رسالة من بوردابي مسلم اعتنق المسيحية

تلقيت رسالة صباح اليوم من بوردابي يقيم في دولة عربية
الرسالة قصيرة من سبعة اسطر
الفساد الحاصل في السودان هو السبب الرئيسي
تابعونا

مادام سببو الرئيسي الفساد
ليه الف حق

الاخ خالد العبيد

تحياتي الطيبة

والبركه فيك وفي الشعب السوداني للفقد الجلل لنقد ووردي وحميد وتيجاني وعوضية



من رؤيتي ان الفساد ليس سبب لاختيار دين اخر او عدم الاعتقاد مع اني مؤمن بالحرية له ولسواه في الاعتقاد او عدمه


لكن الفساد يحتاج لنضال والهاب الجماهير لرفضه واسقاط النظام المفسد


وهذا الشخص اذا وجد فساد في من يتبع النصرانية هل سيتجه لليهودية

مع ان دين اليهود ليس دين تبشيري او مفتوح لقبول دخول جدد لانه دين وعنصر



عموما سلام لك ولهذا البوردابي في ديانته الجديدة

Quote: مادام سببو الرئيسي الفساد ليه الف حق

يا مولانا زولك دة ماعنده ولا حق واحد
خليك من الف
بعدين العلاقة شنو يعني بين اعتناق ديانة ما ثم تغييرها لاسباب خاصة بالبشر وليست لرب العالمين الذي هو رب الديانات السماوية كلها
دة زي الطالب الطلع من المدرسه ولما سالوه ليه عمل كدة قال كية في المدرسين

زى كارل ماركس، وجد الكنيسة فاسـدة وتوزع صكوك الغفران، وتخدر الشعوب مثل الفيون،  عشان ينهبوا اموال المؤمنين، قال الله مافى ونسب اليه
 الدين افيون الشعوب. زولك دا راجيه درب طويل لحد ما يعرف الفرق بين الدين وبين رجال الدين وادعيائه.

إذا كانت هذه أسبابه يا خالد
فأسمح لي أن أقول أنها أكثر من ضعيفة


* وأتمني أن تطلب سحب البوست.





-

العزيز خالد

Quote: * وأتمني أن تطلب سحب البوست.

شرحو

مع ودى وتقديرى

إتفق مع صبرى الشريف فى :

Quote: من رؤيتي ان الفساد ليس سبب لاختيار دين اخر او عدم الاعتقاد مع اني مؤمن بالحرية له ولسواه في الاعتقاد او عدمه لكن الفساد يحتاج لنضال والهاب الجماهير لرفضه واسقاط النظام المفسد وهذا الشخص اذا وجد فساد في من يتبع النصرانية هل سيتجه لليهودية

ومع احمد التجانى :

Quote: يا مولانا زولك دة ماعنده ولا حق واحد خليك من الف بعدين العلاقة شنو يعني بين اعتناق ديانة ما ثم تغييرها لاسباب خاصة بالبشر وليست لرب العالمين الذي هو رب الديانات السماوية كلها دة زي الطالب الطلع من المدرسه ولما سالوه ليه عمل كدة قال كية في المدرسين

ومع عاطف مكاوى :

Quote: إذا كانت هذه أسبابه يا خالد فأسمح لي أن أقول أنها أكثر من ضعيفة * وأتمني أن تطلب سحب البوست

وكما قال Elmoiz Abunura :

Quote: مع ودى وتقديرى

خلوهو ود العبيد دا عندو فكرة فى رأسو عايز ينفذهــا ..

لا رسالة ولا كتاب


أكتب يا ود العبيد الحيثيات وتعال دافع عنها
ينوبك ثواب



الفكرة ( عدم التطابق بين العقيدة والشريعة هل يكون مدعاة لخطأ فيهما )

Quote: الفساد الحاصل في السودان هو السبب الرئيسي

يعني حسب كلامو اعتناق ( مؤقت ) ينتهي بزوال الفساد

نسال الله حسن الخاتمة

أستاذ خالد العبيد

عندكم الساعة كم ....
( يوم الأحد )

يا سلام عليك يا رضا
انت كدا
ورفع اصبعه الى اعلى
يا شباب نحن الشمس بتشرق عندنا اول ناس
الشربو المقلب بالهنا والشفا !!

