السمندل جات -- مبروك علينا

فى اللحظة دى، بتحتشد الدواخل بى فرح معربد، ونشوة طربانة، احتفاءا واحتفالا بعودة النغم الشجى والعذوبة المموسقة

السمندل الآن تجمل وجه الفضائية السودانية

نفس الوهج القديم
نفس الطعم الشهى
نفس النكهة المعطرة

وبعد الفرح، ما ببقى غير الأمنيات بالإستمرار ومواصلة الخلق الإبداعى الجميل الإنقطع زى ما قال صديقى الفاتح حسين لظروف أقوى من الجميع

وها هم الآن الشباب الموهوب المثقف والواعى، سعد الدين وميرغنى الزين وبقية الكواكب المؤتلقة، وان غاب منهم نفر جميل لكن تظل السمندل علامة العلامات المشرقة والملونة والمبهجة فى حياتنا

التهنئة لكل الموسيقيين ولكل عشاق الموسيقى الواعية الجميلة

وتهنئة خاصة لأخى بكرى "سمندلاوى"

ومبروك علينا

أبوذر

يا اباذر
خشمك فيهو اللبن يافنّان ياشفيف
انا فرحان فرحان فرحان
سمندل النغم والسمندليات , ابشرن ياجندريات السمندليات جنكن
انت عارف بدون ما اشعر قمت جرى وطلعت كمنجتى وهاك ياعزف معاهم
انا فرحان فرحان يا الله , لك الحمد والشكر
وزى ماقال صديقى الفاتح , لما تكون الفكرة جادة والهدف اصيل , مافى شئ بوقف شئ , صدق والله
اها انا سجلت الحاجة دى و ح احاول انزلها فيديو وكل الاعمال بما فيها الجند .. اقصد السمندليات
شكرا ليك ياذوق ومبروك غلينا وعليك
وكل سنة وانت طيب وجميل
بكرى

madad ya Bakri ya samandalawi

al7agna beltasgeel sareeee3

khalid

شكرا خالد
ومبارك علينا العودة وياحلاوة العودة غنيناها فى موال
ماعندك مشكلة اهو تمبس الحريف ح ينزل مقتطفات من السهرة
وانا فى بوست منفصل ح انزل تجيلات فيديو كاملة لكل عمل
اها مبسوط؟
تحياتى

salamat Bakri

tab3an mabsout bas into nazzilo al records wa ba3ad dak benitfaham

khalid

عزيزى سمندلاوى

حقه الزول على قول المصريين يقول ليك

صباحية مباركة يا عريس

وفعلا السمندل عروس كل المباهج والنغم والله

تعرف فى الاجازة الفاتت دى، كنا أنا والأصدقاء بدر الدين ابو العاص وعصام مليجى بنتكلم عن السمندل، وقلت ليهم السمندل دى زى طائر الفينيق، ابدا ما حتموت، وكل ما تخبو شويه حتنهض تانى اقوى وأجمل

السمندل ما حتنتهى لأنها فى الأصل فكرة ومشروع ورؤية زى ما قال الفاتح حسين، والأفكار والرؤى ما بتموت

شفت بالله "فتنت بيه" دى كيف، وشفت ميرغنى دفق الأنغام دى كيف، وكل وتر فى كل كمنجة كان زى سنبلة وفى كل سنبلة ملايين الأنغام وشموس الطرب الحقيقى

انشاء الله مزيد من الألق والموسيقى الجد جد

ولونغ ليف يا سمندل

أبوذر

المطـــــر ..
طابت ايامك بالنغم .. السمندلي
اطربتني سهرة الأمس .. وعودة السمندل .. كنت اتابع من بعيد مع بعض الاخوة اعضاء الفرقة ..عن العودة من جديد .. لم أكن أتوقع أن تكون هذه السمندل مرة أخري رغم الصعوبات .. والضغوط هاهي السمندل عادت من جديد بقيادة د. الفاتح حسين الصامد والمهندس سعد الدين الطيب .. واكثر ما شدني عودة الاستاذ ميرغني الزين الكمنجست الخطير .. والشكل الجديد للفرقة والفرع الجندري السمندلاويات .. بقيادة الاستاذة ليلي استاذة البيانو بمعهد الموسيقي والمسرح .. اكرر معهد الموسيقي والمسرح ..
الحوار الواعي والفهم والقيمة الثقافية في حوار الاساتذة ميرغني والفاتح وسعد الدين يعكس الوجه الآخر لمجموعة السمندل .. وهي تثبت اهدافها في خلق بيئة موسيقية صحية بعيد عن كل ما هو دخيل عن الفهم الموسيقي ..
هنئا للسودان بالسمندل من جديد .. وهنئا للسمع السوداني عودة الروح إلي الجسد المتعب بعد ان اصابته امراض حمي الآورغ .. والجماعات المسيسه .. والصراخ والضجيج ..

