Post: #1 Title: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-26-2008, 01:14 PM Parent: #0
مثلما اراد لكم الاستعمار البريطاني يتخرج جيل منفصل عن واقعه انتو كدة
شابكننا نورس ونحن عندنا ود ابرق وام قديلو
وشابكننا مرافي ونحن عندنا ميناء بورتسودان
لم تقدمو حاجة للسودان ولا للمنبر
الكاشف ما منكم ابوصلاح ما منكم عثمان حسين الترزي ما منكم
جكسا ما منكم الشفيع احمد الشيخ ما منكم
هم جيل الستينات من المثقافاتية هو سكرة الخميس بالويسكي والشري وترديد اغنية لحن الحياة
بتاعة عثمان الشفيع بعد السكر والشفيع وود القرشي برضو ما منكم
وانتو يا مثقفي سودانيز برضو سائرين علي الدرب
بوستاتكم بائرة وكلامكم ما فيهو جملة مفيدة
فعليكم الله ما تقدونا
Post: #2 Title: Re: مثقفاتية سودانيز ما عندكم حاجة وبوستاتكم (بورندي) Author: محمد عبد الماجد الصايم Date: 10-26-2008, 01:18 PM Parent: #1
عصرت عليهم شديد يا عمكـ
Post: #3 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-26-2008, 01:20 PM Parent: #2
Quote: عصرت عليهم شديد يا عمكـ
صائم ديمة
عصرة بتاعة اخوان كدة
ما فيها حاجة
Post: #4 Title: Re: مثقفاتية سودانيز ما عندكم حاجة وبوستاتكم (بورندي) Author: طارق جبريل Date: 10-26-2008, 01:25 PM Parent: #1
خلي يا عسل
Post: #5 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-26-2008, 01:28 PM Parent: #4
طارق جبريل
انت مثقف اذن انت موجود
كيف ناس المغرب
Post: #6 Title: Re: مثقفاتية سودانيز ما عندكم حاجة وبوستاتكم (بورندي) Author: طارق جبريل Date: 10-26-2008, 01:40 PM Parent: #1
Quote: كيف ناس المغرب
ناس المغرب كلهم بخير بس كلهم عنقالة ساكت
Post: #7 Title: Re: مثقفاتية سودانيز ما عندكم حاجة وبوستاتكم (بورندي) Author: مزمل التريكى Date: 10-26-2008, 01:54 PM Parent: #1
Quote: الكاشف ما منكم ابوصلاح ما منكم عثمان حسين الترزي ما منكم
خليل ما منكم
من العليكم
Post: #13 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-26-2008, 04:55 PM Parent: #7
Quote: خليل ما منكم
خليل من رحم هذا الشعب
يكتب عن همومه بدون تنميق وحزلقة
يكتب عن الكونكان والشنة عند السودانيين والجمال عند السودانيين
وعن المطلقة والارملة
وعن ود تمبك وحين ماكردة ومصطفي الكعوك
بدون اركلوجيا وتراجيديا الصراع
Post: #8 Title: Re: مثقفاتية سودانيز ما عندكم حاجة وبوستاتكم (بورندي) Author: محمد حيدر المشرف Date: 10-26-2008, 01:56 PM Parent: #1
Quote: هم جيل الستينات من المثقافاتية هو سكرة الخميس بالويسكي والشري وترديد اغنية لحن الحياة
ياخى حرام عليك .. جزء كبير منهم كان بشرب الكونياك وبسمعوا حسن عطيه ( خداري البي حالى ما هو داري )
Post: #9 Title: Re: مثقفاتية سودانيز ما عندكم حاجة وبوستاتكم (بورندي) Author: عبدالكريم الامين احمد Date: 10-26-2008, 04:04 PM Parent: #8
هلا ابو خليل وشايفك فاتح نيران علي ناس النورس الحزين اللابس قوس قزح سوميت واعتقد انو في الحتة دي قوس قزح زي خالق مشكل ثقافي في تلاقح الروي البنفسجية والواحد داير يقول انو وعي المرحلة داير تفكيك للزاويا البنفسجية حتي تتفتت ورود واغاني...
Post: #10 Title: Re: مثقفاتية سودانيز ما عندكم حاجة وبوستاتكم (بورندي) Author: emad altaib Date: 10-26-2008, 04:22 PM Parent: #9
ــــ خليل أرفع صوووووتك بالغُناء
كونك تكون مثقفاتي ممكنا
ــ اشهد إنك مثقف درجة أولي
Post: #15 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-26-2008, 05:05 PM Parent: #10
Quote: خليل أرفع صوووووتك بالغُناء
ساغني يا عماد
للخلف ود العبد حينما قال يا حمام البان انت في معناك غيرت للافكار
سامدح مع اولاد حاج الماحي (التمساح سوالنا اذية)
ساغني مع احمد طيب ضاع صبري
ولكني لا اغني رمل المسافة واقترحك
والغناء بتاع الكلمات المتقاطعة
اغني مع عبدالرحمن الريح وعتيق القلبو انقسم نصفين
دها غناء خالك خليل
Post: #11 Title: Re: مثقفاتية سودانيز ما عندكم حاجة وبوستاتكم (بورندي) Author: محمد حيدر المشرف Date: 10-26-2008, 04:28 PM Parent: #9
كيكى انا معاك فى الحته دى وبالضروره نعم , هو مأزق تاريخي ببقى الرهان عموما فى قدرتنا على الابداع وتجاوز بنيات وعينا التناسلى فجيفارا لم يكن عضوا بسودانييزاونلاين وكاسترو ما زال خنجرا فى خاصرة الراسمال
.. لا فطونى .. فليكن
Post: #16 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-26-2008, 05:10 PM Parent: #11
Quote: فجيفارا لم يكن عضوا بسودانييزاونلاين وكاسترو ما زال خنجرا فى خاصرة الراسمال
كاريزما الشخوص تعبر عن عبقرية الزمان والمكان في زمن المحنة
شكرا يا مدهش
Post: #14 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-26-2008, 05:01 PM Parent: #9
Quote: هلا ابو خليل وشايفك فاتح نيران علي ناس النورس الحزين اللابس قوس قزح سوميت واعتقد انو في الحتة دي قوس قزح زي خالق مشكل ثقافي في تلاقح الروي البنفسجية والواحد داير يقول انو وعي المرحلة داير تفكيك للزاويا البنفسجية حتي تتفتت ورود واغاني...
كيكي عشاي ضيوف الليل
انداح البوح علي اجنح غيمة
فكان سرمدية الوجد الشفيف وجعا وصهيلا وانينا
ياخي قومو فرتقوا
Post: #12 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-26-2008, 04:52 PM Parent: #8
Quote: ياخى حرام عليك .. جزء كبير منهم كان بشرب الكونياك وبسمعوا حسن عطيه ( خداري البي حالى ما هو داري )
Quote: مثقفاتية سودانيز ما عندكم حاجة وبوستاتكم (بورندي)
لان تكون بوستاتهم بورندي خيرا من ان تكون بولندي يا اخ خليل
Post: #18 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-26-2008, 05:14 PM Parent: #17
Quote: لان تكون بوستاتهم بورندي خيرا من ان تكون بولندي يا اخ خليل
الشامي
لاشك ان البروسترويكا القت بظلال كثيفة علي اوربا الشرقية
واحالت شوقها نارا
فصارت كازاخستان وثقافستان
Post: #19 Title: Re: مثقفاتية سودانيز ما عندكم حاجة وبوستاتكم (بورندي) Author: musadim Date: 10-26-2008, 05:20 PM Parent: #1
طيب لما كتابتنا ماعاجباك ما تشوف ليك منبر ناسو بعرفو يكتبوا
Post: #20 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-26-2008, 05:56 PM Parent: #19
Quote: طيب لما كتابتنا ماعاجباك ما تشوف ليك منبر ناسو بعرفو يكتبوا
ياخي انا بتكلم الممثقاتية ما بتكلم عنك
تعال لي بعد ما مشاركاتك تصل الخمسمائة
شكرا علي مرورك
Post: #21 Title: Re: مثقفاتية سودانيز ما عندكم حاجة وبوستاتكم (بورندي) Author: محمد البشرى الخضر Date: 10-26-2008, 06:12 PM Parent: #20
Quote: تعال لي بعد ما مشاركاتك تصل الخمسمائة
و الله دي قطامة عرب جزيرة ساي
Post: #22 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-26-2008, 06:15 PM Parent: #21
Quote: و الله دي قطامة عرب جزيرة ساي
ود البشري
امشي للمثقفاتية لو سمحت البوست دها
للترابلة والخضرجية فقط
Post: #23 Title: Re: مثقفاتية سودانيز ما عندكم حاجة وبوستاتكم (بورندي) Author: musadim Date: 10-26-2008, 06:34 PM Parent: #20
Post: #24 Title: Re: مثقفاتية سودانيز ما عندكم حاجة وبوستاتكم (بورندي) Author: baha eassa Date: 10-26-2008, 06:50 PM Parent: #23
Quote: خليل من رحم هذا الشعب
يكتب عن همومه بدون تنميق وحزلقة
يكتب عن الكونكان والشنة عند السودانيين والجمال عند السودانيين
وعن المطلقة والارملة
وعن ود تمبك وحين ماكردة ومصطفي الكعوك
بدون اركلوجيا وتراجيديا الصراع
خليل .. سلام لو لا تنوع الافكار والكتابات لكان الذي يكتب واحد وهو نفس الذي يقرأ وكدة التنوع حيموت ساغني مع احمد طيب ضاع صبري
ولكني لا اغني رمل المسافة واقترحك
والغناء بتاع الكلمات المتقاطعة
اغني مع عبدالرحمن الريح وعتيق القلبو انقسم نصفين
لازم في ناس تستمع لكروم وناس لمحمود عبد العزيز ناس للكاشف والفلاتية وناس لنانسي عجاج وندي القلعة وناس لكلتوم وناس لود الصايم .. كدة الاختلاف الذي يولد التنوع .. والناس كما قالوا مذاهب وشيع في كل شيء
Post: #31 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-26-2008, 08:04 PM Parent: #24
Quote: لازم في ناس تستمع لكروم وناس لمحمود عبد العزيز ناس للكاشف والفلاتية وناس لنانسي عجاج وندي القلعة وناس لكلتوم وناس لود الصايم .. كدة الاختلاف الذي يولد التنوع .. والناس كما قالوا مذاهب وشيع في كل شيء
بها
الفنانين القلت كلهم ما فيهم مثقفاتي
وبعضهم اميين عديل
Post: #29 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-26-2008, 07:59 PM Parent: #23
مصادم لا عليك
اختلاف الراي لا يفسد للود قضية
Post: #25 Title: Re: مثقفاتية سودانيز ما عندكم حاجة وبوستاتكم (بورندي) Author: سارة علي Date: 10-26-2008, 06:52 PM Parent: #1
Quote: تعال لي بعد ما مشاركاتك تصل الخمسمائة
كااااااااااااااااااااك*
*كااااك= اسالو ود عمي
Post: #33 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-26-2008, 08:08 PM Parent: #25
Quote: كااااااااااااااااااااك*
سارة علي
نحن بنتكلم عن الاستلاب والهكر الثقافي في صيرورة الانسان
انتي تقولي كاكي
Post: #26 Title: Re: مثقفاتية سودانيز ما عندكم حاجة وبوستاتكم (بورندي) Author: محمد حيدر المشرف Date: 10-26-2008, 06:54 PM Parent: #1
شايفك بديت تعانى من بعض المخاشنات يبدو انك نزلت بواد غير ذى زرع واظنك من الهالكين
.. كن بخير يا عزيزى وتوهج .. لك زهر البرتقال
Post: #28 Title: Re: مثقفاتية سودانيز ما عندكم حاجة وبوستاتكم (بورندي) Author: عبدالكريم الامين احمد Date: 10-26-2008, 07:02 PM Parent: #26
Quote: يكى انا معاك فى الحته دى وبالضروره نعم , هو مأزق تاريخي ببقى الرهان عموما فى قدرتنا على الابداع وتجاوز بنيات وعينا التناسلى فجيفارا لم يكن عضوا بسودانييزاونلاين وكاسترو ما زال خنجرا فى خاصرة الراسمال
ا هلا يا ود المشرف..............
في كورالات عمال القصب في حقول كويا يشدو الفتية بنشيد يخلد سيرة الوعي التناسلي الممزوج بطقوس الفلكور الكوبي القديم...لذا من الضروري ان تستند بنية الوعي في كل مجملها علي الوعي الجاي من رحم الجماهير
Post: #32 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-26-2008, 08:06 PM Parent: #26
Quote: كن بخير يا عزيزى وتوهج .. لك زهر البرتقال
مشرف
بعض الرحيق انا والبرتقالة انت
Post: #27 Title: Re: مثقفاتية سودانيز ما عندكم حاجة وبوستاتكم (بورندي) Author: عزاز شامي Date: 10-26-2008, 07:01 PM Parent: #1
Quote: ياخي قومو فرتقوا
لا تفرتقهم في سماء الغيم المنبثق فقد آن للطيور ان تشرع اجنحتها في السما البعيدة
و انت ستظل انت ... تفترتقك حسناء و تلملمك أخرى ..!!
قوم لف واجبة هنا و ما عداها بدعة، فارع بقيدك و اقعد ساي
Post: #35 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-26-2008, 08:11 PM Parent: #27
Quote: لا تفرتقهم في سماء الغيم المنبثق فقد آن للطيور ان تشرع اجنحتها في السما البعيدة
و انت ستظل انت ... تفترتقك حسناء و تلملمك أخرى ..!!
قوم لف واجبة هنا و ما عداها بدعة، فارع بقيدك و اقعد ساي
عزاز
انما الناس سطور كتبت ولكن بماء
وهل تخذتي الغاب مثلي منزلا دون القصور
Post: #30 Title: Re: مثقفاتية سودانيز ما عندكم حاجة وبوستاتكم (بورندي) Author: Ahmed Abdallah Date: 10-26-2008, 08:01 PM Parent: #1
زي ثقافة ود البلال صاحبك .. كلها مرايس و بقنية و ود عماري الجيد قوم لف .. قال ام دقرسي قال
Post: #34 Title: Re: مثقفاتية سودانيز ما عندكم حاجة وبوستاتكم (بورندي) Author: baha eassa Date: 10-26-2008, 08:09 PM Parent: #30
Quote: بها
الفنانين القلت كلهم ما فيهم مثقفاتي
وبعضهم اميين عديل
اخي خليل .. لم اعني الفرق بين الامي والمثقف .. الاختـــــــلاف في التلقي والفهم؟؟
Post: #37 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-26-2008, 08:14 PM Parent: #34
Quote: اخي خليل .. لم اعني الفرق بين الامي والمثقف .. الاختـــــــلاف في التلقي والفهم؟؟
بها
هل انت مع المثقفاتية
وللا زينا (ختفن جرن ساكت)
Post: #49 Title: Re: مثقفاتية سودانيز ما عندكم حاجة وبوستاتكم (بورندي) Author: baha eassa Date: 10-26-2008, 09:17 PM Parent: #37
Quote: بهاء
هل انت مع المثقفاتية
وللا زينا (ختفن جرن ساكت)
من هم المثقفاتية؟ وما الفرق بينهم وبين الاخرين؟ الكل مكمل للاخر والتصنيف هل كل من قرأ وكتب مثقف؟ وكل من زرع وحصد مثقف في عمله ام ان شيئا اخر هو الذي يفرز المثقف من الاخر ؟ كل مثقف في مجال عمله وفلسفته لحياته .. وان يكون هناك كم فدان بين المثقف والاخر فهي المصيبة؟؟ وربنا ماجاب مصائب ..
Post: #36 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-26-2008, 08:13 PM Parent: #30
Quote: كلها مرايس و بقنية و ود عماري الجيد قوم لف .. قال ام دقرسي قال
اللورد احمد عبدالله
مين سكرك يا حبيب ومن السقاك عسلية
Post: #38 Title: Re: مثقفاتية سودانيز ما عندكم حاجة وبوستاتكم (بورندي) Author: Ahmed Abdallah Date: 10-26-2008, 08:17 PM Parent: #36
Quote: مين سكرك يا حبيب ومن السقاك عسلية
ومن يكون غير الهالك سابق الذكر ...
Post: #39 Title: Re: مثقفاتية سودانيز ما عندكم حاجة وبوستاتكم (بورندي) Author: عبدالكريم الامين احمد Date: 10-26-2008, 08:18 PM Parent: #30
يا ابو خليل انت الظاهر عليك بتعاني من مشكل (وليس اشكال) في الوتر الرابع بتاع امتصاص الصهيل والبوح ودي حالة بتاعة تفكيك جاهزة وتقاطعت مع حالة حصلت للاله زيزوس في حانات روما القديمة فتم علاجه باحتساء عجة راس الحوت...
Post: #40 Title: Re: مثقفاتية سودانيز ما عندكم حاجة وبوستاتكم (بورندي) Author: عبدالكريم الامين احمد Date: 10-26-2008, 08:18 PM Parent: #30
يا ابو خليل انت الظاهر عليك بتعاني من مشكل (وليس اشكال) في الوتر الرابع بتاع امتصاص الصهيل والبوح ودي حالة بتاعة تفكيك جاهزة وتقاطعت مع حالة حصلت للاله زيزوس في حانات روما القديمة فتم علاجه باحتساء عجة راس الحوت...
Post: #41 Title: Re: مثقفاتية سودانيز ما عندكم حاجة وبوستاتكم (بورندي) Author: سارة علي Date: 10-26-2008, 08:22 PM Parent: #1
Quote: انت الظاهر عليك بتعاني من مشكل (وليس اشكال) في الوتر الرابع بتاع امتصاص الصهيل والبوح ودي حالة بتاعة تفكيك جاهزة وتقاطعت مع حالة حصلت للاله زيزوس في حانات روما القديمة فتم علاجه باحتساء عجة راس الحوت...
