Post: #1
Title: ست النفر زعلانة عشان سواق الرقشة قال ليها وحات عينيك فكة ماعندي
Author: ابوحراز
Date: 08-13-2003, 07:39 AM
الرقشة
وكرسي الشهيد
وأمجاد
وهي لله هي لله
وتهتدون وتصومون وتعتكفون وتتمكنون وتحجون وتزوغون
اشياء لم تكن من ضمن قاموسنا
فنحن ناس الكومر وابورجيلة والداؤودي والسفنجة { ليه هم سموها سفنجة }
الحبيبة الظريفة الجميلة ركبت الرقشة مشوار خاص
رغم اني طلبت منها لمن تجي الخرطوم يكون معاها اقل شيء ثلاث محارم
النجيضة دي جات براها وقعدت تتحاوم في الخرطوم
اها ركبت مع بتاع الرقشة وقاولها بثلاثة الف
اها ادتو خمسة الف وقالت عاوزة الباقي
قام عاين فيها وقال ليها وحات عينيك ماعندي فكة
قومي يا العربية { طبعاً هي من اهل العوض }
طاااااااااااااااااااااااخ لصقت ليك كف في سواق الرقشة
الراجل المسكين اتخلع
لأنو مامتعود على الشغلانية دي
قال وحات عينيك قال
بالله السنة الفاتت أخذت عربية أخوي وجيت اتحاوم بيها في الخرطوم
وزي مابيقولوا الشلاقة عاقة
ماعارف الجابني في العمارات شنو
قومي ياالظريفة اركبي معاي في السيارة
غايتو جمال عجيب جداً
ولغة اغرب من الخيال
مشت معاي 3 كيلو بس وبعديها نزلت
طوالي ادتني عشرة آلاف وقالت لي خذ خمسة ورجع لي خمسة
بالله من جمالها والخلعة المعششة في نفسي
رجعت ليها الباقي ورجعت ليها العشرة آلاف
شوف بتاع الرقشة دا 00 شال ست النفر وشال الأجرة ولحس الباقي
وكمان شنو 00 عاوز يلحس حاجات تانية
نحن هنا الواحد سنة كاملة مايشوف ليهو واحدة
ولو الظروف ساعدتك وشفتها وكنت عاوز تسلم عليها الا تتوضأ وتقرا دعاء دخول المسجد
اها ياجماعة بتاع الرقشة دا غلطان وللا لا
لو أجمعتوا بأنو غلطان حا افطسو ليكم
|
Post: #2
Title: Re: ست النفر زعلانة عشان سواق الرقشة قال ليها وحات عينيك فكة ماعندي
Author: Ahlalawad
Date: 08-13-2003, 09:16 AM
Parent: #1
أبو حراز
لولا إنو الواحد خايف الحكاية تصل إلى الاقدام على قتل نفس مع سبق الاصرار لقلت ليك إنو بتاع الركشة غلطان ... لكن بيني وبينك .. ست النفر غلطانة .. وإنت غلطان عشان قروشك كتيرة .. ثم إن الركشة بتمشي بي خطوط العرض ، يعني ما بتمسك الدرب عديل .. إتو المودين بالدروب المعولقات شنو؟ . ثم مالم أهل العوض ... أما محن والله
|
Post: #3
Title: Re: ست النفر زعلانة عشان سواق الرقشة قال ليها وحات عينيك فكة ماعندي
Author: ابوحراز
Date: 08-13-2003, 10:39 AM
Parent: #2
أهل العوض
كيف وجدت السودان وأهل العوض
كويس انو بتاع الرقشة وقف لحد العيون بس ولم يكمل النشرة الجوية
قرأت في هذا البورد انو امام مسجد لم يترك في خطبة الجمعة أي شيء
بدأها من الساعة الواحدة حتى الثالثة
تحدث عن الاقتصاد والسياسة ومؤشرات الأسهم وتدني الأخلاق
وبعديها بكل مزاج قال ليهم 00 هيا قوموا الى صلاتكم
ساووا الصفوف 00 اعتدلوا
واحد قال ليهو : علي بالطلاق مانعتدل الا بالمرة تقرا لينا النشرة الجوية
قلت لي الرقشة بتمشي بالدروب المعوجات
الله يسترنا كان كدا
|
Post: #4
Title: Re: ست النفر زعلانة عشان سواق الرقشة قال ليها وحات عينيك فكة ماعندي
