$$ لــمــيــس $$ / إهداء خاص جداً ...

إلى من وهبتني أسرار الجمال ..
ومنحتني الأمل والثقة والرضاء ..
إلى من إنتشلتني من كل قبيح وزائف في دنياي البائسة ..
إليها وحدها وإلى كل من تماثلها حنان وجمال وطيبة قلب ..

كنت حينها صغيرا امارس (الزح) و الـ (شغب) بين الميادين !!

يا ابو النيذ ...مساءاتك وردية
قلت اشوف ناذر كاتب شنو لى لميس ...اولا لقيتها الغنية المهببة (المزعجة) دى... وما عرفت
عندك بت اسمها لميس عرسوها وحتسافر..
ولا (النسب)
ادتك شاكوش وعرست غيرك ..
ولا بس لميس ده اسم وعاجبك ســــــــــــــاااكت لله..
الكلام ده طبعا للبوست والمكتوب فبه فى الاول ..

اها قمت عملت لفّة وجيت لقيتك خاتى صورتك فى (بطاقة) لما كان عمرك 13 يعنى زى قبل كم وعشرين سنة كده..
احترت قلت ياربى ابو النيذ ده قصده شنو؟؟!!
ومغروض فى شنو؟؟
والمناسبة شنو؟
والغريبة انك قلت انك كنت بتمارس (الزح) و (الشغب) بين الميادين!!
طيب لميس فى الحتة دى وين؟؟
ويـــــــــــــــــــالميس
تلحقنا..

أمضيت زمنا طويلا من حياتي كـ (مغنواتي) يحلم بالإحتراف في هذا المجال ..
وفي سبيل ذلك كانت حفلات الاعراس والمناسبات المتنوعة والجلسات البريئة والغير ذلك هي ملاذي الدائم ..

كسلا وجبال توتيل لا زالت في الذاكرة عند مرورنا بها لبورتسودان للمشاركة في الدورة المدرسية في العام 1995 ..

هدية إلى خريجي الهند :



زواج جمال الـ BOSS مدينة يومباي 2000

ترى هل تتذكرون هذه الرموز ؟!!

عيد ميلادي (الـ كم وعشرين كدة) !! محتفلاُ به في مدينة بنقلور جنوب الهند ..

انت يا ناذر يا أخوي عازف الأورغن بتاعك دا نازل من لوري سفري قبل الحفله والله شنو

غدا 21/8 عيد ميلادي .. وهذه قصتي مع أعياد الميلاد !!!!

يالميس ياحروف ندية
بعد فراقك أيه أقول
العبرة خانقانى ..وبقاوم ..
فى الدموع ..شان مايشوفا زول
صحيح بكرة بتسافرى ..
والغياب البينا يالميس إطول !

سلامات ناذر ..ونحن بين الهادى والمهدى إليه ..إستمتعنا بالإهداء ..
تحياتى لكما .

بعدين البطاقه دي ظاهر عليك عامله براك قول لي ليه
اولا مافي ختم ثانيا الامضاء الفي البطاقه دا ما حق زول كبير أو مسئول دي امضاء بتاع شافع في سنه سادسه كدا وكمان راجف وخايف من حاجه وهو ماسك القلم.

Quote: لــمــيــس $$ / إهداء خاص جداً ...

هلا هلا ياناذر...
يعني احنا ناس قريعتي راحت ديل..ما لينا حتي(صولو) صغبوتية كده مافي..!!!
جعل ايامك كلها لميس ودهشة ..ودمت وريفا مبدعا يا ناذر

كل سنــة وانتا طيب يا ناذر ماخرا

وكل سنة ولميس بخير

وما تسال!!!

تعرف يا ناذر عندك زوق رهيب في اختيار الاغاني

(لميس) من اجمل اغنيات نادر خضر
يديك العافية

العزيز ناذر

بكل شغف في انتظار كل الحكاوي

وعن لميس

وعن زمان..

ملهم...

Quote: يا ابو النيذ ...مساءاتك وردية قلت اشوف ناذر كاتب شنو لى لميس ...اولا لقيتها الغنية المهببة (المزعجة) دى... وما عرفت عندك بت اسمها لميس عرسوها وحتسافر..

عشان غلطت وقلت للغنية إنها مهببة ما حا أرد عليك لحدي ما تعتذر !!

أي غنية فيها كلمة (لميس) حتى لو بتغنيها (عوضية كوجيم) ما بتكون مزعجة عشان فيها كلمة (لميس) !!

يا معاوية ...

