ادفقىما تكونى رقراق -مصطفى سيد احمد-قاسم ابوزيد-اهداء خاص الى العزيزصفرجت

ادفقى ما تكونى رقراق مصطفى سيد احمد- قاسم ابوزيد اهداء خاص الى العزيز صفرجت ولكم




ادفقى
قاسم ابو زيد
**********
إدفقى ما تبقى رقراق
أبقى يا ضُل .. يا شموس
غطى المساحات بالوضوح
إستنهضى الشوق .. الجروس
وهجك شوارع ذاتى
فى ليل اليباب
ما تشفقى العطش .. الرحيل
النيل ركيزة
ودمعة الأحباب سِحاب
ما تخافى من دم الغروب
لو رتّش الّلوحة الضباب
مادام ضمير الفينا .. حى
مادام عِريق العِشق .. حى
ملحوقة يا مدن السراب
نديانة بى فرح التساب
*****************
أدفقى فيضان عمار
أتربعى .. وفجّى الوجع
دمع الألم .. ما يدفّقك
ما خاب غناك
فارسك رجع
إتوهجى وإنتى الشمس
إتلهجى نورك سطع
نوّر بوادينا الكساح
رقصت مزامير الصباح
مبكية قرية وقنبلة
متكية دمعة .. وسنبلة
الليلة فى إيدنا السلاح
ريشة وكدنكة .. ومطرقة
نبنيكى أحسن يا ظروف
مخضرة .. دانية القطوف
نطوى المسافات .. نسبقا
****************
أدّفقى بلدك فِداك
إتوهطى
ورّى البنيات العديل
محمية بى عرق الترابلة
ونغمتك مسقية بى الريد العتيق
أنغام رباباتك تشيل
معزوفة الليل .. والرفيق
ما تصغرى
تكبر أمانى السنبلة
هَىْ أكبرى
تصغر معانى القنبلة
ما ترجعى الصد لى المداين .. والقرى
شيلى الشحوب والإصفرار
أدى البويتات منظرا
إدفقى فى كل شارع .. وكل بيت
فى روابينا المحنّة
وفى ضمايرنا السهول
إدفقى
فى كل حتة .. وكل زول
أبقى .. شان تحيا الفصول

شكرا يا شيبا
وأرجو عمل وصلة تمكنا من حفظها في الهارديسك
ونرجو اتحافنا اكثر واكثر

شيبا ..يا سلام عليك يا سلام...
انا فى الشغل,بجيك راجع بعدين ,وشوف اقتراح الاخ ديامى

عينيك لو تصدق معاي الامنيه
عينيك لو اعرف ختام الاغنيه
بدء الكلام والمنتهى
المستطاب والمشتهى
وكل المباهج الفى المواويل والغنا
العاشقين ..فلبى وانا...
سلام طن ولى بعدين....

المزيد

والمزيد

والنادر

فقط انتظروا