إمّا الكلية وإما الطلاق وإما وإما وإما وإما !!!!

إما أنا وإما الكلية
وإما وإما وإما وإما
هذه كانت آخر عبارات أحد أصدقائي لزوجته بعد الرجوع من شهر العسل
تحول هذا الزواج الأسطوري فجأة الى كابوس
مازالت أوتار الفنان على مسامعنا
ومازالت نكهة الزواج لم تفارقنا
والأدهى والأمر أن شريط الفيديو مازال بالمونتاج
كانت هذه نقطة الخلاف الوحيدة بينهما
قال لها : الزمي المنزل ولاتذهبي للكلية
فوقف أهل العريس مع ابنهم ووقف أهل العروس مع ابنتهم
وبدأت المشادات والمناقشات وأخيراً كان لابد من استعمال الكارت الأحمر
تم الطلاق بعد اسبوعين فقط من الزواج
وانزوت العروس الجميلة تـتـشابك على رأسها ملائـيـين الأسئلة
هل تضحي بالحبيب الذي انـتـظرته من أجل الدراسة
أم تواصل دراسة التاريخ وليكن مايكون ؟؟؟
لكنها قررت أخيراً أن تعود اليه والى أحضانه
ووسط ذهول كل الأهل كان قرارها بان تعود لزوجها وتعيش معه حياتها
وذهبوا اليه ليبلغوه بذلك
ولكن كانت المفاجأة أنه قد قطع إجازته وعاد للإغتراب مرة أخرى !!!!
لقد تعاطفت مع المرأة بحكم الجيرة أولاً ولجوانب أخرى ثانيا
رغم أنني في داخلي رجل شرقي ينحاز للرجل حتى لو كان على خطأ
مع العلم أن الزوج متعلم ويحمل درجة الماجستير
لكن 00 الا يحق للمراة أن تواصل تعليمها خاصة في غياب زوجها ؟؟
هل من حق الرجل أن يمنع زوجته من تحقيق ذاتها ؟؟
هل أن مايراه الرجل في الجامعات هو مادفعه لهذا القرار ؟؟
أم أن الرجل الشرقي لايرضى بدورٍ غير أدوار البطولة ؟؟؟

Quote: رغم أنني في داخلي رجل شرقي ينحاز للرجل حتى لو كان على خطأ

طيب ده ما موضوع بوست براهو يا أبوحراز !!!!

نادر كيفك
طبعاً قلنا ننتهي من موضوع النسوان أول
وبعدين نشوف طريقة الرجل الشرقي
البوست دا كان واقف لي في حلقي
وكنت مخبيه لليوم الأسود
والآن بعد قريت بوست بكري بتاع العودة للسودان
ضغطي ارتفع
وقلت نفك فيهم البوست دا
خربانة خربانة
قال المنشية قال

مكرر عذرا

بخاف
قال خيار قال
والله تاني لا خيار لا عجور ماينفع

Quote: من حق الرجل أن يمنع زوجته من تحقيق ذاتها

مامن حقه المنع بس يعطيها الخيار
حروزة تحقيق الذات ده لو عملته في بيتها موش احسن من القراية ؟

قال عنده ماجستير قال
والله فعلاً القلم ما بزيل بلم ؟

الله يجازيك ياجندرية
ضحكتينا من اعماقنا
وذكرتيني قريبي برضو عندو ماجستير
دا جاء يوم دخل البيت لقى الغنماية أكلت الدقيق
يعني سفت الدقيق
تعرفي عمل ليها شنو
قطع أضنيها الأتنين

