السنة دي ولا جددوا لي عقد العمل !!!

ينتهي عقدي بنهاية شهر ابريل الماضي
وكالعادة قام الموظف المسئول باللازم وزيادة
وأحضر لي العقد للتوقيع عليه
وكانت كل الشروط جميلة
من راتب وترحيل وعلاج وسكن وإجازة
ويبدو لي أن الموظف المخضرم
قد نقل صيغة العقد من عقد مؤسسة أخرى
أو وزارة أخرى لا أدري
المهم أثناء قراءتي للشروط
أجد الشرط التالي :
يستحق المذكور إجازة وضع براتب كامل مدتها 45 يوما
قال شنو كمان 00 بما في ذلك أيام العطل الرسمية
الموظف كان في عجلة من أمره
وقال لي :
لاتأخرنا يازوووووول وقع بسرعة على العقد
فقلت له : مهلاً :
كدي النشوف إجازة الرضاعة مدتها كم ؟؟
شيء عجيب
ناسنا في السودان يحيلوك للصالح العام بلا سبب
وديل يودوك عنبر الدايات !!!
قال وضع قال ؟؟

ابو حراز

مبروك السلام القادم
الله يتمه علي خير

دي السعودية البتتكل عنها دي
و الله لو كدا عندك عقد ما لقاهو
زول في اجعص دولة اسكندنافية

قولت لي الدايات؟
ليه انت حصان البحر
دا المخلوق الوحيد البحمل
ذكره الاجنة و بلدهم كمان

Quote: يستحق المذكور إجازة وضع براتب كامل مدتها 45 يوما

بختك يا ابو حراز...زمنا كانت اربعين بس؟؟؟؟

ابوحراز اخوي أزيك

عليك الله انت شكلك ده عامل جضومك الكبار ديل شكل عقد انا خايف تكون لي هسع بعمرة بس داير تفكه فينا ساي

ولا العرس طار ليك في راسك بقيت تتكلم اي حاجة عقد عقد عقد

الله يكون في عونك ويرجعك بلدك سالم لانو شكلك ده النوع البجي بشرب موية الصحة وأكل الكبسة ماظنيت يرجع هههههههههههه

مع ودي وحبي لك ياابوحراز منتظرمنك رسالة على البريد



في عينيك عشم باكر برضو

كرماوي

نصار
الموج
كرماوي
لكم التحية وجميل جداً ان نحظى بردودكم بعد الثوب الجديد للبورد
والتهنئة لكم ولنا وللأخ بكري ولجميع البورداب
طبعاً مفروض برضو تكون في إجازة وضع على قول الموظف
يعني تمنح لزوج المراة التي تود الوضوع
عشان على الأقل سي السيد دا ماتكون مهمته في حدود الخروف
انا قلت خروف
الحكاية بقت تووووووووور عديل كدا
مفروض كل الدول العربية تسن وتشرع قوانين بمنح الأزواج عطلة لمدة 45 يوم اثناء وضوع زوجاتهم
كتبت هذا الموضوع لأسخر من بروقراطية الإجراءات
واعتقد ان هذا الموضوع يحتاج للكثير من النقاش

أبو حراز
عوداً جميلاً
يا سيدنا كنت توقع وبعدين تطالب بإجازة وضع
وما تنقصك إلى شهادة تقرير طبي يذكر فيها إنك خرجت من عملية قيصرية

مع تحياتي

المسافر

فعلاً يامسافر
برضو واحد من الزملاء قال نفس الكلام
قال كان ممكن توقع وبعدين تطالب بالاجازة
وقلت ليهو طيب موضوع التقرير
قال دا بسيط جداً
يعني انا لسه متردد اوقع وللا ما اوقع
بحاول اشوف للحكاية مخرج

لوووووووووووووووووووووووول حروزه .. لووووووووووووووول نصار ولوووووووووووووووووووووووووووولين صديق الموج ..
غايتو يا ابو حراز مافى زول قدر عليك الا نصار وصديق الموج .. ضحكت ضحكت لما وقعت .. استغفر الله العظيم .. بعدين مدام انت عقدك القديم انتهى والبورد جانا بى توبو الجديد والسلام رفرف فى البلد ..انت الجايبك لينا بى قميصك القديم وصورتك دى شنو ؟ اتقى الله فينا وجيب ليك صوره غير .. لكن ما تغير اسلوبك المميز ده .. الله يديك العافيه وجد مفتقدين قفشاتك يا فوااااااااكه كل البورد مش فاكهه واحده لا ..انت بستان من الفواكه والله .. الله يديم عليك الفرح والسعاده يا رب..

