طلب مساعدة .. موقع به أكبر كمية من الاغاني السودانية (مكتوبة ) ..

الأخوة الاعزاء ..

أحتاج وبشدة لعنوان أي موقع سوداني أو غيره به اكبر كمية من الاغاني السودانية ... مكتوبة كتابة
لانني أحتاج إليها بشدة ..


فمن يتكرم بالمساعدة ويدلني على العناوين ؟؟!!

Osman M Salih
Limburg
Venray
Mozatsraat22
Netherlands

.......

Osman Salih

.......

من شعر الفصحى فى الغناء السودانى

http://www.geocities.com/sudanesemustafa/watan.html

lack of inspiration

ود الجيران ده شنو ده..
بالغت فيها عديل كده..

بعدين عامل عثمان ده بى لطافه مازهج منو كلو كلو اوكى..
زى ماقالو ليك..

Quote: يا اللخو !!!! إنتا داير تصاحبني ولا شنو ؟؟!!! عنوانك دا رسلو لي هواة التعارف في مجلة ميكي جيب .. ما هنا ...

اما لموضوع كلمات الاغانى انا لوفاضى بجضم ليك الشغله لكن معليش
ماااااااااااااااااااااك مئليم
وبعام قعادات
كدى خش الوقع ده.فيهو قسم بتاع كلمات الاغانى..
الايام انا واقع ليك ود الجبل سماع بادمان يارفيق
www.sudanese.net

Quote: lack of inspiration

عثمان ياخوى انت البتكتبو ده انجليزى ولا هولندى عشان مايتخلبط علينا الاختصاص..
براهو الواحد بقى مجلى ..

حريف عديل كدا ياود الخالة , جبت صورة الفاروق وعشان عارفه ممكن تتسبب في تغيير لونك الى الاسود الذي يسر الشامتين قمت جبت موضوع موقع الاغاني ( قديمة) الحيلة عندك وصدقني
لو ما بركات صورة أخونا عثمان لكنت الان أسطر بوست طويل عريض أطالب بعودتك فورآ وأندد بالظلم والتسلط , وأشجب وأدين عدم الالتفات للمطالبات الكتيرة بعودة صاحب الوجه ال...
أيوبأ دقست الفاروق الذي تتلقاه المناشدات بالعودة والتنديد بعلاء السي آي أيه, ورسالة
خالدة ذات مطالبة واحدة هي عودة الفاروق ولو ما ح ترجعوه حنعلق صورته لصد كل المحاولات لنسيانه وهيهات وعاش كفاح الشعوب المنتفضة,,, ويا ناذر مش لو ركبت صورتو لو ولو ولو ولو
لولوها زي ماداير لو ما رجع عمرالفاروق ح يجي فاروق أخر وسيستمر تمرد الشعوب البوردابية
لحين اشعار اخر لك محبتي اخي ناذر وما تطول الغيبة.

الأخ بناديها

شكرا جزيلا للإستجابة ..
وحقيقة لم ألتفت إلى وجود بوست بهذا الإسم في المنبر فلك الشكر ..
أما البوست الثاني فأقل ما يمكن قوله ...

أنه كل ما إحتاج إليه ....

لك الشكر ..

الحبيب الرفاعي
حريف عديل كدا ياود الخالة , جبت صورة الفاروق وعشان عارفه ممكن تتسبب في تغيير لونك الى الاسود الذي يسر الشامتين قمت جبت موضوع موقع الاغاني ( قديمة) الحيلة عندك وصدقني
لو ما بركات صورة أخونا عثمان لكنت الان أسطر بوست طويل عريض أطالب بعودتك فورآ وأندد بالظلم والتسلط , وأشجب وأدين عدم الالتفات للمطالبات الكتيرة بعودة صاحب الوجه ال...
أيوبأ دقست الفاروق الذي تتلقاه المناشدات بالعودة والتنديد بعلاء السي آي أيه, ورسالة
خالدة ذات مطالبة واحدة هي عودة الفاروق ولو ما ح ترجعوه حنعلق صورته لصد كل المحاولات لنسيانه وهيهات وعاش كفاح الشعوب المنتفضة,,, ويا ناذر مش لو ركبت صورتو لو ولو ولو ولو
لولوها زي ماداير لو ما رجع عمرالفاروق ح يجي فاروق أخر وسيستمر تمرد الشعوب البوردابية
لحين اشعار اخر لك محبتي اخي ناذر وما تطول الغيبة.

