امين محمود .. زميلنا بالمنبر يصافح مولوده الاول .. مدى

تعرف يا مدى
انا سعادتي بيك مؤكدة أربع مرات

الاولى
لانك غافلتني وبقيتني جد وعندي حفيد
لانو انا خال ابوك يا قليل الحيا !
الثانية
لانك خالفت قانون الطبيعة وأصريت ان ترى النور
في يوم ميلاد جدك يوم حداشر خمسة وتركب معاي في سرج الثور
وأعني البرج

الثالثة
لانك لغيت تحيات امين المشهورة بالنواضر
واصبحت ابتسامته اكثر اشراقا وهو ينادي الجميع :
ليكم المدى يا شباب
شفت انت خطير كيف ؟
الرابعة
انت اول جعلي من غرب كبوشية ينال الجنسية الاسترالية
ودي بنسجله ليك في كتاب جدنا الكبير عثمان حمدالله شجرة العائلة


يا مدى ليك المدى
زي ما بيقول ابوك

يلا نحي امين لي آخر مدى

الزميل خالد العبيد ( الجد )

لك التحية والتقدير ..


وللاخ امين عاطر التحايا بمولده مدى ونسال الله ان يجعله قرة عين لوالديه

مبروك مليون مبروك للزول الظريف قدوم طفله الجميل وتهانينا للام السعيده . اها بعد باركنا نلومك يا جدو ود العبيد انت قايلني بنسي انا عندي ذاكره لا تصيبها الشيخوخه

لكين يا جدوي ما بسالك انت بالجد اصابك الخرف
هو الحدث الجميل دا من يوم 11 شهر اتناشر يعني ليه 5 شهور حتي دابك فتيتو لينا والله اتلومت

العزيز خالد

مبروك لامين محمود ولكم القادم الجديد للاسرة.

تراجي.

خالد العبد
مليون مبروك

ويكون خالد نمره 2

الاستاذ محمد عبد المنعم عمر
التحيات النواضر يا انسان
من اقول ليك
لكن دخلتك هنا بالدنيا
ولك التمنيات التي تشتهي

خالد

مليون مبروك

شكراً كثيراً يا استاذة تراجي

وانت نجمة من نجوم هذا البورد
يشار اليك بالبنان سوف احدثة عنك يوماً ما

وما عدمناك يا نصيرة الانسانية

الى الاستاذة دومة
تعرفي خالد كويس
هو طبعأ حاول يصغر نفسو بمدى
وانا كتبت ليك الكلام ده فوق

انا داير اتواصل معل ارسلي لي نلفونك ارجوك على الماسنجر الداخلي

تعرفي خالد كويس
هو طبعأ حاول يصغر نفسو بمدى
وانا كتبت ليك الكلام ده فوق

انا داير اتواصل معك ارسلي لي نلفونك ارجوك على الماسنجر الداخلي

يآآآآآآه الخالة والاخت و الصديقة دومة
عليك لعنات السؤال
كم اسأل عنك وعن احاولك
اخر مرة اتكلمنا فيها كنت مغادرة تايلند لي المانيا ومنها ما معروف الى وين في افريقيا ولا اعتقد زمبابوي
يا بت الفحل يا اقدر انسانة وانبل زولة
لازالت ملاححتك انك ترسل لي حق التذاكر انشاءالله
تماماً في خاطري
ياريت نلتقي يوماً ما
في مدى خاص بينك وبين قلبك الابيض يا انسانة يا رائعة
مشكورة كتير على الدخول
والتهنئة
وسلامي لك ولصغارك ولزوجك
وكل من تحسيه في جواك انو منك وفيك


اخووووووووووووووووووووووك

زوربا

الاستاذ خضر الطيب

مشكور كثير للدخول في عمق هذا المدى ولك اطيب مما تمنيت

الأخ خالد
الف مبروك مدى

وحمد لله على سلامة امه
بلغ التهاني للعزيز امين
ويربى في عزكم وعز البلد

اماني عبد الجليل ست الكل

لو تعرفي كم غريق معلق في طرف توبك
لك ول الرجل الذي استوطن عنبر عشرة الف تحية وليسار ومحمد وتلك الطفلة التشبهك
كوم من غنى بقيادة الخليل الخلى الناس تميل
تصلني اميالتك ويصلني صوتك دائماً عبر كل الممكن والان وصلني عبر المدى
لك ماتشتهي ولعثمان وآخرين بيننا وبينكم
صوت تعرفه المدينة وعدن وصعناء ورائحة البخور وانسان اللغة حولكم
آه وآه

