Post: #1
Title: يا تمبس -- أجب على هذا السؤال، وإلا
Author: أبوذر بابكر
Date: 08-28-2005, 02:19 AM
Parent: #0
لعّاب رونالدينو
ولا
غنَاى أبو عركى
وفى حال ما قدرت تجاوب
العقوبة حتكون .......
يتبع
|
Post: #2
Title: Re: يا تمبس -- أجب على هذا السؤال، وإلا
Author: abas
Date: 08-28-2005, 02:27 AM
Parent: #1
الحبيب ابو ذر
انا بجاوب ليك نيابه عن تمبس
جراي الحصان دي الاجابه الحقيقيه
|
Post: #4
Title: Re: يا تمبس -- أجب على هذا السؤال، وإلا
Author: أبوذر بابكر
Date: 08-28-2005, 02:39 AM
Parent: #2
كضباً كاضب يا عبس
ده سؤال صعب جدا
مافى أى زول حيقدر يجاوب عليهو
تعرف يا عباس
أنا اصلا عندى حاجات كتيره جدا
عايز اطلبها من تمبس
بس والله مستحى ساى
لأنه عارف إنى حاتعبه
عشان كده قلت اديهو "غلوتيه"
كان حلاها، وده ما حيحصل طبعا، يبقى خلاص
ولو ما حلاها
أقوم انا بى عين قوية
أمارس مشقة التسول والسؤال
شكرا ليك يا عباس على الإجابة الغلط
وأمامك الخيارات 3 و 7 و 9
"فى برنامج سمج خلاص فى تلفزيون السودان، لمن الزول يجاوب صاح
يقوم المذيع يقول ليهو كده، وزولنا يختار رقم ويدوهو ظرف"
شوف نقطة واحدة فى الجيم بتاعة "سمج" غيرت القصة كيف
|
Post: #3
Title: Re: يا تمبس -- أجب على هذا السؤال، وإلا
Author: أبوذر بابكر
Date: 08-28-2005, 02:31 AM
Parent: #1
الموضوع وما فيهو
يعنى زى ما تقول كده
كلمة حب أريد بها نغم
ومحاولة للجلوس بعيدا عن أجواء الغم الما عايز يفارق
وبى تحت تحت كده برضه
ولأنه الإجابة على السؤال مستحيلة
وعارف إنك يا تمبس حتجيب صفر قدر الضربة
حتكون العقوبة اصعب من الإجابة نفسها
المهم جهز عدتك
وبِل راس اصابعيك
لأنه راجياك "زِيانه" عجيبة
|
Post: #5
Title: Re: يا تمبس -- أجب على هذا السؤال، وإلا
Author: tmbis
Date: 08-28-2005, 03:00 AM
Parent: #3
عاين ياابوذر ..
موضوع اني اجيك براي وتستفرد بي وتحلق لي دي .. ما بتلقاها عندي
بالساهل كده ..
والاسئلة الصعبة يا حنين منو الغيرنا بحلها
بس احب انبهك
جهز لي خياراتك
وطالما دخلت معانا يف حتة ضيقة زي دي
ح تتعب
( نحن ) ما بنجيك ساكت ضهرنان مكشوف
بعدين عاين لي (نحن) دي واعمل ليها الف حساب وخت تحتها خطين
..
بعدين التكنلوجيا دي اسمح منها في
والله يا مطر متلقيين الحجج كتار خلاص
احد ليك جنس حشود
اول ما قريت عنوان البوست وقبلما افتحو
رفعت السماعة بتاعت التلفون ،، واشتكيتك طوالي
اها واحد من متلقيين الحجج قال لي .. بدون اي مقدمات وكان كتب ليك اي حاجة بس قول ليهو اتحداك ،،كان سلم عليك ساكت قول ليهو اتحداك
..
.
اهــا
انا حسع بقوله ليك وبي قلباً قوي وضهر مسنود بي عتاولة اتنين
بنتحداك
وابقى مارق ونحن حلاقتنا من غير ( بلان راس )
|
Post: #6
Title: Re: يا تمبس -- أجب على هذا السؤال، وإلا
Author: nazar hussien
Date: 08-28-2005, 03:01 AM
Parent: #3
انا تلميذا لي تمبس انفع امشي اجيب ليك الظرف
معروفه رونالدينو ألعب من غناء ابوعركي
لأان ابوعركي لا يلعب في غناهو ورونالدينو
لا يغني في لعبو...ولا يلحن
بس الاتنين برقصو
وبطربو
وببدعو
|
Post: #7
Title: Re: يا تمبس -- أجب على هذا السؤال، وإلا
Author: tmbis
Date: 08-28-2005, 03:07 AM
Parent: #6
Quote: انا تلميذا لي تمبس انفع امشي اجيب ليك الظرف
معروفه رونالدينو ألعب من غناء ابوعركي
لأان ابوعركي لا يلعب في غناهو ورونالدينو
لا يغني في لعبو...ولا يلحن
بس الاتنين برقصو
وبطربو
وببدعو |
اهـــا يا ابوذر
موضوعك بايظ بوظه شديده
ده طبعا قبال ما ندق نقارتنا نحاسنا وقبال ما اضرب القرن
..
