Post: #1
Title: نهلة عمر مصطفى المكي بيننا ... رحبوا بها .. واهلا بالاحفاد !!
Author: خالد العبيد
Date: 11-24-2007, 09:41 AM
Parent: #0
في احد البوستات فوجئت بهذا الرد المهذب الجميل
Quote: الاخ خالد العبيد:-
شكرا على المعلومات القيمة و أأيدك القول و كل ما قلته صحيح
والدتى الاستاذة فاطمة موسى حسن كانت رئيسة تحرير هذه المجلة لأكثر من عشرين عاما و عانت ما عانت
من ماسبق و ذكرته فشكرا لك على تسليط الضوء على هذا الجرح الغائر فمن منا لم يقرأ مجلة الصبيان
الرائدة (عم تنقو و جحا و حمقنجى ) يا ريت لو نسلط الضوء على ايقاف اصدار المجلة و اى استفسارات
اكيد الوالدة فى الخدمة
اكرر شكرى خالد العبيد |
وحقيقة كانت سعادتي لا توصف
فنهلة والدها الاستاذ المرحوم عمر مصطفى المكي
عضو سابق في اللجنة المركزية للحزب الشيوعي السوداني
ورئيس تحرير جريدة الميدان بعد ثورة اكتوبر مباشرة
ووالدتها الاستاذة المربية فاطمة موسى حسن
رئيسة تحرير مجلة الصبيان لفترة طويلة من الزمان
اهلا بنهلة عمر مصطفى المكي
مرحب بيك كثير
|
Post: #2
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: الشفيع عوض شوشتا
Date: 11-24-2007, 09:46 AM
Parent: #1
نهلة عمر
حبابك مليار ...
..
خالد العبيد
سلامات
|
Post: #3
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: Mustafa Mahmoud
Date: 11-24-2007, 09:56 AM
Parent: #2
نهلة عمر
حبابك مليار ...
url=http://www.sudaneseonline.com/] [/url]
|
Post: #7
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-24-2007, 10:12 AM
Parent: #3
الدكتور مصطفى محمود
حبابك و حباب كل المناضلين الاشاوس
|
Post: #5
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-24-2007, 10:01 AM
Parent: #2
الاخ العزيز الشفيع عوض شوشتا
جزيل الشكر على الترحيب الدافئ
|
Post: #4
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-24-2007, 09:57 AM
Parent: #1
شكرا أخى خالد العبيد
حقيقى عاجزة عن التعبير فقد فوجئت بالبوست اشكر لك تقديرك للوالد رحمه الله
و برضو بالنيابة عن الوالدة اشكر ليك وفائك للمجلة
|
Post: #6
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: فيصل نوبي
Date: 11-24-2007, 10:03 AM
Parent: #4
الف مرحب نهلة
|
Post: #8
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-24-2007, 10:19 AM
Parent: #6
الف مرحب يا نوبى
مشكور كتير لكن بالمناسبة انت ما تبت من الترحيب
|
Post: #9
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: abubakr
Date: 11-24-2007, 10:22 AM
Parent: #1
شكرا .. كما اشرت في مداخلة سابقة عن اطفالنا قبل ايام فمجلة الصبيان قد ساهمت في تشكيل وجدان اطفال فجر الاستقلال وما تلي وانا احدهم والان في كهولتي تجول بتخاطري قصص عمك تنقو وكتابات شيخي جمال محمد احمد واخرين في تلك المجلة الرائدة بكل المقاييس ومقارنة بامكانات اليوم التقنية والفنية فلاشك الصبيان عمل اعجازي ابداعي رائد بذل القائمون عليه جهدا خلاقا في زمن شحيحة امكانته ولكنها الارادة والحب ...للاستاذة فاطمة التحية والاجلال ولكل من ساهم في ذلك العمل الجميل التقديير والرحمة لمن غادر دنيانا مخلفا اسما وعملا طيبا
مودتي
ابوبكر سيداحمد
|
Post: #11
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-24-2007, 10:32 AM
Parent: #9
اخى ابو بكر
لك التحية و كل التقدير لكلماتكم و بالتاكيد حتقراها الوالدة و القائمين على المجلةو حتفرح بيها كتير و فبالتأكيد ليس كل الناس مجحفة و ناكرة للجميل و للمجلة قراؤها و من يقيمونها
|
Post: #10
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: abubakr
Date: 11-24-2007, 10:25 AM
Parent: #1
]
|
Post: #12
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: محمد المرتضى حامد
Date: 11-24-2007, 10:32 AM
Parent: #10
ولك مني التحايا يا نهلة ولخالد
|
Post: #13
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-24-2007, 10:46 AM
Parent: #12
حياك الله اخى محمد المرتضى و لخالد العبيد كل الشكر و التقدير
|
Post: #14
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: خالد العبيد
Date: 11-24-2007, 10:46 AM
Parent: #1
تأسس مكتب النشر عام 1946بمعهد التربية ببخت الرضا ، وجاءت الفكرة من الأستاذ قريفت أول عميد لمعهد بخت الرضا ، وتحمس لها نائبه عبد الرحمن علي طه وتهدف الفكرة أصلا إلى عدم حصر الطفل في المنهج المدرسي فقط ولابد من كتب أخرى تزوده بالمعارف الثقافية والتاريخية وتكون مصاحبة للمنهج .
وتم تكوين فريق عمل متخصص شمل الأساتذة عوض ساتي من مدرسة وادي سيدنا ، ومستر هودجكن من كلية غردون ، وجمال محمد احمد من مدارس أم درمان ، كذلك الفنان التشكيلي آلآن اشتون من بريطانيا . ثم بشير محمد سعيد ، وسر الختم الخليفة ، وعبد الكريم ، ومكي عباس .
ورسم هذا الفريق اللمحات الأولى لادب الأطفال في السودان وقام بإصدار عدة سلاسل منها ، سلسلة الأساطير ، وحياتنا اليومية ، وسلسلة الحياة من الخارج ، وسلسلة المشاهير .
وفي ديسمبر من العام 1946م تبلورت فكرة إصدار مجلة الصبيان وصدر العدد الأول في مارس 1947م وظلت تصدر أسبوعيا لفترة طويلة وتطبع في مطابع _ ماكوركويل _
ولي عودة.
|
Post: #15
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: خالد العبيد
Date: 11-24-2007, 10:50 AM
Parent: #1
ولكن بعد ان سيطر الاسلاميون على مقاليد الحكم في السودان
قاموا باعدام مجلة الصبيان وحرموها من الحياة
اوقفوا ميزانيتها السنوية التي كانت ترصدها وزارة التربية والتعليم
وقاموا بتتبيع مبانيها لما يسمى بالنشاط الطلابي بوزارة التربية والتعليم
فتوقفت الصبيان تماما في ذلك الوقت التذي كنت فيه بالسودان
وان لم يخب ظني فالمجلة متوقفة حتى الان
قبل ان اغادر السودان كنت قد سألت الاستاذة فاطمة موسى عن صدور العدد القادم
فقالت ساخرة : ارسلنا العدد ليطبع في جمهورية سوريا لان تكاليف الطباعة في السودان مكلفة جدا .
الذي يجب ان يعلمه الجميع بان مجلة الصبيان طبعت اعدادها الاوائل في مطابع وزارة الاشغال
قبل استقلال السودان . وبالالوان .
هل يستطيع اي حاسوب ان يحسب الى اي مدى تأخر السودان ؟
وبسبب الجبهة الاسلامية التي حاولت ان تحارب كل التاريخ السوداني ليبدأ من لحظة استلامها للحكم ؟
وسأعود !
|
Post: #18
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: Saifeldin Gibreel
Date: 11-24-2007, 11:32 AM
Parent: #15
100 مليون مرحب بى نهلة .... بت الرجل العظيم.... شهابيب الرحمة تتقشاه.... واصل يا خالد نحن منتظرين المزيد.
سيف
|
Post: #22
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-24-2007, 01:02 PM
Parent: #18
و مليون مراحب بيكم يا سيف الدين سعيدة كتيييييييير بى ترحيبكم اسرة سودانيزاون لاين
|
Post: #51
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: عوض حمزة
Date: 11-25-2007, 00:31 AM
Parent: #15
الاخت والصديقة نهلة عمر .. هى كائن اجتماعى ..
تتمتع بحضور جميل .. واخلاق رفيعة .. شهمة ..
وكريمة... مثقفة .. متواضعة .. تخجلك بتهذيبها
وادبها الجم ..تجدها دائما فى حالة استعداد لمد
يد العون لكل محتاج ..
تشرفت بمعرفتها عن قرب خلال تواجدى بالخرطوم قبيل
ايام بسيطة...وانى لفخور بها فعلا..
مرحب بيك نهلة وفى انتظار اسهاماتك هنا
وشكرا استاذ خالد العبيد
|
Post: #61
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-25-2007, 10:07 AM
Parent: #51
اخى العزيز عوض حمزة
مشكور بجد على الكلمات الراقية و انشالله بجد اكون عند حسن ظنكم
انا الاسعد بانضمامى اليكم و بالفعل كانت اوقات جميلة تلك اللتى قضيناها بصحبتكم
تسلم على المرور و تحياتى للعزيز بهاء بكرى
|
Post: #16
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: انعام حيمورة
Date: 11-24-2007, 11:28 AM
Parent: #1
الاف مراحب نهلة خير ..