Congratulation
Amin

Thanks
Khald
Fatah

ان شاء الله من الصالحين ويكون بارا بوالديه

الف الف مبروك

من حملةلواء الوطن

الاستاذ
saif massad ali
شكراً لك
ولكن في ملامحة
علي عبد اللطيف
عبد الفضيل
عبيد حاج الامين
واعتقد انه من حملة اللواء الابيض

الاستاذ هاشم نوريت

شكراً لقدومك

لي صديق مقاتل لا يعرف كيف يرسم اذا لم تكون ريشته من ( منجورة من خشب البندقية )
اسمه محمد طاهر ابوبكر
لو عرفته سوف تقرا فرحة البجة
بمدى هذا
له التحية عبر هذا المنتدى
فانا اشتاقه جداً

عبد الفتاح سعيد عرمان
كم انا سعيد بوجودك هنا
ليس امين سعيد عرمان
ولكن امين سعيد عرمان

قالو لوي اليومين ديل طالع في كفر اللغة
انزل شوية على حسب قول وليد الشوية
نلتقي
يا
فردة في زمن سمح
اشكيك لي لونك

ألف مبروك
بس ما يطلع فنيلتو حمره زى خالو
الأزرق أحلى
لون الفطرة
مبروك للأخ أمين
وجدو خالد

الاستاذ

ALGARADABI

مشكور كتير

لكن شايف جدو جابدو باللون

عفواً يبدو أني دخلت بأسم خالد لانو آخر زوول استعمل جهازي

امين محمود زوربا

الجد خالد
والاب امين

التحايا النواضر

تهانينا والف مبروك المولود مدى
جعله الله قرة عين والديه


ياكين ما بالغتا فوكا يا خالد زي ما قالت اخيتي دوما
الراجل قرب يدخل الجامعة وانت يا دوب بتحتفي بيهو؟؟

الاستاذ طيفور
التحيات النواضر
وشكراً كثيرأً لطلتك البهية

وطبعاً خالد دايرو يكبر بسرعة
عشان كده

ألف مبروووووووووووووووووووك

وربنا يحفظوا ويرعاه لي أهلوا وللوطن

عصام أحمد

الف مبروك
قدوم المولودة
تتربى فى عز والديها
تهانينا

الف مبروك
قدوم المولودة

الاستاذ عمار بيلي

شكراً لقدومك شرفتنا كتير

الاستاذ عبد المنعم سيد احمد

لك وافر التحايا

لا زلت اذكر مساهمتك القيمة في بوست القهوة

واستمتع كثيراً بأسلوبك المهذب والمميز
وها انت تشاركنا الفرحة هنا
اتمنى أن تكون كل ايامك مفرحة

الاستاذ عصام أحمد
لك ماتشتهي
وانت كمان ربنا يديك الفي مراضك

تم تعديل ميلاد مدى من حداشر اتناشر
الى حداشر خمسة !!
شكرا للتنبيه
انا الخرفت يادوما
تحياتي

ياجماعة الخير في ناس شايتين آوت
مدى ولد
وياريت لو كان بنت ذي ما كنا عايزين
تحياتي

الف مبروك مدى,

والشفع الكتار ديل ياخالد بيمنعوا الزول التركيز,

تحياتى الخالصه لأمين وزجته,
وحاجزين النيفه من السمايه..

CONGRATULATIONS to Amin, and thanks Khalid

Adil

مبروك للاصديقين:
خالد العبيد
و
زوربا
محبتي
والتحيات خالصات للام سامية
المشاء

شكراً كثيراً للجميع

سوف اعود حلما نخرج من المستشفى ونستقر في المنزل

لكم المدى

مبروك خالد

مدى مكسب ونقول لة قدام معارك


فيصل محمد خليل

الاستاذ فيصل
سلام ومحبة
المعارك يبدو انها قدر الذين نحبهم
ولك الف مكسب من هنا ومن ذلك المدى

اسامة الخواض

ايها الصديق الى ما هو ابعد من المدى

راجع ماسنجرك

الصديق الحميم والهميم د عادل

ما قادر اقول
ما عدمناك
هناك نص طرف ايوب مصطفى يخص مدى يا حبذا لو تمكنت من هذا النص وارسلته لي

الاستاذ الجيلي
مشكور كتير على تواصلك
والله خالد اصلوا فاقد تركيز
بكده يكون الطين ذاد بله

هــــد هـــد ؟!!