بكوووور .. الف مبروك .. وعقبال ما نسمع صوت كمنجتك عالي .. يحاور جيتا دكتور الفاتح .. وعقبال كل الطيور المهاجرة ..
بالمناسبة .. سجلت الاعمال كلها في ملفات صوتية جاهزة .. ممكن انزل بعض منها رايكم شنو ؟؟؟

ياتمبس
مباركة علينا العودة جميعا
يازول نزل زى ماعايز ونحنا لاقنك وين
التحية لك ولى عودة

مرحب المطر
ياخى انت جبت اسم عصام مليجى , الشخصية دى وين وبعمل فى شنوووو؟ كم اشتاقه كثيفا الفردة
نعم ميرغنى تجلى فى فتنت بيه وانا مفتون بحوار الكمنجات , زى ماقلت ليك بدون ما اشعر نزلت طربا
وضربا على الاوتار الكمنجية وتساميت وعلوت واحسست بنفسى فى عالم آخر
كما تجلى ايضا الود سعد الطيب , هذا الاخ الاكبر والصديق الحميم , تجلى فى موسيقى الحزن القديم
للراحل المقيم الشفيف الدوش وهذا السعد ود الطيب انا دائما اطلق عليه موتزارت السودان لانه شغوف به
وتكاد تجزم بانه عايش تلك الفترة الموتزارتية حتى كاد ان ينتزع تلك الصفة منه
الفاتح زول فنان وهو غدوتنا فى الصمود والمسؤوليات الشخصية والموسيقية
حتى اعجبنى رده عندما قال (لم تتوقف الفرقة وانما جممد نشاطها من قبل المدير الجديد آنذاك حينها كانو من مؤسسى الفرقة القومية وبالتالى كانوا لايملكون القرار بايديهم , وتابع سعد الدين بكل جراءة (وهو دائما جرئ فى قول الحق) قال بالحرف الواحد انهم الآن يملكون القرار فى ايديهم
وتطرق انه لن يفصح عن المشروع الضخم فى المستقبل )
كما ان الاستاذة ليلى بسطاوى تجلت واوضحت ماعلى الجندريات (اى السمندليات) وماعليهن والاستاذة معروفة من اوائل الخريجات دارسة للبيانو منذ نعومة اظافرها وهى تتمتع بثقافة موسيقية عالية والذى عجبنى فيها هو تحريضها المتواصل لبنات جنسها من الخريجات للتواصل والافصاح ما بدواخلهن
والا يستسلمن , وكان نتاج ذلك تلك المجموعة الجندرية التى اتحفتنا باعمال اقشعر لها البدن طربا ورقصا.وبالتالى عادت سمندلنا سيرتها الاولى قوية ابية
وسوف اواصل ماانقطع من حديث فى حلقات قادمة
لك حبى

تمبس العزيز

سلامات أيها الرجل المموسق

أنا برضه بكرر معاك "معهد الموسيقى والمسرح"

شفت كيف يا تمبس الحوار الواعى والتناول البى فهم، وزى ما قلت كلنا منتظرين اليوم البنتحل فيهو من جربندية الأورغ ونستمتع بى ترانيم الكورال بدل الكوراك

بالله يا تمبس، أول شى وافتتاحية احتفالية بعودة الروح دى، أدفق لينا "فتنت بيه" هنا عشان الناس تضوق طعم الموسيقى وتشم ريحتها كمان

تحياتى يا فنان

أبوذر

اعبر عن سعادتي هنا بعودة السمندل .. ظللت معجبا بالفرقة حتى عندما غابت كنت ابحث عن عنها .. هي من الاشراقات التي اذا ما حدثت في اي بلد تمثل فيه ثروة قومية .. ولكننا دائما ما نفرط في اشياءنا الجميلة
تحية

بخت السمندلاوية الجوة و برة...
و احنا راجين الفيديو....

