Post: #1
Title: ما الذي يشدكم ويجذبكم لقراءة بوستات بورد سودانيز اون لاين ؟؟؟
Author: ابوحراز
Date: 02-26-2003, 09:06 AM
Parent: #0
ياجماعة خلونا الليلة من حكاية العرس وشهر العسل والفندق 00
ما الذي يشدكم لقراءة البورد
هل العنوان ؟؟
الكاتب / الكاتبة ؟؟
ام هي ميولكم سواء كانت أدبية أو علمية او ثقافية او رياضية
سمعت أحدهم يتهم قراء بورد سودانيز اونلاين
بانهم يقرأوون لأشخاص معينين
أي انهم يهمهم في المقام الأول اسم الكاتب او الكاتبة بغض النظر عن الموضوع ومضمونه
لا أدري حتى اللحظة على ماذا بنى هذا الإتهام ؟؟
من ناحيتي
فإن اهم مايشدني عنوان الموضوع
وبصراحة أحيانا الكاتبة
وخاصة تلك التي تكون صورتها نازلة بالبوست
انشاء الله بتكتب عن اللالوب 00 لايهم 00 طبعاً بهظر ياجماعة
طبعاً البوستات الخاصة بتهتدون وترجعون وتمرحون وهلمجرا 00 دي مابفتحها نهائي فيكفي قناة الجزيرة وكمان الحكاية جابت ليها العربية
واي بوست فيهو هلال ومريخ وكاب الجداد وبوركينا فاسو بفطو زي السطر حتى لو كاتباه نيكول كيدمان ودوريس بعيني ورولا على الهواء
طبعاً أحياناً يشدني العنوان بقوة
ولكن عندما افتحه أجده زي أزيار سوق ابوعشر
اشتريت مرة ازيار من هناك
بس اللوري اول مانزل من الكبري
تقول بس بسكويت 00
اتهرسن حتة حتة
اها ياجماعة بصراحة ماذا يشدكم في بورد سودانيز اونلاين
اوعا واحد ينط ويقول لي خطيبة ابوحراز
اليومين ديل أخلاقها في نخرتها عندها ملاريا
قال شهر عسل قال
|
Post: #2
Title: Re: ما الذي يشدكم ويجذبكم لقراءة بوستات بورد سودانيز اون لاين ؟؟؟
Author: almohndis
Date: 02-26-2003, 11:59 AM
Parent: #1
اخوى
ابواحراز
مسالةالشد حاجة نسبيه فى البورد
كل شخص عنده بوستات بميل عليها
عموم البوسات السياسية لنه الجرائد مشبعانه
عشان كدي فى المنبر بنفطها فى اشخاص فى المنبر شبه
متخصصين وفى ناس كل يوم يكتب فى موضوع
واحيانا بيكون فى مزاج وقت بتقراء من طرف
لكن لما تكون ما عندك وقت بتختار الموضعات
من خلال من الذى كتب ولكن كم مرة اخترحنا تقيل الموضاعات
النازله عشان الزول اقدر اقراء كل الموضاعات
بينى وبينك فى ناس عنوانين زى جريدة الدار
لكن الموضوع عادى ولن عودة
|
Post: #4
Title: Re: ما الذي يشدكم ويجذبكم لقراءة بوستات بورد سودانيز اون لاين ؟؟؟
Author: ابوحراز
Date: 02-27-2003, 01:36 PM
Parent: #2
almohndis
اتفق معك بأن هناك عناوين للبوستات شبيهة بعناوين جريدة الدار
وكما قلت لك فإن البوست عندما تفتحه تجده مثل ازيار سوق ابوعشر
|
Post: #3
Title: Re: ما الذي يشدكم ويجذبكم لقراءة بوستات بورد سودانيز اون لاين ؟؟؟
Author: Raja
Date: 02-26-2003, 03:32 PM
Parent: #1
العزيز أبوحراز
تحية وسلام
ما شدني لموضوعك هو العنوان، واعتقد ان هذا هو العامل الرئيسي الأول لأنه يشبه البرواز الذي يقود للصورة، ونحن في الصحافة يشكل لدينا العنوان نصف الخبر أو الموضوع وهو ملخص عما كتب
لذلك فإن أول ما يشدني لرسالة البورد هو العنوان، ثانيا الاشخاص الذين أعرفهم ولي منهم زمن طويل وهذا بالمناسبة ما حدث لي فقد التقيت بأصدقاء فرقت بيننا الحياه ومشاغلها منذ أكثر من عشرة أو عشرين عام(انا اكبر من عشرين بشوية) وثالثا الأسماء الغريبة زي أهل العوض ، وبوب وزولة وغيرهم