التحية لك خالد العبيد وانت تضى الضوء على الخالة فاطمة موسى فكنت اود ان افرد لها بوست توثيقي ..
نهلة يا صديقتي تحياتي للوالدة ..
|
Post: #23
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-24-2007, 01:04 PM
Parent: #16
العزيزة نعومة و كل الحيموراب
مشتاقة كتير و تسلمى يا اختى على الشعور الطيب و تحياتك حتصل الوالدة بالتاكيد
|
Post: #105
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: Muna Khugali
Date: 11-26-2007, 06:51 PM
Parent: #23
جميله يا نهله ..
وكان العيد أجمل عند كثير من الفقراء بسب مجهودك والآخرين..
شكرا خالد..
|
Post: #106
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-26-2007, 07:02 PM
Parent: #105
منى خوجلى
نورتى البوست بى اللوك الافريقى الجميل ده
تسلمى يا اختى و شكرا على الورود
و العملناو فى العيد ما هو مجرد فكرة ولولا طيبة و شهامة اهل هذا الموقع لما كان
تحياتى لى اية و تقبلى شكرى
|
Post: #17
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: خالد ماسا
Date: 11-24-2007, 11:32 AM
Parent: #1
طـــق خاااص
الوريف خالد العبيد
تحية وود
تعرف الزولة دي من لاقيتا في دار اطفال المايقوما ودار العجزة والمسنين
من تعاملي معاها تحس انها " بت مارقة من مدرسة " زي مدرسة المرحوم ..
انسانية لابعد الحدود .. اضافة مميزه للعمل الانساني والعام ...
|
Post: #19
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: سلمى الشيخ سلامة
Date: 11-24-2007, 12:08 PM
Parent: #17
نهلة عمر
الف مرحب بيننا
وياخى خالد العبيد
كل الحواسيب لن تستطيع ان تؤكد فداحة ما وصلنا اليه
لان مجلة الصبيان كانت من اوائل المجلات العربية ان لم تكن اولها فى العالم العربى
ويا اختنا نهلة تحياتى لوالدتكم فاطمة موسى
فهى كانت تسكن حى العباسية فيما اذكر
وما زلت اذكر بيت جدك
واول كوافير قامت بافتتاحه الفنانة وصال موسى فى حى العباسية
خالد العبيد
نهلةدى ( بت عمى عديل )
|
Post: #27
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-24-2007, 01:15 PM
Parent: #19
العزيزة سلومة
صدقتى القول بيت جدى ما زال مفتوح فى حى العباسية الحى الامدرمانى العريق و الواحد لو ما مشى
هناك يوم الجمعة بكون فى شى ناقص فى حياتو طوال الاسبوع ليك التحية و اهو البوست حق خالد طلع لى
قريبات فى المنبر - و من هنا بحيى خالتى الحبيبة جدا وصال موسى
تسلمى يا غالية على المرور و حابلغ تحياتك اكيد للوالدة
|
Post: #25
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-24-2007, 01:09 PM
Parent: #17
الوريييييييييف خالد ماسا
الحمد لله الواحد جه المنبر و وجد قدامو نماذج مضيئة فى العمل الانسانى و العام
ربنا انشالله يوفقنا دايما لى عمل الخير مع كل تقديرى لكلماتك و بالتاكيد الوالد مدرسة كبيرة و زى
ما قلت ليك قبل كدة اغلب معلوماتى عن الوالد انا اتلقيتا من الناس نسبة لانو خلانى فى سن صغيرة
جدا و لسة انا بتلقى فى المزيد ربنا يرحمو رحمة واسعة بقدر ما قدم لى وطنه
|
Post: #20
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: ALGARADABI
Date: 11-24-2007, 12:15 PM
Parent: #1
أهلا بها بيننا (بحذر شدييييد)
الله يسامح نسرين سوركتي ( الاحد يرحب وملاوز)
|
Post: #21
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: Aymen Tabir
Date: 11-24-2007, 12:40 PM
Parent: #20
نهلة عمر مصطفى المكي
اهلا بيك
ومراحب
سلامات يا خالدومشكور
ايمن السر
|
Post: #24
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: Adam Mousa
Date: 11-24-2007, 01:08 PM
Parent: #21
نهله عمر....
الف مراحب وان يطيب بك المقام ... وقطعا اضافه مميزه .......
|
Post: #26
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: إسماعيل وراق
Date: 11-24-2007, 01:12 PM
Parent: #24
مرحب بنهلة
شكراً .. خالد
|
Post: #32
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-24-2007, 01:29 PM
Parent: #26
اسماعيل وراق
اهديك سلام بقدر امتداد اهل هذا الموقع العظيم
كل الشكر و التقدير لكم جميعا
|
Post: #30
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-24-2007, 01:27 PM
Parent: #24
تسلم ادم اخوى
و ربنا يقدرنا نكون بقدر كل هذه الحفاوة و الكرم و الترحيب
|
Post: #29
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-24-2007, 01:21 PM
Parent: #21
اهلا بيك استاذ ايمن
كما عهدتكم اهل سودانيز اون لاين دايما قلوبكم مفتوحة للناس و تستقبلو الناس هاشين باشين
حقيقى عاجزة عن شكركم و اجد الكلمات ضئييييييييلة جدا تجاه ما قمتم به
|
Post: #28
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-24-2007, 01:19 PM
Parent: #20
الاخ قرضابى
اهلا بيك و اكيد معاك حق فى الحذر ده
ولله انا حسة برد عليكم و خايفة بكرة يقولو ده هكر نزل البوست ده زى ما حصل مع تماضر
ربك يستر
|
Post: #31
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: Elmuez
Date: 11-24-2007, 01:28 PM
Parent: #1
ألف مرحب بنهلة
تحياتي لك
و لأخونا خالد,
|
Post: #33
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-24-2007, 01:34 PM
Parent: #31
تسلم معز و يديك العافية
|
Post: #34
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: yaser mostafa
Date: 11-24-2007, 03:17 PM
Parent: #1
الاخ خالد العبيد سلامات وتقدير وشكر علي الترحيب بالاخة نهله وعلي هذاء الكلام الجميل عن الوالد والوالدة.
ومرحب باختي الحبيبه نهلة للمرة الثانيه.
والحديث عن الصبيان ودار النشر حديث يدمي القلب وتدمع له العين.
وانا جاي تاني فللحديث بقية
|
Post: #35
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: عبدالله شمس الدين مصطفى
Date: 11-24-2007, 03:32 PM
Parent: #34
سلامات يا ود العبيد ، اشواق
والله .
أما بالنسبة للأخت نهلة ، فأنا قايلها
صغيرة و"جاهلة" ، لكن إكتشفت إنها عجوووزة
ومولودة بى سنونها (180) مشاركة ،
ومن مواليد 16/08/2007 ، يعنى ما شاء الله عليك .
أنا صديق لياسر ، وعملنا مع بعضنا البعض
فى القاهرة ، ومن 10 دقائق كنا على الماسنجر ،
ومليون مراحب يا نهلة ، إبنة الستاذ ، والأستاذة
الجليلان ، وشقيقة العزيز الودود ياسر ، الف مرحب ،
وشكراً خالد ، تحيات لأسرتيكما .
دمتم
|
Post: #36
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: Adil Isaac
Date: 11-24-2007, 03:37 PM
Parent: #35
الف مرحب نهلة
|
Post: #42
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-24-2007, 08:08 PM
Parent: #36
مليوووووووووووون مرحب عادل
|
Post: #41
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-24-2007, 08:05 PM
Parent: #35
سلامات عبدالله
ولله كبييييرة و بى سنونى لكن مشكور ود العبيد على الحركة الحلوة و كتر خيركم كتير
ولله كتر خير البوست يا يسورى طلع لينا اهل وحسة خلانا نعرف اصحابك
تسلموا كلكم بالمناسبة اتنو مع الجماعة المنبرشين ولله انسترتو؟
|
Post: #40
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-24-2007, 07:55 PM
Parent: #34
يسورى العزيز سلامات و اشواق لا توصف
اخبارك شنو؟
اكيد للحديث بقية و راجعين تانى
منتظراك
|
Post: #37
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: abubakr
Date: 11-24-2007, 04:03 PM
Parent: #1
| Quote: قاموا باعدام مجلة الصبيان وحرموها من الحياة |
عزيزي خالد ..كان استهدافا مقصودا لتهميش وتجاهل صبيان السودان والناتج هو ما حدث لصبيان السودان وهذا الذي قصدته في مداخلتي باسم "المستهدفون"
المستهدفون
| Quote: فبالتأكيد ليس كل الناس مجحفة و ناكرة للجميل و للمجلة قراؤها و من يقيمونها |
يابنتي /اختي .. انجازات كثيرة لبشر عفيف مخلص كاهل مجلة "الصبيان" تضيع من واجهات انظمة الطاغوت لان حجمها اكبر بكثير واجمل من تلك الواجهات فيبدو للكثيرين انها غابت بينما هي باقية في عقل ووجدان ملح الارض الذي كانت تعني به ولتاريخ الحق ذاكرة لا تنسي مهما طال الزمن ...التحية والتقدير لوالدتك ...
