هووووووي يا المرأة السودانية 00 أنـفـشخي في واطاة الله دي

قال المراة السودانية قال
تحدثت كثيراً بل وأفخر كثيراً بالمراة السودانية وماقلته فيها قادر على تـفـتـيت الصخر وتحويله الى جواهر ناعمة 00 لكن اليوم ربما أغضب الكثيرات منكن خاصة المراة السودانية المغتربة وأعني هنا المتزوجات منهن فلديهن ظواهر غريبة جداً وهي ظاهرة استنزاف الزوج المغلوب على أمره
اليوم أنا في صف الرجال واتلصص على الجندريات من بعد وكم يؤسفني جداً أن أخدش النعومة ولو للحظات ولكن ما اراه شيء يندى له الجبين :
طبعاً اول شيء معظم المتزوجات لديهن شراهة كبيرة جداً ونهم في شراء الذهب والملايات بل أن بعضهن يرسلن لها بالهند وباكستان 00 أحياناً يكون سعر الملاية الواحدة 250 ريال وفي أول عطنة لها في الماء يكون فص ملح وذاب والأدهى والأمر تقوم هذه السيدة عند كل زيارة لها لمنزل آخر بشراء عدة أخرى وملايات أخرى تكون قد رأتهن عند جارتها أو صديقتها 0
بعض الأزواج يحكي لي أنه يذهب للعمل ويترك زوجته لبن على عسل ولكن بعد أن ياتي يجدها مكرفسة زي الجدادة المكرفسة والقدووووووووم ماشاء الله ممدود حتى رأس الرجاء الصالح والمدام زعلانة بكل المقاييس كل ذلك لأنها أتت واحدة في غيابه وتحدثت معها عن الموكيت والثلاجة القديمة وملابس أطفالها الرخيصة وغير ذلك 0
بعض الزوجات السودانيات لاتفكر في مستقبلها ومستقبل زوجها وأطفالها يهمها فقط أن تلبس الذهب وأن تشتري توب بـ 500 ريال لمجرد الفخفخة 0 والأدهى أن التجار في السعودية استطاعوا ان يسبروا أغوار المراة السودانية فالثياب بدأت تأخذ أسماء غريبة جداً { من سيربح المليون } { البترول }{ كبري الفتيحاب قال كمان } وبعد ايام سيظهر لنا التوب { نيفاشا } أو على اسوأ تقدير { فار الترابي }
والغريب أن هذه الزوجة عندما تريد السفر للسودان غايتو الراجل لازم الداية تكون بجواره لأنو يمكن يشعر بآلام المخاض في أي لحظة أو اقل شيء آلام الوحم 00 تمشي هذه السيدة الموقرة لتقلب باب شريف بالسعودية رأسا على عقب لتحمل اشياء لاتسمن ولاتغني من جوع لمجرد أنها مغتربة ولابد أن تظهر هناك بمظهر بعيد عن واقعنا 0 لهذا تجد معظم الأسر السودانية تطول فترة اغترابهم وهذا لايعني انه لاتوجد عوامل أخرى تساعد في مد فترة الإغتراب 0
الاحظ أن الزوجة المصرية أو الشامية وهذا ليس تحيزاً تبذل قصارى جهدها من أجل الاستفادة بالمبالغ المتوفرة في بناء منزل بالوطن الأم وتأثيثه وحتى وإن غادرت وتركت زوجها هنا فإنها تقوم بأشياء في صالح الأسرة وعندما تتصل عليه تقول له :
خلي بالك من روحك ياحبيي
نام بدري 00 دير بالك على صحتك 00 ما تتعبش نفسك
بينما السودانية تقول له :
القروش كلها كملناها
وبكرة ماشة اقلع ضرسي عليك الله رسل لي زيادة قروش
فاتورة الكهرباء جاتنا عالية وكمان فاتورة التلفون
نفيسة بكرة عرسها رسل توب بالمناسبة دي
أكاد أجزم أن معظم المغتربين السودانيين لايملكون منازل بالسودان من أتى منهم قبل عام أو من أتى قبل عشرين عاماً 0
علماً بأنني شره في شراء البناطلين والأقمصة ولا أؤجل بنطلون اليوم للغد كما أنني لا أملك منزل بالسودان وقد قمت بتقطيع 12 مفكرة تواريخ حتى الآن وكل واحدة بها 360 ورقة 0
السؤال : الى متى نصحو ؟؟ الى متى نستيقظ ؟؟ الى متى ننتفض ؟؟ هل الاغتراب يدوم لأحد ؟؟ هل الحياة تدوم ؟؟ لماذا لانفكر تفكيراً جدياً في هذه المواضيع ولماذا لاتـنـفـشخ المراة السودانية { تنفشخ دي كان بتقولها حبوبتي ويبدو لي أن معناها اقعد في الواطة دي }
قال عودة طوعية قال !!!

