Post: #1
Title: قال شيخ ابوحراز قال
Author: ابوحراز
Date: 01-06-2003, 08:42 AM
Parent: #0
طبعاً صراحة ماتشوفوني كل يوم فندق وعرس
انا في السودان من الجامع للجامع
ومن خلوة الى خلوة
اها قبل اسبوع واحد قريبي
يتحكحك لحدت ما جاء قعد معاي في السرير
قام قال عندو مشكلة في الشغل
لأنو المحل الشغال فيهو اصبح ماشغال كويس والكفيل مهددوا بالطرد
قلت ليهو عاوز شنو يعني ياشيخنا
قال عاوز يدوه محاية او اي حاجة
المهم انا ما اعرف اي شيء عن هذه الأمور وأكرهها
ولكن احضرت ورقة ورسمت فيها نجمة ناس المريخ
ولصقت ليهو فيها ناس الهلال من فوق
واديتو منها 3 حبات
قلت ليهو واحدة تتبخر بيها بعد الفطور
وواحدة بعد الغداء
وواحدة لمن تجي تنوم
اها الراجل ملأ البيت كلو دخان بي بخرة ابحراز يلحقكم وينجدكم
اليوم التاني جاء من الشغل الساعة 1 طوالي جاء اداني 50 ريال
قلت ليهو يازول دا شنو ؟؟
قال لي والله الدكان بائع بيع شديد خلاص
والكفيل مبسوط جدا
طبعاً والله استغربت خالص من الحكاية دي
اها صاحبكم بعد 3 يوم تاني جاني
لكن قال رفدوه من الشغل
|
Post: #2
Title: Re: قال شيخ ابوحراز قال
Author: يازولyazoalيازول
Date: 01-06-2003, 09:12 AM
Parent: #1
ورجعت ليه خمسينو؟؟؟؟؟
loooooooooooooooooooooooool
|
Post: #3
Title: Re: قال شيخ ابوحراز قال
Author: garjah
Date: 01-06-2003, 09:16 AM
Parent: #2
يعني لو رسمت ليهو الهلال كان اخد خروج نهائي
منك جكة يا حروزة
|
Post: #4
Title: Re: قال شيخ ابوحراز قال
Author: ابوحراز
Date: 01-06-2003, 09:39 AM
Parent: #2
الله يجازيك
فقعتنا بالضحك
قال ارجع ليهو خمسينو قال
تعرف زي دا مفروض الواحد يلحسو طوالي
قرجة
تعاز اعزم ليك وشوف البحصل ليك شنو
|
Post: #5
Title: Re: قال شيخ ابوحراز قال
Author: abas
Date: 01-06-2003, 11:05 AM
Parent: #1
سلام يا ابوحراز اخوي
لكن انا من ختيت فيها النجمه دي عرفت انوالموضوع مطرشق ذي ناس النجمه زاتهم
|
Post: #6
Title: Re: قال شيخ ابوحراز قال
Author: ابوحراز
Date: 01-06-2003, 11:30 AM
Parent: #5
عباس
انت من جماعة ناس الدحيش وللا شنو
خلاص يازول ماتزعل
المرة الجاية لو جانا واحد ودفع 100 ريال حانرسم ليهو هلالين بدل واحد
|
Post: #7
Title: Re: قال شيخ ابوحراز قال
Author: falcon
Date: 01-06-2003, 11:33 AM
Parent: #1
طيب ما ترسل لينا واحدة بالماسنجر؟؟
|
Post: #8
Title: Re: قال شيخ ابوحراز قال
Author: ابوحراز
Date: 01-06-2003, 11:42 AM
Parent: #7
falcon
عندك صراف آلى مابايع كويس وللا شنو
تعرف لو في واحدة بالمسنجر حا ارسلها ليك عشان تفتح لينا واحد من الصرافات الآلية دي
|
Post: #9
Title: Re: قال شيخ ابوحراز قال
Author: Tumadir
Date: 01-06-2003, 11:47 AM
Parent: #8
اها يا شيخ اب حراز
تلحقنا وتنجـ...ضنا
تقضى لى غردى
انا ما بفسر
وانت ما تقصر
بديك بالعملة الصعبة
والله صعبة صعوبه...؟؟؟؟
|
Post: #10
Title: Re: قال شيخ ابوحراز قال
Author: الجندرية
Date: 01-06-2003, 11:55 AM
Parent: #9
يا تماضر
لوووول @ تنجضنا
|
Post: #15
Title: Re: قال شيخ ابوحراز قال
Author: ابوحراز
Date: 01-06-2003, 12:22 PM
Parent: #10
اها يا جندرية
ماتقولي لي برضو المكتب حقكم ماشغال
ماتخافي بنرسل ليك واحدة أصلية بالمسنجر
لكن البياض ياناس
خليك زي اخونا الدفع 50 ريال
|
Post: #14
Title: Re: قال شيخ ابوحراز قال
Author: ابوحراز
Date: 01-06-2003, 12:21 PM
Parent: #9
تماضر
بلحقك ماتخافي
الليلة برقد ليك بالخيرة زي مابقولوا وبشوف الغرض دا شنو
وانشاء الله حا يتحقق
هو نحن عندنا كم تماضر
لكن البياض شنو ؟؟
عاوزين نضوق قروش امريكا دي
|
Post: #11
Title: Re: قال شيخ ابوحراز قال
Author: omdurmani
Date: 01-06-2003, 12:02 PM
Parent: #1
بنج يابعيد
|
Post: #12
Title: Re: قال شيخ ابوحراز قال
Author: omdurmani
Date: 01-06-2003, 12:15 PM
Parent: #1
علي الطلاق ياابحراز انت عندك جن .بوستك دا بفتح بعدنا وبخم الناس كلهم....وانحنا نفتح من الدغش مافي زول اهببوا لينا.....