|
Post: #46
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-24-2007, 08:27 PM
Parent: #37
شكرا اخى ابوبكر فقد اثريت البوست كثيرا بمرورك
فعلا ما حدث كان استهدافا واضحا ولكن من المقصود بهذا الاستهداف
هل هى ثقافة الطفل السودانى؟
ام هى اغراض اخرى غير واضحة؟؟
ام مطامع مادية؟
ما هى الفوائد اللتى جنوها من ايقاف مثل هذه الاصدارة المتميزة؟
هذا هو مربط الفرس
واكيد للحديث بقية وتفصيل
|
Post: #38
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: عصام علي أحمد
Date: 11-24-2007, 06:59 PM
Parent: #1
مليون مرحب بالزميلة نهله
الحوش فى غاية السعادة بمقدمك
مطلوب منك الكثير من زكريات الوالد
وحدثينا عن الوالدة ومجلة الصبيان
كانت مجلة الصبيان توزع لنا مجانا
فى المرحلة الابتدائية
وكنا نفرح بها فرح غير عادى
الشكر للعزيز خالد العبيد
|
Post: #43
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-24-2007, 08:15 PM
Parent: #38
سلامات عصام
الحوش منور بى اسيادو
بالتاكيد سافرد بوست توثيقى للوالد رحم الله رحمة واسعة
و الحديث عن المجلة يطول وسوف اعود بالتفصيل انشاء الله
شكرا على مرورك وياريت لو تحكى لينا اكتر عن ذكرياتك مع المجلة
|
Post: #39
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نصار
Date: 11-24-2007, 07:16 PM
Parent: #1
الف مرحب بنهلة
ابقي لقدام
و للعزيز عاطف عمر و من معه اقول
انه الدار امان يلا رحبوا باختكم lool
|
Post: #44
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-24-2007, 08:18 PM
Parent: #39
اهلا نصار
مليون سلام يغشاك
ولله الجماعة معذورين ما بعيد يجينا بكرة خالد العبيد يقول ده ما انا
ربك رب الخير بس
على الله
|
Post: #45
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: عبدالأله زمراوي
Date: 11-24-2007, 08:19 PM
Parent: #39
مرحبا بالأستاذة نهلة أضافة حقيقية للمنبر..
|
Post: #47
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-24-2007, 08:31 PM
Parent: #45
ومرحبا بك اخى العزيز عبد الاله
اكيدانتو برضو اضافة قيمة لى و معرفتكم كنز
مع كل الشكر و التقدير
|
Post: #48
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: وائل طه محى الدين
Date: 11-24-2007, 08:35 PM
Parent: #1
سلامات حبابك سلامات ...
يسلم شبابك سلامات ....
|
Post: #49
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-24-2007, 09:00 PM
Parent: #48
وائل
سلامات بطعم الوطن
الف شكر و تسلم
|
Post: #50
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: منتصر الامين
Date: 11-24-2007, 09:18 PM
Parent: #1
نهله عمر الانسانه الراقيه الرايقه
سعدت عندما وجدتك هنا سابقا وسعدت جدا
بمعرفة تلك المعلومات التى سردها الاخ خالد العبيد
فمرحبا بك مرة اخر هنا ويتشرف سودانيزاونلاين بامثالك
وفى انتظار توثقك لسيرة الوالد عليه رحمة الله
ومسيرة الوالده اطال الله فى عمرها عبر مجله الصبيان
ومليون مرحب مره اخرى
|
Post: #52
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: HAYDER GASIM
Date: 11-25-2007, 07:38 AM
Parent: #50
مرحب بيك نهلة ... وتسلمي,
أتمنى أن تجدني نفسك فى هذا المنبر
وأن نجد فيك ما يتوافق ومحاسن المظان بك.
وبعد ما تخلصي من التراحيب, فليتك تدلفين
على سيرة والدك العظيم ... غفر الله له وأحسن
مثواه, لأجل إستبصار أفرع مما عهدناه , ولأجل
إستجلاء مستنبط من شراكة الدم والمشاعر والحياة
الأسرية .
قليلون هم الذين يشبهون والدك ... من عمق ثقافته
وشدة إطلاعه ... وطوبي للغرباء.
شكرا ... عزيزي خالد... فخبرك مما يسر.
مع مودتي
|
Post: #63
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-25-2007, 10:20 AM
Parent: #52
شكرا كتير حيدر قاسم
اكيد حاحكى كتير عن سيرة الوالد و حانتظر ردودكم و مداخلاتكم
انا والدى اتوفى و تركنى فى سن صغيرة جدا و ما زلت حتى الان اعتمد فى معلوماتى عنه على ما اسمعه
من الناس فبالتاكيد حانبسط جدا و انا بتلقى فى ردودكم لانو ممكن عادى تكونوا عارفين جوانب عن
الوالد و مواقف انا غير ملمة بهاربنا يرحمو و يغفر ليو
تسلموا كتير يا حيدر حقيقى حاسة انو انا مقصرة فى شكركم و الكلمات واهية و هزيلة امام كلماتكم
الف الف الف شكر ليكم جميعا
|
Post: #62
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-25-2007, 10:13 AM
Parent: #50
منتصر!
وييين انت يا ود الدفعة؟
ولله كتر خير خالد العبيد الخلاك تظهر ولا مع الاعياد بس؟
اكيد انا المتشرفة بيكم و سيرة الوالد انشاء الله فى بوست منفصل قريب جدا
تحيات و اشواق و سلام لكل الاهل و الاصحاب و ما تقطع اخبارك كدة تانى
تسلم كتير
|
Post: #53
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: شهاب الفاتح عثمان
Date: 11-25-2007, 07:49 AM
Parent: #1
واهلا بالاحفاد ..
والتحيه اجــزلها
للاحبـاب جميهم ..
د شهاب الفاتح عثمان ـ كوالالمبور
|
Post: #64
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-25-2007, 10:22 AM
Parent: #53
و اهلا و سهلا بالدكتور شهاب
تحياتى لكل الاحباب و الاصحاب بكوالالمبور
تسلم كتير على المرور
|
Post: #54
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: انعام عبد الحفيظ
Date: 11-25-2007, 08:44 AM
Parent: #1
شفتو نهلة دي دخلت المنبر دا دون ضوضاء وبهدؤ كيف !!!!
اها هي برضو دخلت قلوبنا بنفس الطريقة الهادئة دي
اها اول ما إتعرفنا عليها كدا لقينا نفسنا بنحبها 
نهلة انت منورة المنبر
|
Post: #65
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-25-2007, 10:25 AM
Parent: #54
الحبيبة جدا
نعومة
كلماتك برد و سلام و و حلوة زى حلاة طبعك اكيد انتى كل البشوفك لا يملك الا ان يحترمك اشد الاحترام
تعاملك الراقى و ذوقك جواز سفر لكل القلوب
و انتى منورة قلوبنا يا نعومة
|
Post: #55
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: السمؤال بدرالدين
Date: 11-25-2007, 09:02 AM
Parent: #1
تراحييب كتيرة بنهلة
سلبلة الاسرة العريقة
تسلمي
|
Post: #56
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: سمية الحسن طلحة
Date: 11-25-2007, 09:22 AM
Parent: #55
اهلا بنهلة عمر مصطفى المكي
مرحب بيك كثير
شكرا أخي خالد العبيد
|
Post: #67
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-25-2007, 10:33 AM
Parent: #56
الاخت سمية الحسن
اهلا و مرحب بيك
مقدرة جدا لترحيبك
|
Post: #66
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-25-2007, 10:31 AM
Parent: #55
تراحيب اكثر و اكثر بالعزيز سموأل بدر الدين
صاحب الفضل فى دخولى لهذا المنبر فهو من زكانى للباشمهندس بكرى ابو بكر
شكرا سموأل فلولاك لما كان كل هذا الترحيب الدافئ
|
Post: #57
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: أبو ساندرا
Date: 11-25-2007, 09:27 AM
Parent: #1
ترحيب حار ب نهلة عمر
وكتر خير خالد العبيد
|
Post: #69
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-25-2007, 10:37 AM
Parent: #57
الاخ العزيز ابو ساندرا
الف حمدا لله على السلامة
كيف العيون انشالله بلغت العافية
تسلم على الترحيب والف شكر
|
Post: #58
Title: اهلا
Author: A/Magid Bob
Date: 11-25-2007, 09:33 AM
Parent: #1
اهلا بنهلة عمر مصطفى المكي
|
Post: #70
Title: Re: اهلا
Author: نهلة عمر
Date: 11-25-2007, 10:39 AM
Parent: #58
واهلا بيك استاذ عبد المجيد
|
Post: #59
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: abubakr
Date: 11-25-2007, 09:46 AM
Parent: #1
رجاء :
هذه المداخلة التي ابتدرها خالد وجدت اقبالا حسنا عند الجميع وترحيبا بنهلة تستاهله ولكني اطمع في ان يتوسع ذلك الي امر مهم وهو "مجلة الصبيان " ومن كان قائما عليها ودورهم ودور المجلة وكيفية ردالاعتبار لها ولهم بعد ان تجاهلت السلطات ذلك والغت المجلة ودورها الريادي الذي كانت تلعبه لخمس عقود من الزمان في تثقيف وتنمية قدرات الطفل السوداني .. الغرض هو ان نستفيد من هذا التجمع في اكثر من امر الترحيب الشخصي الي ما هو قومي ...
|
Post: #73
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-25-2007, 10:49 AM
Parent: #59
الاستاذ ابو بكر
اقدر جدا و احترم كلماتك
كتبت الوالدة بعض الكلمات و كنت بصدد انزالها بعد الرد على المرحبين
اكرر شكرى و تقديرى و انت تضفى على البوست كل هذا الوعى و الرقى
|
Post: #60
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: Elmoiz Abunura
Date: 11-25-2007, 09:57 AM
Parent: #1
اهلا بنهلة عمر مصطفى
Quote
بعد ما تخلصي من التراحيب, فليتك تدلفين
على سيرة والدك العظيم ... غفر الله له وأحسن
مثواه, لأجل إستبصار أفرع مما عهدناه , ولأجل
إستجلاء مستنبط من شراكة الدم والمشاعر والحياة
الأسرية .