Quote: انت يا ناذر يا أخوي عازف الأورغن بتاعك دا نازل من لوري سفري قبل الحفله والله شنو

الحفلة دي كانت وانا في تانية ثنوي (سنة 95) في مزرعة في الحلفايا و كان البعوض (أو النمتي) كتير جدا لدرجة إنو عازف الأورغ (هسي بيعزف مع نادر خدر) ما قدر يستحمل وقام غطى راسو بالملاية دي !!

Quote: و كان البعوض (أو النمتي) كتير جدا لدرجة إنو عازف الأورغ (هسي بيعزف مع نادر خدر) ما قدر يستحمل وقام غطى راسو بالملاية دي !!

اول مرة اعرف انو النمتى بيعضى فى الراس..لا بالله انت ماتقول مغطى الصلعة حقتو كان احسن
شكراً للندى يا ناذر

تماضرالخنساء ....

Quote: سلامات ناذر ..ونحن بين الهادى والمهدى إليه ..إستمتعنا بالإهداء .. تحياتى لكما .

أحد القراء من غير الأعضاء تحدث لي طويلا ليلة الأمس وذكر لي أنه يعتبر تماضر الخنساء حمزة (أكتب من مشى على ظهر هذا البورد) وذلك من وحي قراءته لجميع ما كتبت في هذا المنبر (من حيث إعتقاده) !

صنفرة :

لم أستطع مناقشته لعدم متابعتي.. لكن (أعذريني) لم أقرأ كل ما خطيتينه في هذا المنبر وإن كنت وعدته بأنني سأفعل !!

معاوية ....

Quote: ثانيا الامضاء الفي البطاقه دا ما حق زول كبير أو مسئول دي امضاء بتاع شافع في سنه سادسه كدا

ما انا الزمن داك كنت زول كبير ومسئول لكن (في سنة سادسةإبتدائي وكدة) !!
هو المسئول الكبير قالولك عندو عمر معين أو إلا يكون خريج من مرحلة معينة !!

صنفرة :

الوكت داك انا كنت جناح أيمن في الفريق وكابتن التيم وفي نفس الوكت المدرب بتاعو !! ورئيس مجلس إدارتو ورئيس معارضة الإدارة بتاعت الفريق .

إيش (اللي) يمنع !!

كيكي (ما ميكي) ....

Quote: جعل ايامك كلها لميس ودهشة ..ودمت وريفا مبدعا يا ناذر

تسلم يا حبيب ..

البوست دا فيهو قريبة الميتين صورة من مختلف (الحقب) إنت بس أصبر لي ولي لميس !!

شنكل :

شفت (مختلف الحقب) دي حلوة كيف !!

بوب ياحريف ..

Quote: كل سنــة وانتا طيب يا ناذر ماخرا وكل سنة ولميس بخير

وإنت بخير .. بس ما قلت لي ..

عرسي كيف ؟!! تجي ولا نجي !!

شوشتا ..

Quote: (لميس) من اجمل اغنيات نادر خضر يديك العافية

بس ملهم بيقول إنها غنية مزعجة وانا طالبتو بي إعتذار !!
إنت أو ملهم في واحد فيكم عندو موقف شخصي مع الغنية دي !!

شنكل :

أها كيف الدبارة (من اجمل أغنيات نادر خدر) ولا (غنية مزعجة) عشان نرسي على بر !!!

يا سلام عليك يا دكتور شهاب ..

Quote: العزيز ناذر بكل شغف في انتظار كل الحكاوي وعن لميس وعن زمان..

الناس الفوق ديل كلهم إتشنجو وما صبرو وإنت الوحيد الـ (إتريثت) عشان تفهم الحاصل !!

شنكل :

مع ملاحظة إنو كلمة (إتريثت) دي أنا تعبت جداً لحدي ما كتبتها هنا ..
ما قاعد إستعملا إلا للضرورة (المنبرية) القصوى !!

المذيد من الصور والذكريات في الطريق ...

يا لــمــيـس ..0

ساعتها كنت (مسرحجياً) صغيراً بمدرسة الخرطوم الثانوية الجديدة ونلت جائزة أحد أفضل عشرة ممثلين على مستوى ولاية الخرطوم في دوراتها المدرسية التنافسية العام 1994 ..

صنفرة :

الاستاذ النوراني الحاج الفاضلابي والاستاذة القديرة حياة طلسم كانا المشرفين على تلك الدورة !!

