الحزب الشيوعي السوداني يتحمل مسئولية تعذيب دكتور النجيب !!

لا افهم كيف أن حزبا له من الخبرات التراكمية في العمل السري والعلني الطويل وامتلاكه للكوادر المؤهلة تخطيطا وتنفيذا ، يفشل في حماية كادره دكتور النجيب وتغطية المهمة التي كان يقوم بها في الجامعة الاسلامية !!

مهمة توزيع منشور صادر عن الحزب الشيوعي السوداني وفي الجامعة الاسلامية تحديدا كان من المفترض أن تحظى بتأمين شامل وبخطة متكاملة لضمان سلامة الكادر ، ولكن ان يقوم دكتور النجيب بتوزيع منشوراته ومن ثم يساق من الكافتريا وامام اعين الكافة وفي وضح النهار ومن ثم يتم تعذيبه طول اليوم فهذا يوضح بجلاء شديد عدة نقاط :

الحزب الشيوعي السوداني يتحمل المسئولية الكاملة عما حدث لعضوهم دكتور النجيب وعلي الحزب محاسبة أجهزته الداخلية قبل محاسبة أجهزة الامن او الحكومة فمن الواضح ان هناك خللاً خطيراً داخل الحزب هو الذي تسبب في ما حاق بالدكتور ولا يعفيهم من هذه المسئولية الا القول ان الطبيب عمر تصرف من تلقاء نفسه ودون مشاورة الحزب .

اجهزة الامن ومنسوبيها غير ملامة على تعرضهم لمنسوبي الحزب الشيوعي اذا ماكان الحزب يدفع بكوادره في قلب منطقة مقفولة لغيره (الجامعة الاسلامية) دون اتخاذ الاجراءات التأمينية الكافية لهم ..

اذا ماكان الحزب الشيوعي يعلم سلفا بمهمة النجيب في الجامعة الاسلامية فتلك المصيبة بذات عينها وعلى المسئولين عن هذا العمل من داخل الحزب التنحي فورا كي تتم اجراءات محاسبتهم عن هذا الخلل التنظيمي الخطير ..

صنفرة :

أما اذا ثبت ان الدكتور النجيب تصرف من تلقاء نفسه فذلك يعد انتحارا !!

ناذر الخليفة ...

سلام يا صديق ...

اتمني فعلاً أن اكون أول المتداخلين...


ياناذر مع احترامي الكامل لحقك في التعبير ، الا اني اري أن بوستك هذا فيه
الكثير من الخلل ، ولا اظن أنك ملم بكل تفاصيل هذه المهمة حتي تتبني مثل هذا
الحديث ، وهذا يقود البوست مباشرة الي منحنيات اخري هي انه للحشد وللانفلات
والمناكفات منك ومن الاخرين .

اما هذا :-

Quote: اجهزة الامن ومنسوبيها غير ملامة على تعرضهم لمنسوبي الحزب الشيوعي اذا ماكان الحزب يدفع بكوادره في قلب منطقة مقفولة لغيره (الجامعة الاسلامية) دون اتخاذ الاجراءات التأمينية الكافية لهم ..

هل يعني هذا أن يترك الافراد والاحزاب المعارضة البحث عن التغيير!!!
هل يعني هذا أن لا يعملون من أجلهِ؟؟!!!

ناذر هذا البوست لا يخرج أبداً من سوء الاهداف والبحث عن اكبر عدد للمداخلات
وباي شكلاً كان .

ولك كامل الحق أن تقول ما تشاء فقط يا صديقي انظر للامر ملياً ثم قُل.

وودي

فوق حتي رد الحزب الشيوعي السوداني

نازر خليفة

Quote: اجهزة الامن ومنسوبيها غير ملامة على تعرضهم لمنسوبي الحزب الشيوعي اذا ماكان الحزب يدفع بكوادره في قلب منطقة مقفولة لغيره (الجامعة الاسلامية) دون اتخاذ الاجراءات التأمينية الكافية لهم ..

دي صعبة شوية يا نازر خليفة
الجبهة غير ملامة عن اغتيال ضباط 28 رمضان
وغير ملامة عن اغتيال طلاب العيلفون لما حاولو يهربو من معسكر الجيش
والجبهة غير ملامة لما قتلت على الفضل وسميت في جامعة سنار ومعتصم في جامعة الجزيرة والتاية وسليم وطارق ومحمد عبد السلام في الخرطوم
الجبهةولامن (تب)غير ملامة.
عموما اي فرد بنتمي لحزب طليعي وللحزب الشيوعي تحديدا في زمن الدكتاتوريات وفي زمن الجبهة تحديدعارف البحصل شنو
تخريمة
كان من المفترض ان يوزع الحزب الشيوعي لكوادره (طاقية التخفي)

بيان من قطاع الاطباء بالحزب الشيوعي السوداني

استمرار ممارسة التعذيب والتصفية الجسدية منهج مرسوم لدى سلطة الانقاذ واجهزة أمنها.

جبهة عريضة لمساندة الضحايا وتقديم المجرمين للمحاكمة.

إلى جماهير الشعب السوداني

إلى طبيبات وأطباء السودان

في ظهر يوم الثلاثاء الماضي الموافق 13 يونيو2006 تم اقتياد الطبيب عمر التاج النجيب، وهو خريج حديث من جامعة أمدرمان الاسلامية بعد توزيع بيان لفرع الحزب الشيوعي بجامعة أمدرمان الاسلامية بخصوص حرمان 450 طالبا من أداء الامتحانات بسبب عدم دفع الرسوم الدراسية ، بواسطة مجموعة من داخل حرم الجامعة إلى غرفة مجهزة للتعذيب بمباني اتحاد جامعة أمدرمان الاسلامية. وقد تعرض هنالك لأبشع أنواع التعذيب البدني والنفسي، فظل معصوب العينين لساعات التعذيب العشرة، وشمل التعذيب التهديد بالقتل بسلاح ناري والشروع فيه بالضرب بالسيخ والطيقان والايدى والركل بالارجل والشنق المتقطع والتعليق من الأرجل بمروحة متحركة والشد من الخصية بالاضافة الى سب العقيدة وحرمانه من الصلاة.

يهمنا أن نؤكد أن ما حدث حلقة جديدة في سجل سلطة الجبهة الاسلامية المخزي وأجهزة قمعها المتعددة، فكلما اشتد الخناق على السلطة بمختلف أجنحتها، بدءاً من فشلها في توفير أبسط مقومات الحياة من غذاء وتعليم وصحة، مروراً بالهزائم المتلاحقة والحصار لأذرعها في اتحادات طلاب الجامعات ومنابر نقابات العاملين والمهنيين وأساتذة الجامعات وانتهاء بحصار المجتمع الدولي. في هكذا ظرف تخرج السلطة أقذر ما في جرابها من أدوات تكميم أفواه المناضلين من أجل الشعب. فليست صدفة أن يتزامن هذا الحدث مع الاعتداءات المرسومة من قبل الأجهزة الأمنية على الأطباء في ربك، الابيض، نيالا و الخرطوم .

ففي الوقت الذي تعصف فيه الأوبئة القاتلة بما تبقى من جسد الجماهير الخائر تحت وطأة الجوع والمرض، الكوليرا، السحائي، الدرن،..الخ، تتوجه أيادي الغدر نحو الاطباء بمختلف بقاع السودان في محاولة يائسة وخاسرة حتماً لاسكات صوت الحق وما دروا استحالة أن تسكت حناجر من هتفوا بحياة الشعب السوداني وهم يصعدون درجات المشانق ويواجهون بثبات رصاص الغدر.

وكذلك لا بد ان يقرأ هذا الحدث مع ما جرى في جامعة امدرمان الاهلية والسودان من تعذيب لبعض الطلاب، والتعذيب المتواصل لابناء دارفور والبجا، والاحداث المصاحبة للعملية الانتخابية بجامعة الخرطوم و ومواقف المعلمين في شرق السودان والولايات الشمالية. ففي ظل هذا الصعود لحركة الجماهير لاسترداد منابرها وادوات تغييرها مواصلة لطريق التحول الديمقراطي المنشود، تظن السلطة انها يمكن أن توقف طوفان الجماهير هذا بتكرار تجربة بيوت الأشباح والتعذيب الاثمة، ولكن هيهات فما يقدمه الشيوعيون وبقية القوى الديمقراطية من تضحية مهر رخيص في سبيل الديمقراطية وانعتاق الجماهير.

تجئ هذه الاحداث بعد مرور اكثر من عام على اتفاقية نيفاشا وقرابة العام على اقرار الدستور الانتقالي بوثائق حقوق الانسان الملحقة به، والسلطة تحاول الارتداد عن ما مهرته بايديها حول تعديل القوانين المقيدة للحريات وفي مقدمتها قانون جهاز الأمن.

نؤكد أن الحزب الشيوعي السوداني يغرس قدميه عميقاً في تراب الوطن، رصيده إنحيازه الاصيل لقضايا شعبنا ودفاعه المستميت عن حقوقها. وهو مدعوماً بحقوق الرأي والتعبير التي كفلها الدستور الانتقالي، ولن تمنعه أيادي الغدر عن التواجد والوصول وقيادة العمل الجماهيري اينما وجدت.

ندين المحاولة البغيضة وندعو جماهير شعبنا الالتفاف حول:

1- المطالبة بالتحقيق القضائي النزيه والعاجل، ومحاكمة المجرمين المتورطين في هذه الفظاعات وتعريتهم.

2- تكوين جبهة عريضة لمساندة ضحايا الاغتيالات والتعذيب وأسرهم، ولتصعيد حملة بالتنسيق مع ممثلي التجمع الوطني الديمقراطي بالسلطة التشريعية لفتح التحقيق في ملفات الاغتيالات والتعذيب والانتهاكات التي مارستها أجهزة أمن نظام الانقاذ منذ استيلائه على السلطة ( شهداء رمضان، الشهيد د. علي فضل ، أحداث بورتسودان ، الاغتيالات العديدة وسط الطلاب ، الانتهاكات الكبيرة بدارفور..الخ)

3- توحد كافة القوى الديمقراطية باحزابها ونقاباتها ومنظماتها من أجل تحديد صلاحيات جهاز الامن بما يتوافق مع الدستور الانتقالي، وفضح ومحاربة كافة اساليب النظام الجديدة في الارهاب الفكري والسياسي. ولأجل تحول ديمقراطي حقيقي بتفكيك دولة الحزب الواحد.

4- تكاتف جماهير الاطباء لاستعادة المنبر النقابي الديمقراطي للدفاع عنهم وعن حقوقهم، مستلهمين تجربة نقابة أساتذة جامعة الخرطوم.

الحزب الشيوعي السوداني

قطاع الأطباء

19 يونيو 2006

we should boycott a post like this
not response to it

Quote: we should boycott a post like this not response to it

بمداخلتك اعلاها فعلت عكس ما طلبت من الأخرين فعله



انت طلعت حريف وذكي بشكل

كدي يا فرانكلي

نجض امرك دي

يا البشير محل ما تشير وراك نسير معاك اركاوي وسلفاكير]

فعلا, كيف أولماذا فشل الحزب الشيوعي في حماية وتغطية مهمة د. النجيب

يا سفيان ..

Quote: هل يعني هذا أن يترك الافراد والاحزاب المعارضة البحث عن التغيير!!! هل يعني هذا أن لا يعملون من أجلهِ؟؟!!! ناذر هذا البوست لا يخرج أبداً من سوء الاهداف والبحث عن اكبر عدد للمداخلات وباي شكلاً كان . ولك كامل الحق أن تقول ما تشاء فقط يا صديقي انظر للامر ملياً ثم قُل.

ما قلنا كدة ..

لكن لمن الناس تمش تفتش للتغيير تاخد حذرا لانو في ناس غيرم ما دايرين تغيير وعاملين حسابم ومستعدين للصدام .. حزب زي الحزب الشيوعي فاهم الكلام دا كويس وتجربتو كبيرة جدا في المسألة دي . بس مسألة تعذيب الدكتور عمر النجيب فيها استفهام شوية ؟؟؟
كيف دا حصل ولي صالح منو والمتسبب فيهو منو ؟؟

صنفرة :

Quote: ناذر هذا البوست لا يخرج أبداً من سوء الاهداف

يا سفيان كلامك دا معناهو مبدأ المحاسبةالداخلية المفروض يكون في كل الاحزاب .. مرفوض في تنظيم الحزب الشيوعي ولا شنو الداير تقولوا بالضبط ؟

حليل زمن الحزب كان بيغطى كوادره وزمن كانوا المختفيين من امثال الخاتم يتكلموا فى الليالى السياسيه وهم مطلوبين للامن ويختفوا بعد الندوه ولاتطالهم يد الامن
السنجك

Quote: اجهزة الامن ومنسوبيها غير ملامة على تعرضهم لمنسوبي الحزب الشيوعي اذا ماكان الحزب يدفع بكوادره في قلب منطقة مقفولة لغيره (الجامعة الاسلامية) دون اتخاذ الاجراءات التأمينية الكافية لهم ..

سيادة قانون الغاب هو الحل....... ياله من منطق

مرحب بيك يا هنادي ..

Quote: دي صعبة شوية يا نازر خليفة الجبهة غير ملامة عن اغتيال ضباط 28 رمضان وغير ملامة عن اغتيال طلاب العيلفون لما حاولو يهربو من معسكر الجيش والجبهة غير ملامة لما قتلت على الفضل وسميت في جامعة سنار ومعتصم في جامعة الجزيرة والتاية وسليم وطارق ومحمد عبد السلام في الخرطوم الجبهةولامن (تب)غير ملامة.

الكلامة الفوق دا كلو برة موضوعنا !!
ما تخلو صلب الموضوع وتقعدوا تمسكوا في كلامي بتاع (الامن غير ملام) !!
كلامي بالتحديد (ليه الحزب الشيوعي فشل في تغطية عمر النجيب وأي زول من أقرب شارع عارف انو الجامعة الاسلامية تحديدا مقفولة وضد كل ما هو غير اسلامي) ؟
يا هنادي ..

ما ممكن يكون الحزب الشيوعي بالعبط البيخليو يعتقد انو عمر النجيب حا يمشي الجامعة الاسلامية براو بدون أي تامين ويوزع بيان ويشرب ليهو كباية ليمون من الكافتريا ويجي طالع ويودعوهو احدي خشم الباب بدون ما يسألوهو !!

Quote: عموما اي فرد بنتمي لحزب طليعي وللحزب الشيوعي تحديدا في زمن الدكتاتوريات وفي زمن الجبهة تحديدعارف البحصل شنو

أها وانا كنت من ديل وعارف الحزب بيتصرف كيف في الحالة دي وعارف الانظمة الدكتاتورية بتتصرف كيف !! .. يعني الفلم بتاع عمر النجيب دا انحنا دخلناهو (لوج) قبال كدة وحقيقة بديهيه انو الحصل دا كان متوقع والبيفتكر غير كدة يكون زول ما قارئ الساحة كويس وما عارف نتائج فعلو !!

شنكل :

Quote: كان من المفترض ان يوزع الحزب الشيوعي لكوادره (طاقية التخفي)

كلامك دا برضو ما بيعفي الحزب الشيوعي من المسئولية !!
قبل ما الحزب يحاسب الامن حقو يعمل تحقيق داخلي ويشوف السبب الخلى دكتور عمر النجيب يمشي الاسلامية بدون محاذير كافية شنو عشان الشغلة دي ما تتكرر تاني !!

abcde

Quote: فعلا, كيف أولماذا فشل الحزب الشيوعي في حماية وتغطية مهمة د. النجيب

تعرف يا زميل .. كل المروا بي هنا وبينتقدوا البوست دا دايرين يبعدوا المسئولية عن كوادر الحزب الفشلت في المهمة دي قصدي مهمة تامين دكتور النجيب .. ودي حاجة مفهومة لي أي زول متمرس ومجرب ..

البوست دا للتوضبح ومعرفة أسباب اخفاق الحزب الشيوعي في العملية دي !!

شنكل :

لا أريد التشكيك في ضعف كوادر التامين لدي الحزب .. ولكني أسأل عن مبدأ المساءلة والمحاسبة !!

السنجك ..

Quote: حليل زمن الحزب كان بيغطى كوادره وزمن كانوا المختفيين من امثال الخاتم يتكلموا فى الليالى السياسيه وهم مطلوبين للامن ويختفوا بعد الندوه ولاتطالهم يد الامن

اتمنى من كل قلبي ان تكون مخطئا !!
فالحزب الشيوعي السوداني يضع الكثيرون امالهم عليه لتستوي الكفة مستقبلا !!

عزيزي ناذر
تحليلي كالآتي
1- الحزب الشيوعي وفق ان الحكومة وافقت علي عودة الاحزاب المعارضة الي النشاط
بالبلاد قد سمح لعضوه بالتحرك باعتبار انه لامشكلة في توزيع البيانات الخاصة بالنشاط السياسي ولكن يبدو أن هنالك عدة حكومات بالسودان من ضمنها حكومة أمن الحزب الحاكم.
وبناء على هذا فالحرية في السودان مجرد وهم كبير اشبه بتصريحات المسؤولين بالوقوف بقوة ضد الامم المتحدة وقراراتها وفي النهاية يمررونها بطاعة عمياء.
نتمنى أن يثبت القادة في كلامهم عن الديموقراطيةوعن قرارات الامم المتحدة وغيرها من القرارات حتى يستطيع الشعب السوداني أن يرسى على بر.

سلوى صيام ..

Quote: سيادة قانون الغاب هو الحل....... ياله من منطق

ما قلنا كدة !!!
فهم السؤال نصف الاجابة ..
القصد انو قبل ما تحاسبو الامن حاسبو نفسكم اول حاجة !!

شنكل :

واضح جدا انو الامن ما قصر في شغلو مع دكتور النجيب لكن !!
أوضح من كدة أنو الحزب الشيوعي قصر في شغلو معاو !!
ولا ما بيحسبوها كدة !!

Quote: بعد توزيع بيان لفرع الحزب الشيوعي بجامعة أمدرمان الاسلامية بخصوص حرمان 450 طالبا من أداء الامتحانات بسبب عدم دفع الرسوم الدراسية ، بواسطة مجموعة من داخل حرم الجامعة إلى غرفة مجهزة للتعذيب بمباني اتحاد جامعة أمدرمان الاسلامية

سلام يا ناذر
ظاهرة انه في قنطرة لهذا العضو ..
من المعروف ان في لائحة الجامعة الاسلامية يمنع ان يمارس الحزب الشيوعي
او الجبهة الديمقراطية اي نشاط سياسي في الاسلامية اذ ان الجامعة اسلامية..
فلا يعقل ان يكون بها طلاب من حزب لا يؤمن بالاديان..( هذا المنطق الذي منع به انزال
لست الجبهة الديمقراطية في بداية الثمانيات)
وكون يذهب كادر متخرج لاحظ متخرج يعني لم يعد طالبا الى الجامعة لتوزيع منشورات
يعد مجازفة كبيرة. ولكن الحزب بحب جدا القنابل الصوتية وقنطرة المتحمسين..
حيث ستستخدم هذه الحادثة المؤسفة في الانتخابات القادمة..(لاحظ الاشارة الى دار الاتحاد)
والتأريخ يشهد على تأريخ الحزب الشيوعي في الجامعات
منذ ان صاح اضرب اضرب يا ابي القاسم. دخل العنف الطلابي مرحلة جديدة
على ايامنا كان اقصى اذى ان تعرف ان هناك اجتماع في غرفة ما
تذهب محملا بكيس شطة ضخم تفكه في الغرفة بمجرد فتح الباب حيث تنتشر
بالمروحة. وتسبب قحة
والان جرثومة العنف كبرت وصارت خطف واحتجاز وتعذيب..

ندين من عذب واحتجز الابن عمر النجيب وندين الحزب الشيوعي على
غفلته المتعمدة لخلق هيصة .. حتى لو دفع ثمنها احد اعضائه..

ومتي يتم اجتثاث العنف ضد الاخر المختلف وتسود روح القبول للاخر بين الطلاب

... كتبت الاخت بيان

Quote: سلام يا ناذر ظاهرة انه في قنطرة لهذا العضو .. من المعروف ان في لائحة الجامعة الاسلامية يمنع ان يمارس الحزب الشيوعي او الجبهة الديمقراطية اي نشاط سياسي في الاسلامية اذ ان الجامعة اسلامية.. فلا يعقل ان يكون بها طلاب من حزب لا يؤمن بالاديان..( هذا المنطق الذي منع به انزال لست الجبهة الديمقراطية في بداية الثمانيات) وكون يذهب كادر متخرج لاحظ متخرج يعني لم يعد طالبا الى الجامعة لتوزيع منشورات يعد مجازفة كبيرة.

حق التعبير والحركة كفلته الاتفاقات السلمية والدستور المعدل....
حق الحزب الشيوعي في النشاط جاء أنطلاقا من هذا......
لم يخلق الدستور أو القانون بؤر(الاسلامية أو جامعةالقران الكريم) محظورة من النشاط الشيوعي
ولا من سيادة الدستور والقانون....وليس هناك أي قيمة للائحة تعارض وتناقض
الدستور والقانون......
....المسؤول عن ما حدث للنجيب هو من خرق الاتفاقات والدستور( الانقاذ )
لا من من مارس حقه الدستوري في الحركة والتعبير بصورة متحضرة!!!

كمال

الأخ ناذر تحياتي
اهديك هذه المقتطفات من الدستور السوداني الانتقالي المجاز في 9 يوليو 2005 والمعمول به حاليا، علها تفتح لك ابوابا اخرى للتفكير قد تكون مفيدة لمعرفة من هو الجاني ومن هو المجني عليه، و هل المخطئ هو الحزب الشيوعي وكادره أم أمن النظام الذي لايلتزم بدستور الدولة .. بالمناسبة جامعة ام درمان الإسلامية لاتقع خارج حدود الدولة و لاتتبع لدولة اخرى، وعليه يشملها دستور البلاد

القواعد الأساسية للدستور

Quote: يؤسس هذا الدستور على المبادئ التالية ويسترشد بها: (أ) وحدة السودان القائمة على الإرادة الحرة لشعبه، وسيادة حكم القانون، والحكم الديمقراطي اللامركزي، والمساءلة، والمساواة، والاحترام والعدالة لجميع المواطنين. (ب) الدين، والمعتقدات، والتقاليد، والأعراف مصدر قوة معنوية وإلهام للشعب السوداني. (ج) التنوع الثقافي والاجتماعي لشعب السودان أساس للتماسك القومي ولا يجوز استغلاله لزرع الفرقة. (د) سلطة الحكم وصلاحياته تستمد من الإرادة الغالبة للشعب والتي يعبر عنها في انتخابات حرة ومباشرة ودورية وذلك في اقتراع عام للبالغين.

ينص البند29 على الآتي

Quote: لكل فرد الحق في الحرية والأمان على شخصه، ولا يجوز اخضاع احد للقبض عليه او الحبس تعسفاً، ولا يجوز حرمانه من حريته الا لأسباب ووفقاً لاجراءات يحددها القانون.

ينص البند39 على الآتي

Quote: 1- لكل مواطن الحق في حرية التعبير، وتلقي المعلومات والمطبوعات والإطلاع على الصحافة دون مساس بالنظام والسلامة والأخلاق العامة وذلك وفقاً لما يحدده القانون. 2- تكفل الدولة حرية الصحافة ووسائل الإعلام الأخرى بما في ذلك حق الحصول على المعلومات في مناخ تنافسي كما ينظمه القانون في مجتمع ديمقراطي.

ينص البند40 على الآتي

Quote: 1- يكفل الحق في التجمع السلمي، ولكل فرد الحق في حرية التنظيم مع آخرين، بما في ذلك الحق في تكوين الأحزاب السياسية والجمعيات والنقابات والاتحادات المهنية أو الانضمام إليها حماية لمصالحه. 2- يضمن هذا الدستور الحق في إنشاء الأحزاب السياسية والجمعيات والنقابات والاتحادات المهنية وينظم القانون ممارسة هذا الحق وفقا لما هو ضروري في مجتمع ديمقراطي.

تحياتي أستاذ الموصلي ..

Quote: - الحزب الشيوعي وفق ان الحكومة وافقت علي عودة الاحزاب المعارضة الي النشاط بالبلاد قد سمح لعضوه بالتحرك باعتبار انه لامشكلة في توزيع البيانات الخاصة بالنشاط السياسي

لو الحزب الشيوعي مفتكر كدا يبقى (منو العوض وعليهو العوض) !!
الحزب الشيوعي يدرك تماما بان ما يجري في الساحة السياسية وهم كبير في ظل عدم وضوح الرؤية بين الشريكين المتشاركين .. وله في حادثة (مداهمة نقد في مخبأه واجباره على الظهور للعلن اسوة حسنة) !!

Quote: وبناء على هذا فالحرية في السودان مجرد وهم كبير اشبه بتصريحات المسؤولين بالوقوف بقوة ضد الامم المتحدة وقراراتها وفي النهاية يمررونها بطاعة عمياء.

بالــــضـــــــــبـــــــــط !!

وأي فرد في السودان عارف الحتة دي والحزب الشيوعي ما ممكن تفوت عليهو حاجة زي دي لان سياسة الدولة واهدافا المعلنة حاجة ، وسياسة التنظيمات البتشكل الدولة حاجة تانية !! يعني في خلل تنظيمي كبير في موضوع الدكتور عمر النجيب ولازم يتراجع وتحصل المحاسبة عشان ما يتكرر الخلل دا تاني !!

Quote: يعني في خلل تنظيمي كبير في موضوع الدكتور عمر النجيب ولازم يتراجع وتحصل المحاسبة عشان ما يتكرر الخلل دا تاني !! ناذر

أتفق معك تماماً علشان ما يتكرر الخلل دا تانى ولا داعى للدفاع عن خطأ نتائجه واضحة على جسد انسان وبالتأكيد ستتم المحاسبة ودراسة الخلل فى هذه التجربة لمنع حدوثها وهذا هو فى تقديري هدف البوست الاساسى وليس تبرئة الاجرام السياسى للجبهة الاسلامية

صنفرة وتخريمة
يا رجل تطورت مساهماتك كثيراً اعلن اعجابى

استاذ الموصلي

تحياتي

في إعتقادي, ان الحزب الشيوعي يدرك, او المفروض, أن عرض الحكومه بالسماح لأي حزب بممارسة نشاطه

السياسي, لايتعدى مرحلة العرض ومن الصعب تطبيقه على أرض الواقع - حاليا على الأقل- خصوصا إذا كان

النشاط سياسي طلابي.

لذلك يبقى السؤال قائم

Quote: ندين من عذب واحتجز الابن عمر النجيب وندين الحزب الشيوعي على غفلته المتعمدة لخلق هيصة

الى أن نجد إجابه حقيقيه ومنطقيه

سلامات دكتورة بيان ..
أنا من جبيل داير واحد يقول (البغلة في الابريق) زي ما قلتي انتي تحت :

Quote: سلام يا ناذر ظاهرة انه في قنطرة لهذا العضو .. من المعروف ان في لائحة الجامعة الاسلامية يمنع ان يمارس الحزب الشيوعي او الجبهة الديمقراطية اي نشاط سياسي في الاسلامية اذ ان الجامعة اسلامية.. فلا يعقل ان يكون بها طلاب من حزب لا يؤمن بالاديان..( هذا المنطق الذي منع به انزال لست الجبهة الديمقراطية في بداية الثمانيات) وكون يذهب كادر متخرج لاحظ متخرج يعني لم يعد طالبا الى الجامعة لتوزيع منشورات يعد مجازفة كبيرة. ولكن الحزب بحب جدا القنابل الصوتية وقنطرة المتحمسين.. حيث ستستخدم هذه الحادثة المؤسفة في الانتخابات القادمة..(لاحظ الاشارة الى دار الاتحاد) والتأريخ يشهد على تأريخ الحزب الشيوعي في الجامعات منذ ان صاح اضرب اضرب يا ابي القاسم. دخل العنف الطلابي مرحلة جديدة على ايامنا كان اقصى اذى ان تعرف ان هناك اجتماع في غرفة ما تذهب محملا بكيس شطة ضخم تفكه في الغرفة بمجرد فتح الباب حيث تنتشر بالمروحة. وتسبب قحة والان جرثومة العنف كبرت وصارت خطف واحتجاز وتعذيب.. ندين من عذب واحتجز الابن عمر النجيب وندين الحزب الشيوعي على غفلته المتعمدة لخلق هيصة .. حتى لو دفع ثمنها احد اعضائه.. ومتي يتم اجتثاث العنف ضد الاخر المختلف وتسود روح القبول للاخر بين الطلاب

لكن معظم الجو مارين زاغو من كدة ودايرين يودوا القضية حتة تانية !!

Quote: سلام يا ناذر ظاهرة انه في قنطرة لهذا العضو ..

دا الانا بحاول أثبتو بالمعطيات !!

Quote: ظاهرة انه في قنطرة لهذا العضو .. من المعروف ان في لائحة الجامعة الاسلامية يمنع ان يمارس الحزب الشيوعي او الجبهة الديمقراطية اي نشاط سياسي في الاسلامية اذ ان الجامعة اسلامية.. فلا يعقل ان يكون بها طلاب من حزب لا يؤمن بالاديان..(

نقطة مهمة جدا يا ريت هنادي و مستر (بايكوتت) يقروا الكلام دا كويس !!

Quote: وكون يذهب كادر متخرج لاحظ متخرج يعني لم يعد طالبا الى الجامعة لتوزيع منشورات يعد مجازفة كبيرة. ولكن الحزب بحب جدا القنابل الصوتية وقنطرة المتحمسين.. حيث ستستخدم هذه الحادثة المؤسفة في الانتخابات القادمة..(لاحظ الاشارة الى دار الاتحاد)

يرضو منتظر التعليق بتاع الجماعة !!

Quote: ندين من عذب واحتجز الابن عمر النجيب وندين الحزب الشيوعي على غفلته المتعمدة لخلق هيصة .. حتى لو دفع ثمنها احد اعضائه..

وأنا معك ادين كل المحاولات تلك فترك عمر النجيب وحده دون تامين كاف أمام شي متوقع للكافة دون فرز ..

صنفرة :

هنالك نقاط كثيرة لا زالت غامضة في الموضوع ولا تاكيد لها ..
ولكن الشي المؤكد ان دكتور عمر النجيب كان ضحية لعملل مخطط بدقة !!

الاخ الصاوي ..

Quote: علها تفتح لك ابوابا اخرى للتفكير قد تكون مفيدة لمعرفة من هو الجاني ومن هو المجني عليه، و هل المخطئ هو الحزب الشيوعي وكادره أم أمن النظام الذي لايلتزم بدستور الدولة ..

هنالك جانيان في هذه القضية ومجنى عليه واحد ..
الجاني الاساسي هو الحزب الشيوعي السوداني ..
والجاني المشارك هو أجهزة الأمن ..

اما المجنى عليه فهو دكتور النجيب ..

ذكرت لأستاذ الموصلي اعلاه أن الدستور الانتقالي وجميع القوانين المشابهة التي خرجت علينا بعد اتفاقية نيفاشا لا تساوي ثمن الحبر الذي كتبت به .. وجميع التنظيمات تعلم ذلك وتعلم جيدا ان العمل السياسي العلني لكوادر بعضا من التنظيمات ضريا من المستحيل في اجواء هذا التطرف والهوس وأجواء أقدام احذية جنود القبعات الزرقاء تضرب أبواب البلاد !!

فماذا تتوقع في هذا المناخ !!

تحياتي

يعني مانجيكم الى ان يقضي الله أمرا كان مفعولا؟؟؟؟؟؟

الاخ عبد العزيز ...

Quote: أتفق معك تماماً علشان ما يتكرر الخلل دا تانى ولا داعى للدفاع عن خطأ نتائجه واضحة على جسد انسان وبالتأكيد ستتم المحاسبة ودراسة الخلل فى هذه التجربة لمنع حدوثها وهذا هو فى تقديري هدف البوست الاساسى وليس تبرئة الاجرام السياسى للجبهة الاسلامية صنفرة وتخريمة يا رجل تطورت مساهماتك كثيراً اعلن اعجابى

يعلم الله ان هذا هو غرضي الرئيس من هذا البوست ولو اردت تبرئة الامن لفعلت بكل وضوح ولكني لا أفعل ذلك واردت فقط أن يظهر الجاني الاساسي وهو الذي دفع بالدكتور عمر النجيب لاسوار الجامعة الاسلامية للانتحار بهذه البساطة في مغامرة يعلم أي مبتدي فاشل في أي تنظيم سياسي خطورتها ناهيك عن تنظيم كبير يعد مدرسة في العمل السياسي كالحزب الشيوعي السوداني !!

شنكل :

أما هنادي فضل ومستر (بوي كوت) فهما يذكراني بالحرس القديم والذين بدورهم يذكروني بأل البوربون في فرنسا والذين (لا ينسون شيئا ولا يتعلمون شيئا) !!

Well said Nazir
I agree with your legid questions

Nasr

استاذ الموصلي

Quote: يعني مانجيكم الى ان يقضي الله أمرا كان مفعولا؟؟؟؟؟؟

لن يكون هناك أي امر مفعول ... في غياب الكثيرين

...المسؤول عن ماحدث للنجيب هو من خرق الدستور والاتفاقات السلمية لا من
ألتزم بها!!!!!
نتحدث هنا عن المبداء والمبادئ ....نتحدث عن حق الانسان في التعبير
والحركة ....كفل أتفاق نيفاشا الاخير حق التعبير وحرية الرأي
ويقول الدستور المعدل بذات المعني.....
.....أذا من المفهوم أن يقوم شخص ماأوكادر ما بممارسة حقه هذا
بحما ية حقه الدستوري هذا.....ومن المفهوم أيضا ان يمارس أي حزب
حقه في الممار سة السياسية أنطلاقا من الاتفاقات الاخيرة وذلك بشكل
سلمي عبر الاليات المعرو فة....
.... أنطلاقامن هذا تصبح مطالبة الاحزاب بتكوين ملشيات وتسليح كوادرها
لحماية نشاطها دعوة لسيادة قانون الغاب وهيمنة لغة العنف....
نعم انها دعوة لمواجهة غير متكافئة بين قوي سياسية تسعي لممارسة
حقها بشكل سلمي وبين حزب يستغل أمكانات الدولة في ضرب خصومه
وتصفيتهم....!!!كيف نتوقع من كوادر عزل أن تواجه سلاح الدولة?
.....المطلوب أدانة أجهزة الدولة لخرق أتفاق نيفاشا ونص الدستور
والقانون .... والمتوقع هو التثمين علي موقف الحزب الشيوعي بأصراره
علي ممارسة حقه السياسي بصورة حضارية بدلا من دعوته لأخذ القانون
باليد وممارسة الهمجية وبدلا عن أدا نته لعدم ممارسة النشاط وسط ترسانة
حزبية مسلحة ومليشيات مدججة!!!
....وختاما دعونا نطالب بحيد ة أجهزة الدولة المدنية والعسكرية
وننادي بسيادة دولة القانون والتحضرفي أدارة الصراع والخلاف السياسي
كمال

هذه المداخلة خطا شكلا ومضمونا لانها تبدأ بلوم الضحية. ولوم الضحية غير أنه لا أخلاقي، هو نوع من تبرير الخوف من الجاني. "وطبعا لانو الجاني هو الأقوي والضحيه هو الأضعف, والأسلم محاباة الأقوي لتجنب أذاه".

وعجيب أمر السودان. من ناحية يقولو ليك ما هو الشيوعيين في الحكومة, معترفين بيها ومعترفه بيهم, ومن الناحية التانية يقولو ليك هو الشيوعيين البوديهم يوزعوا في محل محتكر للحكومة شنو.

يا أخ ناذز تعذيب إنسان في أي مكان في العالم وتحت أي حجة خطا أخلاقي فادح وجريمة لا تغتفر ويجب أن نعمل جميعا لانهاء ذلك. ومن باب أولي أن لا نجد لذلك مبررا البته.

الحزب الشيوعي وعلي مدي أكثر من ستون عاما قدم أرتالا من الشهداء, جلهم أن لم نقل كلهم كان يدركون مخاطر الدفاع عن الوطن والديقراطية والإنسان.

حدد موقف حازم وفعال ومتقدم لإحترام الانسان في السودان وحقه في التعبير مهما أختلف مع السلطة الحاكمة. ذلك أجدي لك وللشيوعيين وللإنسانية.

!!!!!!!!!!!!!!