I add my voice to my friend Hayder
Regards
|
Post: #71
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-25-2007, 10:43 AM
Parent: #60
تسلم معز
و اكيد حنوثق سيرة الوالد مع بعض
|
Post: #68
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: عاطف عمر
Date: 11-25-2007, 10:37 AM
Parent: #1
Quote: و للعزيز عاطف عمر و من معه اقول
انه الدار امان يلا رحبوا باختكم lool |
مراحب يا نهلة
" بعد أن أعطانا نصار الأمان "
وللضمان
تحياتي للوالدة المربية الكبيرة فاطمة موسى حسن
لا عزاء للمتداخلين في البوست
يا معشر البرالمة وخاصة البرلومات .... لا تحلموا بعد هذا اليوم بأى ترحيب
|
Post: #72
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-25-2007, 10:45 AM
Parent: #68
اهلا يا عاطف
شكلك كنت منبرش شديد عشان كدة بقيت تخاف
بينى و بينك الخواف ربى عيالو
سلامك للوالدة حيصلا فهى متابعة للبوست و مقدرة جدا لى مشاعركم ووفائكم
تسلموا
|
Post: #74
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: عاطف عمر
Date: 11-25-2007, 10:52 AM
Parent: #72
Quote: شكلك كنت منبرش شديد عشان كدة بقيت تخاف
بينى و بينك الخواف ربى عيالو |
سلامات يا نهلة
كدي أقري البوست وشوفي ( رزانة ) أخوك بيحكوا بيها
والبركة في المدام
|
Post: #79
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-25-2007, 01:09 PM
Parent: #74
ما بحلك يا عاطف يا خوى
برضك مصنف منبرش بس على خفيف
ما زى اخوانا الطيبين الجو بى اعوادم
|
Post: #75
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: محمد سنى دفع الله
Date: 11-25-2007, 12:08 PM
Parent: #1
مرحب نهلة والف تحية
وتقدير للدور الذي قامت به الوالدة
في إدارتها للصبيان
كل المنى لك بالتوفيق والمشاركة الفاعلة
مودتي
|
Post: #77
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-25-2007, 12:34 PM
Parent: #75
استاذنا الكبير محمد السنى دفع الله
شرف كبير لى ان ترحب بى فانت لك ثقلك و دورك الفاعل فى الدراما السودانية و ثقافة الاطفال
مليون مرحب بيك و تقبل احترامى و تقديرى الكبير
|
Post: #76
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: yaser mostafa
Date: 11-25-2007, 12:32 PM
Parent: #1
سلام الي جميع المتداخلون والمتداخلات
شكرا نهلة ...
الاخ الجميل عبد الله انت الودود الجميل النادر في هذا الزمن الاغبر اشكره علي اعطائي فرصة صداقتك والعمل معك.
نهلةردا علي سؤالك عن ما المقصودا بالاستهداف, هو استهداف منظم وممنهج المقصود منه سحب سلاح المعرفه من الاجيال الصاعده وهو اهم سلاح واداة تمكن من انارة العقول وتبني الاجيال وهذا الاستهداف طال العديد من مناحي الحياة وليس مجلة الصبيان فقط,
الاخ ابوبكر,المرحومه طيبة الذكر الصبيان اقدم مجلة اطفال في العالم العربي هذه المجله كان قائما علي امرها نفر من المعلمين الاجلاء العظماء يعملون بجد واجتهاد وبنكران للذات منقطع النظيروقد اتاح لي عمل الوالده التعرف بهم عن كثب.نفر لم يهمهم الراتب ولا العربات الفارهة ولا المناصب كان كل همهم وشغلهم الشاغل ان يروا الصبيان بين ايدي اطفال السودان في اخر الشهر والله لقد كانو كاالملائكه في جمالهم واخلاقهم وحبهم لمايقومون به.دمرهم المشروع الحضاري للجبهة الاسلامية شر مدمر وفض سامرهم لا لشئ.قللوا الدعم وغيروا اسم دار النشر التربوي وتبعوها الي مايسمي بالنشاط الطلابي.وخيم عليهم البؤس ورغم كل ذلك كانو يحاولون العمل والمواصلة.
اذكرهم تمام كماهم اما ناظري الان, الفنان شرحبيل احمد خالق شخصية عمك تنقو,عادل الماحي,العقيد ابراهيم النجمي,فتحية كنونه,ود ابو,وعشة حامد وابراهيم حسين, علوية فتحي , والوالدة فاطمة موسي اطال الله في عمرهاوابراهيم صباحي علي رحمة الله والمراسلة جاك,وحمقنجي وعذو الطيب وعمك تنقو والعاذه كانوا يرسمون هذه الشخصيات ويصورونها وتعيش وتثري وجدان الآف الاطفال السودانيين عبر الاجيال المختلفة لم يرحموه ولم يرحموا الاطفال اعدموها بدم بارد.
عمك تنقو صباح الخير
عمك تنقو فتح كوفير
جاتو البت السمحة سميرة
دبج ليها صلعة كبيرة
البنوت زعلن منو
مسكن تنقو ومعطن دقنو
وللحديث بقية.
|
Post: #78
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-25-2007, 12:58 PM
Parent: #1
كتبت الوالدة فاطمة موسى:-
شكرا للاستاذ خالد العبيد اللذى اتاح لى الفرصة لاتحدث عن الموؤودة مجلة الصبيان التى لم يشفع لها تاريخها الطويل لتبقى اداة للثقافة و الوحدة و التقارب بين اطفال السودان
و عن اسباب توقف المجلة....و عن عدم وجود كتب ثقافية سودانية للصغار..
لا اعتقد ان هنالك اى مبرر لهذا سوى عدم الاهتمام و اعتبار ان ثقافة الاطفال لا ضرورة لها و كأن لسان حالهم يقول ( و لى يتثقفوا خليهم فى جهلهم) و هم لا يفقهون ان ما نشهده اليوم من فرقة و شتات ما هو الا لعدم وجود الثقافة و التربية التى تجزر الحب و الانتماء للوطن و تبعد الاطفال عن القبلية و الجهوية و تجمعم لحب الوطن السودان بكل قبائله و ثقافاته و اعرافه .
كم كان يسعدنا سابقا ايام الصبيان فى قمة مجدها فى السبعينات و الثمانينات عندما يكتظ مكتب محرر باب الاصدقاء بالرسائل من كل انحاء السودان بلا استثناء فنجتمع كلنا اسرة المجلة للرد عليها ...... الان اطفالنا يقرأون الوافد من الثقافة بخيره و شره لا رقيب و لا حسيب عليهم فهم محرومون.... و لا بد لهم من البحث عن شىء يقرأونه و البديل موجود فى السوق و لكنه لا يغنى عن ثقافة تعرفهم بوطنهم و تراثهم و عاداتهم و تقاليدهم... ثقافة ترفع من شأن بلدهم و تكبره فى نظرهم.
اطفالنا فقدوا الانتماء فهم يشاهدون القنوات الفضائية كلها عدا السودانية لأنهم لا يجدون فيها ضالتهم
و أذا وجدتهم يشاهدونها فتأكد أنهم يتابعون مسلسلا اجنبيا عربيا كان او أعجميا!
و انا من هذا المنبر العملاق أناشد المهتمين بألأطفال تربية و ثقافة و صحة أن يعملوا على ان تعود مجلات الاطفال و كتبهم بجانب الاهتمام ببرامجهم الاذاعية و التلفزيونية و هذا حقهم علينا... و هذه مسؤولية ان فرطنا فيها فسوف نجنى ثمارها مستقبلا فرقة و شتاتااكثر مما هو الان
و فى الختام اقول للاساذ خالد و لكل المتداخلين ان طباعة مجلة الصبيان لا تكلف اكثر مما تكلفه ندوة او ورشة عمل لا تغادر توصياتها القاعة التى عقدت فيها.........
فاطمة موسة
رئيس تحرير مجلة الصبيان( سابقا)
|
Post: #80
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: محمد أبوالعزائم أبوالريش
Date: 11-25-2007, 01:19 PM
Parent: #1
شكرا أخي ود العبيد .....
ألف مرحب بنهلة بيننا ..
لاحظت أن تاريخ التسجيل 16/8/2007، والترحيب في نوفمبر ..... معليش وملحوقة أختنا نهلة.
وأكيد موعودين بقلم واعي .. مرحب
|
Post: #81
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-25-2007, 01:53 PM
Parent: #80
الاخ العزيز محمد ابو العزائم
الاخوان ما قصروا ولله و رحبو من اول يوم
لكن مشكور خالد العبيد على الترحيب الجديد و تسليط الضوء على الوالدة
اتشرفت جدا بمرورك و الف مرحب
|
Post: #82
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: salma subhi
Date: 11-25-2007, 03:09 PM
Parent: #81
مرحب مرحب بنهلة....