يتربى في عزكم انشاء الله

تحياتي ليك ياخالد ولأمين ومبروك انشاء الله ياسامية

و






وينك ياهدهد ؟!

وياترى حاتجينا بصورة مدي ولا واصل ؟!

المهم تعال وخلاص !!

ملكة سبأ
يالها من ايام كما واني كنت معاك اسعى
وجاي منك ومشتاق القاك

اهو انا جيت عابر بلاط سليمان
عبر مدى يخص الوطن
ونساء جميلات واطفال اكثر صحة وعافية
اطفال بكرة حيبنوا مدائن ضوء

فرح شديد والله

أمين بقى أبو خلاص

الحمد للخالق على السلامة

وتحياتى ليك يا يا خالد

قيرا قيرا يامطيرة
عبر المدى برسل حروفى ليك يابو مدى
الاخ امين او كما يحلو لنا ان نناديه ( صبرى)
قرينا الخبر وسعدنا به فالف مبروووووووووووك
وجعله الله من ابناء الوطن الخيريين وان يكون بارا بوالديه
والف حمد الله على سلامة الزوجة ( سامية) ولها التحية
والى حبوبته الوالدة الحنونة (الحاجة رقية )كل التهانى
واكيد الفرحة ماسايعاها كما نحن بوصول صبرى الصغير . والى جده خالد الذى
اوصل الخبر تحياتى .
ولك التحيات النواضر من كل شباب القوز فى ذلك الزمن البهى
وتلك الايام العالقة بالذاكرة وربنا يجمع الشمل فى وطن حدادى
مدادى بنحلم بيه يوماتى. والشكر موصول للاخ مجدى لاتاحته لنا فرصة التهنئة

ونستغل الظرف ونقول للاخ بكرى ابوبكر طا ل زمن الوقوف واوشكت على السقوط
ومازلت بالباب منتظر الاذن بالدخول.
مع التحايا

طارق بخيت

طارق بخيت
بل قل
عادل وعاصم وخالد
وعمنا محمد بخيت
وامنا الحاجة نعمة
يآآآآه والى ذلك الزمن الجميل
يامجدي شبندر
لو تعرف طارق هذا جيداً
انك لا تحتاج من هذه الفانية شىء
واحد من اجمل الاصدقاء
وقيرا تاني وتالت وعاشر
من هنا الى لفة القوز
شكراً كثيراً يا مجدي شبندر
وعبرك وصل التحية لمدني

الشاعر العظيم
وحريف القلم
وصاحب الذوق والجمال
كم انا ندمان اننا لم نلتقي
واتمنى أن التقيك يوماُ ما
لازال صديقنا عبد الله جعفر يعتريه الغياب رقم ان بيننا هواتف من حين الى حين
وكيفك وكيف امنة وامها
آه انحنا حجزنا وبنزاحم في الصف

شكراً كثيراً للجميع فقد خرجنا من المستشفى بخير وصحة وعافية والحمد الله

علي أن ان اقف اجلالاً لهذه اللحظة التي سوف تعيدني للكتابة بعد عام واكثر من الجري واللهاس وراء لقمة العيش الصعبة والمشاكل المتاردمة هنا وهناك والتي لا يخلوا سوداني على وجه هذه البسيطة من منها ومن تراكمها ووجوهها المتعددة
سوف احاول أن ارد على الجميع واحد واحد كل ماسنحت لي الفرصة

لنبدأ اولاً بالخال او الجد خالد العبيد
وفي الحقيقة خالد هو خال امي والبتالي يبقى جدي ولمن ظهر مدى خالد قال دي فرصة اصغر شوية وانسب نفسي جد لهذا المولود الجديد

وهذا المعلمومة موجه للاخت الفاضلة دومة عشان تعرف أن خالد مش خرف وبس
اصلو الجد خالد فات الخرف بغادي
والمساك خالد اسع مرض اسمو الاندراوا
كفانا الله المرض