Quote: يعني مانجيكم الى ان يقضي الله أمرا كان مفعولا؟؟؟؟؟؟

تجينا لكن لو داير توزع منشورات اتاكد انو ناسك حا يغطوك كويس وما يدقسوك !!

شنكل :

ولو (وزعوك) عشان توزعا في الجامعة الاسلامية قول ليهم لا أنا داير اوزع في الكلية الاردنية الفي العمارات !!

تسلم يا كوستاوي ..

Quote: Well said Nazir I agree with your legid questions Nasr

وانشالله الباقين يتفقوا معاي !!

شنكل :

انتو الليلة جنيتو ولا شنو !!
جبيل عبد العزيز اتفق معاي وهسي أنتا!!
ما يكون دينق ودافنشي في الطريق !!

الاخ ناذر

تحياتى
وانا هنا اتساءل .. طالما ان توزيع المنشورات تم فى الجامعه الاسلاميه
وبهذه الصوره المكشوفه والمستفزه .. لماذا لا تكون هذه العمليه برمتها
شرك وفخ وقعت فيه الحكومه وهى مغمضه .. وذلك حتى يفتح الحزب الشيوعى
النار على الحكومه ويقفز من السفينه التى يظن انها على وشك الغرق
خاصه بعد تملل الحزب من توقيع التجمع الوطنى مع الحكومه .. ورؤيته
المخالفه للاخرين فى صيغة المشاركه ... وهل تأتى عن طريق المشاركه
التشريعيه فقط ام تنفيزيه .

ودليلى على ذلك ان الحادثه فرديه .. تمت من قبل شخص واحد قام بتوزيع
المنشورات داخل حرم الجامعه الاسلاميه وبين الطرف الاخر وهو مكتب الامن
بالجامعه ( رغم علم الحزب بالعداء التاريخى بين الشيوعيه والاسلام )
الا ان الملاحظ للضجه التى اعقبت هذه الحادثه يلاحظ ان رد الفعل كان اكبر
من الفعل نفسه وغير مساو له فى القوه ... وماذا يعنى هذا .. غير ان انيه
كانت مبيته اصلا للهجوم على الحكومه والعمل من الحبه قبه .. ان كانت الحادثه
الفرديه مقصوده ومرتبه او اتت بالصدفه .

والله اعلم

Quote: .....المطلوب أدانة أجهزة الدولة لخرق أتفاق نيفاشا ونص الدستور والقانون .... والمتوقع هو التثمين علي موقف الحزب الشيوعي بأصراره علي ممارسة حقه السياسي بصورة حضارية بدلا من دعوته لأخذ القانون باليد وممارسة الهمجية وبدلا عن أدا نته لعدم ممارسة النشاط وسط ترسانة حزبية مسلحة ومليشيات مدججة!!!

شكرا جزيلا كمال عباس

الاخ كمال عباس ..

Quote: نتحدث هنا عن المبداء والمبادئ ....نتحدث عن حق الانسان في التعبير والحركة ....كفل أتفاق نيفاشا الاخير حق التعبير وحرية الرأي ويقول الدستور المعدل بذات المعني.....

اذا ما اردت التحدث عن الدساتير ونيفاشا وأبوجا فلن تخرج بنتيجة سوى مزيد من الغموض الذي لا يمت للواقع بصلة !!

دعنا نتحدث عن الواقع في الارض وليس عما يفترض حدوثه بفعل الدساتير والاتفاقيات فتلك هي مهمة كوادر الاحزاب السياسية في البرلمان وفي الجهاز التنفيذي !! وحتى يتم تغيير الوضع فلنكن واقعيين ولنتعامل بذهنية ما قبل نيفاشا !

Quote: .....المطلوب أدانة أجهزة الدولة لخرق أتفاق نيفاشا ونص الدستور والقانون .... والمتوقع هو التثمين علي موقف الحزب الشيوعي بأصراره علي ممارسة حقه السياسي بصورة حضارية بدلا من دعوته لأخذ القانون باليد وممارسة الهمجية وبدلا عن أدا نته لعدم ممارسة النشاط وسط ترسانة حزبية مسلحة ومليشيات مدججة!!!

أنا ادين معك اجهزة الدولة رغم ضعف هذه الوسيلة وكونها لن تجدي .. كما اثمن موقف الحزب الشيوعي على ممارسة حقه السياسي بصورة حضارية ولكن ..

دعني في ذات الوقت أدين الحزب الشيوعي على قلة حرصه وتفريطه في أحد كوادره المؤهلة والدفع به دفعا للأنتحار !!!

صنفرة :

كم سيرتاح بالي لو ذكر لي أحدكم ان الدكتور عمر النجيب تصرف بمفرده دون التنسيق مع أجهزة الحزب !!

الاخ ناصر ..

Quote: هذه المداخلة خطا شكلا ومضمونا لانها تبدأ بلوم الضحية. ولوم الضحية غير أنه لا أخلاقي، هو نوع من تبرير الخوف من الجاني. "وطبعا لانو الجاني هو الأقوي والضحيه هو الأضعف, والأسلم محاباة الأقوي لتجنب أذاه".

مداخلتك انت الخطا وجانبت الصواب تماما ..

أنا الوم الجاني الحقيقي وهو تنظيم الحزب الشيوعي وتحديدا الاشخاص المناط بها تامين كوادرهم في مثل هذه المهمات الخطيرة ..

أما الضحية الحقيقي فهو بطلا رغم كل شي ولا ألومه اطلاقا .. كما أنني لم أسعى لتبرير عملية التعذيب واتفق معك تماما انها غير اخلاقية البتة ولذلك طالبت بمبدا المحاسبة ختى لا تتكرر مستقبلا !!

صنفرة :

لا استطع رؤية الفيل والطعن في ظله !! فبالنسبة لي على الاقل أعرف تماما من الجاني ومن الضحية !!

الاخ علي بشير

Quote: لماذا لا تكون هذه العمليه برمتها شرك وفخ وقعت فيه الحكومه وهى مغمضه .. وذلك حتى يفتح الحزب الشيوعى النار على الحكومه ويقفز من السفينه التى يظن انها على وشك الغرق خاصه بعد تملل الحزب من توقيع التجمع الوطنى مع الحكومه .. ورؤيته المخالفه للاخرين فى صيغة المشاركه ... وهل تأتى عن طريق المشاركه التشريعيه فقط ام تنفيزيه .

حديثك هذا يدعم نظرية (القنطرة) التي ذكرتها دكتورة بيان في مداخلتها اعلاه ..

كتب الاخ نزار

Quote: اذا ما اردت التحدث عن الدساتير ونيفاشا وأبوجا فلن تخرج بنتيجة سوى مزيد من الغموض الذي لا يمت للواقع بصلة !! دعنا نتحدث عن الواقع في الارض وليس عما يفترض حدوثه بفعل الدساتير والاتفاقيات فتلك هي مهمة كوادر الاحزاب السياسية في البرلمان وفي الجهاز التنفيذي !! وحتى يتم تغيير الوضع فلنكن واقعيين ولنتعامل بذهنية ما قبل نيفاشا !

وكتب

Quote: دعني في ذات الوقت أدين الحزب الشيوعي على قلة حرصه وتفريطه في أحد كوادره المؤهلة والدفع به دفعا للأنتحار !!!

..... لا يا عزيزي أن القوي السياسية الداعمة للأتفاقات السياسية
والتحول السياسي السلمي .....تعاملت مع الامر بجدية وباشرت نشاطها
العلني .... نعم أنها تعاملت بأحترام مع الدستور والقانون والأتفاقات
وتحركت وفق ماتكفله الاتفاقات وما يخوله الدستور....
.....أنطلاقا من هذا ليس متوقعا أن تشكل أو.تفعل الاحزاب مليشياتها
لحماية نشاطها وتحويل شوراع الخرطوم وساحات الجامعات لحمامات
دم ومياديين معارك! والدخول في مواجهة مسلحة مع أجهزة الدولة المسيسة
.....تفعل الاحزاب هذا وتضع نصب أعينها أن القوي الدوليةالتي ضغطت
لصياغة وتوقيعه تراقب ما يجري وتتابع تفاصيل أنفاذه .....
وتضع في ذهنها الرأي العام الداخلي الذي يسعي ويتلهف لايقاف نزيف الدماء ولقيام تجربة سياسية صحية وسلمية وبالتالي سوف يقيم ما يجري
و ويتعرف علي الجهة التي تخرق الاتفاق وتسعي لتكريس واقع الهيمنةوالشمولية
والأقصاء.....
.....ما فعله النجيب حق مشروع سواء أن جاء بدافع فردي أو قرار هئية
حزبية ... نعم أنهاممارسةحق التعبير وحرية الرأي والحركة في ظل واقع ينبغي أن تسوده لغة القانون والدستور .... .
ولا أدري ما المطلوب يا نزار? أن يشكل ويحرك الحزب الشيوعي ملشيات وكتائب
مدججة بالسلاح لحماية كادريوزع منشورا أو يبدئ رائيا في ندوة وذلك
بأفتراض أن الخصم والحكم مدججا بالسلاح وقوة أجهزة الدولة?
..... أقول هذا تماشيا مع منطق التحولات الاخيرة علي الرغم من تحفظي
علي مشاركةالقوي السياسية في أجهزة الدولة ذلك أن تلك المشاركة
غير مؤثرةفي ظل صيغة نيفاشا التي قسمت الثروة والسلطة علي حملة
السلاح وأرادت وضع بقية القوي السياسية كتمو مة جرتق وديكور سياسي
.....
ماحدث وما يحدث من خروقات أنقاذيةيؤكد رأئنا في تواصل العقلية الشمولية
الاقصائية والدولة والبوليسية ويفضح ويعري دعاية كوادر الانقاذ وأذنابهم
بالمنبر الذين يسوقون لبضاعة الانقاذ ويزعمون أن تحولاجوهريا طراء عليها
وينعون علي الاحزاب عدم المشاركة في الممارسة السياسية....
..... ماحدث فضح لبعض من المصابين بالفصام السياسي الذين يهللون
لقمع الرأي الاخر والأقصاءوتكميم الافواه بالوطن ويصمون الاذان بمنبرنا
هذا مطالبيين بكفالة الرأي الاخر وكفالة حرية التعبير تري ماذا يسمي
هذا?
كمال

الكلام ده للكيزان و اشاعهم و اشباهم
طيب بمنطق عدم التسريح للشيوعيين بالدخول في الجماعة الاسلامية لممارسة النشاط السياسي
سوال بسيط للكيزان البدو دولتهم بي
امريكا روسيا قد دنا عذايها
ليه الكيزان و اشياعهم بمشوا بعثات علي حساب المواطن السوداني البسيط لي مليزيا و اقصي اسيا و اوربا و امريكا بدل ما يقروا في ود الفادني و لا ام ضبان و لا الجامعة الاسلامية الناقرين طارها دي
ليه الكيزان بمشوا امريكا و الدنيا تقعد و تقوم لمن الامريكان يهبشوا اي اسلامي
ليه الكيزان ضاربين تجارة للطيش في الصين و فتحوا مكاتب و الصين شيوعية بنسبة اكتر من 60% بمنطق بنو كوزو
ليه الكيزان سمحوا بفتح البارات في الجنوب
بالواضح السؤال ده موجه لناس و اهل و مدجني المشروع الحضاري
اكان ماعندكم استعداد لتفكيك الدول الشمولية و تكون هناك مرحلة انتقالية الداير يبقي شيوعي يبقي الداير اسلامي يبقي علماني يبقي موقعين علي نيفاشا و ابوجا ليه
يا ناس و الله الناس ديل ما عارفين قيادتهم بتسوي في شنو
ناس تبيع و تاكل لمن تشيع و ناس هتيفة تلحس في ايدين البياكلو لمن يشبعو و يجو يموتو موت الضان
يا جماعة بالواضح الشغل الحاصل ده داخل فيهو امريكا و اروبا و بي الواضح عايزين يفككو الدولة الشمولية و تكون هناك فترة انتقالية للانتقال للديمقراطية
و ده السبب الدخل برلمانكم ناس سليمان حامد و فاطمة احمد ابراهيم و ياسر عرمان و كا الوان الطيف السياسي مكان التشريع يعني التشريع ذاتو بقي فيهو شيوعيين و علمانين و و ثنيين و مسيحين
اها تاني الباقي شنو
اتوكلو علي الله و امرقو بباقي قريشات البترول ده بدل يمرقوكم منها مرقة العباسين و البعثيين من بغداد
ها كيزان انقرعو

[B

Quote: ]أتفق معك تماماً علشان ما يتكرر الخلل دا تانى ولا داعى للدفاع عن خطأ نتائجه واضحة على جسد انسان وبالتأكيد ستتم المحاسبة ودراسة الخلل فى هذه التجربة لمنع حدوثها وهذا هو فى تقديري هدف البوست الاساسى وليس تبرئة الاجرام السياسى للجبهة الاسلامية صنفرة وتخريمة يا رجل تطورت مساهماتك كثيراً اعلن اعجابى

الأخ عبد العزيز
سلامى
أولا ليس هناك من سبب يبيح تعذيب الأنسان بدنيا أو نفسيا ايا كان السبب.
ثانياهذا البوست بدأ بلوم الضحية ولوم الضحية شئ غير اخلاقى كما قال الأخ نصار.
ثالثاهى دعوة لسيادة قانون الغاب ورد العنف بالعنف وان كانت مغلفة.
رابعا وخامسا...و... و.....واخيرا

Quote: ...المسؤول عن ماحدث للنجيب هو من خرق الدستور والاتفاقات السلمية لا من ألتزم بها!!!!!

فأين هو التطور ياعبد العزيز

Quote: أتفق معك تماماً علشان ما يتكرر الخلل دا تانى ولا داعى للدفاع عن خطأ نتائجه واضحة على جسد انسان وبالتأكيد ستتم المحاسبة ودراسة الخلل فى هذه التجربة لمنع حدوثها وهذا هو فى تقديري هدف البوست الاساسى وليس تبرئة الاجرام السياسى للجبهة الاسلامية

الأخ عبد العزيز
رجعت وقريت مداخلتك تانى عشان اتأكد.... لانو دخلنى شك بانها سخرية من موضوع البوست.
ووقفت كتير قدام كلمةالخلل دة فلم افهم ماالمقصود بالكلمة...... ياتو خلل؟

".....ما فعله النجيب حق مشروع سوي أن جاء بدافع فردي أو قرار هئية
حزبية ... نعم أنهاممارسةحق التعبير وحرية الرأي والحركة في ظل واقع ينبغي أن تسوده لغة القانون والدستور "

أعتقدأن ما قاله المشارك أعلاه كفاني الرد عليك يا أخ ناذر.

الحزب الشيوعي أفراد وجماعات يمارسون حقا طبيعيا ودستوريا, فإن أعتدي عليهم معتدي فلا يمكن لومهم لأنهم لم يعدو عدة ذلك. كلامك دي زي البتقول لزول تسمم من أكل المنقة أنه ليه ما عمل حسابه عشان ما يتسمم؟؟؟ يعني المفروض يعمل حسابه ويحضر دواء التسمم.

Quote: أولا ليس هناك من سبب يبيح تعذيب الأنسان بدنيا أو نفسيا ايا كان السبب

أها كلامك الفوق ده مافي في السودان ولا قبل نيفاشا و لا بعدها. و الكلام ده قالو ليكم الظلامي نذار ...يعني الكلام المكتوب في الورق ده كلام ساكت.

و الدليل موجود....

نذار الظلامي كلامو واضح جدا. أيوه نلوم نظام الإنقاذ و ندينوا و نضغط عليه بالمزكرات و في نفس الوقت نلوم تنظيماتنا في عدم توفير غطاء أمني لكوادرها و خاصة في العمل الجماهيري وده ما معناه تشيل ليها سلاح و تحارب بيه الحكومة. يعنى دكتور النجيب لو كان معاه عشرة أو حتى خمس أفراد من المناضلين كان ممكن النتيجة تكون مختلفة.

و أظن ده هو القاصدو عبدالعزير...غلط ولا ما صاح يا عبدالعزيز?

و برضو سلوى منتظراك ...ورينا خللك ده!!

كوستاوي كدي قول بسسسسسسم الله الرحمن الرحيم !!

Quote: أها كلامك الفوق ده مافي في السودان ولا قبل نيفاشا و لا بعدها. و الكلام ده قالو ليكم الظلامي نذار ...يعني الكلام المكتوب في الورق ده كلام ساكت. و الدليل موجود.... نذار الظلامي كلامو واضح جدا.

أول حاجة انا لمن ولدوني أبوي ضبح لي تورين كباااار والله الواحد فيهم لو نطحك يجدعك من هنا لحدي اخر الحلة تحت كبري شمبات داك وتاني ما تنفع اسبيرات .. أبوي سماني نااااااذر بالـ (ذا) تمساح ما (نذار) بالـ (ذا) بصل !! دي حاجة ...

الحاجة التانية مالك داير تجيب لي الشبهة شابكني ظلامي وبطيخ !!

والله اخوك مستنير كشافة ايطالية 6000 واط بس عمايل المستنيرين الـ تايوان في البورد دا جابت لي إشقدي في نص راسي وخلتني زي التقول كدي قريب للظلاميين !!

وعليك الله فهم معاي الجماعة ديل وبأكد على كلامك وكلامي :

اي زول طول من البلد يفهم حاجة .. ما فيش حاجة في السودان اسمها دستور ولا نيفاشا ولا حقوق التنظيمات في العمل ولا بطيخ !! دي كلها كتبوها ناس ومضوا عليها و (قبضوا) التمن .. لكن الحال في الشارع السياسي زي ما هو وزي ما قبل قرارات الرابع من رمضان يعني بالواضح ما داير زول يجيني ويشبكني الدستور بيقول ونيفاشا بتقول !!

الكلام دا يقولوهو ممثلينكم الفي البرلمان والفي الجهاز التنفيذي عشان يدقسوكم بيهو لكن انتو ما تقولوهو !! وعليكم بالبيحصل في الشارع الإنتو زاااتكم بعيدين منو !!

شنكل :

هو لو في سيادة دستور ولا حفظ ماء وجه تنظيم .. مش كان حقو النواب بتاعين الحزب الشيوعي يستقيلوا من البرلمان احتجاجا على الحصل للدكتور عمر النجيب بدل البيان الماجايب حقو الطلعوهو أطباء الحزب !! مع العلم انو دكتور عمر النجيب قال بي عضمة لسانو انو لسة ما عضو في النقابة ويا دوووبو في العضوية تبع الانتساب لأنو لسة متخرج !!!

هو الضحك على الذقون بيكون كيف لو ما كدا !!

ناصر !!!!

Quote: الحزب الشيوعي أفراد وجماعات يمارسون حقا طبيعيا ودستوريا, فإن أعتدي عليهم معتدي فلا يمكن لومهم لأنهم لم يعدو عدة ذلك

الحزب الشيوعي لم يعد عدة لذلك !!!!!!!!
انت كلامك دا بي صحك ولا بتهظر !!
الحزب الشيوعي اكتر حزب في السودان بيعد العدة وبيخطط لي قدام بالسنوات مش بالشهور وبالايام .. واهو قدامك نقد ابى يطلع من المخبأ رغم كل التغيرات ورغم جميع الضمانات الا لمن جروهو جر من الحتة الكان مدسي فيها .. لانو الحزب بيفكر لي قدام مش بينتظر زول ولا حكومة تقول ليهو (خلاص أشتغلو) عشان يكشفوا كوادرم للامن ويكونو عرضة للاصطياد !!

وتجي تقول لي (الحزب لم يعد العدة لذلك) !!

بلف وبجي تاني واقول :

مسئولية الحصل للدكتور النجيب يتحملا الحزب الشيوعي في المقام الاول ولو كوادر الحزب هنا خايفة اننا نتهما بالضعف الداخلي أو بعدم التخطيط السليم ما مشكلة.. واحسن يعرفو الحقيقة دي من هسي بدل ما يحولوا القضية عن مسارا والجري وراء ادانة الامن والحكومة عشان يشغلوا الناس من القضية الاساسية اللي هي الضعف الحاصل في جسم جذء من بنية التنظيم المتعلقة بالحماية .. وكدة أحسن مما نتهم الحزب بانو مخترق للامن ودا سبب النكسة الحصلت لي دكتور النجيب !!!

شنكل :

حاسبوا انفسكم وكوادركم قبل الاخرين غفر الله لكم !!

سلوى صيام !!!

شكلك ما ناقشة حاجة نهائي وشغالة بس ردحي برة الزمن !!

Quote: ووقفت كتير قدام كلمةالخلل دة فلم افهم ماالمقصود بالكلمة...... ياتو خلل؟

المقصود الخلل الفي سفلتة شارع العرضة الكشفو الوالي بتاع الخرطوم !!
أنشالله كدة تكوني فهمتي الحاصل !!

شنكل :

هو إدعاء العبط دا كيفن لو ما كدا !!

Quote: we should boycott a post like this not response to it

Democracy???????


الاخ ناذر موضوع حيوي واسئلة تحتاج الى اجابات !!!!

فلنبحث سوياً عن حقائق التاريخ الغائبة في ضمير الزمن

تحياتي

يعملوا شنو كان؟
الشيوعيين يحموهوا كيف؟
يعملوا دولة داخل الدولة؟
يوصولوهو الاسلامية بدبابة؟
ولا مدرعة؟
ولا هيليكوبتر؟

ولا غواصة؟
يا
ناذر؟

يا راجل!!

ابدا فى الاول بادانة ما حدث.

ثم بعد داك نظر ما شاء لك الاله والوطن!

الاسلامية مقفولة؟

زى البطيخة يعنى؟

طيب عمر النجيب قرا فيها كيف 6 سنوات؟
وهو شيوعى وجبهة ديمقراطية؟

يا ناذر الخليفة
لو كنت مغنيآ ومطربآ تسعى لقلوب المعجبين والمعجبات
فإن الاشتغال بالسياسة ليس هو الطريق السالك!

اما لو كنت سياسيآ على خجل من امرك فدع الخجل جانبآ!

اما لو كنت زول ساى
فلا تتحدث عن هذه الامور!

ولا شنو يا منقة؟؟

Quote: نذار الظلامي كلامو واضح جدا. أيوه نلوم نظام الإنقاذ و ندينوا و نضغط عليه بالمزكرات و في نفس الوقت نلوم تنظيماتنا في عدم توفير غطاء أمني لكوادرها و خاصة في العمل الجماهيري وده ما معناه تشيل ليها سلاح و تحارب بيه الحكومة. يعنى دكتور النجيب لو كان معاه عشرة أو حتى خمس أفراد من المناضلين كان ممكن النتيجة تكون مختلفة

الأخ كوستاوى سلام
اذا كنا بنقول لى زول مشى يوزع بيان بصورة سلمية ليه مشيت ولا ليه مشيت وماشايل معاك سيخة ولا مسدس بنكون فرطنا فى حق كفله لينا الدستور.
وثانيا ان هذا البوست غرضه تمييع القضية الاساسية وليس مصلحة الحزب الشيوعى او كوادره.
وثالثا اذاكان ناذر هو البورى الحزب الشيوعى غلطه من صاحه بكون الحزب ده واطاته اصبحت
وشكرا

كلام الاخ ناذر يحمل جزء من الحقيقة غض النظر عن دوافعه و مراميه التى قد يتفق او يختلف حولها الناس, لكن للأسف يتم الخلط بين قضيتين مختلفتين رغم ارتباطهما الوثيق فى حادثة التعذيب هذه او معظم حوادث التعذيب.
القضية الاولى هى حقوق الانسان , و عبر عنها البعض هنا بصورة جيدة.

Quote: ليس هناك من سبب يبيح تعذيب الأنسان بدنيا أو نفسيا ايا كان السبب. تعذيب إنسان في أي مكان في العالم وتحت أي حجة خطا أخلاقي فادح وجريمة لا تغتفر ويجب أن نعمل جميعا لانهاء ذلك. ومن باب أولي أن لا نجد لذلك مبررا البته.

لا يجب خلط الحفاظ على كرامة البشر و حياتهم و حقوقهم الطبيعية ايآ كانت انتماءاتهم السياسية او الاثنية او الدينية , القول بان الانتهاك طبيعى او يجب ان يحدث لان الاخر لم يحتاط او يؤمن او يتقوى او يتسلح هو محاولة بوعى او دون وعى لتطبيع هذا الوضع, ان يكون الاستثناء هو الدائم والعادى , و العادى والطبيعى هو الاستثناء. تفكير ناذر عملى و براغماتى و مناسب ربما للتعايش مع الاوضاع القائمة و التالف معها او التأقلم عليها بسلام و طمأنينة لكنه غير مناسب على الاطلاق لنقدها و رفضها و لو على مستوى الافكار و الكلام. خطورة مثل نمط التفكير انه قد يقود فى محصلته النهائية للذوبان او ان تصبح جزء مما هو قائم حتى لو افترض الواحد انه مغاير. النموذج الاوضح فى انماط النشاط الاقتصادى القائمة.

القضية الأخرى هى مسئولية المؤسسات السياسية و اعنى هنا تحديدآ الحزب الشيوعى. خطأ ان لا تتم حماية عضو يقوم بنشاط ذو طابع خطر فى ظروف مثل الموجودة فى السودان يمكن ان يحدث لاى سبب و للاسف نتائجه سيئة كما حدث للدكتور النجيب او لاخرين و اخريات. يمكن ان نطلق عليه

Quote: خلل

كما تستخدمه ادبيات الحزب الشيوعى. فى سياق لا تكون فيه مواقف و خط قيادة الحزب الشيوعى السياسي نفسها موقع تساؤل و رفض من قبل عضويته نفسها يمكن ان يتقبل البعض مثل اللغة هذه

Quote: وبالتأكيد ستتم المحاسبة ودراسة الخلل فى هذه التجربة لمنع حدوثها وهذا هو فى تقديري هدف البوست الاساسى

تتحمل قيادة حزب مسئولية وضع نفسها و حزبها فى حالة اللاسلم و حرب هذه, القبول بان تطلق عبرها و باسمها اشارات و علامات كثيفة ان ثمة تغيير ما فى بنية النظام القائم رغم ان الترتيبات الجارية قبل نيفاشا و بعدها و ما ترتب عليها هى الاخطر فى تاريخ دولة السودان هذه, بؤس و هشاشة مواقف قيادة الحزب الشيوعى التى انتهت بها ان تكون تمامة جرتق فى مسرحية سيئة الاخراج موزعة الادوار و الخزنة مقسمة , دور هزيل لا يقدم لكنه أخر و يؤخر الكثير . و يقود بالضرورة للتطبيع مع المخطط الجارى تنفيذه فى البلاد

ارى الأمر فى هذا السياق و ليس مجرد خلل تامينى او غيره. فهذه حدثت فى امتن المنظمات وستحدث.

تضامنى الكامل مع د. النجيب

الأخ kamalabas

Quote: ليس متوقعا أن تشكل أو.تفعل الاحزاب مليشياتها لحماية نشاطها وتحويل شوراع الخرطوم وساحات الجامعات لحمامات دم ومياديين معارك! والدخول في مواجهة مسلحة مع أجهزة الدولة المسيسة

Quote: ولا أدري ما المطلوب يا نزار? أن يشكل ويحرك الحزب الشيوعي ملشيات وكتائب مدججة بالسلاح لحماية كادريوزع منشورا أو يبدئ رائيا في ندوة وذلك بأفتراض أن الخصم والحكم مدججا بالسلاح وقوة أجهزة الدولة?

الموضوع ما وصل المرحله دي - حتى الآن - سؤالنا أو إستغرابنا أبسط من كده. زمان زمن كنا بنوزع

المنشورات في الجامعات, أقل حاجه بنكون اربعه خمسه أفراد !!!! وحسب علمي أو حسب ما قرأت, فهمت انو

الدكتور كان براهو, وسؤالي هو ليه?

أما

Quote: .....ما فعله النجيب حق مشروع سوي أن جاء بدافع فردي أو قرار هئية حزبية ... نعم أنهاممارسةحق التعبير وحرية الرأي والحركة في ظل واقع ينبغي أن تسوده لغة القانون والدستور .... .

أتفق معك, وهذا ما نتمناه, حرية تعبير, حرية رأي, حرية إستنكار تظلم

وما قام به الدكتور لا يتجاوز هذا التمني, سواء قام به بصفه شخصيه كفرد أو بصفة كادر تابع لتنظيم

ما. ومن نفس هذا المنطلق, من حقي انو أسأل, هل كانت مهمة د. النجيب مهمه رسميه ككادر من كوادر الحزب

الشيوعي أم هي مجرد اجتهاد شخصي ? وأعيد وأكرر خصوصا للذين يستنكرون هذه التساؤلات, المهمه في حد ذاتها

مهمه نبيله وبالذات إذا كان قد قام بها الدكتور بدافع فردي.


تساؤلاتي أو تساؤلاتنا, هي مجرد طلب استيضاح, لكي لا نشعر بأنه لافرق بيننا و بين الأنعام. وإستنكار البعض

من هذه الإستفهامات, ربما يضعه في خانة "مثل الحمار يحمل أسفارا", إذ كيف يستقيم إستنكاره طلب مجرد طلب

التوضيح ومعارضته "للظلام السائد"

ختاما, الجميع
, يقع تحت مبدأ المحاسبه, حتى لو كانت هذه المحاسبه والإستفسارات لا تتعدى حدود مواطنين اتنين

غلبانين, أو حتى لا تتعدى بيني وبين نفسي, المهم يظل المبدأ قائم برغم إفتراض الآخرين

هل قام النجيب بتوزيع البيان – المنشور -
بعلم الحزب الشيوعي السوداني!!

Quote: لا افهم كيف أن حزبا له من الخبرات التراكمية في العمل السري والعلني الطويل وامتلاكه للكوادر المؤهلة تخطيطا وتنفيذا ، يفشل في حماية كادره دكتور النجيب وتغطية المهمة التي كان يقوم بها في الجامعة الاسلامية !!

اجهزة الامن ومنسوبيها غير ملامة على تعرضهم لمنسوبي الحزب الشيوعي اذا ماكان الحزب يدفع بكوادره في قلب منطقة مقفولة لغيره (الجامعة الاسلامية) دون اتخاذ الاجراءات التأمينية الكافية لهم ..

Quote: اذا ماكان الحزب الشيوعي يعلم سلفا بمهمة النجيب في الجامعة الاسلامية فتلك المصيبة بذات عينها وعلى المسئولين عن هذا العمل من داخل الحزب التنحي فورا كي تتم اجراءات محاسبتهم عن هذا الخلل التنظيمي الخطير ..

Quote: أما اذا ثبت ان الدكتور النجيب تصرف من تلقاء نفسه فذلك يعد انتحارا !!

Quote: ما ممكن يكون الحزب الشيوعي بالعبط البيخليو يعتقد انو عمر النجيب حا يمشي الجامعة الاسلامية براو بدون أي تامين ويوزع بيان ويشرب ليهو كباية ليمون من الكافتريا ويجي طالع ويودعوهو احدي خشم الباب بدون ما يسألوهو !!

Quote: لا أريد التشكيك في ضعف كوادر التامين لدي الحزب .. ولكني أسأل عن مبدأ المساءلة والمحاسبة !!

Quote: الحزب الشيوعي لم يعد عدة لذلك !!!!!!!!

Quote: كم سيرتاح بالي لو ذكر لي أحدكم ان الدكتور عمر النجيب تصرف بمفرده دون التنسيق مع أجهزة الحزب !!

Quote: القصد انو قبل ما تحاسبو الامن حاسبو نفسكم اول حاجة !!

البقرا الكلام ده مابصدق انه عمر النجيب مشى يوزع بيان !!!!!

عجبى

Quote: هل قام النجيب بتوزيع البيان – المنشور - بعلم الحزب الشيوعي السوداني!!

وماذا تعنى الاجابه بالنسبه ليك انت ياملاسى؟

العزيز نادر
تحياتي

قبل عشرين عاما كنت مندهشا وارتبكت قليلا حين عرفت ان احدى الزميلات في صحيفة الميدان خريجة صحافة واعلام من جامعة امدرمان الاسلامية !
لكن دهشتي سرعان ما زالت وصارت مصدر اعجاب لهذا الحزب الذي تتواجد عضويته في اي مكان يخطر على بالك !
حساسيتك التي كتبت بها الموضوع هي نفس الاحاسيس والاشواق التي تدور في اذهان القوى الظلامية التي تتوهم بان لها مراكز ومناطق محررة يحظر على الشيوعيين الاقتراب منها ، وهي تكريس لفهم خاطئ ولعب على وتر حساس يعزف به المتأسلمون لحنا ناشزا وقديما بان واجبهم المقدس محاربة الشيوعيين الكفرة والملاحدة واقصائهم من الحياة السياسية في السودان ، وقد جربوا كل السبل والطرق للقضاء على الحزب من قتل وسجن وتشريد .. لكن المؤكد الذي اطار النوم من عيونهم واقلق مضاجعهم ان هذا رابع المستحيلات او خامسها ، الجبهة الديمقراطية والشيوعيين متواجدون في كل الجامعات الاسلامية منها والمسيحية ، وهنا مصدر القلق !
اما قولك الصريح والمريح !

Quote: اجهزة الامن ومنسوبيها غير ملامة على تعرضهم لمنسوبي الحزب الشيوعي اذا ماكان الحزب يدفع بكوادره في قلب منطقة مقفولة لغيره (الجامعة الاسلامية) دون اتخاذ الاجراءات التأمينية الكافية لهم ..

انها الحرب اذن على طريقة واعدوا لهم !
لماذا غير ملامة على تعرضها للشيوعيين في الجامعة الاسلامية ؟
ما محتوى المنشور الذي وزعه دكتور النجيب ( الشيوعي ) الذي بموجبه تم تعذيبه بالطريقة (الاسلامية) ؟
هل دعا المنشور الى اي فساد اخلاقي او نهب او انحلال ؟
الفساد والانحلال الاخلاقي والنهب المنظم اصبحت صفة ملازمة للاسلاميين في السلطة على المستوى الرسمي والشخصي لهذه الفئة الضالة والناشزة التي يجب محاربتها والتصدي لها

صنقره:
سيظل الحزب ومنظماته المتعددة شوكة حوت ( مصنقرا ) في حلق الاسلامويين والقتلة والمجرمين بل ان من واجبنا تنظيف الساحة الاسلامية من اوساخ وادران هؤلاء الانجاس .

يا عادل عثمان ..
كلامي البكتب فيهو هنا دا ما جايي من فراغ !!

أنا قعدت مع الدكتور النجيب وحكى لي الحصل ليهو بالضبط وبالتفاصيل المملة يعني الشغلانة ما تنظير ولا استنتاجات مني ..

Quote: طيب عمر النجيب قرا فيها كيف 6 سنوات؟ وهو شيوعى وجبهة ديمقراطية؟

ما قلنا الشيوعيين ما بقروا في الاسلامية ركز كويس ..

عمر النجيب طوال دراستو في الاسلامية ما اشتغل فيها نشاط سياسي لأنو النشاط السياسي للحزب الشيوعي محظور في جامعة امدرمان الاسلامية بس ما تسألني تقول لي محظور ليه!!!.. والراجل مجرد ما اتخرج مشى يوزع فيها بيان وحصل الحصل !!!

Quote: الشيوعيين يحموهوا كيف؟

الشيوعيين من زماااان بيعرفوا يحموا كوادرم يعني بس غلبم يحموا عمر النجيب دا !!

شنكل :

(يحموهو كيف ) دي بتأكد محاولة التهرب من المساءلة من جانب الحزب !!

سلوى صيام !!
شرفتيني كتير في البوست دا !!

Quote: وثالثا اذاكان ناذر هو البورى الحزب الشيوعى غلطه من صاحه بكون الحزب ده واطاته اصبحت

اذن بالتاكيد الحزب واطاتو اصبحت !!

الاخ عصام جبر الله !!

Quote: القضية الأخرى هى مسئولية المؤسسات السياسية و اعنى هنا تحديدآ الحزب الشيوعى. خطأ ان لا تتم حماية عضو يقوم بنشاط ذو طابع خطر فى ظروف مثل الموجودة فى السودان يمكن ان يحدث لاى سبب و للاسف نتائجه سيئة كما حدث للدكتور النجيب او لاخرين و اخريات. يمكن ان نطلق عليه

كلامك دا يا هو القضية الاساسية في البوست دا ..
البوست دا ما للشجب والاستنكار والتنديد زي ما في ناس دايراهو يكون كدة !!