ما قلتا ليك رامى لبنا حاجة كده...لكن لو فكت زي صاحبنا داك...والله الا توزع كروت دعوة وتجيب فرفور
|
Post: #16
Title: Re: قال شيخ ابوحراز قال
Author: ابوحراز
Date: 01-06-2003, 12:40 PM
Parent: #12
omdurmani
قال فرفور قال
قلت لي خمينا الناس كلهم
الله يستر ما نقوم نخمك انت ذاتك
قلت لي البنج كيف
عزة
كيف حالك
شنو شيخ اب حراز دا ماعاوزة ليك منو بخرة ؟
|
Post: #13
Title: Re: قال شيخ ابوحراز قال
Author: azza
Date: 01-06-2003, 12:16 PM
Parent: #1
هاهاها حلوة بنج دي
|
Post: #17
Title: Re: قال شيخ ابوحراز قال
Author: sweetheart
Date: 01-06-2003, 12:47 PM
Parent: #13
كررررررر علي يا ابو حراز ياناس
لحقتوا اماااااات طه يا ولدي
مسكين ياناس
|
Post: #19
Title: Re: قال شيخ ابوحراز قال
Author: ابوحراز
Date: 01-06-2003, 06:58 PM
Parent: #17
sweetheart
بالله قصة امات طه دي شنو
والله بسمع بيها وماعارفها
بس اوعا نكون اتلحسنا
يعني فكينا الشارع زي مابقولوا الجماعة في السودان
شكرا على المشاركة
وماتنسي تنهمي على الشيخ ابوحراز يلحقكم وينجضكم
|
Post: #44
Title: Re: قال شيخ ابوحراز قال
Author: sweetheart
Date: 01-08-2003, 11:49 PM
Parent: #19
لووووووووول امات طه يا شيخي ابو كرفته ياناس
ديل قالوا مشوا لشيخ ابوحراز عشان انجدم
قاااام شيخي ابوا كرفته نجضن
ولي يوم اليله مسكينات افتشن في طه ياناس
نمت هسسع قلته الاجابه يا سيخنا
ودعتك الله يا عشاي
سلام
|
Post: #18
Title: Re: قال شيخ ابوحراز قال
Author: omergoda
Date: 01-06-2003, 05:30 PM
Parent: #1
العزيز ابو حراز لك التحيه
خلينا من الشيخك ده والكفيل انا عايز قرد يابانى والله عندى له حاجه كويسه خلاص
|
Post: #20
Title: Re: قال شيخ ابوحراز قال
Author: ابوحراز
Date: 01-06-2003, 07:03 PM
Parent: #18
omergoda
الله يجازيك
انت من زمن القرد البعضي
نحنن ذاتنا بقينا بنعضي
اوعا تقول لي عاوز تدي القرد موزة ؟؟؟
|
Post: #21
Title: Re: قال شيخ ابوحراز قال
Author: sharnobi
Date: 01-06-2003, 07:07 PM
Parent: #1
ابو حراز انا حرفع عليك
قضية تعويض
الجرح بتاع بدأ ينزف بعدما برى
من هستيريا الضحك
وانت عارف انا قاعد فى امريكا
|
Post: #25
Title: Re: قال شيخ ابوحراز قال
Author: ابوحراز
Date: 01-07-2003, 07:45 AM
شرنوبي
لك التحية
وكما انت سترفع قضية تعويض على جراحك النازفة
سنرفع قضية أخرى على اعادة البسمة اليك
مفروض تديني شوية من دولارات امريكا دي عشان ضحكناك
بعدين لو رفعت علي قضية تعويض حايحاكموني وين
اوعا بس تقولي لي في كوبا أو آيسلندا
انا عاوز اجيكم هناك
مامشكلة تعويض ماتعويض
المهم نجي امريكا العاملة لينا هوس دي
|
Post: #22
Title: Re: قال شيخ ابوحراز قال
Author: حنين
Date: 01-06-2003, 07:26 PM
Parent: #1
احتمال يكون زي اخونا داك كتر المحلبيه
|
Post: #23
Title: Re: قال شيخ ابوحراز قال
Author: سكرا
Date: 01-06-2003, 07:47 PM
Parent: #22
شيخ؟؟؟؟؟؟ والله اتخما فيك
قال شيخ قال
|
Post: #29
Title: Re: قال شيخ ابوحراز قال
Author: ابوحراز
Date: 01-07-2003, 08:31 AM
Parent: #23
الحنينة السكرا
شكرا على المشاركة
الحنينة نصيحتك ظريفة جدا خليهو يكتر من المحلبية
آآآآآآآآآآآآه لمن اتذكر المحلبية دي قلبي بيطير
وعاوز اعمل لي فيها بوست
عشان قدت جيوبنا
سكرا الراجل ما اتخم فيني
ماتشوفي مشاكساتي دي
انا زول جنة ساكت
هناك ماقاعد امشي اي حفلات
ولا اعراس ولا اي شيء
عشان كدة البركة باينة عندنا
لكن بيني وبينك بدون بياض مفعولها مابيكون اكيد
قالت سكرا قالت
|
Post: #24