تقديري أخ خالد
....
|
Post: #84
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-25-2007, 04:15 PM
Parent: #82
يا مراحب اخت سلمى
تسلمى كتير يا غالية
|
Post: #83
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: abubakr
Date: 11-25-2007, 03:55 PM
Parent: #1
Quote: كتبت الوالدة فاطمة موسى:-
شكرا للاستاذ خالد العبيد اللذى اتاح لى الفرصة لاتحدث عن الموؤودة مجلة الصبيان التى لم يشفع لها تاريخها الطويل لتبقى اداة للثقافة و الوحدة و التقارب بين اطفال السودان
و عن اسباب توقف المجلة....و عن عدم وجود كتب ثقافية سودانية للصغار..
لا اعتقد ان هنالك اى مبرر لهذا سوى عدم الاهتمام و اعتبار ان ثقافة الاطفال لا ضرورة لها و كأن لسان حالهم يقول ( و لى يتثقفوا خليهم فى جهلهم) و هم لا يفقهون ان ما نشهده اليوم من فرقة و شتات ما هو الا لعدم وجود الثقافة و التربية التى تجزر الحب و الانتماء للوطن و تبعد الاطفال عن القبلية و الجهوية و تجمعم لحب الوطن السودان بكل قبائله و ثقافاته و اعرافه .
كم كان يسعدنا سابقا ايام الصبيان فى قمة مجدها فى السبعينات و الثمانينات عندما يكتظ مكتب محرر باب الاصدقاء بالرسائل من كل انحاء السودان بلا استثناء فنجتمع كلنا اسرة المجلة للرد عليها ...... الان اطفالنا يقرأون الوافد من الثقافة بخيره و شره لا رقيب و لا حسيب عليهم فهم محرومون.... و لا بد لهم من البحث عن شىء يقرأونه و البديل موجود فى السوق و لكنه لا يغنى عن ثقافة تعرفهم بوطنهم و تراثهم و عاداتهم و تقاليدهم... ثقافة ترفع من شأن بلدهم و تكبره فى نظرهم.
اطفالنا فقدوا الانتماء فهم يشاهدون القنوات الفضائية كلها عدا السودانية لأنهم لا يجدون فيها ضالتهم
و أذا وجدتهم يشاهدونها فتأكد أنهم يتابعون مسلسلا اجنبيا عربيا كان او أعجميا!
و انا من هذا المنبر العملاق أناشد المهتمين بألأطفال تربية و ثقافة و صحة أن يعملوا على ان تعود مجلات الاطفال و كتبهم بجانب الاهتمام ببرامجهم الاذاعية و التلفزيونية و هذا حقهم علينا... و هذه مسؤولية ان فرطنا فيها فسوف نجنى ثمارها مستقبلا فرقة و شتاتااكثر مما هو الان
و فى الختام اقول للاساذ خالد و لكل المتداخلين ان طباعة مجلة الصبيان لا تكلف اكثر مما تكلفه ندوة او ورشة عمل لا تغادر توصياتها القاعة التى عقدت فيها.........
فاطمة موسة
رئيس تحرير مجلة الصبيان( سابقا) |
السيدة فاطمة موسي
اولا نشكرك علي اهتمامك بالكتابة هنا الي المتداخليين مبينة امتداد رعايتك لامر اهم ما لدينا "اطفالنا"
ثانيا انت لست رئيس تحرير مجلة الصبيان " ( سابقا) " ولكن انت ما زلت رئيس التحرير كما ان الصبيان ما زالت مكان ان اوقفت ...فمسئوليتك لم تنته بايقافهم للمجلة ولا المجلة انتهت بذلك وها نحن بعد قرابة العقديين في سيرتها وكانها ما زالت تصدر .. فرمانات الطغاة لا تلقي وجودا لحق ونجم ساطع ..
اطفال زمان ان اوقفت المجلة هم شباب اليوم ولهذا او قفوها .. فاستمرارية بقاءهم هي في تحييد شباب اليوم ...ورغم توفر معينات مستحدثة من فضائيات وكمبيوترات الا انه قصد بان ما يقدم للطفل السوداني يكون مشوها ولقد اشار البعض في مداخلات اخري عن اهمية رعاية الطفل السوداني واشرت انا في مداخلات منها ما طكان قبيل ايام معدودات بعنوان :
يالقائميين علي الفضائيات السودانية واخص النيل الازرق ارحمو اطفالنا
بقدر ما يتحمس الكثيرون هنا لقضايا مهمة الا انه للاسف لا يتجاوز ذلك الحماس الي عمل فاعل مهما كان حجمه وقيمته وربما هذا كذلك من اثر المعاناة التي تتعرض لها شرائح غالبة من السودانيين في الداخل والخارج (الشتات) منذ عقدين من الزمان ...اننا نحاول ان يترجم الحماس الي عمل مفيد مهما كان حجمه ومن هنا ادعو من يقرء هذاالي التفكير جديا في مجلة اليكترونية للاطفال السودانيين يساهم فيها الكم الهائل من المتخصصين في ITو Graphic Design و الفنانيين التشكيليين المتخصصين في ثقافة الطفل والكاريكاتير والكتاب والشعراء ونستفيد بذلك من كفاءات كالسيدة فاطمة ومن بقي من رواد العمل الصحفي في مجال ثقافة الطفل .. فاصدار مجلة اليكترونية في هذا الزمان ايسر ويمكن طباعتها بما يتوفر من النسخة الاليكترونية وتوزيعها باية وسيلة لمن لا يصل الي الشبكة الاليكترونية.. انها وسيلة نتجاوز بها تعقيدات نظام لا يريد ان يكون للطفل السودان مجلة "الصبيان " ولا يريده ان ينشا ملما بما في بلده من محاسن تساعده في مستقبل ايامه ليساهم في تطوير هذه البلاد الموجوعة ببعض من ابنائها الذين عماهم حب السلطة والجاه علي حساب اهلهم وبلدهم ....
وانا علي يقين بان اخينا بكري ابوبكر مثلا سوف لا يبخل بحيز اليكتروني في الخادمserver الذي يديره لاستضافة مثل تلك المجلة وكذلك امل في ان يساهم المقتدر في تكلفة تلك الاستضافة والم يتيسر ذلك فانا علي استعداد لاستضافة تلك المجلة في الد,ميين الخاص بي وبالصفحات النوبية http://thenubian.net
ولك وللجميع خالص مودتي
ابوبكر سيداحمد
|
Post: #89
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-26-2007, 07:11 AM
Parent: #83
استاذ ابو بكر لك جزيل الشكر
قرات الوالدة كلماتك وسوف ترد على مداخلتك بالتفصيل
تقبل كل الاحترام و التقدير
|
Post: #85
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: Amira Osman
Date: 11-25-2007, 08:28 PM
Parent: #1
مليون مرحب يا نهله
|
Post: #88
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-26-2007, 07:05 AM
Parent: #85
سلامات يا اميرة تسلمى يا غالية
|
Post: #86
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: Raja
Date: 11-25-2007, 08:42 PM
Parent: #1
ألف مرحبا بنهلة عمر مصطفى بيننا، وعبرها ألف تحية للوالدة الأستاذة فاطمة موسى
* يا خالد بصراحة لاوزنا من الترحيب والإستعجال.. بقينا زي ناس المغرب ما بنصوم إلا نشوف الهلال ..
|
Post: #87
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-26-2007, 07:02 AM
Parent: #86
مليون مرحب ببنت العباسى
اخبارك شنو عرفتى المسنجر كان من منو ولا لسة؟
ولله معاكى مليون حق فى الملاوزة بعد العملتو راوية فى الجماعة
مشكورة على الترحيب و تفبلى تحيات الوالدة
|
Post: #90
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: يحي ابن عوف
Date: 11-26-2007, 07:15 AM
Parent: #87
الاخ خالد العبيد سلامات
ومرحب با الحبيبه نهلة
|
Post: #91
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-26-2007, 07:25 AM
Parent: #90
سلامات اخى العزيز يحيى ابن عوف
تحياتى موصولة للاخ صلاح بن عوف فك الله اسره و لنتضامن جميعا من اجلهم
|
Post: #92
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: Nada Jamma
Date: 11-26-2007, 07:32 AM
Parent: #91
نهولة ست البنات و ست الخير كله
اشكر المنتدى العرفني بيك كاضافة
حقيقية لي , صديقة عزيزة واخت حبيبة
انشا الله ربنا يوفقك دايما و يزيدك خير يا ست الخير ,,,,,,,
|
Post: #93
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-26-2007, 11:11 AM
Parent: #92
ندوية ازيك
اشواق كتيرة و انا البشكرك على كلامك الجميل و اعتز كتير بى صداقتك
تسلمى و خلينا نشوفك
|
Post: #94
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-26-2007, 11:42 AM
Parent: #1
كتبت الاستاذة فاطمة موسى
شاكرة .. شاكرة... سعيدة جدا بكل المداخلات التى ذكرت الصبيان و ذكرتنى بالخير.... انا الانسانة الضعيفة التى وضعتنى الظروف ضمن نخبة مميزة من كتاب و رسامى و مصممى الصبيان .. كلهم احبوا هذا العمل و اخلصوا له .. و يشهد الله انهم وضعوه فى حدقات عيونهم . كانوا يواصلون العمل منذ الصباح و حتى المساء و يخرجون الى بيوتهم و لم تتوفر لهم حتى وسيلة المواصلات .. لم يكلوا و لم يملوا..