شكرا ليك يا عصام

ناذر

والله البوست ده قيم بالحيل

اولا يوضح لينا صوره حقيقية لاحزابنا والوهم العاشه عليهو, تصديع النظام من الداخل

ثانيا اهمال الاحزاب لكوادرها وخاصة التي تعمل بصدق واخلاص, يعني الزول ده مقبوض يوم كامل ومجدوع في كوشه ناس الحزب ما جابين ليهو خبر

ثالثا
الجبهة الاسلاميه او الانقاذ لم تتغير واوقعت الحركة الشعبية في شركها واصبحت المعارضة في حاله يرثي لها

بقي الامل في الشعب يا اخي يقوم بثورة تاني تجينا شلة جديدة

سلوى صيام ..

Quote: وماذا تعنى الاجابه بالنسبه ليك انت ياملاسى؟

بالرغم من انو انا ما ملاسي ..
الا اقول ليك انو الاجابة بتعني الكتير ..

شنكل :

لو الحزب الشيوعي داير يتخارج من حكاية (التقصير او الفشل او الخلل أو التواطؤ) الحصل لي دكتور النجيب ، يبقى سؤال ملاسي هو مراقتو الوحيدة !!

الأخ / ناذر وضيوفه الكرام

بما أنني تخرجت في جامعة أم درمان الاسلامية ابان عصرها الذهبي، ومن الذين نادوا وما زالوا ينادون بتطويرها كماقال بذلك الاستاذ محمود محمد طه (حتي تصير جامعة ام درمان) درءا لشبهات الهوس وحتي لا تكون صفة (الاسلامية) مرجعا لمصادرة الحريات باسم الاسلام كما حدث ويحدث الآن في كل انحاء البلاد أود توضيح الآتي:
كتبت د.بيان:

Quote: من المعروف ان في لائحة الجامعة الاسلامية يمنع ان يمارس الحزب الشيوعي او الجبهة الديمقراطية اي نشاط سياسي في الاسلامية اذ ان الجامعة اسلامية.. فلا يعقل ان يكون بها طلاب من حزب لا يؤمن بالاديان..( هذا المنطق الذي منع به انزال لست الجبهة الديمقراطية في بداية الثمانيات)

هذا الكلام غير صحيح، كان الاخوة بالجبهة الديمقراطية بجامعة أم درمان الاسلامية يمارسون نشاطهم السياسي كسائر التنظيمات السياسية وبصورة علنية ابان الفترة الديمقراطية بل ترشحوا للانتخابات في قائمة مستقلة للاتحاد دورة 87/1988 . ضاق الحال كما هو معروف بتنظيمات العصور الوسطي من الاخوان والوهابيين واشياعهم فقاموا برفع مذكرة احتجاج وتسيير مسيرة لعمادة الطلاب التي كان على رأسها آنذاك المرحوم د. الطاهر محمد علي مطالبين بحظر نشاط الشيوعيين، وقد استجاب العميد وارسل بعض موظفيه وأنزلوا صحيفة (الشرارة) لسان حال الجبهة الديمقراطية واصدرت العمادة بيانا حظرت فبه النشاط السياسي للجبهة الديمقراطية.

ولأن العهد حينها لم يكن قيهبا، قام الاخوة بالجبهة الديمقراطية وبمساندة ودعم كل التنظيمات السياسية الوطنية بالجامعة وكذلك الاتحاد الذي كان يسيطر عليه تحالف مؤتمر الطلاب المستقلين والانصار والطلاب الاتحاديين قاموا بفتح بلاغ ضد عمادة الطلاب التي صادرت نشاطهم بغير حق، وقد حكمت المحكمة بعد جلسات ساخنة لصالح طلاب الجبهة الديمقراطية و بعدم شرعية قرار العمادة وقد قام نفس الموظفين بتثبيت الصحيفة المصادرة مكانها وتم الغاء القرار الخاص بتعليق نشاط الجبهة الديمقراطية.

وقد قال المرحوم د. الطاهر قولته المشهورة بعد فشله في كسب القضية وتعرضه لحملات شرسة قادتها ضدة صحيفة الميدان والتي كان يحرص على قرائتها طيلة فترة المحاكمة التاريخية (أناالدرعني في الشيوعيين شنو).

آمل ان تكون هذه الشهادة قد ابانت بعض اللبس وسوء الفهم لدي بعض المتداخلين. وعليك ياناذر ادانة ماحدث للدكتور النجيب وادانة مصادرة الحريات وتكميم الافواة والذي اوصلنا لما نحن فيه من مصائب ومحن.

التحية لدكتور عمر النجيب والي أعضاء الجبهة الديمقراطية بجامعة ام درمان الاسلامية والذين آمل أن يزيدهم هذا الحادث صلابة وقوة واصرارا علي مواصلة المسير.


عماد خليفة

الأخ خالد العبيد ..

Quote: حساسيتك التي كتبت بها الموضوع هي نفس الاحاسيس والاشواق التي تدور في اذهان القوى الظلامية التي تتوهم بان لها مراكز ومناطق محررة يحظر على الشيوعيين الاقتراب منها ، وهي تكريس لفهم خاطئ

أصدقك القول أنني كتبت هذا البوست بدرجة عالية من الحساسية لانني بالفعل مغتاظ مما جرى امامي والذي اكاد لا اصدقه !! لقد كنت امارس العمل السياسي قبل فترة طويلة وفي ظل ظروف مشابهة وأعلم تماما معنى الاخفاق والفشل الذي يحدث وما يسببه ذلك من مراجعات داخلية للحزب وأتهامات للعديدين ..

الخطأ الذي وقعت فيه جميع الاحزاب المتصالحة والمتوالية مع الانقاذ هو عدم اشتراطها ضمان تغيير الدساتير السائدة والتي تحكم معظم جوانب الحياة السياسية والاجتماعية هنا ويعاني منها الكثيرون .

الجميع يعلم تماما ومنذ أخريات القرن الماضي ان القانون يحظر على الحزب الشيوعي ممارسة نشاطه في الجامعة ولهذا السبب وحده درس فيها الدكتور عمر النجيب دون ان يوزع منشورا او يتحدث في ركن نقاش والا كان الفصل مصيره ..

طالما الحال كذلك اما كان اجدى بقادة الحزب أن يسعوا لتحطيم هذا القانون الذي يعلمه الجميع وان يسعوا من خلال البرلمان او أي وسيلة ضغط أخرى لألغائه بدلا من أن يذهب دكتور النجيب مكشوف الظهر والجميع يعلم ما ينتظره !!

شنكل :

لو كان أي شخص أخر من كوادر الحزب غير ممن درسوا في الاسلامية هو من ذهب لتوزيع منشور الحزب لقلنا انه لا يعلم طبيعة القانون في الاسلامية ، أما ان يذهب دكتور النجيب بنفسه وهو الذي يعلم كل صغيرة وكبيرة بتلك الجامعة بحكم دراسته بها لتوزيع بيان وهو يعلم ما ينتظره فهنا الف استفهام واستفهام ؟؟؟؟؟؟؟؟؟؟؟؟؟؟؟؟؟؟؟؟؟؟

القلب النابض ..

Quote: الاخ ناذر موضوع حيوي واسئلة تحتاج الى اجابات !!!! فلنبحث سوياً عن حقائق التاريخ الغائبة في ضمير الزمن

شكرا للحضور مع اني ما فهمت جملة (حقائق التاريخ الغائبة في ضمير الزمن) دي !!!

كيفك يا سيف مساعد !!

Quote: ثانيا اهمال الاحزاب لكوادرها وخاصة التي تعمل بصدق واخلاص, يعني الزول ده مقبوض يوم كامل ومجدوع في كوشه ناس الحزب ما جابين ليهو خبر

دا هو البيهمني في البوست دا !!
بقية نقاطك مهمة برضو لكن ما بذات اهمية النقطة الفوق دي !!

نازر خليفة

كدي خلينا من ردود الكيزان الغبيانين الما بخجلوا ركز في موضوعك دة

هل اهمل وفرط حزب البعث في كوادره (شهداء28 رمضان)الذي تم في اوج عظمة الجبهة وجبروتها؟ والتحية ليهم
ما تقول لي ما عندو علاقة.
افرض انو في 30 عضو من الحزب كان في حماية النجيب ؟
في تجاربنا في الحركة الطلابية وقطاع المحامين كشيوعيين لم نستأذن من جهة لتوزيع بيان او اقامة ندوة او ركن وليس هناك ما يسمى بمناطق محرمة(اسلامية وقران)
عارف كلية القران الكريم في مدني كواحدة من المناطق المقدسة حدث ولا حرج الكلام دة للكيزان الدخلوا.

بعدين يا نازر الحزب الشيوعي الدخول ليه ما بقرية فاتحة ولا فيه تامين اجتماعي .
دي شكل المخاطر البتواجه الشيوعيين، الخواف كلوا(بكب الزوغة) يعني ونحن في الجامعة كان متوقعين حتى الموت .
والمسئولية المفترض يتحملها الحزب شنو؟
يدفع تعويض ولا يستفيد من خطأ؟
لي عودة

Quote: بما أنني تخرجت في جامعة أم درمان الاسلامية ابان عصرها الذهبي، ومن الذين نادوا وما زالوا ينادون بتطويرها كماقال بذلك الاستاذ محمود محمد طه (حتي تصير جامعة ام درمان) درءا لشبهات الهوس وحتي لا تكون صفة (الاسلامية) مرجعا لمصادرة الحريات باسم الاسلام كما حدث ويحدث الآن في كل انحاء البلاد أود توضيح الآتي: كتبت د.بيان: Quote: من المعروف ان في لائحة الجامعة الاسلامية يمنع ان يمارس الحزب الشيوعي او الجبهة الديمقراطية اي نشاط سياسي في الاسلامية اذ ان الجامعة اسلامية.. فلا يعقل ان يكون بها طلاب من حزب لا يؤمن بالاديان..( هذا المنطق الذي منع به انزال لست الجبهة الديمقراطية في بداية الثمانيات) هذا الكلام غير صحيح، كان الاخوة بالجبهة الديمقراطية بجامعة أم درمان الاسلامية يمارسون نشاطهم السياسي كسائر التنظيمات السياسية وبصورة علنية ابان الفترة الديمقراطية بل ترشحوا للانتخابات في قائمة مستقلة للاتحاد دورة 87/1988 . ضاق الحال كما هو معروف بتنظيمات العصور الوسطي من الاخوان والوهابيين واشياعهم فقاموا برفع مذكرة احتجاج وتسيير مسيرة لعمادة الطلاب التي كان على رأسها آنذاك المرحوم د. الطاهر محمد علي مطالبين بحظر نشاط الشيوعيين، وقد استجاب العميد وارسل بعض موظفيه وأنزلوا صحيفة (الشرارة) لسان حال الجبهة الديمقراطية واصدرت العمادة بيانا حظرت فبه النشاط السياسي للجبهة الديمقراطية. ولأن العهد حينها لم يكن قيهبا، قام الاخوة بالجبهة الديمقراطية وبمساندة ودعم كل التنظيمات السياسية الوطنية بالجامعة وكذلك الاتحاد الذي كان يسيطر عليه تحالف مؤتمر الطلاب المستقلين والانصار والطلاب الاتحاديين قاموا بفتح بلاغ ضد عمادة الطلاب التي صادرت نشاطهم بغير حق، وقد حكمت المحكمة بعد جلسات ساخنة لصالح طلاب الجبهة الديمقراطية و بعدم شرعية قرار العمادة وقد قام نفس الموظفين بتثبيت الصحيفة المصادرة مكانها وتم الغاء القرار الخاص بتعليق نشاط الجبهة الديمقراطية. وقد قال المرحوم د. الطاهر قولته المشهورة بعد فشله في كسب القضية وتعرضه لحملات شرسة قادتها ضدة صحيفة الميدان والتي كان يحرص على قرائتها طيلة فترة المحاكمة التاريخية (أناالدرعني في الشيوعيين شنو). آمل ان تكون هذه الشهادة قد ابانت بعض اللبس وسوء الفهم لدي بعض المتداخلين. وعليك ياناذر ادانة ماحدث للدكتور النجيب وادانة مصادرة الحريات وتكميم الافواة والذي اوصلنا لما نحن فيه من مصائب ومحن. التحية لدكتور عمر النجيب والي أعضاء الجبهة الديمقراطية بجامعة ام درمان الاسلامية والذين آمل أن يزيدهم هذا الحادث صلابة وقوة واصرارا علي مواصلة المسير.

الاستاذ عماد خليفة
اشكرك على هذه المعلومات التوثيقية

Quote: هل اهمل وفرط حزب البعث في كوادره (شهداء28 رمضان)

كدي قبال ما تعودي؛ منو القال ليكي – يا هنادي –
انو شهذاء رمضان من كوادر حزب البعث!!

عذراً .. المقصود – طبعاً - شهداء رمضان.

ملاسي

Quote: عذراً .. المقصود – طبعاً - شهداء رمضان.

ايوة

القال لي منو؟
قلت انا

ملاسي
استدراك
ما كلهم بعثين
انا بعرف شهيد من الكلاكلة كان في الثانوي جبهة ديمقراطية

شكراً يا هنادي

Quote: ملاسي استدراك ما كلهم بعثين انا بعرف شهيد من الكلاكلة كان في الثانوي جبهة ديمقراطية

طيب منو فيهم الكان من كوادر حزب البعث!

Quote: طيب منو فيهم الكان من كوادر حزب البعث!

السؤال دة تجاوب عليه انت كبعثي إما اذا غلطانة في المعلومة والتصنيف بعتزر
في هذه الحالة تسأل البعثين - في موقع حزب البعث في باب اسموه اتصل بنا
اذا كانت المعلومة لا تسبب مشاكل امنية لذوي الشهداء اكيد البعثين حا يفيدوك بالمعلومة
*كلمة عدل
التحية لشهداء رمضان الاشاوس الذين لم تمنعهم معرفتهم لمصيرهم من الانحياز لقضايا الشعب السوداني ولم يخلفوا

ملاسي
تخريمة
طولي تطرح علي في الاسئلة انت متحري
ولا دة نظام تدوير

الاخ ناذر حقيقي مشاركات الاخوة الشيوعيين في
البوست ده ما عجبتني ... و كذلك ردود المتعاطفين معاهم
عموما اثارة الموضوع ده في الوقت ده قد يعطي
اشارات سالبة.. خاصة وان جراح اخونا النجيب لم تجف بعد
.....
ثانيا و ده الاهم انت يا ناذر منو القاليك الاخوة الشيوعيين ما لابداوا يحققوا في
الموضوع...
ولا انت داير كمان اجندة ووقائع اجتماعات اللجنة المرزية تتنشر ليك
في الصحف و المنابر... خلي عندك حسن نية...ز
و الاخوة الشيوعيين و المتعاطفين برضو خلي يكون عندهم
حسن نية وطولة بال يناقشوا... بي رواقة دون الهجوم علي شخص الاخ ناذر
دي موضوع مهم و كان ممكن تروح فوقه روح بني ادم...

اتمني ان لا يكون السيناريو الذي اشارت اليه دكتورة بيان صحيحا

المحيرني حقيقة مداخلة اخونا د. مصطفي محمود البكتب بالانجليزي

ناذر محمد الخليفة
ازيك..
تعرف كشى طبيعى بتفق معاك فى البعض وبختلف معاك ايضا فى الاخر..
وكلامى العايزو اكتبو اهو انت ماقصرته والاخرين كذلك..
انا عايز اللخص شكل المداخلات بطريقة خاصه لو سمحت لي عشان اوريك الخلل وين والعك والعجن وين ؛ ناس بتناقش فى شنو وناس بتتكلم عن شنو ..
لاتعرفها عباطه ولا تعرفو استهبال ولا وهم ولا ولا...؟؟!!!
شى يحير ..
يعنى الواحد تجيب ليهو اللقمه فى يدو بعد ده مافضل ليك الا تدخلها ليهو فى خشمو وكمان تبلعها ليها وابعد من كده تهضمها ليها وابعد ابعد تقوم ...........ولا خليها...

بلد عمرها ماحتمشى لى قدام...
المهم لو لقيت طريقه بجيك ..

ليك الله يالنجيب والزيو

التحايا النواضر...

ناذر عن اذنكـ ياخي
عاوز اكتب كتير

Quote: فمن الواضح ان هناك خللاً خطيراً داخل الحزب هو الذي تسبب في ما حاق بالدكتور ولا يعفيهم من هذه المسئولية الا القول ان الطبيب عمر تصرف من تلقاء نفسه ودون مشاورة الحزب .

يتخيل لي انو الانضمام للحزب الشيوعي موش منحه .. ده موقف و التضحيه في سبيل المواقف
اعتقد انو اسمها شرف و بساله موش شكيه !!

ماحصل سمعت بي اولاد جابوهم اهلهم وسجلوهم في الحزب الشيوعي و قالو ليهم لو حصل للاولاد
ديل حاجة حا نحاسبكم

في ناس كتار اعتقلوهم و عذبوهم و طلعوا عينهم
ولا قالو بغم

يُرجي اعاده فتح التحقيق مع (الحزب الشيوعي) السودان حول هؤلاء

طبعا ده غير حساب الحزب الشيوعي عن دم (الشهداء)

وبي كده حا نكون جردنا كل هؤلاء الفرسان من شرف الوطنيه
واستبدلناه بـ

Quote: الحزب الشيوعي السوداني يتحمل مسئولية تعذيب دكتور النجيب

وياله من ثمن رخيص

Quote: لو الحزب الشيوعي داير يتخارج من حكاية (التقصير او الفشل او الخلل أو التواطؤ) الحصل لي دكتور النجيب ، يبقى سؤال ملاسي هو مراقتو الوحيدة !!

نازر

تقصير عرفناها
فشل وخلل برضو عرفناها
تواطؤ دي شنو؟
عشان انا عايزة ارد علك

Quote: اجهزة الامن ومنسوبيها غير ملامة على تعرضهم لمنسوبي الحزب الشيوعي اذا ماكان الحزب يدفع بكوادره في قلب منطقة مقفولة لغيره (الجامعة الاسلامية) دون اتخاذ الاجراءات التأمينية الكافية لهم ..

ياراجل .. !!
صلي علي النبي

Quote: صنفرة : أما اذا ثبت ان الدكتور النجيب تصرف من تلقاء نفسه فذلك يعد انتحارا !!

انتو امدرمان الاسلاميه دي في العراق ؟

Quote: اذا ماكان الحزب الشيوعي يعلم سلفا بمهمة النجيب في الجامعة الاسلامية فتلك المصيبة بذات عينها وعلى المسئولين عن هذا العمل من داخل الحزب التنحي فورا كي تتم اجراءات محاسبتهم عن هذا الخلل التنظيمي الخطير ..

ايوه
ومفروض يسلموا العهده بتاعتهم

يا ناذر
انت عاوز تشيل حس الحزب الشيوعي ساكت
ولا
انت متعاطف مع دكتور النجيب




صنفره
شكرا علي نشر قضيه تعذيب دكتور النجيب بهذا البوست ( وان كانت من زاويه خطاء ) حتي يعلم
الناس ان التعذيب لاذال يُمارس في السودان
و
لا للتعذيب بسبب الرأي

ياناذر الامل كان فى الحزب الشيوعى لكن الحزب اتهلهل والجماعه دخلوا المجلس الوطنى وقبضوا القروش من الانقاذ ...والحزب لوزى زمان نقد بيقبضوا ويصوره واحد زى محمد حامد جمعه !!!!!وياخى الحزب فىزمنه كان ناس كبج مطاردين ويقودوا المظاهرات وبعد المظاهره فص ملح وداب وكانت منشورات الحزب فى تربيزة نميرى واول منشور طلع ضد الانقاذ طبع فى منزل وزير جبهجى ...دا كان زمن

السنجك

سلام على الجميع

كتبت هنادي:

Quote: بعدين يا نازر الحزب الشيوعي الدخول ليه ما بقرية فاتحة ولا فيه تامين اجتماعي . دي شكل المخاطر البتواجه الشيوعيين، الخواف كلوا(بكب الزوغة) يعني ونحن في الجامعة كان متوقعين حتى الموت

الزميلة الموقرة مع الاحترام للمنصة التي تنطلق منها ... ولكن يشوب مداخلاتها _وهي تعبر عن الحزب_ الكثير من الالتباس وعدم الدقة.
المخاطر التي تواجه الشيوعيين تواجه الاخرين ايضاً....
ولكن في ظني ان (حب الانفراد)...............والدعائي (كما يسمونه) دائماً
تجعلهم مثلما يريدون ان يضفو حول انفسهم من بطولات ليست في كل الاحوال صحيحة وليست باطلة كلها ايضاً.

الموقف الصحيح الان هو ليست ادانة الحادث وتحميل الشيوعيون وزر التقصير
إنما هو التحرك الواعي والمتجرد لإيقاف هذه التحركات.
التنسيق بين القوى المعارضة حيال مثل هذه القضايا متى ما حدثت .

ناذر:
تحياتي لك وانت تجهد نفسك هذا ....
مع الرفاق يحتاج الامر لصبر طويل
ربما تعلمت انت بعضة _ تلك الايام.

الشقشق محمد امين

الكلام كان موجه للحزب الشيوعي وليس للاتحاد الديمقراطي فضروري ان ياتي الرد على هذا النحو.
منو الاضفى بطولات على نفسه هسي؟
عشان ما تزعل كل فرد يدخل تنظيمات تعارض الانقاذ ضروري يعاني ويتعرض للتعذيب والملاقة
بعدين انا زكرت في كلامي الشهيد سوميت في سنار وكان عضو مؤتمر الطلاب المستقلين وشهداء رمضان.

Quote: الموقف الصحيح الان هو ليست ادانة الحادث وتحميل الشيوعيون وزر التقصير إنما هو التحرك الواعي والمتجرد لإيقاف هذه التحركات. التنسيق بين القوى المعارضة حيال مثل هذه القضايا متى ما حدثت .

كلام كويس ما كعب خلاص اقترح عليك تطرح المبادرة دي بنفسك للطلاب
لكن برضو حق الشيوعين في الجامعة يعملوا نشاط منفرداو مع الاخرين.

Quote: تحياتي لك وانت تجهد نفسك هذا .... مع الرفاق يحتاج الامر لصبر طويل ربما تعلمت انت بعضة _ تلك الايام.

دي موازرة ولا المديدة حرقتني

طيب ما في مشكلة بقينا ثلاثة تنظيمات
انت اتحادي
وانا شيوعية
ونازر خليفة بعثي نطرح مبادرة للتنسيق

Quote: الامل كان فى الحزب الشيوعى لكن الحزب اتهلهل والجماعه دخلوا المجلس الوطنى وقبضوا القروش من الانقاذ ...والحزب لوزى زمان نقد بيقبضوا ويصوره واحد زى محمد حامد جمعه !!!!!وياخى الحزب فىزمنه كان ناس كبج مطاردين ويقودوا المظاهرات وبعد المظاهره فص ملح وداب وكانت منشورات الحزب فى تربيزة نميرى واول منشور طلع ضد الانقاذ طبع فى منزل وزير جبهجى ...دا كان زمن

And that era is coming back soon... I just arrived from Sudan and witnessed the steady steps of re-making that 'beautiful Era'

regards
mohamed elgadi
P.S. a strong SCP, and any other party is a guarantee for a stronger democracy...

أما هنادي فضل ومستر (بوي كوت) فهما يذكراني بالحرس القديم والذين بدورهم يذكروني بأل البوربون في فرنسا والذين (لا ينسون شيئا ولا يتعلمون شيئا) !!


دي نازر انا شفتها الان.
انا كنت موضوعية في الرد معاك لكن لو عايز تهاتر يعني ممكن نقزقز مع بعض شوية؟
جايك راجعة

حزف للتكرار

الأخ ناذر تحية طيبة
أنا تحت العلاج وما بقدر على قومة النفس
بس عايزة أقول ليك هل تفتكر الشاهدين الذين بلغوا أهل عمر والحزب بالحادثة فاعلين خير؟؟

سلامات يا عماد خليفة ..

Quote: وعليك ياناذر ادانة ماحدث للدكتور النجيب وادانة مصادرة الحريات وتكميم الافواة والذي اوصلنا لما نحن فيه من مصائب ومحن.

في أكتر من خمسة بوستات هنا بتدين وتستنكر وتتجمع في التوقيعات تضامنما مع دكتور النجيب .. وانا صراحة فترت من مسألة التضامن والتوقيعات الما بتجيب نتيجة ملموسة غير زوبعة في فنجان بتنتهي تالت يوم لمن البوست ينزل تحت !!

شنكل :

في موضوع دكتور النجيب دا أنا ادانتي بتجي بالطريقة دي .. ادانة الاسبوب العشوائي التمت بيهو العملية من الاساس وبعد داك نشوف حكاية ادانة الامن دي لأنو الامن أساسا مدان مدان وما أظن ادانتي ليهو للمرة الدشليون حا تفرق في حاجة !!

هنادي ..

Quote: والمسئولية المفترض يتحملها الحزب شنو؟ يدفع تعويض ولا يستفيد من خطأ؟

والله لو في خطأ وأبعدنا شبهة التواطؤ باقيلي لو استفاد من الخطأ لي قدام يكون احسن من دفع التعويضات !!

صنفرة :

بس يا ريت لو استفاد سرعة قبال ما يروحوا فيها تمنتاشر ولا تسعتاشر كادر من الحزب بسبب الاخطاء دي !!

يا دكتور والي الدين ...

Quote: الاخ ناذر حقيقي مشاركات الاخوة الشيوعيين في البوست ده ما عجبتني ... و كذلك ردود المتعاطفين معاهم

بس طلع منهم عبد العزيز حسن علي وخالد العبيد لأنهم فاهمين كويس أنا قاصد شنو !!

تروتسكي !!

Quote: انا عايز اللخص شكل المداخلات بطريقة خاصه لو سمحت لي عشان اوريك الخلل وين والعك والعجن وين ؛ ناس بتناقش فى شنو وناس بتتكلم عن شنو .. لاتعرفها عباطه ولا تعرفو استهبال ولا وهم ولا ولا...؟؟!!! شى يحير ..

أخد راحتك بالكامل لأنو انا زااتي يهمني أسمع رأي النلس كلها ّّ!!

خدر !!!

Quote: ناذر عن اذنكـ ياخي عاوز اكتب كتير

حبابك وشرفت كتير بي مداخلاتك ..
والنقاط الانت كتبتها واقعا لي تي ومحل تقدير واحترام عندي !!

one of the ingaz dogs
when a dog goes mad with Islamic rabies the only treatment is to be shot dead
dr mustafa mahmoud

خدر كيفك تاني ...

Quote: يا ناذر انت عاوز تشيل حس الحزب الشيوعي ساكت ولا انت متعاطف مع دكتور النجيب

والله أنا في المقام الاول متعاطف جدا مع دكتور عمر النجيب من ناحية انسانية وأخلاقية بعيد عن السياسة والتنظيمات والبطيخ !!

شنكل :

(وفجأة) كدي متعاطف برضو مع الحزب الشيوعي في محنتو البيمر بيها بسبب الحادثة دي .. يعني ما شايل حسو ولا حاجة !!

ألأخ ناذر
هناك كوادر لها حس أمنى عالى وتدربت على السلاح بل حاربت الانقاذ
ومن السهل التعامل مع كوادر الجبهة اذا أقتنعت القوى الديمقراطية
بأسلوب "الحركة الأسلامية" ..
ولكن هذا يعنى أن تكفر بدولة المؤسسات وسيادة القانون اولا .. و بذلك
تكون "الحركة الاسلامية" قد نجحت فى حرف الصراع من صراع فكرى سيجتثهامن جذورها
(طال الزمن أم قصر) الى عراك أمنى ستجند له أصحاب التدين المنقوص و كل مهووس حاقد على
المجتمع و عندها سنخسر الدولة السودانية.
لذلك على الأحزاب تقيم مؤتمراتها مع الاستفادة من علم الادارة لخلق مؤسسات قادرة على تفكيك
الهوس والانتهازيةفى الجتمع السودانى (تجفيف المنابع) ومن ثم هزيمة حركات الاسلام السياسى
مع ضرورة ارتفاع الحس الأمنى لدى كل القوى الديمقراطية...و الفتنة نائمة ..

نزار يوسف

معذرة ..مكرر

كيفك يا محمد الامين ..

Quote: ناذر: تحياتي لك وانت تجهد نفسك هذا .... مع الرفاق يحتاج الامر لصبر طويل ربما تعلمت انت بعضة _ تلك الايام.

الصبر موجود انشاءالله وانا فرغت نفسي تماما للبوست دا عشان نشوف اخرتا !!

هنادي ..

Quote: دي نازر انا شفتها الان. انا كنت موضوعية في الرد معاك لكن لو عايز تهاتر يعني ممكن نقزقز مع بعض شوية؟

يا ريت والله اهاتر معاك لو سمح الزمن .. لكن أنا زي ما شايفة مشغول شوية وما حا اسمح بي أي مهاترات تمرق البوست دا او تجرو بعيد عن موضوعو زي ما انتي وغيرك دايرين !! .. البوست دا أنا حارسو حراسة بريمة لي مرماو وأي محاولة لتغيير جهة البوست دا مرفوضة ومكشوفة وعندي دواها !!

صنفرة :

لو حبيتي أفتحي ليك بوست تاني عشان اجيك نقزقز ونمزمز فيهو .. سمح !!!

سلامات ... ناذر
موضوعك جميل ... وتساؤلاتك مشروعة... لكن ..
بالله فى تاريخ السياسة السودانية سمعت ليك حزب سودانى - يمينى ولا يسارى ولا طائفى - بيعترف بخطأ... ولا بيتحمل مسئولية خطأ..؟؟
خليك من مسئولية الحزب فى تعذيب النجيب ( يمكن دا محرج شوية ) ... خليهم يعترفوا بمسئولية الحزب فى تعذيب الشعب السودانى بسيف مايو ( حينا من الدهر) اختصروه اليوم كأنه ( لم يكن شيئا مذكورا ) ..!!!
وبعين معاك يا ناذر .. ياتو حزب شيوعى البيتحمل المسئولية ؟؟ الفى البرلمان مع احمد ابراهيم الطاهر .. ولا المشتت هنا وهناك ..؟؟
و...
عشان ما اضيع وقتك - فى الفاضى !!!!- ( كدة كفاية )

يا الـ (لٌخت) هوي دقيقة بالله !!

Quote: ونازر خليفة بعثي نطرح مبادرة للتنسيق

الكلام دا جبتيهو من وين !!!!

سلامتك يا شادية وكفارة وتقومي بالسلامة انشاء الله ؟!!

Quote: الأخ ناذر تحية طيبة أنا تحت العلاج وما بقدر على قومة النفس بس عايزة أقول ليك هل تفتكر الشاهدين الذين بلغوا أهل عمر والحزب بالحادثة فاعلين خير؟؟

كلنا نفسنا قايم الايامات دي بي سبب الكتاحات الطبيعية والسياسية المدورة فينا !!

الشاهدين ديل لو فاعلين خير يكونوا ما قصروا برضو !!
ولو (ما) فاعلين خير ما قصروا تب في نقل الخبر لي اسرة النجيب !!

شنكل :

لو كانو (ما) من فاعلين الخير فهم بيذكروني بالصحفيين البيصوروا لينا مشاهد الحروب في فلسطين والعراق وهم (لابدين) في أبعد ركن !!

لا ما ببقى يا حريف تهاتر وتقول ما عايز مهاترة
تحرسو زي بريمة تحرسو زي محمد جمعة ما بخصني
بعدين ما في زول حرف ليك البوست الخطر الذي صرعت فيه الحزب الشيوعي يعني ما تفك (الوهمة) في نفسك وتصدقة.

صنفرة

انت مالك ومال الحزب الشيوعي كان من بقية اهلك ؟

سلامات يا الطاهر !!

Quote: بالله فى تاريخ السياسة السودانية سمعت ليك حزب سودانى - يمينى ولا يسارى ولا طائفى - بيعترف بخطأ... ولا بيتحمل مسئولية خطأ..؟؟

طيب متين حا نتعلم الشفافية مع بعض في العمل السياسي ؟؟
ومتين كوادر الاحزاب تطلع من المفهوم دا وتقول لي قياداتا أخطأت إذا اخطأت ؟ واحسنت اذا اصيبت ؟؟

شنكل :

Quote: وبعين معاك يا ناذر .. ياتو حزب شيوعى البيتحمل المسئولية ؟؟ الفى البرلمان مع احمد ابراهيم الطاهر .. ولا المشتت هنا وهناك ..؟؟

أي واحد فيهم بيحمل اسم نفس الجهة البينتمي ليها الضحية عمر النجيب !!

سلام وتحايا

الاخوة والاخوات

الاخ ناذر ما قاصد كل الذى ذهبتم اليه

بى الواضح كدة بقول ليكم - لو د. النجيب كان معاهو على الاقل نفرين تلاتة، ما كان حصل ليهو الحصل ده، اكان على الاقل تابعوهو وعرفو الغرفة الاتحبس فيها وسمعو صوتو وهو بتعذب- الحاجة ما محتاجة لمواجهة زى ما بتفتكر بعض الناس، بقدر ما بتحتاج لى زول يكشف الحاجة دى مبكرا من الدقائق الاولى.
والمجرم الحقيقى-امن النظام- لا نتوقع منه اقل من هذاsimply


على كل___
النظام اثبت للجميع(الذين يظنون ان النظام بسط الحريات، والذين لايظنون ذلك) انه سادر فى غيه، وان نيفاشا وما تلاها من اتفاقيات لا يحمين الضعفاء منا...وان سكوت برلمانيين المعارضة على امر كهذا يصيب الشخص بالاحــــــــــــــباط...من هنا لابد للناس النشطين فى مجال حقوق الانسان والناس العندهم علاقات بالمنظمات الدولية يوضحو للمجتمع الدولى وكل الاطراف الاقليمية والدولية التى كانت طرفا فى هذه الاتفاقيات ما حصل لدكتور النجيب.
هذا النظام لا يقيم لكم وزنا يااهل المعارضة- معارضة هزيلة نصفها يضاجعه المؤتمر الوطنى ونصفها الاخر يضاجعه المؤتمر الشعبى

الكعوج البوست دا يعدل مداخلتو بي سرعة قبل ما نقول دي مؤامرة مدروسة !!

Quote: الكعوج البوست دا يعدل مداخلتو بي سرعة قبل ما نقول دي مؤامرة مدروسة

!!
قلت ليك يا نازر ما تفكها في نفسك وتصدقها

طيب يا نازر

النحاول نصدق وهمتك ونعدل البوست

الحزب الشيوعي يتحمل مسئولية تعذيب د. نجيب وناس الامن غير ملامين
قلنا ليك يدفع تعويض ولا يعمل شنو؟
بصفتك حكم وجلاد

هنادي اول حاجة شكرا لتعديل مداخلتك الكجولت لينا البوست ..
الحاجة التانية بخصوص دي :

Quote: صنفرة انت مالك ومال الحزب الشيوعي كان من بقية اهلك ؟

افتكر ما في داعي لي قلة الادب .. قلتي مهاترة وأنا قلت ليك ما فاضي وما حا أسمح بي كدة تقومي تلفي وتجي تقلي أدبك بي سيرة اهلي !!

صنفرة :

برضو ما حا اواصل معاك عشان خاطر البوست وحا أاجل الشغلانة دي لي قدام !!

نازر ما تفتكر انك زكي وتكنيكك عالي وممكن تسئ لي وتعمل فيها شفت تقول جبت سيرة اهلك وما تفتكر انو انا ح اخاف من نوع المهاترات دي معاك لحدي النهاية

انت القليل ادب

يعني مصرة تكعوجي البوست !!

طيب يا نازر

النحاول نصدق وهمتك ونعدل البوست

الحزب الشيوعي يتحمل مسئولية تعذيب د. نجيب وناس الامن غير ملامين
قلنا ليك يدفع تعويض ولا يعمل شنو؟
بصفتك حكم وجلاد

شنكل

انت مالك ومال الحزب الشيوعي عضو حزب شيوعي ولا مراقب عمل احزاب

!!!!!!!!!!!!!!




للأسف أنا متجاهلك تماما .!!!

نرجع لموضوع البوست .. كنا وين هسي !!

كنا في قلة ادبي
والحزب الشيوعي يتحمل مسئولية تعذيب د. نجيب وناس الامن غير ملامين

الطاهر ساتي الكوز

انتو لسة عندكم وش تقابلو بيه الناس

نذار الظلامي

ملاسى شاهد على العتوت المسكين الإنضبح لا إيدو و لا كراعو يوم مديد راسك و صرخت...

