وبكيت معاك الضل والمسافة والمطر والخرافة

وبكيت معاك ..
وقت لى واقف براك
والكلام عنك بيصعب
عن مواعيدنا القديمة
وغنية الزمن الفلانى
فى زمن سرق الامانى
******
يوم لمتحك وانت فينا
قت برك لى امان
تارى سفرك لى موانى
بى اوامر من زمان
*****
خلا ريح قدرك تلمك
وفت منى وبى وراك
لا الطيور جابت جوازك
لاخرط ورت مداينك
****
دقوا مزيكة الحوارى
ورقصوا البنوت يعرضو
وانت لما يعز مزارك
الصنوبر ينسى ارضو
******
ومن زمان
كان نفسى اقولك
انت يا واقف براك
ياكا ضلنا والمسافة
اى سكة بعد عيونك
فى مداينك فى دروبك
نحنا مجبورين نخافة
****
كل ما الريح تعاند الموج
نمرق من وجع زمنك
وما نخلى الامل يهرب
وما ضليت وانت معاى
من زفة نفس مسدار
خلتنى ارجع للقلم
واتحدى بالحرف الالم
واعرف متين اصبح حريق
واعرف متين اصبح مطر