خالد شكراً كثيراً لك ولاسرتك
وزوجتك الانسانة
لوقفتكم معنا طوال هذه الفترة الصعبة
شكراً كثيراً لصدق مشاعركم اتجاهي واتحاه اسرتي الصغيرة
شكراً لك وكم انا سعيد ان يطابق عيد ميلاده مع عيد ميلادك كما توقعت وتمنيت
وشكراً كثيراً لانكم شاركتومونا كل الاشياء
هي هذه الحياة دمتم لنا ايها الجميل

مبروك يا أستاذ خالد دخولك نادي الجدود.
ألف مبروك يا أمين زوربا هذا المدى الجميل
و ربنا يربيه في عزكم و يكون ذخرا لوطنيه.

Congratualtions to Amin,his wife, and Khalid. As the beautiful Sudanese proverb says" Ytriba fi Izzikim". I wonder Khalid if you have a copy of the book written by Osman Hamdallah, or can you provide me with information to get a copy of the book, or at least xeroxed copy
Regards

أمين ، والخال -الجد
خالد العبيد
لكما المدى والتحيات النواضر والفرح المستطيل
صدقاني فرحي لكما عميق
بهذا الوليد
أحس بهذه الفرحة التي تنتابك - تنتابكما - وأم مدى
مبروووووووك

فتحي البحيري
استاذنا الجميل
صاحب الكلام السوط
وصاحب الصوت النطيف
اشتاق جدأ
ذلك الزمن الذي جمع بيننا وبين ياسر الكجم
وتلك النصوص الجميلة لنصار الحاج
والذي احمل ديوانه معي وقد اهديت منه نسخ هنا الى المكتبات العامة
معليش مدى قاعد يبكي وامو في الدور الارضي
الحقوا ونواصل
يانسان

الاستاذ Elmoiz Abunura

لك الشكر اجزله
على قدومك وتهئتك

واتمنى ان اجد لك الكتاب المذكور
في اقرب وقت
عربوناً للتعارف

CONGRATULATIONS to Amin, and thanks Khalid
i sincerely hope the baby will lead a happy normal life in our new beloved Sudan
dr Mustafa Mahmoud

صديقي - زوربا

والرائعة سامية .. وثالثهم مدى ... هنا يلبس المدى لون الفرحة التي تطل من سلام أمين ، لقد خرج هذا الشبل من بين طرقات السفر الطويل يا أمين .. من الإنتظار ..

ومن الحلم .. كما أدخلت السعادة إلى شقتي البائسة بهذا الشارع المنسي في صباح خمسة مايو حين جائني صوتك مبشراً بقدوم مدى ، وسلامة سامية .. وصوت رقية بت العبيد في التلفون الآخر وهي تعد نفسها للعودة للبيت من المستشفى بعد أن إطمأنت إن أمين وسامية أضافوا للمدى مدى جديد ..
مبروك يا أمين ،

ويا خالد العبيد مبروك ليك يا جد !!!

وليكم المدى ..
تحية أمين محمود الشهيرة والناضرة .. وأنا متأكد إن أمين سيعطي طفله للجميع في تحياته الخطيرة


نلتقي

خالد العبيد

تحية وود

تتربة في غز امين و الوطن

وردة حمراء لمدى

ألف مبرووووووووووووك ويتربى في عزكم يا أمين وألف حمدا لله على سلامة أمه .

أبو قصي

الأخ خالد العبيد

مبروك الحفيد الأول يتربى في عزكم يارب ..

الأخ زوربا :

ألف مبروك المولود وحمداً لله على سلامة أمه
تقبل تهاني عبد المنعم يوسف وأسامة السيد

بكري

الاستاذ بكري
لك الود
وكونك جاي تهني من طرف اسامة السيد
وعبد المنعم يوسف
انت زول ماشاهل
يديك العافية

صديقي وحبيبي ابو قصي

احسها هذه المبرووووووووووووووووووووووووووك
وكأنها زغرودة فرح لا ينتهي
الله يديك العافية
وتلقها خضراء محمل ماتقبل