Author: almohndis
Date: 08-13-2003, 10:49 AM
Parent: #2
هسع ياابو حراز اخوى
الكف عشان عينيك ولا عشان
نظرية الباقى
افرز
|
Post: #5
Title: Re: ست النفر زعلانة عشان سواق الرقشة قال ليها وحات عينيك فكة ماعندي
Author: ابوحراز
Date: 08-13-2003, 11:47 AM
Parent: #4
المهندس
انا طبعاً قبل كدا ارسلت صورتي لواحدة
وبعدينماشاء الله ارجعتها لي في خطاب وقددت عيوني في الصورة
مش كويس ستالنفر ما قددت عيون سواق الرقشة
|
Post: #6
Title: Re: ست النفر زعلانة عشان سواق الرقشة قال ليها وحات عينيك فكة ماعندي
Author: سمندلاوى
Date: 08-13-2003, 11:56 AM
Parent: #1
اووك اخونا ابوحراز
ازيك ياخى تغيب وتجى بالحاجات اللذيذة
والله ضحكتنى لامن فكتى كملت
لكن مانسيت اللورى ابيض ضميرك داحين؟
تحياتى
|
Post: #7
Title: Re: ست النفر زعلانة عشان سواق الرقشة قال ليها وحات عينيك فكة ماعندي
Author: ابوحراز
Date: 08-13-2003, 12:16 PM
Parent: #6
الله يجازيك ياسمندلاوي
اللوري اناما كتبتو وللا شنو
مرة مشينا المناقل بي كارو
معاي ست النفر كالعادة
سفنجتها وقعت لمن الراجل كان عاوز يعشق للحصان
لأنو الحصان مابقوم بهدواء
فجأة بيقلع زي الطيارة
قال لوري ابيض قال
|
Post: #8
Title: Re: ست النفر زعلانة عشان سواق الرقشة قال ليها وحات عينيك فكة ماعندي
Author: ابو فاطمه
Date: 08-13-2003, 12:21 PM
Parent: #1
هي المركبا الركشه شنو يا ابو حراز
|
Post: #9
Title: Re: ست النفر زعلانة عشان سواق الرقشة قال ليها وحات عينيك فكة ماعندي
Author: motaz
Date: 08-13-2003, 03:39 PM
Parent: #8
الحبيب حروزه
حصلت لي قصه مع الركشه بعد فتره طويله خارج السودان وبعد الرجوع سألت الناس الجديد شنو في البلد الايام دي
اجمع كل الناس على ان الرقشه حديث الجماهير هذه الايام فقررت ان اقوم برحله (رقشيه) في شوارع البلد
وما ان وقف امام (الظلط) الا وجأتني رقشه وكان معي مجموعه من اولاد اهلي على التعترني ركبت مطرف كدا عشان الواحد يقعد يكشف في الشارع للماشي والجاي
وبعد شويه قال لي سائق الرقشه (فك الجزره) طبعا قعدت اعاين يمين وشمال ما شفت جزره ولا عجوره لحدي ما الرقشه توقف عن الحركه
صاحبك كان عايز يديني كف زي ست النفر دي كدا وقال لي انزل ياخي انزل خليني النصلح البتاعه دي وبعدها اكتشفت موضوع الجزره دي وقررت انو تاني ما اركب رقشه الا قدام يا اما اكون شماعه عشان ابعد من الجزره
|
Post: #10
Title: Re: ست النفر زعلانة عشان سواق الرقشة قال ليها وحات عينيك فكة ماعندي
Author: Faisal Salih
Date: 08-13-2003, 07:14 PM
Parent: #1
قال ليك يا ابو حراز واحدة عندها هاجس العرس
وكلما تسرح بتفكر في العرس
مرة ركبت ركشة ..وسرحت بعيد اتخيلت انها قاعدة في الكوشة والناس هايصة
وفجاة ضرب لستك الرقشة
قالت ليه: خلاص عقدتوا؟
|
Post: #11
Title: Re: ست النفر زعلانة عشان سواق الرقشة قال ليها وحات عينيك فكة ماعندي
Author: Modic
Date: 08-13-2003, 10:19 PM
Parent: #1
عارف يا أبو حراز ...