قال كبري شمبات و تور!!

أها ما حا نناديك بناذر حتى تستنير.


بوستك ده أديناه عشرة على عشر بس المشكلة حا تقوم تخرمج في البوست القادم عشان كده الظلامي حا يظل ظلامي حتى ولو ركب كشافات برازيلية.

كرمبا

ماشي أشوف غانا يا سخانة بلا تمريكا بلا هامبيرقر

كـــــــــــــلام فى كلام ياعوض دكام..
ياناذر
يعلم الله البوست ده لو مابتاعك ماكنت خشيت لكن رب ضارة نافعه اولا انا بكتب الماوس يعنى تعب فى تعب فيبقى مدام طلع من نفسى دى كلامى ذاتى خليتو بس داير اقول ليك يــــا...
1- ظلامي
2- كوز كما كوز من ازيال الكيزان
3- موقفك ماواضح ورمادي
4- ربما امنجي
5- عندك لوثة عداء
6- ياربى تانى فى شنو نسيتو عموما لو نسيت شى بجيك فى السكه اى زول رزقو بجيهو ماتشفق..

بس داير استاذنك لو سمحت لى انزل اغنية لو امكن..باقية لى فى حلقى مع بوستيك ده..

ملحوظه:
بعيد وقرب من موضوع البوست ماعارف ليه اتذكر هشام يطراهو بالخير فى موضوع النقد ده ..


دبى دولار مقدم فى جدة ناس كذابه
حُجى وحكى ..
اها تجى ولانجي..

فتك بعافية..والله يصلح حالكم..

Quote: الاستاذ عماد خليفة اشكرك على هذه المعلومات التوثيقية

الأخت /هنادي فضل
أعتقد أن اقامتي ستطول في هذا البوست رغما عن مشغولياتي الكثيرة.

تحياتي

عماد خليفة

كوستاوي !!

Quote: ملاسى شاهد على العتوت المسكين الإنضبح لا إيدو و لا كراعو يوم مديد راسك و صرخت... قال كبري شمبات و تور!! أها ما حا نناديك بناذر حتى تستنير.

تعرف دي أول ابتسامة لي اكتبا هنا مما نزلت البوست دا الضحك شرطني من مداخلتك الفوق دي

يا خي أنا برتاح جدا لمن القى لي زول حريف في بوستاتي بدل التجليط والعبط البشوفوا من ناس كدة (نسأل الله السلامة)

Quote: بوستك ده أديناه عشرة على عشر بس المشكلة حا تقوم تخرمج في البوست القادم عشان كده الظلامي حا يظل ظلامي حتى ولو ركب كشافات برازيلية.

بوستي الأنت اديتو عشرة على عشرة أبقى علي نمرو دي !! لكن لمن يجوك الجماعة ويبلعوك ليها بعدين ما تجي تشيل منهم نمرتين تلاتة

Quote: المشكلة حا تقوم تخرمج في البوست القادم عشان كده الظلامي حا يظل ظلامي حتى ولو ركب كشافات برازيلية

يا كوستاوي داير أقول ليك حاجة مهمة ختها في بالك ..

الانت مسميها خرمجة دي أنا بسميها تحرر من قيود الحزبية المقيدة ناس من انها تقول رايا .. وانا طلقت الاحزاب عشان التفكير الواحد الما بيخليك تشوف أبعد من أرنبة (نخرتك) عشان كدة انا هسي مرتاااح وبفكر بي راحتي بدون ما تنظيم يحاسبني على كلامي زي ما في ناس هنا بدافعوا عن تنظيماتم بإستماتة وهم مقتنعين بالخلل القدامم .. لكن حاسديني لاني بقدر أقول البغلة في الابريق وهم لو قالوها بيلحقوا أمات طه !!

صنفرة :

اتوقع مزيد من الخرمجة في البوستات الجاية لو دا فهمك ليها !!

كتب الاخ كمال عباس :

Quote: ولا من سيادة الدستور والقانون....وليس هناك أي قيمة للائحة تعارض وتناقض الدستور والقانون...... ....المسؤول عن ما حدث للنجيب هو من خرق الاتفاقات والدستور( الانقاذ ) لا من من مارس حقه الدستوري في الحركة والتعبير بصورة متحضرة!!!

طبعا اندهشت جدا لمداخلة الاخ كمال فلا يمكن يا كمال وانت سيد العارفين بعد سبعتاشر سنة من حكم الانقاذ ومقارعتك ليهو وتعريته في المنابر تاتي الان للتحدث عن سيادة القانون والدستور في ظل نفس النظام ؟؟!!!!

يا كمال النظام نفسه قال هو ما بيعترف بدستورو الوضعو في 98 وعمر بشير قال اذا عزمت فتوكل يعني بفهمهم هم عزمو على تعذيب دكتور النجيب ومن قبله شلعو شيخهم بنفس ذات العزم الاغتالو بيهو الدستور في 89 وبنفس الدستور والقانون بتاع عزمت تمت الاغتيالات والتصفيات والفصل ووووالخ فكيف نتحدث عن قانونية في زمن الجبهة الاسلاموية ؟؟؟


الغريب في الامر ان نفس القانون الانت بتتحدث عنو ده والبتعمل بموجبو كوادر الجبهة الاسلاموية هو نفس القانون الببصم عليهو كوادر الحزب الشيوعي في المجلس اللاوطني ..

واذا الحزب الشيوعي - بعد الشيخوخة - فقد الذاكرة ونسى ممارسات الجبهة الاسلاموية وجلس معاها في اجهزتها هي فلماذا نلوم الجبهة الاسلاموية ؟؟

الناس ديل بيؤدو في شغلهم وده عملهم واكل عيشهم نسال نحنا نفسنا :
من عمل على تقوية النظام بعد ان كاد ان يقتلع ؟؟
من عمل على زيادة عمر النظام ؟؟؟
من اعطى الشرعية لنظام الجبهة الاسلاموية وبات يتحدث عن الدستور والقوانين المفقودة ؟؟

لو سالتهم لاجابوا بانهم الحركة الشعبية وما تبقى من التجمع الوطني والذي بعد اتفاقية القاهرة وجلوس عضويته في الحكم والتشريع بات لا وطنيا هو الاخر



ـــــــــــــــــــــــــــــــــــــــــــــــــ


ناذر خليفة انت برااااااااااااك بتضيع البوست مع بت الفضل اصلو القاهرة مافيها طريقة والبفتح خشمو الامن مصري اشد قسوة وانتظار اللوتري قااااااااااااااااتل في زول بحج بعد الحج ؟؟؟

تروتسكي كيفك !!

Quote: بس داير استاذنك لو سمحت لى انزل اغنية لو امكن..باقية لى فى حلقى مع بوستيك ده..

لا لا عليك الله لأنو الناس حا تنشغل بالغنية ونطلع من موضوعنا الاساسي ودا أنا ما دايرو يحصل هسي !!

بوستاتي الجاية نزل فيها علي كيفك بس هسي خليها ... سمح !!

Quote: ماعارف ليه اتذكر هشام يطراهو بالخير فى موضوع النقد ده ..

قل هو الله احد .!! تروتسكي مالك داير تقفلا معاي !!!!
هسي ما في شيتا واحد يذكرك بالزول دا !! شايف قدامك اسطبل ولا عربة كارو بدون حصان ؟
والله يا تروتو بس الله يشفيك من رواشتك اليوم حاتكتل ليها زول دي

شنكل :

صحبك طولتا ما شايفو حايم !! واكيد بيفكر ليهو في مصيبة جديدة يعملا .. عليك الله شد اللجام كويس وخلي بالك من نفسك ومن نفسو !!

ياسر طيفور ..

Quote: هذا النظام لا يقيم لكم وزنا يااهل المعارضة- معارضة هزيلة نصفها يضاجعه المؤتمر الوطنى ونصفها الاخر يضاجعه المؤتمر الشعبى

أهو دا الكلام الانا بسميهو (البغلة في الإبريق) !!

شنكل :

والضحية منو !!!
كوادر الصفوف الخلفية المخدوعة بكلام قياداتا المعسول !!

نازر

والصديق اللدود معتز

كارو شنو ولجام شنو, ماتلخبتو

بالله ماتطلعو لينا من موضوع البوست

في ناس كتار متابعه ومنتظره إجابات

!!!!!!!!!!!!!!!!!!!!!!!

Quote: المتواجدون الان بالمنبر العام 187 شخص » (1 )عضو و (186) زائرا »ناذر محمد الخليفة

دي قوية لكن

الجماعة لبدوا ولا شنو

شنكل :

استغفرتك يا مالك روح حبوبة معتز تروتسكي

Quote: المتواجدون الان بالمنبر العام 187 شخص » (1 )عضو و (186) زائرا »ناذر محمد الخليفة

قاعد براك!!!

اوعك بس توزع ليك منشور ولا تفتح خشمك ده

انتظر لما يجيك backup

كتب محمد حسن العمدة

Quote: كتب الاخ كمال عباس : ولا من سيادة الدستور والقانون....وليس هناك أي قيمة للائحة تعارض وتناقض الدستور والقانون...... ....المسؤول عن ما حدث للنجيب هو من خرق الاتفاقات والدستور( الانقاذ ) لا من من مارس حقه الدستوري في الحركة والتعبير بصورة متحضرة!!! طبعا اندهشت جدا لمداخلة الاخ كمال فلا يمكن يا كمال وانت سيد العارفين بعد سبعتاشر سنة من حكم الانقاذ ومقارعتك ليهو وتعريته في المنابر تاتي الان للتحدث عن سيادة القانون والدستور في ظل نفس النظام ؟؟!!!!

أنا كتبت ما كتبت أنطلاقا من

Quote: ..... أقول هذا تماشيا مع منطق التحولات الاخيرة

ومع منطق الاتفاقات و الانتخابات القادمة التي جاءت من رحم الاتفاقات الموقعة والتي
جعلت بعض الساسة يبشربهزيمة الانقاذ ديموقراطيا!!! ولكني سجلت تحفظي في مدا خلة سابقه في هذا الخيط وقلت بوضوح
مؤكداعلي

Quote: تحفظي علي مشاركةالقوي السياسية في أجهزة الدولة ذلك أن تلك المشاركة غير مؤثرةفي ظل صيغة نيفاشا التي قسمت الثروة والسلطة علي حملة السلاح وأرادت وضع بقية القوي السياسية كتمو مة جرتق وديكور سياسي ..... ماحدث وما يحدث من خروقات أنقاذيةيؤكد رأئنا في تواصل العقلية الشمولية الاقصائية والدولة والبوليسية ويفضح ويعري دعاية كوادر الانقاذ وأذنابهم بالمنبر الذين يسوقون لبضاعة الانقاذ ويزعمون أن تحولاجوهريا طراء عليها وينعون علي الاحزاب عدم المشاركة في الممارسة السياسية....

كمال

الاخ نزار ..

Quote: لذلك على الأحزاب تقيم مؤتمراتها مع الاستفادة من علم الادارة لخلق مؤسسات قادرة على تفكيك الهوس والانتهازيةفى الجتمع السودانى (تجفيف المنابع) ومن ثم هزيمة حركات الاسلام السياسى مع ضرورة ارتفاع الحس الأمنى لدى كل القوى الديمقراطية...و الفتنة نائمة ..

ركز معاي في التحتو خط !!
دا كل محور البوست ..

وين اختفى الحس الامني بتاع الحزب الشيوعي السوداني في قضية دكتور عمر النجيب !!!

محمد حسن العمدة ..

Quote: ناذر خليفة انت برااااااااااااك بتضيع البوست مع بت الفضل اصلو القاهرة مافيها طريقة والبفتح خشمو الامن مصري اشد قسوة وانتظار اللوتري قااااااااااااااااتل في زول بحج بعد الحج ؟؟؟

غايتو ما عارف اقول ليك شنو

شنكل :

نسأل الله السلامة من جنس دا !!

abcde

Quote: في ناس كتار متابعه ومنتظره إجابات

وهم مستعجلينها في شنو !!!
الداير يصبر اليصبر والمستعجل يدينا إيميلو عشان نرسل ليهو المستجدات !!

صنفرة :

أنت يا زول ما جادي ولا شنو ! ركز معانا في الموضوع

الأخ / ناذر

لا أدري من أين أتيت بمعلومة أن الجامعة الاسلامية (منطقة مقفولة)، ان ما يحدث في الجامعة الاسلامية من تزوير للانتخابات وتزييف لارادة ووعي الطلاب يحدث في كل الجامعات السودانية منذ أن اغتصبت هذه العصابة السلطة في يونيو 1989 . لدي مداخلة في هذا البوست قفزت من حيث لا أدري لنصف الصفحة الأولي أرجو الاطّلاع عليها.

تحياتي

عماد خليفة

ياسر طيفور ..

Quote: قاعد براك!!! اوعك بس توزع ليك منشور ولا تفتح خشمك ده

والله في الظروف الما مفهومة الحصلت لي دكتور النجيب دي ، احسن لي اوزع (بنقو) عدييييل كدة في جامعة أمدرمان الاسلامية وما اوزع منشورات !!

شنكل :

(ما) كلو عند العرب صابون زي ما بيفتكروا الجماعة !!

اخونا ناذر الخليفة
دبايوا
اخوى نصيحة لله اختا ناس خالد العبيد ديل صدقنى بعد شوية ما تعرف انو البوستك كان عنوانو شنو
وتدخل فى دوامة عجيبة واسال المجرب ..وصدقنى ما بتطلع بنتيجة..

يا عماد ...

Quote: لا أدري من أين أتيت بمعلومة أن الجامعة الاسلامية (منطقة مقفولة)،

أنا لمن قلت منطقة مقفولة ما كان قصدي انها مقفولة لي حزب معين ، لكن كان قصدي انو تنظيم الحزب الشيوعي تحديدا ممنوع يشتغل فيها بسبب قانون فًصل تحديدا على مقاس الجامعةالاسلامية.. ودا السبب الخلى دكتور عمر النجيب والزملاء التانين من الحزب الشيوعي ما يقدروا يشتغلوا فيها لانو قانونها مختلف (توتلي) عن بقية الجامعات السودانية . ودكتور النجيب لمن اتخرج بعد كبت من العمل السياسي في الجامعة الاسلامية حاول يعوض سنين الحرمان دي بتوزيع منشور في مغامرة غير مدروسة وحصل الحصل !!

صنفرة :

وبعد دا بقول ليك يا عماد .. ما دايرين نشوف الفيل ونطعن في ضلو !!
ولو انا غلطان قول لي وانا بسمع ليك !!

هاشم نوريت (الشرق اتى) !!

Quote: اخوى نصيحة لله اختا ناس خالد العبيد ديل صدقنى بعد شوية ما تعرف انو البوستك كان عنوانو شنو وتدخل فى دوامة عجيبة واسال المجرب ..وصدقنى ما بتطلع بنتيجة..

صدقني با هاشم ونصيحتك فوق راسي لكن زي ما انت مجرب اخوك برضو مجرب والناس المجربنها في الكيبورد ما زي الناس المجربنها في (واطات) ربنا دي !! والأفلام دي زي ما قلت قبل كدة .. لو في ناس داخلنها شعبي النفر بي 1500 جنيه ، أنحنا دخلناها لوج بي حساب 3000 النفر !! دا لاغير حق الاسكريم وقصب السكر الحرقناهو في أثناء الفلم !!

صنفرة :

الدوامة دي ما للضايقنها يا هاشم نوريت !! وما للطلعوا ولسان حالم بيقول (يا غرقت يا جيت حازما) !!

Quote: أنا لمن قلت منطقة مقفولة ما كان قصدي انها مقفولة لي حزب معين ، لكن كان قصدي انو تنظيم الحزب الشيوعي تحديدا ممنوع يشتغل فيها بسبب قانون فًصل تحديدا على مقاس الجامعةالاسلامية.. ودا السبب الخلى دكتور عمر النجيب والزملاء التانين من الحزب الشيوعي ما يقدروا يشتغلوا فيها لانو قانونها مختلف (توتلي) عن بقية الجامعات السودانية . ودكتور النجيب لمن اتخرج بعد كبت من العمل السياسي في الجامعة الاسلامية حاول يعوض سنين الحرمان دي بتوزيع منشور في مغامرة غير مدروسة وحصل الحصل !!

ناذر

ارجوك ان تقرأ هذه المداخله التي كتبتها امس ولسبب لا اعلمه ذهبت الي منتصف الصفحة الأولي وها أنذا اكررها هنا لتوضيح بعض الحقائق والمعلومات المهمة.

الأخ / ناذر وضيوفه الكرام

بما أنني تخرجت في جامعة أم درمان الاسلامية ابان عصرها الذهبي، ومن الذين نادوا وما زالوا ينادون بتطويرها كماقال بذلك الاستاذ محمود محمد طه (حتي تصير جامعة ام درمان) درءا لشبهات الهوس وحتي لا تكون صفة (الاسلامية) مرجعا لمصادرة الحريات باسم الاسلام كما حدث ويحدث الآن في كل انحاء البلاد أود توضيح الآتي:
كتبت د.بيان:

Quote: Quote: من المعروف ان في لائحة الجامعة الاسلامية يمنع ان يمارس الحزب الشيوعي او الجبهة الديمقراطية اي نشاط سياسي في الاسلامية اذ ان الجامعة اسلامية.. فلا يعقل ان يكون بها طلاب من حزب لا يؤمن بالاديان..( هذا المنطق الذي منع به انزال لست الجبهة الديمقراطية في بداية الثمانيات)

هذا الكلام غير صحيح، كان الاخوة بالجبهة الديمقراطية بجامعة أم درمان الاسلامية يمارسون نشاطهم السياسي كسائر التنظيمات السياسية وبصورة علنية ابان الفترة الديمقراطية بل ترشحوا للانتخابات في قائمة مستقلة للاتحاد دورة 87/1988 . ضاق الحال كما هو معروف بتنظيمات العصور الوسطي من الاخوان والوهابيين واشياعهم فقاموا برفع مذكرة احتجاج وتسيير مسيرة لعمادة الطلاب التي كان على رأسها آنذاك المرحوم د. الطاهر محمد علي مطالبين بحظر نشاط الشيوعيين، وقد استجاب العميد وارسل بعض موظفيه وأنزلوا صحيفة (الشرارة) لسان حال الجبهة الديمقراطية واصدرت العمادة بيانا حظرت فبه النشاط السياسي للجبهة الديمقراطية.

ولأن العهد حينها لم يكن قيهبا، قام الاخوة بالجبهة الديمقراطية وبمساندة ودعم كل التنظيمات السياسية الوطنية بالجامعة وكذلك الاتحاد الذي كان يسيطر عليه تحالف مؤتمر الطلاب المستقلين والانصار والطلاب الاتحاديين قاموا بفتح بلاغ ضد عمادة الطلاب التي صادرت نشاطهم بغير حق، وقد حكمت المحكمة بعد جلسات ساخنة لصالح طلاب الجبهة الديمقراطية و بعدم شرعية قرار العمادة وقد قام نفس الموظفين بتثبيت الصحيفة المصادرة مكانها وتم الغاء القرار الخاص بتعليق نشاط الجبهة الديمقراطية.

وقد قال المرحوم د. الطاهر قولته المشهورة بعد فشله في كسب القضية وتعرضه لحملات شرسة قادتها ضدة صحيفة الميدان والتي كان يحرص على قرائتها طيلة فترة المحاكمة التاريخية (أناالدرعني في الشيوعيين شنو؟).

آمل ان تكون هذه الشهادة قد ابانت بعض اللبس وسوء الفهم لدي بعض المتداخلين. وعليك ياناذر ادانة ماحدث للدكتور النجيب وادانة مصادرة الحريات وتكميم الافواة والذي اوصلنا لما نحن فيه من مصائب ومحن.

التحية لدكتور عمر النجيب والي أعضاء الجبهة الديمقراطية بجامعة ام درمان الاسلامية والذين آمل أن يزيدهم هذا الحادث صلابة وقوة واصرارا علي مواصلة المسير.


عماد خليفة

Quote: وهم مستعجلينها في شنو !!! الداير يصبر اليصبر والمستعجل يدينا إيميلو عشان نرسل ليهو المستجدات !!

Quote: ودكتور النجيب لمن اتخرج بعد كبت من العمل السياسي في الجامعة الاسلامية حاول يعوض سنين الحرمان دي بتوزيع منشور في مغامرة غير مدروسة وحصل الحصل !!

الظاهر ... والله أعلم, الناس المشو زياره للدكتور النجيب عندهم قنبلة ما, لكن ما عارف حرقة الروح دي لشنو

Quote: اجهزة الامن ومنسوبيها غير ملامة على تعرضهم لمنسوبي الحزب الشيوعي اذا ماكان الحزب يدفع بكوادره في قلب منطقة مقفولة لغيره (الجامعة الاسلامية) دون اتخاذ الاجراءات التأمينية الكافية لهم ..

Quote: من المعروف ان في لائحة الجامعة الاسلامية يمنع ان يمارس الحزب الشيوعي او الجبهة الديمقراطية اي نشاط سياسي في الاسلامية اذ ان الجامعة اسلامية.. فلا يعقل ان يكون بها طلاب من حزب لا يؤمن بالاديان..( هذا المنطق الذي منع به انزال لست الجبهة الديمقراطية في بداية الثمانيات)

Quote: الجميع يعلم تماما ومنذ أخريات القرن الماضي ان القانون يحظر على الحزب الشيوعي ممارسة نشاطه في الجامعة ولهذا السبب وحده درس فيها الدكتور عمر النجيب دون ان يوزع منشورا او يتحدث في ركن نقاش والا كان الفصل مصيره ..

أولا : الجامعة الإسلامية مؤسسة تعليمية سودانية ممولة من الخزينة العامة لجمهورية السودان أي من دافع الضرائب السوداني بغض النظر عن دينه او حزبه السياسي وبالتالي من حق كل أبناء الشعب السوداني الدارسة فيها بغض النظر عن انتماءاتهم السياسية وإلا كان الأولى تمويلها من خزينة حزب معين أو طائفة معينة . وطلاب الجبهة الديمقراطية جاءوا من صلب دافعي الضرائب السودانيين ولم يأتوا من جزر الواقواق .

ثانيا : صحيح أن الإدارات المتعاقبة على الجامعة الإسلامية - وأنا أحد خريجها – حاولت جاهدة أن تكون وقفا على فئة معينة من الطلاب أو قصرا على طلاب المعاهد الدينية فقط ولكنهم فشلوا في ذلك فشلا ذريعا منذ بدأ القبول للجامعة الإسلامية يتم من مكتب القبول العام مثلها مثل بقية الجامعات على الاقل قبل استيلاء عصابة الجبهة القومية الإسلامية على ا لسلطة .

ثالثا : رغم القهر والتسلط الذي ظل يمارسه الأخوان المسلمون على الطلاب في الجامعة الإسلامية إلا أن طلاب الإسلامية كانوا دائما الصخرة التي تتحطم عليها أحلام الفاشست ( الاسم الذي كنا نطلقه علي أعضاء الاتجاه الإسلامي في الجامعة في السبعينات من القرن الماضي) ، وكانت الإسلامية هي الجامعة الوحيدة التي تم فيها انتخاب اتحاد الطلاب بالتمثيل النسبي وذلك في دورتي 75 و 76 ، وأنا شخصيا كنت ممثلا للجبهة الديمقراطية في اللجنة التنفيذية للاتحاد . وبيانات الحزب ا لشيوعي وندواته وندوات الجبهة الديمقراطية كانت تقام في الإسلامية علنا ، رغم جبروت أمن السفاح نميري وصلف إدارة الجامعة بقيادة عمر الحاج موسى رئيس مجلس إدارة الجامعة وكامل الباقر مدير الجامعة الذين قاما بفصل 53 طالب وطالبة في العام 77 بحجة الانتماء للجبهة الديمقراطية ، وتحت الضغط أعيد 51 طالبا وطالبه وبقي اثنان تم فصلهما لمدة عام هما الأخ عبد الباقي الحسن وشخصي الضعيف ، وإدارة ا لجامعة لم تتمكن من النيل من طلاب ا لإسلامية واتحادهم إلا بعد أن فصلته إلى اتحادين ، اتحاد خاص بالطالبات واتحاد خاص بالطلاب بعد تخرجنا في العام 78 ، حيث ظل اتحاد الطالبات في يد الجبهة الديمقراطية وأعضاء التنظيمات الطلابية ا لأخرى وسيطر أعضاء الاتجاه الإسلامي على اتحاد الطلاب . فلا أدري من اين أتى صاحب البوست والأخت بيان بمثل كلامهما هذا . وكيف يستقيم عقلا أن ينادي شخص يؤمن بالحرية والديمقراطية بأن تظل مؤسسة تعليمية عامة حكرا على فئة معينة من أبناء الشعب دون الفئات الأخرى ...

أما السؤال الكبير هو لماذا يحتاج توزيع منشور إلى حماية بغض النظر عن مكان التوزيع مادمنا نتحدث عن ديمقراطية وسلام وغيره ؟ وكيف نستطيع فضح كذب ونفاق أعضاء ا لجبهة القومية الإسلامية وخطل القول بالتغيير في طبيعة النظام ما لم تتم مواجهات كهذه ؟؟؟

تخريمة :
فعلا يا دكتورة ما لفت نظري بخصوص مسألة الدكتور عمر التاج النجيب هو أن الأخ عمر التاج خريج وليس طالبا ، ولكن هل يعطي ذلك الحق لأعضاء جهاز الأمن في تعذيبه إلى هذه الدرجة ؟؟؟؟ مع ملاحظة انه خريج الجامعة الإسلامية وهذا يعني انه مازال هناك فرع للحزب الشيوعي في الجامعة الإسلامية

Quote: بس عايزة أقول ليك هل تفتكر الشاهدين الذين بلغوا أهل عمر والحزب بالحادثة فاعلين خير؟؟

فلنطالب باجراء محاكمة عادلة للذين قاموا بتعذيب دكتور عمر التاج النجيب ، ومعا من أجل انهاء العنف والتعذيب في الحياة السياسية السودانية ، ومعا ضد تعذيب الخصوم السياسيين ومعا ضد دكتاتورية الجبهة القومية الإسلامية .

أبو قصي

أبو قصي

الأخوان عماد وابو قصي ..

شكرا للمرور والمعلومات الثرة ..

اللنك دا للفائدة العامة بس ...

http:// نصيحة لله الي الخال العزيز محمد ابراهيم نقد ( و...ملين ) ظااااااطو!!!!

الأخ ناذر..

الموضوع كما يقول الخواجات ليس "Funny" وقد سآءني منك أن تكتب أن ما قام به الدكتور عمر التاج النجيب هو عبارة عن تعويض "سنين الحرمان "!! أنا ما عارف عمرك كم سنة الآن.. لكن قرأت لك يوماً ما، أنه قد تم عزلك من وسط نشاط مسرحي فيه تلميحات معارضة للنظام، ودقوك دق العيش.. يعني مريت بي تجربة شبيهة لتجربة عمر التاج.. اللــوم وقع على منو في حادثتك؟

أي معارض للنظام من شهور الإنقلاب الأولى تكشفت له فاشية ودموية ولا أخلاقية القائمين على أمره.. واستمروا في معارضته أفراداً منظمين وغير منظمين، خرجوا معارضين وفي مهام بعضها محمي وبعضها غير محمي.. وانضربت كثيراً من الأنشطة المعارضة المحمية وغير المحمية.. المناضلين يا ناذر، واعين بمخاطر ما يقومون به، وواعين بما تتطلبه رسالتهم من تضحيات، وواعين كذلك بأنه من المفيد جداً التحوط وعدم الغفلة، ليس جُبناً، ولكن لضرورة استمرار نضالهم لأبعد مدى يقربهم من تحقيق أهدافهم.. رغم ذلك الضربات ب تحصل، وعند حدوثها ب يتم تقييمها لتفادي حدوثها في المستقبل.. والتقييم ما بيكون بجلد الذات والنواح ولطم الخدود وشق الجيوب في الأسافير وغير الأسافير، والتقييم ليس هو المهمة ذات الأولوية القصوى.. والتقييم لا يجنح لإيجاد المبررات للعدو.. وتقصيرك في عدم تعلية سور بيتك ما بدي الحرامي رخصة للسرقة.. يجب عليك ترتيب أولوياتك، ودع الحزب الشيوعي يقيم بنفسه أوجه القصور ويعمل على تلافيها.. أختم بمقولة شبيهة بمقولة لينين عندما انتقد من يريدون "ضمانات سلامة" قبل الشروع في أي نشاط نضالي؛ من كان يظن أن النضال مثل التنزه في جادة شارع النيل.. فاليتخلى عنه منذ الآن.

عدلان.

الأعـزاء عماد خليفة وأبوقصي..

لا شك أن كفاحكم وصمودكم مع و ضمن المئات من الطلاب الوطنيين والشرفاء في جامعة أم درمان الإسلامية.. أحبط مخططات وأحلام الذين أنشأؤوها بأن تكون مركزاً لتفريخ خفافيش الظلام أعداء التقدم والإنسانية.. ولن ننسى أن طلاب الجامعة الإسلامية هم أول طلاب الجامعات الذين خرجو في إنتفاضة الشعب في مارس 1985.

عدلان.

Quote: قرأت لك يوماً ما، أنه قد تم عزلك من وسط نشاط مسرحي فيه تلميحات معارضة للنظام، ودقوك دق العيش.. يعني مريت بي تجربة شبيهة لتجربة عمر التاج.. اللــوم وقع على منو في حادثتك؟

شكرا الأخ عدلان على طرح هذا السؤال مرة اخرى فقد طرح على ناذر بطرق مختلفة لكنه لم يجاوب .

ايضا الشكر ليك لاضاءتك النقاط التالية :

Quote: المناضلين يا ناذر، واعين بمخاطر ما يقومون به، وواعين بما تتطلبه رسالتهم من تضحيات، وواعين كذلك بأنه من المفيد جداً التحوط وعدم الغفلة، ليس جُبناً، ولكن لضرورة استمرار نضالهم لأبعد مدى يقربهم من تحقيق أهدافهم.. رغم ذلك الضربات ب تحصل، وعند حدوثها ب يتم تقييمها لتفادي حدوثها في المستقبل.. والتقييم ما بيكون بجلد الذات والنواح ولطم الخدود وشق الجيوب في الأسافير وغير الأسافير، والتقييم ليس هو المهمة ذات الأولوية القصوى.. والتقييم لا يجنح لإيجاد المبررات للعدو.. وتقصيرك في عدم تعلية سور بيتك ما بدي الحرامي رخصة للسرقة..

Quote: يجب عليك ترتيب أولوياتك، ودع الحزب الشيوعي يقيم بنفسه أوجه القصور ويعمل على تلافيها.. أختم بمقولة شبيهة بمقولة لينين عندما انتقد من يريدون "ضمانات سلامة" قبل الشروع في أي نشاط نضالي؛ من كان يظن أن النضال مثل التنزه في جادة شارع النيل.. فاليتخلى عنه منذ الآن.

تحياتي أخ عدلان ..

نقاطك التي أثرتها بها الكثير من المنطقية والمعقولية واعتقد أنها قد تصلح أساسا لحوار جاد يستفيد منه كل الاطراف ..

Quote: وقد سآءني منك أن تكتب أن ما قام به الدكتور عمر التاج النجيب هو عبارة عن تعويض "سنين الحرمان "!!

لم أقصد الاساءة أبدا لما قام به الدكتور عمر النجيب من عمل في الجامعة الاسلامية ولم أقصد أيضا التقليل من شأنه عندما استخدمت عبارة (سنين الحرمان) ، فقد كان كل قصدي أن هذا شعور طبيعي لمن منع سنينا طويلة عن اي عمل فمن الطبيعي أن يسعى لتعويض ما فاته من منع ولا اعتقد ان في هذا ما يعيب ..

Quote: لكن قرأت لك يوماً ما، أنه قد تم عزلك من وسط نشاط مسرحي فيه تلميحات معارضة للنظام، ودقوك دق العيش.. يعني مريت بي تجربة شبيهة لتجربة عمر التاج.. اللــوم وقع على منو في حادثتك؟

لا أذكر بالضبط أين كتبت هذه القصة ولكني أتذكر الحادثة جيدا وأعتقد انني قد ذكرت حينها اننا كنا صغارا في السن ولم نكن نعي معنى الاشارات والتلميحات التي كنا نطلقها في اثناء المسرحية ولم نعي أن جهات اخرى قد تسئ تفسيرها وتهويلها ..

كما انه لا مقارنة بين الاثنين اطلاقا فحادثة ضرب عمر النجيب جاءت بسبب فعل سياسي ورد فعل محسوب بدقة تجاه فرد معروف بأنتماءه السياسي أما في حالت ضربي تلك فقد جاءت ايضا رد فعل ولكن ليس بسبب فعل سياسي بل بسبب مسرحية ولم يكن القصد واضحا ..

ربما كانت المقارنة الوحيدة هي أنه (الضارب) في الحالتين كان جهة واحدة لا تفرق بين الاشارات المختلفة الا حسب تفاسيرها ومفهوماتها الخاصة .. ولكنا تعلمنا بعد ذلك وأتخذنا عدة احتياطات لتفادي تكرار ما حدث ..

Quote: رغم ذلك الضربات ب تحصل، وعند حدوثها ب يتم تقييمها لتفادي حدوثها في المستقبل.. والتقييم ما بيكون بجلد الذات والنواح ولطم الخدود وشق الجيوب في الأسافير وغير الأسافير، والتقييم ليس هو المهمة ذات الأولوية القصوى.. والتقييم لا يجنح لإيجاد المبررات للعدو.. وتقصيرك في عدم تعلية سور بيتك ما بدي الحرامي رخصة للسرقة.. يجب عليك ترتيب أولوياتك،

أتفق معك في هذه النقطة وأتمنى ان يقيم الحزب هذه الحادثة حتى يتفادى ما قد يأتي به المستقبل ..

شكرا للمشاركة القيمة ..

ناذر

من السرد التاريخي للأحداث الذي تفضلنا به والأخ أبو قصي، أتمني أن تكون قد اقتنعت بأن قانون الجامعة الاسلامية لا يحظر نشاط الشيوعيين.

أبو قصي
كل من درس بالاسلامية يذكر ذلك الجيل من الثوريات مديحة، فائزة وغيرهن من الجسورات.

عدلان
شكرا علي التعقيب، فالاسلامية (رغما عن اسمها) سوف لن تكون معقلا للهوس الديني.

مرة أخري التحية للدكتور عمر النجيب ولأعضاء الجبهة الديمقراطية والشيوعيين وكل الشرفاء بجامعة أم درمان الاسلامية.
عماد خليفة

الأخ ناذر، أقـدر تضامنك مع الأخ عمر التاج وأتفهم توضيحك حول تعبير "سنين الحرمان".. شكرا لك.ً

الأخت سلوى، واجبنا كلنا الحفاظ على ما تم انتزاعه من حقوق عبر سنوات من الآلام، والدموع، والدماء، وممارسة حقوقنا في التعبير والتنظيم والتظاهر، إلخ.. بوضع اليد، أو وفق القانون، سنُضرب مرة أو مرتين، لكن لن نتخلى لهم أو نخلي الساحة. هاهم أمرهم يفتضح فيسارع عميد الطلاب بالنفي ويسارع الأتحاد بالنفي، وتتم الملاحقة القانونية، بل أن محمد حامد جمعة أدان المعتدين، وطالب بإلزام كل من يتصرف على أساس أنه يمثل الأمن أن يبرز بطاقة هويته.. كل ذلك نتج عن وجود حركة جماهيرية قوية، ومصادمة للتمسك بالحقوق، ولحملات التضامن دور لا ينكر كذلك.. فشكراً لكل من قام بواجبه في التضامن، وفضح المجرمين.

الأخ عمـاد خليفة، ولا ننسى من أعضاء البورد خريجي جامعة أم درمان الإسلامية.. أختنا الصنديدة إشراقة مصطفي، وعبرها أحي الصـامد الأشعث الأخ عبدالحمــيد.

والتحية للدكتور عمر النجيب ولأعضاء الجبهة الديمقراطية والشيوعيين وكل الشرفاء بجامعة أم درمان الاسلامية.

لكم الود، جميعه..