قلت ليك اتورطته ما عايز تصدقني
اها كدي اتحل لي من نزار حسين ده
علشان نديك الباقي
|
Post: #9
Title: Re: يا تمبس -- أجب على هذا السؤال، وإلا
Author: abuguta
Date: 08-28-2005, 03:26 AM
Parent: #6
تمبا
هو ابوذر
شعارو عامل زى قناة الجزيرة
والله كل ما ادخل بوست والقاه افتكر نفسى فاتح التفزيون
لكن الدرب الملولو نهاية فى العد
امس ياتمبا شايف 4 شاحنات كبير شايلة نمل
قال زايرين الفيل فى المستشفى...عارف ليه
عشان يدوه دم...طبعا الفيل نسيب النمل
لان عندهم بت عمدة النمل درست فى بلاد برة
وكان المريض دا زميلها وتزوجها...عشان كدا
شكرا ابوذر على التحدى لملك التامبا
طبعا انا داخل بصفتى الحارس رقم 398
وطبعا حاتصل على رقم 399 على ما اظنه وليد
طبعا جنود تمبس ديل بتبادلو الشغلة زى لعبة
المناديل...فابشرك بدوخة راس..مصحوبة بالمتعة
وكسرة المتداخلين
وسهر الليالى لمتابعة البوست للردود التى تستزف
وقتك وحبرك وتعكنن كى بوردك..ولو كنت شابك duil-up
او easyNet سوف تزيد مصاريفك هذا الشهر بفاوتير ماتبعة البوست
ولو كنت adsl او dnn او leasd line
مصارفك بتكون خفيفة وثابتة كدا كدا تافع
ولو كنت داخل من سرفر الشركة...بتكون انتصرت عل تمبس وشلته
لووووووووووووووووووووووووووووووول..لكن دوامك بكون 24 ساعة ياربى
طبعا
الاجابة على السؤال كبير سوق ابقوتة
ولقدام
|
Post: #13
Title: Re: يا تمبس -- أجب على هذا السؤال، وإلا
Author: أبوذر بابكر
Date: 08-28-2005, 03:39 AM
Parent: #9
إزيك يا أحمد يا ابوقوته
تعرف عصابة الرياض ديل
الله شاف ليهم ساى
ما حضرونا ايامنا الفى الرياض
المهم يا زول ولا يهمك
أنا بقدر ليك عليهم تب
ويا حليل ناس فريقى الزمان
فرقة الكوماندوز الخطيرة
رجاء
مراويد
راوية
والقائد أركان حرب - إبداع
أمانى
لكين ليك على براى كده بقدر ليك عليهم
الله كريم
بعدين بالله يا ابوقوته ما تسحر لى الشعار الحلو ده
ده هدية من زعيم الحلوين قاطبة
بدر الدين شنا
|
Post: #17
Title: Re: يا تمبس -- أجب على هذا السؤال، وإلا
Author: tmbis
Date: 08-28-2005, 04:08 AM
Parent: #9
اها يا ابوذر
ابوقوته هندسة .. دعم فني ونجران قصائد ( قطع اخدر )
..
.
ابوقوته الله بسالك شفت ليك حقارة زي دي
زمان كان معاهو الشلة بيقوموا يتلولو على العبد لله المسكين ده
ويحشد لي وانا اعافر ويردمو فيني وانا اعافر وحاتك امشي البيت يقلبني النوم مزازاة بين الكمبيوتر والسرير ودوخة المتعة
لكن كل مرة بطلع وانا عارف يلهو يوم بيجي بنزرزرو فيهو شديد
اها والليلة براهو جابه لي روحو
وقدرما كلمناهو ما بيسمع
الحمد لله انت قاعد .. وح تشوف البيحصل..
والبادي اجمل..