المعني... صاحبك كيكي قال ليك من دربك دة قوم واشرب..
موية...
Post: #42 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-26-2008, 08:42 PM Parent: #41
Quote: المعني... صاحبك كيكي قال ليك من دربك دة قوم واشرب..
سارة وكيكي
احتاجها مع قليل من الثريد
وام فتفت والبصل المفقش
Post: #44 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-26-2008, 08:46 PM Parent: #42
Quote: انت الظاهر عليك بتعاني من مشكل (وليس اشكال) في الوتر الرابع بتاع امتصاص الصهيل والبوح ودي حالة بتاعة تفكيك جاهزة وتقاطعت مع حالة حصلت للاله زيزوس في حانات روما القديمة فتم علاجه باحتساء عجة راس الحوت...
كيكي
لابد من عمل اضاءة للمناطق الرمادية في افاق البوح
والا فالتشظي محتوم
Post: #51 Title: Re: مثقفاتية سودانيز ما عندكم حاجة وبوستاتكم (بورندي) Author: عبدالكريم الامين احمد Date: 10-26-2008, 09:27 PM Parent: #44
Quote: والا فالتشظي محتوم
بتفق معاك استاذ خليل في الجزئية دي ولكن فجاة كده بختلف معاك في نفس ال جزئية
Post: #46 Title: Re: مثقفاتية سودانيز ما عندكم حاجة وبوستاتكم (بورندي) Author: Salah Abdulla Date: 10-26-2008, 09:00 PM Parent: #41
Quote: لم تقدمو حاجة للسودان ولا للمنبر الكاشف ما منكم ابوصلاح ما منكم عثمان حسين الترزي ما منكم جكسا ما منكم الشفيع احمد الشيخ ما منكم هم جيل الستينات من المثقافاتية هو سكرة الخميس بالويسكي والشري وترديد اغنية لحن الحياة بتاعة عثمان الشفيع بعد السكر والشفيع وود القرشي برضو ما منكم وانتو يا مثقفي سودانيز برضو سائرين علي الدرب بوستاتكم بائرة وكلامكم ما فيهو جملة مفيدة فعليكم الله ما تقدونا
ياسلام يا خلي ، غايتو رقدتهم واطة .. بوستاتهم بايركس ، وبعد ده يجو يقولوا ليك ، دايرين نفرز عيشتنا وما دايرين الرجرجة والدهماء ..
لكن بيني وبينك كده نحن وباعتبارنا ما من (المسغفاتية) ذوي البوستات البايركس ، فيحق لنا أن ننتسب لجيل لحن الحياة ، والشربة النضيفة ..
عليك الله رش الفارات ديل ، رشاهم بلا.. كرهونا زاتو.
Post: #47 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-26-2008, 09:11 PM Parent: #46
Quote: ياسلام يا خلي ، غايتو رقدتهم واطة .. بوستاتهم بايركس ، وبعد ده يجو يقولوا ليك ، دايرين نفرز عيشتنا وما دايرين الرجرجة والدهماء ..
لكن بيني وبينك كده نحن وباعتبارنا ما من (المسغفاتية) ذوي البوستات البايركس ، فيحق لنا أن ننتسب لجيل لحن الحياة ، والشربة النضيفة ..
صلاح
انهم يرقصون خارج الحلبة يا صديقي
Post: #43 Title: Re: مثقفاتية سودانيز ما عندكم حاجة وبوستاتكم (بورندي) Author: محمد حيدر المشرف Date: 10-26-2008, 08:45 PM Parent: #1
Quote: في كورالات عمال القصب في حقول كويا يشدو الفتية بنشيد يخلد سيرة الوعي التناسلي الممزوج بطقوس الفلكور الكوبي القديم...لذا من الضروري ان تستند بنية الوعي في كل مجملها علي الوعي الجاي من رحم الجماهير
شكرا كيكى .. عموما ليس لنا الا ان نراهن على الجماهير وقدرتها على ابداع الفعل النضالى بس طبعا هناك العديد من التحفظات .. يعنى انا زي العاوز اشير لاحتمالات انفلات الحركه الجماهيريه وفقدان المسارات حال غياب موجهات العمل التنظيمى والدور الطليعى لمنظمات المجتمع المدنى فى توجيه مسارات الثوره ونشر وعى المرحله وتنزيل الشعار من فضاءاتو الفلسفيه لارض الواقع الراهن .. .. .. انها يا صديقى ثورة ممكنه
.. كن علي وعد بالشموس القادمه يخاصرك البنفسج مرتين ..
Post: #50 Title: Re: مثقفاتية سودانيز ما عندكم حاجة وبوستاتكم (بورندي) Author: عبدالكريم الامين احمد Date: 10-26-2008, 09:20 PM Parent: #43
Quote: كن علي وعد بالشموس القادمه يخاصرك البنفسج مرتين
وهنا وكانك تاخذني الي مدارات البنفسج في شعر حسن طلب وبتخليني زي احاول احقن الجزئية دي بدلالات شعر الهمباتة في البطانة وممكن في دورة النقاش لو وجدنا له براح نتطرق للوعي الجماهيري في زمن الكوليرا وفي الحتة دي مفروض منحني النقاش يزاوج ما بين الشاعرية والرومانسية ونضخ حديث عن امل دنقل
Post: #45 Title: Re: مثقفاتية سودانيز ما عندكم حاجة وبوستاتكم (بورندي) Author: haroon diyab Date: 10-26-2008, 08:47 PM Parent: #1
الجميل خليل سلام
Quote: هم جيل الستينات من المثقافاتية هو سكرة الخميس بالويسكي والشري وترديد اغنية لحن الحياة
بتاعة عثمان الشفيع بعد السكر والشفيع وود القرشي برضو ما منكم
Post: #52 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-26-2008, 09:27 PM Parent: #48
Quote: وهنا وكانك تاخذني الي مدارات البنفسج في شعر حسن طلب وبتخليني زي احاول احقن الجزئية دي بدلالات شعر الهمباتة في البطانة وممكن في دورة النقاش لو وجدنا له براح نتطرق للوعي الجماهيري في زمن الكوليرا وفي الحتة دي مفروض منحني النقاش يزاوج ما بين الشاعرية والرومانسية ونضخ حديث عن امل دنقل
كيكي الشفيف
لو تناولناشخصية الرجل في رواية ارنست هيمنجواي العجوز والبحر
نجد هناك تناقضا شديد بين كينونة الاشياء وكبح جماح النفس البشرية المتمردة
علي عكس ما كتبه ديستوفسكي في بائعة الخبز
Post: #54 Title: Re: مثقفاتية سودانيز ما عندكم حاجة وبوستاتكم (بورندي) Author: عبدالكريم الامين احمد Date: 10-26-2008, 09:34 PM Parent: #52
Quote: لو تناولناشخصية الرجل في رواية ارنست هيمنجواي العجوز والبحر
نجد هناك تناقضا شديد بين كينونة الاشياء وكبح جماح النفس البشرية المتمردة
علي عكس ما كتبه ديستوفسكي في بائعة الخب
نفس الجزئية يا خليل ممكن نشيلها لقدام ونضي بيها الثنائية ما بين الحنين والزين في عرس الزين وتزاوج الوعي الملاماتي الصوفي في التركيبة السودانية.... وبحتاج لجية تانية لمدارات النقاش عشان نفكك بت مجذوب كحالة بتاعة استلابي ذكوري في المشكل الاجتماعي السوداني... وكن وريفا وبييننا ورافة قادمة بالتاكيد
Post: #53 Title: Re: مثقفاتية سودانيز ما عندكم حاجة وبوستاتكم (بورندي) Author: soma Date: 10-26-2008, 09:31 PM Parent: #48
خليل اول مره اقرأ ليك بوست جاد ويعجبنى حد الفرح.. الفرح بيك و بى كتاباتك الجوهريه المكنونه جوة وباخل علينا بيها يى اتشتت جاى وجاى وازرع فرحك غيمات ضهر *** مشاققة على قول اهلنا اهل العوض
Quote: و الله دي قطامة عرب جزيرة ساي
اخوى ود البشرى حبابك عارف اختك الغبشة دى ..عرب جزيره وبطاحين خلا كمان شفت كلمة قطامه دى ..تاكل نارك فيها براك اقوم عليك افك فيك واحد هجاء كده زى القالو ود اعمنا الشوبلى فى محمد موسى؟ تحياتى للجميع اسماء الجنيد/ مسقط
Post: #55 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-26-2008, 09:36 PM Parent: #53
Quote: خليل اول مره اقرأ ليك بوست جاد ويعجبنى حد الفرح.. الفرح بيك و بى كتاباتك الجوهريه المكنونه جوة وباخل علينا بيها يى اتشتت جاى وجاى وازرع فرحك غيمات ضهر
سومة
دها مدح ولا ذم
انتي طابور خامس للمثقفاتية
لا سومة بعد اليوم
Post: #56 Title: Re: مثقفاتية سودانيز ما عندكم حاجة وبوستاتكم (بورندي) Author: محمد البشرى الخضر Date: 10-26-2008, 09:45 PM Parent: #53
سوما اختي كان مديح حبابك الف و ان هجيتي حبابك الفين ما بتلقي مني الا كل ترحاب و مودة
نسوي شنو عاد البتقع من الجزيرة بتحملها الخرطوم
Post: #57 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-26-2008, 09:47 PM Parent: #56
Quote: نسوي شنو عاد البتقع من الجزيرة بتحملها الخرطوم
ود البشري
عندك اربعة صلايب بتاعة مثقفاتية
امشي افحص يا صديقي
وين الناس هم مشو يا ود البشري
Post: #58 Title: Re: مثقفاتية سودانيز ما عندكم حاجة وبوستاتكم (بورندي) Author: محمد البشرى الخضر Date: 10-26-2008, 09:53 PM Parent: #57
Quote: عندك اربعة صلايب بتاعة مثقفاتية
باقي ليك بنفع اوقع في قائمة شندلر
Post: #59 Title: Re: مثقفاتية سودانيز ما عندكم حاجة وبوستاتكم (بورندي) Author: عبدالكريم الامين احمد Date: 10-26-2008, 10:05 PM Parent: #58
ياخليل وود البشري في جزر (بلفاس نوز) في تخوم الكارييبي توجد الية قديمة لقياس درجات التثقيف ساحاول الحصول عليها من صديق بلفاسي وترجمتها من اللغة البلفاسية وح اجيب ليكم... علي الاقل ممكن نشوف صلايب ود البشري دي قدر شنو
Post: #60 Title: Re: مثقفاتية سودانيز ما عندكم حاجة وبوستاتكم (بورندي) Author: عبدالكريم الامين احمد Date: 10-26-2008, 10:05 PM Parent: #58
ياخليل وود البشري في جزر (بلفاس نوز) في تخوم الكارييبي توجد الية قديمة لقياس درجات التثقيف ساحاول الحصول عليها من صديق بلفاسي وترجمتها من اللغة البلفاسية وح اجيب ليكم... علي الاقل ممكن نشوف صلايب ود البشري دي قدر شنو
Post: #61 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-26-2008, 10:06 PM Parent: #58
Quote: باقي ليك بنفع اوقع في قائمة شندلر
ود البشري
اذا اردت التوقيع لهذه القائمة
قراة كتاب البخلاء للجاحظ وشوية من كليلة ودمنة
وعليك ان تتسلق النخلة الحمقاء لايليا ابوماضي
انعل ابو الثقافة زاتها
خليلو بسحروك لي
Post: #62 Title: Re: مثقفاتية سودانيز ما عندكم حاجة وبوستاتكم (بورندي) Author: محمد حيدر المشرف Date: 10-26-2008, 11:19 PM Parent: #1
فليكن .. انى احب اصابعى .. لان الراحتين بيارقا للغائبين الى دمى قيد الخروج بكل نار
خليل وكيكى .. بالطبع يمكننى التوقيع بالاحرف الاولي علي كل ما ورد اعلاه كما وأؤمن بجدوى التواجد هنا وفى موعد اقصاه الآن .. بس بأى حال من الاحوال وتحت اى ظروف لا يمكننا اعتبار الخطاب هنا كمنفستو ختامى للمثقف السودانى .. نفتقد بشده للسند الجماهيري ..كما ونحتاج الالتصاق اكثر بالقضايا الحقيقيه للجماهير ومحاولة تثويرها وانوه انه ومن الاهميه بمكان استثمار حالة الاحتقان السياسي والاستقطاب الحاد والمتداعى من مركز ثقل الازمه والمتمظهر كانعكاس حى للواقع الشديد الوطأه والاحباط وخفوت نبض الشارع الحى ..
ولتوما اقمصتى القديمه .. فلتمزق ما تشاء ..
اراكم تعرضتم بشى من الاستخفاف لمرحلة ما بعد الحداثه .. يا خليل اخلع عنك رداء الحقيبه واغانيها .. فهى ارتداد مخيف لما بوعيك من تقدميه وتجعلك تبدو وكأنك لا تقف على ارضيه فكريه راسخه .. هناك عرض افتتاحى لفيلم الحب فى زمن الكوليرا غدا بالمركز الثقافى الكوبي وهو - اي الفلم - محاوله جريئه للمخرج مايكل نيويل لمعالجه رواية ماركيز سينمائيا .. ارجو ان يكون قدر الطموحات
.. تصبحون على وطن من غمام .. ومن شجن
Post: #63 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-26-2008, 11:42 PM Parent: #62
Quote: ولتوما اقمصتى القديمه .. فلتمزق ما تشاء
بوريز مشرف
لنضي شمعة بدل ان نلعن الظلام
مدرات وفجاج ولجاج
وجعجعة ثم طحنا
وكانت طينة البوس شاعرا مثالا
سنذهب لخليج الخناريز ونشاهد الكوليرا في زمن الحب وليس العكس
باص اللمين قلبو وانا مال بي
شرطا اجيب خبرو وانا مالي بي
مع تحيات مبارك ابو تجة راعي الغنم الشهير
Post: #64 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-27-2008, 11:08 AM Parent: #63
اعتقد حان الوقت لردم الهوة بين المثقف والواقع ومعالجة هذا الفصام
كيكي لقيتني كيف
Post: #65 Title: Re: مثقفاتية سودانيز ما عندكم حاجة وبوستاتكم (بورندي) Author: عبدالكريم الامين احمد Date: 10-27-2008, 11:17 AM Parent: #64
Quote: كيكي لقيتني كيف
لقيتك خطير ياخلي مرةواحدة ويلا جرررررررررررري علي التوقيع
Post: #66 Title: Re: مثقفاتية سودانيز ما عندكم حاجة وبوستاتكم (بورندي) Author: طارق أحمد خالد Date: 10-27-2008, 11:48 AM Parent: #1
اييييييييييييييييييييك جيناكم بعيد غيبة الهكر قطع راسنا.. الليلة طلعنا من الحبس
Quote: لو تناولناشخصية الرجل في رواية ارنست هيمنجواي العجوز والبحر
نجد هناك تناقضا شديد بين كينونة الاشياء وكبح جماح النفس البشرية المتمردة
علي عكس ما كتبه ديستوفسكي في بائعة الخبز
ولد دا!!!! خلي يا مثقف... ليك وحشه والله وجميع المثقفاتية والعنقالة وكل قبيلة سودانيزاونلاين: الصالح والطالح
Post: #67 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-27-2008, 12:28 PM Parent: #66
Quote: ولد دا!!!! خلي يا مثقف... ليك وحشه والله وجميع المثقفاتية والعنقالة وكل قبيلة سودانيزاونلاين: الصالح والطالح
طارق احمد
ستحملك غيمة علي جناح طائر الفينيق
وحتما ستغازل زهرة اللوتس
وارغو دها كيف
Post: #68 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-27-2008, 12:41 PM Parent: #67
حقيقة لم يقدم المثقفاتية اي شي للسودان
فالمسرح اسسه تور الجر والحقيبة والفن كان اساسه من عامة الشعب
وقد عاش واشتهر المثقفاتية علي حساب هولاء
فمنهم من اشتهر علي حساب ابو داوؤد ومنهم اشتهر علي حساب محمد الامين
وساعود
Post: #69 Title: Re: مثقفاتية سودانيز ما عندكم حاجة وبوستاتكم (بورندي) Author: Hadia Mohamed Date: 10-27-2008, 02:19 PM Parent: #1
Quote: فالمسرح اسسه تور الجر
جبت الكلام دة من وين هسى؟ خليل ياخ مالك ؟ ما تدخل فى حاجاتنا شفتنا يوم واحد ختينا لينا طوبة فى بوست الهندسة حقك؟.
Post: #70 Title: Re: مثقفاتية سودانيز ما عندكم حاجة وبوستاتكم (بورندي) Author: على محمد على بشير Date: 10-27-2008, 03:15 PM Parent: #69
المدعو خليل
فى الق اللقاء وفى امواج البحر واصطخاب ضوضاء المدينه وفى صهيل الخيول الجامحه وعلى حدود الاستواء وفى الحد الفاصل بين النشوه والصياح وزقزقة العصافير ونسيم الليل العليل وفلق الصباح تجدنا يا اخى وحتى فى مسامات روحك تجدنا وان انكرتنا فاننا قربك بل امامك ولكنك لاترى
المهم انتا والذين زكرتهم ما بتهمونا فى حاجه قوم لف كدا بالهى وخلى كيكى يلف معاك يا عنقالى ..