رجاء
|
Post: #5
Title: Re: ما الذي يشدكم ويجذبكم لقراءة بوستات بورد سودانيز اون لاين ؟؟؟
Author: ابوحراز
Date: 02-27-2003, 01:39 PM
Parent: #3
Raja
فعلاً يمثل العنوان دور رئيسي وبوابة مهمهة للولوج للموضوع
ولكن اعتقد بعض الجرائد أن همها الأول التوزيع
لذلك تلجأ لإختيار عناوين فضفاضة
اما البورد ففي رأيي يجب ان يتناسب العنوان مع المضمون
|
Post: #6
Title: Re: ما الذي يشدكم ويجذبكم لقراءة بوستات بورد سودانيز اون لاين ؟؟؟
Author: albagir altahir
Date: 02-27-2003, 02:23 PM
Parent: #1
والله كلامك صح تلقي العنوان وبي جوة تلقي الموضوع زي ازيار ابو عشر او ازيار كومي
لكن بينك وبينك البورد برضو فيهو شلليات شيلني واشيلك تلقي الموضوع الردود حقتو اتعدت المئات تمشي عليهو تلقاهم اتنين يلعبو في كورة المضرب عشان يثبتو الموضع في الصفحة الاولي ولا شنو ما عارف
|
Post: #7
Title: Re: ما الذي يشدكم ويجذبكم لقراءة بوستات بورد سودانيز اون لاين ؟؟؟
Author: ابوحراز
Date: 02-27-2003, 09:42 PM
Parent: #6
albagir altahir
لك التحية
حكاية شيلني وبشيلك دي واردة
اها تعال نشيل بعض عشان نرفع البوست دا فوق
لكن طبعاً كثير من الإخوان بيقولوا قراءة البورد والمواضيع بصورة عامة بتتوقف على الذوق والمزاج
كمان قرأت في ردود سابقة ان ميول الناس هي التي تمنحهم تأشيرة الدخول للبوست
وهناك انتقادات كثيرة تقول أن المواضيع او البوستات الغير جادة تجد رواج كبير لدى غالبية القراء
|
Post: #8
Title: Re: ما الذي يشدكم ويجذبكم لقراءة بوستات بورد سودانيز اون لاين ؟؟؟
Author: solara
Date: 02-27-2003, 09:45 PM
Parent: #1
..
.
الموضوع+الاسلوب حتى لو كان الموضوع متكرر لكن اذا طريقه العرض مختلفه برضو بقراهو.....
لكن ما اظن بقرا على حسب الكاتب او الكاتبه.......
تحياتي
Solara...
|
Post: #9
Title: Re: ما الذي يشدكم ويجذبكم لقراءة بوستات بورد سودانيز اون لاين ؟؟؟
Author: ابوحراز
Date: 02-27-2003, 09:58 PM
Parent: #8
solara
لك التحية سولارا
اتفق معك فيما هبتي اليه
ويجب علينا النظر الى الأسلوب دون النظر الى كاتب الموضوع
مع احترامي للذين يقرأوون لكاتب او كاتبة
كثيرون يؤيدون رايك ويتفقون معه
ان العنوان هو أحياناً يحرضنا على فتح البوست وقراءته
|
Post: #10
Title: Re: ما الذي يشدكم ويجذبكم لقراءة بوستات بورد سودانيز اون لاين ؟؟؟
Author: solara
Date: 02-28-2003, 06:11 AM
Parent: #1
..
.
الحاله النفسيه برضو ليها دور........زي ما قلتو المزاج يعني
|
Post: #11
Title: Re: ما الذي يشدكم ويجذبكم لقراءة بوستات بورد سودانيز اون لاين ؟؟؟
Author: ابوحراز
Date: 03-01-2003, 06:18 AM
Parent: #10
بوستي دا مالو باير كدا
بس الواحد مايغيب منكم شوية
يلقاكم غتستوا اي حاجة
قال يشدكم قال
|
Post: #12
Title: Re: ما الذي يشدكم ويجذبكم لقراءة بوستات بورد سودانيز اون لاين ؟؟؟
Author: عكسو
Date: 03-01-2003, 01:52 PM
Parent: #11
بصراحة شديدة انا شخصيا بدخل البورد دا عشان أقرأ لناس معينين أمثالك وناس قرشو والملاعمر وبعض الحلوين ولايهمني أسم الموضوع كثيرا بالرغم من انه يهمني مضمون الموضوع.