الاخ ناذر يالك من حالم

ياسيدى الحزب الشيوعى قد يتحامل على اصفياء الامس

الحزب الشيوى قد يحمل الاخرين كل شىء حتى انهيار سور بلرين

الحزب الشيوعى يحتمل فقط العيش فى سلام مع قاتلى رموزه

ناذر

شكلنا استلمنا البوست (فلك العتبي).

عدلان

Quote: ولا ننسى من أعضاء البورد خريجي جامعة أم درمان الإسلامية.. أختنا الصنديدة إشراقة مصطفي، وعبرها أحي الصـامد الأشعث الأخ عبدالحمــيد.

أحييي عبر هذا البوست المناضلة أم وآصل (تعرف واصل دا هو مؤسس فرقة المعتزلة) والتي لا تخفي اسهاماتها الكبيرة على احد، وكذلك المثابر الصامد عبد الحميد (دحدوح) تخرجنا سويا من قسم المكتبات والمعلومات (في العصر الذهبي للجامعة).

عماد خليفة

الاستاذ بدر الدين ..

Quote: الاخ ناذر يالك من حالم ياسيدى الحزب الشيوعى قد يتحامل على اصفياء الامس الحزب الشيوى قد يحمل الاخرين كل شىء حتى انهيار سور بلرين

شكلك بتتكلم عن تجربة مش كلام ساي !!!

لكن دي الحيرتني .. !!!

Quote: الحزب الشيوعى يحتمل فقط العيش فى سلام مع قاتلى رموزه

بس من متين الكلام دا !! لأنو ما كان كدة زمان ومعروف بمواقفو وتضحياتو !!

صنفرة :

ودي فرصة عشان اشكرك على (البتاعات) والتصميم الجميل عجبتنا كلنا والله ويا ريت لو كنتو حاضرين معانا في الحفل . ارجو إيصال سلامي وأعجابي للأخ عماد عبد الله !!

الاخ عماد خليفة ...

Quote: ناذر شكلنا استلمنا البوست (فلك العتبي).

بالعكس يا سيدي !! أخد راحتك تماما .. انا كلامي القلتو كلو وصل وفهمي الداير الناس تعرفو عرفوهو خلاص ويهمني اسمع بعد كدة .. ومستمتع والله للحوار الجميل الدائر بينك وبين عدلان ..

Quote: ناذر خليفة انت برااااااااااااك بتضيع البوست مع بت الفضل اصلو القاهرة مافيها طريقة والبفتح خشمو الامن مصري اشد قسوة وانتظار اللوتري قااااااااااااااااتل في زول بحج بعد الحج ؟؟؟

محمد حسن العمدة

الامن المصري ما اشدة قسوة من الامن السعودي خاصة اذا عرفوا انك عندك علاقة بالقاعدة فيها قص وكدة- الامن المصري قبل ما يرحلني المنظمة بتفكني
( وانا ما محسوبة مع الناس الخوافين)
منو القال ليك انا منتظرة لوتري ولا لجوء- معليش معلوماتك مضروبة على قول المصريين ما تتذاكى وتقطع من راسك ، في انصار كتار في القاهرة ممكن يرسلوا ليك المعلومة الصحيحة عشان مذكاتك دي .
يعني بالسوداني خلي المطاعنة

Quote: وكانت الإسلامية هي الجامعة الوحيدة التي تم فيها انتخاب اتحاد الطلاب بالتمثيل النسبي وذلك في دورتي 75 و 76 ، وأنا شخصيا كنت ممثلا للجبهة الديمقراطية في اللجنة التنفيذية للاتحاد . وبيانات الحزب ا لشيوعي وندواته وندوات الجبهة الديمقراطية كانت تقام في الإسلامية علنا ، رغم جبروت أمن السفاح نميري وصلف إدارة الجامعة بقيادة عمر الحاج موسى رئيس مجلس إدارة الجامعة وكامل الباقر مدير الجامعة

شكرا لابوقصي على هذه الاضاءة الهامة
وارجو من الاخ نادر العمل بملاحظة الاخ عدلان
بان اهمية الموضوع تجعله ان نكون اكثر جدية في الطرح
تشكر يا ناذر
ولي عودة

كتب الاخ نزار في أول مداخلته

Quote: اجهزة الامن ومنسوبيها غير ملامة على تعرضهم لمنسوبي الحزب الشيوعي اذا ماكان الحزب يدفع بكوادره في قلب منطقة مقفولة لغيره (الجامعة الاسلامية) دون اتخاذ الاجراءات التأمينية الكافية لهم ..

ثم تداخلت الأخت بيان لتعزف علي ذات الوتر

Quote: من المعروف ان في لائحة الجامعة الاسلامية يمنع ان يمارس الحزب الشيوعي او الجبهة الديمقراطية اي نشاط سياسي في الاسلامية اذ ان الجامعة اسلامية.. فلا يعقل ان يكون بها طلاب من حزب لا يؤمن بالاديان..( هذا المنطق الذي منع به انزال لست الجبهة الديمقراطية في بداية الثمانيات)

ويعود نزار ليقرر

Quote: أنا لمن قلت منطقة مقفولة ما كان قصدي انها مقفولة لي حزب معين ، لكن كان قصدي انو تنظيم الحزب الشيوعي تحديدا ممنوع يشتغل فيها بسبب قانون فًصل تحديدا على مقاس الجامعةالاسلامية.. ودا السبب الخلى دكتور عمر النجيب والزملاء التانين من الحزب الشيوعي ما يقدروا يشتغلوا فيها لانو قانونها مختلف (توتلي) عن بقية الجامعات السودانية

.....
نلاحظ أن هذا الخيط.بني ونسج علي معلومة ...
أن الحزب الشيوعي محظور بقانون في الجامعة الاسلامية....
وتأسس علي هذاتجريم الحزب الشيوعي بالدفع بكادره في منطقة محظورة
عليه بنص القانون...... وتأسس علي هذه المعلومة أتهام د.النجيب بالقيام بمغامرة غير محسوبة بأصراره علي القيام بنشاط سياسي كان محرومامنه من طيلة سنوات الدرا سة!!!
والأغرب من ذلك هو أستخراج شهادة براءة لأجهزة ومن محسوبيها
من الملامة ذلك نظرا لأن الحزب الشيوعي باشر نشاطا يحظره عليه القانون
في تلك المنطقة المقفولة!!!!! والان دعونا نناقش هذه المعلومة والتي تم بموجبها تجريم ذلك الحزب
وأتهام النجيب بأرتكاب مغامرة!!
..... أتضح وبشهادة.شهود من أهلها الاخ عماد خليفةا وأبو قصي
خريجي تلك الجامعة...خطاء تلك المعلومة بحيثيات وشواهد من قلب
معقل ا الأحداث وقد ختم الأخ عماد مرافعته الناصعة وهو وأبو قصي
بقوله

Quote: ناذر من السرد التاريخي للأحداث الذي تفضلنا به والأخ أبو قصي، أتمني أن تكون قد اقتنعت بأن قانون الجامعة الاسلامية لا يحظر نشاط الشيوعيين.

ومن هنا يصبح علي الأخ نزار
الأعتزار للقارئ عن أيراد وتمليك القارئ معلومة مغلوطة ومضللة
......وعليه الاعتزار للحزب الشيوعي الذي جرمه وأدانه أستنادا علي
معلومة خاطئة
......وعليه الأعتزار للدكتور النجيب لأتهامه بالقيام بمغا مرة بتوزيع
بيان في منطقة محظورة علي الشيوعيين ومخالفة قانون الجامعة علي حسب زعم الاخ نزار!!!
أما عدم تحميل جهاز الامن ومنسوبيه ما أسماه باللوم علي ماحدث للنجيب
نظرا لخرق النجيب والشيوعيين لقانون الجامعة فنترك الحكم فيه للقارئ!

فالقارئ المتابع يعي تماما أن جهاز الامن ومحسوبيه يتحملون فوق
اللوم والمعاتبة أنهم يتحملون مسؤولية وزر تعذيب والشروع في
أغتيال مواطن أعزل لم يقم سوي بممارسة حقه في التعبير والحركة
جهاز الأمن هو من قام بخرق قانون الجامعة وأنتهك قدسيتها
وهو من خرق وأنتهك قانون ودستور النظام وهو من خرق أتفاقات السلام
التي تكفل حرية التعبير وحرية الرأي للأفراد والاحزاب....
لامجال لذر الرماد في الأعين وتجريم الضحايا والتبرير للقتلة
........... أورد فيما يلي هذه القصة من التراث.......
....... ورد في السيرة أن الرسول ...ص... قال للصحابي عمار بن
ياسر ما معناه "تقتلك الفئة الباغية.....دارت الايام وتقا تل الصحابة
في صفيين ....فريق مع الامام علي وفريق مع كاتب الوحي معاوية
وكل فريق يري أنه علي حق وغيره علي باطل......
وكان ضمن أركان حرب الامام علي الصحابي عمار بن ياسر والذي لقي حتفه
في المعركة وقتل بواسطة جيش معاوية....وهنا تذكر الصحابة حديث الرسول
لعمار بأنه قتلته هم الفئة الباغية وتحدث البلبلة في معسكر معاوية
وكاد الناس ينفضوا من حوله .....وهنا تدارك معاوية الامر قائلا
أننا لم نقتل عمار أنما قتله من أخرجوه من داره وقادوه للقتال
ويعني بذلك جماعة الامام علي..... وهكذا أمتص معاوية "اللحظة"
وترك الجدل قائما حول من المسؤول عن مقتل عمار!!!!
وبالطبع كان العقلاء يدركون أن عمار ا كان رجلا راشد وعاقلا وهو من
أختار قراره بالقتال بمحض أرادته .....
كان معاوية ذكيا حقا ولم يكن متذاكيا كان يستند دوما علي منطق
يقنع ظاهره بعض الناس .....
.....وختاما نعود علي بدء ونقول هناك قضايا مبدئية تتطلب رؤية
واضحا وموقفا حاسما وأعني بذلك حق الانسان في أبداء الرأي والتعبير
وأدانة التعذيب والقهر وتكميم الافواه هذه قضايالاتحتمل مسك العصاة
من المنتصف والميوعة الفكرية.....
كمال

مدخل:
زماااان انا قلت (امتعض جدا عندما اكون مؤمن بفكرة ما واشعر بان هناك ليس مؤهل لحمل ما احمله او اشعر بان هناك من هو اقل منك فى كل شى وتشعر بان الظروف ساعدته بان يكون فى قيادتك او انت وهو فى اناء واحد تنضحون..)

استاذ كمال مع احترامى ليك دقيقه..
خلاصة كلامك ده كلو انو ناذر يعتزر يعنى ؟؟
برضو مع الحترامي ليه اسالك
ليه ولشنو وفوق كم وعشان شنو؟؟!!!!
الكلام واضح وماداير ليهو 2 -3
ناذر لو كان اساء للحزب الشيوعى كان بقولها ليكم فى وشكم ومابغطيها لكن تقعدو تلغوسو الكلام وتجوطو جاى جاى ده الماجيب حقو..
وبالرغم من الذكره الاساتذه بخصوص انو الاسلاميه جامعه مقفوله ياسيدى هى مقفوله دى الا تكون مسوره بى سور وكلام ناذر الجبتو ده برضو واضح.
الشيوعين انا بعرف فيهم ناس فى جامعة القران خليها الاسلاميه..
مقفوله دى يعنى بى بعربى جوبا ده امكانية الشغل فيها مازى لمن الشيوعين يجو يشتغولو فى الاهليه ولا الخرطوم ولا السودان ...
اعتقد كده بقت واضحه..
وفرضية اتفاق ناذر نع بيان كما تفترض
صراحه يااستاذ ماتسوقو الموضوع بى زقاقات تانيه ويبقى بدل حبل واحد للمشنقه حبال!!..
انا شكل العقلية القاعده تتعامل مع الموضوع قادر افهمها
واعتقد ناذر ايضا وماداير اقول عقليه بعينها عشان برضو ماتجى تقول بتجنى علي شخص ولا تنظيم بعينه...
ونجيى لى كلامك ده الانت بترددو بخصوص الميوعه الفكريه !!..
انا بعرف انو الزول لمن يكون ينضح بالعبارات مفروض يجيدها على الارض الواقع وتبقى كلمات للتريد فقط..

واقول ليك حقوق الانسان الانتو عاملينها مع الكيزان دى حقو المعارضه تبلها وتشربها وكلام ود العمده كافى بخصوص الموضوع ده ولااضيف..
لكن برجع ليك لى النقد الانت تطرقت اليهو ..
نحن ادنا الجهاز الامن الاصلو مافى شى بلنا معاهو الا فى خيال البعض
يلا ادانة الحزب وينها؟؟!!
والنقد والنقد الذاتى وينو؟؟؟ (اعرفهم ليك عشان تعرف الناس وين والعلمية وين ولا يكون جابو علم سياسه جديد ما اطلعنا عليهو)
ماهى الاحزاب والتنظيمات دي عايشها فى اوكارها الى الان ليه؟
والامثلة الزى النجيب دى كمان دايرها ليها حصر يا استاذ كمال ؟!!؟
الشغله يا استاذ كمال مانقاش بطريقه العك والعجن دي لانو صراحه ماعارف اقول ليك شنو
المهم حتظل كودار التنظيمات فى الحفره دى لى يوم يبعثون لانو طريقة العقلية القاعده تتعاملها مع الموضوع ماعارف عايزه هى كده ولا اساسا ماعارفه انها قاعده تعمل كده ؛ولا كمان تكون عارفه وتبقى مصيبه..
والمشكله لو الاحزاب بتقعد فى الحفره دى براها مافى مشكة ؛بس المشلكه هم ضايعين ومضعين معاهم شعب بحالو..
عشان كده برجع بقول ليكم تاني (الله ليك يالنجيب وياحليلك...)
وربك تانى مايجبنى هنا..
لانو بقدر ماانتو بتدافعو عن كلام ما اتقال دايرين تلبسوه لناذر (وانا بعرفو زى جوع بطنى )
انا حادفع عن ناذر؛ لانو لو عارف انو قاصد الحزب الشيوعى بطريقة الفيل وتطعن فى ضلو كان وقت ليهو قبلكم مش لو يبقى صاحبى لو يبقى اخوي..
لكن لو فتحتو شويه حتعرفو انو كلام ناذر ده فيهو استفزاز لمشاعركم بطريقه تانيه مش تصهينو منو
لانو الحقيقه مره والصراحه حارة..

التحايا النواضر

شكرا جزيلا معتز تروتسكي ..

Quote: ناذر لو كان اساء للحزب الشيوعى كان بقولها ليكم فى وشكم ومابغطيها لكن تقعدو تلغوسو الكلام وتجوطو جاى جاى ده الماجيب حقو.. وبالرغم من الذكره الاساتذه بخصوص انو الاسلاميه جامعه مقفوله ياسيدى هى مقفوله دى الا تكون مسوره بى سور وكلام ناذر الجبتو ده برضو واضح. الشيوعين انا بعرف فيهم ناس فى جامعة القران خليها الاسلاميه.. مقفوله دى يعنى بى بعربى جوبا ده امكانية الشغل فيها مازى لمن الشيوعين يجو يشتغولو فى الاهليه ولا الخرطوم ولا السودان ... اعتقد كده بقت واضحه..

شنكل :

أنا كنت داير ارد بي رد مطول على اخونا كمال عباس لكن اعتقد انو كلام تروتسكي يغني عن قول الكثير .. واعتقد ان المرمى والقصد واضح !! مع اني محتار انو كمال بياخد كلام عماد وعدلان خريجي الجامعة الاسلامية في القرن الماضي وداير يقارن بيها الاوضاع في القرن دا وكانو ما اختلفت حكومات وما تغيرت أوضاع طول المدة الزمنية دي !!

Quote: شنكل : (وفجأة) كدي متعاطف برضو مع الحزب الشيوعي في محنتو البيمر بيها بسبب الحادثة دي .. يعني ما شايل حسو ولا حاجة !!

ناذر .. صباحكـ خير
الحزب الشيوعي ماعندو مِحنه ولا بيمر بي الشنقيطي
الحزب الشيوعي المِحنه عندو هي (أن ينفض الناس من حولو ) و دي ما بتحصل لانو الناس عارفه
منو المعاها و منو الضدها
انا ماكنت عاوز اكتب كتير في الموضوع ده .. لكن
ممكن توصل لي سؤال (للنجيب) و تجيب لي منو اجابه هنا في بوستكـ ده !!
قول ليهو مولانا خدر بقول ليكـ

هل انت موافق علي سؤال ناذر الخليفه ده

Quote: الحزب الشيوعي السوداني يتحمل مسئولية تعذيب دكتور النجيب !!

؟؟

one of the ingaz dogs
when a dog goes mad with Islamic rabies the only treatment is to be shot dead
dr mustafa mahmoud

!!!!!!!!!!!!!!!

Quote: one of the ingaz dogs when a dog goes mad with Islamic rabies the only treatment is to be shot dead dr mustafa mahmoud

أنا والله نفسي أعرف الأهطل الاسمو مصطفى محمود البيقول على نفسو دكتور دا ، متخصص في ياتو نوع من العبط !!!

شنكل :

أقطع وشك يا خينا !! وشك العامل زي الكورية دا !!

!!!!!!!!!!!!

Quote: ممكن توصل لي سؤال (للنجيب) و تجيب لي منو اجابه هنا في بوستكـ ده !! قول ليهو مولانا خدر بقول ليكـ هل انت موافق علي سؤال ناذر الخليفه ده

والله يا خدر الضحك شرطني

شنكل :

خايف أسألوا السؤال دا يقوم يقول لي : إنت متأكد أنو خدر دا مولانا !

ناذر الموضوع ما محتاج ضحكـ

بس انت يا استعجلت او ماعاوز تفهم سؤالي

لو سألت (دكتور النجيب ) السؤال ده كان وراكـ الاجابه ببساطه و كفانا اهدار الباندويث
دون داع .. عارف ليه !!

لانو (دكتورالنجيب) ناشط في الحزب الشيوعي و ناشط دي يعني يملكـ اجابه علي سؤالكـ
الحايم بيهو ده .
الاجابه انو دكتور عمر النجيب يعلم تماما ان ما حدث له هو ضريبه موقفه الحياتي من نظام
البشير و ده شرف نالو النجيب حا يسجل ليهو كإحدي حالات انتهاكـ حقوق و كرامه الانسان
بعد نيفاشا
انت بي بوستكـ ده اسه بقيتو زي العاوز تمن احتمالو للتعذيب في حين انو الامر كلو كان
انو حكي لوفدكم الموقر من باب تمليكـ الحقائق لقطاع كبير من الناس عبركم


سيبكـ من مولانا دي طيب قول ليهو في واحد خايف علي الباندويث من الاسئله الساهله

Quote: واحد خايف علي الباندويث

Quote: اها يا امنه مختار البوست فعلا وصل الخور بسلام بلاهي موش حقو تخجلو من روحكم ويب سايد كامل بيقولوا انو فيهو صفوة و مستنيرين يخاف من جسد انثي عريانه جوة فيلم ؟؟

Re: SUBMISSION


وبرضو عادي جداً..

شكرا يا ابورزقه لإعاده البوست من غيرصالح للنشر
الفلم ده فيهو كلام مهم يا ع.رازق
و بكري ما مهلنا .. لفحو و لحقو امات طه

شكرا كتير دي حركه (ماعاديه ) منكـ

one of the ingaz dogs
when a dog goes mad with Islamic rabies the only treatment is to be shot dead
dr mustafa mahmoud

it is clear to all of you here that there are certain ingaz Islamic front members here
unfortunately they are here to sabotage and marginalize what we do against their corrupt Islamic regime
in order to stop them from succeeding to defeat our struggle i invite all Honorable non Islamic front supporters
promise never to respond or reply to a post written by a member of the so called al moatamer al watni
these people hijacked the whole country let us stop them form doing so to this forum

we all know who are they here
it is time for action and no more talking please only boycoyy them
thank you
dr mustafa mahmoud

يذكرني Mustafa Mahmoud بالجماعة الكانوا
بيقيفوا في الصواني و يخطبوا في العربات الماشه!!

dear brothers
these Ignaz dogs are doing what the islamist mafia asked them to do
to divert attention from the main issue
here is an example for you
بورداب الخرطوم يزورون الطبيب عمر التاج النجيب الذى تغرض الى محاولة اغتيال بواسطة جهاز الامن (Re: عبد الوهاب المحسى)

-2006, 11:50 ص

abcde


.

تاريخ التسجيل: 04-07-2002
مجموع المشاركات: 392
Re: بورداب الخرطوم يزورون الطبيب عمر التاج النجيب الذى تغرض الى محاولة اغتيال بواسطة جهاز الامن (Re: بكرى ابوبكر)

مصطفى محمود


UP شنو

البوست معلق في صدر البورد





21-06-2006, 12:06 م

ناذر محمد الخليفة


.

تاريخ التسجيل: 28-01-2005
مجموع المشاركات: 4140
Re: بورداب الخرطوم يزورون الطبيب عمر التاج النجيب الذى تغرض الى محاولة اغتيال بواسطة جهاز الامن (Re: بكرى ابوبكر)

!!!!!!!!!!!!!!!!!


Quote: UP شنو

البوست معلق في صدر البورد





استغفرتك يا مالك روحي

شنكل :

الراجل داير يقد لينا سقف المنبر في الخريف دا ولا شنو

the dogs of the ingaz gang instead of sighing
the document condemning the attack on or colleague they are doing what they are told to do to divert the main issue and dilute it by raising trivial matter
up up up
go both and sign to condemn your gang masters

!!!!!!!!!!!

Quote: it is clear to all of you here that there are certain ingaz Islamic front members here unfortunately they are here to sabotage and marginalize what we do against their corrupt Islamic regime in order to stop them from succeeding to defeat our struggle i invite all Honorable non Islamic front supporters promise never to respond or reply to a post written by a member of the so called al moatamer al watni these people hijacked the whole country let us stop them form doing so to this forum we all know who are they here it is time for action and no more talking please only boycoyy them thank you dr mustafa mahmoud

الكلام دا ما ياهو في بوستك الوقف ليك في حلقك داك !! جايبو هنا تاني مالك !!
بعدين فرحاااان اوي بتكتب دكتور جنب اسمك ؟ غايتو اول مرة أشوف لي زول بيتهابل كدة وكمان بيكتب جم اسمو انو دكتور !!

بعدين هسي لمن سألت من تخصصك أكتشفت انك ما دكتور (جد الجد) عشان ما توهم لينا الناس هنا سايي يفتكروك عالم ولا مكتشف ذرة ولا حاجة ... سألت قالو انك شغال (طهار) يعني (أسطى) وكدة !! شغلتك كلها للشفع الصغار من الصرة ولي تحت لحدي الركبة !! تشيل جذء من العدة بتاعتم ويدوك الفيها النصيب وتتخارج تخلي الشفع يبكوا ويسبوا ليك في سرهم !!

شنكل :

كمان الشغلة ما اولاد بس !! فيها حاجات فرعونية وكدة

dear brothers
these Ignaz dogs are doing what the islamist mafia asked them to do
to divert attention from the main issue
here is an example for you
بورداب الخرطوم يزورون الطبيب عمر التاج النجيب الذى تغرض الى محاولة اغتيال بواسطة جهاز الامن (Re: عبد الوهاب المحسى)

-2006, 11:50 ص

abcde


.

تاريخ التسجيل: 04-07-2002
مجموع المشاركات: 392
Re: بورداب الخرطوم يزورون الطبيب عمر التاج النجيب الذى تغرض الى محاولة اغتيال بواسطة جهاز الامن (Re: بكرى ابوبكر)

مصطفى محمود


UP شنو

البوست معلق في صدر البورد





21-06-2006, 12:06 م

ناذر محمد الخليفة


.

تاريخ التسجيل: 28-01-2005
مجموع المشاركات: 4140
Re: بورداب الخرطوم يزورون الطبيب عمر التاج النجيب الذى تغرض الى محاولة اغتيال بواسطة جهاز الامن (Re: بكرى ابوبكر)

!!!!!!!!!!!!!!!!!


Quote: UP شنو

البوست معلق في صدر البورد





استغفرتك يا مالك روحي

شنكل :

الراجل داير يقد لينا سقف المنبر في الخريف دا ولا شنو

the dogs of the ingaz gang instead of sighing
the document condemning the attack on or colleague they are doing what they are told to do to divert the main issue and dilute it by raising trivial matter
up up up
go both and sign to condemn your gang masters

Quote: بوستك الوقف ليك في حلقك داك

ناذر

لو قنعت من البوست ده, قول عوك



أنا قاعد أسخن غايتو












B.Sc. Amro O. Mohamed

كتب الأخ تروتسكي

Quote: ..الكلام واضح وماداير ليهو 2 -3 ناذر لو كان اساء للحزب الشيوعى كان بقولها ليكم فى وشكم ومابغطيها لكن تقعدو تلغوسو الكلام وتجوطو جاى جاى ده الماجيب حقو.. وبالرغم من الذكره الاساتذه بخصوص انو الاسلاميه جامعه مقفوله ياسيدى هى مقفوله دى الا تكون مسوره بى سور وكلام ناذر الجبتو ده برضو واضح. الشيوعين انا بعرف فيهم ناس فى جامعة القران خليها الاسلاميه.. مقفوله دى يعنى بى بعربى جوبا ده امكانية الشغل فيها مازى لمن الشيوعين يجو يشتغولو فى الاهليه ولا الخرطوم ولا السودان ...

عزيزي معتز لا أدري لماذا تحاول أيجاد مخرج لكلام نزار بهذه الطريقة
البائسة .....هل فعلا كان نزار يرمي الي صعوبة ممارسة النشاط. في الاسلامية
مقارنة بغيرها أم إنه كان يقول وبصراحة بأن النشاط فيها غير قانوني !
وماذا يعني نزار بقوله بأن الاسلامية منطقة مقفولة?
نترك الاجابة لنزار

Quote: أنا لمن قلت منطقة مقفولة ما كان قصدي انها مقفولة لي حزب معين ، لكن كان قصدي انو تنظيم الحزب الشيوعي تحديدا ممنوع يشتغل فيها بسبب قانون فًصل تحديدا على مقاس الجامعةالاسلامية.. ودا السبب الخلى دكتور عمر النجيب والزملاء التانين من الحزب الشيوعي ما يقدروا يشتغلوا فيها لانو قانونها مختلف (توتلي) عن بقية الجامعات السودانية

هكذا يري القارئ أن نزار يفسر القفل بالحظر القانوني بقانون
زعم أنه فصل علي مقاس تلك الجامعة!!!
هكذا تري أننا نناقش.نزار بما قاله ولانحرف الكلم عن موضعه
أننا نلتزم بالموضوعية وأسس النقاش العلمي وننأي عن التحامل والعاطفية
الفجة التي تقود الانسان ليفسر الكلام بما يتمني وبما يماشي مقاصده
هو لا مقاصد القائل!!!ومن هنا أعيد اليك عبارتك هذه

Quote: ناذر لو كان اساء للحزب الشيوعى كان بقولها ليكم فى وشكم ومابغطيها لكن تقعدو تلغوسو الكلام وتجوطو جاى جاى ده الماجيب حقو..

فهي ليست علي مقاسي ولست أنا من" لغوس "الكلام ولا أريد أتهم أحدا
" باللغوسة" ونسج وتخريج الاحكام وحرف الكلم عن المرام فهذه مهمة نتركها
للقارئ ..... أنا لا أدافع عن أحد يا معتز وأنما أطرح رؤيتئ والتي تعارض في بعض
جوانبها في مشاركة بعض القوي السياسية في أجهزة الدولة....أما حقك في
الدفاع عن نزار فلم أغمطه عليك وحتي وأن أتي من باب جاء يكحلها عماها!!!!
0000 سبق أن نبهتك في مداخلات سابقة يا تروتسكي بأن لا أعبرعن أي
حزب أو جهة وأنما عن نفسي وذلك فيما أكتبه هنا ولا أرهن مدادي
لا أحد....من هنا لا أفهم معني أن تجمعني مع أحد في الرد....
رد علي بصورة مفردة كما أتعامل معك....وليبقي الاحترام في المخاطبة
علي الاقل بعيدا عن التصنيف المبطن......
0000الاخ نزار.....تحية كتبت

Quote: أنا كنت داير ارد بي رد مطول على اخونا كمال عباس لكن اعتقد انو كلام تروتسكي يغني عن قول الكثير .. واعتقد ان المرمى والقصد واضح !! مع اني محتار انو كمال بياخد كلام عماد وعدلان خريجي الجامعة الاسلامية في القرن الماضي وداير يقارن بيها الاوضاع في القرن دا وكانو ما اختلفت حكومات وما تغيرت أوضاع طول المدة الزمنية دي !!

أنا كنت تعتبر أن كلام الاخوة عماد وأبو قصي عن مشروعية نشاط الشيوعي
يعبر عن حقبة ماضية.....فعليك أنت تثبت أن قانون الجامعة الاسلامية
يحظر نشاط الجبهة الديموقراطية حاليا?من أتيت بهذه المعلومة وما هو
مصدرها وما هو نص المادة الذي يحظر نشاطها? ....الاثبات أو الاعتزار....يانزار...

Quote: جعلت بعض الساسة يبشربهزيمة الانقاذ ديموقراطيا

الاخ كمال سلام

والبعض الاخر من الساسة وعلى راسهم حزب الامة القومي بشر قبل توقيع الاتفاقيات الثنائية ( الوهمية ) بهزيمة حزب المؤتمر الوطني - الجبهة الاسلاموية - في اي انتخابات حرة نزيهة قال ذلك في قراره الشهير الصادر من المكتب السياسي حول المشاركة التي ربطها بامرين :
* اتفاق قومي جامع تجتمع عليه كافة القوى السياسية في البلاد يخاطب قضايا الوطن الاساسية .
* انتخابات عامة حرة نزيهة ومراقبة دوليا .

ولا زال الحزب متمسكا بهذين الشرطين و لا زال يطالب حتى في الانتخابات التي قد تكون قادمة حزب الامة متمسك بشرطه الثاني ووضع شروطا لكيفية الانتخابات اوضحها بعد تصريحات البشير الاخيرة بتعجيل الانتخابات .

اذا اخي الحبيب مسالة التلويح بهزيمة الانقاذ عبر صناديق الانتخابات لم يكن وليدا لاتفاقيات لا تسوي الحبر الذي كتبت به والدليل ما حدث في اعتقال الدكتور النجيب

ولك التحية والتقدير

كتب الاخ محمدالحسن العمدة

Quote: اخي الحبيب مسالة التلويح بهزيمة الانقاذ عبر صناديق الانتخابات لم يكن وليدا لاتفاقيات لا تسوي الحبر الذي كتبت به والدليل ما حدث في اعتقال الدكتور النجيب

يا عزيزي الانتخابات القادمة ستجري بناء علي الاتفاقات الموقعة
مع السلطة فهل سيقاطعها حزب الامة? لاحظ أني أتحدث عن المشاركة في العملية الانتخابية وليس المشاركةالسياسية ....
....أما مباشرة النشاط السياسي العلني فقد أبتدره حزب الامة
بعد أتفاقات جيبوتي وجنيف.....فهل تلك الاتفاقات عدبمة القيمة ولا تساوي
المداد الذي كتبت به أيضا?
كمال

العزيز ناذر
تحياتي الحارة
بداية وينك ياخينا من ديك وعيك ..... (الرحلة أعني )
موضوعك زكرني بمقال لاحد حديثي التحليل وعديمي المنطق في هذه البلاد التي أصبحت فيها الفهلوة واستعراض العضلات من مكملات العمل السياسي . الكتابة التي اعنيها نشرت اليوم او بالامس بجريدة (راي الشعب) كتب هذا الكاتب في قضية الدكتور عمر النجيب وقال بأن الحادث فبركة من فبركات الشيوعيين ولم يكلف نفسه حتي الذهاب لمنزل الدكتور عمر النجيب والاطمئنان علي صحته (وحمديل السلامة) ولا ادري من اين جاء هذا العبقري بمثل هذه الفكرة . مادفعني لكتابة اعلاه هو تحميلك المسؤلية للحزب الشيوعي السوداني لما جري للطبيب عمر النجيب . في وقت تتمشدق فيه السلطة بالحريات وحق التعبير الخ الشعارات المرفوعة وفي ظل حكومة وحدة وطنية كما يشار لها الحادث يؤكد مدي تسلط السلطة ومدي انهزامها في مجابهة الراي الاخر اياً كان من يمثله ولا اعتقد أن توزيع بيان داخل جامعة سودانية لتوضيح راي تنظيم سياسي يجلب مثل ماتعرض له الطبيب عمر النجيب ماحدث يكشف تماماً ادعاءات السلطة وتمشدقها بالتحول الديمقراطي وغيرها من الادعاءات التي لم تطرح علي ارض الواقع . قضية الطبيب عمر النجيب قضية انسانية في المقام الاول وماحدث له من انتهاك يعد دخيل علي المجتمع السوداني بل وحتي علي مستوي المجتمعات الاخري .
تصعيد قضية الطبيب عمر النجيب هو واجب الشرفاء من ابناء وبنات الوطن
ملاحقة مرتكبي الجريمة وتقديمهم لمحاكمة عادلة هي واجب الساعة
ولي يوم جديد ياشعبنا

خضر

الأخ معتز تروتسكي صاحب التحاتا النواضر لك مثلها.
كتبت في ردك علي كمال عباس:

Quote: الشيوعين انا بعرف فيهم ناس فى جامعة القران خليها الاسلاميه.. مقفوله دى يعنى بى بعربى جوبا ده امكانية الشغل فيها مازى لمن الشيوعين يجو يشتغولو فى الاهليه ولا الخرطوم ولا السودان ... اعتقد كده بقت واضحه..

مازلت تصر علي أن نشاط الشيوعيين فيه نوع من المخاطرة بحكم الوضعية الخاصة للجامعة الاسلامية مقارنا ذلك بمعرفتك لشيوعيين في جامعة القرآن كأنك لم تقرأ مداخلتي ةالأستاذ أبو قصي. أنا تحدثت عن قوانين ولوائح وشواهد، ليس لدي معرفة بجامعة القرآن الكريم ولكن ما حدث اكرره ثانية هنا هو أن الشيوعيين كسبوا قضية ضد عمادة الطلاب التي حاولت حظر نشاطهم بالجامعة في 87/1988، ولا أعتقد أن القاضي الذي حكم في القضية استند الي دستور السودان وقوانينه في ذلك الوقت بل ومن الضروري أن يكون قد بني حكمه علي قانون ولوائح الجامعة الاسلامية ونظامها الأساسي. وكما ذكر الأخ أبو قصي كان طلاب الجبهه الديمقراطية ممثلين في اتحاد الدستور النسبي وكانوا يسيطرون علي اتحاد كلية البنات.

عليه ياعزيزي، اذا اردت تفنيد حجج ومطالب الأستاذ كمال عباس عليك الأ تستند علي مسألة المخاطرة والمناطق المقفولة دي لان العمل السياسي بالاسلامية ليس حكرا علي أحد بل متاحا للجميع كسائر الجامعات السودانية الاخري.