Post: #71 Title: Re: مثقفاتية سودانيز ما عندكم حاجة وبوستاتكم (بورندي) Author: على محمد على بشير Date: 10-27-2008, 03:17 PM Parent: #70
يا خليل
نسيت اقول ليك فى اخر الاخبار التى وردت الينا قالوا سمونا ( القطيع ) ودا كلو من جنس كتاباتكم دى .. جبتوا لينا الهواء
Post: #72 Title: Re: مثقفاتية سودانيز ما عندكم حاجة وبوستاتكم (بورندي) Author: عبدالعزيز الفاضلابى Date: 10-27-2008, 03:59 PM Parent: #71
خليل صدقت من منجم يعلم مالانعلم أوافقك الرأى 100% على ما جاء فى أول هذا البوست وتخيل معى لو تشكلت حكومة تدير السودان ممن يكتبون فى هذا المنبر فقط.
Post: #74 Title: Re: مثقفاتية سودانيز ما عندكم حاجة وبوستاتكم (بورندي) Author: محمد عبدالرحمن Date: 10-27-2008, 04:42 PM Parent: #72
ياخليل ..
دا كلو هين ..المشكلة يكونوا مابشجعوا الهلال ..
اسمع ..
كيكى دا يازول مثقف زعلان بس ..الزول دا مابنضمن ليك ..اسى يقوم يعمل ليك فيها جاك دريدا يخليك تشرب ماتروى ..
Post: #79 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-27-2008, 05:20 PM Parent: #74
Quote: دا كلو هين ..المشكلة يكونوا مابشجعوا الهلال ..
ياخوي محمد عبد الرحمن
هو الهلال ناقص نحس
كمان تجيب ليهو ديل
Post: #78 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-27-2008, 05:18 PM Parent: #72
Quote: وتخيل معى لو تشكلت حكومة تدير السودان ممن يكتبون فى هذا المنبر فقط.
الفاضلابي ود عمي
حبيبي هولاء لا يشكلون ولا يسقطون حكومة
زي الجمل البهدر بارك
Post: #77 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-27-2008, 05:14 PM Parent: #70
Quote: المهم انتا والذين زكرتهم ما بتهمونا فى حاجه قوم لف كدا بالهى وخلى كيكى يلف معاك
ابو علوة
لعل افة التغبيش قد ضربت بجذروها وسبرت اغوار سويداء الفواد
يوم سبعتاشر كيف
الكاس كاسنا ونحن اهلو
Post: #75 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-27-2008, 05:10 PM Parent: #69
Quote: جبت الكلام دة من وين هسى؟ خليل ياخ مالك ؟ ما تدخل فى حاجاتنا شفتنا يوم واحد ختينا لينا طوبة فى بوست الهندسة حقك؟.
هادية
اي كان المسرح السوداني لو يوسسه واحد من المثقفاتية فقد كان تور الجرس
وابو العباس محد طاهر وخالد ابو الرووس
ناس نبتة حبيبتي جو هسع
Post: #73 Title: Re: مثقفاتية سودانيز ما عندكم حاجة وبوستاتكم (بورندي) Author: خالد عبد الله محمود Date: 10-27-2008, 04:24 PM Parent: #1
خالي خليل كيكي ده فيهو ريحة مثقفاتيه بالله رشو لينا من البوست ده سريع بلاء يخمو عامل صلعته الكبيرة دي ..
Post: #76 Title: Re: مثقفاتية سودانيز ما عندكم حاجة وبوستاتكم (بورندي) Author: عبدالكريم الامين احمد Date: 10-27-2008, 05:14 PM Parent: #73
Quote: اسمع ..
كيكى دا يازول مثقف زعلان بس ..الزول دا مابنضمن ليك ..اسى يقوم يعمل ليك فيها جاك دريدا يخليك تشرب ماتروى ..
Quote: خالي خليل كيكي ده فيهو ريحة مثقفاتيه بالله رشو لينا من البوست ده سريع بلاء يخمو عامل صلعته الكبيرة دي
محمد وخالد مالكم علينا ياخي يقوموا علينا الهوام يخلوا ريحتنا طير طير... مش موغل ودهشة والفرمالات دي...اها رايكم شنو من الليلة دي ده طرفها منها
Post: #80 Title: Re: مثقفاتية سودانيز ما عندكم حاجة وبوستاتكم (بورندي) Author: خالد عبد الله محمود Date: 10-27-2008, 05:22 PM Parent: #76
كيكي اللذيذ
Quote: مش موغل ودهشة والفرمالات دي...اها رايكم شنو من الليلة دي ده طرفها منها
أي أتصلح معانا ... عالم تخاف ما تختشيش ... على بالطلاق خالي خليل لو ما كان إتخذ إجراء كنت بجر ليكـ تلفون لحواء أوكامبو أقول ليها الزول ده (قلب) كانت تجي تقطعو معاكـ ناشف ..
بس الله ستر ..
قال موغل قال ... أنت ما عارف أخوكـ عندو حساسية من الكلام الكبار كبار ده ..
Post: #82 Title: Re: مثقفاتية سودانيز ما عندكم حاجة وبوستاتكم (بورندي) Author: عبدالكريم الامين احمد Date: 10-27-2008, 05:25 PM Parent: #80
Quote: الزول ده (قلب)
اها دي كمان تهمة جديدة اخير منها اكون مثقاتي كبيررررررر
Post: #83 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-27-2008, 05:30 PM Parent: #73
Quote: خالي خليل كيكي ده فيهو ريحة مثقفاتيه بالله رشو لينا من البوست ده سريع بلاء يخمو عامل صلعته الكبيرة دي ..
خالد
كيكي عندو تلات كلمات موغل ودهشة ومدارات لا توهله ليصبح مثقفا
عليه زيادة محصلته اللغوية وادخال مفردات
مثل معايير مزدوجة وقرفصاء وقلنسوة وهكذا
Post: #85 Title: Re: مثقفاتية سودانيز ما عندكم حاجة وبوستاتكم (بورندي) Author: عبدالكريم الامين احمد Date: 10-27-2008, 05:37 PM Parent: #83
Quote: كيكي عندو تلات كلمات موغل ودهشة ومدارات لا توهله ليصبح مثقفا
عليه زيادة محصلته اللغوية وادخال مفردات
مثل معايير مزدوجة وقرفصاء وقلنسوة وهكذا
تمام ياخلي بالله اعمل دروة لخالك باقي الكعب المدور ده حقنة ملاريا بس... وزيد عندك اليومين دي شابك ليك في (جزئية وملمح) ديل جداد لنج الكلمتين بس نزلناهم امس ده بس
Post: #86 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-27-2008, 05:42 PM Parent: #85
Quote: تمام ياخلي بالله اعمل دروة لخالك باقي الكعب المدور ده حقنة ملاريا بس... وزيد عندك اليومين دي شابك ليك في (جزئية وملمح) ديل جداد لنج الكلمتين بس نزلناهم امس ده بس
اليانكي وال Rebels. عموما احجزوا لينا مكان هناك ياخليل انت و صديقنا
المشترك كيكي و شوفوا لي شغل اذا اوباما ما فاز , ده طرفي من اميركا.
مع ودي وتقديري
Post: #84 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-27-2008, 05:34 PM Parent: #81
Quote: اليانكي وال Rebels. عموما احجزوا لينا مكان هناك ياخليل انت و صديقنا
المشترك كيكي و شوفوا لي شغل اذا اوباما ما فاز , ده طرفي من اميركا.
المعز سلامات مشتاقون
مكانك محجوز في دوحة الجميع
تكلم وسدد ما استطعت فكلامك حي والسكوت جماد
Post: #87 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-27-2008, 05:49 PM Parent: #84
قصيدة مثقافتية
بوح والم
ظلال كثيفة
كانت الفجعية
فتحت اريكة الوجد
شرفة طلت علي وديعة
مدخل تاني
مرافي البنت
عصفورها يرفل عند الدوحة
اجنحة مكسورة
فكانت البرحة
ياخي قوموا كدة قال شعر رمزي
حليل عبد الرحمن الريح لما
طرفي لروياك دمعو كبر وهلل
Post: #88 Title: Re: مثقفاتية سودانيز ما عندكم حاجة وبوستاتكم (بورندي) Author: عبدالكريم الامين احمد Date: 10-27-2008, 05:51 PM Parent: #81
Quote: ماكنت تقول لينا الكلام ده في قعدتنا التاريخيه في غرفة كيكي مع هاشم كرار,
هلا يا المعز ومشتاقين ياخي وتخيل مافي حاجة خربتنا وخلت زي خالد ومحمد عبدالرحمن ديل يحرشوا فيني الا القعدة مع ناس هاشم كرار ديل... يشبكك بروستريكا الوعي الشنو شنو.. وينط ليك فيصل عباس يخمك بصهيل الخيول الماشة علي جدران الذاكرة وبارك الله في راشد عوض الذي لولاها لكنت من ضحايا الليلة شربت وما رويت هو الوحيد البقول ليهم يا جماعة هووووي بالله ما تقدونا ياخي
Post: #89 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-27-2008, 05:55 PM Parent: #88
Quote: وينط ليك فيصل عباس يخمك بصهيل الخيول الماشة علي جدران الذاكرة
فيصل عباس
علي الحلف مفروض هو اوقع علي البيان دها
اكتر زول مثقف بعرف الفتاة التي طارت عصافيرها ياخ
Post: #90 Title: Re: مثقفاتية سودانيز ما عندكم حاجة وبوستاتكم (بورندي) Author: عبدالكريم الامين احمد Date: 10-27-2008, 06:04 PM Parent: #89
Quote: قصيدة مثقافتية
بوح والم
ظلال كثيفة
كانت الفجعية
فتحت اريكة الوجد
شرفة طلت علي وديعة
مدخل تاني
مرافي البنت
عصفورها يرفل عند الدوحة
قصيدة يا خليل تعبر عن حالة تمرد لواقع المنتمي ورغم انها شعر حداثي الا ان تي اس اليوت روحه ظاهرة وبكثافة وبتشابه قصيدة جميس جويس (انجلند از ما لي لاند).. ممكن اساهم في تلحينها بموسيقي اغذيها ليك بالحان مكسيكية
Post: #91 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-27-2008, 06:11 PM Parent: #90
Quote: قصيدة يا خليل تعبر عن حالة تمرد لواقع المنتمي ورغم انها شعر حداثي الا ان تي اس اليوت روحه ظاهرة وبكثافة وبتشابه قصيدة جميس جويس (انجلند از ما لي لاند).. ممكن اساهم في تلحينها بموسيقي اغذيها ليك بالحان مكسيكية
كيكي القصيدة
يجب ان تلحن علي موزارت وبتهوفن وادخال بعض الموشحات الاندلسية
لاطفاء صبغة شرقوغربية عليها
Post: #92 Title: Re: مثقفاتية سودانيز ما عندكم حاجة وبوستاتكم (بورندي) Author: مزمل التريكى Date: 10-27-2008, 06:47 PM Parent: #1
Quote: الكابلي بحب المثقفاتية وبدلع الكلام
لكن غنااااااااااااااااااااااااااااااي
للدو
ويمكن ده البخلينا نتلاقى معاك فى بيانق الافق البنفسجى الشفيف
وده شكل اللقيا الذى تكون باهزوجة مريا وهى تنقر القيثاره فى رفق
على قمة جبال الاولمب انتظارا قد يطول لفيدياسا وروحه العبقريه .
مؤنة عامان من الرحيق الملائكى
Post: #93 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-27-2008, 06:54 PM Parent: #92
Quote: ويمكن ده البخلينا نتلاقى معاك فى بيانق الافق البنفسجى الشفيف
وده شكل اللقيا الذى تكون باهزوجة مريا وهى تنقر القيثاره فى رفق
على قمة جبال الاولمب انتظارا قد يطول لفيدياسا وروحه العبقريه .
ممكن يا مزمل تعتبر صلاح احمد ابراهيم من المثقفاتية العندهم منتج كويس
الحق يقال
Post: #94 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-27-2008, 07:11 PM Parent: #93
الاغنية التي يموت فيها المثقفاتية بعد السكرة
IMG][/IMG]
Post: #95 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-27-2008, 08:21 PM Parent: #94
الواحد فيهم غسل الجنابة ما بعرفو
قطيع قال
Post: #96 Title: Re: مثقفاتية سودانيز ما عندكم حاجة وبوستاتكم (بورندي) Author: محمد البشرى الخضر Date: 10-27-2008, 08:41 PM Parent: #95
Quote: الواحد فيهم غسل الجنابة ما بعرفو
قطيع قال
خلي يا عمك... دي زعلة عرب جزيرة خلي بالك
Post: #97 Title: Re: مثقفاتية سودانيز ما عندكم حاجة وبوستاتكم (بورندي) Author: محمد عبد الماجد الصايم Date: 10-27-2008, 08:45 PM Parent: #1
Quote: الواحد فيهم غسل الجنابة ما بعرفو
في شنو يا عمكـ بيان ولا .....!
Post: #98 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-27-2008, 09:33 PM Parent: #97
Quote: خلي يا عمك... دي زعلة عرب جزيرة خلي بالك
الجزيرة لبست القميص وعلمت الحديث
Post: #99 Title: Re: مثقفاتية سودانيز ما عندكم حاجة وبوستاتكم (بورندي) Author: Ana Zaty Omdur Date: 10-28-2008, 01:15 AM Parent: #1
Quote: اذا اردت التوقيع لهذه القائمة
قراة كتاب البخلاء للجاحظ وشوية من كليلة ودمنة
وعليك ان تتسلق النخلة الحمقاء لايليا ابوماضي
انعل ابو الثقافة زاتها
خليلو بسحروك لي
مبــــــالغه لاكن ياخليل يا أخوى والله بسحروك كما عشان مثقفاتى.... فى خفة دمك دى
Quote:
فالمسرح اسسه تور الجر
جبت الكلام دة من وين هسى؟ خليل ياخ مالك ؟ ما تدخل فى حاجاتنا شفتنا يوم واحد ختينا لينا طوبة فى بوست الهندسة حقك؟.
إستغفرتــك يا مالك روحــــــى هههههههه
Post: #100 Title: Re: مثقفاتية سودانيز ما عندكم حاجة وبوستاتكم (بورندي) Author: ودرملية Date: 10-28-2008, 01:49 AM Parent: #99
سلامات وعوافي بالنظر الي الحالة العامة التي يرزح تحت وطأتها "جماهير شعبناالكريم" ارى انه ومن حيث المبدأ الاتفاق مع معطياتك المطروحة كدليل علي الوطنية في استشعارك لهمة ذوو الشأن و"المنعصرين" علي جدار الثقافة كمخرج من جحيم الازمة مع تحفظي الكامل على اسلوب طرحك لقضية مفصلية "من حيث اللغة المتواضعة والجهجهة الواضحة في مداخلاتك".. الامر وبرمته لا يعدو "نفخة كير" كون القضية اضحت متشعبة وتحتاج لما هو اكثر من "مثقف" علي النحو الذي يجلب للشارع العام ما يفضي الي النعيم باعتبار ان جوهر القضية "الجوع والفقر والحرب والعنصرية" مازالت تتفشى في شرايين الارض الطيبة .. من هذا المنطلق اطالب انا عبد الرحيم عبد الله عبد الرحيم درار كـــ"مثقف باتع" بالتجاوب مع خطاب خليل "السوقي" جدا والمنطلق من ثقافته الضئيلة مقياسا بما نحمله نحن المثقفين في "جعبتنا" من حلول وتماهي مع ما يحدث للفقراء والمساكين .. افراغا لغرضك الدنيء يا خليل من محتواه الغرضي البشع اطالبك بالاعتذار لنا جميعا كمثقفين "نافعين" ..مازلنا وسنظل نثري الراي العام بكل ماهو مفيد وجديد مبتكر .. لذلك اتمني ان تترك لنا هذا الشأن وان ترحل "والي الابد" مع سفينة الحقيبة واغاني القعدات الطاعمة التي انتهى زمناها .. نحن الان في صدد "حبيبو" و"طه سليمان" وبقية الدر الفريد ..تقول لي اللوري والبطيخ .. هذا لا يعدو كونه تهريجا متعمدا يقود الي الغوغائية .. والمثقفين الان يثرون حياتنا الاسفيرية باجتهاداتهم النوعية والواضحة للمتأمل الذكي .. وانا الان اعكف علي قراءة لواقع عام تعيشه كل الشعوب بما فيها وطننا الحبيب السوادن اسميتها "احلام يابسة" وهي قاب قوسين او ادنى من الصدور اتمنى ان تجد فيها ضالتك "كمهرج" وحاقد تحسدنا علي "ثقافتنا الثرة" وعلي بهاء طلتنا والتفاف الحسان حول كتاباتنا واراءنا السديدة .. ودمت الاستاذ / عبد الرحيم درار المشهور بـــ"ودرملية"..