بتاع الركشة ده بكون صاحبي ..
أصلو كلهم بطلوا القراية و اشتغلوا سواقين ركشات ..
و هسعدي لو أنا رجعت السودان .. عندي مكان فارغ في نقابة الركاشين ..
قلت لي البنون المشاغلون يسوقون و يشاغلون و لا يهتدون أو يعتكفون أو يختشون أو يغضون ؟ البصر ؟
الله كان في عون ستات النفر ..
شايف الجناس الناقص ؟ النفر - البصر ..
بريتك مش ؟
كفاك ..
مـــودك
|
Post: #12
Title: Re: ست النفر زعلانة عشان سواق الرقشة قال ليها وحات عينيك فكة ماعندي
Author: ابوحراز
Date: 08-16-2003, 08:23 AM
Parent: #11
ابوفاطمة
طبعاً انت براك عارف اهل العوض
ناس رقشة سااااااااااااكت
لسه ماوصلنا مرحلة الليموزين
معتز
قال جزرة قال
اها الجزرة دي محلها وين
عشان الواحد لمن يمشي يكون عامل فيها مقددها
لكن يبدو لي شكلها كدا زي الحزام
تعرف السنة الواحدة ركبت مع واحدة سمينة جداً
بالله من شافتني واقف
وقفت بتاع الرقشة وقالت ليهو عليك الله شيلو معانا
بس تعرف الرقشة زي سوق ام دفسو
شيء عجور وشيء قرع وشيء اسود
بالله بعد صعوبة اتحشرت فيها
وبعد دا كلو دفعت ليها حق المشوار
فيصل صالح كلو معانا هنا
دي عاوزة ليها ضبيحة زي ماقال اخونا ابكر اسماعيل
الجابك شنو الليلة تتحاوم بي جاي
قال عقدتوا قال
والله زولتك دي حالتها صعبة جداً
بالله انا مفتكر ابوحراز بس هو المهوووووووس
مودك
تطير عيشتك انت
لو قالوا رقشة تقول صاحبي
لو قالوا بتاع الكارو تقول صاحبي
لو قالوا امام المسجد تقول صاحبي
لو قالوا الأهلية تقول 00000000
حكايتك شنو انت
والله تلقاك الرقشة دي ولا قاعد تركب فيها
يابوي دا شغل ناس ابوحراز وابو القنفد
انتو ناس ليموزين ساكت
قال يغضون قال
|
Post: #13
Title: Re: ست النفر زعلانة عشان سواق الرقشة قال ليها وحات عينيك فكة ماعندي
Author: Modic
Date: 08-16-2003, 01:16 PM
Parent: #12
أبو حراز ... الله يجازيك .. ضحكتني ضحك شديد خلاص ..
عارف أنا بستغرب الناس بيفتكروني زول مرفه ليه ؟
و الله أنا بلوريتاري من الدرجة الأولي .. كنوع من الزهد يمكن ..
بعدين ما سمعت انو بيتنا وقع في كسلا مع السيول دي ؟ .. يعني بلوريتاري شديد كمان ..
يعني هسعدي لو جيتني في كسلا يوم مافي بيت أستضيفك فيهو ذاتــو ..
ليموزين دي كنت حأركبها مره واحدة بس .. لما جيت من المطار و لقيتهم شروني و ما جوا يسوقوني .. قمت كنت حأركب الليموزين و أخلي ناس البيت يدفعوا لما أصل ليهم ..
لكن لقيت ناسي بعداك و ضاعت علي فرصة الليموزين ...
تحياتي لي ست النفر ( بدون غيره ..
مــودك
|
Post: #14
Title: Re: ست النفر زعلانة عشان سواق الرقشة قال ليها وحات عينيك فكة ماعندي
Author: ابوحراز
Date: 08-17-2003, 07:15 AM
Parent: #13
مودك
البيت الوقع في كسلا يا خي دا بيت جدك
يكون مبني من زمن زواج عثمان دقنة
سمعنا قالوا ساكن جوار عمنا في المنشية
عشان كدا الواحد لو عاوز يجيك بتاع التاكسي ما أظنوا يضهب
مما تقول ليهو بيت مودك في المنشية وجوار عمنا الترابي أكيد حا يصولك
وكمان شنو ملح سااااااااااكت
|
Post: #15
Title: Re: ست النفر زعلانة عشان سواق الرقشة قال ليها وحات عينيك فكة ماعندي
Author: Modic
Date: 08-17-2003, 09:59 AM
Parent: #14
و الله يا أبو حراز انت ألذ زول لاقيتو في حياتي ...