Title: Re: قال شيخ ابوحراز قال
Author: omergoda
Date: 01-06-2003, 07:54 PM
Parent: #1
والله العظيم ناس جده ديل حيرونى اقول قرد يابانى تقول انت زاتك بتعضى جنيتو هههههههه شوف لينا القرد يا ابو حراز الموضوع ده جد
|
Post: #27
Title: Re: قال شيخ ابوحراز قال
Author: قرشـــو
Date: 01-07-2003, 08:09 AM
Parent: #24
وين نصيبى فى الخمسين يا فردة
انا مش العلمتك الشغلانة
ولا نسيت خلاص ؟؟
من هسه وبقيت تنسى ؟؟
امال لما الخبر ينتشر ويكثروا الزبائن البدفعوا لكزس تعمل شنو يعنى ؟؟ تخلى النيت ولا كيف ؟؟
قروشىىىىىىىىىى
قروششششششششششى
|
Post: #26
Title: Re: قال شيخ ابوحراز قال
Author: الجعلي
Date: 01-07-2003, 08:08 AM
Parent: #1
الرائع ابوحراز
دحين ياشيخنا ماعاوز ليك مساعد
وبعدين البياض 50% رأيك شنو
بس اقل بياض ورقة من فئة الـ 500 ريال
علشان تلحق تعرس الخميس الجاي
قال مساعد قال
الجعلي
|
Post: #28
Title: Re: قال شيخ ابوحراز قال
Author: ابوحراز
Date: 01-07-2003, 08:25 AM
Parent: #26
الله يجازيكم يابورداب جدة
ماخليتو لي صفحة انوم عليها
قرجة ويازول يازول
وقرشو
والجعلي
بس الحمد لله مامعانا نسوان في بورداب جدة
كان الحكاية حا تكبر شوية
عشان كدا كل مرة اقول اشوف ناس عمو عاطف ديل واحمل اغراضي وتوووووووش للشارقة
والله شريط الفيديو العملتو ليكم كلما اجي اشغلوا الفيديو يقيف
امس كمان قلت كدي الواحد يتذكر جماعتوا ديل
تصدقوا التلفزيون برضو اتعطل
طبعاً مرة واحدة شفناه
والعزابة قالوا تناي لو احضروا سباق الخيل شريطي دا ما حايشوفوه
قلت ليهم ليه
قالوا اغبش
وكلو جن خش
طبعاً جن دي قاصدها
قرشو حقك محفوظ 00 والقال 50% دا ياخوي عملت شنو عشان ال 50%
|
Post: #30
Title: Re: قال شيخ ابوحراز قال
Author: almohndis
Date: 01-07-2003, 12:49 PM
Parent: #28
يا شيخ ابو حراز
مدد تلحقنا وتفزعنا
الحمد لله والله انا كنت الاسبوعين الفاتو
ديل دولارك نزل شويه الله يجزى سكرا
كنت داير ارسل ليها نملتين سكر
اخلوها ليك نشاره لكن الحمد لله لقيته
سبقتنى فى الصف اخوك جهازو ضرب فايروس
من ابو كديس اصل ناس الملح تعبانى شديد
ياخى ماتعملو لى صندوق معى ناس جدة
نخت واحد لى ناس الملح
قال شيخ ابو حراز قال
|
Post: #32
Title: Re: قال شيخ ابوحراز قال
Author: ابوحراز
Date: 01-07-2003, 06:06 PM
Parent: #30
almohndis
الله يجازي محنك
عاوز تضامن مع سكرا
يا اخي سكرا دي ظريفة جداً وما هي بتاعت شدايد
كل شيء بيناتنا عسل
بس انت خليك محايد
وماتخاف بنعمل ليك حاجة بدون بياض
انا متخصص في حل مشاكل العزابة
لو عندك اي مشكلة الحجاب على التوقيع
قال مهندس قال
|
Post: #31
Title: Re: قال شيخ ابوحراز قال
Author: Modic
Date: 01-07-2003, 01:24 PM
Parent: #1
ابوحراز .. أخيرا لقيت لي شيخ في المنتدي
عارف هنا في الامارات و علي أساس اني مجنون .. أي شيخ أو شيخة بتحي زيارة للبلد دي بيضربوا لي الناس المهتمين بي حالتي تلفون عشان أمشي يعزموا لي أو يقروا لي قرآن أو يرسموا لي حاجات و أتبخر بيها أو حاجات أشربها .. أو يقروا قرآن بعداك يتفوا فيني و دي طبعا أكتر حركة بكرها
لكن بالرغم من ده كلو أنا أصلو ما بتأثر بيهم .. يعني الشيوخ مساكين يقروا لحدي ما يتعبوا عشان اتأثر أو عشان ينطق الجن بتاعي و ما بينطق
بعداك و دائما كلهم متفقين علي اني : عندي جنية بتعشقني .. طيب هي وين ؟؟؟ عشان أوريها الحب الما بتعرفو .. قالوا ليه عندي ده ؟ عشان بتأثر مع الموسيقي شديد
loooool
لو لقيت فرصة يا أبو حراز و بما انك شيخ و زول عارف بتعمل في شنو .. رسل لي حجاب بالايميل ده طبعا لو جاتك رغبة بتاعة رسم ..