الأخ ابو حراز

الله يجازيك
والله اياه الحال
وشوف حاجتين اصلا المرة ما تشبع منهن
انا ماعارف السر في دا شنو ؟؟
وهما الملايات والعدة (للمطبخ)

واحذرك اوعك في السوق وتكون معاك ام بعلو
تمشي جنب دكان العدة ولا ملايات والله التخارجك ما تعرفا
وكمان اذا كان معاها واحدة صاحبتا ،، تعرف يقيفوا ساعتين
وتسمع النقة ،، والله دا نفس الطقم العند علوية جارتنا،،
وشوفتي الملايات ديك زي العند جارتنا ،، شوفي عليك
الله غشتنا كيف قالت الملاية ب 200 ريال
تعال ياابو محمد شوف طقم الشربات دا،، وكمان العجيبة
المفارش معاه نفس اللون

ويحلك الحلا بلا
وبجيك تاني
بعد الجندريات يجوك بالعصي

بعدين يا ابو حراز
نحنا في بربر بنقول
انفجخي في واطات الله دي

طبعاً ودخالتي يعمل في الجمارك في بربر
والله دا يوم تزوره نسبيتو
الرماد كال حماد
يعني يوم تجي راجعة بيحجز 5 عربيات في القطر
شيء بصل وشيء ويكة وخرفان ومصائب
في نفس الوقت ود خالتنا التاني متزوج أمريكية
يوم النسيبة تجينا من سانفرانسسكو
عاد شوف بس تقول ليك عاوزة هامبرقر
والله شوف عيني يوم تجي راجعة امريكا بس تقول ليهم عاوزة اتمشط على الطريقة السودانية
اها تلم ليك فيها حاجة عشة وتحرت ليها راسها
وبعد كدا يودوها سوق الجلود يشتروا ليها تمساح محنط
قال قطر كريمة قال

وصلتني هذه الرسالة الساخرة قبل قليل من أحد الأزواج واستاذنته في نشرها 00
الاخ المبدع عثمان
لك الود وكل التقدير واتمنى ان تكون بخير وعافيه ،، والله قريبت موضوعك بتاعة انفشاخ المره السودانيه قبل شويه والله ضحكت لما انشرطت من الضحك ،، اهنئيك على هذا الابداع والتالق ،، سر الى الى الامام وبالتوفيق ،، بس عارف سبب ايميلى دا شنو ؟ والله عيالى سافروا نهائى ليهم سنه وشويه وبعدهم انا سافرت تلاته مرات السودان وفى كل مره بخم معاى من عفشهم الخلوه هنا ،، لكن والله الملايات شاطبه راسى اسوى ليها شنو ؟ غايتو قلبى قال لى لمها واديها جاز ولع فيها ،، تسلم اخى الرائع ودمت 0
انشاء الله المدام تكون نايمة لو ماكانت في الكوفير عشان ماتقرا الكلام دا وتقوم النار تولع وتحرقنا وتحرق معاها الملايات

up

ابوحراز
جنس كلامك ده هو المطفش منك القوارير...ناس يامراه قنبي في بطن الواطه ديل ناس تصريحات بعد الزواج انت هسه الشلاقه ليك شنو!!
قال ملايات قال!!
غربه

Dear Abo haraz
This is not definitely the Sudanese Woman, but a group of parasites need to be eradicated. My advice is to get red of these parasites as soon as possible especially when Sudanese Women, all over Sudan are killed, dying, abused and displaced.
Divorce them all!!!

الراقي ابو حراز لك تحياتي
تعرف الحكاية مش مغتربة وما مغتربة الامر ينطبق على المرأة السودانية اينما كانت ومهمتها الرئيسية هي وضع المطبات امام عربة الزواجزسلوك المراة السودانية شي يحير وانا ماعارف الامر دة جاء من وين؟ بالفعل المراة المصرية لاهم لها الا الاهتمام بوضعهم بعد الرجوع من الغربةزكنت اسكن جار ملاصق لاسرة مصرية قرابة الخمس سنوات والله عندما سافروا نهائي لم يحملوا معها الا شنط يد صغيرة فيها ملابسهم الخاصة وهى قليلة جداً ونحن ضهرنا انكسر فى المطار من حمل الشنط والنتيجة معروفة
ربنا يكون فى عون آدم السوداني وادللى ياعزة

ياسلوى
أنا بالطبع لم أحكم على أن هذه هي المراة السودانية بل شريحة منها ومن يقمن بذلك هن بضع نساء وياليت لو تم استئصال مثل هذه الممارسات كما ذكرتي 00 اعرف إمراة قمة في العطاء وقمة في الابداع وكان الناس في السعودية خاصة النسااء يضحكن كثيراً عليها وأنها لاتلبس ملابس جميلة ولاتهتم بمنزلها ولاتأكل بطريقة جيدة 00 تصدقي تسكن اليوم في عمارة راقية جداً بالخرطوم حيث توفى زوجها وكانوا كلما يذهبوا للسودان لايحملون معهم هذا الغث 00 أذكر أن بعض النساء اللائي كن معها عندما قمن بزيارتها تفاجأن كثيراً من وضعها وندبن حظهن

ابويسرا
طبعاً لو كانت نظرتها هي تعطيل عربة قطار الزواج لكي لاتصل لمحطة زواج ثانية فهذه نظرة ضيقة جداً لأن الزواج مثلاً عندنا في أهل العوض بمبالغ زهيدة جداً وذلك تيسيراً للزواج وهؤلاء القوم يملكون بنات غاية في الجمال 00 أذكر أنني في إجازتي سافرت لقرية ما لو ربطوا فيها حمار فإنه سيشتكيهم للأمم المتحدة 00 يعني شيء لايطاق 00 لاموية ولاكهرباء ولاخضار ولارغيف 00 لكن عندما ترى إمراة منهم تستغرب وتكبر في الحال { لا إله الا الله } قلت لهم : هل سرقتم هؤلاء النسوة من الجنة ؟؟؟ والمشكلة الرجال شناة لمن فيها عوارة والزواج عندهم بـ 150 الف فقط { ماكل شارب نائم واقف } زي مابقول السعوديين !! بعدين بساطة عجيبة جدا 00 مثلاً تقول ماعندي بيت طوالي يقوموا يقفلوا باب المخزن المفتوح على الشارع وفي نفس اللحظة يفتحوا باب داخل الحوش ويعملوه ليك بيت 00 قال منشية قال