تظهر آثار (الخُلعة) بادية على صورتي عندما أُخبرت بأن هذا اليوم هو آخر يوم للتقديم للجلوس لإمتحانات المرحلة المتوسطة العام (1991) وفي ذات اليوم وقف شعر رأسي (ستاند باي) من شدة خوفي من ان يتم حرماني من الجلوس للإمتحانات وظهر هذا الخوف في (شعر رأسي) !!

إهداء إلى شباب الهند و (بونا) الحنونة ..

حي باشانت الجميل العام 1998 و (قضينا ليلة ساهرة) مع الشباب نجيب محفوظ و (حسان) و (كوكروش) مع باقة من أغنياتي الثورية تلك الايام (المناضل الذي كان) !!


صنفرة :

ماقد كان وما سيكون !!

كونتونمينت بنقلور إنديا.. في وداع الصديق نجيب محفوظ (يسار) ويظهر (يمين) الزول الولوف جداً الصديق عبد العزيز الجندي ..

WAY TO TOILET مع التجسيد الإيضاحي لغير الناطقين بالإنجليزية !!

بوب ..

الصورة دي :




ما عارف انا مرتبط بيها كتير كدا ليه !! .. أحيانا كتير بختها (وول بابير) في كمبيوتري ومرات بتفرج عليها فترة طويلة جدا وبتامل في شخوصا !!

صدقني الناس الفي الصورة ديل (ما اعزهم عليك) من أجمل من قابلتهم على الإطلاق !!

صديقى ابو النيذ ..اسعد الله الصباحات ...
واسعد الله لميسك اينما كانت..

Quote: عشان غلطت وقلت للغنية إنها مهببة ما حا أرد عليك لحدي ما تعتذر !! أي غنية فيها كلمة (لميس) حتى لو بتغنيها (عوضية كوجيم) ما بتكون مزعجة عشان فيها كلمة (لميس) !!

عارف يا ابو النيذ لانكـ صديقى وبس انا حا اعتزر ليك ولى لميس ...
لكن للغنية لا والف لا ...
وزكرياتك وصورك على العين والراس...
بس انت الطفرة (الشكلية) الحصلت ليك شنو فى الهند؟؟
تحياتى ..
دم ولميس بالف خير...

ملهم ...

Quote: عارف يا ابو النيذ لانكـ صديقى وبس انا حا اعتزر ليك ولى لميس ... لكن للغنية لا والف لا ...

إعتذارك مقبول .. بس أنا ما عارف الغنية الجميلة دي ما عاجباك لييه !!

Quote: بس انت الطفرة (الشكلية) الحصلت ليك شنو فى الهند؟؟

كنت هناك فاقد حنان وكدة !!

هو بالله إنته كنته سغييير كده يا ناذر
الله يسالنى كنته قايلك ولدوك بشنبك
و بعدين مالك ضعفان كده

<<<<<<<<<<

كل عام وأنت بخير يا أخي ناذر ..


يا ابني إنت درفون أو "ورع" بكسر الواو والراء ..

حظك استمتع بحياتك ..

مع أن الصورة أكبر من كدا ..

لكن نقول شنو ؟ الله غالب ..





تحياتي،،

عمك

جاد

Quote: الحفلة دي كانت وانا في تانية ثنوي (سنة 95) في مزرعة في الحلفايا و كان البعوض (أو النمتي) كتير جدا لدرجة إنو عازف الأورغ (هسي بيعزف مع نادر خدر) ما قدر يستحمل وقام غطى راسو بالملاية دي !!

نازر يا اخوي وانت كنت محصن ؟





تحياتي لك ولى لمبس . .

ناصر البطل :

Quote: هو بالله إنته كنته سغييير كده يا ناذر الله يسالنى كنته قايلك ولدوك بشنبك

شنب شنو !! يا زول قول ما شاء الله دي رُكْبَتي

جاد

قلت لي (عمك جاد) !!

Quote: كل عام وأنت بخير يا أخي ناذر .. يا ابني إنت درفون أو "ورع" بكسر الواو والراء .. حظك استمتع بحياتك .. مع أن الصورة أكبر من كدا .. لكن نقول شنو ؟ الله غالب ..

وإنت بخير يا جاد لكن دي ياها صورتي الطبيعية ما اكبر ولا حاجة !!

طارق ..

Quote: نازر يا اخوي وانت كنت محصن ؟

ما محصن والله بس إستحملت اعمل شنو !!

دايرني أغني وانا خاتي في راسي البتاعة دي !! ناس الحلفايا ديل ناس صعبين ما بيفرزو دا فنان مدسي من البعوض من (صبحية رقيص عروس) .. عكاكيزم قريبة وما بيتفاهموا ..
قلت احسن النصبر .. وعدت والحمد لله ..