ولك تحياتي
عكسووووو
|
Post: #13
Title: Re: ما الذي يشدكم ويجذبكم لقراءة بوستات بورد سودانيز اون لاين ؟؟؟
Author: ebrahim_ali
Date: 03-01-2003, 05:31 PM
Parent: #12
ابوحراز ياخي انت وين غاتس بقيت ذي بوستاتك المغتسة لجوه دي
اول حاجة ضربت ليك تلفون وما في زول بشيلوا بس ما يكون نقلوك مكان تاني ..قلنا وقت ما بتسال نسال منك نخسر كم ريال كده برغم انو الواحد جاي من السودان ابيض مرة واحدة
ياخي افتكرنا ولو مرة واحدة تحياتي لك ياغالي
|
Post: #14
Title: Re: ما الذي يشدكم ويجذبكم لقراءة بوستات بورد سودانيز اون لاين ؟؟؟
Author: ابوحراز
Date: 03-02-2003, 06:18 AM
Parent: #13
عكسو
كيف بالله الفلبينية
قبل سنة مشيت ابوعشر لقيت لي واحدة فلبينية سائحة في سوق ابوعشر
تعرف دي اشترت ليها ازيار وعناقريب
قلت اوعا تكون جايباها تبيعها في الكرنتينة
بعدين ياخي مالك ومال قراية الناس العجايز ديل
عمو قرشو والملا عمر
والله اتوقعك اول ماتشم ليك بوست فيه بس ريحة زواج توووووووش تدخل فيهو
قال عمو قرشو قال
ابراهيم
والله بالغت عديل
تمشي تعرس بدون ماتكلمنا
اها عرست في الخرطوم وللا رفاعة
بس ماتقوم العروس تقرا الرد بتاعي دا تقول ليك انت كنت خاطب في رفاعة وللا شنو
اول شيء مبروك على الزواج
صدقني لو عارفك جيت كان اتصلت عليك
المهم دا الموبايل
058742931
وارجو انك تعطيني رقمك
لكم التحية
|
Post: #15
Title: Re: ما الذي يشدكم ويجذبكم لقراءة بوستات بورد سودانيز اون لاين ؟؟؟
Author: BASHKA
Date: 03-02-2003, 06:55 AM
Parent: #14
والله يا ابوحراز انا بجي هنا وبقرا مواضيع اشخاص بعينهم
ابوحراز
قرشو
اهل العوض
ودعزة
ديك الحن
تماضر
حبيب الكل
كولا
الخواض
وطبعا اي بوست في انشاء الله ريحه جكسويه بدخل توووش فيه
بس بيني وبينك جكس البورد ديل الغالبيه العظمي فيهم شينات
الله يكضب الشينه ساي
بدون زعل يابنات
لوووووووووول
|
Post: #16
Title: Re: ما الذي يشدكم ويجذبكم لقراءة بوستات بورد سودانيز اون لاين ؟؟؟
Author: Habib_bldo
Date: 03-02-2003, 08:42 AM
Parent: #15
ابو حراز يا أخوي الحكاية خشم بيوت
والبوستات دي زي حلة الملاح ناس نفسهم حلو
وناس نفسم خليه بيني وبينك
وطبعاً حب الناس مذاهب ولولا إختلاف الاذواق لبارت السلع
يعني يا أبوحراز إذا ختيت صورتك برة مكان عنوان البوست ما كنت لقيت ولا واحد يخش بوستاتك
وعلى كل حال لكل مقام مقال
والموضوع الجاد بيجد المشاركة والاهتمام أما الزبد فيذهب جفاءً
بعدين خفة الدم والكاتب وعنوان البوست طبعا مهم للغاية
والحالة النفسية ليها دور برضو
وما أطول عليكم
|
Post: #18
Title: Re: ما الذي يشدكم ويجذبكم لقراءة بوستات بورد سودانيز اون لاين ؟؟؟
Author: ابوحراز
Date: 03-02-2003, 10:21 AM
Parent: #15
BASHKA
اول شيء ديك الجن دا اشترى ملابس العيد للسواسيو وللا لسه
بعدين شنو ماخليت ليك زول
قال ابوحراز قال
عشان بكتب في العرس
هسي لو كتبت ليكم عن مشاكوس ودافوس
تجري من هنا لحدت راس الرجاء الصالح
والله انا عموماً بجذبني العنوان
وبصراحة لو كان عنوان الموضوع فيهو خطأ مطبعي
برفع ضغطي زي ماقال اهل العوض
رغم انو البوست قد يكون ظريف جدا
بس عاوز ازيدك من الشعر بيت
هؤلاء الذين ذكرت انك تقرأ لهم وترتاح ليهم
لايمثلون سوى ربع قطرة من محيط المبدعين في البورد
ولك التحية والتقدير
انت يا أخوي معرس وللا لافي زي اخوك كدا ؟؟
قال جيكس قال
|
Post: #17
Title: Re: ما الذي يشدكم ويجذبكم لقراءة بوستات بورد سودانيز اون لاين ؟؟؟
Author: Ahlalawad
Date: 03-02-2003, 09:03 AM
Parent: #1
الكترابل ... ما خلو شي نقولوا ..