لكن لو ختيت لي فيهو علامة فريق المريخ أكون شاكر جدا
عشان ذاتو تاني كل ما يضربوا لي يقولوا لي تعال في شيخ .. أقول ليهم أنا اتحجبت عند شيخ كبير اسمو ابو حراز
و الاسم براهو يخوف بلد
بانتظار الحجاب و بانتظار مواضيعك الحلوة اللي بترسم بيها البسمة في افواهنا اللي ما طايقة الكلام
تسلم
محمد
|
Post: #35
Title: Re: قال شيخ ابوحراز قال
Author: EXORCIST7
Date: 01-07-2003, 10:50 PM
Parent: #31
موديكModic
إنت راكباك أم الصبيان وركبتك وأنت صغير وأنا شايفها فى عيونك المقلعة (بضم الميم) وعشان نطلعها منك لازم تجيب لى ضب أعور وسحليه عزابية بتعرف السحلية ياود الخليج
وبخور دم الأخوين وعود الصليب الهندى أرسلها لى على ألمانيا وسوف نقوم بالواجب وخليك من أب حراز أو الشيخ أبو جضوم وبسببه تقوم تركب فيك بنت ملك الجن الأحمر ميمونة والحكاية حا تكون صعبة شديد وعايزة شغل كتير
والسلام
|
Post: #37
Title: Re: قال شيخ ابوحراز قال
Author: Modic
Date: 01-08-2003, 08:39 AM
Parent: #35
EXORCIST7
براحة علي شوية ... انا لو عاوز جن يركبني بتمني يكون من وادي عبقر عشان يكون مفيد
يعني أنا حأرد علي سؤالك بي سؤال : زول قاعد في السودان حياتو كلها و لفاها من أقصي الشمال الي أقصي الجنوب و عاش في الشرق و الغرب و الوسط و من كل قبيلة عندو جد أو جده .. و ليهو في الخليج ده سنة و شوية بس .. هل يصح انك تسميهو ود الخليــــــــــج ؟؟
و هل من المعقول اني ما أعرف السحلية ؟؟؟
براحة علينا
قال بتعرف السحلية قال
بعدين بالمناسبة عيوني دي تعبانة كده عشان في اللحظة دي أنا قاعد في حفلة أنا العملتها .. بالتالي أنا اللي جهزت ليها كل شيئ .. و كنت تعبان راجع من قسم النظام العام عشان أطلع تصريح و طبعا أجمل مافي الأمر انهم عاكسوني في الاجراءات و سرقوا قروشي .. ما عندي حق أتعب و أكون ما قادر أفتح ؟
و اليوم القبليها ما نايـــــــــــــــم .. و الصورة دي في السودان في الصيف .. يعني أي شيئ كان ضدي
مودك
|
Post: #43
Title: Re: قال شيخ ابوحراز قال
Author: EXORCIST7
Date: 01-08-2003, 11:40 PM
Parent: #37
أخى مودك
أسف على الإتهام بالخلجنة وبعدين وكت إنت تعبان ليه تعلق لينا صورة زى دى
لكن ظاهرك يدل على النعومة وليست الغبوشةيعنى بعد سنتين سوف تصير شئ أخر أعمل حسابك يامودى
|
Post: #45
Title: Re: قال شيخ ابوحراز قال
Author: Modic
Date: 01-09-2003, 00:06 AM
Parent: #43
EXORCIST7
يا زول يا لذيذ
شكرا علي صراحتك .. لكن أسمح لي اسألك سؤال بسيط .. هل من الصحيح اننا نحكم علي الناس من خلال شكلهم ؟ .. طبعا أنا متأكد انو اجابتك حتكون النفي و يمكن دي مشكلة عند جميع السودانيين و أنا من بينهم ..انهم بيحكموا أحيانا من خلال المظهر و الحته دي الطيب صالح اتكلم عنها ..