الاستاذة هنادي
كل الود
ولك انت الف وردة
وللوطن حقل رياحين

الغالي دوماً
الابالي الجميل
لك في عنقي دين لا يحسب ولا يقدر
وبيني وبين حضورك الذي يحاصرني قصة الذي غاب عن نفسه وحضر فيك
وياليت القلب يقف شاهداً
يوماً ما ليقول الى المدى كم احبك يارفيق
وانا احس دائماً باني محاصراً بين ابوتي لك وعمق احساسي بانسان الانسانية الذي ينبع منك

يامن امدحه فأستجير بحسه كي اصل الى ماهو اعمق في داخله

عزت
اسم الجد
الماهري
اسم الجمل حين يكون اصيلاً ( وهذه من عندي وفق ما احس )

يوسف
الاسم المظلوم من
نبضه الاول
الى شهقته الحداشر
ومن لا يعرف البئر
يدرك الجب
وليس كل دم تعلق بقمصيك هو دمك
يا جسد المعذبين بالالفة
والحائرين بالمتاهه
يا نبي الساعة التي لم يسمع بها احد عبر دين
لهذا لن يصدقني احد
ةلة كنت اله يعمي من يكفر به
هذا الضوء
الا
الضوء
وحده
لا يحتمل التلاعب

جقلياً
كم انا ممتن لك
بهذا الحضور الذي يشبهك
ةساقول لك شيئاً
انا انجزت نصك الحلم
ونص اخر وقريباً
سوف انشر شمساً مختلفة على ضوء الشمس العادي

لك برتغالة تشبهك


















.
.
.
.


,,,



زوربا

د/Mustafa Mahmoud

شكراً لك كثير

وتمنياتك الجميلة

الاستاذ ابوعسل السيد احمد

عميق التحايا ووافر الود

سيكون ابناً لهذا العالم الماخور بالاسى ابن من حديد يقاوم الصدى والصديد
لك ماتتنمنى

الف مبروك مدي وربنا يغر بيه عيون والديه

ابو عسل
لك ماتشتهي
في حقيبتي بعض الكتب
وزمزمبة ماء بعض فرحي
وكم انا سعيد بطلتك هنا
وهذا الطفل اتمنى أن يكون اممياً
يحب هذه الانسانية كلها يدافع عن حقوقها انه فارس الامل
اتذكر جورج امادو
الى لقاء في حوار معك امتع نفسي بالدهشه

ونحن نمد لامين اليد بالتهنئة ولمولوده بالتعارف

أمين ... صيري .. زوربااااااااااااا
الف مبروك حبيبي .. ومشتاقين حقيقي.
السماية كيف؟ متوقعين خروف استرالي قدر الكتلة. رسلو بسرعة.
تربى في العز. وتعلب مع اخوانها.

الأخ خالد

ألف مبروك قدوم مدى ويربي في عزك وعز العزيز أمين... عبرك التحايا لاسرته

ابنوسة
تحباتب ليك
وللاستاذ العظيم نادوس

وكبفك بعد زيارة الدانوي
وكبف الصغيرة
انشاء الله كل الامور تمام

يآآآآآه ايها الذين
الذين يسكنون القلب
يا عثمان تراث
وآخرين
لا تتسع الشوارع الا لكم
فكنوا كماعهدكم
لا ينام الحرف لديكم الا على متسع الوقت
من مكان
ولا يعرف الوجد لديكم غير حرقة الحقيقة
يا تراث
مابين امسنا واليوم
قافلة الحكاوي
مسيرات الامل
كن كما تركتك
على ناصية الشارع تتوسل الامل
فللمراكب اشرعتها
وكنت انت بوصلتنا ضد الته
يابحراً مناراته
امواج حركته
احبك بما يكفي
ان يكون مميزاً في الحب

يا موصلي تعرف
هل غنيت كفنان شعبي بالرق
اذكر هذا الزمن جيداً
كان اسمك في ذلك الوقت
يوسف الصحافة
وكان لك عيون حمر
وكنت انا عمري سبعة سنين
وشاركت في ذلك الحفل عشمانة
كان ذلك زواج أختي الوحيدة
وختمت الحفلة بأغنية
ياحمامة مع السلامة
الحفلة كانت في حوش
لا صوان ولا يحزنون
منذ ذلك الزمن وانا امد لك يدي
ولا زالت كفي تحضن كفك
كم احبك