غربة
الله يكون في عون زوج المستقبل
شكلو كدة حايكون زول سوق سااااااااكت
تصدقي ست النفر مسكينة جداً وهادئة
ويبدو لي أن هذا هو الهدوء الذي يسبق الزواج
فكثيراً ماتكون الفترة الأولى فترة ركوض لدى المراة استعدادا للمرحلة المقبلة حيث يقال أنها تستمع أكثر فترة الخطوبة بينما يستمع الرجل أكثر بعد دخول القفص الحديدي

شكراً أيمن على المشاركة
يبدو أن وراء ابتسامتك الناصعة تختفي ملايات كثيرة جداً
أمس كنت أقرا في تقرير يتحدث عن عادات الشعوب في استهلاك الشاي
وقد استغرب معد التقرير عن عادات الشعب المغربي في الشاي حيث قال
إن الشاي عظيم جداً عندهم لدرجة أنهم يهدونه للعروس قبل الزواج
وعلقت ساخراً عليه وقلت له :
نحن في السوداان بنديها شاي وسكر وبن وزيت وبصل وجبنة وخرفان وهلمجرا
قال شاي قال

الأخ/ أبوحراز.

دعنا نكون واقعيين بعض الشيء.
عندما يذهب هولا المغتربين للزواج في السودان . هل يعطون نفسهم الوقت الكافي للتعرف على سلوك وعادات شريكة الحياة , أم يختاروا لهم واحدة تكون جميلة وبت ناس فقط ويمكن على أحسن الفروض متعلمة؟

لك المعزرة يا أبو حراز لكن كل الذي ذكرته يعتبر عدم تنسيق واتفاق بين الزوجين الذين فشلوا في تحديد أولوياتهم في الحياة والمستقبل. نصيحتي لمثل هولا هي , يجب أن تجلسوا في تربيزة السفرة وبي ورقة وقلم أكتبوا أولوياتكم وحاولوا أن تتفقوا عليها, ويأتي الترتيب حسب الأهمية القصوىَ.

دينق

دينق
صدقني يادينق اغلب السودانيين سواء متزوجين أم لا فهم بدون خطط وبدون أهداف وربما اعذر البعض منهم في أن الظروف الاجتماعية أحياناً تحد من هذه الخطط وتغير اتجاه سيرها 00 ولكن كما قلت على المراة والرجل أن يجلسا معاً جلسة هدوء عائلية وينظرا بعين ثاقبة للمستقبل ويضعان النقاط فوق الحروف 0وأنا أحمل المرأة جزءاً كبيراً من هذا الإخفاق فهي التي يمكن أن تدبر المنزل وأن تقود دفة العمل داخل المنزل خاصة فيما يتعلق بالمنصرفات وأذكر هنا أن أحد أصدقائي كانت زوجته مسرفة جداً فاتفقا يوماً على أن يعطيها المصاريف لتنفق هي على المنزل واذا بقي شيء تصرفه على نفسها وبالفعل نجحت الخطة فكان يعطيها 1000 ريال فقط بالسعودية هنا تصدق بت اللذين دي بقت توفر من الألف ريال 500 ريال شهرياً بينما كان هو في السابق يصرف أكثر من 1700 ريال شهرياً { سبحان الله } كدي جربوا الحكاية دي 0

هبو حراز سلامات

بجيك راجعة
الموضوع عاوز مراجعة

اشراقة مصطفى
بالجد نحن في انتظار مشاركتك لأنو هذا الموضوع يؤرق الكثير من السودانيين المتزوجين وطبعا بعضهم خائف ماعاوز يرد خاصة الذين معنا بالبورد ومعهم وزارة الداخلية 0 واعرف الكثير من الأزواج يعانون هذا الأمر رغم أن وضع خطط لحياتنا سيساعدنا سوياً لبناء مستقبل للأسرة 0 يعني الواحد يأسف للمغترب السوداني حيث تطول فترة اغترابه لدرجة أن بعضهم قد انقطعت جذوره عن الوطن رغم أنه مشدود الى رحم الوطن بقلبه 0

العزيز/ابوحراز
هههههههه
صورة حقيقية عشتها من قبل في جدة باب شريف وباب مكة
تقول الابواب دة ماجابوها اللي لينا الف باب وباب مفتوح
لانواالشبابك مساحتها بقت ضيقة..
لك الود

MASSOUB
أدخلوها من ابواب متفرقة
باب شريف وباب مكة وباب الريع
وشارع الذهب الذي يذهب بك الى القنصلية التي عندما نذهب اليها نطلب منهم ان يخفضوا لنا الضرائب رغم أن الكثير منا يكون قد رمى بكل نقوده في قمامة باب شريف 0 يجب علينا ان لانحرم أنفسنا وأن نستمتع بحياتنا ولكن أن تكون لنا عين أخرى ننظر بها للمستقبل 00