أها إعترفت بيك حريف وفاهمني كويس مع إنو عمليتي ما قديمة
إنتا يا مان قايل الناس الهنا كلهم حرفاء زيك
هسي هم كان راسم ضارب وما فاهمين الحاصل

هاهاهاهاهاهاهاااااااااااااااااااااااااااااااااااااااايييي

عزيزي عبد اللطيف ...

ضحكتك بالدنيا والله
يس إنشالله تكون فهمت حاجة لإنو الرفاعي دا برضو تفتيحة
انا شخصيا ما فاهم شي لو فاهم ضحكني معاك عشان نكتل لي الرفاعي الدش في إيدو

Quote: لإنو الرفاعي دا برضو Quote: تفتيحة

دى معنها شنو؟ والله مستغرب عايز اعرف
انتو بتكلموا لغات ولا شنو؟

ود الجيران

Quote: هاهاهاهاهاهاهاااااااااااااااااااااااااااااااااااااااايييي

ده شنوده!!!!

انا قايل نفسى خاشى بوست غلط. ..

ياحبه ده عبث طفولى
اقلع حالا
عما تفعله
ياود الجيران
ماتقول لى مش حتنازل عنك ابدا مهما يكون يامان نزل الكادر ده من وشك ليس لشى لكن الموضوع برمتو ماركب لى فى راسى خصوصا شكل الخيار ..الوضع حرج ماوقتو . .


الشى التانى
فى بوست الكلاب
ياخ انا اهرب من مداخلتك اياه تجيبها لى تحت ...

......

يالمناسية يا تروتسكي ..

أنا هسي جايي من بيهناك
ياخي الزول داك مالوا معاك بيدقل بيك كدة
أنا للأسف ما مسجل بي هناك لكن لو إحتجت لي حاجة أعمل لي مس كول وانا طوالي بعمل مس كول لي صاحبي المعاكم بي هناك عشان يتدخل
لكن لحدي هسي شايفك متقدم بي كمية من النقاط ...
واثق فيك يا مان وعارفك حريف .. بس خلي بالك

Quote: (عدل بواسطة ناذر محمد الخليفة on 10-06-2005, 01:06 م) (عدل بواسطة ناذر محمد الخليفة on 10-06-2005, 01:06 م)

اليومين دى ابننا عزيزى ناذر دائما يعدل ايه الحاصل؟
اها عدلت للتلوين

هناك دى بى وين انا داير اعبث امام البحر المالح احتمال كما قال سجيمان ينجض عقلى

الحبيب سامي

لا والله فهمت غلط (هناك) دي حتة برة المنبر ومرة السيد ملاسي طرح مسابقة عشان زول يقول إسما هنا ولحدي هسي ما نجح زول


يا اخوانا موضوع البوست دا نسيتو ولا شنو !!!!!
ما تدونا اللنكات !!!!!

ازيك ناذر
معليش ماداير يشوفنى حد
مع السلامة
بتصل بيك بعدين.

هاشم نوريت .....

Quote: ازيك ناذر معليش ماداير يشوفنى حد مع السلامة بتصل بيك بعدين.

تعرف إنتا إصلك ما بتنفع حرامي ولا متسلل

ناذر ...لعلك طيب

انا متبرع اى اغنية حقيبة تطلبها انا انزلها ليك هنا

الاغانى القديمة برضو جاهزين لكن جديد فتش ليك زول اخر

بس اكتب اسم الاغنية ونزودك بالنص والشاعر..لقيتنى كيف؟؟

الأعزاء أعلاه ..