صديقى الجميل زوربا

الف مبروك قدوم مدى ونسال الله ان يجعله قرة عين لك ولوالدته

والتحايا والشكر للاخ خالد العبيد

Quote: لانك خالفت قانون الطبيعة وأصريت ان ترى النور في يوم ميلاد جدك يوم حداشر خمسة وتركب معاي في سرج الثور وأعني البرج

مبروك المدى ياجدو
ويا امين
وميلاد سعيد خالد
قت لي برج تور
أكيد بتحب الاكل
وشراب الشاي

أهلاً
و اعضّكم في الانف حميماً اصحابي خالد العبيد و امين زوربا و اجمل التحايا لرقيه و ساميه وسعاد و لاياس و وارف و و الوريف الجديد لنج بصيغة منتهي العذوبة .. مدي .
طبعاً تمنيت لو كنت معاكم لنفرح كما يجب .
قلبي يرزح فوق ورقة وردة تخص مائة درجة شوقنهايت لكم .
تمام الحنين
و
حلمي ان نلتقي ذات وطن مرّةً اخري
و
سلام حتي مطلع الامر .
( الوردة لم ينطفئ عطرها انما خيل اليهم )

الف مبروك يتربى في عزك
والف حمدالله على سلامة المدام

Quote: هناك نص طرف ايوب مصطفى يخص مدى يا حبذا لو تمكنت من هذا النص وارسلته لي

Dear Amin

Will try o get it as soon as possible, and then email it to you.Enjoy your fatherhood! And regards to your sweet half and Mada

Adil

الصديق عادل مرة اخرى تعبر حقل البرتقال
وبين نهر التايم والدانوي يمتد الان النص
وهنا نهر جورج
وهناك يجمعنا نهر النيل
اتصلت على ايوب وشيء ما منعني من اسأله عن ذلك النص
شىء لا يدركه غيرنا
نحن الذين حرقتنا السنة اللهب
وحفينا حين كلت اقدامنا المسير
لا يفيق من الاسى غير الاسى
لك حبي

عاصم
ضكر البلوم
كلام من خواجة سنكات
وحده يعرف طريق الهبهان
من يدرك النكهة
كانت غابريلا تعشق الرقص ولا تلبس الحذاء
الا إطراراً
نسيب لا يضره شىء
ولكن بعض اصداقائي يضهرهم ان تخرم الحبيبة في لحظة اسى او لحظة شبق نحو رجل اخر
هنا شاعت الانثى
وعلى الحبيب ان يبتسم
هل تكفيك ابتاسمة لعبور الاسى
ام ان الاسى يخرب بيوت الاطفال المشتركين بينك وبين الحبيبة
لا مفر هو قدر الشعراء منكم ان ينامو
وفي افواهم الف حنظلة
لهذا لا يموت الشاعر
ولا يموت رسام الكاركتير ناجي العلي

عشة بتنا
ونحن كلنا فاطما
وبين قرنفلك في الشاهي
ونهكة ابتاسمتك
بنقيف مشدوهين
لا زال يعتريني الندم
من حتتين حتة يوم جيتي سيدني وما لقيتك
وحنة يوم كلمني عباس ادم عن كسرتك في كانبرا وم اكلتها
اصلي انا عاشق كسرة
وبحب ابوعلي
يااميرة العود
من وين يابت السكة اسى

الواثق يا صديقي الامين
شكراً كثيرأ
ليك
الكلام كتير
لكن يمرق كيف
الى ان نلتقي
زوربا

تهانينا القلبية للأخ أمين عثمان ..
ألف ألف مبروك قدوم مدى ..

شكراً الحبيب خالد العبيد ..
وربنا يديم الأفراح ..

الاستاذ / معتصم دفع الله

اسألك عثمان دي جبتها من وين
انا مركز ولا انت شايت في الهواء
عموماً انا احب كثيراً
جدي عثمان ابكجة
لم التقيه ابداً
ولكم لاثره اعلام
رفرفت كثيرا في بلاع
وهناك عاش جدي بابكر ابو علي
الربيت
وهو المثل الاعلى لجدنا خالد العبيد
بإعتبار خالد العبيد
هو آخر الاجداد
لك المدىً

الجميل زوربا الف الف مبروك يتربى فى عزك وناكل كرامتو مع الاهل فى القطامية مليون بوسة فى الخد للمدى
العبيد تشكر على هذا الجمال المطلق