عماد خليفة

خالص التحايا
الاستاذ
Imad Khalifa
تعرف شكلنا ماحنمرق من الملف لانو اصلو مافى ارضيه مشتركه للفهم انا قربت اقفل الموضوع ده واقول ليك موافق الذكرتو انت والاستاذ كمال كان غصبا عنى ولا رضا عشان نشوف شغله غير الموضوع ده..
خلاص الامر يا استاذ عماد ..انا كل حديثك الذكرتو بامن عليهو ماقلت لا اساسا
لكن دقق معاى فى ماذكرت (مقفوله دى يعنى بى بعربى جوبا ده امكانية الشغل فيها مازى لمن الشيوعين يجو يشتغولو فى الاهليه ولا الخرطوم ولا السودان ...)
واكدت ليك اكثر بانو ما مقفوله بالفهم الانت قاصدو باعتبار انو فى جامعة القران يوجد شيوعين فمابلك بجامعة الاسلاميه
وده بقودنا الى حديث الى ابعد من كده ؛فيما يتعلق بخصوص وضع الشيوعين فى السودان وو الخ وده موضوع تانى لكن لانى مقتنع بانو المسميات القاعده تنزل من اصحاب الهوس الدين وجماعات الاسلام السياسى دى مسيميات وفخ لطرد الشيوعين من الساحه او تنفير الناس منهم وبقدر مانجحو فى ذلك صراحه ساعدهم الشيوعين ايضا (عموما ده موضوع اخر- لكن من باب الذكر والتوضيح عشان الكلام مايبقى عايم)
نرجع تانى لموضوع مقفوله ومامقفوله..ونخرج من اطار الجامعات الضيق ده
فى فهمنا السياسى المتعارف عليهو بقولو ليك المنطقه دى (مقفلة لى ناس حزب الامه)
هل ده معناهو انو مافى شوعين فى المنطقه دي حتى لو كانت الجزيره ابا؟!!
بالطبع يوجد لكن امكانية الشغل فيها والمد بتاع التنظيمات الاخرى خلاف ناس الامه فيهو صعوبه انا ماقلت انو محال قلت فيهو صعــــوبة
لو جيت قلت لى فى الاسلامية (حزب الامه ولا الاتحادين) شويه بلقى انو الوضع بختلف ويمكن تلقى قاعده وطرح ليهو مد...
واذا حصل انو (الجبهه الديمقراطيه) كان ليها مد فى فتره من الفترات زى ده بقولو عليهو (طفرة) بالنسبة للج د فى الاسلاميه...
ثم انو بقت فى مسلمات وداير كسر حاجز نفسى حتى من الزملاء نفسهم زى الشغل فى الاسلاميه
لمن يكون فى شغل فى الاسلاميه مابكون فيهو قبول او اهتمام زي مابكون فى الخرطوم ولا الاهليه..
استاذنا وانت العارف كمان..
استاذ عماد قايتو تانى لو رجعنا نغالط بعض انا بقول ليك كلامك صاح ..
وتقبل خالص احترامى وودى

التحايا النواضر..
--------------------
استاذ
kamalabas
بخصوص الحديث عن انو الاسلامية منطقه مقفوله اعتقد فى ردى على الاستاذ عماد مايكفى..
اما بخصوص ماذكرته بخصوص صيغة الجمع ده فقط من خلال اتفاقك مع البعض عشان مايكون فى تخصيص ؛ثم اتفاقك ليس معناها انى صبغت عليك انتمائك لحزب معين ماكلنا نتلاقى مع البعض ونتفق
عموما فى المرات الجاية حاخصص ليك رد براك سيدى ...
اما بخصوص موضوع انى داير اخارج ناذر ؛ فقايتو ماعارف اقول ليك شنو استاذنا لكن اقول ليك بقدر ما انت بتتكلم عن نفسك لوحدك واثق فيها
انا بقول ليك بكل ثقه انا لمن دخلت واثق بانو ناذر بتكلم عن شنو وقاصد شنو ووضحت فوق عندما ذكرت(ناذر لو كان اساء للحزب الشيوعى كان بقولها ليكم فى وشكم ومابغطيها ؛وانا كنت وقفت ليهو قبلكم وقبل الحمله الماعرف زى ماقلت ..بعض العقلية القاعده تتعاملها مع الموضوع ماعارف عايزه هى كده ولا اساسا ماعارفه انها قاعده تعمل كده ؛ولا كمان تكون عارفه وتبقى مصيبه..)

واقول ليك لى هنا كفى الله المؤمين شر القتــال

والى لقيا اخرى قيل بعافية..والتحايا النواضر

خـدر..
حبابكـ..

Quote: شكرا كتير دي حركه (ماعاديه ) منكـ

متابع....

Quote: تصعيد قضية الطبيب عمر النجيب هو واجب الشرفاء من ابناء وبنات الوطن ملاحقة مرتكبي الجريمة وتقديمهم لمحاكمة عادلة هي واجب الساعة ولي يوم جديد ياشعبنا

لا فض فوك يا خدر

وهنا المحك ....
مسمار معصلج والمفك
وأنا المفك
أربط وأحل الانشبك

A.Razek Althalib
صدقنى لو مرقت منها بكون افضل لانو اساسا ماليك علاقة بالموضوع
لاداير تعالج لاتفلق
لا النجيب ده زميلك لاداير تشوف محل الخلل
سوى بعض الشماتات
فالافضل خليك بالخارج رغم انو مافى شى يتقال بعد ده
لكن لو عندك وكت فراغ الله ماكترت البوستات فى المنبر ده..
ده خلاف بوستك بتاع مرمى الله داك قضى فيهو غرضتك تب..
صدقينى انت ما مشكلتى انا مشكلتى البتكون معاهم فى خندق واحد!!!!!!!!!!!

وسلامز

دعوة للاحتفال معنا يوم 24 يونيو 2006 (تعديل)
نحن في (خارج) السودان ..... د. عبدالله جلاّب
وقعوا هنا على مذكرة الإدانة والإحتجاج على محاولة إغتيال الدكتور عمر التاج النجيب
بورداب الخرطوم يزورون الطبيب عمر التاج النجيب الذى تعرض الى محاولة اغتيال بواسطة جهاز الامن-صور

المتواجدون الآن
آراء و مقالات ابحث بيانات صحفية
تحديث المنتدى
English Forum


تحميل الفيديو
تحميل الصور اكتب بالعربى دليل الخريجين
اجتماعيات
الاخبار

أرشيف المنبرللنصف الاول06 تحميل صورة شخصية الارشيف والمكتبات مواضيع توثيقية ومتميزة قوانيين و لوائح المنبر

مرحبا Mustafa Mahmoud []
أخر زيارة لك: 24-06-2006, 01:46 م الرئيسية




المنتدى العام لسودانيزاونلاين دوت كم المنبر العامالحزب الشيوعي السوداني يتحمل مسئولية تعذيب دكتور النجيب !!



نسخة قابلة للطباعة من الموضوع ارسل الموضوع لصديق اقرا المشاركات فى شكل سلسلة « الموضوع السابق | الموضوع التالى »
أقرا احدث/اخر مداخلة فى هذا الموضوع »


24-06-2006, 03:04 ص

Mustafa Mahmoud


.

تاريخ التسجيل: 16-05-2006
مجموع المشاركات: 391
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

one of the ingaz dogs
when a dog goes mad with Islamic rabies the only treatment is to be shot dead
dr mustafa mahmoud





22-06-2006, 09:02 ص

ناذر محمد الخليفة


.

تاريخ التسجيل: 28-01-2005
مجموع المشاركات: 4167
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

خدر كيفك تاني ...


Quote: يا ناذر
انت عاوز تشيل حس الحزب الشيوعي ساكت
ولا
انت متعاطف مع دكتور النجيب



والله أنا في المقام الاول متعاطف جدا مع دكتور عمر النجيب من ناحية انسانية وأخلاقية بعيد عن السياسة والتنظيمات والبطيخ !!

شنكل :

(وفجأة) كدي متعاطف برضو مع الحزب الشيوعي في محنتو البيمر بيها بسبب الحادثة دي .. يعني ما شايل حسو ولا حاجة !!





22-06-2006, 04:03 م

Nazar Yousif


.

تاريخ التسجيل: 07-05-2005
مجموع المشاركات: 393
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

ألأخ ناذر
هناك كوادر لها حس أمنى عالى وتدربت على السلاح بل حاربت الانقاذ
ومن السهل التعامل مع كوادر الجبهة اذا أقتنعت القوى الديمقراطية
بأسلوب "الحركة الأسلامية" ..
ولكن هذا يعنى أن تكفر بدولة المؤسسات وسيادة القانون اولا .. و بذلك
تكون "الحركة الاسلامية" قد نجحت فى حرف الصراع من صراع فكرى سيجتثهامن جذورها
(طال الزمن أم قصر) الى عراك أمنى ستجند له أصحاب التدين المنقوص و كل مهووس حاقد على
المجتمع و عندها سنخسر الدولة السودانية.
لذلك على الأحزاب تقيم مؤتمراتها مع الاستفادة من علم الادارة لخلق مؤسسات قادرة على تفكيك
الهوس والانتهازيةفى الجتمع السودانى (تجفيف المنابع) ومن ثم هزيمة حركات الاسلام السياسى
مع ضرورة ارتفاع الحس الأمنى لدى كل القوى الديمقراطية...و الفتنة نائمة ..

نزار يوسف





22-06-2006, 04:14 م

Nazar Yousif


.

تاريخ التسجيل: 07-05-2005
مجموع المشاركات: 393
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

معذرة ..مكرر
(عدل بواسطة Nazar Yousif on 22-06-2006, 04:15 م)






22-06-2006, 09:03 ص

ناذر محمد الخليفة


.

تاريخ التسجيل: 28-01-2005
مجموع المشاركات: 4167
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

كيفك يا محمد الامين ..


Quote: ناذر:
تحياتي لك وانت تجهد نفسك هذا ....
مع الرفاق يحتاج الامر لصبر طويل
ربما تعلمت انت بعضة _ تلك الايام.



الصبر موجود انشاءالله وانا فرغت نفسي تماما للبوست دا عشان نشوف اخرتا !!





22-06-2006, 09:09 ص

ناذر محمد الخليفة


.

تاريخ التسجيل: 28-01-2005
مجموع المشاركات: 4167
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

هنادي ..


Quote: دي نازر انا شفتها الان.
انا كنت موضوعية في الرد معاك لكن لو عايز تهاتر يعني ممكن نقزقز مع بعض شوية؟




يا ريت والله اهاتر معاك لو سمح الزمن .. لكن أنا زي ما شايفة مشغول شوية وما حا اسمح بي أي مهاترات تمرق البوست دا او تجرو بعيد عن موضوعو زي ما انتي وغيرك دايرين !! .. البوست دا أنا حارسو حراسة بريمة لي مرماو وأي محاولة لتغيير جهة البوست دا مرفوضة ومكشوفة وعندي دواها !!

صنفرة :

لو حبيتي أفتحي ليك بوست تاني عشان اجيك نقزقز ونمزمز فيهو .. سمح !!!





22-06-2006, 09:16 ص

الطاهر ساتي


.

تاريخ التسجيل: 18-02-2006
مجموع المشاركات: 71
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

سلامات ... ناذر
موضوعك جميل ... وتساؤلاتك مشروعة... لكن ..
بالله فى تاريخ السياسة السودانية سمعت ليك حزب سودانى - يمينى ولا يسارى ولا طائفى - بيعترف بخطأ... ولا بيتحمل مسئولية خطأ..؟؟
خليك من مسئولية الحزب فى تعذيب النجيب ( يمكن دا محرج شوية ) ... خليهم يعترفوا بمسئولية الحزب فى تعذيب الشعب السودانى بسيف مايو ( حينا من الدهر) اختصروه اليوم كأنه ( لم يكن شيئا مذكورا ) ..!!!
وبعين معاك يا ناذر .. ياتو حزب شيوعى البيتحمل المسئولية ؟؟ الفى البرلمان مع احمد ابراهيم الطاهر .. ولا المشتت هنا وهناك ..؟؟
و...
عشان ما اضيع وقتك - فى الفاضى !!!!- ( كدة كفاية )





22-06-2006, 09:26 ص

ناذر محمد الخليفة


.

تاريخ التسجيل: 28-01-2005
مجموع المشاركات: 4167
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

يا الـ (لٌخت) هوي دقيقة بالله !!


Quote: ونازر خليفة بعثي نطرح مبادرة للتنسيق



الكلام دا جبتيهو من وين !!!!





22-06-2006, 09:31 ص

ناذر محمد الخليفة


.

تاريخ التسجيل: 28-01-2005
مجموع المشاركات: 4167
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

سلامتك يا شادية وكفارة وتقومي بالسلامة انشاء الله ؟!!


Quote: الأخ ناذر تحية طيبة
أنا تحت العلاج وما بقدر على قومة النفس
بس عايزة أقول ليك هل تفتكر الشاهدين الذين بلغوا أهل عمر والحزب بالحادثة فاعلين خير؟؟



كلنا نفسنا قايم الايامات دي بي سبب الكتاحات الطبيعية والسياسية المدورة فينا !!

الشاهدين ديل لو فاعلين خير يكونوا ما قصروا برضو !!
ولو (ما) فاعلين خير ما قصروا تب في نقل الخبر لي اسرة النجيب !!

شنكل :

لو كانو (ما) من فاعلين الخير فهم بيذكروني بالصحفيين البيصوروا لينا مشاهد الحروب في فلسطين والعراق وهم (لابدين) في أبعد ركن !!





22-06-2006, 09:45 ص

hanadi yousif


.

تاريخ التسجيل: 03-06-2005
مجموع المشاركات: 732
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

لا ما ببقى يا حريف تهاتر وتقول ما عايز مهاترة
تحرسو زي بريمة تحرسو زي محمد جمعة ما بخصني
بعدين ما في زول حرف ليك البوست الخطر الذي صرعت فيه الحزب الشيوعي يعني ما تفك (الوهمة) في نفسك وتصدقة.

صنفرة

انت مالك ومال الحزب الشيوعي كان من بقية اهلك ؟
(عدل بواسطة hanadi yousif on 22-06-2006, 09:49 ص)






22-06-2006, 09:36 ص

ناذر محمد الخليفة


.

تاريخ التسجيل: 28-01-2005
مجموع المشاركات: 4167
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

سلامات يا الطاهر !!


Quote: بالله فى تاريخ السياسة السودانية سمعت ليك حزب سودانى - يمينى ولا يسارى ولا طائفى - بيعترف بخطأ... ولا بيتحمل مسئولية خطأ..؟؟




طيب متين حا نتعلم الشفافية مع بعض في العمل السياسي ؟؟
ومتين كوادر الاحزاب تطلع من المفهوم دا وتقول لي قياداتا أخطأت إذا اخطأت ؟ واحسنت اذا اصيبت ؟؟

شنكل :


Quote: وبعين معاك يا ناذر .. ياتو حزب شيوعى البيتحمل المسئولية ؟؟ الفى البرلمان مع احمد ابراهيم الطاهر .. ولا المشتت هنا وهناك ..؟؟



أي واحد فيهم بيحمل اسم نفس الجهة البينتمي ليها الضحية عمر النجيب !!





22-06-2006, 09:39 ص

Yassir Tayfour


.

تاريخ التسجيل: 18-08-2005
مجموع المشاركات: 554
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

سلام وتحايا

الاخوة والاخوات

الاخ ناذر ما قاصد كل الذى ذهبتم اليه

بى الواضح كدة بقول ليكم - لو د. النجيب كان معاهو على الاقل نفرين تلاتة، ما كان حصل ليهو الحصل ده، اكان على الاقل تابعوهو وعرفو الغرفة الاتحبس فيها وسمعو صوتو وهو بتعذب- الحاجة ما محتاجة لمواجهة زى ما بتفتكر بعض الناس، بقدر ما بتحتاج لى زول يكشف الحاجة دى مبكرا من الدقائق الاولى.
والمجرم الحقيقى-امن النظام- لا نتوقع منه اقل من هذاsimply


على كل___
النظام اثبت للجميع(الذين يظنون ان النظام بسط الحريات، والذين لايظنون ذلك) انه سادر فى غيه، وان نيفاشا وما تلاها من اتفاقيات لا يحمين الضعفاء منا...وان سكوت برلمانيين المعارضة على امر كهذا يصيب الشخص بالاحــــــــــــــباط...من هنا لابد للناس النشطين فى مجال حقوق الانسان والناس العندهم علاقات بالمنظمات الدولية يوضحو للمجتمع الدولى وكل الاطراف الاقليمية والدولية التى كانت طرفا فى هذه الاتفاقيات ما حصل لدكتور النجيب.
هذا النظام لا يقيم لكم وزنا يااهل المعارضة- معارضة هزيلة نصفها يضاجعه المؤتمر الوطنى ونصفها الاخر يضاجعه المؤتمر الشعبى





22-06-2006, 09:50 ص

ناذر محمد الخليفة


.

تاريخ التسجيل: 28-01-2005
مجموع المشاركات: 4167
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

الكعوج البوست دا يعدل مداخلتو بي سرعة قبل ما نقول دي مؤامرة مدروسة !!





22-06-2006, 09:53 ص

hanadi yousif


.

تاريخ التسجيل: 03-06-2005
مجموع المشاركات: 732
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)


Quote: الكعوج البوست دا يعدل مداخلتو بي سرعة قبل ما نقول دي مؤامرة مدروسة

!!
قلت ليك يا نازر ما تفكها في نفسك وتصدقها





22-06-2006, 09:57 ص

hanadi yousif


.

تاريخ التسجيل: 03-06-2005
مجموع المشاركات: 732
Re: الحزب الشيوعي السوداني يتحمل مسئولية تعذيب دكتور النجيب !! (Re: hanadi yousif)

طيب يا نازر

النحاول نصدق وهمتك ونعدل البوست

الحزب الشيوعي يتحمل مسئولية تعذيب د. نجيب وناس الامن غير ملامين
قلنا ليك يدفع تعويض ولا يعمل شنو؟
بصفتك حكم وجلاد





22-06-2006, 09:56 ص

ناذر محمد الخليفة


.

تاريخ التسجيل: 28-01-2005
مجموع المشاركات: 4167
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

هنادي اول حاجة شكرا لتعديل مداخلتك الكجولت لينا البوست ..
الحاجة التانية بخصوص دي :


Quote: صنفرة

انت مالك ومال الحزب الشيوعي كان من بقية اهلك ؟



افتكر ما في داعي لي قلة الادب .. قلتي مهاترة وأنا قلت ليك ما فاضي وما حا أسمح بي كدة تقومي تلفي وتجي تقلي أدبك بي سيرة اهلي !!

صنفرة :

برضو ما حا اواصل معاك عشان خاطر البوست وحا أاجل الشغلانة دي لي قدام !!





22-06-2006, 10:04 ص

hanadi yousif


.

تاريخ التسجيل: 03-06-2005
مجموع المشاركات: 732
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

نازر ما تفتكر انك زكي وتكنيكك عالي وممكن تسئ لي وتعمل فيها شفت تقول جبت سيرة اهلك وما تفتكر انو انا ح اخاف من نوع المهاترات دي معاك لحدي النهاية

انت القليل ادب
(عدل بواسطة hanadi yousif on 22-06-2006, 10:08 ص)






22-06-2006, 10:07 ص

ناذر محمد الخليفة


.

تاريخ التسجيل: 28-01-2005
مجموع المشاركات: 4167
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

يعني مصرة تكعوجي البوست !!





22-06-2006, 10:11 ص

hanadi yousif


.

تاريخ التسجيل: 03-06-2005
مجموع المشاركات: 732
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

طيب يا نازر

النحاول نصدق وهمتك ونعدل البوست

الحزب الشيوعي يتحمل مسئولية تعذيب د. نجيب وناس الامن غير ملامين
قلنا ليك يدفع تعويض ولا يعمل شنو؟
بصفتك حكم وجلاد

شنكل

انت مالك ومال الحزب الشيوعي عضو حزب شيوعي ولا مراقب عمل احزاب





22-06-2006, 10:12 ص

ناذر محمد الخليفة


.

تاريخ التسجيل: 28-01-2005
مجموع المشاركات: 4167
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

!!!!!!!!!!!!!!




للأسف أنا متجاهلك تماما .!!!

نرجع لموضوع البوست .. كنا وين هسي !!





22-06-2006, 10:17 ص

hanadi yousif


.

تاريخ التسجيل: 03-06-2005
مجموع المشاركات: 732
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

كنا في قلة ادبي
والحزب الشيوعي يتحمل مسئولية تعذيب د. نجيب وناس الامن غير ملامين





22-06-2006, 10:22 ص

hanadi yousif


.

تاريخ التسجيل: 03-06-2005
مجموع المشاركات: 732
Re: الحزب الشيوعي السوداني يتحمل مسئولية تعذيب دكتور النجيب !! (Re: hanadi yousif)


الطاهر ساتي الكوز

انتو لسة عندكم وش تقابلو بيه الناس





22-06-2006, 10:40 ص

Kostawi


.

تاريخ التسجيل: 04-02-2002
مجموع المشاركات: 6463
Re: الحزب الشيوعي السوداني يتحمل مسئولية تعذيب دكتور النجيب !! (Re: hanadi yousif)

نذار الظلامي

ملاسى شاهد على العتوت المسكين الإنضبح لا إيدو و لا كراعو يوم مديد راسك و صرخت...

قال كبري شمبات و تور!!

أها ما حا نناديك بناذر حتى تستنير.


بوستك ده أديناه عشرة على عشر بس المشكلة حا تقوم تخرمج في البوست القادم عشان كده الظلامي حا يظل ظلامي حتى ولو ركب كشافات برازيلية.

كرمبا

ماشي أشوف غانا يا سخانة بلا تمريكا بلا هامبيرقر





22-06-2006, 11:25 ص

معتز تروتسكى


.

تاريخ التسجيل: 14-01-2004
مجموع المشاركات: 7078
Re: الحزب الشيوعي السوداني يتحمل مسئولية تعذيب دكتور النجيب !! (Re: Kostawi)

كـــــــــــــلام فى كلام ياعوض دكام..
ياناذر
يعلم الله البوست ده لو مابتاعك ماكنت خشيت لكن رب ضارة نافعه اولا انا بكتب الماوس يعنى تعب فى تعب فيبقى مدام طلع من نفسى دى كلامى ذاتى خليتو بس داير اقول ليك يــــا...
1- ظلامي
2- كوز كما كوز من ازيال الكيزان
3- موقفك ماواضح ورمادي
4- ربما امنجي
5- عندك لوثة عداء
6- ياربى تانى فى شنو نسيتو عموما لو نسيت شى بجيك فى السكه اى زول رزقو بجيهو ماتشفق..

بس داير استاذنك لو سمحت لى انزل اغنية لو امكن..باقية لى فى حلقى مع بوستيك ده..

ملحوظه:
بعيد وقرب من موضوع البوست ماعارف ليه اتذكر هشام يطراهو بالخير فى موضوع النقد ده ..


دبى دولار مقدم فى جدة ناس كذابه
حُجى وحكى ..
اها تجى ولانجي..

فتك بعافية..والله يصلح حالكم..





22-06-2006, 12:16 م

Imad Khalifa


.

تاريخ التسجيل: 26-11-2004
مجموع المشاركات: 299
Re: الحزب الشيوعي السوداني يتحمل مسئولية تعذيب دكتور النجيب !! (Re: معتز تروتسكى)


Quote: الاستاذ عماد خليفة
اشكرك على هذه المعلومات التوثيقية



الأخت /هنادي فضل
أعتقد أن اقامتي ستطول في هذا البوست رغما عن مشغولياتي الكثيرة.

تحياتي

عماد خليفة





22-06-2006, 01:02 م

ناذر محمد الخليفة


.

تاريخ التسجيل: 28-01-2005
مجموع المشاركات: 4167
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

كوستاوي !!


Quote: ملاسى شاهد على العتوت المسكين الإنضبح لا إيدو و لا كراعو يوم مديد راسك و صرخت...

قال كبري شمبات و تور!!

أها ما حا نناديك بناذر حتى تستنير.




تعرف دي أول ابتسامة لي اكتبا هنا مما نزلت البوست دا الضحك شرطني من مداخلتك الفوق دي

يا خي أنا برتاح جدا لمن القى لي زول حريف في بوستاتي بدل التجليط والعبط البشوفوا من ناس كدة (نسأل الله السلامة)


Quote: بوستك ده أديناه عشرة على عشر بس المشكلة حا تقوم تخرمج في البوست القادم عشان كده الظلامي حا يظل ظلامي حتى ولو ركب كشافات برازيلية.




بوستي الأنت اديتو عشرة على عشرة أبقى علي نمرو دي !! لكن لمن يجوك الجماعة ويبلعوك ليها بعدين ما تجي تشيل منهم نمرتين تلاتة


Quote: المشكلة حا تقوم تخرمج في البوست القادم عشان كده الظلامي حا يظل ظلامي حتى ولو ركب كشافات برازيلية



يا كوستاوي داير أقول ليك حاجة مهمة ختها في بالك ..

الانت مسميها خرمجة دي أنا بسميها تحرر من قيود الحزبية المقيدة ناس من انها تقول رايا .. وانا طلقت الاحزاب عشان التفكير الواحد الما بيخليك تشوف أبعد من أرنبة (نخرتك) عشان كدة انا هسي مرتاااح وبفكر بي راحتي بدون ما تنظيم يحاسبني على كلامي زي ما في ناس هنا بدافعوا عن تنظيماتم بإستماتة وهم مقتنعين بالخلل القدامم .. لكن حاسديني لاني بقدر أقول البغلة في الابريق وهم لو قالوها بيلحقوا أمات طه !!

صنفرة :

اتوقع مزيد من الخرمجة في البوستات الجاية لو دا فهمك ليها !!





22-06-2006, 01:17 م

محمد حسن العمدة


.

تاريخ التسجيل: 31-03-2004
مجموع المشاركات: 3228
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

كتب الاخ كمال عباس :


Quote: ولا من سيادة الدستور والقانون....وليس هناك أي قيمة للائحة تعارض وتناقض
الدستور والقانون......
....المسؤول عن ما حدث للنجيب هو من خرق الاتفاقات والدستور( الانقاذ )
لا من من مارس حقه الدستوري في الحركة والتعبير بصورة متحضرة!!!



طبعا اندهشت جدا لمداخلة الاخ كمال فلا يمكن يا كمال وانت سيد العارفين بعد سبعتاشر سنة من حكم الانقاذ ومقارعتك ليهو وتعريته في المنابر تاتي الان للتحدث عن سيادة القانون والدستور في ظل نفس النظام ؟؟!!!!

يا كمال النظام نفسه قال هو ما بيعترف بدستورو الوضعو في 98 وعمر بشير قال اذا عزمت فتوكل يعني بفهمهم هم عزمو على تعذيب دكتور النجيب ومن قبله شلعو شيخهم بنفس ذات العزم الاغتالو بيهو الدستور في 89 وبنفس الدستور والقانون بتاع عزمت تمت الاغتيالات والتصفيات والفصل ووووالخ فكيف نتحدث عن قانونية في زمن الجبهة الاسلاموية ؟؟؟


الغريب في الامر ان نفس القانون الانت بتتحدث عنو ده والبتعمل بموجبو كوادر الجبهة الاسلاموية هو نفس القانون الببصم عليهو كوادر الحزب الشيوعي في المجلس اللاوطني ..

واذا الحزب الشيوعي - بعد الشيخوخة - فقد الذاكرة ونسى ممارسات الجبهة الاسلاموية وجلس معاها في اجهزتها هي فلماذا نلوم الجبهة الاسلاموية ؟؟

الناس ديل بيؤدو في شغلهم وده عملهم واكل عيشهم نسال نحنا نفسنا :
من عمل على تقوية النظام بعد ان كاد ان يقتلع ؟؟
من عمل على زيادة عمر النظام ؟؟؟
من اعطى الشرعية لنظام الجبهة الاسلاموية وبات يتحدث عن الدستور والقوانين المفقودة ؟؟

لو سالتهم لاجابوا بانهم الحركة الشعبية وما تبقى من التجمع الوطني والذي بعد اتفاقية القاهرة وجلوس عضويته في الحكم والتشريع بات لا وطنيا هو الاخر



ـــــــــــــــــــــــــــــــــــــــــــــــــ


ناذر خليفة انت برااااااااااااك بتضيع البوست مع بت الفضل اصلو القاهرة مافيها طريقة والبفتح خشمو الامن مصري اشد قسوة وانتظار اللوتري قااااااااااااااااتل في زول بحج بعد الحج ؟؟؟





22-06-2006, 01:09 م

ناذر محمد الخليفة


.

تاريخ التسجيل: 28-01-2005
مجموع المشاركات: 4167
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

تروتسكي كيفك !!


Quote: بس داير استاذنك لو سمحت لى انزل اغنية لو امكن..باقية لى فى حلقى مع بوستيك ده..



لا لا عليك الله لأنو الناس حا تنشغل بالغنية ونطلع من موضوعنا الاساسي ودا أنا ما دايرو يحصل هسي !!

بوستاتي الجاية نزل فيها علي كيفك بس هسي خليها ... سمح !!


Quote: ماعارف ليه اتذكر هشام يطراهو بالخير فى موضوع النقد ده ..



قل هو الله احد .!! تروتسكي مالك داير تقفلا معاي !!!!
هسي ما في شيتا واحد يذكرك بالزول دا !! شايف قدامك اسطبل ولا عربة كارو بدون حصان ؟
والله يا تروتو بس الله يشفيك من رواشتك اليوم حاتكتل ليها زول دي

شنكل :

صحبك طولتا ما شايفو حايم !! واكيد بيفكر ليهو في مصيبة جديدة يعملا .. عليك الله شد اللجام كويس وخلي بالك من نفسك ومن نفسو !!





22-06-2006, 01:18 م

ناذر محمد الخليفة


.

تاريخ التسجيل: 28-01-2005
مجموع المشاركات: 4167
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

ياسر طيفور ..


Quote: هذا النظام لا يقيم لكم وزنا يااهل المعارضة- معارضة هزيلة نصفها يضاجعه المؤتمر الوطنى ونصفها الاخر يضاجعه المؤتمر الشعبى



أهو دا الكلام الانا بسميهو (البغلة في الإبريق) !!

شنكل :

والضحية منو !!!
كوادر الصفوف الخلفية المخدوعة بكلام قياداتا المعسول !!





22-06-2006, 01:20 م

abcde


.

تاريخ التسجيل: 04-07-2002
مجموع المشاركات: 427
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

نازر

والصديق اللدود معتز

كارو شنو ولجام شنو, ماتلخبتو

بالله ماتطلعو لينا من موضوع البوست

في ناس كتار متابعه ومنتظره إجابات





22-06-2006, 01:22 م

ناذر محمد الخليفة


.

تاريخ التسجيل: 28-01-2005
مجموع المشاركات: 4167
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

!!!!!!!!!!!!!!!!!!!!!!!


Quote: المتواجدون الان بالمنبر العام 187 شخص » (1 )عضو و (186) زائرا

»ناذر محمد الخليفة




دي قوية لكن

الجماعة لبدوا ولا شنو

شنكل :

استغفرتك يا مالك روح حبوبة معتز تروتسكي





22-06-2006, 03:22 م

Yassir Tayfour


.

تاريخ التسجيل: 18-08-2005
مجموع المشاركات: 554
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)


Quote: المتواجدون الان بالمنبر العام 187 شخص » (1 )عضو و (186) زائرا

»ناذر محمد الخليفة



قاعد براك!!!

اوعك بس توزع ليك منشور ولا تفتح خشمك ده

انتظر لما يجيك backup





22-06-2006, 03:38 م

kamalabas


.

تاريخ التسجيل: 07-02-2003
مجموع المشاركات: 4468
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

كتب محمد حسن العمدة

Quote: كتب الاخ كمال عباس :


ولا من سيادة الدستور والقانون....وليس هناك أي قيمة للائحة تعارض وتناقض
الدستور والقانون......
....المسؤول عن ما حدث للنجيب هو من خرق الاتفاقات والدستور( الانقاذ )
لا من من مارس حقه الدستوري في الحركة والتعبير بصورة متحضرة!!!



طبعا اندهشت جدا لمداخلة الاخ كمال فلا يمكن يا كمال وانت سيد العارفين بعد سبعتاشر سنة من حكم الانقاذ ومقارعتك ليهو وتعريته في المنابر تاتي الان للتحدث عن سيادة القانون والدستور في ظل نفس النظام ؟؟!!!!

أنا كتبت ما كتبت أنطلاقا من



Quote: ..... أقول هذا تماشيا مع منطق التحولات الاخيرة


ومع منطق الاتفاقات و الانتخابات القادمة التي جاءت من رحم الاتفاقات الموقعة والتي
جعلت بعض الساسة يبشربهزيمة الانقاذ ديموقراطيا!!! ولكني سجلت تحفظي في مدا خلة سابقه في هذا الخيط وقلت بوضوح
مؤكداعلي

Quote: تحفظي
علي مشاركةالقوي السياسية في أجهزة الدولة ذلك أن تلك المشاركة
غير مؤثرةفي ظل صيغة نيفاشا التي قسمت الثروة والسلطة علي حملة
السلاح وأرادت وضع بقية القوي السياسية كتمو مة جرتق وديكور سياسي
.....
ماحدث وما يحدث من خروقات أنقاذيةيؤكد رأئنا في تواصل العقلية الشمولية
الاقصائية والدولة والبوليسية ويفضح ويعري دعاية كوادر الانقاذ وأذنابهم
بالمنبر الذين يسوقون لبضاعة الانقاذ ويزعمون أن تحولاجوهريا طراء عليها
وينعون علي الاحزاب عدم المشاركة في الممارسة السياسية....



كمال
(عدل بواسطة kamalabas on 22-06-2006, 03:40 م)
(عدل بواسطة kamalabas on 22-06-2006, 03:42 م)
(عدل بواسطة kamalabas on 23-06-2006, 00:54 ص)






22-06-2006, 06:23 م

ناذر محمد الخليفة


.

تاريخ التسجيل: 28-01-2005
مجموع المشاركات: 4167
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

الاخ نزار ..


Quote: لذلك على الأحزاب تقيم مؤتمراتها مع الاستفادة من علم الادارة لخلق مؤسسات قادرة على تفكيك
الهوس والانتهازيةفى الجتمع السودانى (تجفيف المنابع) ومن ثم هزيمة حركات الاسلام السياسى
مع ضرورة ارتفاع الحس الأمنى لدى كل القوى الديمقراطية...و الفتنة نائمة ..




ركز معاي في التحتو خط !!
دا كل محور البوست ..

وين اختفى الحس الامني بتاع الحزب الشيوعي السوداني في قضية دكتور عمر النجيب !!!





22-06-2006, 06:26 م

ناذر محمد الخليفة


.

تاريخ التسجيل: 28-01-2005
مجموع المشاركات: 4167
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

محمد حسن العمدة ..


Quote: ناذر خليفة انت برااااااااااااك بتضيع البوست مع بت الفضل اصلو القاهرة مافيها طريقة والبفتح خشمو الامن مصري اشد قسوة وانتظار اللوتري قااااااااااااااااتل في زول بحج بعد الحج ؟؟؟



غايتو ما عارف اقول ليك شنو

شنكل :

نسأل الله السلامة من جنس دا !!





22-06-2006, 06:29 م

ناذر محمد الخليفة


.

تاريخ التسجيل: 28-01-2005
مجموع المشاركات: 4167
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

abcde


Quote: في ناس كتار متابعه ومنتظره إجابات



وهم مستعجلينها في شنو !!!
الداير يصبر اليصبر والمستعجل يدينا إيميلو عشان نرسل ليهو المستجدات !!

صنفرة :

أنت يا زول ما جادي ولا شنو ! ركز معانا في الموضوع





22-06-2006, 06:44 م

Imad Khalifa


.

تاريخ التسجيل: 26-11-2004
مجموع المشاركات: 299
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

الأخ / ناذر

لا أدري من أين أتيت بمعلومة أن الجامعة الاسلامية (منطقة مقفولة)، ان ما يحدث في الجامعة الاسلامية من تزوير للانتخابات وتزييف لارادة ووعي الطلاب يحدث في كل الجامعات السودانية منذ أن اغتصبت هذه العصابة السلطة في يونيو 1989 . لدي مداخلة في هذا البوست قفزت من حيث لا أدري لنصف الصفحة الأولي أرجو الاطّلاع عليها.

تحياتي

عماد خليفة





22-06-2006, 06:34 م

ناذر محمد الخليفة


.

تاريخ التسجيل: 28-01-2005
مجموع المشاركات: 4167
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

ياسر طيفور ..


Quote: قاعد براك!!!

اوعك بس توزع ليك منشور ولا تفتح خشمك ده




والله في الظروف الما مفهومة الحصلت لي دكتور النجيب دي ، احسن لي اوزع (بنقو) عدييييل كدة في جامعة أمدرمان الاسلامية وما اوزع منشورات !!

شنكل :

(ما) كلو عند العرب صابون زي ما بيفتكروا الجماعة !!
(عدل بواسطة ناذر محمد الخليفة on 22-06-2006, 06:49 م)






22-06-2006, 06:55 م

هاشم نوريت


.

تاريخ التسجيل: 23-03-2004
مجموع المشاركات: 5175
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

اخونا ناذر الخليفة
دبايوا
اخوى نصيحة لله اختا ناس خالد العبيد ديل صدقنى بعد شوية ما تعرف انو البوستك كان عنوانو شنو
وتدخل فى دوامة عجيبة واسال المجرب ..وصدقنى ما بتطلع بنتيجة..





22-06-2006, 07:02 م

ناذر محمد الخليفة


.

تاريخ التسجيل: 28-01-2005
مجموع المشاركات: 4167
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

يا عماد ...