شكرا جزيلا للحضور وتشريف البورد ...

هشام مدني والله إبنك ناذر دا قلبو حار بس وما بيرضى الظلم ولا الإساءة عشان كدة مرات طوالي تلقاه بيكتب بي إنفعال لمن يكون شاعر إنو مظلوم لكن تأكد إنو إبنك ناذر برضو ممكن يتراجع في أي لحظا إكتشف فيها إنو غلطان في حق زول أو حا يتسبب في ضرر لي زول ودا السبب الخلاه يعدل كتير الايامات دي لإنو يوميا بتتكشف لي حقتئق جديدة ...

الخال صديق الموج ...

والله جيت في وكتك ..

تعرف انا من زمان عاجباني أغنية إسمها (تيه واتاكا) بيغنيها مبارك حسن بركات لكن صراحة ما قادر أميز كلمات الاغنية كويس فيا ربت لو نزلتها لي هنا مع المعلومات المصاحبة عن اسم الشاعر وفنانا الأصلي ..

ودمتم جميعا ..

ناذر بغض النظر أن أي حاجة في اي حته
انا ما عندي ليك غير الموقع دا زي ما قال ليك تشبع حقيبه
خصوصاً انو زول ام درماني اصيل اخونا صـديـق المــوج
وهسع اخليك بعافية لحدي ما اشوف ليك موقع تاني واجيبوا ليك ..


سـلام..

تسلم يا ولي على الحضور

Quote: ناذر بغض النظر أن أي حاجة في اي حته

بس الفوق دي والله ما فهمتها
يا راجل أنا علاقتي بيك كويسة جدا بس موضوع أي حاجة في أي حتة دا
حيرني في أمرك

إنتا لو قطعتا فيني في أي يوست أديني الرابط وبعدين غض النظر دا بعرفو براي

تسبم على الرايط يا عزيزي ...

Quote: يا راجل أنا علاقتي بيك كويسة جدا بس موضوع أي حاجة في أي حتة دا حيرني في أمرك

ناذر وأنا اتحدى أي زول يقول غير كدا

Quote: بس الفوق دي والله ما فهمتها

تخيل يا ناذر أنا ذاتي قريت مداخلتي عشرين مرة ما فهمت حاجة ..
اما القطيعة .. فهي بالفعل حصلت مع واحد أخونا هنا انت بتعرفوا كويس ..

زولاً عزيز .. ؟؟؟؟؟؟؟؟ أحذر من يكون يا ناذر ؟؟؟ قبل ما تجاوب غلط دا ما هو القاصدو

هاك يا ناذر ان شاء الله ما مرقنا منها

اولا الاغنية لعمك محمد ود الرضى وبعدين فيها بيت اعجاز عديل يا ناذر

النقوله ليك:

بقول

كفا كفاك بعاد حلماتك من كتفاك

سئل ود الرضى هل يقصد بعاد حلمات الاذن من الكتف بمعنى ان جيدها طويل

وكما قالت العرب بعيدة مهوى القرط قال لا الاثنين

اى ان حلمات الصدر بعيدات من الكتف بمعنى ناهد... ناذر احى انا

هاك القصيدة

تيه واتاكا مراض وصحاح مقله الفتاكا ظبى الرام
_________________________________

خريف وشتاك ميس يابان المصرى اتاك النسام
البى افتاكا جاب لى روايحك لى هتاكا عود يا منام
_____________________________