خليني أحكي ليك موقف حصل لي : مشيت حته في الجزيرة في الحصاحيصا .. جنب أربجي .. عندي نسايب هناك و ناس عزيزين علي شديد ..المهم أول أيامات كانت نظرات الاستهجان مزهجاني و التعليقات من قبيل عاينوا الحنكوش ده و السخرية البدون سبب ما مدياني الدرب .. بل وصلت لحد اني اتضاربت مع زول عشان استفزاني بي شكل مهين .. لكن فيما بعد الجميع أحبوني لسبب بسيط .. اني قدرت أكون منهم و فيهم .. يعني بالصباح بشرب معاهم الشاي باللبن المقنن .. بعداك بطلع ألف و أزور الناس .. بعداك بالعصر بنديها ونسة و كباية شاي أو قهوة مع ناس الحلة بعداك في الليل العشا بوش من الدكان بناكلو و نحن قاعدين في الواطة و بعدها شيشة في القهوة .. قعدت معاهم حوالي اسبوع بعداك سافرت
هل تصدق انو اول امبارح كنت بتكلم مع زول .. قال لي مشينا رحلة والناس كلهم بيسألوا عنك بالذات الجيكس .. غريبة انت عملت ليهم شنو عشان يحبوك قدر ده ؟
.. قلت ليهو انا ما عملت ليهم شيئ بس اتعاملت معاهم بي احترام فقاموا عرفوا انهم ظلموني .. لكن انا اتعودت اني أتظلم
و بعدين شوقتني لي انو بعد سنتين حيحصل شنو  حترجع الديموقراطية للسودان و أنا حأرجع و أشتغل ممثل ؟ يا ريت
looooooool
بالمناسبة : أنا لوني قمحي .. في الصورة دي لوني فاتح كده عشان الفلاش قريب شديد ..
يا زول تسلم و أشكرك علي صراحتك
أخوك محمد
|
Post: #50
Title: Re: قال شيخ ابوحراز قال
Author: EXORCIST7
Date: 01-09-2003, 09:32 AM
Parent: #45
أخوى يا محمد
يظهر إنو عندك مشكلة فى حرف الذال على العموم لو كانت عندك لوحة مفاتيح
Keyboard
بالإنجليزى أطلع فوق محل الأرقام ثانى مفتاح من اليمين هو حرف الذال، المهم لو غلبك أى حرف طبظ فى المفاتيح وسوف تجد الإنت عاوزه
أحيانا الظاهر يدل على الباطن والجواب من عنوانه والظاهر هو مرأة للباطن والمتابعة فى الظاهر تورث المتابعة فى الباطن لذلك نهى النبى صلى الله عليع وسلم عن متابعة الكفار فى ظاهر ملبسهم حتى لا نتبع عاداتهم وأخلاقهم بل قال لتتبعن الكفار حتى لو دخلوا جحر ضب لدخلتموه !!! بل نافسناهم فى جحر الضب !!! وأنظر الأن الى حال المسلمين تابعوا الكفار فى كل شئ فكنا قريبين منهم وبعدين عن لب الدين
أما معرفة الناس من ظاهرهم فهذا يحتاج الى فراسة بكسر الفاء وإتق فراسة المؤمن فإنه يرى بنور الله
سيدنا عثمان إبن عفان رضى الله عنه كان جالسا فدخل عليه رجل فقال له عثمان يدخل أحدكم على وأثر الزنى فى عينيه فاحتار الرجل وقال له كيف عرفت ذلك وكان الرجل قبل أن يدخل على عثمان نظر إلى إمراة بشهوة فكان هذا هو السبب والعين تزنى وزناها النظر
أخوى مودى كفاية كدا ونواصل مرة قادمةوالسلام
|
Post: #51
Title: Re: قال شيخ ابوحراز قال
Author: Modic
Date: 01-09-2003, 09:45 AM
Parent: #50
شكرا علي التنبيه لكن أنا كتبتها كده عشان في اللهجة السودانية ما بننتبه لي الفرق بين حرف ذ و حرف ز .. أطلع فوق شوية حتلاقي اني صلحتها يا لذيذ
و شكرا برضو علي الموعظة الجميلة .. و الفراسة دي ما أظن انو الصور تصلح اننا نحكم بيها علي الأشخاص
يعني لو قابلتني و شفت طريقة كلامي و طريقة تعاملي يمكن كان حيكون عندك رأي تاني .. عندها كان ممكن فراستك تصدق
علي كل يا زول سعيد أنا بالتواصل معاك ... و مصير الحي يلاقي
تسلم و نتواصل
محمد
|
Post: #36
Title: Re: قال شيخ ابوحراز قال
Author: ابوحراز
Date: 01-08-2003, 06:46 AM
Parent: #31
مودك
EXORCIST7
طبعاً يامودك كنت عاوز اعمل ليك الوصفة
لكن صاحبك دا نط فيها وماخلى حاجة نعالجك بيها
اداك أحمر على اصفر
بعدين الصورة دي حقتك وللا عاوز تخمنا بيها بس ؟؟
تصدق انا زهجان من صورتي دي
تعرف كان عندي صديقي وسيم جداً طبعاً انا نهائي مابحب امشي معاه في الشارع
تعرف ليه ؟؟
لأنو الجن الخشن بعاينوا فيهو هو بس
وانا بس زول كتاحة بس
تعرف فات علي اني أضع صورتو في مكان صورتي
واشيل صورتي المهببة دي ارميها في اقرب كوشة
|
Post: #38
Title: Re: قال شيخ ابوحراز قال
Author: Modic
Date: 01-08-2003, 08:44 AM
Parent: #36
يا أبو حراز
لو كان صحبك داك وسيم ..