ما أصلو بيت جدي .. و ده بيوضح اننا بلوريتاريا شديد لأنو ما عندنا بيت حقنا  يعني لما أمشي كسلا .... ياهو بيت جدي ..
بعدين انت ما محتاج توصف .. ياهو في مودك واحد في السودان دي ..
لأنو أنا لقبي ما لقب عام زي بتاعك .. أنا لو ركبت مع بتاع أمجاد قلت ليهو وديني لي أبو حراز حيقوم يوديني لي منطقة أبو حراز ..
ما تنقطع ..
مــودك
|
Post: #16
Title: Re: ست النفر زعلانة عشان سواق الرقشة قال ليها وحات عينيك فكة ماعندي
Author: ابوحراز
Date: 08-18-2003, 08:38 AM
Parent: #15
اها بيتكم دا بعد ما وقع عاوزين نشتريه منكم بتبيعوه لينا ؟؟؟؟
مشينا مرة السوق انا وصاحبي عشان نبيع لينا غنماية
قال لي لو بعناها حا اديك نص السعر
الغنماية بيني وبينكم تقول رافساها بقرة
وصاحبي دا معاه صاحبو عكليت
انصار سنة متشدد 00 بالله تقعد معاه يقطعك النفس
الكتب بتاعتو كلها جنة بالغلط مافيها 00 نار نار ياحبيبي نار
اها مشى معانا السوق
كل مايجي زبون عشان يشتري الغنماية
صاحبنا انصار السنة صادق لمن غلط
اها يقوم يقول للزبون والله الغنماية كويسة لكن بترضع لبنها
وبتاكل العجين وبتلحس الدقيق وكمان شنو قال وقفت من الولادة
بالله الزباين كلهم طفشوا حتى بتاع الضرائب شتت
اها قمت قلت لصاحبي
عليك الله سوق مولانا دا معاك وامشوا افطروا
بعد صعوبة مولانا وافق
بالله خمس دقائق بس بعت ليك الغنماية
صاحبك انصار السنة جانا يمسح في دقنو
اها الغنماية وووووووووين
قلت ليهو بعناها زمااااااااااااان
قال عاقر قال
|
Post: #17
Title: Re: ست النفر زعلانة عشان سواق الرقشة قال ليها وحات عينيك فكة ماعندي
Author: maia
Date: 08-18-2003, 10:47 AM
Parent: #1
ابو حراز
قصة ست النفر مع بتع الركشة زي قصة السوداني والمصري
المصري اتساخف على السوداني طوالي اداها بنية في نص وشه
المصري قال للسوداني ايه يا بيه مافيش خد وهات
ضحكتني حكاية انصار السنة دي ، يعني حسه في داعي تاخدوا معاكم مولانا لبيعة
قال عمر البشير سوبر ستار قال
|
Post: #18
Title: Re: ست النفر زعلانة عشان سواق الرقشة قال ليها وحات عينيك فكة ماعندي
Author: Modic
Date: 08-18-2003, 05:36 PM
Parent: #1
loooooooooooool
يا أبو حراز ..
انت زول الونسه معاك حلوة ..
|
Post: #19
Title: Re: ست النفر زعلانة عشان سواق الرقشة قال ليها وحات عينيك فكة ماعندي
Author: كرماوي
Date: 08-19-2003, 01:07 AM
Parent: #18
ابوحراز يارايع
ياخوي زح لي شوية عشان ادخل رجلي دي
اللذيذ ابوحراز طالت لقيتك عساها خير
وبعد الغيبة جبت ليها رقشة هو عليك الله اهل العوض دي طلعوها في منو مافي نوعك البجي الخرطوم مرة واحدة في السنة ده اذا مافي خريف في السنة هههههههه
وبالله بيني وبنك دي عربية اخوك ولا كنت راكب بوكسي اللبن البجي الصباح
ربنا يكون في عونك ويرجعك اهلك بدون مكيف ولامسجل ولامروحة ذاتوووو هههههههههههههههههههههههههههههههههههههههههههههههه
اصلي لمن ادور أجيك بجيك
كرمــــــــــــــــاوي
|
Post: #20
Title: Re: ست النفر زعلانة عشان سواق الرقشة قال ليها وحات عينيك فكة ماعندي
Author: degna
Date: 08-19-2003, 04:12 AM
Parent: #19
الاخ العزيز ابوحراز
ست النفر دي منو?