ما بيغباك شغفى عليك ومتى متى اصباك تذيدنى هيام
وترينى صباك وتزيدنى عتاب وحنان نتباكا على الايام
_________________________________---
لعلى اراك ضحا تتجلى بطيب واراك ولو فى منام
ويكون سمراك جوارى تيلاد وبعض امراك وبعده تنام
________________________
كفى كفاك بعاد حلماتك من كتفاك در ومدام
والراح فى فاك شعرك عاتم وبدر صفاك وحسنا دام
____________________________---
غريزة حياك عيونا تخشى جمال محياك تاخد السام
ويفوح رياك ينعشنى يجيب خمرا جالياك النسام
____________________________
زور مرضاك وخدك ناعم يذودبو فضاك جيدا جام
على بعضاك وبعضا يميس يعانق اعضاك فوق اردام
_______________________________
التجى طالباك اولى بيها انا وبغضاك الالام
تيه واقضى قضاك الاقى رضاك ورضاى فى رضاك وهذا تمام
_____________________-

المهم يا ناذر ان غم عليكم شىء نحن حاضرين اتمنى نسمعها

فى اول زيارة لنا للخرطوم كان الله قسم..ولك الود وكان محتاج

شى اخر البوست قاعد فى نفس البوست ولك ودى،،

بعدين انتبه للعيون المراض وصحاح..مش فى عيون كدة شكلها مرضانة لكن

بطلع د....الزول عيون نعسانة مجنونة كدى ووب على خالك،،،

الاخ ناذر
اعتقد ده موقع جيد وممكن تلقى فيهو مجموعه متميزه مع تحياتى

http://www.postpoems.com/members/sudan

السلام عليكم أخ ناذر وصديق الموج
و معليش يا أخ ناذر للتخريمه دي
مره قريت قصيده ما متذكر لمنو و قصتها إنو الشاعر كان مكسر في واحده كدا مسيحيه في الحله و اهلها ما عايزينو عشان إختلاف الدين قاموا بسرعه لفقوا ليها زواج عشان ما يدخلوا في احراج مع الشاعر دا و أهلو و عزموهو الزفاف في الكنيسه فقام مسكين لما شاف صاحبتو دي مع عريسها كتب الأغنيه دي.. قصه مضحكه شديد
بقول فيها

افكر فيهو و أتأمل أراهو إتجلي و إتجمل هلالي الهل و أتكمل
لوعندك الاغنيه ممكن تكتب لينا الكلمات أكون شاكرك شديد

سلام

يا ولي ...

عرفتو تب ... بس إنتا قرض على كدة وتاني أوعك تعملا

الخال ود الموج ..

شكرا جزيلا على القصيدة الرائعة ولكن دعني أقول لك ان هذه القصيدة محتاجة للائحة تفسيرية عديل كدة الحقيقة كلماتا صعبا خلاص .. عملتا ليها برنت أوت وحاولت أغنيها بي لحنها الأصلي لكن الكلمات صعبة شديد وصراحة إستلمت تماما من غناءها ..

أما البيت الذي شرحته فهومعجزة الحقيبة بحق ولكني أصدقك القول انني كنت أعتقد حتى وقت قريب أن أبلغ بيت في الحقيبة هو الذي جاء ذكره في أغنية نجوم الليل والذي يقول :

لو عمري شيئا في يدي لوهبتو ليك يا سيدي ..

أما وقد جئتني بشرح البيت الذي في قصيدة تيه واتاكا وتأملت معانيه وتدبرتها فقد غيرت رأيي تماما .. وفعلا الحقيبة بها من المعجزات البلاغية ما لن يتم تكراره مرة أخرى في قصائدنا المستقبلية مهما بلغ شعراءنا من مبلغ ..

Quote: بعدين انتبه للعيون المراض وصحاح..مش فى عيون كدة شكلها مرضانة لكن بطلع د....الزول عيون نعسانة مجنونة كدى ووب على خالك،،،

يا خال ... يا خال ..
أعصابك والله أنا وقعت لي تماما بس إنتا ما تتشنج تضيع وتضيعنا معاك

الرائع الإنسان بشرى ..
والله موقعك دا مبالغة عدبل وأفادني جدا وأجمل ما به تقسيمه للشعراء وأعمالهم كل على حدة .. شكرا جزيلا وما نعدمك با رائع ..

الرائع كابو ..