انت الوسامة ذاتها
أجمل شيئ انو الزول يكون عندو شكل خاص بيهو .. ما يكون في أي زول تاني بيشبهو .. و انت عندك الميزة دي
بالتالي انت الوجاهة ذاتها
و تسلم يا وجيه .. لكن أنا برضو مصر ترسم لي علامة المريخ و ترسلها لي .. للذكري بس .. يعني ما حجاب
مودك
|
Post: #39
Title: Re: قال شيخ ابوحراز قال
Author: ابوحراز
Date: 01-08-2003, 09:09 AM
Parent: #38
مودك
صاحبك اشتغلك
قال ليك ما بتعرف السحلية 00 تستاهل
انتي تعرف بت عمي كانت في الامارات 20 سنة
بتها الكبيرة ولدوها هناك
وماجات السودان الا بعد 10 سنوات
البت نامت طبعاً في الحوش
وكالعادة جات مطرة
وهاك يا رحيل
قامت دخلت جوة مع الجماعة
بعد شوية البنية صحت لقت الغنماية راقدة معاهم جوة في البيت
قامت قعدت تبكي وصحت حبوبتها من النوم
وقالت ليها : ليه يا حبوبة الغنماية ما اديتوها سرير
اها شوف ليك سرير للسلحفاة دي
بعدين وجاهة شنو ووسامة شنو العاوز تلصقها فيني دي
والله نحن تاني ماننفع الا تشليح
تشليح دي بتعرفها ؟؟
طبعاً في السعودية هنا هي قطع الغيار المستعملة
|
Post: #40
Title: Re: قال شيخ ابوحراز قال
Author: Modic
Date: 01-08-2003, 09:42 AM
Parent: #39
يا زول ما تقول عن نفسك كده ... عارف انت ما بتنفع تشليح عارف ليه ؟
لأنو ما حيلاقوا زول زيك تطابقو قطع غيارك .. لأنك زول متفرد يا أبو حراز
بت عمتك دي ذكرتني بي بت خالتي
جات السودان .. سألتني قالت لينا عندكم هنا حرامية ؟
قلنا ليها كتيــــــــــــــــــر
المهم نامت معانا في الحوش و هي خايفة .. ترجف
علي حظها الجميل عارف قام حصل شنو ؟؟
في أثناء ماهي نايمة نطت الكديسة من رأس البيت في بت خالتي ..طبعا افتكرتو الحرامي
و ما حأديك تفاصيل لكن أعرف اننا خفنا تجيها سكته قلبية
بعدين صاحبي ده اشتغلني انا بالذات ليه ؟؟ ما انت برضو يا ابو حراز ود الخليج ولا أنا غلطان
loooooooooooool
مودك
|
Post: #33
Title: Re: قال شيخ ابوحراز قال
Author: abas
Date: 01-07-2003, 07:05 PM
Parent: #1
ابو حراز اخوي احسن ليك تخلي البتسوي فيه ده
انا لو رسلت لي جدودي في ابوحراز الاصليه انت عارف البيحصل ليك شنو بقول ليهم انك شغال بي اسمهم في السعويه والله ابوشراء لاتلقي ولا مره واحده تعرسك احسن ليك ناس سكرا والشباب ديل حناكيش ما تغشهم
|
Post: #34
Title: Re: قال شيخ ابوحراز قال
Author: ابوحراز
Date: 01-07-2003, 07:32 PM
Parent: #33
الأخ عباس
طبعاً انا الداخلية الكنت فيها
كان اسمها شيخ دفع الله
بالمناسبة كان فيها اخونا محمد الكبير الكتبي
لكن طبعاً كان قدامنا بفترة
وماتتصور يوم الجمعة طبعاً بنمشي نزور زي مابقولوا
انا طبعاً كنت بمشي عشان آخد انطباعات وبسجل ملاحظات كتيرة في دفتري بتاع الزراعة
طبعاً يوم استاذ اسمو عبد العظيم بتاع نيماتودا او الأمراض التي تصيب الجذور
دا فتح الدفتر لقى فيهو بلاوي
بعدين بيني وبينك وماتكلم اي احد
انت عارف الكلية ناشفة ومافيها الا بت واحدة في المعمل
