Post: #1
Title: لماذا هذا الإنقلاب على ابوحراز
Author: ابوحراز
Date: 09-02-2002, 04:18 PM
Parent: #0
اليوم تفاجأت عندما فتحت البورد
وجدت اسمي على الصفحة الأولى
أكثر من ستة بوستات تخصني بهذه الصفحة
وهي قديمة جداً
وقد نسيت الكثير منها
وهي ربما خلقت علاقة النسب الحقيقية بيني وبين هذا البورد
اهل العوض
وخطيبتي الرائعة
وحتى سفري وعودتي
لا ادري لماذا رفعتوها في الصفحة الأولى
ولا ادري لماذا لانعطي فرصة للمواضيع الجديدة والأكثر حيوية ونشاطا
مجرد سؤال بريء جداً
هل شعرتم بأن نهري قد جف
لدي الكثير بحمد الله
لكنني انتظر الوقت المناسب
لكم كل شكري وتقديري
ابوحراز
|
Post: #2
Title: Re: لماذا هذا الإنقلاب على ابوحراز
Author: رقم صفر
Date: 09-02-2002, 04:20 PM
Parent: #1
يا عزيزي
اجتمع اطباء البورد لمعالجة ، احواله وامراضه
فكانت الروشته 6 بوستات من ابو حراز
وفعلا انت مصدر سرور في هذا البورد ، بس المشكلة
لا زالت قائمة
دمت ياعزيزي
|
Post: #3
Title: Re: لماذا هذا الإنقلاب على ابوحراز
Author: ابوحراز
Date: 09-02-2002, 04:23 PM
Parent: #1
الأخ صفر
اتمنى ان أكون الطبيب المداوي
ولكن والله لو استعملتم جرعاتي هذه حاتجيب خبركم
ياخي دي 12 روشتة
فيها الأخضر واليابس والأحمر
يا خي ماتاكلو ليكم قرض
وللا تبخروا لينا البورد بي بخرات من اب حراز سيد الاسم زاتووو
قال أطباء البورد قال
|
Post: #4
Title: Re: لماذا هذا الإنقلاب على ابوحراز
Author: رقم صفر
Date: 09-02-2002, 04:27 PM
Parent: #3
لووول
والله قرات عدة بوستات لك وضحكت واعد اكتشاف الضحكه
وقلت قد اتعالج ن لكن ياابجضوم ، خايف بكره اجي والقي الحال رجع تاني دمت
|
Post: #6
Title: Re: لماذا هذا الإنقلاب على ابوحراز
Author: وجن
Date: 09-02-2002, 04:32 PM
Parent: #4
التحيه ليك يا أبو حراز أيُها الساكسفون المتفرد
والتحيه للرقم الكبير فى قلوبنا "رقم صفر"
ولكل أطباء البورد
والله الواحد مفروض ينوم على بوستات أبو حراز ديل سنه لقدام
|
Post: #11
Title: Re: لماذا هذا الإنقلاب على ابوحراز
Author: ابوحراز
Date: 09-02-2002, 05:51 PM
Parent: #6
وجن الرائعة جدا
اشكرك على هذا الإطراء
وينك انتي من زمان ماشفنا ليك انتاج جديد
قلتي لي عاوزة تنومي على البوستات ديل ساااااكت
والله حاتقعدي تهضربي اليوم كلووو
يا اختي دي فيها كلاب
ولالوب
وحبوبات قدام جدا
وخطيبة طويلة
وبهدلة بتاعة عزابة
شوفي ليك حاجة تتهضم بالليل
قالت ننوم عليها قالت
|
Post: #5
Title: Re: لماذا هذا الإنقلاب على ابوحراز
Author: 3bdo
Date: 09-02-2002, 04:30 PM
Parent: #3
سلامات ابو حراز
علي قولك ... اوقات الواحد بيشعر انه في ناس بتتعمد تعمل حاجات غريبة في البورد ده ... وتقول في اتفاقات وتحالفات بي تحت تحت بين بعض الاعضاء
|
Post: #8
Title: Re: لماذا هذا الإنقلاب على ابوحراز
Author: ebrahim_ali
Date: 09-02-2002, 04:46 PM
Parent: #5
تفاحة البورد من المفترض ان يكون ذلك كذلك فيما ذهب اليه الرقم الكبير في قلوبنا جميعا صفر والمريخابي الاحمر الوهاج الصلحابي فهذه روشته سريعة لازالة بعض الرواسب التي ظغت على هذا البورد فكان لابد من الاستعانة باحد شيوخ البورد ابوحراز فها انت الان تعيدنا لموضوعات شيقة وردود الاخوة الاعزاء فكاني بها اقراءها لاول مرة وقد اعادت لنا بعض من البسمات المفقودة في هذه الايام التي اتمنى ان تنجلي باسرع ما يكون ويعود للبورد رونقه وعصافيره التي اختفت تماما ابنوسة دريمز شيري غدى بت الاحفاد شجون وغيرهن من اللاتي انسحبن ليس جبنا ولكن لترك المجال لمن هم اقدر على رد اعتبار هذا البورد وكذلك اختفاء المتالقة دوما تماضر والتي ايضا انزوت جانبا حتى تهدي المعركة التي افتعلها المدعو عبدو ومن في زمرته فنحن له بالمرصاد ولكل اساليبه الخسيسة الدنيئة التي تنم عن شخصية غير سوية