حروووزة

هاك النموزج ده

قرجة كيف حالك
نموذج رائع ومعبر جداً 00 ابتسامة ساخرة
أكيد بتضحك على زوجها
أخبارك شنو مع الملايات
طبعا صاحبنا قرشو والجعلي قول ليهم قال ليكم ابو حراز اطلعوا من كهوف تورابورا دي
ورونا عضلاتكم في باب شريف
قال عضلات تبش قال

ادلات تبش ...اروق اجوور

حروزة

هبيب البي

سمعت بالمغترب القال لاخوانو اعرشو على كدة

صاحبك عشرين سنة يرسل للبنيان ...وكل ما يتصل يقولو ليهو لسة في الساس

اها مرة قالو ليهو طلعنا شبر من الساس

قام قال ليهم

اعرشو على كدة

أبــو حـــراز


يا خـوي باب شـريف و باب مـكـة و كــل الأبواب ما بتخارجك

شـــوف لـيـك شـباك إتخــارج بيهو

و الله حا إتلمن عليك إخلوا ريحتك طير طير

إنت ليك فترة ما منتظم في البورد و الله بقى فيها إف بي آي و إنتربول و سي آي أيه


إتخارج يا خـــوي قبلي ما إجيبن السكاكين و إجنك

و الله يا أبوحراز بغرتنى عديل كدة .. باب شريف و باب مكة ,, و الباب العالى .

كدى النسوان ديل قادرين على رجالهم ديل كيف ..يصرفوا كدة عليهم بلا حساب ...يكونوا مربطينهم بياتوا فكى ؟؟؟ أسالهم بالله ... دى حاجة ما طبيعية ....

أنا قاعدة فى امريكا دى عقد من الزمان ,, ويوم يا كافى البلا ما شفت لى دهباية طايرة ...
الكسوة بى الله و يا مين .... , اقعين بس بنطلون جينز و T-shirts .....الله لينانحن يا ناس امريكا.. و شغالين كمان كان ما عجبك ...

كلام دينق صحيح 100% .. الغلطة علطتكم .. وسوء اختياركم .. يللا اعترفوا .....

Outcast

راجلك دا ماتخليهو يحقر بيك
اديهو العين الحمراء
الغريب اني سمعت إنو الرجال في أمريكا خوافين جداً
وبعد كل يومين تلاتة أحردي ليهو الغداء عشان يشتري ليك ملابس زيادة
لكن الجنز البشتريهو ليك دا تلقي سعره يجيب ليهو 50 ملاية
تعالي يوم السعودية وشوفي النسوان السودانيات في الأسواق
كثير ما امشي السوق لأتفرج على هذه المناظر الساخرة
يعني ما حصل ولا مرة شفت واحدة دخلت يدها في جيبها واشترت لزوجها هدية
وكثير من النساء السودانيات لايهتممن بهذا الجانب
يعني مفروض يتحركن شوية ومن المصاريف البتوفرها تفاجيء زوجها بهدية

قرجة
والله نكتة جميلة وساخرة جداً
طبعاً برضو مغترب ارسل لأخوه عشان يبني ليهو
قام الأخو { بنا } بيتو هو في الأول وبعد كدا قال للمغترب رسل عشان نبني ليك
برضو معانا واحد قال المدير حقو كان بيسرق طوب من كمائن المساجين وصاحبنا دا سواق مع الراجل الحرامي دا
أها المسئول قال للسواق تشيل {85} رد طوب توديها المعمورة لأنو كان بيبني في عمارة هناك 0
العمارة فيها غفير 00 والسواق كل ما يجيب رد يقول للغفير أمضي هنا
بعد فترة قام الغفير قال للمسئول صاحب العمارة { الطوب انتهى }
المدير استغرب : قال ليهو كيف ينتهي ؟؟ استلمت كم الف من السواق ؟
قام الغفير طلع اوراقه واتلقى انو استلم {45 } الف بس !!
المدير زعل واشتاط غضباً ومشى للسائق وقال ليهو : وديت كم الف طوب للعمارة ؟؟ السائق قال ليهو : 45 الف ياسعادتو !!
قام المدير قال ليهو : انا مش صرفت ليك 85 الف ؟؟
السواق قال ليهو : والله ياسعادتك لو ما انت سرقت الطوب انا كان للأبد ما اقدر أبني بيتي

ابوحسين
إنتو الظاهر ماعندكم باب شريف في المدينة
كدي تعال بس يوم جدة وخاصة بعد صلاة المغرب
تلقى الرجال السودانيين بعد الفصاحة دي كلها يحننوك
الراجل شايل الكيس مليان ويدخل من دكان لدكان
بعدين لو دخلت معاه زوجته باب شريف فالخروج يصبح صعب جداً
لديهن شراهة غير عادية والزوج لاحول له ولاقوة
ست النفر بتخاف من { الدودة } وانا حالف لو جبتها هنا بس كل يوم اشيل معاي دستة ديدان واي محل في باب شريف أرمي فيهو واحدة
بعدين لو ختيت ليها دودة في ملابسها 00 خلاص 00 الرماد كال حماد يعني بعد كدا بتنفذ ليك أي شرط انت عاوزو 0
يبدو لي أن النساء قادمات هذا ان لم يكن قد قدمن فعلاً
وستكون السلطة للمراة
وستذهب سلطة الرجل للمتحف
خصوصاً واننا سمعنا أن التجارب قد انتهت من حبوب منع الحمل الخاصة بالرجال
وما على المرأة إلا ان تحضر الماء لسي السيد
والمشكلة أن تنهره في منتصف الليل { يا راجل هووووووي بلعت الحبة وللا لسه }