ناذر تحياتي يا حلو
أسعد الله ايامك مع لميس ونحن خلينا مع التميس

(التميس نوع خبز باكستاني الواحدة منو قدر الطش)

بشرى سليمان ..

Quote: اول مرة اعرف انو النمتى بيعضى فى الراس..لا بالله انت ماتقول مغطى الصلعة حقتو كان احسن

صلعة هي ولا طبق البيغتوها بي حاجة قدر دي

بعدين النمتي ما شرطا يعضي في الصلعة ،، هو بس مزعج لمن يتحاوم فوق راسك .. بيتنشن بيك شديد .. يعني زولي البيعزف أورغن دا كان ممكن عادي يطلع برا الزمن او يفرق سلم لو جاتو نمتاية ودخلت ليهو في (نخرتو مثلاً) !!

شرفت والله يا معاذ ..

Quote: ناذر تحياتي يا حلو أسعد الله ايامك مع لميس ونحن خلينا مع التميس (التميس نوع خبز باكستاني الواحدة منو قدر الطش)

والتميس دا بيبيعوهو ليكم بي حجمو دا ولا بيعملوليهو ضغط بي برنامج قودزيلا في الاوال

بطاقة عضوية إتحاد مدرسة الخرطوم الثانوية الجديدة ..

(بنين طبعاً) !!

بطاقة عضوية فرقة المرافي للموسيقى والمسرح !!
عانت معي كثيرا هذه الفرقة وهذا الإسم ، أسست هذه الفرقة داخل مدرسة الخرطوم الثانوية الجديدة في العام 1993 ولاقت نجاحاً كبيرا وإنتشاراً متعاظماً ولظروف كثيرة لم يكتب لها الإستمرارية فكان أن حملت جميع أوراقها الرسمية من أختام وورق مروس وبطاقات وأسست الفرقة مرة أخرى في الهند وقدمت عدة عروض في عدة مناسبات وكان لها كبير الأثر في إثراء الحركة الثقافية بمدينة بنقلور كما كانت تصدر مجلة ثقافية دورية تحت إسم (السمندل) ..

الإستعداد وتجهيز الاعمال الغنائية إستعداداً للإحتفال بعيد إستقلال السودان العام 1999

مدينة بونا الحنونة .. غرب الهند وإحدى الليالي الزاهية !!

Nazir pleasssssssssss i want this song ..give me the file to save ...Thanks in advance ya man wa nice pics wali ...7aja tmam

Quote: كل سنــة وانتا طيب يا ناذر ماخرا وكل سنة ولميس بخير[/B

]

طالمابوب حريف نتحرفن معاو

وكل سنة إنت ولميس بخير

تحياتى

رأفت

قــلته كده يا رافت ميلاد!!

قبل النهاية مشتاقين ياخالو!!

الاخ نادر التحايا الطيبه والامانى المرهفه وانت تنعش هذا الاسم الجميل جدا الذى اكاد ان اكون متيم به ولو بيدى كنت اطلقت على الجميع اسم لميس الرائع
كذلك مدينة بنقلور الجميله التى كما زكرت فى جنوب ذلك البلد العريق تؤسرنى تلك المدينه رغم انى لم اراها ولم ازر الهند حتى لـــــــكـــــن كان من المفترض ان ادرس فيها حتى وصلنى القبول من الجامعه عموما قدر الله وما شاء فعل فلم تكتب لى الدراسه هناك.
ودى

مهيب ..

Quote: Nazir pleasssssssssss i want this song ..give me the file to save ...Thanks in advance ya man wa nice pics wali ...7aja tmam

تسلم كتير ..

غايتو حا اديك اللنك عشان تحفظ الغنية... ما عشان خاطر اي حاجة لكن بس ..

عشان خاطر إنجليزيك العامل زي عربي جوبا الخاص الكتبتبيهو المداخلة الفوق دي

هاك :

SAVE 2 PC

رأفت ميلاد ..

Quote: طالمابوب حريف نتحرفن معاو وكل سنة إنت ولميس بخير تحياتى رأفت

تسلم كتير ... وإنت بخير برضو ..
مشكور كتير على الجهد البذلتو في صورتي الـ بي هناك

علي مرحب بيك ..