مرحب مانديلا
تشكر ياصديق
والاعمال اجهزها اول وبعد ح اتحفك , الصبر بس
تحياتى

د.عباس
شكرا على مرورك من هنا
وانا ايضا افتقدتها وفتشت ليها فى التاريخ
لكن اليوم عادت الروح الى الجسد
تحياتى

سمندلاوى الحبيب

معليش ياخى، يظهر انه انا وفى غمرة الفرحة والطرب قلت ليك عصام مليجى صديقنا الحبيب ورمز الطيبة والفن، هو الحقيقة كان معانا شريف مليجى واتلاقينا فى الخرطوم، وعصام بخير والله وكان فى مدنى فى الايام ديك بس للأسف ما لاقيته

وأولاد عمنا المليجى، الرجل عاشق الكمنجة والرجل المسكون بالفن والموسيقى، ماشا الله عليهم عملوا فرقة عجيبة جدا، ومشوا على خطى عمنا المليجى والزول العجيب التانى، فائز مليجى، كلهم والله يا بكرى ناس موهوبين ومسكونين بالموسيقى حتى النخاع، واعتقد جازما والله فى افريقيا كلها ما اظن الزول يلقى انامل تخلق روعة زى دى من الايقاع

زى ما قلت ليك اسسوا فرقة وبرضه بشتغلوا مع كل بقية الفرق الأخرى والفرقة بقيادة شريف وعصام

الوقت بس يا بكرى ما كان كفاية عشان الزول يقعد معاهم ويغوص جوا الأعمال ويعرف عنهم كتير، ولو سألت الفاتح أكيد بكون عنده أخبار أكتر، وفائز زى ما عرفت من شريف انه فى امريكا

ولينا عودة حول كلام الشباب عن الفرقة

وتحياتى

Ýì Çá ÝÑÍ ãÚÑÈÏ¡ æäÔæÉ ØÑÈÇäÉ¡ ÇÍÊÝÇÁÇ æÇÍÊÝÇáÇ ÈÚæÏÉ ÇáäÛã ÇáÔÌì æÇáÚÐæÈÉ ÇáããæÓÞÉ
áÍÙÉ Ïì¡ ÈÊÍÊÔÏ ÇáÏæÇÎá Èì
ÇáÓãäÏá ÇáÂä ÊÌãá æÌå ÇáÝÖÇÆíÉ ÇáÓæÏÇäíÉ

الاستاذ /المطر

لك الود و كل سنة وانت طيب

عودة فرقة السمندل الموسيقيةتعنى لنا الكثير

و كم سعدت عندما عطرو اذاننا فى تلكم السهرة

الرائعة خاصة وهى تضم نخبة من العاذفين المهرة

ادعو الله ان يستمر العطاء

الفولانى

خبر بهجة جدا

مبروكات كتار يا بكرينا

ونعد انفسنا بمزيد من الجمال

ويا تمبس

عقبال ما يرجع عمر منصور ويكتمل النغم باخوك الفنان ده

تسلمو كلكم

احلام
الشوق مطر
وشفتى فعلا المفاجاة الحلوة دى
عمر منصور وعبدالحفيظ ومجدى العاقب وماهر والفردة احمد باص واسامة مليجى وسلمى على عبدالقادر
وكل العقد
ايه رايك انا بطرفكم فى الخرتوم قرييييييييييب
(احلام , راجعتى الماسينجر؟)
تحياتى

أصداء من صداها السمندل في مهرجانات الخرتوم زمان
كنا نجالس النيل سمر ويفيض النيل لي حد الوتر الناتر من كمنجات ميرغني الزين وقراهام الكرنق .
سمندل الميلاد ودار البحرية , وماهر السر يقلب حروف لغة العالم كما يقلب أشجانا , ونستريح في عشم يوم لقياك أو لقياها , عبد الحفيظ , وإيقاعات مليجي , سلمى والبقية .
الخرطوم بالليل
أو الخرطوم سمندل
ألا ليت ويا ليت
فاتتني السهرة زي ما ديمة بفوتني كل جميل بس تمبس في ومافي مشكلة ومع المتنظرين يا تمبس



