخور
شكرا
|
Post: #3
Title: Re:
Author: صباح احمد
Date: 04-29-2006, 08:59 AM
| Quote: ما شعورك حينما يحذف لك بوست او يذهب بوستك الى الخور ؟؟؟ |
لا شئ اعمل ما حاسة
________________
تخريمة:
ناذر يا اخوي اعمل نائم
|
Post: #4
Title: Re: ما شعورك حينما يحذف لك بوست او يذهب بوستك الى الخور ؟؟؟
Author: ناذر محمد الخليفة
Date: 04-30-2006, 07:50 AM
Parent: #1
الحبشي .. سلام ..
Quote: معظم بوستاتي
ستذهب الى الارشيف
وهي في مرحلة الرضاعة |
صدقني أنت اكتر زول انا بشفق عليو في المنبر دا !!
عندك اكتر من عشرة بوستات حاليا في مرحلة الشرنقة وانا متاكد أنك عندك كلام كتير لسة ما كملتو وما حا تلحق تكملو في العشرة يوم الفضلو ديل قبل الأرشفة !!
صنفرة :
أتمنى ان تكتب ليك بوست ولا بوستين بس بعد الارشفة وتفضل (محاحيهم) لحدي ما تخلص منهم وبعد داك تفتح ليك اتنين تانين .. دي سياستي الأنا متبعا في البوستات الطويلة عشان ما أتزنق زيك وكمان عشان اقدر أركز في الردود 
|
Post: #5
Title: Re: ما شعورك حينما يحذف لك بوست او يذهب بوستك الى الخور ؟؟؟
Author: ناذر محمد الخليفة
Date: 04-30-2006, 08:06 AM
Parent: #1
كيفك يا صباح !!
Quote: تخريمة:
ناذر يا اخوي اعمل نائم |
على قولك 
|
Post: #6
Title: Re: ما شعورك حينما يحذف لك بوست او يذهب بوستك الى الخور ؟؟؟
Author: almulaomar
Date: 04-30-2006, 08:44 AM
Parent: #1
والله يا ود الخليفة
في البداية كانت بتاكل معاي شديد وبحس بنوع من التهميش وأن الملأ يتأمرون على ليخرجوني بنفوذهم وسطوتهم وألاعيبهم من المنتدى ، وأنني محارب في الفكر وأحد شهداء النضال والجهاد والكلمة ، أقوم أدي البوست دفره أو أحاول ألقي واحد صديق شديد وما مفضوح أرسل ليهو في الماسنجر أو يميل لو بعرف إيمليو وأقلو ليهو الرسول يدرشك كان ما أديت البوست لكزه يقوم يدي البوست لكزه ولو بكلمة فوق أو up حتى لو ما كان مقتنع بفكرة البوست وأحفزه أكثر بأن أقول له Scratch my back I will scratch yours ، وأقوم أطنشه إن شاء الله يحك ضهرو بي حيطة جالوص ما لي في شغله أنا هنا board member ولا حكاك وليفة سلك لكين في النهاية كترة التكرار بقت تعلم أمثالي من الـ...... فبقي شعوري شعور أى مواطن عايش في السودان يكابد ويجابد من أجل حفنة دنانير تكفيه شر السؤال بعد أن هان على الناس كما هانت الزلابية ذات مرة حتى أكلها أبناء الإشلاق والأحياء المجاورة لهم ، بل أصبحت إطلالة بوستي وطفوه على سطح المنبر تمثل إزعاجاً بالنسبة لي وأتمنى أن يغتطس وما يقلع تاني لأن وجوده في صدر المنبر عادة ما يخلي الناس تتطلع عليه لأكثر من مرة لتكتشف مدي خواء الفكرة التي تبنيتها وأهدرت بها الكثير من بادوثات الأخ بكري أبوبكر كان يمكن لها أن تنفع في دعاية كريمات أو مرقة بعد الملايات الأمريكية ، وحتى لو كانت مسيخة تظل دعاية مدفوعة القيمة بينما تبقى مساخة وسطحية أفكاري دون عائد مادي على صاحب المنبر فعليه وعليك وعلى الجميع السلام.
|
Post: #7
Title: Re: ما شعورك حينما يحذف لك بوست او يذهب بوستك الى الخور ؟؟؟
Author: ناذر محمد الخليفة
Date: 04-30-2006, 08:55 AM
Parent: #6
الملا عمر والله محنتني بي كلامك دا !!