Quote: الاخ نادر التحايا الطيبه والامانى المرهفه وانت تنعش هذا الاسم الجميل جدا الذى اكاد ان اكون متيم به ولو بيدى كنت اطلقت على الجميع اسم لميس الرائع كذلك مدينة بنقلور الجميله التى كما زكرت فى جنوب ذلك البلد العريق تؤسرنى تلك المدينه رغم انى لم اراها ولم ازر الهند حتى لـــــــكـــــن كان من المفترض ان ادرس فيها حتى وصلنى القبول من الجامعه عموما قدر الله وما شاء فعل فلم تكتب لى الدراسه هناك.

ودي فرصة عشان تعرفتا اكتر بمعنى كلمة (لميس)..

صورة (فيلانقني)زميلة الصف في الكلية.. أول فتاة هندية إتعرف عليها وصارت ملاذي الدائم عند الملمات والشدائد ..

تزوجت (فيلانقني) قبل عامين وأنجبت طفلها الأول ... لها الف تحية وزهرة

مدينة بورسعيد 1994 ..
رحلة جماعية إلى مصر بصحبة عدد من دفعة مدرسة الخرطوم الثانوية الجديدة ..

مستر هاريداس وإبنه باريش جيراني في مدينة بنقلور الهند .. 2001
الصورة في ردهة منزلي جلسة خاصة إحتفالا بترقية مستر هاريداس مديراً لبنك بارودا بالمدينة ..

ليلة صيفية في سطح إحدى فنادق بومباي إحتفالاً بزواج أحد الأصدقاء ..

حديقة (لال باك) أو حديقة الزهور ..
مدينة بنقلور الهند 2001

ناذر كيف اخبارك ان شاء الله كلو فى محلو

طبعا انا دخلت عندك هنا ومفتكر حتكون فى قصة ذى حقت صاحبك دا بتاع الغزالة والاسد

لكن لقيت الشغلانية كلها صور و زكريات صادقة ونبيلة

لكن الاغرب لقيت فى الصورة العلقت عليها بان من فيها هم ناس غاليين عندك وكدا
واحد قريبى اول واحد من اليمين ( صالح عبدالرحمن صالح ) صح ولا العتب على النظر

المهم الغريب فى الامر انه الزول دا ساكن فى الابيض وانت ساكن الخرطوم 3 وبعدين هو درس فى الزقازيق وانت زى ماعرفت من الصور انك درست فى الهند يعنى شنو اللما الشامى على المغربى ؟؟؟؟؟؟؟؟؟؟؟؟؟؟؟؟؟؟
فى انتظار التفسير

صنفرة ولا اقول ليك خليها بدون صنفرة

احمد العمار

يا سلام يا ناذر
أغنية رائعة من شخصية أروع.. وصور جميلة


الله يحفظك

الزميل أحمد العمار ..

Quote: لكن الاغرب لقيت فى الصورة العلقت عليها بان من فيها هم ناس غاليين عندك وكدا واحد قريبى اول واحد من اليمين ( صالح عبدالرحمن صالح ) صح ولا العتب على النظر

الصور الفوق دي كلها ملتقطة في مناسبات مختلفة وفي أمكنة كثيرة متنوعة
صورة قريبك صالح دي ما في الهند ، دي ملتقطة هنا في الخرطوم قدام منتدى الخرطوم جنوب الثقافي ..

شرفت يا دكتور محمد الطاهر ..

Quote: يا سلام يا ناذر أغنية رائعة من شخصية أروع.. وصور جميلة

تسلم كتير .. وفعلاً ما في أروع من لميس ...

العزيز ناذر

يبقالي زي المتداخلين قطعوا سردك عن لميس
زي واحدة خاته عينا علي واحد زميلها بكتب
شعر اها يوم بقرا ليها في قصيدة النوع بتاع
الحب الفي الله ساكت داك يعني ما مقصودا بيهو
زولة بعينها،، صاحبتنا مقهيا معاهو لمان كمل
القصيدة قامت قالت ليهو القصيدة دي زي الما انتهت
كدا.. واحد مركز معاهم لمان طلعوا قاليهو و الله
الزولة دي ما فضل ليها الا تقول ليك دي ما انا زاتي
بس اسمي وين؟

يا سلام عرس البوص قالوا كان حدث كبير ناسب قدر الرجل
العظيم. طبعا هو الان في امريكا جاب ليهو بنية ما شاء
الله و مبارك عبد الخالق في كندا و بالمناسبة عنده عضوية
في المنبر بس شدهات الغرب دي البتتلحوا تنسيهو نفسو
اهو متنقل من مدينة لمدينة و معاهم بهناك ابوكم الروحي
عبد القادر بنقلور (الان في السودان تقريباً).
طبعا نحنا ناس مدراس كنا نشوف بنقلور و ميسور زي جنة
عدن الان مدراس بقت واحدة من عواصم العالم في مجال الكمبيوتر
خاصة ال software