شوفي ليك جنس عوارة
الحكاية ماماجستير ودكتوراة
الحكاية مرات قرفة وزهجة سااااااااي

اخي ابوحراز
اول الاخطاء التفاهم قبل الزواج بالمواصلة او عدمه
ةفي هذه الحالة اعتقد ان احدهم غير موقفه
ثانيا ما هي نظرته للمواصلة
اذا كان من ناحية عدم حوجة لتعليمها فهذا عطا
ام اذا كان عن وضع الجامعات في السودان فانا معه زد علي ذلك لا اعتقد ان اترك زوجتي واغترب وارتكها في السودان وسط شباب مفعم بالحيوية( هسي يجوا يقولوا انتا ما واثق فيها)
الحياة في السودان اصبح فيها فراغ مميت خاصة في الجامعات وهناط حياة غريبة شهدتها بنفسي في الاجازة عندما ذهبت لزيارة ابن اختي ومرة اخري ذهبنا الي ركن نقاش
حقيقي الانحلال الموجود في الجامعات لم اشهده في الهند وجامعاتها
اخوتي ربما خوفه علي زوجته او لديه وجهة نظر اخري
واقول ليكم حاجة مرات البنات بتمسكوا بحاجات بس عناد
اديك مثال
مرة احد اصدقائي في ليلة زواجه
المصور احضر شريط خطا وذهب احد اصدقائه لاحضار شريط فيديو اخر
تخيل جلست خارج الاستراحة اكثر من ساعتين ونصف الساعة
حلفت بالتكسرا الا تصور وهي داخلة الاستراحة
تصدق بدات الحفلة الساعة 2 ونص صباحا

ابحراز ازيك
الموضوع الذي ذكرته موضوعة ليس مواصلة الدراسة أو قطعها
موضوعه هو موضوع السرج،،،
الجد بيوصي في حفيده العريس انه في سرج واحد اللي يسبق يضعه على ظهر الثاني يركب..
الحفيد حتى رجوعه من شهر العسل لم يجد تفسير لموضوع السرج لكن بعد أن وصل الديار كانت عروسته سبقته في المقدمة وفي بهرجة الموضة والتوب والعطور، وجاء خلفها يحمل الشنطة على ظهره فوجد الجد في ضل الضحى، فبادره الجد مبروك السرج الشايفة على ظهرك،
قام الحفيد قال ليه يا جدي ده ما سرج دي شنطة
فقال ليه العتب على على النظر ياولدي
شمن سرج ، سرج السدر، أول سرج السدر سرج

ابوحروز يتجه شرقاً

المسافر
الله يجازيك ويجازي جدك
والله تلقاك دا انت الركبت في السرج
لكن برضو عندنا جدنا دا مشكلة كبيرة
الحمد لله الآن زي التلفزيون بيطلعوه المغرب وبيدخلوه الساعة 11
يعني كان عامل لينا مشاكل كتيرة جداً
مرة سألنا قال لو جات مطرة والواحد فيكم كان متزوج وكنتو نايمين في الحوش اها اول شيء بتعملوه شنو
طبعاً صاحبك شفقان
طوالي رفعت يدي وقلت ليهو : بشيل مرتبتي أدخلها وبعدين اشيل المرتبة بتاعت مرتي أدخلها ليها
والله زولك قرب يستفرغ من إجابتي
وقال لي : الله يقطعك الأضينة انت كان كدي انا مابمشي في عرسك
قلت ليهو طيب اسوي شنو
قال لي الراجل عندنا بدخل البيت بالشيء اللابسو في جسمو دا
اها دي عوارة وللا ماعوارة
يعني مفروض الحياة يكون فيها شيء من التعاون
قال سرج قال

عزيزي أبو حراز
تحية و سلام كبير

الأولو شرط آخرو نور .. على قولة المصريين
عندنا الزواج في السودان يتم على طبق من التعتيم الغريب ..
مفروض الرجل و المرأة يقعدوا يتفقوا على كل التفاصيل .. الدقيقة منها و الغليدة .. يقتلوا كل شيء بحثا .. و مسألة مثل مسألة الدراسة بعد الزواج لأنه أمر هام و حيوي لا بد من أن تناقشه الفتاة مع أهلها و الرجل مع أهله ثم تتقابل الفكرتان و على ضوء الإختلاف أو الإتفاق تتم عملية الزواج .. و لكن دفن الرؤؤس في الرمال في غمرة الفرح و الزغاريد و هموم مصاريف العرس لا تأتي بنتيجة إيجابية بل تكون النتيجة وخيمة ..
أنا في رأي المتواضع أن تعود الفتاة لكليتها ، لأنها بإنهاءها لدراستها تفيد زوجها و نفسها و مجتمعها و أولادها فيما بعد ..
و الله الموفق
أرقد عافية أبو حراز أخوى

خطيبتي ما دايرة تتم دراستها
لا قبل العرس لا بعدو
قالت خلاص خشت الحياة العملية
قدر ما حنستها ابت ( بديت اشك انها بليدة )
ده نقول عليهو شنو ، هسي انا محظوظ والا موضوعي بايظ
افتونا يا جماعة وهي قاعدة تقرأ تعليقاتكم

ba7ar
انت محظوظ طالما عندك خطيبة بالمستوى دا
كويس انك طلعت من قبيلة عاوزة اكمل قرايتي
يعني شاكوش بتاع عولمة
اغرب شيء أنني كنت أبحث عن دراسة تتعلق بالموضوع
فهل هناك دراسة عن العلاقات الجامعية التي انتهت بالزواج ؟؟؟؟
يعني ما الاحظه أن اغلب العلاقات بالجامعة هي علاقات عابرة
ولايعني ذلك أنه لاتوجد علاقات ناجحة وانتهت بالزواج !!