|
Post: #11
Title: Re: يا تمبس -- أجب على هذا السؤال، وإلا
Author: أبوذر بابكر
Date: 08-28-2005, 03:30 AM
Parent: #6
إزيك يا نزار
وكيف الأحوال
تجيب الظرف على أى اساس يا نزار
تمبس لسه ما جاوب
أما عن إجابتك إنت الخطيرة دى
Quote: لأان ابوعركي لا يلعب في غناهو ورونالدينو
لا يغني في لعبو...ولا يلحن
|
حنقبل بيها مؤقتا
يعنى ممكن نخليك تلعب مباريتين ذهاب وإياب فى الملحق
مع الفائز من مجموعة الكونكاكاف
|
Post: #8
Title: Re: يا تمبس -- أجب على هذا السؤال، وإلا
Author: أبوذر بابكر
Date: 08-28-2005, 03:20 AM
Parent: #1
هسه يعنى أفهم شنو
إنت لسه ما جاوبت على السؤال يا تمبس
المهم لو غلبتك قول لى
عشان ننفذ فيك العقوبة
قال ليك الحكم حيكون
الطلب "من خلاف"
بعدين خلينى من ناس نقط نقط نقط ديلك، عارفهم طبعا
أول واحد منهم إسمه ببدا بى حرف "مو"
ديل أنا موضب ليهم شغل تانى خالص
اها كدى جاوب
لسه عندك فرصة
|
Post: #18
Title: Re: يا تمبس -- أجب على هذا السؤال، وإلا
Author: tmbis
Date: 08-28-2005, 04:16 AM
طيب يا ابوذر
انا بعتبر سؤالك ده ساهل جدا
علشان كدا ..
غلبني عديل
وما بنسحب
لكن بلاقيك قدام وما بنتغلب ليك بالساهل
اصلو الريده محب ومحبوب
..
.
وابقى مارق وما تتلبد
|
Post: #10
Title: Re: يا تمبس -- أجب على هذا السؤال، وإلا
Author: bushra suleiman
Date: 08-28-2005, 03:28 AM
Parent: #1
انا واحد من قبيلة الشعراء الذين يتبعهم (الغاوون)..ما فريق الغابون يا تمبس..عشان كدا انا بقيب سند لى اخوى المطر..وكان ما جبت الغنا..انا زاتى بالمناسبة عندى غنية رايحة لى على السقيد اسمها(غريبة) عاوزك تنزلها وبجيك بى باقى الطلبات..انا واخوى المطر على الغريب لكين ما على ابن عمى
سلام يا حلوين
|
Post: #14
Title: Re: يا تمبس -- أجب على هذا السؤال، وإلا
Author: أبوذر بابكر
Date: 08-28-2005, 03:44 AM
Parent: #10
حبيبنا بشرى
كيفك يا زول يا جميل
إنت عارف
الجماعة ديل قايلننا عورا ساى
اصبر لى ليهم
شوف هسه باقى المليشيا ناس "محور الشر"
بدو يظهرو
مشكور والله يا بشرى على الدعم الفنى
وخليك قريب
شفت البطبطه دى كيف والجرسه
ده حالته لسه
ما طبقنا العقوبة
|
Post: #15
Title: Re: يا تمبس -- أجب على هذا السؤال، وإلا
Author: MUNA OBIED
Date: 08-28-2005, 03:46 AM
Parent: #10
سلام المطر, عن اذنك دقيقة
تمبس بالرغم من
(اها واحد من متلقيين الحجج قال لي .. بدون اي مقدمات وكان كتب ليك اي حاجة بس قول ليهو اتحداك ،،كان سلم عليك ساكت قول ليهو اتحداك )
(انا زاتى بالمناسبة عندى غنية رايحة لى على السقيد اسمها(غريبة) عاوزك تنزلها وبجيك بى باقى الطلبات.) انا زاتي
طلب تاني: الQuote بعملو كيف بالدس اشان ما افضح جهل
بس الي حين
تحياتي
|
Post: #20
Title: Re: يا تمبس -- أجب على هذا السؤال، وإلا
Author: أبوذر بابكر
Date: 08-28-2005, 04:28 AM
Parent: #15
كيفك يا منى
وكيف الأحوال
منوره والله
أنا كمان مش رايحه لى أغنية لعلى السقيد
أنا رايح منى هو ذاته
أما عن ال Quote
فالشباب الحلوين أكيد حيشرحو ليك
|
Post: #22
Title: Re: يا تمبس -- أجب على هذا السؤال، وإلا
Author: tmbis
Date: 08-28-2005, 04:36 AM
Parent: #15
يا سلالام
مني عبيد ؟؟
اقول ليك حاجه .. انت تخشي توش بدون استئذان
طيب كويس كــدا يا مطر وبشرى ممكن نزيد الضغط عليكم شوية ،،
ده طبعا من حسن حظي أنو مني عبيد هنا..
ازيك يا مني عبيد
وإلى حين دي خليها بالجمبه كـدا
انت ح تكون نبطشية كل يوم هنــا.. وليك علي بس قولى انت
ابوذر ده وبشرى مقدور عليهم
ابوذر عارفين ليك المضادات الحيوية البتداوي شجونو ، غايتو إلا يجهز اوكسجينو من حسع دي
اها يامنى
لاقينك وين ؟؟ جيب حاجاتك وتعالي .. وعلى العين والراس
|
Post: #31
Title: Re: يا تمبس -- أجب على هذا السؤال، وإلا
Author: MUNA OBIED
Date: 08-28-2005, 06:38 AM
Parent: #22
ابو زر مشتاقين برضو
جبت لنفسك الكلام..اها كده كويس
تمبس انت معتصم ده جبتو من وين....يا حولة شكال شكل
اول وريني الَquote بعملو كيف (من غير ما تجيني الحروف الما بتكلما زول ديك) وبعد داك نبطشية مجان معاكم...
|
Post: #54
Title: Re: يا تمبس -- أجب على هذا السؤال، وإلا
Author: tmbis
Date: 08-28-2005, 11:43 AM
Parent: #31
يا مني عبيد
طبعا معتصم ده زول هادي جدا جدا ..