حقيقة انا اول مرة اضطلع للرواية الحقيقية لهذه الاغنية الرائعة وأنا حافظ الأغنية لكن بالتأكيد سيكون بها بعض الأخطاء الطفيفة نسبة لأنني لم احفظها من مصدرها الأصلي لذا فأترك الفرصة للخال صديق الموج لينزلها هنا فأستفيد معك ..

كابو كيفك

افكر فيه واتامل اراه اتجلا واتجمل هلالى الهلا واتكمل

بس ارجع انزلها ليك جت

Quote: أما البيت الذي شرحته فهومعجزة الحقيبة بحق ولكني أصدقك القول انني كنت أعتقد حتى وقت قريب أن أبلغ بيت في الحقيبة هو الذي جاء ذكره في أغنية نجوم الليل والذي يقول : لو عمري شيئا في يدي لوهبتو ليك يا سيدي

ناذر تكلمت عن الاعجاز لكن تعال شوف الاعجاز البحير الزول

عمك ابراهيم العبادى عنده قصيده بقول فيها:

من فريع الحنة وزهرة التفاح هاج بلابل فكرى النسيم الفاح

وبعدين مرة فى جلسة ضمتنا انا والمرحوم ابراهيم احمد عبد الكريم

واخرون من المهتمين قام المرحوم ابراهيم قال لى يا ابو الموج

بيت عمك ابراهيم العبادى ده انا على فدر ما قريت شعر عربى لم

اجد له شبيه البيت بقول:

كل معصم جدلة والكفيفات غوف

والكتيف الهادل بالكفل مشغوف

نايمة او كان صاحية حال جلوس ووقوف

فيه لاحم ديمه منه ماله براح

بمعنى ان هذه الملهمة معاصمها(اياديها) مثل جدلات الحرير وكفوفها مثل الغوف

اى القطيفة ومن شدة ما لينة كتفها يلامس اردافها كانه شغوف بها

فى حالة كونها نايمة وصاحية وجالسة وواقفة فهى مثنية وكتفها

ملحوم بكفلها فهل لاقاك مثل هذا وهل هناك انسان بهذا اللين

يبدو وكانه مطبق.

اعجاز اخر هذه المرة من عمك ابو صلاح فى قصيدة

الدلال والغرام عيونى يا هندة جافوا المنام عيونى

بقول:

مرة الحاظها قابلونى............ ظلما اسهاما نبلونى

قالت لى ارداف تقال بلونى.. والسنون تضوى قالبه لونى

هذا جناس كامل قال بلونى وقالبه لونى

ناذر حتما ساعود..الله يدينا وقت

Quote: الأخوة الاعزاء .. أحتاج وبشدة لعنوان أي موقع سوداني أو غيره به اكبر كمية من الاغاني السودانية ... مكتوبة كتابة لانني أحتاج إليها بشدة .. فمن يتكرم بالمساعدة ويدلني على العناوين ؟؟!!

الأخ الكريم ناذر...
حسب معلوماتي إنت في السودان.....
لذلك أنصحك بشراء كتاب ( روائع حقيبة أم درمان ) ل ( محمد حسن علي (( الجقر )) )الصادر عن دار عزة للنشر و التوزيع.....
الكتاب بالجد موسوعة عن الغناء بمختلف انواعه... غزلي......وطني..عام....خاص......إلخ.......و تعريف بالشعر الغنائي العامي و بعض الفصحى.....
في الكتاب قصائد و أغاني تغنى بها كبار الفنانين و الفنانات لفطاحلة شعر الحقيبة..أمثال....ود الرضي... ابو صلاح...عمر البنا... خليل فرح... محمد بشير عتيق...عبد الرحمن الريح.... و غيرهم من شعراء الحقيبة و الغناء الشعبي و المعاصر.......

أرجو أن تجد فيه ضالتك....
ودي و تقديري
ممكونة

http://www.shagawa.com/Songs

الخال ود الموج ...

غيبتك طولت منتظر عودتك على احر من الجمر ...

الأخت ممكونة ..