الصديق زوربا
الف مبروك زوربا الصغير
الرائعة دوما ام مدي <سامية> عقبال القادمة نواضر
لكم افرحناقدوم هذا الفارس
التحية لكل الاطفال القادمين
التحية مرة اخري لمدي

تحضرني نكتة انا ما عارف دة زمنها والا لا علي العموم انا حاقولها وبهديها للاستاذ خالد
< واحد ولدو جابوا ليه ولد فاصحابوا جوا يباركوا الف مبروك الف مبروك بقيت جدا فقال ليهم المشكلة مش اني بقيت جد المشكلة اني بقيت معرس لي حبوبة>

كل الحب
ابراهيم برسي

صديقي برسي
بل دعني اتحدث عن عنك
يأ جيم
ليس كل الوان الفرشة من الممكن أن نفهمها دفعة واحدة
كان ليومي مع نيكول تفاصل تحتاج الى ضربات فرشاة
ضربات قلب من قياس رختر على مقاس 7 درجات كانت زلزال
كانت نيكول فنانة تشكيلية
وكانت احاسيسي احاسيس تشكيكية
كنت انتصب دون ارادة كلما بدأت بالرسم
شيء ما يثيرني في تعاملها مع اللوحة
ولا املك نفسي................. فاهجم عليها لنرسم معاً لوحة مختلفة
الان شىء ما في تفاصيل مدى اليومية ينتظرك
وانا انتظر نيكول ان تبدأ الرسم

عبد الله النسر
رجل يعود بعد الموت
من صورة الرحم الى الحياة لك عمر يقاوم الانتظار ولك مدى لا يرف الصديد
الف مبروك زواجك يا انسان شهبدنا الحي
وعقبال نبارك ليك تراجي ولد او بت
ولو بت هي بت السودان يفوح عطرها من ذات القارورة التي عفناها
كم من شقة في راس المرحوم ابراهيم عوض
يلا نغني كلنا
عزيز دنياي

أمين الأمين على ذاته و من ولد
فرحت لك بقدر الخير الذي فيك
والحمدلله الذي أستولد الخير من الخير
نسأل الله أن يعطيه سر (الخافية) و يقيه
نار (البادية)...التهنئة موصلة للجد
خالد العبيد و والدة الولد

يا دسيس
منو الاداك كل هذه التحولات وخلالني احبك
رغم ما غائب فيك
يتده عكس الانسان
تعرف انا بعرفك من متبن
ولا مافي داعي
للتفاصيل
ماهو مبهم يمكن ان يكون اكثر قبولا
خلي طعمك
هو اليحددً

زوربا الرائع
مليون مبروك قدوم مدي ويتربى في عزك
ودالعبيد تحياتي

يا صديقي يا خالد العبيد
كيف انت في تلك البلاد
تحية لك وللهناك كلهم ...

وطالما انت تفتح علينا بوابات أفراح جميلة
مثل قدوم " مدى " فحتماً انت بخير وجميل

وهكذا يأتي الفرح
يا صديقي الجميل أمين محمود
وياتي يزرع فرحاً وحباً وتهاني في كل الامكنة
هكذا
في إلفة وحنين
يحضر الذين غابوا
وكل سكان المحبة
ليصافحوا " مدى " بمحبة وفرح يستحقه
تستحقه يا أمين
وتستحقه امه بأضعاااااف كثيفة
ولها منا التهاني الجميلة أيضا
مبروك يا صديقي امين
هنيئاً بـ " مدى " رائعا وجميلاً .
وأفتقدك كثيرا جدا...

شكراً امين يا كلك زوق وجمال ... مشاقين.
ما قلت بتدوينا معاك استراليا؟

نصار بل نصار الصادق الحاج

من الذسن يقفون وراء الغبار لانك لاتسقط

مدخل
الولد ساخناً
يحلم بالنزيف على سرير الورقة البيضاء
راقداً على حافة الرصيف يكتب سيرته الوعرة
مخفوراً بأصدقائه الجدد
وملائكة في الطرف الاخر من سجدة الوقت
يسكبون أحبار النهاية
على ورق صقلته الواح الغياب المديدة