انا مرات زاتي بستغرب بقول الولد ده مالو الليلة
..
.
تعرفي مسالة الـQuote أسهل منها اصلو مافي ..
وواحده واحده كــدا :
مثلا عندنا الارقام التحت دي عايزين نعمل ليها كود
123456789
نقوم اول حاجه نظلله بالماوس تمام معاك ؟؟
وبعد التظليل طوالي نقوم نضغط بالماوس بالناحية اليمنى Right Click ونختار خيار Copy
ونجي في المكان العايزين نعمل فيهو الـ Quote نضع مؤشر الماوس
بعدما نتأكد أنو مؤشر الماوس في المكان المطلوب
نقوم نطلع في صف الايقونات الفوق ديل ونختار Quote
 ونضغط عليها ..
بعدما نضغط عليها بتتفتح لينا نافذة وغالبا بيكون فيها كل الكلام المكتوب في البوست
اها الكلام ده ما عايزنو نقوم نظللو كلو ونمسحو نهائي
وعلشان نكون حريفين والحركة سريعة نخت الماوس في نص الكلام ده ونضغط
Ctrl+A وبي كده بنظلل كل الكلام المكتوب ونضغط بعديها Delete وبي كده طبعا بنمسح كل الكلام
ونجي نضغط على الماوس Right Click ونختار Paste طبعا علشان ننزل كلامنا القبيل
وبعديها نقول ليهو OK بتتقفل النافذة معانا
ونرجع نعمل Preview
بيطلع معانا الكود مظبوط وبعد داك نعمل ليهو ارسال
الخطوات دي يا مني مع التكرار بتكون ظابطه جدا المسالة كلها التكرار بس كلما اتكررت كلما رسخت
اها شان تحللي لينا النبطشية دي أول ما تجي خاشه هنا اي حاجه تلقيها قدامك ( كوتيها ) طوالي
ما عندك اي مشكلة وما تشتغلي بي اي زول 
( كووتي ) وخلي الباقي علي معتصم
|
Post: #89
Title: Re: يا تمبس -- أجب على هذا السؤال، وإلا
Author: MUNA OBIED
Date: 08-30-2005, 11:03 AM
Parent: #54
Quote: ونضغط
Ctrl+A وبي كده بنظلل كل الكلام المكتوب |
دي عجبتني شديد (جديدة علي)
تحياتي
|
Post: #64
Title: Re: يا تمبس -- أجب على هذا السؤال، وإلا
Author: معتصم دفع الله
Date: 08-28-2005, 02:19 PM
Parent: #31
| Quote: تمبس انت معتصم ده جبتو من وين....يا حولة شكال شكل |
منى كيفك ..
دا عشان تعرفي كيف تعملي كوت ..
وعشان نمسكك بيهو بالثابتة برضو ..
أصلو جنس العصابة ديل إلا يعملو ليهم كده ..
الواحد يطلع ليهم العين الحمراء ..
عشان يطلعوا لينا روائع الشعر والكلم الجميل ..
بعدين أنا زول مسكين ياخ ..
دا كلو من تمبس دا ..
بتاع تحاريش ..
لما ضرسو يكون موجعه يقوم يشاكل بي نفسه ..
ولما يروح يحرشني أنا بدله ..
محبتي وتقديري ..
|
Post: #88
Title: Re: يا تمبس -- أجب على هذا السؤال، وإلا
Author: MUNA OBIED
Date: 08-30-2005, 10:49 AM
Parent: #64
Quote: لما ضرسو يكون موجعه يقوم يشاكل بي نفسه ..
ولما يروح يحرشني أنا بدله ..
|
انت بس يا معتصم ما تتحرش ليه
شكرا جدا يا تمبس علي الشرح المفصل
عارف انا اتاريني كنت لافحة الحكاية من نصها
|
Post: #16
Title: Re: يا تمبس -- أجب على هذا السؤال، وإلا
Author: معتصم دفع الله
Date: 08-28-2005, 03:52 AM
Parent: #10
يا بشرى أخوي كيفنك ..
يعني إنضميت للمطر عايزين تغرقونا ؟..
أنا عارفكم قبيلة الشعراء " عنصريين "
لكن دي ما بتلقوها عندنا ..
