Post: #1
Title: مكتوبة في الممشى العريض
Author: seventy
Date: 03-06-2002, 03:49 PM
سلاااااااام شبااااب سلااااااااااام
مواصلة للوعد القطعتو عليكم
كل يوم قصيدة كان رضيتو او ابيتو
وياريت لو رومانسي يكون حاضر
ويزيد حبة بهجة
وفي انتظارك يا رومانسي
الممشى العريض
عبد العزيز العميري
مكتوبة في الممشى العريض
شيلة خطوتك للبنية
ممدودة بالخط العديد
في زمة الحاضر وصية
شاهدة التواريخ والسير والإنتظار
أدوني من قبلك مناديل الوصول
وضحكت ما هماني شي
وبكيت ولا هماني شي
عندك وقفت من المشي
وغرقت في ضو النهار
كانوا بتمنوك لو
ترتاحي لحظة على الدرب
حبوك حب قدر الحروف
الحايمة في بطن الكتب
وقدر الخيال ما مد ايدو على السحب
كل خاطر كان بريدك
إلا ريدك كان رسول
الدهشة في كل الديار
وأنا زي عوايد الشعر فارس
شد خيل الكلمة ليل
مكتوب على ضهر البداية
القالوا آخرة بين إيديك
وسرحت يا مهون تهون
كان أجيك كان أصل يوم
لي حضورك كت بريدك
ومشتهيك
وإنكسر فيني الترجي
ونلت من سفري الخسار
بس داير أقولك يا أصيلة
لو تعب فينا التمني
وإنكسر وتر المغني
لو تردي علينا طاقات البشاير
بنهزم يوم التجني
وأجيك ما هماني شي
عندك وقفت من المشي
وغرقت في ضوء النهار
وغرقت في ضوء النهار
|
Post: #2
Title: Re: مكتوبة في الممشى العريض
Author: رومانسي
Date: 03-06-2002, 03:52 PM
Parent: #1
الله الا تقول كفاية
|
Post: #3
Title: Re: مكتوبة في الممشى العريض
Author: suna
Date: 03-06-2002, 03:58 PM
Parent: #2
 ينصر دينكم
|
Post: #4
Title: مكتوبة في الممشى العريض
Author: seventy
Date: 03-06-2002, 04:17 PM
Parent: #1
والله ما قصرت يا رومانسي
وربنا يخيك لينا ويخلي ابداعاتك للبورد
وانشاءالله دائما من الحاضرين يا مريود
|
Post: #5
Title: Re: مكتوبة في الممشى العريض
Author: alsara
Date: 03-06-2002, 04:29 PM
Parent: #4
تسلموا يا سفنتي و رومانسي
كان رضينا و لا أبينا؟ هو إحنا لاقين؟؟
بس يا ريت تواصل القصائد في بوست واحد عشان تسهل علينا المتابعة
المريــــــــود ســـــلام
|
Post: #6
Title: Re: مكتوبة في الممشى العريض
Author: suna
Date: 03-06-2002, 04:45 PM
Parent: #5
سلام وبس سلام ومطبوق كمان
وين بالله يالدكتورة والله حكايتك حكاية
|
Post: #7
Title: مكتوبة في الممشى العريض
Author: seventy
Date: 03-06-2002, 04:57 PM
Parent: #1
سلام يا السارا سلام
ما تخافي انشاءالله الابداع ما بقيف
بس اعفينا من حكاية البوست الواحد