شكرا للنصيحة وسأعمل على إقتناء الكتاب بأسرع فرصة خاصة وأن كاتبه الجقر هو أحد المرجعيات الهامة والنادرة في أغاني الحقيبة وقد شهدته في المنتديات العامة الثقافية كيف انه يسكب للحضور وبكل سهولة أي كمية من المعلومات عن أغاني الحقيبة من حيث تاريخ التسجيل والشعراء وحتى الكورس والعازفين ..

الأخ فيصل ...
الرابط الذي أعطيتني إياه بحر حقيقي من الأغاني والمعلومات القيمة
شكرا جزيلا لك واظنني سأكون من زولره لأشهر طويلة قادمة ..

ود الموج

تعال وحدثنا قليلا عن :

قال لي لازم جرحك مدة الأزمان
لا روائحي تطبك لا ولا لقمان
البداوي جروحك شفتو يا السقمان
بين عصير الندل البنضحو الرمان ..

الأخ ناذر الخليفه
سلامات يامان
أول مره أتداخل في بوستاتك ، كما لي عظيم الشرف To do so
لو سمحت تعطينا تعريف للأغنيه السودانيه؟ عسانا نبحث لك عنها!!..هل هي أغنية المذمار ،الحقيبه، الطنبور أم أغاني الشادوف بالربابه!!!!!!!!!.
Please,don't get me wrong
فائق محبتي.

الأخ محمد أدم ..
وأنت أيضا شرفتني كثيرا بتداخلك هنا ..

Quote: لو سمحت تعطينا تعريف للأغنيه السودانيه؟ عسانا نبحث لك عنها!!..هل هي أغنية المذمار ،الحقيبه، الطنبور أم أغاني الشادوف بالربابه!!!!!!!!!.

حقيقة ما تطلبه شائك ومعقد وقد قتله ولا زال يقتله الباحثين بحثا وتدقيقا وتفصيلا وأنا حقيقة لا أستطيع أن امنحك إجابة شافية ومفصلة ربما قد أفعل على جرعات من خلال هذا البوست
ولكن بما ان الخال ود الموج هنا بعلمه الواسع فلنستفيد منه سويا في هذا الموضوع وأنا واثق أننا سنتلقى محاضرة شيقة عن هذا الموضوع البحر ..

لك التحايا مرة أخرى

Quote: ود الموج تعال وحدثنا قليلا عن : قال لي لازم جرحك مدة الأزمان لا روائحي تطبك لا ولا لقمان البداوي جروحك شفتو يا السقمان بين عصير الندل البنضحو الرمان ..

دى يا ناذر قصيدة عمك ابو صلاح من قليبه الجافى ولى قليبى الحان

النسيم يتردد عامل استمحان

لاروائحى يطبك لا ولا لقمان..الروائحى هو الذى يشفى من الريح وهو المس

بما فيهم الريح الاحمر(الزار) ولقمان هو لقمان الحكيم

بعدين شوف الدواء وين يا ناذر بين عصير الند وليست الندل البنضحو

الرمان ..هناك عصير برائحة الند تنضحه تلك الفاتنة يخرج من بين الرمان

الذى يحمله ذلك القوام الفارع...بس انت قول اوعدنا يارب وادى خالك معاك

يا شافع مالك داير تجنن خالك بعد كل هذه السنون،،

فى بيت بقول يا ناذر

الدوش افكارى وربا لى جنان

خمرة تمزج تينة وتسقى در اسنان

رق يسطل سمعى لهيجك الرنان

انت ناس فى دنيا ولا حور فى جنان

ناذر نصيحة اخوية لك انا مع الجديد لكن لما ما تلقى البديع من الكلام

ارجع لى الحقيبة ففها القديم الجديد..اقل شى بتكون اديت دورك فى

الارتقاء بذوق وسمع المتلقى...وخلى جلابية وابشرا لى ناس جلابية

والله يا خال انا البوست دا كنت عاملو عشان معلومات صغيرة عن المواقع السودانية لكن ما دان إنتا هنا الليلة إلا نحصل الفورة زي ما قال عمر الفاروق