نحن جايبين عوامات ولنشات لزوم الطوارئ وكده ..
|
Post: #24
Title: Re: يا تمبس -- أجب على هذا السؤال، وإلا
Author: أبوذر بابكر
Date: 08-28-2005, 04:48 AM
Parent: #16
يا معتصم
ده كله ما بحلكم يا عصبجية
المره دى أنا جاى جاهز
اها ننطق بالحكم يعنى
|
Post: #33
Title: Re: يا تمبس -- أجب على هذا السؤال، وإلا
Author: bushra suleiman
Date: 08-28-2005, 07:04 AM
Parent: #16
حسى اناجبت سيرتك يا معتصم..انت خليك على الحياد، بدل ما تعوم وتبل الهدوم  اهو دا ممكن يكون مطلع لاغنية لى القلعة واللا بلوبلو..
انحنا ممكن نعمل هدنة قصيرة وبعدين نبدا التراشق الفنى دا يا جماعة؟؟ لغاية ما نجهز باقى الحروف والروعة والوهج النبيل..
مودتى واعزازى
|
Post: #66
Title: Re: يا تمبس -- أجب على هذا السؤال، وإلا
Author: معتصم دفع الله
Date: 08-28-2005, 02:41 PM
Parent: #33
المشكلة يا بشرى تمبس دا حارس مرمى فقري خلاس الموية ما تمشي منه ..
مرة في زول قال لي ياخي تمبس دا أديهو لي بنية عليك الله وصية في الزمة ..
وأنا عارفه بنية محبة ..
قمت قلت ليهو والله ما بقدر ..
ياخي الزول دا لما تلاقيهو من بعيد يقابلك بي ضحكته السمحة دي ..
الواحد قلبو ينشرح والهم ينزاح بعيد ..
أها زي دا تشاكلو كيف ؟..
بعدين نحن ما عاتقنكم إلا تطلعوا لينا كل جميل ..
يعني بالواضح كده عايزين المدسدس تجيبوه لينا هنا ..
|
Post: #19
Title: Re: يا تمبس -- أجب على هذا السؤال، وإلا
Author: tmbis
Date: 08-28-2005, 04:26 AM
Parent: #10
حتى أنت يا بشرى سليمان
صدقت وعــد المستحيل ،، واتحاميت على مع المطر
حالتي كنت عايزو براهو .. نلم فيهو ومعاي الشفوت
نطرطشو ليك بالنشوة
نطير ليهو الغناء في السماء
غايتو يا استاذ بشرى كان الشغلة زادت وكترت علينا،،
بستعمل حق ( الفيتو ) عندي حسن السر ،، وعندي ود الهادي حامد
اصلو القصة جايطة جايطة
حنجوطه زيادة
وح نستعين بعلي السقيد
ونجيب لبن الطير
ونبرك ليكم فقراء عديل كــدا
ادوها صنة يا شعراء يا كتابين الكلام الحلو..
غايتو البيفتر منكم
يعمل كــدا
|
Post: #75
Title: Re: يا تمبس -- أجب على هذا السؤال، وإلا
Author: معتصم دفع الله
Date: 08-29-2005, 04:25 AM
Parent: #10
كدي شوف دي يا بشرى ..
لغاية ما نجيب ليك طلبك ..
يعني دي تصبيرة ساي للمبدع على السقيد ..
من زمن الغناء الجميل والحاجات " المدكنة " ..
أضغط عليها للإستماع والحفظ ..
الحسن البديع .. علي السقيد
|
Post: #12
Title: Re: يا تمبس -- أجب على هذا السؤال، وإلا
Author: معتصم دفع الله
Date: 08-28-2005, 03:36 AM
Parent: #1
غايتو !!!!!..
عالم مسلبطة خلاس ومتلقية حجج ..
هسي يا مطر إنت زي العايز ليك شكلة ساي ..
ودي ما بتلقاها عند الزول دا ..
خلاس ضرسه راح وبقى كويس اليومين ديل ..
لكن كان دائره معاي أنا حرم جاهز ليك ..
البحر أمامك وجيش من العصابة خلفك ..
أها تمش وين ؟؟؟؟..
نحن حشودنا دائماً جاهزة بس قاعدين على الهبشة ..