سوما
حتى فراشتك تحمل في أعماقها مجموعة من قصائدك الملونة
ومجموعة من حروفك المخضبة بطين البلد وأنفاس السودان
قال لووووووووووووووووووولين قال
صديق الموج دا أحسن مننا وللا أحسن مننا
طبعاً للأسف الشديد مما دخلت البورد دا اتصورت يمكن 50 صورة
وكل واحدة تطلع أشنا من التانية
يعني الواحد بعد ما عمل ليهو زبائن وجكس ماعاوز يفقدهم فجأة
تصدقي عندي صورة في الابتدائي 00 غايتو لو ماشفت فيها اسمي
نهائي ماكان صدقت انها صورتي
مخاتة سايلة يمين وشمال ياكافي البلاء
قلت لأمي عليك الله ما كان تنضفونا بس يوم الصورة دي
وبعديها تاني انشاء الله ماتحممونا الا في العيد
والأدهى أنني كنت البس جلابية ولا زرارة مافيها
قال فاتح الزراير قال
يعني الناس بتفتح زرايرها لمن تشاكل
ونحن ماشاء الله على وضوء 24 ساعة 00 يعني على شكلة 24 ساعة

Quote: يستحق المذكور إجازة وضع براتب كامل مدتها 45 يوما

أبـوحـراز ســـلام

يا خـوي ما سألت من كلمة وضع دي بقصدوا بيها شنو ؟؟ لأنو ليها معاني كتيرة بعيد عنك


بعدين يا خوي بدل تقرير عملية قيصرية ما تلم ليك شوية قريشات و غير بالمرة جـرب مع جضومك الكبار ديل إمكن الجنس الآخـر إكون حظك فيه أحسن من جنسنا دا


مش برضوا فكرة علشان كمان تغيير العقد حا إكون عملية صعبة و طويلة

السنة الجاية برضو ما ح يجددوا ليك
هاهاهاهاهاهاها

حمزة سليمان
كدي اول شيء نقوم من الولادة دي ونتم الأربعين
والسنة الجاية السودان بيكون ازدهر بالسلام
أهم شيء ارضي الفي الخرطوم دي مايقوم يدخلوها لينا في البرتوكولات
زمان قالوا لينا المهاجرين لمن دخلوا المدينة
قاموا الأنصار اتقاسموا معاهم كل شيء
حتى العندو مرتين طلق واحدة وزوجها للمهاجر
اها انشاء الله ياناس الخرطوم تقسموا معاكم للجماعة

الشيخ ابوحراز سلام ياحبيب

اكان كدي نشوف عروسه كاربه وحماتها حتحبك جد

ali

ابوحسين
اول شيء صورة الشفع الصغار ديل ظريفة جداً
كانت معاي واحد امس على المسنجر
طبعاً برضو كان شعارها الأطفال ديل
والمصيبة دي كلما أتكلم معاها في العرس تشب لي في حلقي
قالت عاوزة تقعد ساااااااااااكت
طبعاً جيران لينا الجماعة ديل
وعندها أمها الله لا وراك ليها
بتكرهني كراهية عدوك
مرة قلت ليها انا عاوز بتك دي يا حاجة
قالت لي : والله يا اب حراز بتي دي كان عرستك شطري الرضعتو بيها دا بقطعو وبرميه لأقرب كلب سعران !!!
بالمناسبة قالوا الزول السعران كان عض ليهو كلب 00 الكلب بيسعر
بالله عليك الله نسيبة زي دي مش حقو الواحد يمشي يسعر ويجي يعضيها !!!
المسكينة بتها كل يوم بتلاقيني
قال تقطعو قال !!!