كل سنةوانتوا طيبين وسعيدين بي عود السمندل

أبنوسي

ابنوسى
شكرا ياجميل
لكن قول لى انت كنت بتجينا دار الكشافة هناك؟
لازم اكون بعرفك

الم اقل لك بانك مطر العشم
خبرك سكر وعسل
ولتختفي طرطرة الكمنجات
وصراخ الاورغن
ولتحتل الداينميكية مكان
السميترية في الاداء
الف مبروك والله
من القلب

ودعثمان بلال
الحمدلله ومياركة العودة
حلاوة العودة غنيناها فى موال
لى عودة بعد تجهيز الفيديو
سلام

الف مبروك بعودة النغم الجميل
والاداء الرائع

المطـــر ..
فات علي تسجيل فتنت بيه .. لكن اوعدك اني اتحصل عليها .. ودونك كل التسجيلات من المجموعتين بس عليك الضغط للسماع ..
دريمز يسمع منك ربنا .. وابتهل وارفع يديني مع بكور ربنا يرجع الغائبين .. وامشي وافتخ الدرب يابكور .. وما اسعد الفاتح حسين وسعد الدين وكل الجيل الجديد من السمندل بعودتك .. وسعادتي انا كمان ..

سمندلاويات .. او جندريات السمندل .. تتكون المجموعة من ثلاث كمنجات .. وإيقاع .. وآلطو ساكسفون .. وكلاسيك جيتار .. وكيبورد وبقيادة الأستاذة ليلي بسطاوي علي آلة البيانو .. وأرجو ان تكون ساعدتني الذاكرة ..قدمت المجموعة اعمال مختلفة من ضمنها رحماك ياملاك للراحل احمد المصطفي .. وعيون المها للراحلة مني الخير .. ومقظوعة أخري .

Save @ PC

عيــون المهــا

Save @ PC

رحماك يا ملاك

Save @ PC

M A R V E L O U S

shukran ya timbis

Abazar
can you imagine a concert where Alsamndal features vocals like albalabil and Rasha ? can we even dream about something like that

Khalid

timbis

?i just read your post..kunta munshadih belperformance al ragi, but did you say there are two groups now
?Is Layla Baghdadi leading a group besides the main group or is it all one and the same

?wba3dain yato TV channel albitgeeb al7agat alsam7a di? is it available fi balad alsagam di-America

shukran laik tani

Khalid

التحية والود لكل الأعزاء الزملاء

سودانوى
د. عباس
مانديلا
الفولانى
أحلام
تبلدى
الموصلى
زمراوى

والشكر على الإحتفاء معنا بعودة الروح لجسد الموسيقى والنغم السودانى

ونأمل للسمندل السير بكل عافيتها وعنفوانها فى طريقها الذى لا يجب أن يعتقد أحد أنه سهل ومفروش بالورد، وأن تسهم مع رصيفاتها الأخرى فى إحداث التطوير والتنوير، وأشدد على التنوير، فى مسار موسيقانا التى ظلمت كثيرا وأهملت أكثر

والأمنية الأخرى أيضا أن تعود كل القامات الموسيقية الواعية التى هاجرت أو هجرت، أن تعود لأحضان الوطن وتتفتح هناك ألقا وموسيقى وشدوا عاليا

والتحية للعزيز بكرى، هذا السمندلاوى الوفى والذى حمل معه هم وآمل وحلم الفرقة حيثما حل وذهب، ويكفى أنه توشح بإسمها وانتبذ ركنا مضيئا فى الإسم والنسبة، ولا غرو، فهذا الشعاع من تلك الشمس

ودمتم جميعا

أبوذر

العزيز تمبس

حامل أختام مملكة الأنغام والفن العالى

الشكر بلا حد لك وأنت تجمل ساحة الأشواق فينا بهذه السنديانات الوارفة البهيجة، وتشعل ليل التوحش ألقا وفنا وموسيقى

أتمنى أن يكون السمندلاوى قد سجل ما فتننا به الكاشف من قبل، وما زاد فى فتنتنا الآن، وفتنت بيه من تجليات السمندل الخالدة، ولك أن تلاحظ الإختيار أيضا يا تمبس، لتلمس علو الوعى عند ذلك الفنان الذواقة وأعنى المبدع ميرغنى الزين حين تخير هذه القطعة ليزينها ويبهرجها بتوزيعه كامل الدسم

تحياتى يا فنان، ودمت

أبوذر

عندما اسميت نفسك المطر يا اباذر..هل كنت تعنى هذا الفال الذى "تشيله" غيومك ذات موسم...حزين..