اها نبدا

Quote: النسيم يتردد عامل استمحان لاروائحى يطبك لا ولا لقمان..الروائحى هو الذى يشفى من الريح وهو المس بما فيهم الريح الاحمر(الزار) ولقمان هو لقمان الحكيم بعدين شوف الدواء وين يا ناذر بين عصير الند وليست الندل البنضحو الرمان ..هناك عصير برائحة الند تنضحه تلك الفاتنة يخرج من بين الرمان الذى يحمله ذلك القوام الفارع...بس انت قول اوعدنا يارب وادى خالك معاك

البيحيرني ياخال شعراء الحقيبة بيجيبوا التشبيهات دي من وين ؟‍‍‍‍!!
تعرف مع تفسيرك دا أول مرة أعرف إنو في حاجة إسمها عصير الند (وكمن أعتقد قبلا أن الإسم هو الندل وأفتاني أحدهم بأن الندل هو عصير الرمان) .. ولكن هل حديثك هذا يتحدث عن عصير الند الفي الديا ولا الأخرة ؟؟!! ثم أين يجد هذا السقمان عصير الند في بلددنا الإستوائية التي لا ينبت فيها الرمان ؟؟؟؟!!!

تعرف أنا إتخايلي زولك أبو صلاح دا (دقس) المرضان داك يكون لي يوم الليلة كايس لي الند وما لامي فيهو أما إن كان يقصد أن يجده في الأخرة فأنا أدعو الله ان يهبه له ...

Quote: يا شافع مالك داير تجنن خالك بعد كل هذه السنون،،

هسي عليك الله منو الداير يجنن التاني
الأغاني دي أنا كنت بسمعا وبغنيها زي الببغاء مرات كتيرة ما بلقى زي تفسيراتك دي لكن بعد دا شكلي حا أبكي وإدشدش لمن أغني الغنية دي بعد الفهم دا

Quote: ناذر نصيحة اخوية لك انا مع الجديد لكن لما ما تلقى البديع من الكلام ارجع لى الحقيبة ففها القديم الجديد..اقل شى بتكون اديت دورك فى الارتقاء بذوق وسمع المتلقى...وخلى جلابية وابشرا لى ناس جلابية

كلامك في العين والراس يا خال .. تسلم على النصيحة ..

اها يا خال دايرين دي :

العيون والضمرة والوريد الوافر
من محاسنك عالم الغزال النافر
على صدرك قنبل كم أسلم كافر

أها الليلة يا جنيت أنا يا كمان ودرتا إنتا

في إنتظار الخال ود الموج ..

.

أخي ناذر

تحية طيبة

من جانبي يمكنني مدك بكتيب بع 123 أغنية للرائع مصطفى سيد أحمد

مكتوبة وبها أسماء شعرائها

محبتي

الأخت عبير خيري

أكون ممتنا لك لو فعلت ذلك ..
ترى كيف يمكنني الحصول عليه ؟؟!!
الرجاء إخباري بالكيفية ...

في الإنتظار ...

???????????

ناذر ود الجيران
والجميع
التحايا النواضر

اسمع انا حاستغل بوستك لاغراض شخصيه

استانا
صديق الموج
ياخ مغروض لي فى كلمات اغنيه انا حافظها لكن ما خالص وكمان وداير اعرف شاعرها منو
فايرات نلقاها عندك انت براك ماشاء الله مكتبه
نستفيد مك برضو

الاغنيه بتقول
صادفنى الحبيب بى حشمه سالمتو
تركنى وحيدسهران
ليو قلبى سلمتو لانى ..لانى سالمتو

برضو اسمها رايح لي
فحتى الشباب الهنا لو فيهم واحد عارف خليهو يكتبها لينا واسمها وشاعرها..
تكونو ماقصرتو تب..