دعني اضيف

على ورق صقلته الواح الغياب والمدى

مدخل تاني
قد لا تعرفه
حين فقست بيضة التمساح غزالة
بيني وبين اديبنا الكبير رؤف مسعد مساسقة بين السودانية والعدمية والوقوف في شباك الشهقة

حكى لي عنك حين ارسلن له ملبغ من المال لطباعة دبوانك
كبف بكت زوجته
وكبف حكى ذلك لتجمع السودانيين في هولندا
وكان شاهداً على هذا الكلام
اديبنا الكبير احمد الملك
وبيني وبين هذا الرؤف مقلاة من الكلام لم يشارك فيها رؤف ولكن شارك فيها صاحب وانجا
ايوب مصطفى
حتى ايوب لم يحنمل النار
لان سيزيف وحده من يحتمل

الذين يسقطون وراء الغبار
اهدته للمكتبة العامة في ليفربول هنا في سيدني
وانا افتخر بك وبقولك كثيراً
وتحياتي عبرك لمحمد صادق
وتاكد ان روايته سوف ترى النور طالما نحن على قيد الحياة
لك ما تشتهي ولك ماتمنيته في احلامك القادمة
زوربا

الاستاذ wadah taber

شكراً كثيراً لحضورك هنا

وانشاء نبارك ليك كل جميل

وضاح
ياوضاح
يا اجمل من يحمل روح والله في الاول لم اعرفك
ولمن رجعت للبرافايل عرفتك
ما تتخيل فرحت قدر شنو
الف سلامة عليك
ومرحب بيك في هذا الحوش الكبير

الاخ / خالد
تحيه عطره
و للاخ / امين
مليووووووووووووون مبروووووووووووك
و لوالدة الطفل الف مليوووووووووووون مبروووووووك
حتى نلتقى اذاكان فى العمر بقيه و اشوف وليدك يقرى
و يكتب و يغنى زى الخواجات

الاستاذ محمد احمد ابراهيم

لك كل الود

ومشكور كتير على هذا الاحساس الجميل
وربنا يمد في عمرك ويحقق امانيك ويديك الفي مراضك

جدو خالد !!

ياخ زاتها ماجاية !!

فى جد اسمو شبابى كده !!


خليها عمو خالد لانو مدى زاتو ماحايقتنع انك جدوووووووو !!

والف مبروك مداكم ويتربى فى عزكم يارب

الاخ العزيز امين والاخت ساميه
الف مبروك ليكم المدى الجميل
عقبالنا
حليمه
Thanks Khalid for the nice news

صباح الخير بتوقتنا هنا
ايتها الصديقة الرائعة

كم انا سعيد بهذا التواصل الجميل معك

اعجتني صورة البرفايل تبعك كثيراً وذكرتني تلك الايام
يا حليل ابية
وحليمة ادريس رصة الكراسي
والحرامي نظة بالشباك
هي العربي فتشوا مالقوا


وانشاء العقبة ليكم

وووو


زوربا

اما بعد
ماعارف لكن هل لي أن احكي عن لحظة ميلاده وفق ما ارى
ام هل وفق ماهو يقول وهذا احساس تضداض ادخلت نفسي وفق ابوة اعتقدن ان لها حق كامل أن تقول نيابة عنه الكثير
هذا
جانب هل يستحق كل ذلك أن افتح بوست جديد أم استمر في هذا البوست

هل حين اكتب هنا سوف افتح بعض الماشر لاتاء آخرين وهذا ما اتمنى

أن نحكي جميعاً عن عن هولاء الاطفال بشكل مختلف

هناك شىء ما لا يحسة الذي هو لا زال بعيداً عن الابوة ومعناها

سؤال اول ماذا يشكل لي هذا المدى وماذا يعني
كيف انتقيت اسمه رغم حصار الاسماء التي لا تنتهي
هل اثار اسمه عاصفة من الاسئلة وسط الاسرة
هل وجوده شىء اجابي ام سلبي في حياتي
هذخ الاسئلة وغيرها يدور في مخيلة الاصدقاء والاسرة
هل اجاوب ام الوذ بصمت بإعتبار ذلك شخصي
سؤال آخر ومهم
ما هي المنعطفات الصعبة سلباً وايجاباً في اظفال سودانيين يولدون في المهاجر والمنافي
او سموهم اطفال المنافي
ساعود اذا تيسرت الاجابة