و كان يوم سعدهم يوم تخرج المجلة من المطبعة و يقلبون صفحاتها و يناقشون عيوبها قبل ان يتحدثوا عن محاسنها . يا لهم من شباب اوفياء.. حياكم الله اخوتى و اخواتى شرحبيل احمد ,العقيد ابراهيم النجمى,ود الجيلى,عمر عبد الرازق ,عادل الماحى,عرفات جمال الدين,عائشة حامد,علوية حلفاوى,فتحية كنونة,بدر الدين محمد احمد,عمر قرشى و استاذنا ابراهيم حسين الذى بأدارته الحكيمة و صبره و تمكنه من اللغتين العربية و الانجليزية جعل من مجلة الصبيان انموذجا و مدرسة للصغار خالية من الاخطاء تماماو كل من لم اذكره
و شكر خالص للاستاذ ابو بكرفقد كانت مداخلاته الجادة و اقتراحاته العملية مرتكز تفاؤل بان السودان ما زال بخير و به ابناء خيرون يحسون بأوجاع و حاجات الصغار .. انا معك فلا بد من عمل جاد لاحياء ثقافة الاطفال ... اطفالنا اليوم فى حاجة ملحة لثقافة نابعة من وطنهم فهم اليوم يتغذون من المستورد اللذى فرضه علينا الانفتاح الفضائى الذى رضينا ام ابينا يدخل كل بيت بلا استئذان ... اطفالنا اليوم مغتربون داخل اوطانهم و هذه الغربة اشد ايلاما من الغربة الحقيقية
ايضا قرات مقترح المجلة الاليكترونيةو هو مقترح طيب يحتاج الى الدراسة و الاعداد المتأنى و الكوادر الفنية التى تنفذه و طبعا هذا لا يغنينا عن وجود المجلة و الكتاب الذى يمسكه الصغير بيده ويقلب صفحاته و مع ملاحظة ان اطفال الريف لن يستفيدوا قريبا من التكنولوجيا الحديثة و الحال لا يخفى عليكم استاذى العظيم
شكرا لكم جميعا و الشكر اجزله للاستاذ خالد العبيد و لتصدروا النداءات من اجل ثقافة الاطفال علكم تجدون اذانا صاغية
والتوفيق من عند الله
فاطمة موسى
|
Post: #95
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: خالد العبيد
Date: 11-26-2007, 11:56 AM
Parent: #1
نهلة
كيفك
انا موجود قلت اترك البوست لي ستو!
قرأت رسالة الاستاذة فاطمة
قلبي معها
اين هي الآن؟
وماذا تفعل؟
ارجو ان تبعثي لي رسالةعلى ايميلي
به تلفوناتكم والموبايل
لكم ودي
ايميلي
[email protected]
|
Post: #96
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-26-2007, 12:10 PM
Parent: #95
سلامات يا خالد كل الشكر و التقدير لما قمت به و الف مبروك لحزب العمال
حارسل ليك العنوان على الايميل
|
Post: #97
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: ahmed haneen
Date: 11-26-2007, 12:31 PM
Parent: #1
حباب نهلة بت اعمامي الرجال ..
البضوو زي الشمس ...
حبابك بنت الأصول الراسخة ..
حبابك بت العلوم الشامخة
|
Post: #99
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-26-2007, 12:56 PM
Parent: #97
حبابك ود عمى
تسلم يا ود حنين
و يسلموا كل ناس بربر الطيبين
تحياتى للاهل و كل ال حنين
|
Post: #134
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: كمال قسم الله
Date: 12-02-2007, 02:01 PM
Parent: #99
مرحب مرحب بنهله ابنة الأساتذه الأجلاء ، الأستاذ عمر مصطفى المكى ، واستاذى وغرة عينى الأستاذ التجانى مصطفى ، الأستاذ كمال مصطفى المكى ، الأستاذ محجوب مصطفى ، السيد مكى مصطفى المكى والدكتور عبد المنعم مصطفى ،هؤلاء نهله ونهله هؤلاء ، تعلمنا من اهلها ما لم نعلم ، مرحب والف الف مرحب.
|
Post: #137
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 12-02-2007, 05:14 PM
Parent: #134
العزيز كمال قسم الله
يبدو انك من اهل بربر الطيبة
ربنا يرحمهم جميعا و يمد فى ايام العم مكى
بالفعل كانوا مدرسة غادرونا باكرا و لكنهم تركوا سيرة اعطر من المسك
تقبل وافر احترامى و سلامى لكل الاهل و الحبان
|
Post: #98
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: abubakr
Date: 11-26-2007, 12:41 PM
Parent: #1
الاستاذة فاطمة
| Quote: ايضا قرات مقترح المجلة الاليكترونيةو هو مقترح طيب يحتاج الى الدراسة و الاعداد المتأنى و الكوادر الفنية التى تنفذه و طبعا هذا لا يغنينا عن وجود المجلة و الكتاب الذى يمسكه الصغير بيده ويقلب صفحاته و مع ملاحظة ان اطفال الريف لن يستفيدوا قريبا من التكنولوجيا الحديثة و الحال لا يخفى عليكم استاذى العظيم |
في خاطري ذلك حين كتبت ولكن لاسباب اوجزها هنا:
(1)في مثل الظرف الراهن فشتاتنا قد كثر عدده واجيال من اطفال الشتات تواجه ثقافات تبعدهم فراسخ عن بلادهم الان وفي المستقبل وعليه حتمية ان ينسلخ عدد وافر منهم امر يتجاوز امكانية حدوث ذلك فيمن هم في الداخل ( الغالب الاعم) واطفال الشتات واجهاتهم الثقافية والمعرفية اليكترونية سواء في كمبيوترات او اجهزة العاب كلها موصلة بالشبكة الاليكترونية ARCOS/ZEN/IPOD/PS2/PSP/IBOX....etcوبالتالي وجود مجلة اليكترونية ستساهم في ايجاد جرعات من ثقافة بلادهم كما انها ستساعد من هم في الداخل وتتوفر لديهم تلك المعينات
(2) في ظل الوضع الراهن الذي الغي مجلة الصبيان فامر اصدار مجلة ورقية مشابهة سيواجه بعراقييل ستخنق كل المحاولات وربما ؤديت في مهدها
(3)الاستفادة من الشتات المتواجد اسفيريا يساعد في اصدار مجلة اسفيرية اليكترونية حيث انها لا تتطلب امكانات مادية كثيرة
(4) امر اصدار نسخة مطبوعة من النسخة الاليكترونية اسهل واوفر من اصدار نسخة ورقية او تحويلها الي اليكترونية
والله من وراء القصد
مودتي
ابوبكر سيداحمد
|
Post: #102
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-26-2007, 06:34 PM
Parent: #98
الاستاذ ابو بكر
تحياتى و تقديرى
اطلعت على مداخلتك وانا معك فاطفالنا فى الشتات يحناجون الى ثقافة تربطهم بوطنهم وتعرفهم به و انا فى انتظار دراستك للموضوع وعلى
اتم الاستعداد بالتعاون معكم من اجل اطفالنا داخل و خارج السودان
وفقنا الله واياكم
فاطمة موسى
|
Post: #100
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: ماجدة عوض خوجلى
Date: 11-26-2007, 01:42 PM
Parent: #1
اهلا بيك كتير وشرفتى حبيبه بالرغم من انى قررت مافى ترحيب منى بالبرلومات والبرالمةالابعد سته شهور
نسبه لظروف امنيه محددة لكن طالما خالد هو الفاتح البوست الوضع بيكون امان
ومافليم هندى وكدة
تحياتى خالد
وتسلمى يارب
|
Post: #103
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-26-2007, 06:38 PM
Parent: #100
سلامات بت خوجلى
ولله كلنا خايفين بعد الشافتو عينا ده هم يضحك و هم يبكى
تسلمى يا اختى و تحياتى لى ماما جارة
|
Post: #101
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: معاوية الطيب
Date: 11-26-2007, 02:22 PM
Parent: #1
نهلة عمر مصطفى المكي
الف مرحب
وجودك هنا شرف لنا
وفى انتظار مساهماتك القيمة
وتحية لوالدتك الفاضلة .....
|
Post: #104
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-26-2007, 06:41 PM
Parent: #101
مرحب ود الطيب
الشرف لى انا يا اخى العزيز
تقبل شكرى الجزيل و تحياك واصلة
تسلم كتير
|
Post: #107
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: Dr. Faisal Mohamed
Date: 11-26-2007, 09:23 PM
Parent: #1
مرحبا بالاخت نهلة مرة اخرى، ولكن وكما قال عزيزنا المهندس ابوبكر سيدأحمد يجب ان نحاول مناقشة كيفية اعادة نشر مجلة الصبيان، وهو نفس الكلام التى طرحته عليك في مداخلتي في بوست "أدب الأطفال في العالم العربي .. واقعه وقضاياه" بتاريخ 24-11-2007. وهو ذات البوست الذى من خلاله عرفك الأخ خالد العبيد. غريبة تركتوا الموضوع الاساسي والموضوع قلب ترحيب، زي الحكومات، ليس لدي اعتراض على ذلك. ولكن الرجاء ثم الرجاء الاجابة على سؤالي للوالدة والموجود ادناه.