Post: #101 Title: Re: مثقفاتية سودانيز ما عندكم حاجة وبوستاتكم (بورندي) Author: Elmoiz Abunura Date: 10-28-2008, 02:39 AM Parent: #100
الاعزاء خليل, وكيكي
Quote: هلا يا المعز ومشتاقين ياخي وتخيل مافي حاجة خربتنا وخلت زي خالد ومحمد عبدالرحمن ديل يحرشوا فيني الا القعدة مع ناس هاشم كرار ديل... يشبكك بروستريكا الوعي الشنو شنو.. وينط ليك فيصل عباس يخمك بصهيل الخيول الماشة علي جدران الذاكرة وبارك الله في راشد عوض الذي لولاها لكنت من ضحايا الليلة شربت وما رويت هو الوحيد البقول ليهم يا جماعة هووووي بالله ما تقدونا ياخي
هلا هلا ياشباب يبدو انوا القعده حتحلو . وشايف كمان ود رمليه موجود. ومن اسمه, اظن انه من اهلنا ناس رفاعه. كنت افكر في توقف سريع في الدوحه في فترة الكريسماس للعزاء في عمنا الاستاذ مصطفي ابوشرف ومقابلة د. رقيه ابوشرف, وزيارة ابن الخال د. ياسر شبيكه, والخال مجدي شبيكه ومواصلة النقاش مع هاشم كرار. من حسع ياشباب لمونا بالناس الرائعين , واظن راشد ده كان معانا في قعدة ناس كيكي في ديسمبر 2003, وكان معاه العنبه وفي احتمال نواصل القعده في سكني الزمان في Rivera Gardens. وبالمناسبه وين معاويه الزبير, اتصل بي قبل فتره وبعدها عمل زغبير. مع ودي
Post: #105 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-28-2008, 04:58 AM Parent: #101
Quote: هلا هلا ياشباب يبدو انوا القعده حتحلو . وشايف كمان ود رمليه موجود. ومن اسمه, اظن انه من اهلنا ناس رفاعه. كنت افكر في توقف سريع في الدوحه في فترة
معز صديقي
ود رملية رعواتي ساكت وانت ابن امدرمان ياخ
Post: #103 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-28-2008, 04:50 AM Parent: #100
Quote: والمثقفين الان يثرون حياتنا الاسفيرية باجتهاداتهم النوعية والواضحة للمتأمل الذكي .. وانا الان اعكف علي قراءة لواقع عام تعيشه كل الشعوب بما فيها وطننا الحبيب السوادن اسميتها "احلام يابسة" وهي قاب قوسين او ادنى من الصدور اتمنى ان تجد فيها ضالتك "كمهرج" وحاقد تحسدنا علي "ثقافتنا الثرة" وعلي بهاء طلتنا والتفاف الحسان حول كتاباتنا واراءنا السديدة .. ودمت
ودرملية
ياخوي امشي اكل طماطم وجك عكس الهواء
هسه انت كمثقف وريني كوعك وينو وبوعك وينو
وطويل وما بلقح الكعكول شنو
بعد ماهي الفرق بين طائر الفينيق وبكائية اكتوبر
بعدين بتعرف الواو الضكر
فعليك يا اخوي امشي شوف ليك (ادينك) حق قزازة العرقي عشان الخميس قرب
Post: #147 Title: Re: مثقفاتية سودانيز ما عندكم حاجة وبوستاتكم (بورندي) Author: shammashi Date: 10-30-2008, 11:51 AM Parent: #100
خللو
لك شكري على هذا التداعي والاندياح الذى تسرب في ثنايا الروح.
Post: #102 Title: Re: مثقفاتية سودانيز ما عندكم حاجة وبوستاتكم (بورندي) Author: emad altaib Date: 10-28-2008, 04:42 AM Parent: #1
ـــــ خالي خليل ,,, سلامات لو تقصينا في سيرة عباس محمود العقادوصل بالمثابرة لمرحلة المبدع حيث إكتشف عباس محمود العقاد,كتب العبقريات , عبقرية عمر وعبقرية خالد ... من قبل أحمد أمين صاحب كتاب إلي ولدي , وفي وقتها كان العقاد لم ينه من الصف الرابع فأصبح عبقرياً ومبدعاً
Post: #104 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-28-2008, 04:56 AM Parent: #102
Quote: لو تقصينا في سيرة عباس محمود العقادوصل بالمثابرة لمرحلة المبدع حيث إكتشف عباس محمود العقاد,كتب العبقريات , عبقرية عمر وعبقرية خالد ... من قبل أحمد أمين صاحب كتاب إلي ولدي , وفي وقتها كان العقاد لم ينه من الصف الرابع فأصبح عبقرياً ومبدعاً
عماد
نعم ابوصلاح الذي يقتاد المثقفاتية علي اغنياته نجار الكاشف والفلاتية وغيرهم في المسرح
وحتي التلفزيون
لم يقدم المثقفاتية شيئا لحياتنا الثقافية لا كتب ولا مجلات ولا روايات
عالم وهم بس
Post: #106 Title: Re: مثقفاتية سودانيز ما عندكم حاجة وبوستاتكم (بورندي) Author: عبدالكريم الامين احمد Date: 10-28-2008, 06:01 AM Parent: #104
Quote: ودرملية
ياخوي امشي اكل طماطم وجك عكس الهواء
هسه انت كمثقف وريني كوعك وينو وبوعك وينو
وطويل وما بلقح الكعكول شنو
بعد ماهي الفرق بين طائر الفينيق وبكائية اكتوبر
بعدين بتعرف الواو الضكر
فعليك يا اخوي امشي شوف ليك (ادينك) حق قزازة العرقي عشان الخميس قرب
براااااااافو عليك يا ابوخليل وضبت لي زولي ده وضيبة حبيبك والقطر يجيبك مثقفاتي الغفلة الرعواتية ده اديهو علي التقيل
Post: #107 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-28-2008, 11:25 AM Parent: #106
Quote: براااااااافو عليك يا ابوخليل وضبت لي زولي ده وضيبة حبيبك والقطر يجيبك مثقفاتي الغفلة الرعواتية ده اديهو علي التقيل
نعم يا كرمة
هذا الرعواتي يعاني من الفصام يكتب عن مدينة النور والعمارات السوامق
في قريتهم مازال يشربون مع البهائم
لكن الراجل صراحة كتاب ياخ
وانا مكسر في كتابتو رسميييييييييييييييييييييييييييييييييييي
Post: #108 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-28-2008, 05:29 PM Parent: #107
خدعنا المثقفاتية
واضاعو الوقت في التنظير ولذا ملا العسكر الفراغ
Post: #109 Title: Re: مثقفاتية سودانيز ما عندكم حاجة وبوستاتكم (بورندي) Author: Elmoiz Abunura Date: 10-28-2008, 05:50 PM Parent: #1
والله الا بقي رعواتي في الشحانيه بتاعتكم في قطر, بقول ليك , من اسمه الاخير
الراجل اصله من رفاعه حاضرة العلم والجمال, والحداثه. وطبعا انت وصاحبك كيكي كنتوا مكسرين في بنات رفاعه في الجامعه. اهلك الشبيكاب بعد ماسابوا ساقبتهم في الجزيره مقرات, استقروا اولا في رفاعه قبال امدرمان, واهلك ناس ابونوره جوا قبال وبعد كتلة المتمه من المتمه, النواراب والتيماراب واستقروا في رفاعه, كساب والصعيد.
مع ودي وتقديري
Post: #110 Title: Re: مثقفاتية سودانيز ما عندكم حاجة وبوستاتكم (بورندي) Author: Abuelgasim Mohamed Date: 10-28-2008, 07:16 PM Parent: #1
Quote: مثلما اراد لكم الاستعمار البريطاني يتخرج جيل منفصل عن واقعه انتو كدة
شابكننا نورس ونحن عندنا ود ابرق وام قديلو
وشابكننا مرافي ونحن عندنا ميناء بورتسودان
لم تقدمو حاجة للسودان ولا للمنبر
الكاشف ما منكم ابوصلاح ما منكم عثمان حسين الترزي ما منكم
جكسا ما منكم الشفيع احمد الشيخ ما منكم
هم جيل الستينات من المثقافاتية هو سكرة الخميس بالويسكي والشري وترديد اغنية لحن الحياة
بتاعة عثمان الشفيع بعد السكر والشفيع وود القرشي برضو ما منكم
وانتو يا مثقفي سودانيز برضو سائرين علي الدرب
بوستاتكم بائرة وكلامكم ما فيهو جملة مفيدة
فعليكم الله ما تقدونا
كلام جميل جدا.
Quote: خليل من رحم هذا الشعب
يكتب عن همومه بدون تنميق وحزلقة
يكتب عن الكونكان والشنة عند السودانيين والجمال عند السودانيين
وعن المطلقة والارملة
وعن ود تمبك وحين ماكردة ومصطفي الكعوك
بدون اركلوجيا وتراجيديا الصراع
وده كلام اجمل كمان.
Quote: كاريزما الشخوص تعبر عن عبقرية الزمان والمكان في زمن المحنة
Quote: في كورالات عمال القصب في حقول كويا يشدو الفتية بنشيد يخلد سيرة الوعي التناسلي الممزوج بطقوس الفلكور الكوبي القديم...لذا من الضروري ان تستند بنية الوعي في كل مجملها علي الوعي الجاي من رحم الجماهير
هههه
what are you talking about brther !!
Quote: كرا كيكى .. عموما ليس لنا الا ان نراهن على الجماهير وقدرتها على ابداع الفعل النضالى بس طبعا هناك العديد من التحفظات .. يعنى انا زي العاوز اشير لاحتمالات انفلات الحركه الجماهيريه وفقدان المسارات حال غياب موجهات العمل التنظيمى والدور الطليعى لمنظمات المجتمع المدنى فى توجيه مسارات الثوره ونشر وعى المرحله وتنزيل الشعار من فضاءاتو الفلسفيه لارض الواقع الراهن .. .. .. انها يا صديقى ثورة ممكنه
.. كن علي وعد بالشموس القادمه يخاصرك البنفسج مرتين
this agood example for abird singing beside abroken ferry.
Post: #111 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-28-2008, 07:24 PM Parent: #110
محمد ابو القاسم
لنتخذ متكا علي شرفة الفاجعة
حتما سيسطع النهار من ديجورة العتمة
Post: #112 Title: Re: مثقفاتية سودانيز ما عندكم حاجة وبوستاتكم (بورندي) Author: عبدالكريم الامين احمد Date: 10-28-2008, 07:30 PM Parent: #111
Quote: رار. من حسع ياشباب لمونا بالناس الرائعين , واظن راشد ده كان معانا في قعدة ناس كيكي في ديسمبر 2003, وكان معاه العنبه وفي احتمال نواصل القعده في سكني الزمان في Rivera Gardens. وبالمناسبه وين معاويه الزبير, اتصل بي قبل فتره وبعدها عمل زغبير
مرحب يا معز وفي انتظارك في الدوحة وفي الريفيرا حدائق ومنتظرنك بقعدة بقيادة ولدكم الرعواتي ود رملية وكل الشلة ومن حسع حنحدد رووس المواضيع بتاعة النقاش وهي عن اشكالية الوعي المثقف في السودان وبينة الوعي التجريمي في النخبة والخطاب السياسي..
Post: #113 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-28-2008, 07:34 PM Parent: #112
Quote: مرحب يا معز وفي انتظارك في الدوحة وفي الريفيرا حدائق ومنتظرنك بقعدة بقيادة ولدكم الرعواتي ود رملية وكل الشلة ومن حسع حنحدد رووس المواضيع بتاعة النقاش وهي عن اشكالية الوعي المثقف في السودان وبينة الوعي التجريمي في النخبة والخطاب السياسي..
نعم يا كيكي
تم اعداد ثلاثة اوراق لهذه الجلسة
المثقف بلادي بلادي ويقدمها راشد عوض
المثقف مفلس وما بتشتري تمباك وبسف ملح ويقدمها حامد عجبان
المثقف دمو تقيل يقدمها الخبير عثمان النعيم
Post: #114 Title: Re: مثقفاتية سودانيز ما عندكم حاجة وبوستاتكم (بورندي) Author: Elmoiz Abunura Date: 10-28-2008, 08:07 PM Parent: #113
بلاي سلم لي علي هذا الشخص الرائع. كان هو حاضرا لقعدتنا التاريخبه في سكن
كيكي في الريان. المشكله الناس الزي المابسفوا وجايينكم من قلب الابلاش حيث
تكثر زراعة التبغ, وmoonshining, يقدم شنو لسمناركم المتنوع? وبالمناسبه انتوا عازمين اعمامكم ناس ابوساندرا ? مع ودي
Post: #115 Title: Re: مثقفاتية سودانيز ما عندكم حاجة وبوستاتكم (بورندي) Author: ودرملية Date: 10-28-2008, 10:43 PM Parent: #114
سلامات وعوافي يا ود ابنورة اولا تقبل تحياتي وثانيا دعني اعتذر لك و"منك" علي التواجد في مستنقع خليل وكيكي .. كاثبات لظاهرة استلابهم الفكري وعجزهم عن مقارعة الحقائق بما يفندها ركنوا الي مبدأ تشتيت ذهنية القاريء عبر وصفنا "بالرعواتي" وما الي ذلك من الالفاظ" المتوحشة" التي نترفع عن تداولها في مثل هذا المشهد .. الموضوع كبير مافي ذلك شك .. غير انه يحتاج الي اللغة وسعة المدارك واكسدة السيناريوهات الضعيفة المستهلكة.. انا, وكمثقف حادب ومجدد وحداثي ومنطلق من انتمائي الاصيل لمدينة العلم والنور "رفاعة" رايت انه من العيب ان اصمت في ظل هذه "الكتاحة" "الخليلكيكية" المعروفة اهدافها والتي تعمد الي افراغ الثورة العامة عن محتواها وتسييف الاراء الصائبة والمساهمات البليغة البالغة التي ندشنها نحن "قبيلة" المثقفين ونطلقها في فضاءنا البائس اليائس .. لاسيما واننا اصبحنا اهدافا لكل من هب ودب .. عليه ومن هذا المنطلق ساهمت بردي السديد حتى ارجع المياه الي مجراه الحقيقي والمفيد علي امل ان يتجاوب الهتيفة والرعاع وغمار الناس مع تصحيحنا للمجرى فتقودنا النقاشات الفياضة الي الضوء الكامن اخر النفق .. كالعادة لم يخب ظني في الامر .. وانتهج "الطلاليش" اسلوبهم المعروف كمحاولة لاخراصنا واسكات صوتنا "الصديح ,الرخيم" من خلال اللغة المبتذلة والمستهجنة من قبلنا والتي لا نعجز عن استخدامها ولكننا "نعف" عن ذلك بل سنحتمل كل هذه الهمجية بُغيةً منا في الانتقال الي فضاء حواري افضل من الذي كان .. عليه احتمالنا لهذا السخف بالتاكيد ستعقبه ثورة تصحيحية جبارة نقوم من خلالها بحرق "اللواري القديمة" لتحل محلها "البولو والاتوز" حتي تعم الشارع اجواء صحية خالية من الملوثات الناتجة عن عوادم "الكشنة واللواري الخشنة" .. تسلم يا معز .. علي العموم اتمنى ان التقيك خلال مرورك من هنا في الاسبوع الاخير من ديسمبر علي امل الا تكون حلقة الوصل بيني وبينك اي من السوءتين "كيكي - وخليل" ويمكن ان نلتقي عبر الاستاذ والمثقف الضالع البالغ "عثمان النعيم" او الباحث المكد المجتهد "حامد عجبان"فهؤلاء هم النخبة التي جرى تعاملي معها علي نحو مدر بالخير وحافل بالتثاقف المثمر.
Post: #116 Title: Re: مثقفاتية سودانيز ما عندكم حاجة وبوستاتكم (بورندي) Author: نزار كروم Date: 10-28-2008, 11:12 PM Parent: #1
Quote: ناس تستمع لكروم
يا اخ بهاء عيسى في فنان اسمو كروم وانحنة ما عارفنو ولا شنو؟؟؟
مثقباتية (من ثقب) اخر زمن
ولا ايه يا خليل
Post: #117 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-28-2008, 11:30 PM Parent: #116
Quote: يا اخ بهاء عيسى في فنان اسمو كروم وانحنة ما عارفنو ولا شنو؟؟؟
ياخي خت ليك نقطتين واقراها كرومة
بعدين امشي اسمع مارسيل خليفة مالك ومال كرومة
Post: #118 Title: Re: مثقفاتية سودانيز ما عندكم حاجة وبوستاتكم (بورندي) Author: ودرملية Date: 10-29-2008, 02:17 AM Parent: #117
سلامات وعوافي حتى لا يحسبنا الناس سكتنا عن الحق .. كتب المدعو خليل في رده علي مداخلتنا الثاقبة الاولي الاتي :-
Quote: في قريتهم مازال يشربون مع البهائم
ونسي صاحبنا المتطاول انني من رفاعة"مدينة العلم والنور" ..رفاعة التي اكتسب "النيل الازرق الدفاق" هيبته وفي كل ثانية يؤدي لها فروض المحبة والاحترام محتضنا لها في ابهي الصور الالهية الجميلة .. ونحن صدرنا لكل السودان التعليم لا ينافسنا في ذلك منافس فكيف نشرب من ما ترده البهائم ودوننا العذب السلسبيل؟ .. و نحن من اوقدنا الجذوة الاولى لتعليم المرأة .. وما ذكرته ماهو الا غرفة من محيط عميق .. وما قولك هذا الا وكمثقف "نافع" وجب علي الرد علي مثل هذا الافتراء ليس من اجل الرد فقط ولكن حتى لا يعتقد اصحاب العقول السطحية والهمجية ان المعلومة المذكورة صحيحة فيضيفها لحشوته الذهنية وربما يستدرها في نقاش ما في مسيرته فترتد عليه بالصفات القبيحة كـــ" جاهل وهمجي وسطحي وغوغائي" وما الي ذلك من شتم وسب ... ثم كما جرت الدارجة"ماتختو يا خليل وكيكي ريسينكن معانا نحن اكبر منكم مقاما واكثر قدرا" فبالله انعموا مع بقية القطيع بالقطيعة الثقافية والقطيعة المعرفية و..و..اقول شنو يعني .. مفروض علي كمثقف ان انتقل بكم من قاعكم الي مقام عليين.. وثم stay tuned
Post: #119 Title: Re: مثقفاتية سودانيز ما عندكم حاجة وبوستاتكم (بورندي) Author: ودرملية Date: 10-29-2008, 02:37 AM Parent: #118
سلامات وعوافي لولا نقص التمباك الذي اعاني منه شد المعاناة لما وقفت عن "الذب" عن حياض المثقفين في هذا البوست .. ولكن ولدواعي الكيف اعلق مشاركتي هنا الي حين انجلاء ازمة النقص والانهيار التمباكي الذي هو دليل صريح علي تداعيات الازمة المالية العالمية التي ترزح تحت وطأتها شعوب العالم بما فيهم "المثقفين" .. عليه من يستطيع ان يمدنا بمؤونة تكفينا شر "العوز" فمرحبا به علي سبيل المقايضة فله منا" الكتابة الطاعمة والمثاقفة الثرة" ولنا منه "بعض تمباكا ننرفز به حدة التوتر الكامن في مشاعرنا هذه الايام" .. ودمتم اصدقاءا عند الحاجة فقط .. الاستاذ ودرملية في حالة "بؤس الكيف" التي تعتري المثقفين في حالات انقطاع التمباك وشيوع الفاسد منه والمضروب في الاسواق .. عليه يا كيكي يا"وهم" ويا خليل يا"بهم" كلمو لينا عثمان النعيم وحامد عجبان يزودونا ببعض الذي في "جعبتهم" من تمباك نضيف .. قف ..