وبعدين غنماية شنو تمشي تبيعها في السوق
يازول انا حاارفع فيك قضية كبيره
بس انت انتظر
degna
|
Post: #21
Title: Re: ست النفر زعلانة عشان سواق الرقشة قال ليها وحات عينيك فكة ماعندي
Author: ابوحراز
Date: 08-19-2003, 09:47 AM
Parent: #20
مودك
هذا السودان العملاق الضخم ظريف في كل شيء
هناك ناس بيوتهم قد تساقطت
وآخرون يلتحفون الأرض ويتدثرون السماء
وكلهم يضحكون ويبتسمون اليك من أعماقهم
البساطة تجري في دمائنا
والقناعة لو كانت كنز لايفنى
فهي في السودان رمز لكل إنسان
صدقني 00 ذهبت الى قرية كل منازلها من القش الخالص
ولم استغرب لذلك
ولكن ما استغربت له
انه لاتوجد بها مكواة لكي الملابس
ولايوجد بها راديو
سألتهم كيف تفطرون في رمضان
فقالوا لي : عندما يصعد الدجاج الى الرواكيب
يضحكون معك ويجعلونك في قمة النشوة
سبحان الله على هذا البلد 00 الفقراء يضحكون والمتخمون يضحكون
كرماوي
وينك انت ليك مدة ماباين
حتى التلفونات الملح دي ماعاوزين تسمعونا ليها
طبعاً على قولك لمن يجي المطر نحن ستة شهور بننقطع عن العالم
لابنعرف رويد ولاديانا كرزون ولا رولا بهنام
بس ناس حااااااااااو وميييييييييييييييييغ وكااااااااااااااااااااااااااااااااك
مرة واحد دمو تقيل جاء سايق سيارة ظريفة جداً
المهم صاحبك ابوحراز كان مشرور ومنتظر سيارة توصلني اقرب مدينة
اها اشرت للمغرور دا
بالله تقول اشر ليه كلب ولا اتلفت نهائي
طبعاً معاه واحدة زي السم 00 جمال لمن عوير
صاحبك مشى شوية بالله العربية تقول سحروها
وقعت ليها في حفرة وحلفت ماتطلع
اها شوف الشهامة
طوالي مشيت عليهو وبديت ادفر وأدفر وأدفر وأدفر
لحد العربية ماطلعت
وفي الاخر عشّق وقال لي شنو : جزاك الله خير وكتر من أمثالك
قال أمثالك قال 00 انا عاوز اركب يا عم
دقنا
وينك يامان
الظاهر شميت ريحة القهوة في بوست يازول يازول وجيت عاوز تقع على خشمك
ست النفر دي اسطورة رائعة جداً
تحمل نحافة نعومي كامبل
وضحكات بروك شيلدز
ودلع رزان المغربي
وقطامة فيفي عبدو وهترشة شيري
قال يرفع قضية قال
عمي مشهور بالقضايا
وطبعاً العكاز والسكين زي جواز السفر عنده
اها مرة لم ليك في واحد لقطو لقطة بطالة جداً
الراجل تااااااااااااااااااااااااح وقع ناشف
اها بعد ماقام واتنفض مشى على المحكمة
جابوا عمي والقاضي قال ليهو حكمت المحكمة بتغريمك خمسة جنيه
قام طوالي طلع 10 جنيه من جيبو
قال للقاضي علي بالحرام ولا جنيه مابيرجع
وعاين ليك في الزول المشتكيهو
وتاااااااااااااااااااااااااااااح اداهو ليك عكاز تاني
وقال ليهو مادام الحكاية بخمسة جنيه أخد الباقي من القاضي
طبعاً عوارة بلا حدود
يازول قال شنو 00 قال بصرة قال 00 دي بصرة وللا غواصة ؟؟
|
Post: #22
Title: Re: ست النفر زعلانة عشان سواق الرقشة قال ليها وحات عينيك فكة ماعندي
Author: degna
Date: 08-21-2003, 08:40 AM
Parent: #21
الحبيب ابوحراز دبايوا
مشاغل وكده
قلت لي ست النفر دي فيها كل الصفات دي
طيب ماتتجوزها تريح نفسك وجيب لينا منها ذرية نتزوج
منها
ولا شنو ?