لو كان الفساد سبب لترك الدين
لألحد الشعب السوداني بأكمله

يبدو إنو عندك رؤية كدي كمل
والنشوف اخرتا

تحياتي خالد

( وَمِنَ النَّاسِ مَنْ يَعْبُدُ اللَّهَ عَلَى حَرْفٍ فَإِنْ أَصَابَهُ خَيْرٌ اطْمَأَنَّ بِهِ وَإِنْ أَصَابَتْهُ فِتْنَةٌ انْقَلَبَ عَلَى وَجْهِهِ خَسِرَ الدُّنْيَا وَالْآخِرَةَ ذَلِكَ هُوَ الْخُسْرَانُ الْمُبِينُ) (الحج:11)
زولك ده مشتهي ليهو كفرانية ساكت
منذ متى كانت تصرفات بعض المنتسبين للإسلام تمثل الإسلام؟
وهل يطعن في الإسلام بخروقات أتباعه التي لا يقرهم عليها؟؟؟
حجج ضعيفة وواهية للردة عن الإسلام

ود العبيد سؤال بريء: البوردابي ده إنتا؟

Quote: ود العبيد سؤال بريء: البوردابي ده إنتا؟

محمد جلال
اقرأ ... اقرأ
وممكن تستعين بـ " دكشنري "
بالمناسبة انت درست وين ؟

ود العبيد .. ما تتضايق
كلامي مقصود لذاته لأنك قلتا:

Quote: مادام سببو الرئيسي الفساد ليه الف حق

أنا قريت في جامعة أمدرمان الإسلامية
وشوية كده في الخلوة!

ههههههههههههههههههههههههههه
ومازال ود العبيد سادراً في أبريله!!








_
ياخ لي زي تلاتة سنة داير أكتب (سادرا) دي
ما لاقي ليها الحتة المناسبة .. أهو لقصت فيكـ!!!

Quote: عموما سلام لك ولهذا البوردابي في ديانته الجديدة

وسلام عليك يا صبري
والبوردابي يغريك السلام

مولانا احمد التجاني
تشكر على المرور

Quote: زولك دا راجيه درب طويل لحد ما يعرف الفرق بين الدين وبين رجال الدين وادعيائه.

سلام يا ابوالريش
زولي بلغتو بي رسالتك
قال ليك :
مهما صعب درب الوصول لازم .. لازم .. لازم اصل !

شكرا ليك

كل ابريل وانت بخير يا خالد

هسي محمد جلال ده ضيعت ليهو فرصة انو يقع بالبوردابي المرتد ده الاسفير* لوووول



ـــــــــــــــ
تقرا مع نكتة الانصاري الوقع ليهو بواحد نبذ الصادق البحر
واوصى ولده يلكم امو انو ابوهو وقع ليهو بواحد كافر البحر

من غشنا ليس منا

Quote: كل ابريل وانت بخير يا خالد

تحياتي لك وللأسرة

أبو قصي

Quote: هسي محمد جلال ده ضيعت ليهو فرصة انو يقع بالبوردابي المرتد ده الاسفير

كااااااااااااااااااااكـ

ود العبيد،

كل أبريل وأنت طيب.

إبريليتك دي قربت تولع حرب جهادية.

ياخي خفف شوية، اتا ما عارف الناس ديل متحيلين على جرايم الحرب والابادة الجماعية وما تجيبو حي؟

Quote: كل ابريل وانت بخير يا خالد هسي محمد جلال ده ضيعت ليهو فرصة انو يقع بالبوردابي المرتد ده الاسفير* لوووول

الحمد لله إنها طلعت كضبة ساكت
مع إنها من البداية ما خشت لي في راسي
لكن ما حبيت أكضب الراجل!!!
وافترضت فيهو الصدق!

لكن برضو الكضب حرم وخاصة لو كان بالأسلوب ده
تحريم ما يسمى بكذبة أبريل// الشيخ محمد صالح المنجد

Quote: مع إنها من البداية ما خشت لي في راسي

يا راجل !
ياخ انت بعد ما كشفنا الامتحان جاوبت غلط
قوم لف ..
وتعال !

Quote: يا راجل ! ياخ انت بعد ما كشفنا الامتحان جاوبت غلط قوم لف .. وتعال !

أنا لمن جيت أرد إنت كنت لسة ما نزلت الصورة
بتاعت كضبة أبريل البتوضح فيها إنو كلامك ما حقيقي
لأنو أنا لمن ضغطت زر الرد ما كانت موجودة
وانشغلت حوالي خمس دقايق وكتبت ردي بعدها
عشان كده كلامي ظهر بعد كلامك

على العموم الحمد لله لم نخسر مسلما
ولكننا كسبنا إنو عرفناك كضاب ^___^

غايتو يا ود العبيد .. محمد جلال دا
لازم يمرق منكـ بي حاجة .. إن شاء الله الفنيلة الحمرا!

Quote: غايتو يا ود العبيد .. محمد جلال دا لازم يمرق منكـ بي حاجة .. إن شاء الله الفنيلة الحمرا!