هو قالو ليك نحن هينين ؟..
|
Post: #21
Title: Re: يا تمبس -- أجب على هذا السؤال، وإلا
Author: صلاح الدين عبدالله محمد
Date: 08-28-2005, 04:36 AM
Parent: #12
ان جاى وشايل لى ورد وبقول:ــ
توت توت حرب الورود
|
Post: #25
Title: Re: يا تمبس -- أجب على هذا السؤال، وإلا
Author: أبوذر بابكر
Date: 08-28-2005, 04:50 AM
Parent: #21
أخونا صلاح الدين
الليلة حتكون "حطين"
حرب شعواء
سوف تتطاير الأحاسيس
ويسيل دم الأغنيات
مثل الندى
شكرا ليك يا جميل
|
Post: #23
Title: Re: يا تمبس -- أجب على هذا السؤال، وإلا
Author: أبوذر بابكر
Date: 08-28-2005, 04:46 AM
Parent: #12
والله غايتو يا معتصم
يقع فيكم العدو
قلت لى تمبس الضرس راح منه خلاص
هو بالله "الطقم" برضه بكون فيهو متاورا
ولا خلا "طقم الأسنان" التركيبه وعمل سنون ثابتة
المهم هسه بقيتو على شنو
نعقد الجلسة خلاص
|
Post: #28
Title: Re: يا تمبس -- أجب على هذا السؤال، وإلا
Author: tmbis
Date: 08-28-2005, 05:03 AM
Parent: #23
يا زول جاهزين تب نحن
وبعدين ما تخمنا ساكت صلاح الدين ده تبعنا بي جاي
وعندنا فيه مآرب أخرى لسه ما وريناك ليها
..
.
وبعدين الطقم يا ابوذرد عملناهو ( بلاتين ) علشان عضتنا تكون شحمانه
..
.
ابقى داخل واقرا على احساسك صلوات الدوزنة
من حقك أن تلزم جانب العشق
ومسموح لك بالحديث من أقصى نواحي القلب في حضرة الجمال
لا نقبل اي صرخات استغاثة من جانبكم إلا بمزيد من الاشعار منك ومن تتوسم فيه الخير أنو يخارجك مننا بسهولة.. يعني بالواضح كان اتعصرته خارج نفسك بي ( نص )
إذا حبيت ممكن نفك ليك ( صلاح شتات ) ..أصو متعود على خيانتنا هو وبيع القضية
لكن من حقنا أننا نطلع مداعي ونضرب قرن ونجيب ( ملكة سبأ ) من سقط لقط ..
.. وسوف نقدر كل ما يصدر من سماحتكم في حقنا ..
|
Post: #43
Title: Re: يا تمبس -- أجب على هذا السؤال، وإلا
Author: أبوذر بابكر
Date: 08-28-2005, 07:50 AM
Parent: #28
أنا حبيت
هل تدرو حبيت مين
عبد الحميد يوسف يا تمبس
قسما بى عيونك
ما استهوانى دونك
يا روحى العزيزة
أو
غضبك جميل زى بسمتك
صوت شجى وكمية مهولة من التطريب
دى برضها حتكون
Mission Impossible
ولا شنو
|
Post: #67
Title: Re: يا تمبس -- أجب على هذا السؤال، وإلا
Author: معتصم دفع الله
Date: 08-28-2005, 03:04 PM
Parent: #23
Quote: قلت لى تمبس الضرس راح منه خلاص
هو بالله "الطقم" برضه بكون فيهو متاورا
ولا خلا "طقم الأسنان" التركيبه وعمل سنون ثابتة |
هسي عليك الله يا مطر في داعي لكشف الحال ..
نحن غايتو ما بنرضى بالهزيمة ..
ولا بتفتر لينا عزيمة ..
بي عدتنا وعتادنا جاهزين ..
عشان طلبات كل الحلوين ..
أها دي عليك الله ما قصيدة ..
شفت النجر دا كيف ؟؟؟..
|
Post: #26
Title: Re: يا تمبس -- أجب على هذا السؤال، وإلا
Author: معتصم الطاهر
Date: 08-28-2005, 04:56 AM
Parent: #1
يا تمبس ..
يا معتصم
غلبكم الراجل الحلو ..
بالعربى كدة
جيبوا لينا لقطة من رونالدينو ..
و غنيوة لعركى ..
وخلينا نشوف العسل بكب من وين ؟
|
Post: #29
Title: Re: يا تمبس -- أجب على هذا السؤال، وإلا
Author: معتصم دفع الله
Date: 08-28-2005, 05:21 AM
Parent: #26
كيفك يا سمي ..
والله لا غلبنا ولا حاجة ..
الزول دا درب ميت ..
نحن طقة لحن ساي بالكمنجات والساكس بنجيب خبره ..
وأنا عارفه حنين وقلبه رهيف ..
يعني بنعرف من وين نلبد ليهو ..
بس إنت خليك معانا ..
محبتي ..
|
Post: #38
Title: Re: يا تمبس -- أجب على هذا السؤال، وإلا
Author: أبوذر بابكر
Date: 08-28-2005, 07:31 AM
Parent: #29
معتصم دفع الله
زينة الجنيات
نوارة الحله
قمر الليلات
النزل إدله
نفح الزهرات
وبهى الطله
كيفك يا مبطى
|
Post: #37
Title: Re: يا تمبس -- أجب على هذا السؤال، وإلا
Author: أبوذر بابكر
Date: 08-28-2005, 07:27 AM
Parent: #26
العزيز
معتصم الطاهر
كيفك
المشكلة هم لسه ما قادرين يدونا إجابة مقنعة
والله كتر خير أخونا نزار
حلاهم شويه غايتو
وطبق الظرف وإتخارج
وأكيد حيكون فى عسل كتير وشديد
|
Post: #50
Title: Re: يا تمبس -- أجب على هذا السؤال، وإلا
Author: tmbis
Date: 08-28-2005, 09:36 AM
Parent: #26
معتصم الطاهر ..