Quote: لا أدري من أين أتيت بمعلومة أن الجامعة الاسلامية (منطقة مقفولة)،




أنا لمن قلت منطقة مقفولة ما كان قصدي انها مقفولة لي حزب معين ، لكن كان قصدي انو تنظيم الحزب الشيوعي تحديدا ممنوع يشتغل فيها بسبب قانون فًصل تحديدا على مقاس الجامعةالاسلامية.. ودا السبب الخلى دكتور عمر النجيب والزملاء التانين من الحزب الشيوعي ما يقدروا يشتغلوا فيها لانو قانونها مختلف (توتلي) عن بقية الجامعات السودانية . ودكتور النجيب لمن اتخرج بعد كبت من العمل السياسي في الجامعة الاسلامية حاول يعوض سنين الحرمان دي بتوزيع منشور في مغامرة غير مدروسة وحصل الحصل !!

صنفرة :

وبعد دا بقول ليك يا عماد .. ما دايرين نشوف الفيل ونطعن في ضلو !!
ولو انا غلطان قول لي وانا بسمع ليك !!





22-06-2006, 07:20 م

ناذر محمد الخليفة


.

تاريخ التسجيل: 28-01-2005
مجموع المشاركات: 4167
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

هاشم نوريت (الشرق اتى) !!


Quote: اخوى نصيحة لله اختا ناس خالد العبيد ديل صدقنى بعد شوية ما تعرف انو البوستك كان عنوانو شنو
وتدخل فى دوامة عجيبة واسال المجرب ..وصدقنى ما بتطلع بنتيجة..



صدقني با هاشم ونصيحتك فوق راسي لكن زي ما انت مجرب اخوك برضو مجرب والناس المجربنها في الكيبورد ما زي الناس المجربنها في (واطات) ربنا دي !! والأفلام دي زي ما قلت قبل كدة .. لو في ناس داخلنها شعبي النفر بي 1500 جنيه ، أنحنا دخلناها لوج بي حساب 3000 النفر !! دا لاغير حق الاسكريم وقصب السكر الحرقناهو في أثناء الفلم !!

صنفرة :

الدوامة دي ما للضايقنها يا هاشم نوريت !! وما للطلعوا ولسان حالم بيقول (يا غرقت يا جيت حازما) !!





22-06-2006, 07:40 م

Imad Khalifa


.

تاريخ التسجيل: 26-11-2004
مجموع المشاركات: 299
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)


Quote: أنا لمن قلت منطقة مقفولة ما كان قصدي انها مقفولة لي حزب معين ، لكن كان قصدي انو تنظيم الحزب الشيوعي تحديدا ممنوع يشتغل فيها بسبب قانون فًصل تحديدا على مقاس الجامعةالاسلامية.. ودا السبب الخلى دكتور عمر النجيب والزملاء التانين من الحزب الشيوعي ما يقدروا يشتغلوا فيها لانو قانونها مختلف (توتلي) عن بقية الجامعات السودانية . ودكتور النجيب لمن اتخرج بعد كبت من العمل السياسي في الجامعة الاسلامية حاول يعوض سنين الحرمان دي بتوزيع منشور في مغامرة غير مدروسة وحصل الحصل !!



ناذر

ارجوك ان تقرأ هذه المداخله التي كتبتها امس ولسبب لا اعلمه ذهبت الي منتصف الصفحة الأولي وها أنذا اكررها هنا لتوضيح بعض الحقائق والمعلومات المهمة.

الأخ / ناذر وضيوفه الكرام

بما أنني تخرجت في جامعة أم درمان الاسلامية ابان عصرها الذهبي، ومن الذين نادوا وما زالوا ينادون بتطويرها كماقال بذلك الاستاذ محمود محمد طه (حتي تصير جامعة ام درمان) درءا لشبهات الهوس وحتي لا تكون صفة (الاسلامية) مرجعا لمصادرة الحريات باسم الاسلام كما حدث ويحدث الآن في كل انحاء البلاد أود توضيح الآتي:
كتبت د.بيان:

Quote: Quote: من المعروف ان في لائحة الجامعة الاسلامية يمنع ان يمارس الحزب الشيوعي او الجبهة الديمقراطية اي نشاط سياسي في الاسلامية اذ ان الجامعة اسلامية..
فلا يعقل ان يكون بها طلاب من حزب لا يؤمن بالاديان..( هذا المنطق الذي منع به انزال لست الجبهة الديمقراطية في بداية الثمانيات)



هذا الكلام غير صحيح، كان الاخوة بالجبهة الديمقراطية بجامعة أم درمان الاسلامية يمارسون نشاطهم السياسي كسائر التنظيمات السياسية وبصورة علنية ابان الفترة الديمقراطية بل ترشحوا للانتخابات في قائمة مستقلة للاتحاد دورة 87/1988 . ضاق الحال كما هو معروف بتنظيمات العصور الوسطي من الاخوان والوهابيين واشياعهم فقاموا برفع مذكرة احتجاج وتسيير مسيرة لعمادة الطلاب التي كان على رأسها آنذاك المرحوم د. الطاهر محمد علي مطالبين بحظر نشاط الشيوعيين، وقد استجاب العميد وارسل بعض موظفيه وأنزلوا صحيفة (الشرارة) لسان حال الجبهة الديمقراطية واصدرت العمادة بيانا حظرت فبه النشاط السياسي للجبهة الديمقراطية.

ولأن العهد حينها لم يكن قيهبا، قام الاخوة بالجبهة الديمقراطية وبمساندة ودعم كل التنظيمات السياسية الوطنية بالجامعة وكذلك الاتحاد الذي كان يسيطر عليه تحالف مؤتمر الطلاب المستقلين والانصار والطلاب الاتحاديين قاموا بفتح بلاغ ضد عمادة الطلاب التي صادرت نشاطهم بغير حق، وقد حكمت المحكمة بعد جلسات ساخنة لصالح طلاب الجبهة الديمقراطية و بعدم شرعية قرار العمادة وقد قام نفس الموظفين بتثبيت الصحيفة المصادرة مكانها وتم الغاء القرار الخاص بتعليق نشاط الجبهة الديمقراطية.

وقد قال المرحوم د. الطاهر قولته المشهورة بعد فشله في كسب القضية وتعرضه لحملات شرسة قادتها ضدة صحيفة الميدان والتي كان يحرص على قرائتها طيلة فترة المحاكمة التاريخية (أناالدرعني في الشيوعيين شنو؟).

آمل ان تكون هذه الشهادة قد ابانت بعض اللبس وسوء الفهم لدي بعض المتداخلين. وعليك ياناذر ادانة ماحدث للدكتور النجيب وادانة مصادرة الحريات وتكميم الافواة والذي اوصلنا لما نحن فيه من مصائب ومحن.

التحية لدكتور عمر النجيب والي أعضاء الجبهة الديمقراطية بجامعة ام درمان الاسلامية والذين آمل أن يزيدهم هذا الحادث صلابة وقوة واصرارا علي مواصلة المسير.


عماد خليفة





22-06-2006, 08:27 م

abcde


.

تاريخ التسجيل: 04-07-2002
مجموع المشاركات: 427
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)


Quote: وهم مستعجلينها في شنو !!!
الداير يصبر اليصبر والمستعجل يدينا إيميلو عشان نرسل ليهو المستجدات !!




Quote: ودكتور النجيب لمن اتخرج بعد كبت من العمل السياسي في الجامعة الاسلامية حاول يعوض سنين الحرمان دي بتوزيع منشور في مغامرة غير مدروسة وحصل الحصل !!



الظاهر ... والله أعلم, الناس المشو زياره للدكتور النجيب عندهم قنبلة ما, لكن ما عارف حرقة الروح دي لشنو





22-06-2006, 11:30 م

ABU QUSAI


.

تاريخ التسجيل: 31-08-2003
مجموع المشاركات: 800
Re: الحزب الشيوعي السوداني يتحمل مسئولية تعذيب دكتور النجيب !! (Re: abcde)


Quote: اجهزة الامن ومنسوبيها غير ملامة على تعرضهم لمنسوبي الحزب الشيوعي اذا ماكان الحزب يدفع بكوادره في قلب منطقة مقفولة لغيره (الجامعة الاسلامية) دون اتخاذ الاجراءات التأمينية الكافية لهم ..




Quote: من المعروف ان في لائحة الجامعة الاسلامية يمنع ان يمارس الحزب الشيوعي
او الجبهة الديمقراطية اي نشاط سياسي في الاسلامية اذ ان الجامعة اسلامية..
فلا يعقل ان يكون بها طلاب من حزب لا يؤمن بالاديان..( هذا المنطق الذي منع به انزال
لست الجبهة الديمقراطية في بداية الثمانيات)





Quote: الجميع يعلم تماما ومنذ أخريات القرن الماضي ان القانون يحظر على الحزب الشيوعي ممارسة نشاطه في الجامعة ولهذا السبب وحده درس فيها الدكتور عمر النجيب دون ان يوزع منشورا او يتحدث في ركن نقاش والا كان الفصل مصيره ..



أولا : الجامعة الإسلامية مؤسسة تعليمية سودانية ممولة من الخزينة العامة لجمهورية السودان أي من دافع الضرائب السوداني بغض النظر عن دينه او حزبه السياسي وبالتالي من حق كل أبناء الشعب السوداني الدارسة فيها بغض النظر عن انتماءاتهم السياسية وإلا كان الأولى تمويلها من خزينة حزب معين أو طائفة معينة . وطلاب الجبهة الديمقراطية جاءوا من صلب دافعي الضرائب السودانيين ولم يأتوا من جزر الواقواق .

ثانيا : صحيح أن الإدارات المتعاقبة على الجامعة الإسلامية - وأنا أحد خريجها – حاولت جاهدة أن تكون وقفا على فئة معينة من الطلاب أو قصرا على طلاب المعاهد الدينية فقط ولكنهم فشلوا في ذلك فشلا ذريعا منذ بدأ القبول للجامعة الإسلامية يتم من مكتب القبول العام مثلها مثل بقية الجامعات على الاقل قبل استيلاء عصابة الجبهة القومية الإسلامية على ا لسلطة .

ثالثا : رغم القهر والتسلط الذي ظل يمارسه الأخوان المسلمون على الطلاب في الجامعة الإسلامية إلا أن طلاب الإسلامية كانوا دائما الصخرة التي تتحطم عليها أحلام الفاشست ( الاسم الذي كنا نطلقه علي أعضاء الاتجاه الإسلامي في الجامعة في السبعينات من القرن الماضي) ، وكانت الإسلامية هي الجامعة الوحيدة التي تم فيها انتخاب اتحاد الطلاب بالتمثيل النسبي وذلك في دورتي 75 و 76 ، وأنا شخصيا كنت ممثلا للجبهة الديمقراطية في اللجنة التنفيذية للاتحاد . وبيانات الحزب ا لشيوعي وندواته وندوات الجبهة الديمقراطية كانت تقام في الإسلامية علنا ، رغم جبروت أمن السفاح نميري وصلف إدارة الجامعة بقيادة عمر الحاج موسى رئيس مجلس إدارة الجامعة وكامل الباقر مدير الجامعة الذين قاما بفصل 53 طالب وطالبة في العام 77 بحجة الانتماء للجبهة الديمقراطية ، وتحت الضغط أعيد 51 طالبا وطالبه وبقي اثنان تم فصلهما لمدة عام هما الأخ عبد الباقي الحسن وشخصي الضعيف ، وإدارة ا لجامعة لم تتمكن من النيل من طلاب ا لإسلامية واتحادهم إلا بعد أن فصلته إلى اتحادين ، اتحاد خاص بالطالبات واتحاد خاص بالطلاب بعد تخرجنا في العام 78 ، حيث ظل اتحاد الطالبات في يد الجبهة الديمقراطية وأعضاء التنظيمات الطلابية ا لأخرى وسيطر أعضاء الاتجاه الإسلامي على اتحاد الطلاب . فلا أدري من اين أتى صاحب البوست والأخت بيان بمثل كلامهما هذا . وكيف يستقيم عقلا أن ينادي شخص يؤمن بالحرية والديمقراطية بأن تظل مؤسسة تعليمية عامة حكرا على فئة معينة من أبناء الشعب دون الفئات الأخرى ...

أما السؤال الكبير هو لماذا يحتاج توزيع منشور إلى حماية بغض النظر عن مكان التوزيع مادمنا نتحدث عن ديمقراطية وسلام وغيره ؟ وكيف نستطيع فضح كذب ونفاق أعضاء ا لجبهة القومية الإسلامية وخطل القول بالتغيير في طبيعة النظام ما لم تتم مواجهات كهذه ؟؟؟

تخريمة :
فعلا يا دكتورة ما لفت نظري بخصوص مسألة الدكتور عمر التاج النجيب هو أن الأخ عمر التاج خريج وليس طالبا ، ولكن هل يعطي ذلك الحق لأعضاء جهاز الأمن في تعذيبه إلى هذه الدرجة ؟؟؟؟ مع ملاحظة انه خريج الجامعة الإسلامية وهذا يعني انه مازال هناك فرع للحزب الشيوعي في الجامعة الإسلامية



Quote: بس عايزة أقول ليك هل تفتكر الشاهدين الذين بلغوا أهل عمر والحزب بالحادثة فاعلين خير؟؟



فلنطالب باجراء محاكمة عادلة للذين قاموا بتعذيب دكتور عمر التاج النجيب ، ومعا من أجل انهاء العنف والتعذيب في الحياة السياسية السودانية ، ومعا ضد تعذيب الخصوم السياسيين ومعا ضد دكتاتورية الجبهة القومية الإسلامية .

أبو قصي

أبو قصي





23-06-2006, 00:35 ص

ناذر محمد الخليفة


.

تاريخ التسجيل: 28-01-2005
مجموع المشاركات: 4167
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

الأخوان عماد وابو قصي ..

شكرا للمرور والمعلومات الثرة ..





23-06-2006, 00:41 ص

ناذر محمد الخليفة


.

تاريخ التسجيل: 28-01-2005
مجموع المشاركات: 4167
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

اللنك دا للفائدة العامة بس ...

http:// نصيحة لله الي الخال العزيز محمد ابراهيم نقد ( و...ملين ) ظااااااطو!!!!
(عدل بواسطة ناذر محمد الخليفة on 23-06-2006, 00:44 ص)






23-06-2006, 12:19 م

عدلان أحمد عبدالعزيز


.

تاريخ التسجيل: 03-02-2004
مجموع المشاركات: 939
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

الأخ ناذر..

الموضوع كما يقول الخواجات ليس "Funny" وقد سآءني منك أن تكتب أن ما قام به الدكتور عمر التاج النجيب هو عبارة عن تعويض "سنين الحرمان "!! أنا ما عارف عمرك كم سنة الآن.. لكن قرأت لك يوماً ما، أنه قد تم عزلك من وسط نشاط مسرحي فيه تلميحات معارضة للنظام، ودقوك دق العيش.. يعني مريت بي تجربة شبيهة لتجربة عمر التاج.. اللــوم وقع على منو في حادثتك؟

أي معارض للنظام من شهور الإنقلاب الأولى تكشفت له فاشية ودموية ولا أخلاقية القائمين على أمره.. واستمروا في معارضته أفراداً منظمين وغير منظمين، خرجوا معارضين وفي مهام بعضها محمي وبعضها غير محمي.. وانضربت كثيراً من الأنشطة المعارضة المحمية وغير المحمية.. المناضلين يا ناذر، واعين بمخاطر ما يقومون به، وواعين بما تتطلبه رسالتهم من تضحيات، وواعين كذلك بأنه من المفيد جداً التحوط وعدم الغفلة، ليس جُبناً، ولكن لضرورة استمرار نضالهم لأبعد مدى يقربهم من تحقيق أهدافهم.. رغم ذلك الضربات ب تحصل، وعند حدوثها ب يتم تقييمها لتفادي حدوثها في المستقبل.. والتقييم ما بيكون بجلد الذات والنواح ولطم الخدود وشق الجيوب في الأسافير وغير الأسافير، والتقييم ليس هو المهمة ذات الأولوية القصوى.. والتقييم لا يجنح لإيجاد المبررات للعدو.. وتقصيرك في عدم تعلية سور بيتك ما بدي الحرامي رخصة للسرقة.. يجب عليك ترتيب أولوياتك، ودع الحزب الشيوعي يقيم بنفسه أوجه القصور ويعمل على تلافيها.. أختم بمقولة شبيهة بمقولة لينين عندما انتقد من يريدون "ضمانات سلامة" قبل الشروع في أي نشاط نضالي؛ من كان يظن أن النضال مثل التنزه في جادة شارع النيل.. فاليتخلى عنه منذ الآن.

عدلان.





23-06-2006, 12:21 م

عدلان أحمد عبدالعزيز


.

تاريخ التسجيل: 03-02-2004
مجموع المشاركات: 939
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

الأعـزاء عماد خليفة وأبوقصي..

لا شك أن كفاحكم وصمودكم مع و ضمن المئات من الطلاب الوطنيين والشرفاء في جامعة أم درمان الإسلامية.. أحبط مخططات وأحلام الذين أنشأؤوها بأن تكون مركزاً لتفريخ خفافيش الظلام أعداء التقدم والإنسانية.. ولن ننسى أن طلاب الجامعة الإسلامية هم أول طلاب الجامعات الذين خرجو في إنتفاضة الشعب في مارس 1985.

عدلان.





23-06-2006, 12:41 م

Salwa Seyam


.

تاريخ التسجيل: 12-04-2004
مجموع المشاركات: 1370
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)


Quote: قرأت لك يوماً ما، أنه قد تم عزلك من وسط نشاط مسرحي فيه تلميحات معارضة للنظام، ودقوك دق العيش.. يعني مريت بي تجربة شبيهة لتجربة عمر التاج.. اللــوم وقع على منو في حادثتك؟



شكرا الأخ عدلان على طرح هذا السؤال مرة اخرى فقد طرح على ناذر بطرق مختلفة لكنه لم يجاوب .

ايضا الشكر ليك لاضاءتك النقاط التالية :


Quote: المناضلين يا ناذر، واعين بمخاطر ما يقومون به، وواعين بما تتطلبه رسالتهم من تضحيات، وواعين كذلك بأنه من المفيد جداً التحوط وعدم الغفلة، ليس جُبناً، ولكن لضرورة استمرار نضالهم لأبعد مدى يقربهم من تحقيق أهدافهم.. رغم ذلك الضربات ب تحصل، وعند حدوثها ب يتم تقييمها لتفادي حدوثها في المستقبل.. والتقييم ما بيكون بجلد الذات والنواح ولطم الخدود وشق الجيوب في الأسافير وغير الأسافير، والتقييم ليس هو المهمة ذات الأولوية القصوى.. والتقييم لا يجنح لإيجاد المبررات للعدو.. وتقصيرك في عدم تعلية سور بيتك ما بدي الحرامي رخصة للسرقة..




Quote: يجب عليك ترتيب أولوياتك، ودع الحزب الشيوعي يقيم بنفسه أوجه القصور ويعمل على تلافيها.. أختم بمقولة شبيهة بمقولة لينين عندما انتقد من يريدون "ضمانات سلامة" قبل الشروع في أي نشاط نضالي؛ من كان يظن أن النضال مثل التنزه في جادة شارع النيل.. فاليتخلى عنه منذ الآن.






23-06-2006, 12:42 م

ناذر محمد الخليفة


.

تاريخ التسجيل: 28-01-2005
مجموع المشاركات: 4167
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

تحياتي أخ عدلان ..

نقاطك التي أثرتها بها الكثير من المنطقية والمعقولية واعتقد أنها قد تصلح أساسا لحوار جاد يستفيد منه كل الاطراف ..


Quote: وقد سآءني منك أن تكتب أن ما قام به الدكتور عمر التاج النجيب هو عبارة عن تعويض "سنين الحرمان "!!



لم أقصد الاساءة أبدا لما قام به الدكتور عمر النجيب من عمل في الجامعة الاسلامية ولم أقصد أيضا التقليل من شأنه عندما استخدمت عبارة (سنين الحرمان) ، فقد كان كل قصدي أن هذا شعور طبيعي لمن منع سنينا طويلة عن اي عمل فمن الطبيعي أن يسعى لتعويض ما فاته من منع ولا اعتقد ان في هذا ما يعيب ..


Quote: لكن قرأت لك يوماً ما، أنه قد تم عزلك من وسط نشاط مسرحي فيه تلميحات معارضة للنظام، ودقوك دق العيش.. يعني مريت بي تجربة شبيهة لتجربة عمر التاج.. اللــوم وقع على منو في حادثتك؟




لا أذكر بالضبط أين كتبت هذه القصة ولكني أتذكر الحادثة جيدا وأعتقد انني قد ذكرت حينها اننا كنا صغارا في السن ولم نكن نعي معنى الاشارات والتلميحات التي كنا نطلقها في اثناء المسرحية ولم نعي أن جهات اخرى قد تسئ تفسيرها وتهويلها ..

كما انه لا مقارنة بين الاثنين اطلاقا فحادثة ضرب عمر النجيب جاءت بسبب فعل سياسي ورد فعل محسوب بدقة تجاه فرد معروف بأنتماءه السياسي أما في حالت ضربي تلك فقد جاءت ايضا رد فعل ولكن ليس بسبب فعل سياسي بل بسبب مسرحية ولم يكن القصد واضحا ..

ربما كانت المقارنة الوحيدة هي أنه (الضارب) في الحالتين كان جهة واحدة لا تفرق بين الاشارات المختلفة الا حسب تفاسيرها ومفهوماتها الخاصة .. ولكنا تعلمنا بعد ذلك وأتخذنا عدة احتياطات لتفادي تكرار ما حدث ..


Quote: رغم ذلك الضربات ب تحصل، وعند حدوثها ب يتم تقييمها لتفادي حدوثها في المستقبل.. والتقييم ما بيكون بجلد الذات والنواح ولطم الخدود وشق الجيوب في الأسافير وغير الأسافير، والتقييم ليس هو المهمة ذات الأولوية القصوى.. والتقييم لا يجنح لإيجاد المبررات للعدو.. وتقصيرك في عدم تعلية سور بيتك ما بدي الحرامي رخصة للسرقة.. يجب عليك ترتيب أولوياتك،



أتفق معك في هذه النقطة وأتمنى ان يقيم الحزب هذه الحادثة حتى يتفادى ما قد يأتي به المستقبل ..

شكرا للمشاركة القيمة ..





23-06-2006, 01:15 م

Imad Khalifa


.

تاريخ التسجيل: 26-11-2004
مجموع المشاركات: 299
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

ناذر

من السرد التاريخي للأحداث الذي تفضلنا به والأخ أبو قصي، أتمني أن تكون قد اقتنعت بأن قانون الجامعة الاسلامية لا يحظر نشاط الشيوعيين.

أبو قصي
كل من درس بالاسلامية يذكر ذلك الجيل من الثوريات مديحة، فائزة وغيرهن من الجسورات.

عدلان
شكرا علي التعقيب، فالاسلامية (رغما عن اسمها) سوف لن تكون معقلا للهوس الديني.

مرة أخري التحية للدكتور عمر النجيب ولأعضاء الجبهة الديمقراطية والشيوعيين وكل الشرفاء بجامعة أم درمان الاسلامية.
عماد خليفة





23-06-2006, 01:37 م

عدلان أحمد عبدالعزيز


.

تاريخ التسجيل: 03-02-2004
مجموع المشاركات: 939
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

الأخ ناذر، أقـدر تضامنك مع الأخ عمر التاج وأتفهم توضيحك حول تعبير "سنين الحرمان".. شكرا لك.ً

الأخت سلوى، واجبنا كلنا الحفاظ على ما تم انتزاعه من حقوق عبر سنوات من الآلام، والدموع، والدماء، وممارسة حقوقنا في التعبير والتنظيم والتظاهر، إلخ.. بوضع اليد، أو وفق القانون، سنُضرب مرة أو مرتين، لكن لن نتخلى لهم أو نخلي الساحة. هاهم أمرهم يفتضح فيسارع عميد الطلاب بالنفي ويسارع الأتحاد بالنفي، وتتم الملاحقة القانونية، بل أن محمد حامد جمعة أدان المعتدين، وطالب بإلزام كل من يتصرف على أساس أنه يمثل الأمن أن يبرز بطاقة هويته.. كل ذلك نتج عن وجود حركة جماهيرية قوية، ومصادمة للتمسك بالحقوق، ولحملات التضامن دور لا ينكر كذلك.. فشكراً لكل من قام بواجبه في التضامن، وفضح المجرمين.

الأخ عمـاد خليفة، ولا ننسى من أعضاء البورد خريجي جامعة أم درمان الإسلامية.. أختنا الصنديدة إشراقة مصطفي، وعبرها أحي الصـامد الأشعث الأخ عبدالحمــيد.

والتحية للدكتور عمر النجيب ولأعضاء الجبهة الديمقراطية والشيوعيين وكل الشرفاء بجامعة أم درمان الاسلامية.

لكم الود، جميعه..





23-06-2006, 02:58 م

بدر الدين الأمير


.

تاريخ التسجيل: 28-09-2005
مجموع المشاركات: 637
Re: الحزب الشيوعي السوداني يتحمل مسئولية تعذيب دكتور النجيب !! (Re: عدلان أحمد عبدالعزيز)


الاخ ناذر يالك من حالم

ياسيدى الحزب الشيوعى قد يتحامل على اصفياء الامس

الحزب الشيوى قد يحمل الاخرين كل شىء حتى انهيار سور بلرين

الحزب الشيوعى يحتمل فقط العيش فى سلام مع قاتلى رموزه





23-06-2006, 03:40 م

Imad Khalifa


.

تاريخ التسجيل: 26-11-2004
مجموع المشاركات: 299
Re: الحزب الشيوعي السوداني يتحمل مسئولية تعذيب دكتور النجيب !! (Re: بدر الدين الأمير)

ناذر

شكلنا استلمنا البوست (فلك العتبي).

عدلان

Quote: ولا ننسى من أعضاء البورد خريجي جامعة أم درمان الإسلامية.. أختنا الصنديدة إشراقة مصطفي، وعبرها أحي الصـامد الأشعث الأخ عبدالحمــيد.




أحييي عبر هذا البوست المناضلة أم وآصل (تعرف واصل دا هو مؤسس فرقة المعتزلة) والتي لا تخفي اسهاماتها الكبيرة على احد، وكذلك المثابر الصامد عبد الحميد (دحدوح) تخرجنا سويا من قسم المكتبات والمعلومات (في العصر الذهبي للجامعة).

عماد خليفة





23-06-2006, 04:07 م

ناذر محمد الخليفة


.

تاريخ التسجيل: 28-01-2005
مجموع المشاركات: 4167
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

الاستاذ بدر الدين ..


Quote: الاخ ناذر يالك من حالم

ياسيدى الحزب الشيوعى قد يتحامل على اصفياء الامس

الحزب الشيوى قد يحمل الاخرين كل شىء حتى انهيار سور بلرين




شكلك بتتكلم عن تجربة مش كلام ساي !!!

لكن دي الحيرتني .. !!!


Quote: الحزب الشيوعى يحتمل فقط العيش فى سلام مع قاتلى رموزه



بس من متين الكلام دا !! لأنو ما كان كدة زمان ومعروف بمواقفو وتضحياتو !!

صنفرة :

ودي فرصة عشان اشكرك على (البتاعات) والتصميم الجميل عجبتنا كلنا والله ويا ريت لو كنتو حاضرين معانا في الحفل . ارجو إيصال سلامي وأعجابي للأخ عماد عبد الله !!





23-06-2006, 04:09 م

ناذر محمد الخليفة


.

تاريخ التسجيل: 28-01-2005
مجموع المشاركات: 4167
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

الاخ عماد خليفة ...


Quote: ناذر

شكلنا استلمنا البوست (فلك العتبي).




بالعكس يا سيدي !! أخد راحتك تماما .. انا كلامي القلتو كلو وصل وفهمي الداير الناس تعرفو عرفوهو خلاص ويهمني اسمع بعد كدة .. ومستمتع والله للحوار الجميل الدائر بينك وبين عدلان ..





23-06-2006, 05:00 م

hanadi yousif


.

تاريخ التسجيل: 03-06-2005
مجموع المشاركات: 732
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)


Quote: ناذر خليفة انت برااااااااااااك بتضيع البوست مع بت الفضل اصلو القاهرة مافيها طريقة والبفتح خشمو الامن مصري اشد قسوة وانتظار اللوتري قااااااااااااااااتل في زول بحج بعد الحج ؟؟؟



محمد حسن العمدة

الامن المصري ما اشدة قسوة من الامن السعودي خاصة اذا عرفوا انك عندك علاقة بالقاعدة فيها قص وكدة- الامن المصري قبل ما يرحلني المنظمة بتفكني
( وانا ما محسوبة مع الناس الخوافين)
منو القال ليك انا منتظرة لوتري ولا لجوء- معليش معلوماتك مضروبة على قول المصريين ما تتذاكى وتقطع من راسك ، في انصار كتار في القاهرة ممكن يرسلوا ليك المعلومة الصحيحة عشان مذكاتك دي .
يعني بالسوداني خلي المطاعنة





23-06-2006, 06:17 م

خالد العبيد


.

تاريخ التسجيل: 07-05-2003
مجموع المشاركات: 2148
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)


Quote: وكانت الإسلامية هي الجامعة الوحيدة التي تم فيها انتخاب اتحاد الطلاب بالتمثيل النسبي وذلك في دورتي 75 و 76 ، وأنا شخصيا كنت ممثلا للجبهة الديمقراطية في اللجنة التنفيذية للاتحاد . وبيانات الحزب ا لشيوعي وندواته وندوات الجبهة الديمقراطية كانت تقام في الإسلامية علنا ، رغم جبروت أمن السفاح نميري وصلف إدارة الجامعة بقيادة عمر الحاج موسى رئيس مجلس إدارة الجامعة وكامل الباقر مدير الجامعة


شكرا لابوقصي على هذه الاضاءة الهامة
وارجو من الاخ نادر العمل بملاحظة الاخ عدلان
بان اهمية الموضوع تجعله ان نكون اكثر جدية في الطرح
تشكر يا ناذر
ولي عودة





23-06-2006, 09:30 م

kamalabas


.

تاريخ التسجيل: 07-02-2003
مجموع المشاركات: 4468
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

كتب الاخ نزار في أول مداخلته

Quote: اجهزة الامن ومنسوبيها غير ملامة على تعرضهم لمنسوبي الحزب الشيوعي اذا ماكان الحزب يدفع بكوادره في قلب منطقة مقفولة لغيره (الجامعة الاسلامية) دون اتخاذ الاجراءات التأمينية الكافية لهم ..

ثم تداخلت الأخت بيان لتعزف علي ذات الوتر


Quote: من المعروف ان في لائحة الجامعة الاسلامية يمنع ان يمارس الحزب الشيوعي او الجبهة الديمقراطية اي نشاط سياسي في الاسلامية اذ ان الجامعة اسلامية..
فلا يعقل ان يكون بها طلاب من حزب لا يؤمن بالاديان..( هذا المنطق الذي منع به انزال
لست الجبهة الديمقراطية في بداية الثمانيات)

ويعود نزار ليقرر

Quote: أنا لمن قلت منطقة مقفولة ما كان قصدي انها مقفولة لي حزب معين ، لكن كان قصدي انو تنظيم الحزب الشيوعي تحديدا ممنوع يشتغل فيها بسبب قانون فًصل تحديدا على مقاس الجامعةالاسلامية.. ودا السبب الخلى دكتور عمر النجيب والزملاء التانين من الحزب الشيوعي ما يقدروا يشتغلوا فيها لانو قانونها مختلف (توتلي) عن بقية الجامعات السودانية

.....
نلاحظ أن هذا الخيط.بني ونسج علي معلومة ...
أن الحزب الشيوعي محظور بقانون في الجامعة الاسلامية....
وتأسس علي هذاتجريم الحزب الشيوعي بالدفع بكادره في منطقة محظورة
عليه بنص القانون...... وتأسس علي هذه المعلومة أتهام د.النجيب بالقيام بمغامرة غير محسوبة بأصراره علي القيام بنشاط سياسي كان محرومامنه من طيلة سنوات الدرا سة!!!
والأغرب من ذلك هو أستخراج شهادة براءة لأجهزة ومن محسوبيها
من الملامة ذلك نظرا لأن الحزب الشيوعي باشر نشاطا يحظره عليه القانون
في تلك المنطقة المقفولة!!!!! والان دعونا نناقش هذه المعلومة والتي تم بموجبها تجريم ذلك الحزب
وأتهام النجيب بأرتكاب مغامرة!!
..... أتضح وبشهادة.شهود من أهلها الاخ عماد خليفةا وأبو قصي
خريجي تلك الجامعة...خطاء تلك المعلومة بحيثيات وشواهد من قلب
معقل ا الأحداث وقد ختم الأخ عماد مرافعته الناصعة وهو وأبو قصي
بقوله

Quote: ناذر

من السرد التاريخي للأحداث الذي تفضلنا به والأخ أبو قصي، أتمني أن تكون قد اقتنعت بأن قانون الجامعة الاسلامية لا يحظر نشاط الشيوعيين.

ومن هنا يصبح علي الأخ نزار
الأعتزار للقارئ عن أيراد وتمليك القارئ معلومة مغلوطة ومضللة
......وعليه الاعتزار للحزب الشيوعي الذي جرمه وأدانه أستنادا علي
معلومة خاطئة
......وعليه الأعتزار للدكتور النجيب لأتهامه بالقيام بمغا مرة بتوزيع
بيان في منطقة محظورة علي الشيوعيين ومخالفة قانون الجامعة علي حسب زعم الاخ نزار!!!
أما عدم تحميل جهاز الامن ومنسوبيه ما أسماه باللوم علي ماحدث للنجيب
نظرا لخرق النجيب والشيوعيين لقانون الجامعة فنترك الحكم فيه للقارئ!

فالقارئ المتابع يعي تماما أن جهاز الامن ومحسوبيه يتحملون فوق
اللوم والمعاتبة أنهم يتحملون مسؤولية وزر تعذيب والشروع في
أغتيال مواطن أعزل لم يقم سوي بممارسة حقه في التعبير والحركة
جهاز الأمن هو من قام بخرق قانون الجامعة وأنتهك قدسيتها
وهو من خرق وأنتهك قانون ودستور النظام وهو من خرق أتفاقات السلام
التي تكفل حرية التعبير وحرية الرأي للأفراد والاحزاب....
لامجال لذر الرماد في الأعين وتجريم الضحايا والتبرير للقتلة
........... أورد فيما يلي هذه القصة من التراث.......
....... ورد في السيرة أن الرسول ...ص... قال للصحابي عمار بن
ياسر ما معناه "تقتلك الفئة الباغية.....دارت الايام وتقا تل الصحابة
في صفيين ....فريق مع الامام علي وفريق مع كاتب الوحي معاوية
وكل فريق يري أنه علي حق وغيره علي باطل......
وكان ضمن أركان حرب الامام علي الصحابي عمار بن ياسر والذي لقي حتفه
في المعركة وقتل بواسطة جيش معاوية....وهنا تذكر الصحابة حديث الرسول
لعمار بأنه قتلته هم الفئة الباغية وتحدث البلبلة في معسكر معاوية
وكاد الناس ينفضوا من حوله .....وهنا تدارك معاوية الامر قائلا
أننا لم نقتل عمار أنما قتله من أخرجوه من داره وقادوه للقتال
ويعني بذلك جماعة الامام علي..... وهكذا أمتص معاوية "اللحظة"
وترك الجدل قائما حول من المسؤول عن مقتل عمار!!!!
وبالطبع كان العقلاء يدركون أن عمار ا كان رجلا راشد وعاقلا وهو من
أختار قراره بالقتال بمحض أرادته .....
كان معاوية ذكيا حقا ولم يكن متذاكيا كان يستند دوما علي منطق
يقنع ظاهره بعض الناس .....
.....وختاما نعود علي بدء ونقول هناك قضايا مبدئية تتطلب رؤية
واضحا وموقفا حاسما وأعني بذلك حق الانسان في أبداء الرأي والتعبير
وأدانة التعذيب والقهر وتكميم الافواه هذه قضايالاتحتمل مسك العصاة
من المنتصف والميوعة الفكرية.....
كمال
(عدل بواسطة kamalabas on 23-06-2006, 09:31 م)
(عدل بواسطة kamalabas on 23-06-2006, 09:32 م)
(عدل بواسطة kamalabas on 23-06-2006, 09:40 م)
(عدل بواسطة kamalabas on 24-06-2006, 03:22 م)






24-06-2006, 00:27 ص

معتز تروتسكى


.