الحبيب ابو حراز

الكلام كتير لكن نقول شنو (الحيطة عندها ودان)

ترهاقا
يازول قول كلامك بالتلفون
خلي الحيطة في مكانها
وماعندك مشكلة
فضفض زي ماعاوز

واحد امس اتصل قال زوجته غريبة جداً
دي بتشتري الملايات من باكستان وعلى طول بترسلها قدامها السودان
قال كل اسبوع عندهم شحنةملايات
والمشكلة لحدت الآن ماعندهم بيت
شوف ليك جن نسوان
قلت ليهو دي اول ماتصل السودان
وديها التجاني الماحي
لأنو طبيب نفسي ما حايجيب فيها خبر
وللا أحسن الشكينيبة
دا جن شنو دا يا جماعة

دكين 00 كيف أخبارك مع سبر الأغوار
نسيت اقول ليكم توب { الصحاف }
الغريبة انو سعرو رخيص جداً
لمن سافرت أخذت منو عشرة تياب
واي واحدة في فريقنا كذابة أهديت ليها واحد
بالله يدعن لي لحدت مارجعت السعودية

Quote: والأدهى أن التجار في السعودية استطاعوا ان يسبروا أغوار المراة السودانية

والله سبرو جنس اغوار ..

Quote: ياسلوى أنا بالطبع لم أحكم على أن هذه هي المراة السودانية بل شريحة منها ومن يقمن بذلك هن بضع نساء وياليت لو تم استئصال مثل هذه الممارسات كما ذكرتي 00

ازيك يا ابو حراز،والله مشتاقين،شنو يا مان شايفك اتراجعت عن نظريتك حول المراة السودانية و عملت الكلام عن شريحة منهن و موبايل منهن،قال شريحة قال

لك الود يا حبيب،بس حبيت اشاغلك

ابوحراز .. قلت لازم أهرش الراجل دة؟؟ لكن و الله بهرش من سنين و ما جايب فايدة...
الغريبة انه انا البحاول اوفر و اذكره بأنه لازم نكون عاقلين فى اولوياتنا ,, وهو البحب الصرف (طبعا ما تياب) لكن عندنا هنا امراض اسوأ و أغلى من التياب و الملايات اسمها المعدات الالكترونية زى .. الكمبيوتر ..لاب توب .. PDA .. organizer ..كاميرات رقمية .. فيديو رقمى ... وبرامج كمبيوتر بالكوم ... و راجلى كل يوم خامى حاجة من ديل و.. كل يوم يمشى محل الكترونيات يجيب فى الحاجات العجيبة دى .. وكل ما بيل قيتس يخترع ليهو سوفتوير حديد ..ولا IBM تنزل ليها كمبيوتر جديد ... انا اشيل الهم ... لما خلاص .. ح نبقى على الحديدة ...المشكلة انه كل سنة بتطلع موديلات جديدة ,, ودايما يحرد القديم و داير يشترى اخر صيحات الالكترونيات ... دة يسموهو شنو؟؟
غايتو انا بحب اوفر و بفكر لقدام دايما .. لكن يمكن يكون عشان فينى عرق نوبيين .. وشايله من اهلى المصريين الحتة دى .. شفت زول سودانى مشكلته مع مرته انها عايزة توفر و هو لا ؟؟؟

وعن أذنك يا ابوحراز ... "يا دكين هووووووووووى" ...

Outcast
والله زولك دا يتابع ليك ناس بيل جيتس حيطة واحدة ماتبنوها
تصوري زوجة بيل جيتس قبل فترة زارتها طالبات المدرسة الابتدائية التي درست فيها
وقالن ليها مدرستك دي عاوزة شوية صيانة ولازم تساعدينا
قامت المسكينة دي عملت حفل خيري باسم مؤسسة بيل جيتس
ودعت لهذا الحفل كبار الشخصيات ونجوم المجتمع بأمريكا
الغريب زولنا مايكل تايسون مادعوه 00 دا مانجوم مجتمع ولا شنو
ولا قونقليسة رايس مادعوها { طبعاً قالوا انها سودانية واسمها الأصلي قنقليسة لكن مشت أمريكا وعولموها }
زوجة بيل جيتس عملت سعر التذكرة الواحدة مليون دولار ودعت مائة شخص
من بينهم بيل كلنتون
لكن الزول دا جمع قروشه وقروش هيلاري ومونيكا وماقدر يتم سعر التذكرة
وأخيراً اعتذر
المصيبة دي جمعت للمدرسة 100 مليون دولار
بالله دي لو اتبرعت لينا بيها تبني 5000 مدرسة بالسودان
انتي حاولي اللاب توب والكمبيوترات البجيبها دي بدليها بالعدة
وللا في امريكا ماعندكم
عليك مان الله عندي قميص من اجمل مايكون
في الآخر قلبوه صينية وصحنين !!!