ده غيث بكره الراجينو..وساعين فيه؟؟

ما اجمل ذلك! ولتعود الطيور المسافره..الى اوكارها..وتغرد فى "حريه" وامان..


شكرا مطر..على رائحة الدعاش..

تماضر

شكرا ليك يا فنانة، وشكرا على الطلة الوردية المن السور زى ما قال هاشم صديق

والله يا تماضر الفرحة دى كاتلانا، مش عشان الإستمتاع بالشغل العجيب المرتب، لكن وزى ما كنت براهن الناس انه السمندل ون داى حتعود، كنت مراهن نفسى قبلهم والله لأنى بعرف الفاتح كويس وبعرف روحه شكلها كيف من جوه، زول مسكون بالمزيكا حتى النخاع، وكذلك جدية سعد الدين وعشقه للموسيقى والخلق الإبداعى

ما حتصدقى يا تماضر لو قلت ليك انه الفاتح حسين ده، وهو لسه فى الثانوى العام صنع جيتار فى البيت وكان ممكن يشتغل بيهو مع اجعص فنان والله

شفتى العشق ده كيف، وناس زى ديل حرام والله يضيعوا

ويضيعونا معاهم

مش بالله

ومبروك علينا وعليك السمندل يا تماضر

تحياتى والود

أبوذر

اباذر .. ح احاول كل مرة اهبش فيك مكان..
تعرف قبل دقايق كان معاي في الماسينجر الجيتارست عماد الدين محي الدين ( ببو ) .. عازف الجيتار الكلاسيك .. باوركسترا السمندل .. ببو ده حاجه غريبة جدا .. والشي الجميل انو قدر يواصل الدراسة لي آلة الجيتار بمعهد الموسيقي علي يد د. الفاتح حسن .. وبالمناسبة هو القام باعادة كتابة عيون المها .. بشكلها الحالي ..

خالد ..
شكرا اننا اتلاقينا في نفس المكان الجميل ده .. طبعا في مجموعة من جندريات السمندل ودي الاضافة الحقيقية .. وعبرت عنها استاذة ليلي بسطاوي بكلمات موضوعيه اكدت فيها انو من حق الجيل الجندري ايضا استمرارية الممارسة اسوة بالمهن الاخري طب هندسة وما شابه .. وعلي ما اعتقد المجموعة الصغيرة دي حتكون وعاء يستوعب كل الخريجات والدارسات للموسيقي .. الان شكل الفرقة مكون من تلاتة كمنجات .. انصاف ، لما ، امال .. وعلي آلة الكيبورد هبه .. والايقاع ايمان بالاضافة لي امل تاج الدين علي الكلاسيك جيتار .. وآلة الساكسفون .. ما متاكد بالضبط من الاسم .. وطبعا المجموعة بقيادة استاذة ليلي بسطاو علي البيانو .. اذا ح نبتدي ننتظر جيل موسيقي مؤسس .. ومبني علي قاعده ثابته .. العمل ياخالد كان سهرة علي تلفزيون السودان ومن المرات النادرة طبعاالبيتصالحو يفيها معانا ويطلعونا من الحرب بتاعهم ده .

تبلدي .. سلامات .. استمع معانا للاصداء .. واعمل حسابك ما تفوتك الحاجات تاني ..

الأصداء

Save @ PC

نحنا مع الطيور

Save @ PC

الحزن القديم

Save @ PC

ya timbis

ma dayr agoul laik shakitak 3ali Allah.. i have a million things to do, lakin here i am.. lissa mashdouh belsamandal. seems i'll be spending my day on this post. lakin agoul laik kalam... yaho da alSudan albin3arfo.. alsamandal, 3igd algalad, and the geniuine original presentation of fine sudanese music

Imad babbo da bageik ragi3 laiho tani wbardo maoudo3 al gender in music gobal nas Nada Amin ma yegouna begai

it is so unfortunate that we can't get STV here.. lakin albaraka fi tasgilatak


btw did u have alicia keys' diaries? its her latest works and its -as always- rich and full of her flavor. let me know if u want it and i can upload it somewhere for you. at least assidda laik part of your dain



abazar

alsamandal -and all the efforts like it- should really set the tone for the direction we should follow in the orchestral department and the artistic rearrangement of sudanses music

i remember osman alnaw once said that alsamandal, igdalgalad and all the groups that are heading in the same direction are not just about performing or entertaining, but a concept that should be nurtured and preserved , and that generations of musicians should follow that lead