Quote: سلاما الأخت نهلة عمر وياريت تسألي الوالدة الاستاذة فاطمة موسى:"ما هي الآلية والكيفية التى يمكن بها الحصول على كل الاعداد القديمة من مجلة الصبيان وكذلك الحصول على السماح بانزالها على منتدي من المنتديات، يعني من المسؤل عن الموافقة على هذه الخطوة." فقد وجدت معظم قصص ومجلات الأطفال العربية مرفوعه في احد المواقع. وانزلت بها بوست تجدين رابطه هنا: عيدية متأخرة للاطفال والشباب – كتب ومجلات مجانية
في هذا الرابط شرح لكيفية انزال اعداد هائلة من قصص ومجلات الأطفال متوفرة. يجب التفاكر بكيفية عمل شئ مشابه لمجلة الصبيان بس بالطرق القانونية. وعلى استعداد لتوفير مساحة على الويب سايت التابعة للمنظمة السودانية الكندية لتنمية المجتمع لتنفيذ هذا المشروع لأطفال السودان.(http://www.sccdo.org/) كمرحلة أولى. وتكون الخطوة الثانية هي كيفية اعادة اصدار مجلة الصبيان حتى لو من دول الشتات.
أدب الأطفال في العالم العربي.. واقعه وقضاياه
|
مع خالص ودي وتقديري ،،،
|
Post: #108
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: وليد شريف
Date: 11-26-2007, 09:32 PM
Parent: #107
يا مراحب بي بتنا بت بربر نهلة بت ناس مصطفي المكي
|
Post: #111
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-27-2007, 10:41 AM
Parent: #108
و مليون مرحب بى كل ناس بربر الطيبين البشوشين
سلامى ليك يا وليد و لكل اهل المدينة العريقة
|
Post: #110
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-27-2007, 10:38 AM
Parent: #107
سلامات دكتور فيصل
حقيقة ادب الاطفال و ثقافتهم موضوع فى غاية الاهمية لا يمكن تجاوزه او غض النظر عنه و راجع مداخلاتى معك فى بوست اسبوع الطفل فى المنبر كما لا يمكننى ايضا عدم الرد على شخص اظهر اهتماما و ترحيبا بى و أأسف جدا فلم ارى مداخلتك و سؤالك الا الان و اكيد هى موضع اهتمام كبير
سؤالك فى غاية الاهمية و سأطلع عليه الوالدة أن شاء الله
كل الود و التقدير لمجهوداتك و اهتمامك باطفال السودان
تقبل شكرى الجزيل
|
Post: #121
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-29-2007, 10:51 AM
Parent: #107
الدكتور فيصل محمد
تحية طيبة
ما زلت فى انتظار اى معلومة عن مكان اقامتك هل داخل السودان ام خارجه او حتى رقم هاتف لنرتب لخطوات عملية للحصول على ارشيف المجلة و تحويله لنسخة اليكترونية يمكنك مراسلتى و الحصول على عنوانى الاكترونى من خلال الداتابيز
شكرا جزيلا
|
Post: #109
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: abubakr
Date: 11-27-2007, 09:54 AM
Parent: #1
| Quote: مناقشة كيفية اعادة نشر مجلة الصبيان، |
شكرا عزيزي فيصل .. فلو تضافرت جهود الموجوديين هنا اسفيريا لتمكنا من اعدة الصبيان علي مرحلتيين كما اري:
الصبيان الاليكترونية :
المرحلة الاولي:اعادة اصدار اعداد قديمة بعد تحويلها اليكترونيا ( مسخ ضوئ وكتابة )
المرحلة الثانية : التحول الي الصبيان الاليكترونية الجديدة تدريجيا
وهنا يجب ان تتضافر جهود التشكيليين والكتاب والشعراء والمتخصصين في ثقلفة الطفل والمهتميين بامور الاطفال ...الخ كما اسلفت في مداخلة اخري... المهم بداية .. ارجو ان نكون عمليين ونترجم الفائض من عواطفنا التي تذهب في الشكر والترحيب والحماسة الي عمل نافع...
|
Post: #112
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-27-2007, 11:04 AM
Parent: #109
استاذى العزيزابو بكر
مقترحاتكم و ارائكم موضع اهتمام شديد من الوالدة و هى لها معرفة وثيقةبالمهتمين بثقافة الاطفال و سنتعاون جميعاحتى ترى كل هذه الافكار النور قريبا بأذن الله سأبحث معها امكانية ما يمكن فعله فى هذه المرحلة و افيدكم ولكن من خلال مناقشتى معهابصورة مبدئية علمت ان هذا الموضوع يتطلب اولا التصديق من وزير التربية و التعليم فالمجلة تتبع لوزارة التربية و التعليم و عليه مبدئيا يجب ترتيب اجتماع مع فريق المجلة لبحث الخطوات التى يجب اتباعها
و التوفيق من عند الله
|
Post: #113
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: سامى عبد الوهاب مكى
Date: 11-27-2007, 11:12 AM
Parent: #1
الله يرحم ابوك يا نهلة..كنت حاضراً في مراسم العزاء بالصافية..لم أتشرف بمعرفة الوالد عن قرب لكن سمعت ما جعلني أتيقن بانه فقد للبلد قبل أن يكون فقدأً لا سرته من الكلمة التي ألقاها عم احمد صديق في المقابر.
أنا صديق لاولاد خالتك امينة ربنا يرحمها أولاد احمد صديق!!
دفعة عمر وصاحب البيت كله من عمك احمد لاصغر زول هههههههههه
مرحب بيك في سودانيز اونلاين!!
وتحياتي لكل الاهل.
|
Post: #114
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: tayseer alnworani
Date: 11-27-2007, 11:22 AM
Parent: #113
مرحبتين حبابك أضافة نوعية يا نهلة فى المنبر
|
Post: #116
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-27-2007, 11:46 AM
Parent: #114
تسلمى يا تيسير حبابك الف
|
Post: #115
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-27-2007, 11:44 AM
Parent: #113
يا سلام يا سامى
رجعتنى سنين طويلة للخلف
كان يوم مشئوم 1/1/1988 كنا محتفلين برأس السنة الليلة السابقة مع الوالد (قلت ليو عارف يا بابا السنة الجاية دى حتكون شوم خلاص)اتذكر انو الوالدة قالت لى لى يا نهلة تقولى كدة قلت ليها ما عارفة بس احساس جانى و بعد حوالى 7 ساعات من كلامى ده كان امر الله قد نفد و الحمد لله
حقيقى الوالد كان شخصية متفردة و كان حبيب الصغير و الكبير اذكر حتى الان منظر تشييعه صباح الجمعة و الكم الهائل من المشيعين ربنا يرحمو رحمة واسعة ترك شرخ فى حياتنا لا يمكن سده - الحمد لله على كل حال
سيرة الوالد يا سامى تحتاج لكتب لتوثيقهافالبرغم من انو غادر الدنيا فى سن صغير و لكن قدر يصنع لنفسو تاريخ و اسم هو فخر لنا بلا شك
امينة مصطفى المكى هى عمتى يا سامى و عم احمد والد عمرهو زوجها ربنا يرحمها هى ايضا
شكرا ليك يا سامى كتير و الحمد لله كل يوم بعرف اهل و اصدقاء و ده اكثر ما يميز هذا المنبر
تسلم و حاوصل سلامك لعمر و لكل الاسرة
|
Post: #117
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: Deng
Date: 11-27-2007, 02:43 PM
Parent: #1
مرحبا بالاخت نهلة عمر.
دينق.
|
Post: #118
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-28-2007, 07:55 AM
Parent: #117
مرحبتين حبابك اخى العزيز جورج
تحياتى لك ومزيد من النضال
|
Post: #119
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: abubakr
Date: 11-28-2007, 08:05 AM
Parent: #1
الافاضل ..
هل من مهتم بامر نسخة اليكترونية من الصبيان تكون بادرة من الشتات الاسفيري للمساهمة في تثقيف اطفالنا في الشتات ومن هم في الداخل لهم ما يوصلهم بالاسفير ثم يلي ذلك نسخة مطبوعة علي الورق وفق الامكانات
ابوبكر سيداحمد
|
Post: #120
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 11-28-2007, 08:48 AM
Parent: #1
الدكتور فيصل محمد
لك تحياتى
اطلعت على مداخلتك و مقترحاتك العملية و سؤالك عن كيفية الحصول على الاعداد القديمة او التى صدرت من مجلة الصبيان و بالطبع هذا يتطلب اخذ الاذن من الناشر وهو وزارة التربية الاتحادية ولا اعتقد ان فى ذلك مشكلة و بخصوص اصدار المجلة الاكترونية وهى تحمل مجلة الصبيان ايضا هذا حق الوزارة و يتطلب الاذن منها لاصدارها
المهم انا معكم فيما ستقومون به ولو كنت مقيما بالسودان فلا مانع من مقابلتك لنتشاور فى الخطوات العملية
وفقنا الله جميعا لخدكة اطفالنا
فاطمة موسى
|
Post: #123
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 12-01-2007, 08:31 PM
Parent: #122
سلامات استاذنا ابوبكر
تسلم على المواد الممتعة و الشيقة
فى انتظار المزيدمن الاثراءات
و ان شاء الله قريبا الصبيان الاسفيرية
|
Post: #124
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: Alsa7afa_30
Date: 12-01-2007, 10:00 PM
Parent: #1
ألـ1000ـف مرحب بـ نهلـة ..
|
Post: #136
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 12-02-2007, 05:09 PM
Parent: #124
اهلا بى ناس الصحافة
عذرا اخى لتاخر الرد لكن يبدو انو الكبر دخل
مشكور كتير على الترحيب
|
Post: #125
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: AMNA MUKHTAR
Date: 12-01-2007, 10:21 PM
Parent: #1
أهلا بالأخت الفاضلة نهلة عمر..