جميل يا ناذر ... دمت وارف الجمال ... مسيرة حياتك حلوة ... لكن عندي سؤال إنت العازف بتاع الأورغن المعاك في الصورة الأولى مدمدم مالو ... هناك إحتمالات كثيرة نذكر منها
إنو كان بردان رغم إنو في شمس والناس في جنينة ...
أو يكون جاء الحفلة وعندو ملاريا ( يعني ماسكاهو أم برد ) فكيت منو الدرب وجبتو الحفلة
أو الحلاقة مخرمجة ...
أو الراس محتاج سمكرة ...
أو كنت بتغني ليهو الشعب العربي وين وما لقى الشال بتاع فلسطين ...
أو ...............................................................
عموماًعسى الداعي خير ...

لكن إختيارك جميل ( لميييييييييييييييييييييييييييييييييييس ) الفاتح حمدتو ونادر

العزيز نصار ..

Quote: زي واحدة خاته عينا علي واحد زميلها بكتب شعر اها يوم بقرا ليها في قصيدة النوع بتاع الحب الفي الله ساكت داك يعني ما مقصودا بيهو زولة بعينها،، صاحبتنا مقهيا معاهو لمان كمل القصيدة قامت قالت ليهو القصيدة دي زي الما انتهت كدا.. واحد مركز معاهم لمان طلعوا قاليهو و الله الزولة دي ما فضل ليها الا تقول ليك دي ما انا زاتي بس اسمي وين؟

تعرف يا نصار أنا عندي إشكالية في البوستات البكتبا .. اللي هي أنا لا زم أرد على كل متداخل وأسايرو في ردو حتى لو ما إنتهيت من موضوع البوست ، وبي صراحة كلامك صاح السرد بتاع لميس ما إنتهى .. لكن مع تواصل الردود والتعقيبات الفكرة الداير اوصلا طارت من راسي !!
عشان كدة قلت انزل الصور بس .. والباقي أخليهو بالنية !!

Quote: يا سلام عرس البوص قالوا كان حدث كبير ناسب قدر الرجل العظيم. طبعا هو الان في امريكا جاب ليهو بنية ما شاء الله و مبارك عبد الخالق في كندا و بالمناسبة عنده عضوية في المنبر بس شدهات الغرب دي البتتلحوا تنسيهو نفسو اهو متنقل من مدينة لمدينة و معاهم بهناك ابوكم الروحي عبد القادر بنقلور (الان في السودان تقريباً).

والله عرس البوص في بومباي كان جميل جدا وحدث رائع إتذكر أنحنا سافرنا شلة من بنقلور لحدي بومباي وقضينا وكت ممتع مع الشباب ..

أنا طبعا مما جيت المنبر بسمع إنو مبارك عبد الخالق عضو هنا !! لكن لحدي هسي ما لميت في مداخلة ليهو او بوست كاتبو !
عبد القادر بنقلور تقريبا هو ترك كندا ورجع السودان بس للأسف ما قابلتو حتى الآن .. لأنو في حالة سفر دائم داخل وخارج السودان ..
أهديك صورة الغلاف لكتابي الجديد عن الهند وبنقلور :

شرفت البوست يا مجاهد ..

Quote: جميل يا ناذر ... دمت وارف الجمال ... مسيرة حياتك حلوة ... لكن عندي سؤال إنت العازف بتاع الأورغن المعاك في الصورة الأولى مدمدم مالو ... هناك إحتمالات كثيرة نذكر منها

إنت الظاهر جيت منقشط من نص البوست وما قريت التعليقات كلها لانو سؤالك دا انا رديت عليهو فوق :

Quote: الحفلة دي كانت وانا في تانية ثنوي (سنة 95) في مزرعة في الحلفايا و كان البعوض (أو النمتي) كتير جدا لدرجة إنو عازف الأورغ (هسي بيعزف مع نادر خدر) ما قدر يستحمل وقام غطى راسو بالملاية دي !!

الله يخليك يا مجاهد :

Quote: لكن إختيارك جميل ( لميييييييييييييييييييييييييييييييييييس ) الفاتح حمدتو ونادر

تتصور قدر ما حاولت أستنتج شاعر الغنية وملحنا فشلت والله .. لكن اصلو ما جا في بالي الفاتح حمدتو ..

تسلم كتير

مكرر

حفل إستقبال الطلبة الجدد ..
بنقلور إنديا 1997

نفس الشئ !!

امام المنزل ..