منوبيا 00 وينك يامان 00 مختفي
الظاهر انو وزارة الداخلية عاملة ليك حظر
بصراحة نسوانا جميلات جداً وظريفات وفاهمات وأنيقات
لكن مما تزوجها خلاص الدنيا بتنقلب رأساً على عقب
والغريبة كان زعلت منك
الجمال كلو يروح شمار في مرقة
لكن رغم ذلك لديهن وفاء غير عادي
ومايميز المراة السودانية أنو حاجة بسيطة بترضيها
لكن فعلاً توجد شريحة خارجة عن النص
ويوجد أزواج يعيشون كدراً من انفاق زوجاتهم واسرافهم
غايتو انا ست النفر متعذب معاها في الكوفير
بس تقول عاوزة تنقلب فجأة نيكول كيدمان أو بروك شيلدز
والمشكلة انو أهل العوض لمن يقوموا في حاجة جديدة بقطعوها النفس
وزولتي انا البكاء دا اقرب اليها من حبل الوريد
يعني النسوان الواحدة تزعل وتثور وتجوط
لكن نحن بكاء على الهواء مباشرة
يعني كان قلت كوفير مافي 00 عدة مافي 00 ملايات مافي 00 بس جهز صيوان البكاء 0

فوق فوق حرازنا فوق

ابويسرا تحياتي
معليش شفت أول مرة انك حاولت ترفع البوست
الظاهر عليك الملايات " قدت " جيوبك كلها
شايف اغلب المتزوجين محروقين من حتة العدة والملايات دي
الله يكون في عونكم
تحياتي للمهندس
وكل البورداب
وانشاء الله بوردابيات السودان يخففن شوية من حكاية الملايات

Hi ABOU HARAZ
Why do you marry this type of women in the first place
What about the Sudanese women in the countryside who bring water from the wells,cultivate the land,take the livestock to grazing,bring up the children and look after their husbands
What about the intellectuals who support their husbands all the way through
I think you like this type of women because you think they are week and subordinate,thus you will always be the master. But this is not true.You can be the master as you like if you treated her as someone who is equally intellegent.Believe me this type of women you are talking about are very intellegent. They know that there is something missing in this marriage and they want to take revenge on you,even if she doesn't know clearly what it is,but it is at the back of her mind.
Good luck ABou Haraz
Nour Tawir
Sudanese woman123

Nour Tawir
ياسلالالالالالالالالالالالام على هذا الكلام الرائع والجميل
اعرف ياسيدتي أن هناك نساء سودانيات يعملن في الريف من أجل جلب الماء
وقد سافرت شخصياً لقرية وجدتها بلا نساء !!!
وعندما سألت عنهن قيل لي أنهن ذهبن لجلب الماء
وأكثر اللوحات التشكيلية التي تحمل لي أنفاس الوطن عندما اشاهد إمراة وهي تحمل جردلاً على رأسها
وأعرف ياسيدتي أن هناك نساء في بلادي يزرعن الأرض ويفتتن الصخر
واعرف من تذهب لترعى الماشية وتربى اطفالها في نفس الوقت
لكنني تحدثت عن شريحة من النساء
ولا اتفق معك في انهن يردن الانتقام من ازواجهن لمجرد أنهن يفتقدن شيء معين في هذا الزوج
بل أنها ظاهرة شرهة ونوع من المفاخرة والفشخرة بينهن
هناك نساء رائعات
وهناك نساء تائبات
وهناك نساء حامدات راكعات ساجدات
وهناك نساء صامدات
وهناك نساء حد الروعة
ولكن ايضاً هناك نساء لاهم لهن سوى العدة والملايات
شكراً لك وعلى كلامك اللطيف

أبا حراز ها هنا.. يامرحبا يا مرحبا..

والله انا موافقه على كلامك ده ميه الميه.. يازول ملايات شنو وكلام كتير شنو...

أعرش على كده بس

بنت الحسين

يا بت الحسين
قالت توافق قال
انتي قالوا ما خليتي ليك ملاية في الأردن
تجي تقولي توافقي
دا كلام جرايد ساي

الاخ ابوحراز
الفنان محمد الامين.. مشهورا بروح الدعابة وسرعة البديهه.. في كل مرة يزور امريكا تكون عند وداعه ارتالا من الملايات شئ هدايا وشئ وصايا فقالها بالصوت الغليظ حقو امريكا دي يغيروا اسمها دة ... و يسموها بدل الولايات الامريكيه المتحدة .... يسموها الملايات الامريكيه المتحدة.....

sumah
شكراً على النكته اللطيفة من ود الأمين هذا الفنان المتألق دائماً
يقال أن احدهم { يسمى محمد أحمد } كان معجب به جدا
وانتظر يوماً محمد الأمين بعد أن انهى وصلته بالمسرح وقال له
والله يا ود الأمين أنا من اشد المعجبين بيك وعندي كلب اسمو اسمر
وحاولت اقابلك عشان اعتذر ليك لأني حاولت اغير اسم الكلب دا لكن الناس في الحي للأسف اتعودو يقولوا ليهو اسمر
وانا هسي محتار جداً في الحكاية ومسببة لي مشكلة
قام محمد الأمين قال ليهو : يازول ولا مشكلة ولا يحزنون
كلبك خليهو اسمر في محلو
وأنا قادر على أغنيتي وحا اسميها { كلب محمد أحمد } !!!!