مش كده يا ود الصايم بالله
وكمان الحكمة وصيفابي!!
يعني ما في أي نقاط تلاقي إلا في الجعلتية
هو بقول من كبوشية لكن بعد ده حقو نتحقق
يمكن تكون كضبة ديسمبرية
كل شي جايز .. المافي شنو ^___^

محمد ودالصائم
سلام
ابوالجلاجل مشكلتو مستعجل وشفقان
اريتو بي شفقة نفيسة!!
لو ما بتعرف شفقة نفيسة
قول عوك تاني
زي بتاعت العدس !!
بكتب ليك في الايميل
عشان ما اترفد !!

Quote: غايتو يا ود العبيد .. محمد جلال دا لازم يمرق منكـ بي حاجة .. إن شاء الله الفنيلة الحمرا!

لو لبس احمر سيظل سادرا في مسدار الغلاط
خليو في حصانو !!

عاطف مكاوي
كيفك يا جميل
والله ما رضيتا ليك تشرب المقلب
السنة الجاية اعمل حسابك

كان تصبر شوية يا خالد ... دكتورة نجاة لسع ما دخلت ما معقول ياخ ... وانا جاي داخل ومعاي جراب من بائس

المعز ابونورة
تحياتي
برضو بالهنا والشفا
وتسلم يا غالي

تحية طيبة للجميع

Quote: على العموم الحمد لله لم نخسر مسلما ولكننا كسبنا إنو عرفناك كضاب ^___^

انا غايتو الرد ده عجبنى ، و كلمة سادر دى كيفتنى

اهه يا ود العبيد الزول ده طالبك رد مفحم عشان الرد و كده

===========================================================

و بمناسبة (سادر)

Quote: 1.سادر .: 1 - فاعل. 2 - جمل تحير بصره من شدة الحر. 3 - متحير. 4 - الذي لا يهتم بما يفعل. 5 - مبتعد عن الشيء ترفعا. 6 - «تكلم سادرا»: أي غير متثبت في كلامه. المعجم: الرائد - [ ابحث في المعنى ] 2.سدِرَ يَسدَر ، سَدارَةً وسَدَرًا ، فهو سادِر وسَدِر: • سدِر الشَّخصُ 1 - تحيَّر بصرُه من شدّة الحرِّ "سدِر البصرُ". 2 - استهتر، لم يهتمّ بما صنع ولم يبالِ "ظلّ سادِرًا في غيِّه، - ارتكبَ الفواحش وسدِر". المعجم: اللغة العربية المعاصر - [ ابحث في المعنى ] 3.سادر - سَادِرٌ: [س د ر]. (فاعل من سَدِرَ). 1. "رَجُلٌ سَادِرٌ فِي الغَيِّ" : تَائِهٌ. 2. "تَكَلَّمَ سَادِراً" : غَيْرُ مُتَشَبِّثٍ فِي كَلاَمِهِ. المعجم: الغني - [ ابحث في المعنى ] source

Quote: يا نجم ياللي سادر في سماهم للشاعر خالد حسين الصبحى خمنك يجون اليوم والا نحاهم *** عن ديرة العشقان حظٍ معاند فـ القلب خلو يوم راحوا رحاهم *** تطحن ظنون الود وسط المواعد سف الرماد وذاق طينة جفاهم *** من موقد للشوق ما هو برامد لساع يطلب خالقه من جناهم *** في ليلةٍ تنهلّ عكس العوايد يلقى الغمامه ترتجف في دفاهم *** و يطرح قمرها فوق بيض الوسايد ما تاب عن قولة لعل و عساهم *** يردون لو غلطة هذيك الموارد و يبيع عمره لحظة في هواهم *** لجل العيون الداعجات السواهد ربع الحبيبه و المودة تراهم *** غابو بحظ القلب بام القلايد حلفت ما اهوى فـ المحبه سواهم *** حلفت ما ارضع غير ذيك النواهد يا نجم ياللي سادر في سماهم *** حرق عشاني عاذلين الودايد اللي جهلهم عن حبيبي عماهم *** حساد يبنون الشقا بالمكايد لكنني علمت قلبي دواهم *** يوفي مع الوافي و غيره زوايد

Quote: مدحة قايم سادر تاليف الشيخ عبيدالله كر قايم سادر جاب اردوم والداهسر كاسر كباشينا بسم الله بقول ياقادر ثن بالغالى اب نورا باهر جملة اصحابو الجاهن سابل اهل الكون ناس عبدالقادر قام اتمده ملك الكون فايق للنده فى خلواتو طبل وسده صلح القوم حتى اهل الفده قام عماها بقبق ذاد فى الارض رواها الاسرار فى جوفو طواها والاحكام بالشرع حواه قام اتخوا جابلو عدول اولادا قوة الاسرار طاويهن جوة خيول الغيب فوقن بتحوا عندو غوامغ فيها علوم وفنون وطوابق فى الغارات تلقاهوا مسابق وفى الوحلات نشال وجا مارق عندو مدينة فيها قصور ومزخرفة زينة فيهاجلوسنا معىحببينا وفيها دروب زلق المابينا عندو سفينة براها تعدى كلامارطينا فيها بحوريهدر وزينا وفيه سواقى تسوق دننينا عندو سلاسل غوث وريث ابنورا باهر خلفو سيدو عبد القادر وفى ككرو كباشى الشاهر شيخنا عبيد هيلو العصرية ملكو سرو معى الذرية ماشى على اثر الصوفية عند الضيم قلبوا الحربية صلى ياباقى على هادينا ترضى محمد نور عينينا قال عبيدالله ينينا يكون محسوبك يادخرينا