يازول كويس انك جيت ..
الزول ده حنجيهو ليك جيهه
..
.
وبنحتاج لي الشهود لي قدام لانو ابوذر ده زولي وانا عارفو خرخار ..
الجماعة وصلو كيف ؟؟
|
Post: #27
Title: Re: يا تمبس -- أجب على هذا السؤال، وإلا
Author: أبوذر بابكر
Date: 08-28-2005, 04:59 AM
Parent: #1
والله تعرف يا تمبس
أنا داير مصلحتك
شوف
اصل الحكاية أنا الأيام دى "مدستر" فى الجاز والبلوز والشغلات الزى دى
يعنى قاعد ابحت فى حاجات عجيبة جدا
وزى ما تقول "خيتى" رابط مع الساكسفونات الطوال ديك وعازفين البيانو العجايز وبتاعين الكونترباص البتلقاهم الواحد واقف جنب الآلة ويتمايل زى "قصبة مدالق الحقنه"
أها لقيت ليك زول ما عادى ابدا ابدا ابدا
عمك عمره بكون قريب السبعين إسمه
Lou Donaldson
والله يا تمبس بس الله خلقه عشان يغنى ويعذب خلق الله بى طرب غريب خلاص
الزول ده عنده إيتسامه، تكفى الدنيا دى كلها
زول بنكهة فلفل لويزيانا لمن يكون لسه أخضر
بعدين أظرف حاجه معاهو عازف بشتغل على أورغن قديم زى بتاع الكنائس
ده عامل فيها من "السيخ" الزول أزرق ومعمعم وساوى ليهو دقن
بس تعال شوف الشغل كيف
أها
عمك "لو" ده عنده أغنية بديعة بشكل اصلك ما تتخيله، إسمها
Whisky Drinking Women
غايتو لو غطست وقلعت بالأغنية دى
حنديك وسام نجمة الإن "جاز" الماسية
والله شكلك كده إلا تخطف رجلك وتمشى نيو أورليانز
جاك الموت يا تارك الصلاة
|
Post: #51
Title: Re: يا تمبس -- أجب على هذا السؤال، وإلا
Author: tmbis
Date: 08-28-2005, 09:58 AM
Parent: #27
Quote: Lou Donaldson
والله شكلك كده إلا تخطف رجلك وتمشى نيو أورليانز
| Quote: جاك الموت يا تارك الصلاة |
|
والله يا ابوذر أنا بقترح انك تقدم فروض الطاعه
وتعمل كــدا
لأنو شكلك مورط ورطه شديدة
حالتي لسه ما فتحت الشنطة المخلاية .. وما نقزته البلد جوة
|
Post: #30
Title: Re: يا تمبس -- أجب على هذا السؤال، وإلا
Author: حمزاوي
Date: 08-28-2005, 05:33 AM
Parent: #1
ابوذر
مسكاقمي
لفة الكلاكلة
|
Post: #39
Title: Re: يا تمبس -- أجب على هذا السؤال، وإلا
Author: أبوذر بابكر
Date: 08-28-2005, 07:35 AM
Parent: #30
العزيز
حمزاوى
مرحبتين حبابك
واليوم السعيد
الليلة جابك
|
Post: #32
Title: Re: يا تمبس -- أجب على هذا السؤال، وإلا
Author: bushra suleiman
Date: 08-28-2005, 06:42 AM
Parent: #1
المطر
انت بس الخمهم بالحاجات دى..وانا بلعب ليك الباكات ديل (معتصم ونزار ووليد) عشان الخطة بتاعة 4/3/3 دى غير الفقر ما جابت حاجة لى فريقنا القومى .. لغاية ما ننفرد بالقون (تمبس)..بعد داك الشوت ببقى ساهل..هم قايلين براهم البعرفو كورة
وبعدين يا منى تعالى بى جاى ما يغشوكى ناس عصابة الاربعة بتاعين الرياض ديل...برضو نحنا ناس تكنولوجيا كمان.. اها عشان تتأكدى شوفى ال كوتنة دى:
Quote: لعّاب رونالدينو
ولا
غنَاى أبو عركى
وفى حال ما قدرت تجاوب
العقوبة حتكون ....... |
|
Post: #35
Title: Re: يا تمبس -- أجب على هذا السؤال، وإلا
Author: MUNA OBIED
Date: 08-28-2005, 07:09 AM
Parent: #32
بشرى ما تحندكني, بحرش عليك معتصم العصبنجي ده
|
Post: #68
Title: Re: يا تمبس -- أجب على هذا السؤال، وإلا
Author: معتصم دفع الله
Date: 08-28-2005, 04:07 PM
Parent: #35
يا منى يعني لقيتيني الحيطة المائلة ..