على العموم ، العنوان مهم وأداة جذب ممتازة (تحير الفيل) لكن بعض العناوين يكون فيها خطأ مطبعي ويكون موضوعا لذيذ ، دي بتعمل للواحد ارتيكاريا .
الشللية موجودة ومعترف بها .. يقوم يطلع لينا واحد بجيش تحرير امبكول ..كمان
المواضيع الجادة (سياسة ، دين ، سلوك اجتماعي ، أدب) بدخلها وروحي في نخرتي .. لكن لازم أدخلا .. (مرض تقول شنو ، شفانا الله والجميع) .
المواضيع الخفيفة دي طبعا دايما في أول الصف .
الغنا بندخلو برضو .. الله يخلي الخواض وقديما ود عزة والصادق وكبروص وتغريد ومن لف لفهم
يا اب حراز – شيلني وبشيلك ، وهذا هو سبتنا – بعدين كتبت تلفونك لي شنو؟ ما خايف الخطيبة تشوفو قبل ما تطير هي الأخرى ؟
|
Post: #19
Title: Re: ما الذي يشدكم ويجذبكم لقراءة بوستات بورد سودانيز اون لاين ؟؟؟
Author: ابوحراز
Date: 03-03-2003, 11:25 AM
حبيب بلدو
اهل العوض
لكم التحايا على المشاركة
ويبدو لي ان الغالبية العظمى متفقة على ان العنوان كثيراً مايشكل عامل جذب للبوست
بالنسبة للموضوعات الخفيفة فعلا نحن في حالة جوع اليها
خاصة وان ارهاصات العمل وكوابيسه هي التي تدفعنا لأن نخفف ولو قليلاً عن انفسنا
التلفون كتبناه لإبراهيم علي
ولكنه ربما اوجس منا خيفة
وكأنني اتيت اليه بعجل حنيذ
|
Post: #20
Title: Re: ما الذي يشدكم ويجذبكم لقراءة بوستات بورد سودانيز اون لاين ؟؟؟
Author: ensana
Date: 03-03-2003, 12:41 PM
Parent: #19
انا بالنسبة لي البشدني لبوست معين العنوان+ الحالة النفسية البكون فيها+بعض الاشخاص الكتابتهم بتعجبني+الفضول مثلا زول جديد ممكن ادخل اشوف اسلوب كتابتوا او كتابتها كيف
بعدين البورد كلو عامل لي حالة ادمان كدا عجيبة و ما بخليك تدخل سايدات تانية غالبا لانو معظم الوقت هنا و ما انا براي ..انا و الوالد ..يعني لمن يقعد في الجهاز بقعد يقرى في البورد لساعات و ممكن ما يقوم منو الا اذا ادعيت اني عندي برنامج دايرة اشتغل فيهو في الكمبيوتر
هي الالفة غالبا البتجذبنا للبورد و الناس و اي حاجة
|
Post: #21
Title: Re: ما الذي يشدكم ويجذبكم لقراءة بوستات بورد سودانيز اون لاين ؟؟؟
Author: ابوحراز
Date: 03-03-2003, 05:18 PM
Parent: #20
انسانا
لك التحية
فعلاً هناك الفة غريبة بهذا البورد
وكاريزما خاصة جداً
هناك ادمان بكل ماتحمله الكلمة من معاني
صدقيني
بت أصاب بصداع حاد في اليوم الذي لا افتح فيه البورد
وحتى أنني كنت سابقاً أدخل منتديات كثيرة
ولكن تركز الآن كل جهدي وتفكيري في هذا البورد
اصبحت هناك الفة خاصة
وطعم خاص ونكهة خاصة
بل أصبحنا جميعاً أسرة واحدة
وأمل واحد
بل وفصيلة دم واحدة
هنا في هذا البوست
يشتم الواحد منا رائحة السودان وعبقه وأصالته
لهذا نشعر بأن مشيمتنا قد انقطع جزء منها في هذا البورد
فهنيئاً لنا جميعاً هذه الإلفة
|
|