اما عمك دي زول جعلي حار تب قلت لي رزعوا عكاذين
جابوه الواطه اه
وجنوا محاكم كمان الله يكفينا شر عكاكيزو ديل
ده زولا صعب شديد
لكن اقول ليك ينفع شديد تجيبوا يضرب لينا البعاعيت في البورد ولا رايك في المسعله شنو?
degna
|
Post: #23
Title: Re: ست النفر زعلانة عشان سواق الرقشة قال ليها وحات عينيك فكة ماعندي
Author: ابوحراز
Date: 08-24-2003, 08:52 AM
Parent: #22
دقنه
تحياتي واشواقي
ماعندكم واحدة بوردابية العينين
هدندوية اللمى
كسلاوية الأطراف
بيجاوية الكفل
قال ست النفر قال
الأخ تيتاوي
لك خالص محبتي على رسالتك الرقيقة ومرحباً بك نيابة عن كل زملائي في سودانيز اونلاين واتمنى ان تنضم الى هذه الكوكبة الرائعة
حبيت ان انقل رسالتك للمنبر
وزي ماقالوا الجماعة مرات الواحد جسمو كلو بينكرش من النرجسية
كل مايجي زبون عشان يشتري الغنماية
صاحبنا انصار السنة صادق لمن غلط
اها يقوم يقول للزبون والله الغنماية كويسة لكن بترضع لبنها
وبتاكل العجين وبتلحس الدقيق وكمان شنو قال وقفت من الولادة
السلام وبعد
البوست بتاعك دة صراحة قطع مصاريني بالضحك ولو كنت املك عضوية في سودانيزاون لاين اكيد كنت كتبت ليك
المحترم ابو حراز
الله يعطيك العافية بقدر ما استطعت انتزاع الضحكة من بين شفايفنا في زمن اصبح فيه حتى الكلام معدوما ناهيك عن الضحك والقهقهة
يعني صحبك انصار السنة دة مقطع الامانة هههههههه والله بالغ عدييييييل كدة واجمل حاجة انو الغنامية بترضع لبنها دي
لك كل الود
تيتاوي- الدوحة
|
Post: #24
Title: Re: ست النفر زعلانة عشان سواق الرقشة قال ليها وحات عينيك فكة ماعندي
Author: HOPELESS
Date: 08-24-2003, 09:13 AM
Parent: #23
ابوحراز
كدي اتأكد من السبب تاني
*زمن صعب خلاس*
|
Post: #25
Title: Re: ست النفر زعلانة عشان سواق الرقشة قال ليها وحات عينيك فكة ماعندي
Author: ابوحراز
Date: 08-24-2003, 10:22 AM
Parent: #24
ساهروووووووووون
كيف حالك ياهوبليس
انت جيت واقع من وين
قال سبب قال
كدي ورينا الحاصل
اخبارك مقطوعة
وزي ماقال اساسي انت صنفوك من الجماعة البيساهروا بالليل
لكن أنا احب أطلق عليهم ساهروووون
وينك يامان
كاتل ليك كتلة اليومين ديل وللا شنو
|
Post: #26
Title: Re: ست النفر زعلانة عشان سواق الرقشة قال ليها وحات عينيك فكة ماعندي
Author: HOPELESS
Date: 08-24-2003, 10:32 AM
Parent: #25
والله يا ابو حراز الايام دي اخوك ضارب مضارب البدو
الواحد ريح من الضجه والهموم شويه
وبيني وبينك لو ست النفر اتربت مع نسوان البدو ديل
كان هسي انت بتجمع في حق ديه سواق الرقشه
قال كف قال
|
|