Post: #120 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-29-2008, 05:58 AM Parent: #118
Quote: وكمثقف "نافع" وجب علي الرد علي مثل هذا الافتراء ليس من اجل الرد فقط ولكن حتى لا يعتقد اصحاب العقول السطحية والهمجية ان المعلومة المذكورة صحيحة فيضيفها لحشوته الذهنية وربما يستدرها في نقاش ما في مسيرته فترتد عليه بالصفات القبيحة كـــ" جاهل وهمجي وسطحي وغوغائي" وما الي ذلك من شتم وسب ... ثم كما جرت الدارجة"ماتختو يا خليل وكيكي ريسينكن معانا نحن اكبر منكم مقاما واكثر قدرا" فبالله انعموا مع بقية القطيع بالقطيعة الثقافية والقطيعة المعرفية و..و..اقول شنو يعني .. مفروض علي كمثقف ان انتقل بكم من قاعكم الي مقام عليين
اخرس ايها الروعواتي الصغير
انت في حضرة الكبار كيكي وخليل ( منعول ابو شواربك) كما قال عزت للدوري
كيكي ود رملية فنان والله
Post: #121 Title: Re: مثقفاتية سودانيز ما عندكم حاجة وبوستاتكم (بورندي) Author: عبدالكريم الامين احمد Date: 10-29-2008, 06:33 AM Parent: #120
Quote: كيكي ود رملية فنان والله
بيني وبينك فنان ولكني احسبه فنان غفلة ففي زمن بروستريكا التشظي وركوب الامواج علي غيمة (الانا) ياتي من اقصي المدينة مثل الرعواتي ودرملية مبشرا بسيادة العصر الرعواتي ويعمل علي اشاعة (فقه التجريم).. ود رملية فنان يا ابو خليل ولكنه ضاع ما بين كراكير الانا الثقافية وادمن صوالين المثقافة المبنية علياكواخ من ريش الانتقائية وددرملية كمثقف كنا في زمن مضي نري فيه حالة مبعث ثوري...ورددنا مع الجمهور اغانية في شريطه (سهر المثقف ولا نومو)...ولكن وما ان حاول ان يقدم حلول او مبادرات للشان الجماهيري بعيدا عن مدارات ابداعه الاخر حتي اصطدمت محاولته بتلك بجدار الانا عنده..وولدت تناقضا ما بين التنظير والممارسة.. نطالب ودرملية ان كان يريد ان يلج بوابات اشرعة الحراك ما بين الجمهور ان يراجع فلسفته تجاه ابداعه ويحاول ان يخرجها من مدارات (الانا المتضخمة عنده)... ... بعيدا ياخلي عن مدارات الرعواتي ودرملية اتلهف شديد للتمتع بورقة راشد عوض (عن المثقف كحالة بلادي بلادي)... ولا اتحمس كثيرا لاوراق عثمان النعيم وعجبان كونهم يسبحون في بحور الانا المثقفة واتخيل ومن الانا بان ورقتهم ستاتي فوقية خالية من الاحساس بنبض العامة
Post: #122 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-29-2008, 12:42 PM Parent: #121
ما بين التنظير والممارسة.. نطالب ودرملية ان كان يريد ان يلج بوابات اشرعة الحراك ما بين الجمهور ان يراجع فلسفته تجاه ابداعه ويحاول ان يخرجها من مدارات (الانا المتضخمة عنده)... ...
نعم كيكي
علي ود رملية ان يترجل من صهوة جواد المثقافاتي ويحدثنا عن عثمان عدالة في بنطون رفاعة
وعن عنكوليب فداسي بدلا عن شهريار والكلام المباح
Post: #123 Title: Re: مثقفاتية سودانيز ما عندكم حاجة وبوستاتكم (بورندي) Author: مجاهد عبدالله Date: 10-29-2008, 01:01 PM Parent: #1
Quote: نقص التمباك الذي اعاني منه شد المعاناة
بنزين قطع ....
كيكي الحاقد ما تدين الراجل ربع رطل ناشف ...
Post: #124 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-29-2008, 05:42 PM Parent: #123
Quote: بنزين قطع ....
كيكي الحاقد ما تدين الراجل ربع رطل ناشف ...
لا يا مجاهد
اصلو عادة المثقفاتية يسفو ملح ويسكرو ملح
نحن ما فاتحنها تكية
Post: #125 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-29-2008, 09:00 PM Parent: #124
كثيرو الكلام قليلو الفعل
مترفون يقهقهون
منفصمون مدعون
Post: #126 Title: Re: مثقفاتية سودانيز ما عندكم حاجة وبوستاتكم (بورندي) Author: ودرملية Date: 10-29-2008, 10:55 PM Parent: #125
سلامات وعوافي بعيدا عن ضجيج الطواحين الهوائية "خليل - كيكي" .. احيي صديق الطفولة وعاشق التمباك الاوحد "مجاهد عبدالله" .. بعدين يا ابو الجوج ياخي انا بحاول اضرب ليك اكتر من عشرة مرات المرة الوحيدة السمعتا فيها جرس والخط فتح لكن ما سامع اي حاجة فبالله الحاصل شنو .. انشاء الله انت كويس واخبارك كلها كويسة وكذلك الاهل والاحباب جميعهم .. ثم عودة للقطيع "الطواليش خليل وكيكي" .. اخر الزمن اصبحتم تناقشوننا كنقاشكم بعضكم البعض ..يا لسخرية الاقدار .. فلولا سودانيزاون لاين لكنتم تترصون اخبارنا وكتاباتنا من صحيفة الي اخرى ومن مجلة لمجلة ومن اصدارة ثقافية عالمية الي اصدارة اخرى اكثر عالمية .. ولكن هذا هو قدرنا كمثقفين .. جبلنا علي تقبل الاخر برغم قبحه وسخافته وسطحيته المفرطة والمذلة في آن .. انتم اشبه بالقشور في كل معطياتكم واعمالكم.. تبحثون عن الشهرة وعن "اسراب الفراش" تسعون الي "تحولق" الحسان حولكم كابسط دليل على فراغ افكاركم وعقلياتكم .. اما نحن فنبحث عن الفكرة لاثراء الواقع الانساني ولتطوير المشهد الثقافي السوداني ثم العالمي من بعد ..هذه هي رسالتنا التي نؤمن بها وسنبذل الجهد الجهيد حتى نراها ماثلة امامنا بشحمها ولحمها .. وهذه هي الجائزة التي نستحقها جراء جهدنا الدؤوب وسعين الحثيث في نبش كوامن المعرفة وتحريرها من الوهيتها وقدسيتها الفرضية وانزالها الي الواقع الانساني علي النحو الذي يشعر الانسان بقيمة الحياة وحلاوة ثمار اكتساب المعرفة .. وانا كمعول اصيل ساهمت في حفريات "اركولوجيا" المعرفة الخلاقة وشكلت وجداني التجارب الثقافية التي عايشتها ورفدتها بمعين كتاباتي ورويتها بدم مشاعري واحاسيسي "كمثقف نافع" والحمد لله الان يعكف الباحثين علي تقييم تجربتي في الكتابة الابداعية كواحد من الاقلام التي كافحت ضد القهر والفقر والدكتاتوريات التي يضج بها العالم الثالث ..انا كمعول ساظل في وجه القبح اينما كان بمعرفتي وعلمي وعلومي .. لذلك لن تجدوا مني ما يشفي غليلكم يا خليل وكيكي وساكون سيفا مسلولا في وجه جهلكم وسطحيتكم وسابذل مافي وسعي لاسكات اصواتكم القبيحة ولدحر رعونة تناولكم للقضايا المفصلية التي تأثر بصورة او باخرى علي حياة العالم من حولنا .. انا هنا ليس بصدد الدفاع عن نفسي جراء التهم الجزاف التي قذفتموها في اسافير الله تشفيا وحقدا وحسدا لتاريخنا الابداعي .. ابدا انا هنا لتثبيت ننقطة واحدة وهي : يظل المثقف هو الاداة الوحيدة الواعية التي يمكن ان تحول الحياة من الحروب والاقتتال والعنصرية الي السلام والتوادد والتراحم والايمان بحقوق الناس اجمعين دون المساس باي طرف من اطراف المعادلة الانسانية الكونية علي نحو عرقي او اثني او ما الي ذلك من الاشكالات التي يعانيها الجسد الانساني علي مر العصور .. المثقف هو الثمرة الوحيدة التي خرجت بها الارض منذ نشاة الخليقة الاولى وسيظل كذلك الي ان تنجلي غيوم الجهل والسطحية وتحل مكانها سماوات المعرفة الجذابة ... عليه لا تظنوا بانفسكم الظنون .. فانتم اشبه بــ"ظرتا في اضان فيل" ..ليس الا .. فتجهزوا للامر فانني نويت ان اقبركما احياءا ..واكيل علي وجوهكم تراب جهلكم المريض .. وساسعى جاهدا لانفاذ هذا الامر ما جرى علي الارض جاري .. وانا عدتم "ربما نفكر" في العودة بعد ان نفرغ ما في "جعبتنا" من ردود علي تطاولكم المشين علي امثالي من المثقفين الكبار..
Post: #127 Title: Re: مثقفاتية سودانيز ما عندكم حاجة وبوستاتكم (بورندي) Author: Elmoiz Abunura Date: 10-29-2008, 11:11 PM Parent: #126
الاعزاء خليل, كيكي, ودرمليه
Quote: علي ود رملية ان يترجل من صهوة جواد المثقافاتي ويحدثنا عن عثمان عدالة في بنطون رفاعة
وعن عنكوليب فداسي بدلا عن شهريار والكلام المباح
ونسبه لآن هذا السمنار سيكون علي شرف حضوري لدوحة الخير. لماذا لايقدم اخي
الاصغر ودرمليه ورقه عن جدنا بابكر بدري بعنوان " الحداثه والجمال في فكر شيخ بابكر بدري معلم رفاعة والسودان." مع دي وتقديري
Post: #128 Title: Re: مثقفاتية سودانيز ما عندكم حاجة وبوستاتكم (بورندي) Author: ودرملية Date: 10-30-2008, 02:35 AM Parent: #127
سلامات وعوافي صباحك خير ياود ابنورة ..طبعا بي توقيتنا هنا علي العموم انا سعيد جدا انو التقيك في الايام الجاية كان ربنا مدَ في اعمارنا.. وسعيد بالحديث عن استاذ الاجيال "بابكر بدري" غير انه معين ثر لا يقوي اخوك الضعيف علي سبر اغوار تجربته العالمية الفريدة .. علي العموم انت خت ايدك معاي في حربي ضد "الزلنطحيين" خليل وكيكي ونشوف بعد داك البيحصل شنو ..طبعا وقوفك معاي من باب اولاد بلد واحدة يعني دي بتغلب مسالة الزمالة وبقية العلاقات الانسانية النبيلة .. اها كيكي دا انا بجضمو ليك بس راس مالو سيجارة مارلوبورو لكن زول الحقيبة دا عاوز ليهو حجر شيشة وكيس تمباك جاي واشنطن دي سي او نورث كارولاينا "علي حد تعبيرك" هاهاهاها.. يا ابو نورة ... جيب معاك تمباك كويس ..خلاف التمباك ما عندي معاك حنك ..وياهو المباشرك خليل بي صعودو العفن وكيكي بي سفتو الكبيرة ديك "والاتنين تمباكن عفن شديد" التقول بيجرروهو" عشان كدا اصلو مابحب اسف منهم حتى ولو جابوهو لي صعود ناشف لانو ديل حاقدين عادي ممكن الواحد فيهم يفك ليهو بولا في تمباك ناشف ويقول لي هاك دا جاي هسي من البلد وجديد لانهم ما عندهم ضمير في سبيل رغباتهم في الانتقام من تألقنا وسطوع نجمنا ممكن ينتهجوا مثل هذه الاساليب القبيحة التي تشبههم تماما .. تتخيل يا ابونورة انا اسف انو عريت ليك اصحابك لكن دي الحقيقة وارجوا انك تتقبلا وتسعى لي تعديل الصورة الي الشكل الصحيح خصوصا وللاسف انهم اصحابك .. اها فتك عافية .. ويا خليل وكيكي ابشرو بنجضكم الا تقولوا التوبة ..وتسيبوا التطاول علي "كبار المثقفين" امثالي وبقية اخواني في الابداع الذين اثروا النزول الي مستواكم والبقاء معكم في مكان واحد .. مكان واحد تتخيلوا دي فرصة ما لاحت لي اصاحب ماركس ولا فوكو ولا لقاها معجبين "آل غرين" .. غايتو من جاه الملوك "امثالنا" يلوك القطيع من "امثالكم" ..
Post: #129 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-30-2008, 05:00 AM Parent: #128
Quote: ويا خليل وكيكي ابشرو بنجضكم الا تقولوا التوبة ..وتسيبوا التطاول علي "كبار المثقفين" امثالي وبقية اخواني في الابداع الذين اثروا النزول الي مستواكم والبقاء معكم في مكان واحد .. مكان واحد تتخيلوا دي فرصة ما لاحت لي اصاحب ماركس ولا فوكو ولا لقاها معجبين "آل غرين" .. غايتو من جاه الملوك "امثالنا" يلوك القطيع من "امثالكم" ..
كيكي
ما زال هذا الرعواتي
هائما علي وجهه ويعيش الفصام في اكبر صوره هارب من واقعه سجن نفسه
في برج عاجي متشدقا بمستوحش اللغة ومفردات غريبة توكد حديثنا ونظرتنا للمثقفاتي
لذا لا نشاهد لهم اي اصدارة او مجلة او كتاب
ونحن لم نجد اي منتوج للمثقف السوادني فتعلمنا من صباح الخير وروز اليوسف
ونجيب محفوظ وغيرهم من موارد الثقافة خارج السودان
عد ايها الرعواتي الصغير للحظيرة
وكلمنا عن صرصار الغنماية والروب والسعن وعن ويكة تمبول وكبدة الابل
بدلا عن الكافيار واسماك الزينة
Post: #130 Title: Re: مثقفاتية سودانيز ما عندكم حاجة وبوستاتكم (بورندي) Author: emad altaib Date: 10-30-2008, 05:22 AM Parent: #129
ــــ يا خليل المثقفاتية تسالي وفاضي , وطبعاً الفاضي بيعمل قاضي
ــ ولا كيف؟!
Post: #131 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-30-2008, 05:27 AM Parent: #130
Quote: يا خليل المثقفاتية تسالي وفاضي , وطبعاً الفاضي بيعمل قاضي
عماد
وكمان الليلة الخميس وبكونو صرفو المرتب يعني الليلة سكرة
وبكرة الفطور بام فتفت
Post: #132 Title: Re: مثقفاتية سودانيز ما عندكم حاجة وبوستاتكم (بورندي) Author: emad altaib Date: 10-30-2008, 05:37 AM Parent: #131
ــــ
Quote: وكمان الليلة الخميس وبكونو صرفو المرتب يعني الليلة سكرة
وبكرة الفطور بام فتفت
قلت لي أم فتفت بفدرها بالعرقي
حسع دي زول بغيب عقلو كلو كلو نحن نرجا منو تغير وتغير مجتمع كامل كمان؟!
Post: #133 Title: Re: مثقفاتية سودانيز ما عندكم حاجة وبوستاتكم (بورندي) Author: مجاهد عبدالله Date: 10-30-2008, 05:59 AM Parent: #1
خليل سلام ياتيك بدعاش المطر في ذات ليلة خريفية تجنح فيها الطبيعة للسكون .. ولك من الإحترام مايفوق مقاومة الشجر والحجر لعوامل التعرية ..
بعد ..
لو كان هنالك مثقف بطعم الغبش فهو ودرملية فهو منهم ولهم كان مثل سراج يحيل عتمة الظلام الى بهو فضي من شعاعه وإشعاعه ولكم يكون هادياً في ثغور المعرفة ذات التعرجات العصية على الألباب فأنفروا اليه بالمعينات التي تُأكسد ما تحتويه مداركه حتى تفوزوا بذلك النعيم المعرفي والمثقافة المعجونة ببساطة (Where he grow up) وذلك كي ترسموا فسيفساء مستقبلكم دون أن تجهدوا أنفسكم في الوقع وفي متعلقات الأخطاء وتستمر وهدتكم في القاع السحيق وأنتم لاتدرون أنكم بين يدي إسطورة تستطيع أن تتخطى بكم السنين في لُحيظات قليلة من ذلك المأفون الزمن . وأتمنى أن تُعلن النفرة لك ولجيلك من هم دون قطاع المثقفين أمثل الكيكييون اللولاون أن تأتوا بما يريد ما معين ولو من الصين وأن تقنعوا بأن لا بديل لكم إلأ هو ..
..
الكلام ده ياخليل كتبته أنا عِلا عاوز لي واحد يترجموا ..
Post: #134 Title: Re: مثقفاتية سودانيز ما عندكم حاجة وبوستاتكم (بورندي) Author: malamih Date: 10-30-2008, 08:46 AM Parent: #133
يا خليل لقيت بوست الهندسة ..!