يا راجل هو بوست مسحوب ولا فؤاد مسلوب !!
بعدين كلامك فيهو استعطاف و(أستكراد) شديد عشان ما يسحبو ليك بوستات مستقبلية .
الغريبة انت زول ما عندك مصايب زينا كدة وبوستاتك كلها لطيفة !!
صنفرة :
البسحب بوسطاطك دي انشالله يا الله تسحب ليهو الغاز من أسطوانة البوتوجاز بتاع بيتم عشان يموت من الجوع وبيض ساااكت يسلقو ما يلقاو !!!
|
Post: #8
Title: Re: ما شعورك حينما يحذف لك بوست او يذهب بوستك الى الخور ؟؟؟
Author: الريح كودى
Date: 04-30-2006, 11:03 AM
Parent: #7
العزيز ناذر
ازيك ياراجل
| Quote: البسحب بوسطاطك دي انشالله يا الله تسحب ليهو الغاز من أسطوانة البوتوجاز بتاع بيتم عشان يموت من الجوع وبيض ساااكت يسلقو ما يلقاو !!! |
عارف يا ناذر حلك واحد ومافى غيرو لانو قصة(انشالله يا الله) يسوى ليهو وما ادراك ما عارف شنو بصراحه ما جايبه همها ,, فعليك بناس عنان (الامم المتحدة هى الحل).
قايتو النمشى نفتش البوست الخور ونشوفك عايز تضامن ولا ....؟؟؟؟؟؟!!!!!!!
لحدى ما تمشى الخور ونجى
الريح كودى
|
Post: #9
Title: Re: ما شعورك حينما يحذف لك بوست او يذهب بوستك الى الخور ؟؟؟
Author: محمد عيد الله
Date: 05-01-2006, 03:49 AM
Parent: #8
اخي ناذر ... السلام عليكم...
رمي البوستات في سلة الخور تكتيك جديد يمكن تسميته (العفص في الظلام)
لكن ياخوي الجاتك في بوستاتك سامحتك... ونكتفي حتى لا ندفر في الخور ..
محمد عبد الله
|
Post: #10
Title: Re: ما شعورك حينما يحذف لك بوست او يذهب بوستك الى الخور ؟؟؟
Author: A.Razek Althalib
Date: 05-01-2006, 06:00 AM
Parent: #9
ود الخليفة..
والله العظيم إنت..
طبعاً دي حكاية.. اليجمعا النمل يوطاها الفيل..
ولا شنو..
قال..
تعرف يا ود الخليفة.. زي شعور الزول..
الزعلان ليهو من زول سيد دكان..
طرشق كورة العيال القاعدين بيلعبو قدام كنتينو..
وداير ليها سبب كان لاقاهو..
يقوم..
يعضيهو في عنقرتو..
تخريمة:
ولا يهمكـ الفضلن أكتر من الرايحات..
|
Post: #11
Title: Re: ما شعورك حينما يحذف لك بوست او يذهب بوستك الى الخور ؟؟؟
Author: ناذر محمد الخليفة
Date: 05-02-2006, 07:45 AM
Parent: #1
الريح سلامات ..
Quote: ,, فعليك بناس عنان (الامم المتحدة هى الحل).
|
في دي انا ما معاك يا راجل !!
أي شي ولا ابان عيونا زي الكدايس ديل يجونا بي هنا
صنفرة :
ما تخاف أنا زول شيخ ويدي لاحقة ودعائي أنشاء الله مستجاب !!
|
Post: #12
Title: Re: ما شعورك حينما يحذف لك بوست او يذهب بوستك الى الخور ؟؟؟
Author: ناذر محمد الخليفة
Date: 05-02-2006, 07:47 AM
Parent: #1
الماجستير محمد عبد الله ..
