Post: #1
Title: الميدان : مازال النهب الاسلامي مستمرا .. الحكومة المجرمة تنهب غذاءات المرضى !!
Author: خالد العبيد
Date: 06-29-2007, 07:56 AM
Parent: #0
تواصل الميدان فضح ملفات حكومة القتل والدمار الشامل
يد الحكومة المجرمة طالت حتى الغذاءات الموردة للمرضى
دون ان يهتز ضمير اي اسلامي كريه
بل تعمل الحكومة على حمايتهم والتستسر على افعالهم الخبيثة
طالعوا في ميدان اليوم :
Quote: وما يزال الفساد مستمر ً ا:
ويستمر الفساد إلى حين إشعار آخر، فحواه نهاية هذه الحقبة من الخلل الاقتصادي
والمالي والسياسي والتي كرست الفساد أساساً للاستعلاء الطبقي والسياسي.
وبسبب الفساد ما ظهر منه وما بطن ، تنهار الموازنة العامة ، ولا تدفع الدولة أقل
إلتزاماتها تجاه المواطنين كالمرتبات وغيرها، ولا تجد الدولة حرجاً في زيادة الضرائب
أو رفع أسعار السلع الأساسية لتزيد المعاناة وتزداد الأوضاع سوءاً للغالبية العظمى
من السكان.وإلى حين إشعار أخر لا تسترد الأموال المنهوبة لحكمة يعلمها الجميع، أما
اين ذهبت هذه الأموال المنهوبة فأنظروا لغابات الأسمنت والقصور المترامية والشركات
التي تؤسس ما بين عشيةٍ ٨٨٧٧ وضحاها وللمؤتمرات والولائم التي تكلف المليارات
وأخيراً وليس أخراً فإن هذه الأموال المنهوبة تصنع الوجهاء والشيوخ والشيخات كما
تصنع المسيرات والنفرات وكل ما هو آتٍ. |
|
Post: #2
Title: Re: الميدان : مازال النهب الاسلامي مستمرا .. الحكومة المجرمة تنهب غذاءات المرضى !!
Author: bayan
Date: 06-29-2007, 08:05 AM
Re:| Quote: الميدان : مازال النهب الاسلامي مستمرا .. الحكومة المجرمة تنهب غذاءات المرضى !! |
الاخ خالد
ادين استخدامك لعبارة نهب اسلامي في العنوان
انك تسئ للاسلام حيث ان لا يوجد بالاسلام ما يسمى بالنهب الاسلامي..
وقد حرم الاسلام السرقة و النهب وجعل لهما عقوبات حدية..
نطالب بسحب البوست وتعديل العنوان..
واحترام معتقدات الغير..
|
Post: #3
Title: Re: الميدان : مازال النهب الاسلامي مستمرا .. الحكومة المجرمة تنهب غذاءات المرضى !!
Author: خالد العبيد
Date: 06-29-2007, 08:50 AM
| Quote: وقد حرم الاسلام السرقة و النهب وجعل لهما عقوبات حدية.. |
الحكومة الحالية اسلامية مافي شك!
فرضت قوانين الشريعة الاسلامية وتحكم بها ايضا مافي شك!!
عراب الجبهة الترابي اكد ان الفساد وصلت نسبته الى اكثر من تسعين في المية !
الفساد طال حتى ديوان الزكاة! وبعثات الحج لم تسلم من النهب
يعني الناس المسؤولين من الزكاة والحج ديل شنو!:
مسلمين؟ مسيحيين؟
الاسلام حرم السرقة وسن لها القوانين
نعم!
لكن الحكومة الاسلامية الحالية تقطع ايادي الفقراء والجوعى
وتطلق يد محاسيبها للنهب والسرقة المنظمة
ايهما اكثر استفزازا لمشاعرك
هذا العنوان ؟
ام اختلاس الملايين من ديوان الزكاة؟
|
Post: #4
Title: Re: الميدان : مازال النهب الاسلامي مستمرا .. الحكومة المجرمة تنهب غذاءات المرضى !!
Author: خالد العبيد
Date: 06-29-2007, 10:59 AM
| Quote: واحترام معتقدات الغير |
..
هل تتفقين معي يا بيان بان حكومة القتلة المجرمين
آخر من يعترف بحقوق الغير
والامثلة كثيرة وبالعشرات
|
Post: #5
Title: Re: الميدان : مازال النهب الاسلامي مستمرا .. الحكومة المجرمة تنهب غذاءات المرضى !!
Author: bayan
Date: 06-29-2007, 11:07 AM
Parent: #4
عشان كدا يا خالد
تكتب النهب مستمرا في الحكومة التي تدعي الاسلام
لكن تكتب النهب الاسلامي دي ما حاجة صاح..
بعدين اي زول عارفهم تجار دين وحرامية
ولو كانو اسلامين لما سرقو ونهبو..
بعدين عدم احترامهم للغير ما بخليني ابقى ذيهم
اسع انت اي زول عارفك شيوعي
يجي مسلم عادي يقرا عنوانك دا
ويحزن انه الشيوعي دا ما احترم دينه
حتودي وشك وين؟
عشان كدا يا خالد نحنا بنمثل انفسنا واحزابنا
لازم نتخير العبارات بدقة
خاصة لصحفي مثلك..
واذا الكلب عضاك ما بتعضيه راجع
اطلب من بكري يشيل البوست
خليك دقيق في العبارات..
ورجعو تاني لانه المعلومات الفيه مهمة جدا..
المحبة العارفها ديك..
|
Post: #6
Title: Re: الميدان : مازال النهب الاسلامي مستمرا .. الحكومة المجرمة تنهب غذاءات المرضى !!
Author: خالد العبيد
Date: 06-29-2007, 11:13 AM
Quote: ايهما اكثر استفزازا لمشاعرك
هذا العنوان ؟
ام اختلاس الملايين من ديوان الزكاة؟ |
سؤال ينتظر الاجابة
مع عميق المحبة العارفاها ديك
|
Post: #7
Title: Re: الميدان : مازال النهب الاسلامي مستمرا .. الحكومة المجرمة تنهب غذاءات المرضى !!
Author: bayan
Date: 06-29-2007, 11:29 AM
Parent: #6
مافي حاجة اكثر واقل
ناس الزكاة ديل فارسني شديد
وعارفاهم ناس وهم وبس القروش كلها للعاملين عليها
وجرينا ليهم في مشكلة الطفل محمد وما دفعو قرش ناس تافهين بالجد
وحرامية ...وما بخافو رب العالمين..
دا موضوع
انت تكتب نهب اسلامي برضو مرفوض مرفوض,,,
ودا موضوع براه...
وخلي بالله مقارنات
جراي الكلب ولا طويل الجمل..
والاثنين مستفزات لمشاعري...
|
Post: #8
Title: Re: الميدان : مازال النهب الاسلامي مستمرا .. الحكومة المجرمة تنهب غذاءات المرضى !!
Author: نهال الطيب
Date: 06-29-2007, 01:48 PM
Parent: #7
التحية للميدان صوت الكادحين والغلابة
خالد
مودتي
|
Post: #9
Title: Re: الميدان : مازال النهب الاسلامي مستمرا .. الحكومة المجرمة تنهب غذاءات المرضى !!
Author: خالد العبيد
Date: 06-29-2007, 09:45 PM
نهال
تحياتي
مرورك يسعدني
وستبقى الميدان صوت الغلابة
مودتي
|
|