إحدى حدائق المدينة ..

احد مطاعم البلد الشعبية ..

أو باي
أوردو جانتا هي؟
كيهالي!
مي توم سي بيار كرتا هُو

حبيبة نورة
شرفت وآنست والله ..

Quote: أو باي أوردو جانتا هي؟ كيهالي! مي توم سي بيار كرتا هُو

جي أوردو بيركل جانتا هي
مي بوهوت بروبر هي .. توم أشا هي ؟
مي هاميشا بيار توم ميري دوست ..

صنفرة :

فير مولاقات كي دونقا !!

جوار صديقي الولوف معتز تروتسكي في حفل زواج شقيقة العزيز الحميم لقمان حسن همام .. الخرطوم... أيام أحداث الإثنين الأسود

عشرة أعوام كاملة تفصل هاتين الصورتين ..
لعل الفرق الوحيد هو إختلاف المكان والعود وفريم النظارة ..

ومقاس البنطلون !!!

يالميس ياحروف ندية
بعد فراقك أيه أقول
العبرة خانقانى ..وبقاوم ..
فى الدموع ..شان مايشوفا زول
صحيح بكرة بتسافرى ..
والغياب البينا يالميس إطول !

رحلة (ود العقلي) ..الكلاكلة 1999

إحدى لقاءات بورداب الخرطوم 2005

رحلة بورداب الخرطوم إلى توتي 2005

بومباي بالقرب من (indian gate) عام 1999

مطعم (شانتي ساقر) بنقلور 2001

رحلة إلى توتي ..بورداب الخرطوم 2006

Quote: إلى من وهبتني أسرار الجمال .. ومنحتني الأمل والثقة والرضاء .. إلى من إنتشلتني من كل قبيح وزائف في دنياي البائسة .. إليها وحدها وإلى كل من تماثلها حنان وجمال وطيبة قلب ..

واللاي حـاجة روعــة يا نيــزو ... اهــا الحــاجــات دي ادوك ليها كلهــا بالدولار و لا شنــو ... لآنو شـايف البوســت مفتــوح بالدولار ... أريتــو حــالــي يا يابا.... و واصــل ...

هيثــم....

هيثم يا ولدنا ..


كييييفك الدولار دا اهم حاجة اليومين ديل

هاك الهدية دي :



حفل بورداب عكس الريح بالخرطوم السنة الفاتت ..

]<<<<<<<<
<<<<<

فـوق يا فنان

بدون منازع ....اثبته ان الفنانه شروق

ليس لديها تاريخ !!!!!


كعب العدم !!

up

الاخ ناذر
تحياتى
غايتو ياخوي صورتك النشرتهم ديل
واحدة بتشبه التانية مافي مرة كبير
ومره ماشي صغير ومره بشنب مره بدون شنب
ومره قصير ومره طويل...الخ انت داير تتوهنا
والامدسي من ناس الامن
عموما جاينك قريب في الخرطوم وانشاء الله رحلاتكم
السمحة دي تضوقونا ليها
وماشاءالله عليك لاميهم وتر وكفر
مع ودى
ونلتقيك

بوب ..

Quote: فـوق يا فنان بدون منازع ....اثبته ان الفنانه شروق ليس لديها تاريخ !!!!!

غايتو يا بوب زي نوعية مداخلتك دي الواحد لو رد عليها بيخش في متاهات ومجازفات ومخارجات وابقى بعدين في (والله أنا ما قاصد كدة) و (دا كلو من بوب) و (داك رد جا في سياقو بس)

غايتو ..

الله يديك العافية يا بوب .. تسلم ..

Quote: غايتو يا بوب زي نوعية مداخلتك دي الواحد لو رد عليها بيخش في متاهات ومجازفات ومخارجات وابقى بعدين في (والله أنا ما قاصد كدة) و (دا كلو من بوب) و (داك رد جا في سياقو بس)

يا ناذر

سلامات ياخى ماقصدى والله يعلم ..بس دى طريقة كلام الواحد كده ماقصدى والله
وحتى لو كان القصد فانتا اهل للرعايه الفنيه ...بس شايف الشغله بقت الا تلبس طرحه وتضرب منكير حقيقه بقدرك كفنان بحب الفن وليس متسلق للفن وهناك الفرق
بوستك رائع حقيقه وتوثيقى لبعض الطرقات فى حياتك ..ودى شى جميل جدا..
انا جاى العرس .... اذا انتا ما نطيت فوق لســه!!!

تسلم يا جيب

معتصم سلامات ..