المبدع حقاً أبوحراز سلام

Quote: يستحق المذكور إجازة وضع براتب كامل مدتها 45 يوما

طالما في إجازة (وضع) معناها ما بدوك ال[DAY OFF]

الحبيب أو حراز

تحايا وسلام واشواق مقيمة ودائمة والله لعناق حروفك المبهجة

مش كويس انه لسه فى عقود بتتجدد وتتوقع، انشاء الله يكتبو فيها بدل "ضبح" عديل كده، "الوضع" ساهل يا ابو حراز بس "الأوضاع" صعبة والله، هنا وهناك

ودمت يا جميل

أبو حراز
واليوم الشهري ما كتبوه ليك في العقد ؟؟
يا أخي والله ده ظلم عجيب !

وفيها شنو يا حرزرز

بقصدوا الوضع الاجتماعى...

حسه انت وضعك الاجتماعى ده وضع زاتو؟ عليك الله "اعزب" دة ما بستاهل تلاته شهور اجازه براهو؟؟

ناس جاحدة لشكل!

ابو حراز
كفاك غربة
قال وضع اب 45 يوما
خالص البترول طلع في محافظة الحصاحيصا
وقعت شركة باكستانية عقد للنقيب في المحافظة
وأنت لغة الباكستانية كويسه تعال بشيغلوك مترجم
انت بترول في انت مافي مشكل
تعرف انا مشيت كاب الجداد
اه صاقرير حفرولك فيها بئر
كاب الجداد كمان بئر
وحلة جنبها اسمها افطس
والسديرة والفراجين
وكمبو البان
وووو اق من جنس الحلال دي

اه اخوك عنده ارض بس ماتقوم الحكمومة تنزعه
وتخلى خشمي ملح

ابو حراز سلام ربنا يتم بالسلامه

الاخ ابوحراز
سلامي
وين انت تختفي وتظهر فجاءة وتاني تعاود الكرة

عندنا واحدة هنا سودانية صيدلية وزوجها مهندس
ولكن هي موفقة بعد كم امتحان كدا في بلد الخواجات دي
بقت حاجة تانية وربنا وفقها وزوجها تخصصه غير مرغوب
فيه اها بقت هي تدخل 70% من دخل الاسرة

اها جينا للولادة بعد الاربعين الدكتورة قالت اصلوا ما ممكن
تسيب طفلتهالمربية والبت حتفقد حنان وكدا وهي
اصلها زولةحنينة ومثالية اها يعملوا شنو اذا وقفت هي
معناه انه 70% من دخل الاسرة توقف وماذا هم فاعلون
في التزاماتهم اقساط البيت الفخم والعربات دا
غير التزاماتهم الاسرية وخاصة الرجل المعتمدين عليه
اهله كليا وهو يقري ليه 5 من اسرته في الجامعات
الخاصة دا غير موبايلاتهم ولبسهم....الخ

ما عندهم طريقة الا الراجل هو اللي ياخذ اجازة امومة
اقصد ابوة

اها الخبر وصل لاهل الراجل وهم من اهل العوض
اها شالوها وختوها في المسكينة بت الخرطوم
الخلت ولدهم ياخد اجازة امومة

تحياتي وتقديري

دقنا
حليل زمن العروس الكاربة وحليل زمن الرجال البيكسروا العناقريب
بالله عنقريب زمان دا لو طلعت فيهو دبابة مابتجيب فيه خبر
ماعارف الجماعة ديل كانوا بيكسروه كيف ؟؟؟
هسي والله جيل البناطلين دا بسكويت مايكسرها

بدر الدين شناة
عليك الله نزل لينا صورتك نكسر بيها عين الشيطان عشان البورد بتاعنا دا مايسحروه
قالوا الشيطان عاوز اقل شيء صورتين
اها انا نزلت صورتي 00 كمل لينا الناقصة
قال {DAY OFF} قال

{THE RAIN}
تصدق معانا واحد مصري
الراجل ادوه خطاب 00 لمن فتحو لقاه اعتذار عن عدم تجديد العقد
فجأة الراجل قعد يبكي بأعلى صوت
انا افتكرت طبعاً انه فتح الخطاب ولقى وفاة واحد من أولاده
طبعاً طوالي عزيتو وحاولت اصبّر فيهو
السعوديين يعجبوك طبعاً في المواساة دي
مما سمعوني عزيت الراجل
اها 00 احسن الله عزاكم 00 جبر الله كسركم 00 الله يرحمه ويحسن اليه
المصري اخد بكيتو وقام قال لينا والله ماعنديش حد مات لكن عقدي ما اتقددليييييييش ؟؟
غايتو كان قدامي كباية موية كشحتها فيهو طوالي
والله قربت أخنقو كان ما الجماعة مسكوني منو
قال ما اتقددلييييييش قال !!!!