ابوجهينة
شكراً على التحليل الجميل والرائع
وكما قلت فإن رجوعها للكلية فيه فائدة لها ولأبنائها ولزوجها
ولكن اين الزوج 00 فقد ذهب دون رجعة
مع احترامي لوجهة نظرك لكنني اضيف عليها أنها بإمكانها ان تؤجل الزواج مرة أخرى اذا لم تصل لحل مع زوجها السابق وبامكانها أن تكمل دراستها قبل أن تدخل في تجربة أخرى

المهاجر
ربما كثيرون لايروق اليهم الحديث عن الفساد في الجامعات
وهذا واقع معاش ويجب أن لاندفن رؤوسنا في الرمال ونناقشه بكل جدية
وهذا الزوج عمل في الجامعة بخلاف دراسته في الجامعة
والتي كانت في وقت مبكر
حينما كان الطالب يجلس مع زميلته وبينهما مترين
أما الآن فلا مترين ولا شبرين ولاقراطين بل 0000
ومجتمع الجامعة الحالي يشكّل الفتاة كما يريد
واعرف واحدة كانت الغنماية تأكل عشاها
مسكينة لدرجة قف
وعندما زرتهم في الجامعة وذكرت لي صديقاتها أنها تعيش قصة حب ملتهبة
بدأت استغفر الله لأن هذا كنا نعتبره واحدة من علامات الساعة
المشكلة الحبيب تربية فيزياء وزولتنا تربية دراسات اسلامية
قلت ليها ما دام الحكاية اصلها جاطت
شوفي ليك فكي زيـّك 00 حبي ليك واحد بتاع وضوء وتيمم
لأنو ناس الفيزياء ديل طاقتهم عندما تلامس قوة الأنوثة فإنها تحدث هالة كبيرة من الضوء وبالتالي تـنـتـج القنبلة الذرية 00 القنبلة دي بدون نووووووووون !!
قال تربية قال !!!!

بعدين شنو ماتدخل الاستراحة الا بعد تصور
عشان كدا نحن من هسي حانشيل شريطنا معانا
لأنو اقصى حد حاتنتهي حفلتنا الساعة 11
ولمن تجي 2 ونص نكون قضينا على اليابس والأخدر
قال 2 ونص قال

أبو حراز
الكلية شن طعمها ، بيتها كان أخير ليها ،،
هي اكتشفت صحة هذا الكلام ، لكنها تأخرت ،،

الجندرية
البلم عليهو هو براهو
هي ذاتها أكبر بلم
ما كانت من الأول تنجّض أمورها عشان ما تخسر البليلة وماها ،،

ودقاسم 00 تحياتي
كدي خلينا من الكلية والبليلة
موضوع غرب الجزيرة غتستوا ووووووووين ؟؟
من الطرائف أنني زرت بعض أقربائي الذين يدرسون بكلية التقانة
وعندما قررت الرجوع أحضروا لي شنطة نسائية وذلك فرجاعها للجزيرة
وقالوا لي هذه الشنطة لطالبة كان من المفترض أن تدرس معنا
ولكن تم خطوبتها في نفس اليوم الذي من المفترض أن تحضر فيه الكلية
وقد خيرها العريس بينه وبين الكلية
فقالت لهم { عليكم الله رسلوا لي حاجاتي معاكم }
الآن العروس مبسوطة جداً حيث تعيش مع زوجها في سعادة كبيرة جداً
واتمنى أن يساعدها في مواصلة دراستها بعدما دخلت الحياة العملية على قول أخونا السابق