اليوم الحار و ما بندار ..... بين الهن ... و المهدام..
Post: #148 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-30-2008, 12:11 PM Parent: #134
Quote: يا خليل لقيت بوست الهندسة ..!
اليوم الحار و ما بندار ..... بين الهن ... و المهدام..
ملامح
البشارة جنيه والكرامة عجل
وفقدي الليلة في الياقوت وبوستي الجنن البنوت
Post: #135 Title: Re: مثقفاتية سودانيز ما عندكم حاجة وبوستاتكم (بورندي) Author: قرشـــو Date: 10-30-2008, 09:06 AM Parent: #1
Quote: ياخي قومو فرتقوا
حبيبنا خليل
الفين سلام
والله فشيتنى ياخى الله يفشك يوم القيامة
بصراحة كنت ارى نفسى كاليتيم وسط اولئك المعنيين سوى بعض من يواسينى فى وحدتى وبعض المثقفاتية الذين ينزلون لارض الواقع ويتحفوننا بروائعهم ( الاستاذة سوما نموذجا) ولكن المعنيين ظلوا دوما يروننا عبئا عليهم ويجب ان لا نكون معهم هنا لنفسد بهاء صورتهم المتلاصفة فى اوجه اقرانهم ...
لله درك يا رجل فقد اسعدتنى كثيرا بحديثك الجميل
وليتهم يحدثوننا ماذا قدموا لهذا الوطن الجميل الذي يحتكرون الحديث باسمه وينكون على الاخرين حتى الانتماء اليه غير اشعال الفتن والتحريض على القتال ؟؟؟؟
Post: #136 Title: Re: مثقفاتية سودانيز ما عندكم حاجة وبوستاتكم (بورندي) Author: عبدالكريم الامين احمد Date: 10-30-2008, 09:33 AM Parent: #135
Quote: خليل وكيكي ابشرو بنجضكم الا تقولوا التوبة ..وتسيبوا التطاول علي "كبار المثقفين" امثالي وبقية اخواني في الابداع الذين اثروا النزول الي مستواكم والبقاء معكم في مكان واحد .. مكان واحد تتخيلوا دي فرصة ما لاحت لي اصاحب ماركس ولا فوكو ولا لقاها معجبين "آل غرين" .. غايتو من جاه الملوك "امثالنا" يلوك القطيع من "امثالكم" ..
يا خليل المثقف الرعواتي ده عصر علينا شديد ياخي ونجضنا نجاض قبورة ياخي وشايفو يا كافي البلا فاتح فينا علب تقيلة وما خلي لينا صفحة نرقد فيها.. عشان كده ضروري يا صديق بالله تفتش معاي علي (موغل ودهشة) اللبدتهم من القطيع ما يقوموا يكسروني عشانهم واجي اربطوا ليك في ركزتو الانائية الضيقة.. واصبر لي يا ودرملية يا رعواتي الغفلة وزمن بروستريكا التمباك سنلحقك انا والمبدع خليل غنم زهرة فشيل شيلتك يا متفلقس.... ومجاهد عبدالله ذاااتو يشيل شيلتو معاك كونه حالة كاره لذاتها وحاصلة ليها استلاب رعواتي.. وما يحلكم مننا الا معز ابو نورة ده..ولكن ليس قبل انا تاخذا (لاحظوا لتاخذا دي) قبل ان تاخذا في راسكما المدوقس ده..
Post: #150 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-30-2008, 12:23 PM Parent: #135
Quote: وليتهم يحدثوننا ماذا قدموا لهذا الوطن الجميل الذي يحتكرون الحديث باسمه وينكون على الاخرين حتى الانتماء اليه غير اشعال الفتن والتحريض على القتال ؟؟؟؟
قرشو
كضابين ساكت
هم من سرق الانتفاضة في رجب واكتوبر
وهم ايضا من قتل الديموقراطية في اكتوبر وحكومة الصادق المهدي
بكثرة مطابهم واضراباتهم الشهيرة
Post: #137 Title: Re: مثقفاتية سودانيز ما عندكم حاجة وبوستاتكم (بورندي) Author: مجاهد عبدالله Date: 10-30-2008, 09:43 AM Parent: #1
Quote: حالة كاره لذاتها
خلاص لفحت بقج غباينك يا لولاو
قالوا كرهت اللولوة اللولوة ذاته ..
Post: #139 Title: Re: مثقفاتية سودانيز ما عندكم حاجة وبوستاتكم (بورندي) Author: عبدالكريم الامين احمد Date: 10-30-2008, 09:56 AM Parent: #137
Quote: خلاص لفحت بقج غباينك يا لولاو
قالوا كرهت اللولوة اللولوة ذاته
غايتو اصبروا لينا ساطت انتا وصحبك الرعواتي ود رملية ده ح اتفشي فيكم واتلولو ليكم في رقبتكم (موتر قرديدر ما يحلكم مني) و في اطار سيرة بقج الغبائن من الضروري ان نتذكر stay tuned
Post: #138 Title: Re: مثقفاتية سودانيز ما عندكم حاجة وبوستاتكم (بورندي) Author: حنين للبلد Date: 10-30-2008, 09:47 AM Parent: #1
خليل
بوستيك ده.... جب ماقبله... متذكرو؟؟؟؟ ولا الهكر نساك اقصد ولا الزمن نساك......
Post: #140 Title: Re: مثقفاتية سودانيز ما عندكم حاجة وبوستاتكم (بورندي) Author: عبدالكريم الامين احمد Date: 10-30-2008, 09:58 AM Parent: #138
Quote: عد ايها الرعواتي الصغير للحظيرة
اديهو يا ابوخليل عسي وعلا ان يرعوي الرعواتي ال صغير هذا
Post: #146 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-30-2008, 11:48 AM Parent: #138
Quote: بوستيك ده.... جب ماقبله... متذكرو؟؟؟؟ ولا الهكر نساك اقصد ولا الزمن نساك......
حنين يا ليل
المصائب يجمعنا المصابينا
تعالي الي عالم القطيع ستبقي للنكهة
Post: #141 Title: Re: مثقفاتية سودانيز ما عندكم حاجة وبوستاتكم (بورندي) Author: حنين للبلد Date: 10-30-2008, 10:00 AM Parent: #1
عبدالكريم الامين احمد
كيكي
سلامات..
Post: #144 Title: Re: مثقفاتية سودانيز ما عندكم حاجة وبوستاتكم (بورندي) Author: عبدالكريم الامين احمد Date: 10-30-2008, 10:11 AM Parent: #141
Quote: كيكي
سلامات..
الله يسلمك يا حنين وتحياتي والف شكر علي التحية والسلام.. ...
Post: #142 Title: Re: مثقفاتية سودانيز ما عندكم حاجة وبوستاتكم (بورندي) Author: أبوبكر أبوالقاسم Date: 10-30-2008, 10:00 AM Parent: #1
خليل يا مبدع - حلوة دى-
عجبنى البوست منذ بدايتو .. وأكثر لما لقيتو ليكم " دِروة" تنشنوا عليها ( ودرملية).
كلّم خالك كيكى وقول ليهو أعدوا لك ما استطاعوا وما تقع بقدومك... تمت اللملمة والتراضى ولُحِست بعض البوستات الظريفة مع وعد
بمراضاة البعض الآخر ، وتغيرت بعض أجواء الحوار السابق.
لا تُسكِتوا شهرزاد عن الكلام المباح.
Post: #145 Title: Re: مثقفاتية سودانيز ما عندكم حاجة وبوستاتكم (بورندي) Author: عبدالكريم الامين احمد Date: 10-30-2008, 10:16 AM Parent: #142
Quote: كلّم خالك كيكى وقول ليهو أعدوا لك ما استطاعوا وما تقع بقدومك
هلا يا ابوبكر يا صديقي والرسالة وصلت وانا لو وقعت بقدومي الموضوع بكون بايظ جدا مع الشلاليف الافريقية العجيبة دي ودم بالف خير ونبل يا صديقي الجميل
Post: #149 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-30-2008, 12:17 PM Parent: #142
Quote: كلّم خالك كيكى وقول ليهو أعدوا لك ما استطاعوا وما تقع بقدومك... تمت اللملمة والتراضى ولُحِست بعض البوستات الظريفة مع وعد
بمراضاة البعض الآخر ، وتغيرت بعض أجواء الحوار السابق.
لا تُسكِتوا شهرزاد عن الكلام المباح.
ابوبكر ابو القاسم
يا زول ولا يهمك
والله نشبكن ليك (دو وتريس) للعيد
اصلو ما يقدرو اتموالنزول
Post: #143 Title: Re: مثقفاتية سودانيز ما عندكم حاجة وبوستاتكم (بورندي) Author: مجاهد عبدالله Date: 10-30-2008, 10:10 AM Parent: #1
Quote: ولا الهكر نساك اقصد ولا الزمن نساك
وكمان طالبه رد في جوبقته ديك لكن بحب يركب الموجه ويزوغ ..
Post: #151 Title: Re: مثقفاتية سودانيز ما عندكم حاجة وبوستاتكم (بورندي) Author: ALMURADABI Date: 10-30-2008, 01:12 PM Parent: #1
ود رملية ايها الرجل المثقف ايها الرجل الشفيف
دائما القمم مستهدفة
لي عودة وتعقيب على ما ورد على لسان من يدعون الثقافة ويتطاولون على القمم (خليل وكيكي)
Post: #152 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-30-2008, 02:14 PM Parent: #151
اين المثقف واين اشعاره ومسرحه ومجلاته ورواياته
عليك الله شوفو الهندي دها قال شنو
ناس اوشيك اخنقو بالربابة اغنو
اوهاج سلو شوتالو وبرك لو اسنو
تمباك الدمك جوة الكدوس حاشنو
جبنات يا بنات هيمانة قامن جنو
ادروب دبايوا ابوك وين كيفنو
روح تنقلاي وللا الصحف فاتنو
قالو الليلة هبباي بركة جنو
ناس بكاش وحامد في اروما استنو
Post: #153 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-30-2008, 02:31 PM Parent: #152
Quote: لو كان هنالك مثقف بطعم الغبش فهو ودرملية فهو منهم ولهم كان مثل سراج يحيل عتمة الظلام الى بهو فضي من شعاعه وإشعاعه ولكم يكون هادياً في ثغور المعرفة ذات التعرجات العصية على الألباب فأنفروا اليه بالمعينات التي تُأكسد ما تحتويه مداركه حتى تفوزوا بذلك النعيم المعرفي والمثقافة المعجونة ببساطة (Where he grow up) وذلك كي ترسموا فسيفساء مستقبلكم دون أن تجهدوا أنفسكم في الوقع وفي متعلقات الأخطاء وتستمر وهدتكم في القاع السحيق وأنتم لاتدرون أنكم بين يدي إسطورة تستطيع أن تتخطى بكم السنين في لُحيظات قليلة من ذلك المأفون الزمن . وأتمنى أن تُعلن النفرة لك ولجيلك من هم دون قطاع المثقفين أمثل الكيكييون اللولاون أن تأتوا بما يريد ما معين ولو من الصين وأن تقنعوا بأن لا بديل لكم إلأ هو ..
مجاهد
معركتنا ليست مع ود رملية
معركتنا مع اورث السودان الفقر والجهل والمرض
معركتنا للذين تركو البلد العسكر ومع من هرب الي استراليا وكندا واوربا
سلامات وعوافي بادئ ذي بدء اود ان احيي رفقاء النضال والحراك الثقافي المثمر .. مجاهد عبدالله والموردابي .. والذين كانا شاهدين علي الثورة الثقافية التي احدثناها قبل 15 عاما وكيف عملنا علي تجسير الهوة السحيقة بين الانسان والحقول المعرفية والنوافذ الثقافية والمدارس النقدية الحداثوية التي ثارت من حولنا في الوقت الذي كان فيه المشهد الثقافي السوداني بكامله يغط في نوم عميق.. احييهم لمواقفهم الصامدة ضد الهمجية والرعونة والجهل والخرف .. ثم اقول لصديق الهمجيين "ابوبكر ابوالقاسم" .. خاب ظنك يا ابا بكر فانت لم تختار خندق الابطال وانما لذت بالهمجية والرعاع "خليل-كيكي"..كان حريا بك ان تقف معنا في حربنا ضد الجهل والدونية ..ولكن كان هذا اختيارك ..فاستعد ولا تفر .. .......................... سوف استصحب في هذه المقاربة تجربتين نقديتين قد سبقتا الناس اجمعين في الحاصل الان .. تماهتا بقدر كبير مع المشهد الثقافي وعملتا علي تفكيك كثير من الحالات المشابهة لما نحن بصدده الان .. اخترتهما لاتساقهما مع الراهن الثقافي ولتحليلهم الثر لقضايا المثقف تجاه الهمجية والرعاع .. المقاربة الاولى :- ملء الفراغ في عقول الرعاع - للاستاذ المفكر والناقد والباحث والصحفي "عثمان النعيم" المقاربة الثانية:- الهمجية في ظل الثورة الثقافية - للاستاذ والمفكر والناقد والباحث والصحفي "حامد عجبان" كلا الورقتين قد اسهبتا في تحليل الرؤية الضآلة لجمهور الرعاع والهمجية كحالتين استشرى سرطانهم في الجسد الثقافي السوداني وقد حازت المقاربتين علي جوائز عديدة اخرها "Coup on stereotypes""الانقلاب علي النمطية" التي تم تكريمهما بها في حفل بهيج اقيم خصيصا للمقاربات التي تقدم معالجات للواقع الثقافي العالمي وكان الحفل بمدينة "تورا بورا" الباكستانية .. وقد اصدر المفكرين عثمان النعيم وحامد عجبان كتابا نقديا مشتركا باللغة الانجليزية اسمه "Revolution against the mob" "الثورة ضد الرعاع" والذي ترجم فيما بعد الي عدة لغات منها "العبرية-الافغانستانية- الهندية-الباكستانية- الجيبوتية- الارترية-ثم العربية".. ........... ثم اتمنى ان اجد القدر الكافي من التمباك حتى اجد المزاج والكيف الكامل لتحصيل المباحث المعنية لوعورتها الفكرية ولقوتها اللغوية وما تحتاج من هدؤء بال ونقاء خاطر .. فقد اشتغل الناقدين علي هذين العملين لما يقارب الــ7 سنوات حتى اكتملت رؤيتهما واصبحت الان تدرس بالجامعات والمعاهد العليا في العديد من الجامعات العريقة في العالم .. ... اتمنى من المعجبين بالاستاذين عثمان النعيم وحامد عجبان ان يقوموا بتنزيل صور غلاف الكتابين الذين اشتملا علي المقاربتين اللتين استخدمتهما في تفكيك المشهد "الخليلكيكي".. وياحبذا لو تم انزال صورة الناقدين سواء ان كانتا من مجلة او جريدة او حتى صور شخصية حتى تكتمل الرؤية ..
يا ابو خليل استنادا علي اجتماعنا القبيل عملناه سوي تحت شجرة حسن ماكردة واستنادا علي مرتكزات الوعي الشعبي الهادر الجاي من جوووه الكراكير والجخانين وياتي احيانا من جوف الاندايات المرفوعة اعلامها عاليا تنادي باشاعة حق البهجة للغبش والنبيذ الرخيص والمشك تراني الان منفذا للوعد وراكب امواج المواجهة لهذا الرعديد الصغير الذي ضل الطريق وهرب منها ذات ظلام دامس حاملا معه افكار رواد الرعواتية الاوئل ابوعفان والاخر عجبان....التي احرقها العامة ذات يوم عقب منافسات المصارعة التاريخية بين (قدوم حجر...وكرتلة).... فالامر اصبح عالي الخطورة الان كوني اري هذا الرعواتي الرعديد بداء الان وفي زمن غفلة الاسافير في اعادة التبشير بتلكم الكتب والافكار الهدامة للرعواتية(ابوعفان وعجبان)..واري ايضا ان المدعو الموردابي ومجاهد عبدالله اشرعو سفن التخندق خلف هكذا خطاب رعواتي اصفر... ولن نتجني علي افكار الرعوايتة التي يريد الرعواتي الكاره ذاتتو الرعديد ود رملية التبشير قبل ان نراه هنا واعتقد بانها فرصة تاريخية يا خليل اهداها لنا العقل الرعواتي لهزيمته مرة اخري ويعيد التاريخ نفسه عندما هزموا في ساحات فريق زنقو الشهيررة وسط الناس الغبش واولاد قرف.. وفي انتظار الرعواتي ود رملية ان ينشر هذه الافكار السوداء اللئيمة حتي يشرب هو ووراده من شايعه من مورادبي ومجاهد حتي لايروو
Post: #155 Title: Re: مثقفاتية سودانيز ما عندكم حاجة وبوستاتكم (بورندي) Author: أبوبكر أبوالقاسم Date: 10-30-2008, 08:42 PM Parent: #1
خليل يا أخوى إنت مافى زول قال ليك يوم بتكتل ليك زول
تابعنا قرار اللجنة الإدارية الذى صدر باللاءآت الثلاثة :
أنا المحيرنى فريق يكون لاعب مباراة مصيرية فى أرضه ووسط جمهوره ، ومباراة حاسمة تهم كل الرعاع
والرجرجة ، وحتى الدقيقة 88 الفريق يكون غالب 6/صفر ، يقوم الفريق الثانى يقول ما عايزين ... ما عايزين ويدخلوا الميدان- زى بتاعت
الميدان الشرقى ديك- ويقطِّموا الكورة وبعد دا يقوموا يعيدوها من أول وجديد وفى أرض الخصم ؟؟؟
ود رملية:
راجعت البروفايل ولقيت مكتوب عليهو
Single قبل كدا سمعت بمناسبة زواج فى إحدى المناطق المذكورة فى ( توطين التايتنك)
بخصوص :
Quote: لذت بالهمجية والرعاع "خليل-كيكي"..