ود قاسم
يوم شهري عديل كدا
جايز تكون غلطة مطبعية خلت اليوم الشهري ما يبين

البت الزهرة في كل المواسم 00 تماضر
والله بيني وبينك وضع العزابة دا وضع مؤلم جداً
يعني غربة + عزابة عليكم الله دي يجمعوها كيييييييييف
عليك الله وصيتك تكلمي لي يازول يازول 00 هشام
دا كلو ما اقابله بس عنده سؤال واحد
اها يا اب حراز الأولاد كيف ؟؟؟؟؟
غايتو أخوك دا راجل ظريف جداً
عندما اراه فأنا ارى السودان
يعني يسلم عليك ويعمتك لحدت نفسك ما ينقطع
كدا السلام وللا بلالالالالالالالالاش
قال قهوة حبشية قال
يوسف الموصلي بالله أخبارو شنو
دا زمان كان بيشارك في بوستاتي
مما قلت ليهو عاوزك ترسل لي لأمريكا
قام قطع الموية والنور والكهرباء
بالمناسبة ياتماضر
أمي زمان كان بتقول لي 00 هاك جيب لينا بصل ولحمة وزيت وبامية
في إجازتي دي الوضع اتغير
قامت قالت لي : جيب لينا معاك بصل ولحمة ورجلة وكهرباء !!!!!
الكهرباء في الخرطوم بقوا يجيبوها في قفة الخدار !!!!
قال حرزرز قال


المهندس
تحياتي واشواقي لك ولبورداب الخرطوم
يعني ناس رفيق عاوزين ينقبوا في الحصاحيصا
عاد الله يسترنا من هز الراس الكتير
طبعاً شايف مجموعة منهم بيعملوا في انشاء بنك السودان الجديد بالمقرن
قلت لي مشيت كاب الجداد والسديرة والفراجين وكمبو البان
طبعاً أكيد ماشفت عد الـ 0000
دي كنت قلت ليكم مشينا ليها لعرس من الفتيحاب
اظن مشينا عشرة ساعات حتين وصلناها
والعروس الله لا وراك ليها
عاد بس عوارة عدووووووووك
طبعاً نحن قلنا العريس الحيوان دا
مادام قطع الخمسمائة كيلو دي
أكيد العروس حاتكون في جمال ديانا ورشاقة نيكول كيدمان
العشاء جابوه لينا صحن وااااااااااااااحد
والكسرة تقول ضاربنها اورنيش
ديل قالوا يوم يقشروا في الأكل بيقشروا بي ملاح القرع !!!!
لو عايزني يا المهندس اعطس اليوم كلو
بس دردق لي قرعة قدامي !!!!

تيتا 00 اسمك فيهو حركة موسيقية
طبعاً معلوماتي صفر في الموسيقى
لكن البورد دا علمنا اشياء كثيرة والفضل لله ثم للقائمين عليه والمتخصصين
اخبارك مقطوعة انشاء الله المانع خير
افتقدناكم كثيراً
لك تحياتي ومودتي

تسنيم
ظريفة جداً قصة الأمومة
هذه الظاهرة عندنا كثيرة جداً لدرجة انني كنت افكر ان انزل فيها بوست
هنا رجال كثيرون مرافقون لزوجاتهم
الزوجة تعمل وتكد طول اليوم
وصاحبنا دا في البيت
الغريبة الاحظ أن بعض الجنسيات الأخرى يعملون
بينما بعض إخواننا السودانيين لايعملون اطلاقاً
ويكتفون بإنجاز اعمال البيت
قبل فترة ذهبت الى أحدهم ووجدته يقوم بكي الملابس
وكنت على عجلة من امري ولابد ان يذهب معي لأحد الزملاء
بكل بساطة قام قال : دقيقة بس أكوي الفستان دا