لك الحب مرة اخرى ابوحراز
ونتمنى ان تعطر الان مساحات هذا البورد بروائعك التي ما زالت تختبي بين اناملك المرهفة فهل اجبت الطلب ايها الرائع تفاحة البورد لووووووووووووووووووووووووووووووووول بناديها
|
Post: #14
Title: Re: لماذا هذا الإنقلاب على ابوحراز
Author: ابوحراز
Date: 09-02-2002, 06:06 PM
Parent: #5
3bdo
التحية لك من الأعماق
ياخوي انتي عبدو المتشاكلين معاك وللا واحد تاني
وانت اياك اللي في الكرسي الساخن
ياخي والله تتشابهو زي الأرانب
بعدين شنو شكل اولاد المغتربين دا
واحد نبذ التاني بعد ما اتشاكلوا قال ليهو : انشاء الله تمشي السوبر ماركت ما تلقى آيسكريم
ياخي بالله ماشفت الشكلة بتكون طاعمة كيف في السودان
قرجة من هنا
وعكاز مضبب من هنا
وتكتح تراب
وتقطيع عراريق
نحن نحبكم ياسيدي جميعاً
لنجلس سوياً ونبتسم انا وانت والآخرين
كيف اخبارك الظاهر عليك باير زيي كدا
ياخوي كان مشينا عرسنا الزهجة بتاعتنا بروح
|
Post: #7
Title: Re: لماذا هذا الإنقلاب على ابوحراز
Author: Ridhaa
Date: 09-02-2002, 04:39 PM
Parent: #1
Salam ya shabab ...
Ridhaa
|
Post: #9
Title: لماذا هذا الإنقلاب على ابوحراز
Author: garjah
Date: 09-02-2002, 05:18 PM
Parent: #1
لينا زمن نفتش ليك
وجيتنا الليلة
ندفق باقي قفة الليمون
ونكشح جردل المريسة
والا لسة في عضلات تبش
|
Post: #16
Title: Re: لماذا هذا الإنقلاب على ابوحراز
Author: ابوحراز
Date: 09-02-2002, 06:20 PM
Parent: #9
قرجة
عندنا واحد نهائي مابياكل الكسرة على ريقو
لازم من الصباح ياكل ليهو ام فتفت ويشرب ليه جردل { عصير } قال عصير قال
جردل زي الكشحتو دا
ياخوي عرسك التاني مالو طيروه ليك في راسك
شايفك لابد لبدة بطالة جدا
الجماعة رفعوا الورقة بتاعة الفكي وللا شنو
ابراهيم
ياخي انت زول بتكتب بروعة
مشتاق ليك كتير جدا
ياخوي رسايلي دي قاعدة تمشي البحرين وللا شنو
رسلت ليك رسالة بالماسنجر
عملتها فيها نايم
ياخي داير ليك شيك عمرة من قطر زهجت من الشغل هنا
|
Post: #10
Title: Re: لماذا هذا الإنقلاب على ابوحراز
Author: ابوحراز
Date: 09-02-2002, 05:36 PM
Parent: #1
الأخ صفر
ياخي في واحدة لصقت فيني ابو جضوم
ومن يوم مالصقت الحكاية دي تاني ماشفتها
حي أنا محروووووووق عليها
والله لو لميت فيها
كان اعضيها
وللا اخربش ليها وشها بي اضافريني
قالت كضوم قالت
|
Post: #12
Title: Re: لماذا هذا الإنقلاب على ابوحراز
Author: وجن
Date: 09-02-2002, 05:57 PM
Parent: #10
إزيك يا أبو حراز
والله نزلتهن كلهن فى الجهاز
وتانى الله يقومنى ساي
بعدين أنا أكتب كيف يا ظريف
فى زول حا يشوفنى مع أخونا المبدع ههههههى يبا
|
Post: #13
Title: Re: لماذا هذا الإنقلاب على ابوحراز
Author: DEEK_ALJIN
Date: 09-02-2002, 06:04 PM
Parent: #12
بسم الله الرحمن الرحيم
فتحت البوست عشان ارد صور ابو حراز ملت الشاشه كلها خمستاشر صوره كدى والله ...ده ابو حراز ولا عرق بتيخ ده
اللذيذ ابو حراز ... حال البورد لايسر احد ..والصفحة الاولى سودتها المواضيع ال ........... حبينا ديك الجن ومحسن الصلحابى نفرفش البوست بكبسولات ابو حرازيه وخدريه ... وقد كان