اها بنمشي يوم الجمعة عشان نجدد عيونا شوية ومايصيبها الطشاش
بيني وبينك في حاجات ظريفة جداً بتجي من مدني وماحولها
قال شيخ ابو حراز قال
|
Post: #41
Title: Re: قال شيخ ابوحراز قال
Author: الجعلي
Date: 01-08-2003, 10:34 AM
Parent: #1
العزيز أبوحراز
عاوز أحكي ليك هذه القصة الطريفة التي حدثت لي ومعي بعض اصدقائي
وكنا في ذلك الوقت بندرس في مدرسة النموذجية بأمدرمان الإبتدائية ،
وكان عندنا أستاذ عربي الله يطراه بالخير إن كان حي ويتولاه برحمته إن
مات ، المهم الأستاذ داك كان معذبنا عذاب الموت ، وكنا بنكرهوا
وبنخاف منه شديد ، وكان عندي صاحبي قال لي : إنت تعرف أستاذ بابكر
ده كل يوم بيجلدنا ، تعال نمشي لشيخ عبد الله وهو جار لنا في الحلة
ومشينا ليه وقلنا ليه : عندنا أستاذ معذبنا عذاب الهدهد ولازم تعمل
لينا حاجة ، علشان ما يجلدونا ، وفعلا شيخ عبد الله عمل لينا حجاب
وقال لينا : تاني استاذ بابكر ده كلو كلو مابيجلدكم .. وفعلا شلنا
الحجاب ومشينا المدرسة وعثنا في المدرسة فساداً وهرجلة قلنا عاوزين
الحجاب ، وقاموا ودونا ليك لأستاذ بابكر ، والله يا عثمان اليوم داك
جلدونا ليك جلد لا يمكن تتخيلوا ابدا ، وكان الجلد أحر من كل الجلد
السابق ، وطبعا زعلنا شديد وعندما رجعنا الحلة آخر اليوم ، قمنا
رجمنا ليك بيت شيخ عبد الله بالحجارة جزاء بما فعله بنا
وقاموا ناس الحلة اتلموا وسألونا السبب شنو
لكن خجلنا نقول ليهم السبب
ومن اليوم داك بقيت مابصدق ليك الشيوخ دييل
فحسع انت آخر عمرك عاوز تبيع الموية في حارة السقايين
قال شيخ ابوحراز قال
الجعلي
|
Post: #42
Title: Re: قال شيخ ابوحراز قال
Author: ابوحراز
Date: 01-08-2003, 11:59 AM
Parent: #41
مودك
يا اخوي بتكبر لي في راسي مالك
الجعلي
اها مودك والجعلي شوفوا الشيخ دا كيف الناس بتحبوا
قال ليك واحد مرضان كوتشينة
كلما يكون قافل بنهم الشيخ حقو ينجدو ويفزعو
اها مرة مزنوق زنقة بطالة جدا
ولو طلعوه مافي حجوز ليهو الا بكرة
وصاحبكم كان قافل ليهو على شايب اسود
طبعاً واحد من الشياب كان واقع والباقي واحد بس
اها بنهم في الشيخ وبنده فيهو
ياشيخي تجيب لي شايب اسود
ياشيخي تجيب لي شايب اسود
فجأة قعد يضحك
الجماعة القاعدين منتظرين برة قالوا ليهو اها جريت الشايب وللا شنو ؟؟
قال ليهم جريت الشيخ ذاااااااااتو
طبعاً جرّ الجوكر
|
Post: #46
Title: Re: قال شيخ ابوحراز قال
Author: solara
Date: 01-09-2003, 00:37 AM
Parent: #1
اسمع انا بتعامل بالفيزا كارداها الكلام ده كيف معاك..وجع مش
يلا يا بوووي ورينا شطارتك ....عشان بعد ده نقوول ليك...
اب حراز المحايتو بيبسي .......وحوارووو جكسي.......اها قصرته
سلام شديد لكل الناس المزنوقين و محلاتم ما شغاله و عزابه لسه..
يا بــاروني.(محمد)...امتحاناتك كيف ماشي و لا........امسك في
اب حراز ده و ادي دقني زي ما بقولو كما.........كما....مشيت لقدام
تحياتي
Solara...