Quote: رمي البوستات في سلة الخور تكتيك جديد يمكن تسميته (العفص في الظلام)
لكن ياخوي الجاتك في بوستاتك سامحتك... ونكتفي حتى لا ندفر في الخور .. |
يا راجل حمد الله على السلامة ؟؟
مشيت وين الزمن دا كلو ؟ من زمن التكتيكات ما شايفك ؟
صنفرة :
ما باركت لي الدكتوراة بتاعت البوست داك
|
Post: #13
Title: Re: ما شعورك حينما يحذف لك بوست او يذهب بوستك الى الخور ؟؟؟
Author: ناذر محمد الخليفة
Date: 05-02-2006, 07:49 AM
Parent: #1
أبو رزقة ..
| Quote: ولا يهمكـ الفضلن أكتر من الرايحات |
الفضلن كتار لكن الراح داك بيساوي خمسين من الفضلوا !!
صنفرة :
هسي لو سحبوا منك بوست (الشيوعية هنادي فضل) ما بيجيك حيرقان في العنقرة
|
Post: #14
Title: Re: ما شعورك حينما يحذف لك بوست او يذهب بوستك الى الخور ؟؟؟
Author: فيصل نوبي
Date: 05-02-2006, 07:51 AM
Parent: #1
قلت لي
| Quote: ما شعورك حينما يحذف لك بوست او يذهب بوستك الى الخور ؟؟؟ |
اها لو خليناها كده
ما شعورك حينما يحذف بوست بسببك او يذهب بوست الى الخور بسببك؟؟؟
|
Post: #15
Title: Re: ما شعورك حينما يحذف لك بوست او يذهب بوستك الى الخور ؟؟؟
Author: عبد الله عقيد
Date: 05-02-2006, 10:35 AM
Parent: #14
ما شعورك حينما يحذف لك بوست او يذهب بوستك الى الخور ؟؟؟
أحححححححححححح
والله اتاريها حارّة خلاص..
العوض على الله..
|
Post: #16
Title: Re: ما شعورك حينما يحذف لك بوست او يذهب بوستك الى الخور ؟؟؟
Author: بكري اسماعيل
Date: 05-02-2006, 03:26 PM
Parent: #15
الأخ ناذر
لك التحايا
أنواع البوستات البتمشي الخور بكون معروف سلفاً فلو عرفت إنو بوستك ماشي وبعد دة كتبتو يا تكون عامل عنتر يا أساساً تكون عندك رغبة في الولوج إلى الخور ..
وإن داير النصيحة أختى الشغلات البتجيب ليك الشفع يلعبو ويتنابزو عندك بعد داك ما بتجيك عوجة وبتكون ختيت الخور ،،
تحياتي
|
Post: #17
Title: Re: ما شعورك حينما يحذف لك بوست او يذهب بوستك الى الخور ؟؟؟
Author: A.Razek Althalib
Date: 05-03-2006, 04:22 AM
Parent: #16
| Quote: هسي لو سحبوا منك بوست (الشيوعية هنادي فضل) ما بيجيك حيرقان في العنقرة |
هو راهووو قالو ليك..
بس..
يا نادر.. الإبر الواحد وعشرين.. أخدناهن من زمان.. وغناين فات..
على قول خيال المآته شروق علي فضل هنا.. Re: ودالعمدة او القلب النابض خلي التمبكة وشكل النسوان -...جيجة معاك يكاتلو ليك
| Quote: وكلب سعران اسمو هنادي يوسف |
شوقته الكلبنة دي كلها من دافنشي..
الذي علمهم التواري خلف ربوت تكنولوجيا الـIP...
تحت ظلال المندكورو..
ولحس الكنجالات تحت دعاية بروبقندا أطفالنا إياها...
قال طوحال في العنقرة قال
|
Post: #18
Title: Re: ما شعورك حينما يحذف لك بوست او يذهب بوستك الى الخور ؟؟؟
Author: ناذر محمد الخليفة
Date: 05-03-2006, 06:56 AM
Parent: #1
روميو (تاني) !!
| Quote: ما شعورك حينما يحذف بوست بسببك او يذهب بوست الى الخور بسببك؟؟؟ |
السؤال دا يفترض يوجه الى سيدة نساء الخور وليتها تعلمنا بشعورها وهي الرائدة والخبيرة في هذا المجال !!