بختك يا ابو حراز
مرتك ح توضع سنوياً

البدلات قد تكون مفيد لمعالجة الوضع
ولكن مادمت لم توقع العقد فيجب أن تطالب
ببدل عمى يصرف مقابل القراءة والتدقيق
والتصحيح
وأهم بدل هو بدل الولادة ،

وهنا إستأذنك لتحية الأخت تسنيم

ايموتصدق البلد دي فيها بدلات كتيرة جداً
يعني في بدل ولادة
وبدل علاج
قبل ايام جارتنا صرفوا ليها بدل تصحيح
عليك امان الله 20 الف ريال
والراجل بتاع الأمومة أدوه ليك 500 ريال بس
غايتو بصراحة كدا
انا زول متخلف
يعني لو اتزوجت واحدة بتعمل
ما اقبل انها تصرف علي
يعني كل واحد يكون كومه براهو
لكن لامانع انها تشتري الأرض
وتبني البيت
وتوصل الكهرباء والتلفون
انا حا أكون زول بامية مفروكة ساااااكت

العزيز أب حراز ..

ألف مبروك (العأد المقدد) والسنة الجاية كفيل في بلدك!

زولك المصري دا ما كايسين ليهم زول بدلو؟ ولا ناس وزارة الشؤون البلدية والقروية دايرين ناس الأقاليم وكدة؟؟؟

هاني الصغيروني
انتو بطريقتكم دي بتطفشوا الجكس مننا
يعني صورتنا معاكم ما بتاكل عيش تاني

عاوز تشتغل معانا
تعال مرحب بيك
قال المصري قال
والله دا لسه يبكي
والمشكلة سألت عنو
قالوا عنده عمارتين
وكل عمارة فيها اربع طوابق
وثلاثة تاكسي في القاهرة
يعني دا حتى لو يجلدوه برضو مش كفاية

ابو حراز والمكنات
قال جددوا لي العقد وبمواصفات هائله..انشاءالله الدعايه بفايده ...قلت لي بدل شنو؟ وشنو؟ قال اجازه وضوع قال
غربه..

غربة لك التحية
نحن بنعمل في الدعايات في سبيل انو ناس امريكا واوربا يشوفوا البشتـنة دي
ويقوم واحد منهم أو واحدة تحس ويرسلوا لينا عقد
انشاء الله حتى راعي بتاع ضان
مرة قالوا في تعاقدات لأسكتلندا
عندي زميلي صيدلي راجل ظريف جداً
ومجنني كل يوم باللوتري
اها قلت ليهو قالوا في تعاقدات لآيزلندا واسكتلندا
قام قال لي اها الشروط شنو
قلت ليهو تكون بتعرف الضان والغنم كويس
جميل ان تكون راعي في الدول الإسكندنافية
طالما أن الجيب سيدخله اليورو

المصريين ما نجيضين يا ابو حراز .. الواحد يطلع الخليج (يعمل-لو شأة أو عُمارة وعربية) والموضوع انتهى .. لكن ناسنا ديل الطاشرات و والعشرينات دي تلقاهم لسه الواطه ما اتبنت والعربية لادا موديل 66 من زمن (الدكاترة بي عرباتهم) ... حسي والله تشتري عربتك براك يقلعوها.. دا كان فضلت قروش تشتري بيها عربية ...

بالمناسبة السعيدة دي .. ناس سفارة الرياض عاملين عرض خاص (تخفيضات) إعفاء الضرائب لما يقارب 40 - 50 % خلال الأيام دي .. كان عندك شي أمشي حصل ... تلاقي الموظف تحت شجرة النيم الجنب الكانتين بتاع حاج طه ... أكتب اسمك بعد ما تدافر .. واستنى لحد العصر شان ينادوك .. تقابل الباشا وتحاول تحنكو شان تطلع بأكبر قيمة تخفيضات ... أسرع فالمدة محدودة (والله دي دايرة ليها بوست براها) لكن بوستك عامر

هاني
المصريين لديهم خطط
ونحن لالالالالالالا
يعني الواحد بيجي باهداف محددة
لكن نحن وضعنا الإجتماعي يحكم على هذه الخطط بالإعدام
يعني مرة يقولوا ليك دي حملت واتوحمت على خروف
لازم ترسلوا ليها
والريييييييييييحة
دي أكتر حاجة بترفع ضغطي
أظن مفتكرنها مرمية سااااااكت في الشارع
الواحدة يعرسوها ترسل ليها ريحة العرس
بعد 20 يوم تحمل
بعد 7 شهور بس يجيك الشافع مارق
وبكامل قواه العقلية
ونجييييييييييييض
اها تاني ترسل ليهم الريحة
وواحد عاوز يبني
وأخوك زعلان
ونسيبتك ماجات الحج
وهـ ل م ج ر ا