هـــو ذا
هـــو ذا .... يا صديقى
Post: #157 Title: Re: مثقفاتية سودانيز ما عندكم حاجة وبوستاتكم (بورندي) Author: ALMURADABI Date: 10-30-2008, 09:12 PM Parent: #155
الاخ ود رملية دعني انزل بمستوى لغة النقاش الي ما يفهمه هولا الرعاع فاغلب المفردات التي استعملتها لم تصل الي مواطن استيعابهم
اولا ذلك المدعو خليل
نعم ولد بأم درمان كماوردنا ولكن عاش فترة طويلة من حياته وسط المزارع والحقول التي لايعرفها اغلب سكان الجزيرة ناهيك عن باقي اهل السودان التحق بجامعة الخرطوم كلية الهندسة وفي كلية الهندسة وانضم إلى شلة من ابناء امدرمان
حقيقي اخونا خليل كان محظوظ لانو وقع في الناس ديل فهم يعتبرون من مثقفى امدرمان انتشلو ذلك الخليل من حالة البرملة والدوشة الكان معايشها اخونا خليل نتيجة لغيابه المتكرر بفيافي السودان ومشاريعة المروية والمطرية..
لكلامي بقية ومواصلة
Post: #158 Title: Re: مثقفاتية سودانيز ما عندكم حاجة وبوستاتكم (بورندي) Author: ودرملية Date: 10-30-2008, 10:16 PM Parent: #157
سلامات وعوافي بعد عودة .. اولا : ساترك مسالة التحليل النفسي والمقاربات الذهينة في الحالتين التين نحن بصددهما "خليل - كيكي" لعلماء علم النفس متمثلين في العلامة "الموردابي" وهو سيقوم بتحليل الحالة من منظور الطب النفسي علي امل ان يجادعه في ذلك الباحث والاديب الاريب مجاهد عبدالله "بالرغم من اشتغاله هذه الايام في اعداد ورقة عن الهكر الذي دمر اكثر من 300 موقع سوداني".
ثم عزيزي القاريء ادين واستنكر التلميحات غير البريئة التي استخدمها الزميل "ابوبكر ابوالقاسم" في مداخلته الاخيرة بالاشارة الي حالتنا الاجتماعية "SINGEL" وهي كناية واضحة عن محاولته تشتيت انتباه القراء الاعزاء وشغلهم عن جوهر الموضوع كون عدم تغييرنا لبروفايايلنا بعد الزواج ما هو الي اشارة الي سعينا في "التسجيلات" لجلب وجذب "الحسان الفاتنات" نحو مذهبنا ومحبتنا فيما بعد .. وانا افند هذا المقصد وانكره جملة وتفصيلا حيث انني اخر مرة مررت علي بروفايلي كانت قبل سنتين او ثلاث وذلك كما تعلمون دلالة علي انشغالي بامور كثير تبدو للمتابع بسيطة ولكنها في جوهر الحال عظيمة وكبيرة تحتاج منا لجهد المقلين ولفكر المثقفين ..لذلك اود تذكير الزميل ابوبكر بمغبة مسلكه المشين هذا وعليه مراجعة نفسه والانصات الي صوت ضميره وملازمة خندقنا ومعسكرنا المنتصر في نهاية المطاف ولا شك في ذلك البتة .. ولديك الفرصة يا ابا بكر للعودة الي "حظيرتنا" والا .. فمنك واليك وعليك ..
ثم انتقل الي المقاربة الاولي معتمدا في ذلك علي القراءة النظرية الثاقبة للاستاذ عثمان النعيم :-
استكناها للملاءة الفكرية الباهرة التي غزلها المفكر عثمان النعيم "في مقاربته النقدية سالفة الذكر" سابرا بذلك مجاهيل وظلمات اصحاب العقول السطيحة بكشفها للنقاط الارتكازية في تماثل الحالة البائنة التي يعانيها المدعويين "خليل-كيكي" حيال تواجدهما مع المثقفاتية والادباء "من امثالي" في مكان واحد بلا حواجز ولا مصدات مما سبب لهما نوع من "الخلعة الثقافية" انعكس بصورة لئيمة علي مشاركتهما لنا ذات المكان ونفس الادوات ليس ذلك وحسب بل وخلق جو من الخلاف بينهما وبين بقية المثقفين في حالة اشبه "بالتلبس" لافتراضهما انهم ليس اقل شائنا من البقية المثقفة وذلك رغم جهلهما بالمذاهب والافكار والقراءات الثقافية التي تشغل بال كل المثقفين الحقيقيين..
وساحاول فرش "ملاءة"عثمان النعيم الفكرية علي المسطحات الدماغية الوعرة التي يجثو عليها عقلي الطلاليش خليل وكيكي ..
مثلما اشرت سابقا ان النظرية (النعيمية)"1" اسهبت في التفاصيل لتزيل الغباش الذي لازم الرؤية العامة للمشهد الثقافي مستصطحبا في ذلك "خليل" كمثال حي للحاصل الان .. اشار عثمان النعيم في مقاربته في الصفحة "18" الي ان الخلعة الثقافية التي يعانيه كثير من رواد الاسافير هي نتاج طبيعي مقارنة بالسطحية التي يتعامل به انصاف المثقفين تجاه الفرص التي يحصلون عليها من وسائل الميديا التي لاتخضع للرقابة المفروضة علي بقية الوسائل .. فللاسف الشديد يجد امثال كيكي وخليل نفسهم وجها لوجه مع جهابزة المشهد الثقافي بل ويتداخلون معهم بالاراء والتي دائما ما تكون صادرة عن جهل وقلة معرفة .. اصر الاستاذ عثمان النعيم علي تثبيت نقاط معينة حتى تعين بقية النقاد في نشر وتناول تجاربهم حيال ايا من المواقف المماثلة لموقفنا الحالي .. يقول النعيم "في بداية الامر تعامل الرعاع مع وجودهم وسط هذه الكوكبة المثقفة ضالة ليسدوا به جوعهم الفكري واشباعا لرغبتهم في الظهور والتحشيش وسط جكس المنبر بانهم وصلوا الي مرحلة عالية من المراحل التي يتنقل عبرها المثقف الواعي " انتهى . نظرا لهذه الرؤية الثاقبة اظنك عزيزي القاريء قد لاحظت بما لا يدع مجالا الي الشك ان حالة "خليلكيكي" هشة للغاية وسرعان ما تتفتت امام سيل وامواج النقد البناء والمؤسس علي التجربة الانسانية الثرة التي شهدتها الحركات الثقافية في مختلف انحاء العالم وتلحظ ايضا "اي عزيزي القارئ" انهما مثالا حي للفوضوضية والغوغائية لضعف بنيتهم الثقافية والفكرية وانفعالهم غير المبرر حيال الافكار النيرة التي تطرح في المنبر علي نحو يسعى لمعالجة اماكن الخلل في تعاملات الانسان السوادني بصورة عامة .. فتلبسهم باثواب النقاد ارتجال مخل يؤدي الي زعزعة المشهد النقدي حيال التجارب التي خاضها المثقفون من امثالي .. ونحن اذ نقف في وجههما لانقصد بذلك الرد عليهما في شخصيهما بقدر سعينا الي استعدال الفهم العام حول تعاملهم مع المثقف بصورة مثلى تحفظ له تاريخه وتشهد له بابداعاته واثراءه للمشاهد الكونية علي مختلف افوافها ... يرجع عثمان النعيم في مقاربته الي الفترة الاولى التي شهدت التحول والسقوط الكبير للحالة "خليلكيكي" مستعينا بمعرفته اللصيقة بالحالتين ومجايلتهما في فترة الجامعة وكان الاستاذ النعيم علي قدر من الوعي كفل له المقدرة الفذة في التنبؤ بما ستؤول اليه احوالهما فاشتغل علي دراسة هذه السقطة منذ ولادتها والي الان .. واستند "النعيم"علي بداية "تخلق" هذه الخلعة والتي ظهرت واضحة في "المربد" الذي يقيمه النعيم سنويا احتفاءا بالحراك الشعري والنقدي في السودان ..فلاحظ ان خليل وكيكي كانوا اول الواصلين "يرتدي خليل جلابية وعمة وشال" و"يرتدي كيكي بدلة افرنجية كاروهات مع عصا عاجية" .. فاستغرب النعيم هذا الحضور المبكر ولكنه احسن الظن في كل الاحوال وتعامل معهما كمهتمين بالمشهد الثقافي ولم يحسب قط ان هذه ستكون الشرارة الاولى التي ستوقد جحيم التسلط والغيرة والحسد في نفس "خليلكيكي" وكانت اولى مشاركتهم "نطح" ما بعدوا نطح حيث انهما حولا المربد الي "شفخانة" بتفكيرهم المعوج وارائهم البلاهاء ومداخلتهما الضعيفة البعيدة عن اي منطق وفكر .. وعندما حان وقت مشاركتي شنفت اذان الحاضرين بقراءة قصة قصيرة بعنوان "احلام يابسة" والتي اكملتها فيما بعد الي رواية ... فبعد انتهائي منها رفع كيكي اصبعه طالبا التعليق علي القصة فرفضت "المنصة" الطلب غير انني كنت مصرا علي اعطائه الفرصة حتى ارى ما يحمل في "جعبته" حيال القصة .. وللاسف الشديد كانت مداخلته خالية من اي راي سديد او نقد مقدر او ملاحظة ذكية فلملمت اوراقي واعتذرت للمنصة وخرجت .. ومن تلك الفترة اعتقد النعيم جازما ان الامر سيتطور فيما بعد لما هو ابعد من "مربده" فشكل مبحثه انف الذكر علاجا شافيا للحالة التي نحن بصددها الان . يتبع ............ 1 - النعيمية : نسبة للمدرسة التي اسسها الاستاذ عثمان النعيم لمجابهة التيار الهمجي الذي سطا علي الواقع الثقافي.
Post: #164 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-31-2008, 03:36 AM Parent: #158
Quote: واستند "النعيم"علي بداية "تخلق" هذه الخلعة والتي ظهرت واضحة في "المربد" الذي يقيمه النعيم سنويا احتفاءا بالحراك الشعري والنقدي في السودان ..فلاحظ ان خليل وكيكي كانوا اول الواصلين "يرتدي خليل جلابية وعمة وشال" و"يرتدي كيكي بدلة افرنجية كاروهات مع عصا عاجية" .. فاستغرب النعيم هذا الحضور المبكر ولكنه احسن الظن في كل الاحوال وتعامل معهما كمهتمين بالمشهد الثقافي ولم يحسب قط ان هذه ستكون الشرارة الاولى التي ستوقد جحيم التسلط والغيرة والحسد في نفس "خليلكيكي" وكانت اولى مشاركتهم "نطح" ما بعدوا نطح حيث انهما حولا المربد الي "شفخانة" بتفكيرهم المعوج وارائهم البلاهاء ومداخلتهما الضعيفة البعيدة عن اي منطق وفكر .. وعندما حان وقت مشاركتي شنفت اذان الحاضرين بقراءة قصة قصيرة بعنوان "احلام يابسة" والتي اكملتها فيما بعد الي رواية ... فبعد انتهائي منها رفع كيكي اصبعه طالبا التعليق علي القصة فرفضت "المنصة" الطلب غير انني كنت مصرا علي اعطائه الفرصة حتى ارى ما يحمل في "جعبته" حيال القصة .. وللاسف الشديد كانت مداخلته خالية من اي راي سديد او نقد مقدر او ملاحظة ذكية فلملمت اوراقي واعتذرت للمنصة وخرجت .. ومن تلك الفترة اعتقد النعيم جازما ان الامر سيتطور فيما بعد لما هو ابعد من "مربده" فشكل مبحثه انف الذكر علاجا شافيا للحالة التي نحن بصددها الان . يتبع
كيكي فعلا الرعواتي
يحتاج ان يعود للورشة عطبرة
يعاني من التمزق النفسي
والبون شاسع بين ملاح الويكاب والميديا والكلمات الكبيرة التي يريد
ان يحشرها
عد يا رعواتي لملاح الروب والسعن وكوم التبش ودعك من هذا الهراء
Post: #163 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-31-2008, 03:24 AM Parent: #157
علي ابو القاسم
ازيك ياخي
Post: #159 Title: Re: مثقفاتية سودانيز ما عندكم حاجة وبوستاتكم (بورندي) Author: ALMURADABI Date: 10-30-2008, 10:55 PM Parent: #1
شكرا لك اخى ود رملية
مواصلة وتكملة عن ذلك الخليل بعد عودة خليل للخرطوم ومباراتو لوجهاء امدرمان بجامعة الخروطوم ظن خليل انه عاد سيرته الأولى من تفاتيح امدرمان وقال يمشى يشوف جكس جامعة الاحفاد وكانت الدقسة الاولى انو ركب المواصلات غلط وطش صاحبنا في زقاقات امدرمان حتى وصل الاحفاد وهناك اصيب صاحبنا بصدمة بعد ان شاهد حسان الاحفاد بعد بعض فراق .. صاحبنا كضم وغلبو النضمي وعرف انو في مستجدات وإن ده شعرا ما عندو اليهو رقبة وهنا اصيب بعقدة الهضربة مع الجكس التي ما زال يعاني منه
ياخليل(i am just kidding)
لنريكم والمدعو كيكي بعض بأسنا في الحبك والرواية وتلفيق القصص من لا شئ (أها لقيتني كيف)
وده طبعاً حتى لا تهابشوا لينا الخطوط الحمراء (ناس يحيى فضل الله) ديل فهم قد شكلوا وعي جيل منتصف والثمانينات وأوائل التسعينات
ان ادعاء خليل بانه هلالابي مطبوع محض هراء فقد وردنا أنه حتى ثالثة ثانوي كان مريخابي وتخبط بين أهلي مدني وبيت المال حتى استقر في تشجيع الهلال..
دي مقدمة عن ما يعيشه لخليل الذى زرع في دواخلو كل هذا الاستعداء للمثقفين والوجهاء.
لقيتني كيف ياخليل ...
نجار وبتاع مخابرات بعض المعلومات ضللتني بها مصادر لها غرض ..
برشوتي النجر والنجارة والطباخة والخردوات تحت خدمتك ياخليل إذا احتجت لنا وحتماًحتحتاج لينا
وللحديث بقية
Post: #160 Title: Re: مثقفاتية سودانيز ما عندكم حاجة وبوستاتكم (بورندي) Author: احمد التجانى احمد Date: 10-30-2008, 11:16 PM Parent: #1
Quote: اولا ذلك المدعو خليل
اتي من قرية من قرى الجزيرة قرية لايعرفها اغلب سكان الجزيرة ناهيك عن باقي اهل السودان التحق بجامعة الخرطوم كلية الهندسة وفي كلية الهندسة احتوته شلة من ابناء امدرمان
حقيقي اخونا خليل كان محظوظ لانو وقع في الناس ديل فهم يعتبرون من وجهاء امدرمان ومن مثقفى امدرمان انتشلو ذلك الخليل من حالة البرملة والدوشة الكان معايشها اخونا خليل ولكن هذا الخليل لم يصبر حتى يتقن فن التعامل الامدرماني الراقي في السلوك والفكر وانتطبق عليه المثل البقول اول ما شطح نطح
علم التشريح الفوق دة بيدرسوه فى سنة كم طب؟
Post: #161 Title: Re: مثقفاتية سودانيز ما عندكم حاجة وبوستاتكم (بورندي) Author: احمد التجانى احمد Date: 10-30-2008, 11:36 PM Parent: #1
Quote: إلي مصطفي سند في برزخه البعيد هاأنت تسري في السديم ترود أودية السقام في الليل وحدك والدجي يرخي الجناح ويستحيل إلي قتام من ياتري حزم المتاع وفجع في الليل الظلام ومن الذي جذب الجواد وجاء نحوك باللجام لتسير تمضي في السري صوب القفران المقفرات وصوب برزخك البعيد( بلا توقع للإياب لبيتك الحاني ومنزلك القديم) الليل باد ولم تعد.. والفجرعاد ولم تعد والنهر أوسع ضفتيه بالعبير ولم تعد والزهد أيقظه الندي فأماط بالصحو النعاس ولم تعد والنسر حلق ثم حلق ثم حط علي الذري قلنا أتيت النسر قال تركته خلف البحار النائيات يمضي وحيداً هده طول السري والزهد قال رأيته قرب القماري الساجعات والنهر أو ما للوراءوقال صاحبكم هنالك في المنابع يستقي من ياحبيب الناس بعدك للحروف الزاهيات وللكلام ومن الذي سيهز جزع القول بعدك يسقط الشعر الموشي بالعبير وبالهيام لك يا صديقي في الفراديس السلام .. لك السلام
كامل عبدالماجد
خليل بالله رائك شنو فى كامل خالى كمثقف من جيل السبعينيات
Post: #162 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-31-2008, 03:20 AM Parent: #161
خليل بالله رائك شنو فى كامل خالى كمثقف من جيل السبعينيات
احمد التجاني
كامل عبد الماجد
نوارة في وجه المثقفاتية يكفي منتجوها الادبي والشعرا
يكفيه ان قال
ديل عيونك ولا واحة وسيد الاسم
كامل عبد الماجد مثقفاتي بالفطرة
Post: #165 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-31-2008, 06:26 AM Parent: #162
موردابي يا حاسد
Post: #166 Title: Re: مثقفاتية سودانيز ما عندكم حاجة وبوستاتكم (بورندي) Author: عبدالكريم الامين احمد Date: 10-31-2008, 06:44 AM Parent: #165
هلا يا خليل وغلا... ويبدو جليا بان الرعواتي يحاول ان يدس السم في وسط حروفه البائسة.. وما اجتراره لحادثة الندوة الشهيرة التي اشار اليها في حديثه عن الورقة المفككة المهلهلة الجيعانة والي اتت الي الاسافير وهي كسيحة كونها نتاج فكر هدام يبشر به (ابوعفان).. الرعواتي واقع تحت تاثير غضبة الماضي واقتحامنا الي مجالسهم التي كان تنظر وتفتي في امور البلاد والعباد والثقافة بوعي مستلب احادي رعديد ولعله لن يغفرك لك نقدك الكافي الشافي لفكرة المثقف (بلادي بلادي) التي اقحمتها بها وهربوا من الجماهير عندما اكتشفوا فجيعتهم... لا عليك منه هذا الرعواتي التمباكي الذي تتاثر كتابته صعود وهبوط بخلو كيس تمباك... انه سقوط المثقف في زمن بروستريكا التمباك فخلي يولي
Post: #167 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-31-2008, 06:44 AM Parent: #165
في زفرات النفس شقهت
وكان النشوف والدمر وارتحال زوايا الرسم
بين تسكعها وخمولي
حولة انجليزي يا خليل
Post: #168 Title: Re: مثقفاتية سودانيز ما عندكم حاجة وبوستاتكم (بورندي) Author: عبدالكريم الامين احمد Date: 10-31-2008, 06:50 AM Parent: #167
واما ما يسمي بالمورادبي هذا المستلب القرقوري فانه يريد تحويل المعركة الي معركة (قابلية هابيلة) واره يمارس في خياله الغيرة الهدامة كونه خطفت الاضواء من مثله من مرتادي الاسامي القرقورية بحثا عن الجكسوس ولكن لم يحصد من ذلك سوي سراب بقيع ... اظنه هكراااا لذا رشووووووووووووو
والا لحدثنا بكري لكي يرششششه رشا
Post: #169 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-31-2008, 06:58 AM Parent: #168
Quote: ولعله لن يغفرك لك نقدك الكافي الشافي لفكرة المثقف (بلادي بلادي) التي اقحمتها بها وهربوا من الجماهير عندما اكتشفوا فجيعتهم... لا عليك منه هذا الرعواتي التمباكي الذي تتاثر كتابته صعود وهبوط بخلو كيس تمباك... انه سقوط المثقف في زمن بروستريكا التمباك
بطرفنا تمباك من بحري وفي بحري من الجمري
لن نعطي هذا الرعواتي اي سفة ما لم يحضر الينا بالعراقي واللباس الطويل
ويحمل صوت العنج ويكلمنا عن ودابو جترة وود ابجلفة
ويترك الكلام عن الميتافيزيقا دي
Post: #178 Title: Re: مثقفاتية سودانيز ما عندكم حاجة وبوستاتكم (بورندي) Author: ALMURADABI Date: 10-31-2008, 07:04 PM Parent: #168
خليل وكيكي انا وود رملية لكم بالمرصاد امام ذلك التطاول على هامة من المثقفين
Post: #170 Title: Re: مثقفاتية سودانيز ما عندكم حاجة وبوستاتكم (بورندي) Author: أبوبكر أبوالقاسم Date: 10-31-2008, 12:25 PM Parent: #1
Quote: وهي كناية واضحة عن محاولته تشتيت انتباه القراء الاعزاء وشغلهم عن جوهر الموضوع كون عدم تغييرنا لبروفايايلنا بعد الزواج ما هو الي اشارة الي سعينا في "التسجيلات" لجلب وجذب "الحسان الفاتنات" نحو مذهبنا ومحبتنا فيما بعد ..