عشان اخونا رومانسي ياخد راحتو
ولا مش كدة يا حبيب
|
Post: #8
Title: Re: مكتوبة في الممشى العريض
Author: رومانسي
Date: 03-06-2002, 05:01 PM
Parent: #7
هي لكن الدكتورة براجعوها فوق راي
تعرف ىيا صديقي احسن راي الدكتورة علشان نحفظ المادة الشعرية المكتوبة وتعم الفائدة بالنسبة للغناء ان شاء الله ننثره بين البوستات كالدرر في وقتة ومكانه ودائما اقتراحات الدكتورة علي راسنا
رومانسي
|
Post: #9
Title: Re: مكتوبة في الممشى العريض
Author: alsara
Date: 03-06-2002, 05:16 PM
Parent: #8
سفنتي
سونا
رومانسي
تسلموا انشاء الله و الرأي رأيكم
و العين ما تعلاش على الحواجب
و أهو مجرد إقتراح و إنتو شوفو البريحكم يا شباب
و نحن من خلفكم سائرون
|
Post: #10
Title: مكتوبة في الممشى العريض
Author: seventy
Date: 03-06-2002, 05:40 PM
Parent: #1
والله يا السارا نشكرك على الكلمات الحلوات
وحقيقي زي ما قال رومانسي انشاءالله مقترحاتك ليها وجود عندنا
وعلى العموم اعتبري انواقتراحك شاف النور وطالما رومانسي في ما في مشكلة
|
Post: #11
Title: Re: مكتوبة في الممشى العريض
Author: wa7shny
Date: 03-06-2002, 08:13 PM
Parent: #10
ياسلام عليك يا استاذ رومانسي وياريت تشوف لينا طريقه لى دي
كتبت ليك
صلاح حاج سـعيد
كتبت ليك
لا بينى بينك ريدة .. لا قصة غرام
إخترت ليك
أجمل حروف .. وأصدق فواصل نادرة
فى لغة الكلام
لا قصدى ألهو معاكى بى كلمات غنا
لا شعرى ليك مرجيحة من شعر الغمام
كتبت ليك والله يا قمر الزمان
شان جيتى بى زمن المحنة
وشفت فى عينيكى .. حس أهلى القُدام
......................
كتبت ليك وأنا جايى من زمن الشقا
الممدود على وش الثوانى .. مظللا
تتمدد الساعات سنين
تتفتح الأحزان غريبة .. ومذهلة
وأشتاق أفتش نسمة .. فى الزمن العذاب
وأيامى من كتر الأسى
وكتر العزوف .. والإغتراب
صارت حروف مترهلة
لحظات أسيفة .. ومهملة
........................
كتبت ليك
ووقفت ليك .. لامن لقيتك جايه من قلب الطريق
ولمحت فيك راحة المشاوير البعيدة
ونفحة النسمة الحنينة
الجاية من قلب الطريق
حسيت عجايب الدنيا .. إتلمـّت .. بقت
جايـّانى من عصراً سحيق
عينيكى حس أطفال بنادوا القمرة لى الغايب .. يعود
وجبينك الضوّاى
حجا الحبـّوبة فى الزمن السعيد
..........................
وأنا فى قساوة الموحش
الزمن المكهرب .. بى الحريق
أنا حيلتى أيه
قوليلى يا قمر الزمان
غير أتـّكى .. وأحلم معاك
وأحضن أماسى الصحو ..