الأخ أب حراز
يقول أهل العوض لي حدهم إن بليت يا فصيح لا تصيح وأجد أنك تترك الصياح برغم العرف – بضم العين –والعلال أو العلعلتين الحمراويتين ، وتكاكي زيك وزي أى جدادة بينها وبين مواعيد وضع البيض لحظات.
ومن هنا أناشد جميع اعضاء المنبر الحر وزواره أن يتفضلوا مشكورين بالإسهام في المشروع الخيري لعرس أب حراز من ست النفر أو غيرها حتى يصبح صاحبنا نفرين ويكتب في أى موضوع غير مواضيع الزواج والأعراس ، فالراجل يا ناس أصبح عرسه مشكلة عويصه وأخشى ما أخشاه أن تتحول لمستحيل على شاكلة الغول والعنقاء وكرة القدم في البلاد وعرس أبو الدردوق من أم الدردوقة حتى.
ونكون بهذه الطريقة مؤهلين لتنظيم كأس العالم في لعبة شليل لو أب حراز عملها وعرس وأخشي على كلمة عرس هذه أن تتحول إلى عرش بصوت المطرب الكبير الأستاذ الكابلي وهو يردد غير خالد ما ليك تنين ، وبهذا يتحول أب حراز من مغترب في جبال السروات إلى هزبر بوبا السيل أم لم يبوبي ، أو كلمة قلع بذات التشديد فيها وحدة النظرة لعبد الله عبد القادر البعيو وهو يردد يا سلام يا سلام الوزين بي صديرو عالم وقلع.
والوضع أخي أب حراز أصبح خطير ، ويلا عرس ست النفر ويا دار ما دخلك شر لأنو بعد عمرك المديد هذا يكون باقي ليك الباقي لي بدر الدين أخوي. فالعمر يمضي وست النفر تبقي شأنها شأن أى تبغ فيرجيني أو كوبي فاخر.
ويا أب حراز يا أخوي اجازة الوضع ساهله الكلام على آلام الوضع ممثلة في إلتزاماتك تجاه حكومة السودان وأهل قريتك أجمعين من ست النفر لغاية أب تالوله إضافة إلى حرارة نص نهارنا وكتاحتنا ، وكان بتتحمل جنس البهدلة دي يا مرطب حبابك لكين كان الزمن غير ملامحك شوف ليك بلد تانيه لإجازة وضعك لأنو وضعك عندنا حا يكون لا يحتمل من ناحيتك طبعاً يا غربه.

الملا الظريف
يبدو أن موضوع زواجي
سيتم قريباً
ولكن يبدو أنه مرتبط بزواج ابوالجعافر مع نبيلة عبيد
أو أن تحرز دولة مكاو كاس العالم
والحياة اصبحت متقلبة
كل شيء فيها ممكن
لماذا لايتزوج ابوحراز ومحمد عطية استطاع ان يكون سوبر استار
وهو لايصلح حتى لأن يكون حتى صفار بيض
وهو لايحمل اي من المؤهلات الصوتية والجمالية
اشياء تحدث في هذا العالم
وتثير اشمئزازي
لكن 00 يبدو انه مع العولمة كل شيء ممكن
صدقني لم افهم اي شيء من حديثي هذا
واريد من الآخرين أن لايفهموا

أخي أب حراز وأنا أتصفح قعر البورد شأني قرأتي المتواضعة لجميع المقالات أبدأها دائما من النهاية أو ما يعرف بـ jump to conclusions سواء أكان جمبي هذا بزنانه أو بغيرها فهو الجمب الذي يريحني كما تعلم ، المهم في الأمر شاءت محاسن الصدف ن يتحقق جزء من حلمك وتفوز اليونان بكأس أوروربا وتهزم فرق لها باع طويل في الكورة وبقى الشطر الثاني من الحلم وهو زواجك من ست النفر