وعذرا على التاخر فى الترحيب.
|
Post: #135
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 12-02-2007, 05:06 PM
Parent: #125
اختى العزيزة امنة مختار
تسلمى كتير يا غالية انا المفروض اتاسف لانى حقيقة لم الحظ مداخلتك الا فى اللحظة
متابعة معاك عن قرب و اكرر اعجابى بشخصك و بشجاعتك
تاكدى يا اختى انتى مصدر الهام للكثير
اكرر اعتذارى و لك كل التقدير
|
Post: #126
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: abubakr
Date: 12-01-2007, 11:14 PM
Parent: #1
الافاضل ..
هل من مهتم بامر نسخة اليكترونية من الصبيان تكون بادرة من الشتات الاسفيري للمساهمة في تثقيف اطفالنا في الشتات ومن هم في الداخل لهم ما يوصلهم بالاسفير ثم يلي ذلك نسخة مطبوعة علي الورق وفق الامكانات
ابوبكر سيداحمد
|
Post: #127
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: Dr. Faisal Mohamed
Date: 12-02-2007, 01:12 AM
Parent: #1
Quote: هل من مهتم بامر نسخة اليكترونية من الصبيان تكون بادرة من الشتات الاسفيري للمساهمة في تثقيف اطفالنا في الشتات ومن هم في الداخل لهم ما يوصلهم بالاسفير ثم يلي ذلك نسخة مطبوعة علي الورق وفق الامكانات
ابوبكر سيداحمد |
سلامات ابوبكر سيدأحمد ونهلة عمر
معليش على التأخير في الرد بس كنت في مؤتمر سنوي خاص بالسرطان هنا في كندا لمدة (3) ايام ، انتهي اليوم. بالطبع معكم حتى ترى النسخة الالكترونية من الصبيان النور. الخطوة الاولى هي الحصول على اعداد قديمة من الصبيان حتى نقوم برفعها على الويب سايت الخاص بالمنظمة السودانية الكندية لتنمية المجتمع. برأي الحل الامثل هو تكوين فريق عمل من الجادين/ات وبالتالي يتم المناقشة عبر الايميلات. حتى الان نحن الثلاثة ومعنا خالد العبيد والذى ابدى موافقته في بوست "ادب الأطفال" وكذلك الاخ محمد سنى دفع الله، بالاضافة للاستاذ الشاعر الصادق الرضى بقسم السوداني الثقافي.
وبنفس الطريقة يجب عمل فريق عمل لتحويل مبادرة "نحو غدا مشرق لأطفال السودان" الى حيز الواقع، وذلك بتكوين فريق عمل ايضا من الجادين/ان، والفكرة تتمثل في سرعة تسجيل منظمة في السودان باسم "منظمة الأمل لأطفال السودان" وارشح من داخل السودان الاخت نهلة عمر والاخ انور الطيب (عضو بورد ودفعة من ايام الجامعة ولديه فكرة بانشاء منتدي علمي للأطفال في السودان) والاخت سمرية وخالد ماسا وتبلدينا ود. صفية محمد والاستاذة ندى امين العاملة في برنامج البنك الدولي في الخرطوم والاستاذ الشاعر الصادق الرضى للبدء في اجراءات التسجيل. ومن الخارج نفس مجموعة عمل النسخة الالكترونية للصبيان مع استقطاب بعض المتخصصين في المجالات المختلفة الخاصة باصدار النسخة الالكترونية من الصبيان. وسوف تعمل "منظمة الأمل لأطفال السودان" بالتنسيق مع المنظمة السودانية لتنمية المجتمع ومنظمات اخرى سوف يتم تسجيلها في كلا من امريكا، فرنسا، وبريطانيا. وسوف نعمل معا للتنسيق في المشاريع المطلوب تنفيذها. يجب ان لا نضيع الوقت مع غير الجادين/ات. بالتفاكر والتشاور ووالعمل الجاد والمثابرة المستمرة يمكننا تحقيق الكثير لأطفال السودان.
الأخت نهلة استلمت رقم الهاتف الخاص بك وسوف اتصل للتنسيق بخصوص الحصول على تصريح من وزارة التربية بالحصول على الاعداد القديمة وامكانية البدء في النسحة الالكترونية بدون اي ضغوط سياسية، بمعنى هذا عمل عام لأطفال السودان ويجب عدم ربطه باي عامل سياسي سواء من طرف الحكومة او القائمين عليه.
مع خالص ودي وتقديري ،،،
فيصل محمد
فانكوفر - كندا
|
Post: #128
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: abubakr
Date: 12-02-2007, 02:38 AM
Parent: #1
طلال عفيفي بكاميرته وحسه الانساني ومقدرته الانشائية وكتاباته سيكون اضافة لمثل هذه الاعمال
|
Post: #138
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: طلال عفيفي
Date: 12-02-2007, 10:49 PM
Parent: #128
ماأجمل هذا البوست المتصاعد زي الحلزون ..
من ترحيب ، إلى ذكريات ، إلى مفاكرة ، إلى مقترحات ومبادرة ..
شي جميل وسمح ..
نهلة ،
مرحب بيكي طبعاً ؛
ويا خالد ، شكراً على فتح السيرة ..
ويا عزيزي يا أبوبكر ، انا متحمس " كالعادة " ، ومحتاج لشيء يخرجني
من هذه الوكسة التي أدخلتني فيها الحياة السودانية المعاصرة ، وده
ممكن يكون فعلاً بعمل للأطفال ..
في المسائل الإدارية أحتاج لأمثال خالد ليقودوا رسني ، فأنا والله ، ثم
والله ، خايب خيبة لا يأتي بين يديها بأطل ، في مثل هذه الأمور ..
قولوا عايزين تعملوا شنو ، وأنا معاكم في الإطار العام لمكافحة الفقر
الخيالي لعالم الطفل ..
أكتب هذا وعلي دين واجب السداد لمجلة الصبيان ولكل من عمل بها ..
|
Post: #141
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 12-04-2007, 12:30 PM
Parent: #138
سلام يا طلال
شكرا على الترحيب الدافئ و الاهتمام بحاجة الاطفال
ساتصل بك للتنسيق و سنرى ما يمكننا فعله
تسلم كتير
|
Post: #129
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 12-02-2007, 07:22 AM
Parent: #1
سلامات لكل الاخوة و الاخوات
الاستاذ ابوبكر
الدكتور فيصل
اقدر اهتمامكم الكبير بثقافة الطفل و قريبا سترى النسخة الاليكترونية من مجلة الصبيان النور
ستبدأ الوالدة فى الخطوات الفعلية بالنسبة لاذن الناشر و ساكون على تواصل معكم
كل الشكر و التقدير
|
Post: #130
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: هشام هباني
Date: 12-02-2007, 07:27 AM
Parent: #129
اهلين والف مراحب باختنا الاستاذة نهلة المكي
واتمني لها بطيب المقام بيننا في هذا الفضاء
اضافة جديدة تعطيه القا علي الق.
|
Post: #131
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 12-02-2007, 11:20 AM
Parent: #130
مليون مرحب بود هبانى و بكل من لا يخشى فى الحق لومة لائم
تسلم كتير
|
Post: #132
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: عبد الدائم سيد أحمد
Date: 12-02-2007, 01:32 PM
Parent: #1
اهلا" وسهلا" بالاستاذة نهلة عمر
ونتمنى لك اقامة طيبة بيننا
|
Post: #133
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 12-02-2007, 01:43 PM
Parent: #132
اهلا بيك اخى عبد الدائم و حتما سوف تكون الاقامة طيبة بوجودكم
تسلم كتير
|
Post: #139
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: منتصر الامين
Date: 12-02-2007, 11:21 PM
Parent: #1
عمك تنقو بقى دكتور
بالسماعه يشوف الزول
يوم جاتو وليه ،،،
كشف عليها قال عمليه
بعد شويه البت اتوفت
عمك تنقو بقى يتلفت
الف سلام وتحيه مره اخره نهله عمر
واتمنى ان نرى الصبيان مرة اخرى قريبا
وعاطر التحايا لك وللوالده
|
Post: #140
Title: Re: نهلة عمر مصطفى المكي بيننا ... رحبوا بها .. واهلا بالاحفاد !!
Author: نهلة عمر
Date: 12-03-2007, 02:36 PM
Parent: #139
سلامات يا دفعة
اخبارك شنو الليلة ذكرتنا طفولتنا
- دعواتكم معانا اتصل بى الدكتور فيصل و الباشمهندس ابوبكر و نسقنا لى الخطوات المبدئية و انا الان فى انتظار ايميل من الدكتور فيصل لاخذ مقترح المجلة الايكترونية و عرضه على الناشر و موفقين ان شاء الله -
يلا همتكم معانا
تحياتى للكل و شكرا على الاهتمام
|
|