Quote: من فن الطنبور الحنين وداني وجيت بالساقي سادر للشاعر السر عثمان الطيب الحنين وداني جيت بالساقي سادر***قلت انشد ناسا عن زولي المسافر الحفير شوف عيني يبكي معاي يكابر***دمعو جدول جاري لبيتكم مجاور قال لي وين ما بنت طوّل ماك ظاهر***دار اجيكم قلت لو كان لاقي خاطر كانت الايام حنان بلحيل نواضر***الله يلعن حظي شوم يااخواني عاسر لمحل اللقيا سقت خطاي ازاور***استعيد الماضي اتعللبو صابر احضن الاغصان واهيم في وهم سادر ***وحدي تحت المنقة للأحزان مصاقر مالو من خلاني ما يكتب يخابر***بس لعلّو المانعو خيروكتر بشاير ناس فلان قالوا لي طاريك ديمة ذاكر***بغرامك قلبو ديمه ملان وعامر لابس الاخلاص حرير وهلال واساور***قلدو فوق عنقو اكليل من ازاهر آه..تقاليد ريفنا يا الابو ماب تشاور***نحن سر مأساتنا بتنا قولا قاصر برضي بمحبوبتي مهما كان بفاخر***زولتي خلقت مني زول فنان وشاعر من جراحي ونوحي والاذي والدرادر***من جحيمي الفيهو مرمي كأني كافر من ضيا القمرة البشق الليل يدافر***من حسيس طنبور يرن في روعة يناقر من فؤادي وروحي من آخر وآخر***بهدي اجمل شعري لؤلؤ در جواهر

** الابيات الاولى شاعرها من المدينة المنورة ، و المدحة سودانية و كذلك الكلمات الاخيرة
*** للذهاب الى المصدر اضغط على العنوان

جهجت باكاتنا ياعمك ..
بس حلوة ههههه

الأخ خالد العبيد
كتب الأخ صبرى الشريف :

Quote: وهذا الشخص اذا وجد فساد في من يتبع النصرانية هل سيتجه لليهودية؟

اوافق الأخ صبرى فى كلامه , فهل سيتجه ذلك الشخص لأى دين آخر اذا وجدا فسادا في من يتبع المسيحية مثلا ؟ علما بأن الفساد موجود فى كل معتنقى جميع الأديان من البشر او حتى ان كانوا بلا دين , لكن الفرق بينهم وبين متأسلمينا يكمن فى أنهم لايتسامحون ولا يتهاونون مطلقا مع اى مفسد مهما كان هذا الشخص ومهما علا شأنه حتى وان كان رئيسا للجمهورية متى ماأكتشف أمره والأمثلة على ذلك كثيرة .
اما عندنا فحدث ولاحرج .

سلامات ياخالد
وكل أبريل وأنت طيب ...
كويس ياأخى انو انو مارس مسك كتف أبريل ..

غايتو مارس دا لو كان قعد أكتر
كان عدَمنا نفاخ النار

ياود الصائم
شايفك(سادر) فى البوست دا بى مزاج

(سادر) معاك
سدرآ طويل
كاتم العلى

سلام عليكم مواطنى قرية (السديرة)

غزال الغابة , والسدير هبابة

Quote: زى كارل ماركس، وجد الكنيسة فاسـدة وتوزع صكوك الغفران، وتخدر الشعوب مثل الفيون، عشان ينهبوا اموال المؤمنين، قال الله مافى ونسب اليه الدين افيون الشعوب..

الأخ أبو الريش لم يكن كارل ماركس ضد الأديان وإنما هذا هو التفسير الخاطئ الذي شاع في الثقافة السياسية العامة ورسخته التجربة السوفيتية في التطبيق الإشتراكي من بعد ذلك
كل ما كان ضده ماركس هو الإستغلال البرجوازي للدين بإعتباره أداة من أدوات إلهاء الكادحين عن مواصلة الضغط علي الطغاة والمستغلين لتغيير معايير توزيع الثروة...

السادرات والواردات

قيقا لو جا هنا
بيقوم بالبوست (سدَارى)