تاريخ التسجيل: 14-01-2004
مجموع المشاركات: 7078
Re: الحزب الشيوعي السوداني يتحمل مسئولية تعذيب دكتور النجيب !! (Re: kamalabas)

مدخل:
زماااان انا قلت (امتعض جدا عندما اكون مؤمن بفكرة ما واشعر بان هناك ليس مؤهل لحمل ما احمله او اشعر بان هناك من هو اقل منك فى كل شى وتشعر بان الظروف ساعدته بان يكون فى قيادتك او انت وهو فى اناء واحد تنضحون..)

استاذ كمال مع احترامى ليك دقيقه..
خلاصة كلامك ده كلو انو ناذر يعتزر يعنى ؟؟
برضو مع الحترامي ليه اسالك
ليه ولشنو وفوق كم وعشان شنو؟؟!!!!
الكلام واضح وماداير ليهو 2 -3
ناذر لو كان اساء للحزب الشيوعى كان بقولها ليكم فى وشكم ومابغطيها لكن تقعدو تلغوسو الكلام وتجوطو جاى جاى ده الماجيب حقو..
وبالرغم من الذكره الاساتذه بخصوص انو الاسلاميه جامعه مقفوله ياسيدى هى مقفوله دى الا تكون مسوره بى سور وكلام ناذر الجبتو ده برضو واضح.
الشيوعين انا بعرف فيهم ناس فى جامعة القران خليها الاسلاميه..
مقفوله دى يعنى بى بعربى جوبا ده امكانية الشغل فيها مازى لمن الشيوعين يجو يشتغولو فى الاهليه ولا الخرطوم ولا السودان ...
اعتقد كده بقت واضحه..
وفرضية اتفاق ناذر نع بيان كما تفترض
صراحه يااستاذ ماتسوقو الموضوع بى زقاقات تانيه ويبقى بدل حبل واحد للمشنقه حبال!!..
انا شكل العقلية القاعده تتعامل مع الموضوع قادر افهمها
واعتقد ناذر ايضا وماداير اقول عقليه بعينها عشان برضو ماتجى تقول بتجنى علي شخص ولا تنظيم بعينه...
ونجيى لى كلامك ده الانت بترددو بخصوص الميوعه الفكريه !!..
انا بعرف انو الزول لمن يكون ينضح بالعبارات مفروض يجيدها على الارض الواقع وتبقى كلمات للتريد فقط..

واقول ليك حقوق الانسان الانتو عاملينها مع الكيزان دى حقو المعارضه تبلها وتشربها وكلام ود العمده كافى بخصوص الموضوع ده ولااضيف..
لكن برجع ليك لى النقد الانت تطرقت اليهو ..
نحن ادنا الجهاز الامن الاصلو مافى شى بلنا معاهو الا فى خيال البعض
يلا ادانة الحزب وينها؟؟!!
والنقد والنقد الذاتى وينو؟؟؟ (اعرفهم ليك عشان تعرف الناس وين والعلمية وين ولا يكون جابو علم سياسه جديد ما اطلعنا عليهو)
ماهى الاحزاب والتنظيمات دي عايشها فى اوكارها الى الان ليه؟
والامثلة الزى النجيب دى كمان دايرها ليها حصر يا استاذ كمال ؟!!؟
الشغله يا استاذ كمال مانقاش بطريقه العك والعجن دي لانو صراحه ماعارف اقول ليك شنو
المهم حتظل كودار التنظيمات فى الحفره دى لى يوم يبعثون لانو طريقة العقلية القاعده تتعاملها مع الموضوع ماعارف عايزه هى كده ولا اساسا ماعارفه انها قاعده تعمل كده ؛ولا كمان تكون عارفه وتبقى مصيبه..
والمشكله لو الاحزاب بتقعد فى الحفره دى براها مافى مشكة ؛بس المشلكه هم ضايعين ومضعين معاهم شعب بحالو..
عشان كده برجع بقول ليكم تاني (الله ليك يالنجيب وياحليلك...)
وربك تانى مايجبنى هنا..
لانو بقدر ماانتو بتدافعو عن كلام ما اتقال دايرين تلبسوه لناذر (وانا بعرفو زى جوع بطنى )
انا حادفع عن ناذر؛ لانو لو عارف انو قاصد الحزب الشيوعى بطريقة الفيل وتطعن فى ضلو كان وقت ليهو قبلكم مش لو يبقى صاحبى لو يبقى اخوي..
لكن لو فتحتو شويه حتعرفو انو كلام ناذر ده فيهو استفزاز لمشاعركم بطريقه تانيه مش تصهينو منو
لانو الحقيقه مره والصراحه حارة..

التحايا النواضر





24-06-2006, 02:43 ص

ناذر محمد الخليفة


.

تاريخ التسجيل: 28-01-2005
مجموع المشاركات: 4167
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

شكرا جزيلا معتز تروتسكي ..


Quote: ناذر لو كان اساء للحزب الشيوعى كان بقولها ليكم فى وشكم ومابغطيها لكن تقعدو تلغوسو الكلام وتجوطو جاى جاى ده الماجيب حقو..
وبالرغم من الذكره الاساتذه بخصوص انو الاسلاميه جامعه مقفوله ياسيدى هى مقفوله دى الا تكون مسوره بى سور وكلام ناذر الجبتو ده برضو واضح.
الشيوعين انا بعرف فيهم ناس فى جامعة القران خليها الاسلاميه..
مقفوله دى يعنى بى بعربى جوبا ده امكانية الشغل فيها مازى لمن الشيوعين يجو يشتغولو فى الاهليه ولا الخرطوم ولا السودان ...
اعتقد كده بقت واضحه..




شنكل :

أنا كنت داير ارد بي رد مطول على اخونا كمال عباس لكن اعتقد انو كلام تروتسكي يغني عن قول الكثير .. واعتقد ان المرمى والقصد واضح !! مع اني محتار انو كمال بياخد كلام عماد وعدلان خريجي الجامعة الاسلامية في القرن الماضي وداير يقارن بيها الاوضاع في القرن دا وكانو ما اختلفت حكومات وما تغيرت أوضاع طول المدة الزمنية دي !!





24-06-2006, 03:07 ص

خدر


.

تاريخ التسجيل: 07-02-2005
مجموع المشاركات: 3419
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)


Quote: شنكل :
(وفجأة) كدي متعاطف برضو مع الحزب الشيوعي في محنتو البيمر بيها بسبب الحادثة دي .. يعني ما شايل حسو ولا حاجة !!



ناذر .. صباحكـ خير
الحزب الشيوعي ماعندو مِحنه ولا بيمر بي الشنقيطي
الحزب الشيوعي المِحنه عندو هي (أن ينفض الناس من حولو ) و دي ما بتحصل لانو الناس عارفه
منو المعاها و منو الضدها
انا ماكنت عاوز اكتب كتير في الموضوع ده .. لكن
ممكن توصل لي سؤال (للنجيب) و تجيب لي منو اجابه هنا في بوستكـ ده !!
قول ليهو مولانا خدر بقول ليكـ

هل انت موافق علي سؤال ناذر الخليفه ده

Quote: الحزب الشيوعي السوداني يتحمل مسئولية تعذيب دكتور النجيب !!



؟؟





24-06-2006, 03:11 ص

Mustafa Mahmoud


.

تاريخ التسجيل: 16-05-2006
مجموع المشاركات: 391
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

one of the ingaz dogs
when a dog goes mad with Islamic rabies the only treatment is to be shot dead
dr mustafa mahmoud





24-06-2006, 05:23 ص

ناذر محمد الخليفة


.

تاريخ التسجيل: 28-01-2005
مجموع المشاركات: 4167
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

!!!!!!!!!!!!!!!


Quote: one of the ingaz dogs
when a dog goes mad with Islamic rabies the only treatment is to be shot dead
dr mustafa mahmoud



أنا والله نفسي أعرف الأهطل الاسمو مصطفى محمود البيقول على نفسو دكتور دا ، متخصص في ياتو نوع من العبط !!!

شنكل :

أقطع وشك يا خينا !! وشك العامل زي الكورية دا !!







24-06-2006, 05:37 ص

ناذر محمد الخليفة


.

تاريخ التسجيل: 28-01-2005
مجموع المشاركات: 4167
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

!!!!!!!!!!!!


Quote: ممكن توصل لي سؤال (للنجيب) و تجيب لي منو اجابه هنا في بوستكـ ده !!
قول ليهو مولانا خدر بقول ليكـ

هل انت موافق علي سؤال ناذر الخليفه ده



والله يا خدر الضحك شرطني

شنكل :

خايف أسألوا السؤال دا يقوم يقول لي : إنت متأكد أنو خدر دا مولانا !





24-06-2006, 07:42 ص

خدر


.

تاريخ التسجيل: 07-02-2005
مجموع المشاركات: 3419
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

ناذر الموضوع ما محتاج ضحكـ

بس انت يا استعجلت او ماعاوز تفهم سؤالي

لو سألت (دكتور النجيب ) السؤال ده كان وراكـ الاجابه ببساطه و كفانا اهدار الباندويث
دون داع .. عارف ليه !!

لانو (دكتورالنجيب) ناشط في الحزب الشيوعي و ناشط دي يعني يملكـ اجابه علي سؤالكـ
الحايم بيهو ده .
الاجابه انو دكتور عمر النجيب يعلم تماما ان ما حدث له هو ضريبه موقفه الحياتي من نظام
البشير و ده شرف نالو النجيب حا يسجل ليهو كإحدي حالات انتهاكـ حقوق و كرامه الانسان
بعد نيفاشا
انت بي بوستكـ ده اسه بقيتو زي العاوز تمن احتمالو للتعذيب في حين انو الامر كلو كان
انو حكي لوفدكم الموقر من باب تمليكـ الحقائق لقطاع كبير من الناس عبركم


سيبكـ من مولانا دي طيب قول ليهو في واحد خايف علي الباندويث من الاسئله الساهله





24-06-2006, 08:04 ص

A.Razek Althalib


.

تاريخ التسجيل: 12-12-2004
مجموع المشاركات: 4481
Re: الحزب الشيوعي السوداني يتحمل مسئولية تعذيب دكتور النجيب !! (Re: خدر)


Quote: واحد خايف علي الباندويث





Quote: اها يا امنه مختار البوست فعلا وصل الخور بسلام
بلاهي موش حقو تخجلو من روحكم
ويب سايد كامل بيقولوا انو فيهو صفوة و مستنيرين
يخاف من جسد انثي عريانه جوة فيلم
؟؟



Re: SUBMISSION


وبرضو عادي جداً..





24-06-2006, 08:25 ص

خدر


.

تاريخ التسجيل: 07-02-2005
مجموع المشاركات: 3419
Re: الحزب الشيوعي السوداني يتحمل مسئولية تعذيب دكتور النجيب !! (Re: A.Razek Althalib)



شكرا يا ابورزقه لإعاده البوست من غيرصالح للنشر
الفلم ده فيهو كلام مهم يا ع.رازق
و بكري ما مهلنا .. لفحو و لحقو امات طه

شكرا كتير دي حركه (ماعاديه ) منكـ
(عدل بواسطة خدر on 24-06-2006, 08:26 ص)






24-06-2006, 08:33 ص

Mustafa Mahmoud


.

تاريخ التسجيل: 16-05-2006
مجموع المشاركات: 391
Re: الحزب الشيوعي السوداني يتحمل مسئولية تعذيب دكتور النجيب !! (Re: خدر)

one of the ingaz dogs
when a dog goes mad with Islamic rabies the only treatment is to be shot dead
dr mustafa mahmoud





24-06-2006, 08:37 ص

Mustafa Mahmoud


.

تاريخ التسجيل: 16-05-2006
مجموع المشاركات: 391
Re: الحزب الشيوعي السوداني يتحمل مسئولية تعذيب دكتور النجيب !! (Re: Mustafa Mahmoud)

it is clear to all of you here that there are certain ingaz Islamic front members here
unfortunately they are here to sabotage and marginalize what we do against their corrupt Islamic regime
in order to stop them from succeeding to defeat our struggle i invite all Honorable non Islamic front supporters
promise never to respond or reply to a post written by a member of the so called al moatamer al watni
these people hijacked the whole country let us stop them form doing so to this forum

we all know who are they here
it is time for action and no more talking please only boycoyy them
thank you
dr mustafa mahmoud





24-06-2006, 08:46 ص

Hussein Mallasi


.

تاريخ التسجيل: 28-09-2003
مجموع المشاركات: 7752
Re: الحزب الشيوعي السوداني يتحمل مسئولية تعذيب دكتور النجيب !! (Re: Mustafa Mahmoud)

يذكرني Mustafa Mahmoud بالجماعة الكانوا
بيقيفوا في الصواني و يخطبوا في العربات الماشه!!





24-06-2006, 08:50 ص

Mustafa Mahmoud


.

تاريخ التسجيل: 16-05-2006
مجموع المشاركات: 391
Re: الحزب الشيوعي السوداني يتحمل مسئولية تعذيب دكتور النجيب !! (Re: Hussein Mallasi)



dear brothers
these Ignaz dogs are doing what the islamist mafia asked them to do
to divert attention from the main issue
here is an example for you
بورداب الخرطوم يزورون الطبيب عمر التاج النجيب الذى تغرض الى محاولة اغتيال بواسطة جهاز الامن (Re: عبد الوهاب المحسى)

-2006, 11:50 ص

abcde


.

تاريخ التسجيل: 04-07-2002
مجموع المشاركات: 392
Re: بورداب الخرطوم يزورون الطبيب عمر التاج النجيب الذى تغرض الى محاولة اغتيال بواسطة جهاز الامن (Re: بكرى ابوبكر)

مصطفى محمود


UP شنو

البوست معلق في صدر البورد





21-06-2006, 12:06 م

ناذر محمد الخليفة


.

تاريخ التسجيل: 28-01-2005
مجموع المشاركات: 4140
Re: بورداب الخرطوم يزورون الطبيب عمر التاج النجيب الذى تغرض الى محاولة اغتيال بواسطة جهاز الامن (Re: بكرى ابوبكر)

!!!!!!!!!!!!!!!!!


Quote: UP شنو

البوست معلق في صدر البورد





استغفرتك يا مالك روحي

شنكل :

الراجل داير يقد لينا سقف المنبر في الخريف دا ولا شنو

the dogs of the ingaz gang instead of sighing
the document condemning the attack on or colleague they are doing what they are told to do to divert the main issue and dilute it by raising trivial matter
up up up
go both and sign to condemn your gang masters






24-06-2006, 08:53 ص

ناذر محمد الخليفة


.

تاريخ التسجيل: 28-01-2005
مجموع المشاركات: 4167
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

!!!!!!!!!!!


Quote: it is clear to all of you here that there are certain ingaz Islamic front members here
unfortunately they are here to sabotage and marginalize what we do against their corrupt Islamic regime
in order to stop them from succeeding to defeat our struggle i invite all Honorable non Islamic front supporters
promise never to respond or reply to a post written by a member of the so called al moatamer al watni
these people hijacked the whole country let us stop them form doing so to this forum

we all know who are they here
it is time for action and no more talking please only boycoyy them
thank you
dr mustafa mahmoud



الكلام دا ما ياهو في بوستك الوقف ليك في حلقك داك !! جايبو هنا تاني مالك !!
بعدين فرحاااان اوي بتكتب دكتور جنب اسمك ؟ غايتو اول مرة أشوف لي زول بيتهابل كدة وكمان بيكتب جم اسمو انو دكتور !!

بعدين هسي لمن سألت من تخصصك أكتشفت انك ما دكتور (جد الجد) عشان ما توهم لينا الناس هنا سايي يفتكروك عالم ولا مكتشف ذرة ولا حاجة ... سألت قالو انك شغال (طهار) يعني (أسطى) وكدة !! شغلتك كلها للشفع الصغار من الصرة ولي تحت لحدي الركبة !! تشيل جذء من العدة بتاعتم ويدوك الفيها النصيب وتتخارج تخلي الشفع يبكوا ويسبوا ليك في سرهم !!

شنكل :

كمان الشغلة ما اولاد بس !! فيها حاجات فرعونية وكدة





24-06-2006, 08:58 ص

Mustafa Mahmoud


.

تاريخ التسجيل: 16-05-2006
مجموع المشاركات: 391
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)



dear brothers
these Ignaz dogs are doing what the islamist mafia asked them to do
to divert attention from the main issue
here is an example for you
بورداب الخرطوم يزورون الطبيب عمر التاج النجيب الذى تغرض الى محاولة اغتيال بواسطة جهاز الامن (Re: عبد الوهاب المحسى)

-2006, 11:50 ص

abcde


.

تاريخ التسجيل: 04-07-2002
مجموع المشاركات: 392
Re: بورداب الخرطوم يزورون الطبيب عمر التاج النجيب الذى تغرض الى محاولة اغتيال بواسطة جهاز الامن (Re: بكرى ابوبكر)

مصطفى محمود


UP شنو

البوست معلق في صدر البورد





21-06-2006, 12:06 م

ناذر محمد الخليفة


.

تاريخ التسجيل: 28-01-2005
مجموع المشاركات: 4140
Re: بورداب الخرطوم يزورون الطبيب عمر التاج النجيب الذى تغرض الى محاولة اغتيال بواسطة جهاز الامن (Re: بكرى ابوبكر)

!!!!!!!!!!!!!!!!!


Quote: UP شنو

البوست معلق في صدر البورد





استغفرتك يا مالك روحي

شنكل :

الراجل داير يقد لينا سقف المنبر في الخريف دا ولا شنو

the dogs of the ingaz gang instead of sighing
the document condemning the attack on or colleague they are doing what they are told to do to divert the main issue and dilute it by raising trivial matter
up up up
go both and sign to condemn your gang masters






24-06-2006, 09:43 ص

abcde


.

تاريخ التسجيل: 04-07-2002
مجموع المشاركات: 427
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)


Quote: بوستك الوقف ليك في حلقك داك




ناذر

لو قنعت من البوست ده, قول عوك



أنا قاعد أسخن غايتو












B.Sc. Amro O. Mohamed





24-06-2006, 09:49 ص

kamalabas


.

تاريخ التسجيل: 07-02-2003
مجموع المشاركات: 4468
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

كتب الأخ تروتسكي

Quote: ..الكلام واضح وماداير ليهو 2 -3
ناذر لو كان اساء للحزب الشيوعى كان بقولها ليكم فى وشكم ومابغطيها لكن تقعدو تلغوسو الكلام وتجوطو جاى جاى ده الماجيب حقو..
وبالرغم من الذكره الاساتذه بخصوص انو الاسلاميه جامعه مقفوله ياسيدى هى مقفوله دى الا تكون مسوره بى سور وكلام ناذر الجبتو ده برضو واضح.
الشيوعين انا بعرف فيهم ناس فى جامعة القران خليها الاسلاميه..
مقفوله دى يعنى بى بعربى جوبا ده امكانية الشغل فيها مازى لمن الشيوعين يجو يشتغولو فى الاهليه ولا الخرطوم ولا السودان ...

عزيزي معتز لا أدري لماذا تحاول أيجاد مخرج لكلام نزار بهذه الطريقة
البائسة .....هل فعلا كان نزار يرمي الي صعوبة ممارسة النشاط. في الاسلامية
مقارنة بغيرها أم إنه كان يقول وبصراحة بأن النشاط فيها غير قانوني !
وماذا يعني نزار بقوله بأن الاسلامية منطقة مقفولة?
نترك الاجابة لنزار

Quote: أنا لمن قلت منطقة مقفولة ما كان قصدي انها مقفولة لي حزب معين ، لكن كان قصدي انو تنظيم الحزب الشيوعي تحديدا ممنوع يشتغل فيها بسبب قانون فًصل تحديدا على مقاس الجامعةالاسلامية.. ودا السبب الخلى دكتور عمر النجيب والزملاء التانين من الحزب الشيوعي ما يقدروا يشتغلوا فيها لانو قانونها مختلف (توتلي) عن بقية الجامعات السودانية

هكذا يري القارئ أن نزار يفسر القفل بالحظر القانوني بقانون
زعم أنه فصل علي مقاس تلك الجامعة!!!
هكذا تري أننا نناقش.نزار بما قاله ولانحرف الكلم عن موضعه
أننا نلتزم بالموضوعية وأسس النقاش العلمي وننأي عن التحامل والعاطفية
الفجة التي تقود الانسان ليفسر الكلام بما يتمني وبما يماشي مقاصده
هو لا مقاصد القائل!!!ومن هنا أعيد اليك عبارتك هذه

Quote: ناذر لو كان اساء للحزب الشيوعى كان بقولها ليكم فى وشكم ومابغطيها لكن تقعدو تلغوسو الكلام وتجوطو جاى جاى ده الماجيب حقو..


فهي ليست علي مقاسي ولست أنا من" لغوس "الكلام ولا أريد أتهم أحدا
" باللغوسة" ونسج وتخريج الاحكام وحرف الكلم عن المرام فهذه مهمة نتركها
للقارئ ..... أنا لا أدافع عن أحد يا معتز وأنما أطرح رؤيتئ والتي تعارض في بعض
جوانبها في مشاركة بعض القوي السياسية في أجهزة الدولة....أما حقك في
الدفاع عن نزار فلم أغمطه عليك وحتي وأن أتي من باب جاء يكحلها عماها!!!!
0000 سبق أن نبهتك في مداخلات سابقة يا تروتسكي بأن لا أعبرعن أي
حزب أو جهة وأنما عن نفسي وذلك فيما أكتبه هنا ولا أرهن مدادي
لا أحد....من هنا لا أفهم معني أن تجمعني مع أحد في الرد....
رد علي بصورة مفردة كما أتعامل معك....وليبقي الاحترام في المخاطبة
علي الاقل بعيدا عن التصنيف المبطن......
0000الاخ نزار.....تحية كتبت


Quote: أنا كنت داير ارد بي رد مطول على اخونا كمال عباس لكن اعتقد انو كلام تروتسكي يغني عن قول الكثير .. واعتقد ان المرمى والقصد واضح !! مع اني محتار انو كمال بياخد كلام عماد وعدلان خريجي الجامعة الاسلامية في القرن الماضي وداير يقارن بيها الاوضاع في القرن دا وكانو ما اختلفت حكومات وما تغيرت أوضاع طول المدة الزمنية دي !!


أنا كنت تعتبر أن كلام الاخوة عماد وأبو قصي عن مشروعية نشاط الشيوعي
يعبر عن حقبة ماضية.....فعليك أنت تثبت أن قانون الجامعة الاسلامية
يحظر نشاط الجبهة الديموقراطية حاليا?من أتيت بهذه المعلومة وما هو
مصدرها وما هو نص المادة الذي يحظر نشاطها? ....الاثبات أو الاعتزار....يانزار...

(عدل بواسطة kamalabas on 24-06-2006, 10:06 ص)






24-06-2006, 11:25 ص

محمد حسن العمدة


.

تاريخ التسجيل: 31-03-2004
مجموع المشاركات: 3228
Re: الحزب الشيوعي السوداني يتحمل مسئولية تعذيب دكتور النجيب !! (Re: kamalabas)


Quote: جعلت بعض الساسة يبشربهزيمة الانقاذ ديموقراطيا



الاخ كمال سلام

والبعض الاخر من الساسة وعلى راسهم حزب الامة القومي بشر قبل توقيع الاتفاقيات الثنائية ( الوهمية ) بهزيمة حزب المؤتمر الوطني - الجبهة الاسلاموية - في اي انتخابات حرة نزيهة قال ذلك في قراره الشهير الصادر من المكتب السياسي حول المشاركة التي ربطها بامرين :
* اتفاق قومي جامع تجتمع عليه كافة القوى السياسية في البلاد يخاطب قضايا الوطن الاساسية .
* انتخابات عامة حرة نزيهة ومراقبة دوليا .

ولا زال الحزب متمسكا بهذين الشرطين و لا زال يطالب حتى في الانتخابات التي قد تكون قادمة حزب الامة متمسك بشرطه الثاني ووضع شروطا لكيفية الانتخابات اوضحها بعد تصريحات البشير الاخيرة بتعجيل الانتخابات .

اذا اخي الحبيب مسالة التلويح بهزيمة الانقاذ عبر صناديق الانتخابات لم يكن وليدا لاتفاقيات لا تسوي الحبر الذي كتبت به والدليل ما حدث في اعتقال الدكتور النجيب

ولك التحية والتقدير





24-06-2006, 11:38 ص

kamalabas


.

تاريخ التسجيل: 07-02-2003
مجموع المشاركات: 4468
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

كتب الاخ محمدالحسن العمدة

Quote: اخي الحبيب مسالة التلويح بهزيمة الانقاذ عبر صناديق الانتخابات لم يكن وليدا لاتفاقيات لا تسوي الحبر الذي كتبت به والدليل ما حدث في اعتقال الدكتور النجيب


يا عزيزي الانتخابات القادمة ستجري بناء علي الاتفاقات الموقعة
مع السلطة فهل سيقاطعها حزب الامة? لاحظ أني أتحدث عن المشاركة في العملية الانتخابية وليس المشاركةالسياسية ....
....أما مباشرة النشاط السياسي العلني فقد أبتدره حزب الامة
بعد أتفاقات جيبوتي وجنيف.....فهل تلك الاتفاقات عدبمة القيمة ولا تساوي
المداد الذي كتبت به أيضا?
كمال





24-06-2006, 11:47 ص

خضر حسين خليل


.

تاريخ التسجيل: 18-12-2003
مجموع المشاركات: 2959
Re: الحزب الشيوعي السوداني يتحمل مسئولية تعذيب دكتور النجيب !! (Re: ناذر محمد الخليفة)

العزيز ناذر
تحياتي الحارة
بداية وينك ياخينا من ديك وعيك ..... (الرحلة أعني )
موضوعك زكرني بمقال لاحد حديثي التحليل وعديمي المنطق في هذه البلاد التي أصبحت فيها الفهلوة واستعراض العضلات من مكملات العمل السياسي . الكتابة التي اعنيها نشرت اليوم او بالامس بجريدة (راي الشعب) كتب هذا الكاتب في قضية الدكتور عمر النجيب وقال بأن الحادث فبركة من فبركات الشيوعيين ولم يكلف نفسه حتي الذهاب لمنزل الدكتور عمر النجيب والاطمئنان علي صحته (وحمديل السلامة) ولا ادري من اين جاء هذا العبقري بمثل هذه الفكرة . مادفعني لكتابة اعلاه هو تحميلك المسؤلية للحزب الشيوعي السوداني لما جري للطبيب عمر النجيب . في وقت تتمشدق فيه السلطة بالحريات وحق التعبير الخ الشعارات المرفوعة وفي ظل حكومة وحدة وطنية كما يشار لها الحادث يؤكد مدي تسلط السلطة ومدي انهزامها في مجابهة الراي الاخر اياً كان من يمثله ولا اعتقد أن توزيع بيان داخل جامعة سودانية لتوضيح راي تنظيم سياسي يجلب مثل ماتعرض له الطبيب عمر النجيب ماحدث يكشف تماماً ادعاءات السلطة وتمشدقها بالتحول الديمقراطي وغيرها من الادعاءات التي لم تطرح علي ارض الواقع . قضية الطبيب عمر النجيب قضية انسانية في المقام الاول وماحدث له من انتهاك يعد دخيل علي المجتمع السوداني بل وحتي علي مستوي المجتمعات الاخري .
تصعيد قضية الطبيب عمر النجيب هو واجب الشرفاء من ابناء وبنات الوطن
ملاحقة مرتكبي الجريمة وتقديمهم لمحاكمة عادلة هي واجب الساعة
ولي يوم جديد ياشعبنا

خضر





24-06-2006, 02:24 م

Imad Khalifa


.

تاريخ التسجيل: 26-11-2004
مجموع المشاركات: 299
Re: الحزب الشيوعي السوداني يتحمل مسئولية تعذيب دكتور النجيب !! (Re: خضر حسين خليل)

الأخ معتز تروتسكي صاحب التحاتا النواضر لك مثلها.
كتبت في ردك علي كمال عباس:

Quote: الشيوعين انا بعرف فيهم ناس فى جامعة القران خليها الاسلاميه..
مقفوله دى يعنى بى بعربى جوبا ده امكانية الشغل فيها مازى لمن الشيوعين يجو يشتغولو فى الاهليه ولا الخرطوم ولا السودان ...
اعتقد كده بقت واضحه..



مازلت تصر علي أن نشاط الشيوعيين فيه نوع من المخاطرة بحكم الوضعية الخاصة للجامعة الاسلامية مقارنا ذلك بمعرفتك لشيوعيين في جامعة القرآن كأنك لم تقرأ مداخلتي ةالأستاذ أبو قصي. أنا تحدثت عن قوانين ولوائح وشواهد، ليس لدي معرفة بجامعة القرآن الكريم ولكن ما حدث اكرره ثانية هنا هو أن الشيوعيين كسبوا قضية ضد عمادة الطلاب التي حاولت حظر نشاطهم بالجامعة في 87/1988، ولا أعتقد أن القاضي الذي حكم في القضية استند الي دستور السودان وقوانينه في ذلك الوقت بل ومن الضروري أن يكون قد بني حكمه علي قانون ولوائح الجامعة الاسلامية ونظامها الأساسي. وكما ذكر الأخ أبو قصي كان طلاب الجبهه الديمقراطية ممثلين في اتحاد الدستور النسبي وكانوا يسيطرون علي اتحاد كلية البنات.

عليه ياعزيزي، اذا اردت تفنيد حجج ومطالب الأستاذ كمال عباس عليك الأ تستند علي مسألة المخاطرة والمناطق المقفولة دي لان العمل السياسي بالاسلامية ليس حكرا علي أحد بل متاحا للجميع كسائر الجامعات السودانية الاخري.

عماد خليفة







25-06-2006, 03:24 ص

معتز تروتسكى


.

تاريخ التسجيل: 14-01-2004
مجموع المشاركات: 7078
Re: الحزب الشيوعي السوداني يتحمل مسئولية تعذيب دكتور النجيب !! (Re: Imad Khalifa)


خالص التحايا
الاستاذ
Imad Khalifa
تعرف شكلنا ماحنمرق من الملف لانو اصلو مافى ارضيه مشتركه للفهم انا قربت اقفل الموضوع ده واقول ليك موافق الذكرتو انت والاستاذ كمال كان غصبا عنى ولا رضا عشان نشوف شغله غير الموضوع ده..
خلاص الامر يا استاذ عماد ..انا كل حديثك الذكرتو بامن عليهو ماقلت لا اساسا
لكن دقق معاى فى ماذكرت (مقفوله دى يعنى بى بعربى جوبا ده امكانية الشغل فيها مازى لمن الشيوعين يجو يشتغولو فى الاهليه ولا الخرطوم ولا السودان ...)
واكدت ليك اكثر بانو ما مقفوله بالفهم الانت قاصدو باعتبار انو فى جامعة القران يوجد شيوعين فمابلك بجامعة الاسلاميه
وده بقودنا الى حديث الى ابعد من كده ؛فيما يتعلق بخصوص وضع الشيوعين فى السودان وو الخ وده موضوع تانى لكن لانى مقتنع بانو المسميات القاعده تنزل من اصحاب الهوس الدين وجماعات الاسلام السياسى دى مسيميات وفخ لطرد الشيوعين من الساحه او تنفير الناس منهم وبقدر مانجحو فى ذلك صراحه ساعدهم الشيوعين ايضا (عموما ده موضوع اخر- لكن من باب الذكر والتوضيح عشان الكلام مايبقى عايم)
نرجع تانى لموضوع مقفوله ومامقفوله..ونخرج من اطار الجامعات الضيق ده
فى فهمنا السياسى المتعارف عليهو بقولو ليك المنطقه دى (مقفلة لى ناس حزب الامه)
هل ده معناهو انو مافى شوعين فى المنطقه دي حتى لو كانت الجزيره ابا؟!!
بالطبع يوجد لكن امكانية الشغل فيها والمد بتاع التنظيمات الاخرى خلاف ناس الامه فيهو صعوبه انا ماقلت انو محال قلت فيهو صعــــوبة
لو جيت قلت لى فى الاسلامية (حزب الامه ولا الاتحادين) شويه بلقى انو الوضع بختلف ويمكن تلقى قاعده وطرح ليهو مد...
واذا حصل انو (الجبهه الديمقراطيه) كان ليها مد فى فتره من الفترات زى ده بقولو عليهو (طفرة) بالنسبة للج د فى الاسلاميه...
ثم انو بقت فى مسلمات وداير كسر حاجز نفسى حتى من الزملاء نفسهم زى الشغل فى الاسلاميه
لمن يكون فى شغل فى الاسلاميه مابكون فيهو قبول او اهتمام زي مابكون فى الخرطوم ولا الاهليه..
استاذنا وانت العارف كمان..
استاذ عماد قايتو تانى لو رجعنا نغالط بعض انا بقول ليك كلامك صاح ..
وتقبل خالص احترامى وودى

التحايا النواضر..
--------------------
استاذ
kamalabas
بخصوص الحديث عن انو الاسلامية منطقه مقفوله اعتقد فى ردى على الاستاذ عماد مايكفى..
اما بخصوص ماذكرته بخصوص صيغة الجمع ده فقط من خلال اتفاقك مع البعض عشان مايكون فى تخصيص ؛ثم اتفاقك ليس معناها انى صبغت عليك انتمائك لحزب معين ماكلنا نتلاقى مع البعض ونتفق
عموما فى المرات الجاية حاخصص ليك رد براك سيدى ...
اما بخصوص موضوع انى داير اخارج ناذر ؛ فقايتو ماعارف اقول ليك شنو استاذنا لكن اقول ليك بقدر ما انت بتتكلم عن نفسك لوحدك واثق فيها
انا بقول ليك بكل ثقه انا لمن دخلت واثق بانو ناذر بتكلم عن شنو وقاصد شنو ووضحت فوق عندما ذكرت(ناذر لو كان اساء للحزب الشيوعى كان بقولها ليكم فى وشكم ومابغطيها ؛وانا كنت وقفت ليهو قبلكم وقبل الحمله الماعرف زى ماقلت ..بعض العقلية القاعده تتعاملها مع الموضوع ماعارف عايزه هى كده ولا اساسا ماعارفه انها قاعده تعمل كده ؛ولا كمان تكون عارفه وتبقى مصيبه..)

واقول ليك لى هنا كفى الله المؤمين شر القتــال

والى لقيا اخرى قيل بعافية..والتحايا النواضر
(عدل بواسطة معتز تروتسكى on 25-06-2006, 03:45 ص)






25-06-2006, 03:27 ص

A.Razek Althalib


.

تاريخ التسجيل: 12-12-2004
مجموع المشاركات: 4481
Re: الحزب الشيوعي السوداني يتحمل مسئولية تعذيب دكتور النجيب !! (Re: Imad Khalifa)

خـدر..
حبابكـ..

Quote: شكرا كتير دي حركه (ماعاديه ) منكـ





متابع....





25-06-2006, 03:37 ص

ABU QUSAI


.

تاريخ التسجيل: 31-08-2003
مجموع المشاركات: 800
Re: الحزب الشيوعي السوداني يتحمل مسئولية تعذيب دكتور النجيب !! (Re: A.Razek Althalib)


Quote: تصعيد قضية الطبيب عمر النجيب هو واجب الشرفاء من ابناء وبنات الوطن
ملاحقة مرتكبي الجريمة وتقديمهم لمحاكمة عادلة هي واجب الساعة
ولي يوم جديد ياشعبنا




لا فض فوك يا خدر

وهنا المحك ....
مسمار معصلج والمفك
وأنا المفك
أربط وأحل الانشبك





25-06-2006, 03:41 ص

معتز تروتسكى


.

تاريخ التسجيل: 14-01-2004
مجموع المشاركات: 7078
Re: الحزب الشيوعي السوداني يتحمل مسئولية تعذيب دكتور النجيب !! (Re: A.Razek Althalib)

A.Razek Althalib
صدقنى لو مرقت منها بكون افضل لانو اساسا ماليك علاقة بالموضوع
لاداير تعالج لاتفلق
لا النجيب ده زميلك لاداير تشوف محل الخلل
سوى بعض الشماتات
فالافضل خليك بالخارج رغم انو مافى شى يتقال بعد ده
لكن لو عندك وكت فراغ الله ماكترت البوستات فى المنبر ده..
ده خلاف بوستك بتاع مرمى الله داك قضى فيهو غرضتك تب..
صدقينى انت ما مشكلتى انا مشكلتى البتكون معاهم فى خندق واحد!!!!!!!!!!!

وسلامز