صنفرة :
واظنني سأكتب تكتيكا جديدا بعنوان (تعلم أرسال البوستات ألى الخور في ثلاث مداخلات) !!
|
Post: #19
Title: Re: ما شعورك حينما يحذف لك بوست او يذهب بوستك الى الخور ؟؟؟
Author: ناذر محمد الخليفة
Date: 05-03-2006, 06:59 AM
Parent: #1
وينك يا ود عقيد ..
Quote: أحححححححححححح
والله اتاريها حارّة خلاص..
العوض على الله.. |
تعرف يا عبد الله... شوية كدة وكان بوسطك بتاع كبوشية داك يروح في حق الله وطبعا كان السبب حا يكون عظيم النوبة السيد بشاشا لكن ربك ستر ..
صنفرة :
هي حاااارة والعوض صعب عديييييييييل مع انو أهلنا بيقولوا (طلب عوض الخسارة حرام)!!
|
Post: #20
Title: Re: ما شعورك حينما يحذف لك بوست او يذهب بوستك الى الخور ؟؟؟
Author: ناذر محمد الخليفة
Date: 05-03-2006, 07:05 AM
Parent: #1
الاخ بكري أسماعيل
تحياتي ..
Quote: أنواع البوستات البتمشي الخور بكون معروف سلفاً فلو عرفت إنو بوستك ماشي وبعد دة كتبتو يا تكون عامل عنتر يا أساساً تكون عندك رغبة في الولوج إلى الخور ..
وإن داير النصيحة أختى الشغلات البتجيب ليك الشفع يلعبو ويتنابزو عندك بعد داك ما بتجيك عوجة وبتكون ختيت الخور ،، |
والله أنا شخصيا لمن اكتب بوست بكون متاكد أنو الخور دا (مي هيلو) !! لكن زي ما قلت بيجوك ناس بيخرمجوا ليك البوست وأنا في الحالة دي بضطر أرد عليهم وشوية شوية بلقى البوست (عرج) على الخور وقدر ما (الاويهو) عشان يرجع للاول بلقى الشغلة فلتت من يدي وبيكون الوكت فات لانو ناس (المديدة حرقتني) وناس (عاجل للأخ بكري) بيكونوا دوروا شغلم !!
صنفرة :
أنا ما عندي شغلات بتجيب لي شفع وما شايف لي شفع.. لكن الشفع (أن وجد) ما يحلوا ليهم لعب السيجة و(صفرجت) الا في بوسطاطي ودا الكلام البيجيب لي الهوا زااااااتو !!!!
|
Post: #21
Title: Re: ما شعورك حينما يحذف لك بوست او يذهب بوستك الى الخور ؟؟؟
Author: ناذر محمد الخليفة
Date: 05-03-2006, 07:12 AM
Parent: #1
ابو رزقة صاحبي ...
قلت لي شنو ...
Quote: شوقته الكلبنة دي كلها من دافنشي..
الذي علمهم التواري خلف ربوت تكنولوجيا الـIP...
تحت ظلال المندكورو..
|
شفت يا ابو رزقة تاني من هنا ولي قدام .. لو حصل اقل هبشة لي بوستاتي أو مشت القيف ساكت ... طوالي حا احملك المسئولية عشان بتجيب لي فيها سيرة دافنشي دا !!
ياخ انا قلت ليك ما بحب النقاشين التجريديين !! أنت مالك بتجيب لي سيرتم يااخ !!!
| Quote: ولحس الكنجالات تحت دعاية بروبقندا أطفالنا إياها... |
أهااااااااااااااااااااااااااااااااااااااا !!!!!!
دا الكلام اللعوج زاااااااااتو الما بيحبوهو الجماعة وبيخلوهم يشوفوا البورد دا تسعة تسعة !!
صنفرة :
أسمعني كويس ياأبو رزقة .. شايف بوستي دا هسي ميل تجاه الخور ،، لو انا طلعت وجيت لقيتو مافي ما ترجاني بي هنا !!سمح !!
|
|