لاعدمناك يا لذيذ ...يا مشلضم
بالمناسبه جاى الشرقيه متين؟
ديك الجن
|
Post: #15
Title: Re: لماذا هذا الإنقلاب على ابوحراز
Author: ابوحراز
Date: 09-02-2002, 06:15 PM
Parent: #13
ديك الجن
انت حي لسع
والله كل يوم اضحك عليك
ياخي والله من الكلام القالوه ليك مفروض تكون هسع مكرفس عدييييييل كدا
بعدين جننتني في العرس بتاع الشرقية دا
صاحبي الكنت عاوز اجي معاهو ادوه شاكوووووش
والله جد
طبعاً كذب عليهم قال ليهم راتبي 3000 ريال
ولمن اتحروا لقوه 1200 ريال
اها البيت طوالي قالت عاوزة تقرا
وقبيل ماقالت
غايتو هناك محاولات اتمنى تنجح عشان نقابلكم
|
Post: #17
Title: Re: لماذا هذا الإنقلاب على ابوحراز
Author: قرشـــو
Date: 04-01-2003, 01:56 PM
Parent: #15
ابوحراز
يا فاكهة البورد
اين انت بربك ؟؟؟
عرست ولا شنو حتلت كده ؟؟؟
سائل ربى اشوف فيك يوم كده تتسلط عليك واحدة وتخليك ما تقول بغم ثانى ..
لسانك الطويل ده تبلعك ليه جب
قال عرس قال
|
Post: #18
Title: Re: لماذا هذا الإنقلاب على ابوحراز
Author: soma
Date: 04-01-2003, 08:14 PM
Parent: #1
لووووووووول قرشو ..ابو حراز حقو نسميك تانى ابو لسان .. انت لا تبعجبك .ولا داااااااك بعجبك ؟؟ والله حيرتنا ..هسه امكن البوستات دى رفعتم ليك زوله كده معجبه .. مش زوله 123 لوووول زولة
فما فى داعى تكشف حالها قدام الناس ..
والله زى ما قال ليك رقم صفر ..وينك غبت كتير ..نرجو عودتك سريعا يا بطيخة صيفيه فى حرايه خليجيه لوووول ..قال فاكه .. قال .. الفواكه انواع انت بطيخة وبسسسسسسس
|
Post: #19
Title: Re: لماذا هذا الإنقلاب على ابوحراز
Author: ابوحراز
Date: 04-07-2003, 05:19 PM
Parent: #18
قرشو
سوما
البوست دا جبتوه من وين
الليلة بقرأ في البورد اشوف ليك اب حراز
اشكركم على السؤال عني
وانا مشتاق اليك بحرارة
ولكن تصهرني نيران بغداد
ويذيبني بكاء اطفالها
الشكر لكل من سأل
|
Post: #20
Title: Re: لماذا هذا الإنقلاب على ابوحراز
Author: abas
Date: 04-07-2003, 06:32 PM
Parent: #1
حروزه شلضومي فاكهة سكر بطيخه
يعني ده كلو ما عاجبك وباير كمان
عارف يا عزيز انو ده انما يدل علي المكانة التي تتمتع بها في هذا البورد
فلك منا التحايا والامتنان ودمت لنا فاكهة
|
Post: #21
Title: Re: لماذا هذا الإنقلاب على ابوحراز
Author: ابوحراز
Date: 04-07-2003, 07:34 PM
Parent: #20
عباس
حروزه شلضومي فاكهة سكر بطيخه
الله يجازيك
اليوم ضحكت لأول مرة
فمنذ أن سقطت أول قذيفة على صدر بغداد وأعطبت نهديها
وتركتها بلا حليب لأطفالها
منذ ذلك الوقت وأنا اتألم
لك الود
|
Post: #22
Title: Re: لماذا هذا الإنقلاب على ابوحراز
Author: مشتاق
Date: 04-07-2003, 09:19 PM
Parent: #1
الرائع ابوحراز
كنت ماري بالصدفه لقيتك عامل جوطه
حبيت اسلم عليكم اصلوا اليومين ديل معصورين
قربت امتحانات البكلاريوس
دعواتكم معانا
قال عرق بطيخ قال
لووووول
|
Post: #23
Title: Re: لماذا هذا الإنقلاب على ابوحراز
Author: ABUHUSSEIN
Date: 04-07-2003, 09:36 PM
Parent: #1
العزيز أبـو حــراز
و الله مشتاقين ليك شديد
و كلنا طبعا متألمين زيك لي اللبحصل لي أطفال العراق و نساء و شيوخ العراق
و شفنا الزل اللي بقومو بيهو علوج الأمريكان مع الأطفال و المدنيين في أطراف بغداد
اللهم دمر الأمريكان و كل من معهم و كل من ساعدهم و كل من أيدهم
|
|