Post: #1
Title: ادفقي ليك يا شيبة
Author: الليندي
Date: 08-27-2003, 02:55 PM
|
Post: #2
Title: Re: ادفقي ليك يا شيبة
Author: sheba
Date: 08-27-2003, 07:09 PM
Parent: #1
الحبيب
اللندى
ارى انك قد تدفقت فينا ابداعا
وتنثر فينا هذه التحية
ما تكونى رقراك ابقى يا ضل يا شموش
غطى المساحات بالوضوح
التحية لمصطفى قبره والتحية لقاسم ابوزيد
شكرا ثانية على الاهداء
خالد..
|
Post: #3
Title: Re: ادفقي ليك يا شيبة
Author: mustadam
Date: 08-27-2003, 07:41 PM
Parent: #1
أكتب هذا الشكر بالعربى حتى استطيع الأستمتاع بهذا الصوت النبيل لأطول زمن ممكن
أترقب كلما دخلت حوش أخونا البكرى مساهمتكم حول عالم مصطفى الذى
يجعل هذا البلاءفى مدن الملح محتملا
لكم خالص مودتى
|
Post: #4
Title: Re: ادفقي ليك يا شيبة
Author: الليندي
Date: 08-27-2003, 10:17 PM
Parent: #3
شكراًمعلمي و صديقي شيبة وكل امنياتي أن نتقابل ويبدو لي أنك في موجود في صحراء الربع الخالي ويا ريت لو نتعاون لانشاء موقع لمصطفي واكيد يا شيبة عندك درر بتفيدني كتير في نشر ابداع الراحل الميقم المصطفى وخصوصا الما لقت حظها من الاستماع لظروف الراحل وبالمناسبة انا موجود برضو في صحراء الربع الخالي في جدة وعلى العموم ده ايميلي لمزيد من توثيق الصداقة [email protected]
صديقي مستدام
شكراً ليك كثير واتمنى أن ما انشغل واواصل في نشر ابداعات الراحل المقيم المصطفى في حوش بكرى وفي كل مكان
ولكم خالص ودي
|
Post: #5
Title: Re: ادفقي ليك يا شيبة
Author: sheba
Date: 08-27-2003, 10:34 PM
Parent: #1
العزيز اللندى
تحياتى واحترامى
اولا انا موجود دائما حيث الطين فى الخريف والكتاحة ورائحة المجارى الجميلة خصوصا هذه الايام
وهذه الاشياء لا تجتمع الا فى مكان واحد فى العالم
الخرطوم عاصمة السودان
واليك النص الكامل لاغنية ادفقىوالذى غنى الرحل المقيم جزءا قليلا منه
تحياتى
******************
ادفقى
قاسم ابو زيد
**********
إدفقى ما تبقى رقراق
أبقى يا ضُل .. يا شموس
غطى المساحات بالوضوح
إستنهضى الشوق .. الجروس
وهجك شوارع ذاتى
فى ليل اليباب
ما تشفقى العطش .. الرحيل
النيل ركيزة
ودمعة الأحباب سِحاب
ما تخافى من دم الغروب
لو رتّش الّلوحة الضباب
مادام ضمير الفينا .. حى
مادام عِريق العِشق .. حى
ملحوقة يا مدن السراب
نديانة بى فرح التساب
*****************
أدفقى فيضان عمار
أتربعى .. وفجّى الوجع
دمع الألم .. ما يدفّقك
ما خاب غناك
فارسك رجع
إتوهجى وإنتى الشمس
إتلهجى نورك سطع
نوّر بوادينا الكساح
رقصت مزامير الصباح
مبكية قرية وقنبلة
متكية دمعة .. وسنبلة
الليلة فى إيدنا السلاح
ريشة وكدنكة .. ومطرقة
نبنيكى أحسن يا ظروف
مخضرة .. دانية القطوف
نطوى المسافات .. نسبقا
****************
أدّفقى بلدك فِداك
إتوهطى
ورّى البنيات العديل
محمية بى عرق الترابلة
ونغمتك مسقية بى الريد العتيق
أنغام رباباتك تشيل
معزوفة الليل .. والرفيق
ما تصغرى
تكبر أمانى السنبلة
هَىْ أكبرى
تصغر معانى القنبلة
ما ترجعى الصد لى المداين .. والقرى
شيلى الشحوب والإصفرار
أدى البويتات منظرا
إدفقى فى كل شارع .. وكل بيت
فى روابينا المحنّة
وفى ضمايرنا السهول
إدفقى
فى كل حتة .. وكل زول
أبقى .. شان تحيا الفصول
|
|