|
Post: #49
Title: Re: قال شيخ ابوحراز قال
Author: Modic
Date: 01-09-2003, 08:00 AM
Parent: #46
سولارا
الامتحانات تمام شديد .. تسلمي علي السؤال عني
نسأل عنك في ساعة خير
محمد
|
Post: #47
Title: قال شيخ ابو حراز
Author: mohmmed said ahmed
Date: 01-09-2003, 06:31 AM
Parent: #1
يا ابوحراز انت كان شيخ كارب كان طلعتا ليك عرق محبة وكان عرستا فكيت بورتك الطبقت الافاق دى
بعدين الشيوخ الايام دى فى ركب الحداثة بقو يعملو حاجات عجيبة يعنى قبل كم يوم قريت اعلان ضحكنى هنا فى جريدة خليجية قال شنو
اولاد حاج الماحى فى عروضهم الختامية بالنادى السودانى والله انا خايف يعملو فديو كليب
|
Post: #48
Title: Re: قال شيخ ابو حراز
Author: ابوحراز
Date: 01-09-2003, 07:26 AM
Parent: #47
سولارا
محمد سيد أحمد
ماقادر امسك نفسي من الضحك
طبعاً بمناسبة المداح اكيد قريتو فوق الزول السرق صحن المداح الكان مليان قروش
اها لمن الراجل خطف الصحن بي قروشو
المداح الثلاثة سكتوا من المديح
وجروا ليك وراء الزول الخطف الصحن دا
طبعاً مالحقوه لأنو كان متغطي بي ملاية وكب الزوغة
بعد شوية جاء واحد للمداح وماكان عارف حكاية الصحن دي
قام قال ليهم
عليكم الله أمدحوا لينا مدحة شفيع الأمة
قام واحد من المداح قال ليهو
الأمة وين العانيها انت دي
اياه دي امتكم البتخطف القروش وتجر دي
قال أمة قال
|
Post: #52
Title: Re: قال شيخ ابو حراز
Author: Elkhawad
Date: 01-09-2003, 11:55 AM
Parent: #48
شيخي ابور حراز
شــــــــــــــــي لله
|
Post: #53
Title: Re: قال شيخ ابو حراز
Author: ابوحراز
Date: 01-09-2003, 12:03 PM
Parent: #52
الخواض
صد لي ملامحك يا حراز
دايرين تاكلونا حنك ساااااااكت
الحراز دا الجابو هنا شنو
كلما افتح توقيعك دا بتخلع
اقول يمكن واحدة بتسأل عني
قال شي لله قال
نحن مفتكرنا بنوزع لالوووووب
نحن ننجدك ونفزعك ونلحقك وننجضك كمان
باقي التحلية بس
|
Post: #54
Title: Re: قال شيخ ابوحراز قال
Author: almulaomar
Date: 01-09-2003, 01:48 PM
Parent: #1
الأستاذ الكريم أبا حراز
عفواً الشيخ أبا حراز لأن الشيخ في اللغة هو من شيخه العلم أو الزمن وكلاهما ينطبق عليك تمام الإنطباق فلن نستهين بعلمك ولا عمرك المديد بإذن الله ، كما أن الشيخ في الخليج كرش وفلوس وجضوم ولمعه في البشرة وبسطة في الجسم فأحسب أنك كذلك وإن كانت صورتك الموجودة في البورد أخذت من الجو وربما في عام 1960 للميلاد ، ولندع كل هذا جانباً ونعود للب الموضوع والذي يتمثل في إدعائك بأنك أصبحت من أولياء الله الصالحين وأنك تكشف المستور وتقرأ الكف وتفوق الوداعيات وتتألق في عملية البخرات والحجبات والمحايات ويقني أخي الكريم أنك أوردت نفسك مورد تهلكه فأعلم أصلحك الله أنك مطلوب منك الكثير وبخاصة في مجتمع مثل مجتمعنا وأمة كأمتنا كلها إبتلاءت ومشاكل لا حصر لها فالمغترب يريد أن يعود من غربته وهو أكثر صحة وأكثر وسامة وأكثر مالاً وأكثر قرضمة ربما ، ولا كرش له ولا صلعة ولا عرق نسا ، والذين هم في السودان ما أنفكوا يلهثون خلف الإغتراب بأى طريقة كانت ومع يقينهم بأن بلاد الغربة لم تعد تلك الجنة التي وعد الله بها عباده السودانيين إلا أنها تظل حلماً وإستجارة وهروباً وتحقيقاً لقولتنا المأثورة بأن حلم الجعان عيش حتى لو كان عيش تجاري. وهناك الذي يريديون الزواج وهناك الذين يريدون الفكاك منه ، وهناك الذين يشكون الفقر وهناك من يشكو العقم وآخرون كثرة الأولاد وقلة المال ، إنها مصيبة ومشاكل وشربكة لا قبل لك بها ، فإن آمن بك البعض وأتبعتك البعض فهم من منطلق الغرقان إتمسك بي قشة ، إلا أنهم وبمجرد أن ينكشف لهم زيفك سوف يثأرون لأنفسهم ودنانيرهم ووقتهم وأحلامهم التي ذهبت أدراج الرياح وما أصعبها من لحظات وما أقساه من إنتقام.
|
Post: #55
Title: Re: قال شيخ ابوحراز قال
Author: ابوحراز
Date: 01-09-2003, 04:55 PM
Parent: #54
الملا عمر
عندما ذكرت لك سابقاً أنني كتبت حزمة أمل
كنت اسخر فيها جداً من هذه التصرفات
واتمنى ان يسعفني الوقت يوماً ما لأرسم اليكم لوحتي المتواضعة هذه على البورد
انني اتألم كثيرا لهذه المظاهر
ويكفيك ياسيدي ذلك الجهل المستشري الذي جعل صديقي هذا يعطيني 50 ريال لمجرد انني رسمت له نجمة من نجوم المريخ
وأخالها انها نجمة لم تكن مضيئة عندما رسمتها له
هناك شيخ بجوارنا هذا يسمونه بلغتهم انه يدي الجنى
اي يمنح الولد
ولكل سعره
للولد سعر
وللبنت سعر
ولايدري الآخرون أن الاستنساخ عندنا ولكن بطريقة ما
اطرف مافي الموضوع
ان الشيخ عقيم ولاينجب
شوف كيف مقدار الكرم عندنا
|
|