والأمل البريق
واحشني
|
Post: #12
Title: Re: مكتوبة في الممشى العريض
Author: sama7
Date: 03-06-2002, 10:28 PM
Parent: #11
يا سلام يا سفنتى
هو نحن لاقين
والله مبدع
واحشنى يا واحشنا كلنا
والله دى كان نفسى اسمعها ولا اقراها من زمان
تسلمو لينا جميعا
ويا سرسووووووووووووور
انا لسة مستنية درس العصر
|
Post: #13
Title: Re: مكتوبة في الممشى العريض
Author: MXB6N
Date: 03-06-2002, 11:33 PM
Parent: #12
سلام سيفنتى
المقطع دا الظاهر عليك نسيتو
مكتوبة في الممشى العريض
شيلة خطوتك للبنية
ممدودة بالخط العديد
في زمة الحاضر وصية
شاهدة التواريخ والسير والإنتظار
أدوني من قبلك مناديل الوصول
وفردتا أجنحة العشم
فى ساحة الوطن البتول
وضحكت ما هماني شي
وبكيت ولا هماني شي
ممكن تكتب لى غنية باكر ضواى لانو التسجيل المعاى ما واضح ولك شكرى
|
Post: #15
Title: Re: مكتوبة في الممشى العريض
Author: رومانسي
Date: 03-07-2002, 11:29 AM
Parent: #11
شكرا علي الثقة يا احبابنا
لكن انا بحول الطلب لمبدعنا الرائع الاستاذ الصادق في اغنية كتبت ليك
رومانسي
|
Post: #14
Title: مواصلة / مكتوبة في الممشى العريض
Author: seventy
Date: 03-07-2002, 11:02 AM
Parent: #1
سلام شباب سلام
ونحن معاكم وحبل التواصل ممدود بينا دائما
طالما انو القاسم المشترك بينا هو المبدع مصطفى سيد أحمد
ولكم الشكر اعزائي واحشني وسماح
وانشاءالله يا واحشنا حتلقاها قريب
MXB6N
تحياتي لك وتحقيقا لطلبك القصيدة موجودة عندك
والتحيات موصولة للدكتورة السارا
ونحن معاك ودائما معاك بس انت ادينا رأيك
وأخونا رومانسي حاضر وطايع
يوم بكرة جميل
بشرى الفاضل
متخبيه والناس شايفنك
باباى ونخيل
متخفيه والناس عارفنك
قرآن وانجيــــل
وشقانا معاك هو انك
طاويك الليل
لكن واردنلك وراويانا
لا عيون تحزن
لا دموع بتسيل
يوم بكره جميل ضواى ووسيم
باكر وفـــــر
ابدا لا اتغرب لا مسافر
يوم بكره جميل باكر ضواى
وجملتو الليل الما سواى
كان حاول يطمس اقمارو
يوم بكره جميل
أبيض دمكو
من فالو النيل يطمح طوفان
وتخاف من موجو تماسيحو
باكر ضواى باكر ضواى
كلماتو اناشيد وقيامه
وغناهو الحادى الهداى
وجميلتو الليل الما سواى
كان حاول يخسف اقمارو
يوم بكره جميل .. يوم بكره جميل
|
Post: #16
Title: مكتوبة في الممشى العريض
Author: seventy
Date: 03-07-2002, 12:41 PM
Parent: #1
عوووووووووك يالصادق عوووووووك
وينك ونحن منتظرين كتير جيتك
ويا رومانسي قول حاجة
|
Post: #17
Title: مكتوبة في الممشى العريض
Author: seventy
Date: 03-09-2002, 11:24 AM
Parent: #1
سلااااااام شباب سلااااااام
ونواصل الوعد المقطوع بينا
وهذه قصيدة اخرى للرائع مصطفى سيد أحمد
إذا عادت بنا الأيام
عوض مالك
اذا عادت بنا الايام الى الماضى
كتبت على ثوان العمر شعرا
لا يدانيه غناء الطير
وهمس الماء ووشوشة هى فيه
ركبت زوارقى ابحرت في شعر لها مجدول
جعلت مشاعرى جندول
اذا عادت بى الايام يوما ايها الاحباب
وأنا ملاحه الفرحان يطرق مقلة الابواب
أدق ليس يعنينى
لاننى قادم من حاضر اللحظات للماضى
ولى شوق سيشعل صمت هذا الزورق الهادى
فيدفعه الى الوادى
الى افق انيق النجم صـداح البساتين
واشدو حين تأتينى فتاة
لثغة العصفور انفاس الرياحين
بكفيها ولى في عمق هدبيها حكايات واشعار
ولى في شعرها المعطار اخبار
اذا سالت على وديانها الخضراء امطار
|
Post: #18
Title: Re: مكتوبة في الممشى العريض
Author: رومانسي
Date: 06-15-2002, 05:57 PM
Parent: #17
سكاتي ولا الكلام الني
فقدنااااااااااااااااااااااااااااااااااااااااااااااااااااااااااااك
سفنتي
عود الينا
|
|