Quote: الاخ ناذر تحياتى غايتو ياخوي صورتك النشرتهم ديل واحدة بتشبه التانية مافي مرة كبير ومره ماشي صغير ومره بشنب مره بدون شنب ومره قصير ومره طويل...الخ انت داير تتوهنا والامدسي من ناس الامن

تعرف انا قصدت إنو الصور تكون جايطة وما متسلسة و ما مرتبة عشان الذكريات تهيج في ذاكرة المهدى إليه مع كل لقطة جديدة ..

ناس الأمن ما عندي بيهم شغلة ولا هم عندهم بي شغلة

Quote: عموما جاينك قريب في الخرطوم وانشاء الله رحلاتكم السمحة دي تضوقونا ليها

مرحب بيك كتير يا معتصم وفي إنتظارك ..

الغريبة ياناذر الصور مرتبة بشكل رهيب
كلو مرة زايد شوية
انا خايفك بعد شوية تجيب صورة بكرى ابوبكر وتقول (ناذر -أريزونا)
لك التحية لهذا التاريخ العظيم
لنا عودة

>>>>>>>>>>>>>>>>>>>>>>>>>>>>>>>>>>>>>>>
>>>>>>>>>>>>>>>>>>>>>>>>>>>>>>>>>
>>>>>>>>>>>>>>>>>>>>>>>>>>>>>>

محمد سنهوري ..
شرفت البوست ..

Quote: الغريبة ياناذر الصور مرتبة بشكل رهيب كلو مرة زايد شوية

أنا ما قصدت الترتيب دا لكن الظاهر الصدفة لعبت دور كبير ..

Quote: انا خايفك بعد شوية تجيب صورة بكرى ابوبكر وتقول (ناذر -أريزونا)

هاك دي لحدي ما نصل أريزونا :



ناذر - توتي

بوب ..

Quote: حقيقه بقدرك كفنان بحب الفن وليس متسلق للفن وهناك الفرق بوستك رائع حقيقه وتوثيقى لبعض الطرقات فى حياتك ..ودى شى جميل جدا..

تسلم يا بوب بس في معلومة انا نوهت ليها في كم حتة ..
أنا حقيقة تركت الفن والغناء وإعتزلت الحكاية دي .. وهسي ما بمارس الفن عامة إلا في نطاق ضيق جدا ومجاملات لمقربين وكدة ..

Quote: انا جاى العرس .... اذا انتا ما نطيت فوق لســه!!!

النطة واردة يا بوب .. حسب الظروف .. ما مني أنا

Quote: >>>>>>>>>>>>>>>>>>>>>>>>>>>>>>>>>>>>>>> >>>>>>>>>>>>>>>>>>>>>>>>>>>>>>>>> >>>>>>>>>>>>>>>>>>>>>>>>>>>>>>

تسلم يا لذيذ ..

الحبيب ناذر الخليفة
تذكرنى صورك الشخصية هذة بحياة الطلبة عندنا هنا فى جمهورية مصر العربية
وفعلا ياحبيب هذة الايام والذكريات من احلى الايام لدى الانسان
والله ياحبيب ذكرياتك هذة تذكرنى دوما باصدقاء لى كانو قبلى فى الدراسة وتخرجو
ودائما استرجع شرئط الذكريات معهم
والله ياحبيب شديتنى بانى اوثق هذة الاشياء والصور وانا لست من هواءة الصور
وللكن ياناذر بعد كدا ححتفظ باى صورة
وياريت ياناذر معتز تروتسكى ارجع للمنبر
ويحكى لينا عن حياة الطلبة هناك لانى مشتاق ليهو شديد

يا ناذر يا ولدي
داير تقنعنا أنو الطفل البريء داك هو انت البعاتي دا؟؟

محبتي
رحيم

محمد عادل ..

تعرف يا حبيب .. حياة الطلبة السودانيين في كل الدول متشابهة نوعاً ما .. بس في الهند عندها طعم خاص جدا وذكريات لا تنسى وأكبر دليل على ذلك إنو بوست الطلبة الدرسوا في الهند في المنير فيهو أكبر عدد من المداخلات والزوار على مستوى المنتدى كلو ..

معتز تروتسكي طفش الطفشة الياها .. أقنع منو ..

رحيم سوداني ..

انا والله برئ برية ما عادية بس المنبر دا قوم لي قرون وجاب لي الحالة 31 !!
بعدين في بعاتي معاك حق .. أديبنا عثمان محمد صالح دخلني تابوتو قريب التلتاشر مرة وأنا كل مرة بتلب منو

هاكم دي الإتنين :