برضو واحدة شفقانة كتبت رسالة لزوجها من السودان
والزوج كان هنا في السعودية
اها بعد قفلت الظرف وكعادة السودانيين عاوزة تكتب ليهو يجده في اسعد الأوقات
قامت كتبت : " يجده في اسعد الملايات "

ابو حراز انا حاديك الخلاصة.......................
النساء ناقصات عقل ودين

ساري الليل
الظاهر عليك عدتك كتيرة وملاياتك مالية البيت
عندنا واحدة جابت ليها مولود بعد عشرة سنوات جفاف
المهم كلنا كنا مبسوطين ليها
اها الجماعة مشوا ليك السوق
وهاك ياهدايا فساتين واسكيرتات وبلوزات وحاجات وجزم وشباشب غاية في الروعة
اها ابوحراز بس وقع محل الملايات
ويادار مادخلك شر على قول المثل
قمت اشتريت ليها { دستة ملايات أمريكية }
طبعاً وحسب ماوصل لنا من نقة النسوان وكلامهن الكتير
قالوا قالت ليهم : غايتو اشطر واحد ابوحراز
وناسي الباقين طلعوا ساااااااااااي !!
قال اسكيرتات قال !!!
لدي حكمة حقتي براااااااااااي ما يقوم بكرة فيلسوف صيني أو يوناني يقوم ينسبها ليهو
تقول الحكمة : " كلما شخـّصت المراة جيداً كلما اقتربت من قلبها " شخصت دي طبعاً بتدخل فيها اشياء كثيرة جدا

Quote: ساري الليل الظاهر عليك عدتك كتيرة وملاياتك مالية البيت عندنا واحدة جابت ليها مولود بعد عشرة سنوات جفاف المهم كلنا كنا مبسوطين ليها اها الجماعة مشوا ليك السوق وهاك ياهدايا فساتين واسكيرتات وبلوزات وحاجات وجزم وشباشب غاية في الروعة اها ابوحراز بس وقع محل الملايات ويادار مادخلك شر على قول المثل قمت اشتريت ليها { دستة ملايات أمريكية } طبعاً وحسب ماوصل لنا من نقة النسوان وكلامهن الكتير قالوا قالت ليهم : غايتو اشطر واحد ابوحراز وناسي الباقين طلعوا ساااااااااااي !! قال اسكيرتات قال !!! لدي حكمة حقتي براااااااااااي ما يقوم بكرة فيلسوف صيني أو يوناني يقوم ينسبها ليهو تقول الحكمة : " كلما شخـّصت المراة جيداً كلما اقتربت من قلبها " شخصت دي طبعاً بتدخل فيها اشياء كثيرة جدا

---------------------------------------------
ابو حراز بالمناسبة انا لسة ما دخلت الفلم بتاع الملايات والتياب
بدري شدييييييييييييييد

ساري الليل
كمان بنصحك ما تتسرع وتدخل
أهم شيء يكون عندك ملاية بتتغطى بيها من البرد
يعني تكون حر تتغطى بيها او ترميها على جنب
قال بدري شديد قال
منتظر السلام يتم وللا شنو

الأستاذ عثمان أبو حراز:

لك خالص التحايا.. وحمد لله علي السلامة وظهورك ..والظاهر الجنس الناعم لسه ما قرأ كلامك دا .. وألزم الجاياك!!!!

كنت قبل عام تقريبا بالسودان ..وعندما كنت راجعا هنا [ أمريكا] كل مره تجي تودعني تقول لي دقيقة دايراك في موضوع..: القي الموضوع عليك الله رسلي معاك ستة ملايات أمريكية ..زي الجبته لناس فلانة وعلانة.. يعني أيامي الأخيرة كلها عديتها ملايات ..

مع خالص ودي,,,

ايهاب الطيب
شوف انا ماعاوز ملايات ولايحزنون خليني أجيك في أمريكا بس
واي زول وصاك لملايات حا اشتري ليهو
شوف السنة الأولى دي كلها حا اشتريها ملايات
وبعد كدا نشوف بقية الأحلام والطموحات
لكن كلو دا كووووووووووم وعندنا واحد مجنون كما يقولون كووووووووم تاني
عارف دا اسمو شنو ؟ أبـ ملاية
اول ما شاف الساعة واحدة صباحاً طوالي يطبق الملاية من السرير ويتلفلف بيها
وهذا اغرب جنون رأيته في حياتي
يذهب خلسة للمنازل وله طبع غريب جداً
حيث يعرف البيوت التي فيها بنات من عمر 17 الى 25 سنة
يقوم يفتح وش البت ويعاين فيها بس ويخليها مكشوفة ويمشي
يعني عادي كلما تصحى من النوم تسمع الناس يحكون لك أنو اب ملاية جاهم أمبارح
يوم جاء لأقاربي وكن ثلاث بنات ينامن مع حبوبتهن
علي التسودها عليه قوم افتح الملاية لقاها دي الحبوبة المكرمشة
قام غطاها في محلها وقام جاري
قال مجنون قال !!!!
طبعاً انا حالف كلما امشي اجازة اتمنى يجي يفتح وشي
عشان أطير ليهو جنو في راسو

العزيز جدا أبو حراز ...

أولا عودا حميدا لأحضان البورد لتزرع بسمات صادقة على شفاهنا ..
شر البلية ما يضحك .. فعلا ضحكت لأن رأس السوط لحقني و لم أتمالك نفسي فى الإتصال بك تلفونيـا لنضحك سويــا رغم أنها المرة الأولى التى نسمع فيها أصوات بعضنــا..
و زى ما قلت ليك طبعا الإجازة الصيفية فى نهاياتها و ناوين نعمل عمرة و زيارة سريعة لجدة و حلم الأطفال ( جنقل لاند ) بس المخوفنى أنه أيضا باب شريف موجود في جدة .. و اسواق المحمل ..
لكنك ( بأريحية) رائعة أوصلت لى الخطة الثالثة وهي أن أعمل ( شكلة ) مع المدام بمجرد ما نصل إلى جدة عشان أزوغ من حكايةباب شريف و الملايات المتوقع شراءها - لأن الشحن للخرطوم من جدة أرخص و اسرع - ... و بالرغم من كل هذه العضلات التى إستعرضناها أنا و أنت و آخرون في هذا البوست أؤكد إليك أن الغلبة في النهاية (( للمــــلايات )) ..