حقيقة أنا كنت مستصحب من الذاكرة موقف مشابه حكاه المرحوم عبدالله عبيد فى عموده الذى كا إسمه - على ما أعتقد- ( قلب الشارع ) إنو
كان مسافر بالطائرة لبعض شأنه ، ولم ينسى أن يخلع الدبلة ، وصادف فى الطيارة " كثير من الرَهَف " وبدأ ينبهل ، المهم صاحبتنا لما
موقفك دليل نضيفو لسلوك المثقفاتية سواء فى الشأن العام أو الخاص.
Post: #171 Title: Re: مثقفاتية سودانيز ما عندكم حاجة وبوستاتكم (بورندي) Author: عثمان عبدالقادر Date: 10-31-2008, 01:04 PM Parent: #170
الأخ/ خليل سلامات أولا أرجو المعذرة على التطفل فهذه أول مرة أدخل دارك. ثانياً لم ِِِأقرأ كامل المداخلات لأن غالبها لتزجية الوقت مع أِن الموضوع الذي طرقته في غاية الأهمية بل يمثل في رأيي العمود الفقري لأي مجتمع سواء كانت تغلب على هذا المجتمع الميثولوجيا والروحانيات أو البراجماتية والماديات . لما تقدم أقول أحلي شيء في ثقافة أهل السودان الممارسة هو لعب الكتشينة في نادي حلتنا،وأحلي شيء في تعليمنا النظامي أنه قام بتلقيننا وتحفيظنا( دجاجي يلقط الحبّ * ويجري وهو فرحان) .
شكراً أبوحمــــــــــــــــــــد
Post: #179 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-31-2008, 09:45 PM Parent: #171
Quote: أولا أرجو المعذرة على التطفل فهذه أول مرة أدخل دارك. ثانياً لم ِِِأقرأ كامل المداخلات لأن غالبها لتزجية الوقت مع أِن الموضوع الذي طرقته في غاية الأهمية بل يمثل في رأيي العمود الفقري لأي مجتمع سواء كانت تغلب على هذا المجتمع الميثولوجيا والروحانيات أو البراجماتية والماديات . لما تقدم أقول أحلي شيء في ثقافة أهل السودان الممارسة هو لعب الكتشينة في نادي حلتنا،وأحلي شيء في تعليمنا النظامي أنه قام بتلقيننا وتحفيظنا( دجاجي يلقط الحبّ * ويجري وهو فرحان) .
نقطة العريس لقيط القطن دق العيش مسك الموية في الحواشات
زيارة المستشفي تعليمة العروس والقائمة تطول
Post: #172 Title: Re: مثقفاتية سودانيز ما عندكم حاجة وبوستاتكم (بورندي) Author: محمد عبدالرحمن Date: 10-31-2008, 01:05 PM Parent: #170
يبدو ان خليل وحيدا فى معركته هذه ..فالرعواتى ودرملية يحسب نفسه من جهابذة المثقفين والكتاب الكبار ..وزى خليل لاقيمة له عنده طالما انه لم يقرا رائعة حيدر حيدر وليمة لاعشاب البحر ..ولم يكحل عيونه بالحب فى زمن الكوليرا ..والمدعو كيكى كما قلت من قبل انه مثقف زعلان ليس الا ..كل القصة انو السادة المثقفين لم يعطوه التقييم المطلوب ..فان وجد لنفسه توقيعا فى البيان لما افتعل هذه المعركة ..
اقول قولى هذا واطلب من خليل ان يضربهم بيد من حديد ..
Post: #174 Title: Re: مثقفاتية سودانيز ما عندكم حاجة وبوستاتكم (بورندي) Author: عبدالكريم الامين احمد Date: 10-31-2008, 03:38 PM Parent: #172
Quote: والمدعو كيكى كما قلت من قبل انه مثقف زعلان ليس الا ..كل القصة انو السادة المثقفين لم يعطوه التقييم المطلوب ..فان وجد لنفسه توقيعا فى البيان لما افتعل هذه المعركة ..
اها يا ابو خليل شفت حديث مرجفي المدينة من عضوية الاحزاب التقليدية والايدلوجية يخوفهم تخندقنا في صفوف الجماهير الهادرة ويحاولون وبالتحالف مع الرعواتي ودرملية المثقف الرعديد وارسال اشارات سالبة يفرغ فلسفتنا المنحازة لقضايا الجماهير وتحويلها بضربة كي بورد الي موقف انتهازي تغذيه الذات الكيكية... الحبيب محمد عبدالرحمن الانصاري القح في سبيل خوفه علي العروش يتجاوز اكثر الاشياء التي تغذي فكر ودرملية وهي (التمباك) الذي يتقاطع ويرفضه العقل الانصاري وبصرامة.. يعمل نايم وما شايف هذه التمباكية الود رملية المزمنة ويقض النظر عنها ويتحالف مع الرعواتي ودرملية ضد الخطر الجماهيري الهادر الم اقل لك يا خليل بان النخبة بلا مبادئ بل تسيرها المصالح فتامل عزيزي القاري
Post: #175 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-31-2008, 04:03 PM Parent: #174
Quote: يعمل نايم وما شايف هذه التمباكية الود رملية المزمنة ويقض النظر عنها ويتحالف مع الرعواتي ودرملية ضد الخطر الجماهيري الهادر الم اقل لك يا خليل بان النخبة بلا مبادئ بل تسيرها المصالح فتامل عزيزي القاري
كيكي
هذه فاتيكانات قديمة نحن لا نسبح بحمدها وانتهي الي غير رجعة
عهد التحنيط وانتهي عهد نحن علي دين الخليفة
Post: #173 Title: Re: مثقفاتية سودانيز ما عندكم حاجة وبوستاتكم (بورندي) Author: مجاهد عبدالله Date: 10-31-2008, 01:30 PM Parent: #1
طوااااااااااالي هم زعلانين ..
عرفنا أنهم مريخاب زعلانين كما مثقفين زعلانين دي واسعة يا محمد ..
غايتو البركة أنهم في الدوحة بجانب رمال ودرملية الثقافية ..
Post: #176 Title: Re: مثقفاتية سودانيز ما عندكم حاجة وبوستاتكم (بورندي) Author: Elmoiz Abunura Date: 10-31-2008, 04:36 PM Parent: #173
الاعزاء كيكي, وليد, ودرمليه Quote واصبر لي يا ودرملية يا رعواتي الغفلة وزمن بروستريكا التمباك سنلحقك انا والمبدع خليل غنم زهرة فشيل شيلتك يا متفلقس.... ومجاهد عبدالله ذاااتو يشيل شيلتو معاك كونه حالة كاره لذاتها وحاصلة ليها استلاب رعواتي.. وما يحلكم مننا الا معز ابو نورة ده..ولكن ليس قبل انا تاخذا (لاحظوا لتاخذا دي) قبل ان تاخذا في راسكما المدوقس ده..
كان انريكو برلينغوير سكرتير الحزب الشيوعي الايطالي السابق في سبعينات وثمانينات القرن الماضي وقبل ان يحل الحزب نفسه ويتحول لحزب اليسار الموحد يسعي لتحقيق ماسماه بالمساومه التاريخيه بين الحزب الشيوعي المدعوم بثلث سكان ايطاليا في نهاية السبعينات والكنيسه الكاثوليكيه ذات النفوذ الواسع في البلاد. كضيف شرف للسمنار, أوورشة العمل في الدوحة في الاسبوع الرابع من ديسمبر, ساسعي للتوسط, وتحقيق مساومة تاريخيه أو مصالحة تاريخيه بين طرفي الصراع وذلك نسبه لعلاقتي بالطرفين المتصارعين , ود رمليه والذي يقود تيار المثقفين الوطنيين ولا اقول الثوريين بعد انهيار المشروع الماركسي- اللينيني, وخليل- كيكي اللذان يمثلان طليعة تيار الشغيلة, والمسحوقين" رغم ثرائهما النسبي الان". الجدير بالذكر انني لم استخدم عبارة" الهامش" لآن لخليل جذور عائليه ترجع لمناطق المتمه, والقري الفقيره شمال المتمه والتي لايعتبرها البعض من مناطق الهامش لأن اهلها من الحعليين. واذا وافق الطرفان, ساقترح لجنه من الحكماء لتساعدني في هذه المهمه الصعبه مكونة من الاستاذ هاشم كرار, د. ياسر شبيكه, الاستاذ. طه ميرغني المحامي, الاستاذ. راشد عوض. مع ودي وتقديري
Post: #180 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-31-2008, 09:47 PM Parent: #176
Quote: واذا وافق الطرفان, ساقترح لجنه من الحكماء لتساعدني في هذه المهمه الصعبه مكونة من الاستاذ هاشم كرار, د. ياسر شبيكه, الاستاذ. طه ميرغني المحامي, الاستاذ. راشد عوض. مع ودي وتقديري
معز اذا لم يحضر راشد عوض
اعتبر المفاوضات لاغية
Post: #177 Title: Re: مثقفاتية سودانيز ما عندكم حاجة وبوستاتكم (بورندي) Author: عبدالوهاب علي الحاج Date: 10-31-2008, 04:37 PM Parent: #1
الاخوان خليل وكيكي
ياجماعة شايفكم متقلين العيار شوية وعصرتو علينا شديد
نحن كمثقفاتية ومبدعين تحت التمرين
________________________________________ الـعصر المقصود هنا عصر النهضة
Post: #181 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-31-2008, 09:49 PM Parent: #177
Quote: ياجماعة شايفكم متقلين العيار شوية وعصرتو علينا شديد
نحن كمثقفاتية ومبدعين تحت التمرين
وهبة ياخي انت ابو الثقافة ذاتها بس اعلامك ضعيف
Post: #182 Title: Re: مثقفاتية سودانيز ما عندكم حاجة وبوستاتكم (بورندي) Author: حنين للبلد Date: 10-31-2008, 09:51 PM Parent: #1
خليل...كيكي
الم ينفض هذا السامر بعد.......
ورورووووووووووووووووووووووووك
"ازيكم"
Post: #183 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 10-31-2008, 10:02 PM Parent: #182
Quote: ورورووووووووووووووووووووووووك
حنين للبلد
ينزل المثقفاتية بوست اعتذار للقطيع
وبعدين نشوف راي القطيع (نرفع المشاعل وللا ننزلها)
ولكن معركتنا معهم تظل قائمة في ضعف منتوجهم الثقافي للبلد
ياخي بلد مجلة واحدة مافيها وقالو عائزين اسقطوا الحكومة
ياخي تخ
Post: #184 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 11-01-2008, 04:02 PM
ماهي اخر مسرحية سودانية
ماهو اخر فيلم سينمائي سوداني
ماهي اخر مسرحية سودانية
ماهي اخر مجلة سودانية
يا كافي البلاء البلد ما فيها غير جرائد الكورة
Post: #185 Title: Re: مثقفاتية سودانيز ما عندكم حاجة وبوستاتكم (بورندي) Author: ودرملية Date: 11-02-2008, 01:50 AM Parent: #184
سلامات وعوافي الزملاء .. اسف علي التأخير نسبة لعدة مشغوليات .. ALOT OF THINGS NEED TO BE DONE SO ادونا فرصة وبنجي نكمل الورقتين ثم نرد علي الرعاع والمرجفين .. متمثلين في "محمد عبد الرحمن وابوبكر ابو القاسم" .. فكلاهما كانا عنصرين فاعلين في خضم التيارات الثقافية النشيطة .. ولكن لبوار ادبياتهم وقراءاتهم الباهتة للاحداث واعتمادهم علي مناهج النهج القديمة المنتهية صلاحيتها كسد منتوجهم وغطاه غبار المكتبات العامة .. وقد هزمناهم وهزمنا فكرهم من قبل في الندوة الشهيرة التي اقيمت في باريس عن اساليب النقد الحديث ..
الاخ والصديق ابونورة .. انا لا مانع لدي .. حاضر للمناظرة في اي وقت .. ولكن عليكم الاخذ في الاعتبار انني ساشارك بمؤتمر ادبي يقام في بوركينا فاسو بداية نوفمبر وساقضي هناك 10 ايام بعد ذلك ساعمل علي ادخال المناظرة في جدولي لشهر ديسمبر .. وتقبلوا محبتي .. اخوكم :- الاستاذ المفكر والاديب والباحث عبد الرحيم عبد الله درار
Post: #186 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 11-02-2008, 06:39 PM Parent: #185
Quote: الاخ والصديق ابونورة .. انا لا مانع لدي .. حاضر للمناظرة في اي وقت .. ولكن عليكم الاخذ في الاعتبار انني ساشارك بمؤتمر ادبي يقام في بوركينا فاسو بداية نوفمبر وساقضي هناك 10 ايام بعد ذلك ساعمل علي ادخال المناظرة في جدولي لشهر ديسمبر ..
كسدت بضاعتك في السودان تريد ان تروجها في بوركينا فاسو
ذنبهم شنو ناس واغادوغو ديل
واغادوغو عاصمة بوركينا فاسو عشان ما تمشي مغمض ساكت
Post: #187 Title: Re: مثقفاتية سودانيز ما عندكم حاجة وبوستاتكم (بورندي) Author: عبدالكريم الامين احمد Date: 11-02-2008, 07:25 PM Parent: #186
Quote: كسدت بضاعتك في السودان تريد ان تروجها في بوركينا فاسو
ابو خليل البعجبني فيك يتكفيني الرد علي هيك وعي رعديد يريد ان يروج بضاعته البائرة في الادغال الافريقية..
Post: #188 Title: Re: مثقفاتية سودانيز ما عندكم حاجة وبوستاتكم (بورندي) Author: عبدالكريم الامين احمد Date: 11-02-2008, 07:30 PM Parent: #187
القمر شال بندقيتو والارض ذاهبة خلف الجدران والليل انشد الحان الفلامنجو مع نغم النشيد تراتيل الانغام الاولي عانقت حقول القصب انزع اقفل اهتف في حضور الاله تتدوزن لغة الصهيل ترانيم الزمن الجاي تصارع الزمن الجاي الزمن الجاي من جوف الارض البكر
...رايك شنو يا ابو خليل في نمطية الشعر ده
Post: #189 Title: Re: مثقفاتية سودانيز ما عندكم حاجة وبوستاتكم (بورندي) Author: khaleel Date: 11-02-2008, 07:34 PM Parent: #188
Quote: في حضور الاله تتدوزن لغة الصهيل ترانيم الزمن الجاي تصارع الزمن الجاي الزمن الجاي من جوف الارض البكر