its that type of thinking that makes me feel good about the future of fine arts in Sudan because no matter what is happening now, there is no doubt that better times will eventually come, and it will be people like alfatih hesain, wo bakri, w osman alnaw, wa anwar abughaida who will be in the forefront of it

ma3laish ya shabab i have to write in this cryptic 3arabi belinglizi lakin i still don't have an arabic keyboard

salam for now

Khalid

عزيزى خالد

مؤكد طبع حنسمع تحف واعمال جميلة جدا

وقبل كده الشباب اشتغلو مع شرحبيل وحنان النيل ومحمد الأمين وأكيد عندهم مشاريع أكبر، وكلنا ثقة فى ذوقهم الراقى واختياراتهم المبهجة وانشاء الله حتسمع السمندل تشتغل مع كل الأصوات المتفردة زى ما وعد دكتور الفاتح، وهو دائما بيفى بوعده

ودمت يا خالد

أبوذر

هو فرح يجتاحنا
بعودة السمندل يغيب الغياب ...
سعادتنا لا توصف بتلك العودة الجميلة
للامام يا سمندل
صداح

الحلوين اها جيتكم راجع
وياتمبس اقول ليك شنو ؟ اقول ليك عسل
شفت عمك سعد جضم الحاجة دى كيف (الحزن القديم)
ياخى قلت ليكم سعد دا خطيييييير
فتنت بيه انا طبعا مسجل الشغل دا كلو فيديو بى كلامو كمان
بس ح اكون مضطر لانزاله فى ملحق منفصل لو سمح عزيزنا المطر
بس يومين كدا ويكون عندكم
ونواصل

أهل الحضرة السمندلية

صباح الأنغام والجمال والوهج الملون

نحن فى انتظارك يا بكرى، ولازم تحافظ على التسجيل تمام لأنه بمثل لينا إفتتاح عمر جديد من البهاء والزهو والإبداع، وقطعا حيكون ذكرى خالدة

تمبس الحبيب

شفت الصبايا ديل متوهجات كيف، أتمنى يواصلن فى الدرب الصعب ده لكن ما دام معاهم الأستاذة ليلى ما عليهن خوف ومن زمان كنا محتاجين عقلية زى بسطاوى دى

عزيزى خالد

فعلا كلام عثمان النو فى محله، السمندل وعقد الجلاد وساورا تحديدا، هى مشاريع كبيرة ومفاهيم ورؤى قبل كل شى، وأى عمل ما يكون خلفه فكر وفهم حقيقى حيكون مجرد خطرفة بس

كنت أتمنى والله لو الشباب أدونا التوزيع حق "الملهمة" التاج مصطفى وبرضه "يوم لقياك" لأمير الطرب حسن عطية

لكن كلنا انتظار وأشواق لقادم الأيام

وفتحى يا زهرة والى الأمام والى الأعلى يا سمندل

أبوذر

والله زغردنا من شفناهن يا بكري
اليتم ما بوصوه على البكاء
يا بختنا بيهن
وبخت السودان

بالمناسبة من زماااااااان كل ما اسمع فتنت بيه توزيع مرغني الزين
تنط في مخيتلتي لوحة دالي ( الساعة ) الجابتها ايمان احمد هنا في البورد

الف حمد على السلامة يا سمندلاوي
وربي يجمع بالباقين
انت وعمر وعثمان وكل الطيور المهاجرة

امانى ازيك
منورة
اها شنو ليك انا ح اجيب ليك الجندريات بالصورة والصوت فى بوست ليكن براكن
عشان تفرحن وتفتخترن
اها مبسوطة
تحياتى
بكرى

تعرف يا أباذر
أحيانا الأخبار المفرحة بتزرع بذور الأمل
وتخلينا نحلم بي يوم أخضر جاي من رحم الغيب..
بقدر ما أحزنني الحكم علي أطفال أستاذ حمزة سليمان
الثلاثة بالحبس المؤبد أفرحني إنطلاق أجنحة الفرح بمقدم السمندل.
وقول معاي يا يوم بكرة ما تسرع..

مبسوطة وبس يا بكري
يبسطوك وليداتك وبنياتك وتسبطك ست بيتك يارب

تمبس
ما قصرت معاي في اللنكات والله

المطر
ربي يخدر ايامك كلها

`