مرة اخرى تحايا عطرات و في إنتظار مشاركاتك الساخرة ..

أبو حراز

تأييد كامل لكلامك الواقعي

ولنا عودة أخرى للتحدث بصورة أوسع

قصدت رفعه الى حين عودتي


عبير خيري

ابومهجة 00 عبير خيري
مابين المحمل وباب شريف شعرة معاوية حيث توجد قهوة كبيرة جداً أنصحك بالتوقف فيها وتناول البارد
قبل أن تتوغل في باب شريف الذي كلما أدخل اليه أخاله قطعة من الخرطوم
ولو اتيت في المساء ستجده سودانياً عن بكرة ابيه ولو دخلت أي محل للتياب أو الملايات ستجد به سودانية بالداخل
أما الرجال فانظر الى اياديهم وظهورهم المحملة بالأكياس والعرق المتصبب من وجوههم
كلنا يا استاذي ندخل الى هذا السوق بلا هدف ولا نعرف ماذا نريد أن نشتري أو ماذا اشترينا
وإياك أن تدخل بالمدام في محل به نساء دخلن قبلها للشراء
فسوف تتعرف عليهن بسرعة البرق
وسوف تتغير حينها خارطة الطريق
أحد اصدقائي زوجته ماقاعدة في الواطاة وبتحب الفشخرة ولمة النسوان والمناسبات الكثيرة كل ذلك لأنو حنكها سنين جداً
دي مرة ماتت جارتها في السودان تبكي 3 ايام وكمان عملت الفراش هنا في السعودية
وهاك يا اعمدة وكفتة وبطاطس 00 المشكلة فاتحة نسائية مائة بالمائة
الراجل يجيب زوجته ينزلها ويرجع البيت
أها مرة اتصلوا على زوجها من السودان وابلغوه بوفاة حبوبة المدام وكانت بتحبها جداً
الراجل بدل مايحزن انبسط 24 قيراط لأنو كانوا مسافرين جدة
وبعد نزلوا في الفندق المدام طبعاً تنكرش عشان عاوزة باب شريف
ولأنها بتحب البكاء قام الزوج قال الليلة حا افركش عليها كل شيء
اها قام قال ليها رايك شنو : نمشي باب شريف وللا تقعدي تبكي على حبوبتك ؟؟؟؟
قالت ليهو : سجمي : حبوبتي ماتت ؟؟
قال ليها لحقت أمات طه 00 اتلحست الليلة 00 اها رايك شنو ؟؟
قالت ليهو نمشي السوق وبعدين برجع ابكي على حبوبتي !!!

عبير خيري
آسف لتأخير الرد عليك
رغم أنني قد كتبت اسمك مع ابومهجة
ولكن كنت اود الرد عليك الا أن ظروف سفر حالت دون ذلك
لك التحية واتمنى طرح وجهة النظر الخاصة بيك
والاحظ ان بعض البوردابيات اللائي كن يشاركن قد احتجبن عن المشاركة في هذا البوست
ماعارف الحكاية مزاج وللا شنو
اتمنى ان لايكون الأسلوب جاف في هذا البوست
وعلى كل حال هو يناقش قضية واقعية وحادثة في المجتمع السوداني

بعيداً عن النص لنعطي نكهة قليلة للبوست علها تضيف اليه طعماً آخر

بحياتك ياولدي إمراة عيناها سبحان المعبود
فمها مرسوم كالعنقود
ضحكتها أنغام وموسيقى وورود
والشعر الغجري المجنون 00 يساااااااااااافر في كل الدنيا
الكلمات لنزار

حروزة ازيك

عارف ياحروزة في اول مرة انزل السودان والله 3/5 من عفشي كان ملايات
والغريبة انا ما كنت عارف بيشتروها من وين زاتو ... بس المكنة دي برضو ما حلتني تصدق ناس السودان وروني المحل هنا وكان يبعد عن مدينتنا 3 ساعات شوفت كيف بالله !!!!!!
يازوول من ديك تاني بقي الواحد لمن يكون نازل اجازة بيتصل ويقول للناس بكرة قابلوني في المطار هههههيكة.
الحاجة الملاحظة برضو حكاية العدة ..الغريبه النسوان ديل بيشتروا العده لكن ما بيستعملوها يعني تجي تلقاهم خاتينها منظر في البيت ولا مامعاي في الحتة دي.

يديك العافية

بخاف كيفك ومشتاقين كتير
ياخي عندنا براد بتاع شاي من سنة 1948هـ
طبعاً لحد الآن ماشفتو نزلوه وصبوا لينا فيه شاي
انا مسميه براد النكسة
لأنو بيذكر باحتلال فلسطين
ونحن برضو أحسن حالاً
حبوبتي عندها جك بتاع قزاز دا تعرف من متين
من طهور عمي
وعمي دا الله يرحموا مات قبل عشرة سنوات وكان عمره 80 سنة
الجماعة قالوا شنو 00 خليهو ذكرى
يعني مشكلة كبيرة تشتري شيء وماتستعمله