ابوحراز


شفت .. جبت لينا الكلام هسع

انت بتنكت المشاكل دى من وين بس ؟؟؟

قرشو
الخوف ليك شنو 00 الكلية مش جمب بيتكم
هي دي ياتو واحدة العاوزة تقرا ليك
لقيت اتنين في الاجازة دي واقفات قبل الكبري بتاع حنتوب
طبعاً ماشات الكلية
وأوصلتهن هناك وذكرت ليهن انو بنت أختي بتقرا في الكلية
طوالي بسرعة البرق اتعرفن عليها
والخميس التاني جونا في البيت 00 على طريقة لاتؤجل عمل اليوم للغد
المشكلة طوالي قابلن ست النفر وقالن ليها نحن بنعرف ابوحراز
طبعاً اليوم داك قربنا نجيب ناس المطافيء
وزولتي اتكرفست الخميس والجمعة تقول أنا توم كروز أو ليوناردو دي كابريو
عشان كدا واطاة حنتوب عملناها جامع
قالوا لينا تاني الكبري دا نهائي ماتقطعووووووووه

ابوحراز


شفت .. جبت لينا الكلام هسع

انت بتنكت المشاكل دى من وين بس ؟؟؟

غايتو بي طريقتك دي يوم بتعرس ليك مرة راجل؟؟؟

والله يا بدر الدين شنو لو عرفتك الواحدة انك في السعودية الرماد كال حماد
لا مرة راجل ولا مرة بلا راجل ما بتعرسك
تعرف المغتربين بتاعين السعودية للأسف سمعتهم بطالة جداً هناك في السودان
الواحدة مما تقول ليها مغترب في السعودية تجيها كارووووووشة وتقبّل منك غادي
اول شيء قالوا نحن بنقفل النسوان داخل الغرف ومابنمرقهن نهائي
وتاني شيء لازم تكون مكمكة اليوم كلو
والأدهى والأمر عندهم اشاعة غريبة جداً
قالوا مغتربين السعودية : المرة بتجي سمينة وعويرة من هناك
والأولاد بيجوا غير مهذبين
والرجال كذابييييييييييييييييييييييين

كدي شوف ليك عوجة
نشيل ونخم ونودي
وبعد دا كلو المصائب ورانا

الظريف ابو حراز مثل هذه الحوداث كثيرا ما تحدث واكثرها في النوات الاخيرة،اذكر انه كان لنا صديق كثير المغامرات العاطفية فذات يوم رمي به الحظ علي فتاة اوربية جميلة جدا جدا وكان كثيرا ما ياتي بها الي بيوت الاصدقاء للزيارة حتي الفناها والفتنا ،ولكن فأجانا هذا الصديق يوما وعند السؤال عن صديقته بانهم قد تركولابع،علمابانهم كانو قد اتفقو علي الزواج،المهم بعدالاستفسار والمجادلة في الكلام صاحبك قال هو ما بتزوج بت منفتحة خالص في علاقاتها مع الآخرين!!!!يعني عمل تيرن باك بدون اي مراعاة لمشاعر الآخر،وهذا ما فعلهصاحبك بالظبط،وفي النهاية الحكاية كلها بتتوقف علي التفاهم والر يثم بين الاتنين،قال الرجل الشرقي قال.

الأخ أبوحراز:

Quote: اغرب شيء أنني كنت أبحث عن دراسة تتعلق بالموضوع فهل هناك دراسة عن العلاقات الجامعية التي انتهت بالزواج ؟؟؟؟ يعني ما الاحظه أن اغلب العلاقات بالجامعة هي علاقات عابرة

حقيقة أنا كان عندي نفس الإنطباع... لكن يبدو إنو في تغيير على مستوى تفكير كمية من الشباب أجبرني أغير رأيي:

تعرف با أبو حراز إنو أنا من دفعة إتخرجت سنة 2000 و لغاية حسي فيها أكثر من 7 أو 8 زيجات داخل الدفعة نفسها،ناهيك عن الزيجات من دفعات و كليات أخرى داخل نطاق نفس الجامعة !!!

الموضوع فعلا محتاج دراسة....

بعدين طالبات الزمن ده -بيني و بينك- بقن "تفتيحة" و "بكنكشن" في دفعتهن من بدري .. وعلى راي المثل (عصفور في الدفعة ولا 10 في الخليج) !!!!!

________________________________________
"الجفلن خليهن...أقرع الواقفات"

منوبيا
امام
شكراً على المشاركة سأعود للرد بالتفصيل حيث أنني لاحظت الرد فجأة قبل قليل 00 لكم التحية وعقبال زيجات جامعية سعيدة