لانى سالمتو

Quote: اها يا خال دايرين دي :

العيون والضمرة والوريد الوافر
من محاسنك عالم الغزال النافر
على صدرك قنبل كم أسلم كافر

أها الليلة يا جنيت أنا يا كمان ودرتا إنتا



ناذر العزيز بقول ابوصلاح:

العيون والضمرة والوريد الوافر

من محاسنك عارن الغزال النافر وليس عالم

بمعنى ان عيونك الواسعة الجميلة وضمرتك ( ضميرك اى خصرك)

استعارتهن تلك الغزالة النافرة..اما من يرى ذلك الصدر الطامح الناهد

فهو يسلم من غير شك بانه لامحال مهزوم اذا ما نازل تلك الجيوش الجرارة و

هى مسلحة بكل تلك القنابل...وحتما سوف يؤمن بالخالق البديع.

ناذر يا ولد خالك براه متجرس وهو بعيد حتى عن كتبه مالك داير تعولقو

الله يهديك يا ولد..ولى عودات


معتز صادفنى الحبيب من كلمات احمد محمد الشيخ الجاغريو ولو عايز بنزلها

ليك انت تامر،،

استاذنا صديق الموج
اكيد محتاج ليها
انا كنت شاكى فى عتيق بعدين بروض متشكك فى البغنيها منو ..
تشكر كتير استاذنا

تروتسكي وصديق ...

أسعدتموني والله بما سكبتماه (سكبتماه دي مالا زي الغلط كدة!!!) في هذا البوست ...
سأعود ...

Quote: (سكبتماه دي مالا زي الغلط كدة!!!)

اسالنى دبل. .
قالولك انا بعثى. .

استاذنا صديق

شنو غتسته مره واحده كده صادفك الحبيب فى السكه وبعتنى ولا شنو. .

Quote: قالولك انا بعثى

غايتو جنس تناخيس ...

استاذنا صديق
اسالوه قايل الناس نسوهو. .


ناذر

Quote: غايتو جنس تناخيس ...

خلاث
ود الجيران
او بعثى باثر رجعى
زميل كيف

بقيت اوزع فى البسمات بدلك(بدل فاقد)..

فوق ...

استاذنا صديق الموج
اولا اريتك تبقى طيب
ثانا وين مختفى
حتى اخير تعال فرح ليالى بقصائد المنتظرنها منك
وتسلم كتير
وتحياتى ايضا لود الجيران ناذر..

يا تروتسكي ...

صديق الموج قالوا مشى العمرة مع عبد الرازق

بمناسبة العُمره خش اقراشوف العُمره بتاعتى كانت كيف دين تك. .
مفـــارقات و مفترقـــات...

والله يا تروتسكي بوستك داك روعة عديل وانا متابعو بالجد لإنو بوست واضح وصريح جدا وغير معتاد عليه خاصة في أمور التحدث عن خصوصيات أفراد الأحزاب ..

Quote: بنات اليسار جميلات دائما..

والله في دي معاك حق وانا في فترة من الفترات كان تسجيلي فاكي ومشيت لي مناضلاتكم ديل وبكيت ليهم عديل عشان يدوني فورم لكن أبوني مرة واحدة رغم تعهدي لهم بالنضال حتى سقوط واشنطن وبالثبات حتى تحديد الهوية وبالكلاش وإنها لثورة حتى النصر وكنت جادي والله لكن الله لا كسبن ابوني تب مع غني ما شين للدرجة دي وممكن أشكل معاهن فولترون ...

بس عليك الله كلمنا عن سلوك بقية عضوية بقية الأحزاب عشان تتضح الصورة ويا ريت لو ...

بديت بي سلوك عضوية ....

البعث

الحاجة التانية شفرة إيقونة النار دي ما وريتني ليها مالك !!!!!

مرور متثاقل .. للسلام والتحية

ولي إذيك ‍‍‍‍!!!!!!

يا أخوي الله لا جاب الثقالة إنت تتفضل في أي وكت ...