بقيتي تخوفي بي الناس ؟..
ياخي يقوموا يصدقو الحكاية دي ..
وتتطفشي مننا الناس الحلوين ديل ..
تعرفي مرات أبوذر دا بيكتب لينا ..
ما إتلمت عصابة الرياض إلا وكان الشر معهم ..
بس وحاتك شر حلو ..
الناس ديل قصدهم المزازيك السمحة دي ..
والحاجات البننكتها ليهم أنا وأخوي الكاشف دا أقصد تمبس ..
لكن كان فيها هرش بالجد ..
نحن جاهزين ..
وفي الشدة بأس يتجلى ..
أرقدي عافية ..
مع خالص محبتي ..
|
Post: #40
Title: Re: يا تمبس -- أجب على هذا السؤال، وإلا
Author: أبوذر بابكر
Date: 08-28-2005, 07:38 AM
Parent: #32
تعرف يا بشرى
المشكلة انه القون بتاعن ده
حريف جدا
عشان كده الزول قبل ما يشوت
يقرا كم آية كده
بس برضه إن جند الحب هم الغالبون
|
Post: #55
Title: Re: يا تمبس -- أجب على هذا السؤال، وإلا
Author: tmbis
Date: 08-28-2005, 12:20 PM
Parent: #32
اهــا يا بشرى الناس توسع مواعينه من هنــا ولي قدام ..
ونحن ما بنتلخم ليكم بالساهل لانو لاعبين دفاع منطقة ،، وعندنــا استوبر وسيردباك الموية ما بتخش بي تحتهم ولعيبة نص يحاوروك في ( شولة )
اما راس الحربة رونالدو شنو ؟؟ ده بيسخن بي تلاتة اقوان وبعد داك بيشوف باقي اللعب شكلو كيف
كدي نسلمك الحاجات دي :
وعــد المستحيل
كلمات بشرى سليمان
غناء الهادي حامد ود الجبل
انا كنت قبلك لا غريب
ولا كنت عارف لى دار
لاعرفت معنى الدهشه كيف،
ولاضقت طعم الانتظار
صدقت وعد المستحيل
وبنيت على الاوهام مزار
وقلت اغنى..
صوتى ضاع وسط الزحام
كانت الاحزان معاى
فى سكتى وجوه الكلام
لاالهوان قادر عليهو
ولاالفرح فى حضنى نام
وجيتى فى زمنى الحزين
شاره للترحال بدايه
الخطى التواهه لاقت
والامانى علينا جايه
لاالزمان حسيت مداهو
ولاحروفى لقت نهايه
وبهديها لكل الحلوين الشاركو معانافي البوست ده **وعــد المستحيل ** بشري سليمان
واهــداء خاص جدا للاصدقاء عمرو أحمد ..
والصديق دافي ..
ولي زولة كــدا عامله فيها مافيشه
ملحوظة :
يا بشرى لما كتبت القصيدة دي كنت متخيل الهادي ده يعمل فيها كــدا ؟؟
وبعدين اسمع جيتي في زمني الحزين شارة لي الترحال بداية اسمعو عمل فيها شنو ؟؟
|
Post: #65
Title: Re: يا تمبس -- أجب على هذا السؤال، وإلا
Author: saadeldin abdelrahman
Date: 08-28-2005, 02:39 PM
Parent: #55
آآآمنت بي حنك الشعب السوداني! هاهاهاها
والله تجدعوا في الباصات زي الجاتوه في عيد ميلاد الملكه!
ما تسألوني ياتا ولا إنت كنت حاضر...لول
تمبستا أنا غايتة حكم منحاز خاالص وأجدع من لاراش (مكنة الهلالاب القديمه)
يعني برتشي بالعبه الحلوه..
وأها
شفتا اليوم داك أنا قصدت ليك السحاره الفقعت منها أسرار دي.. كانت بتفتح كلها زمان..
علا حبوبه بكري شاكلو جاب ليها قفل من أم ضبان..وأبو لي بي بعد داك..لكن بكابسها تاني هسه....لوول الغنيه فتحت وشكلك عامل ليها...forward شفتا التحكيم دا كيف لول..باصك ما في محلو..هههه
| Quote: ولي زولة كــدا عامله فيها مافيشه |
أنا داير ناس سعد الحاج ونجوم الغد كلهم بالذات البنيه السمحه البتغني (ما لقيتلو مثيل)
MUch LUV 2 All
|
Post: #34
Title: Re: يا تمبس -- أجب على هذا السؤال، وإلا
Author: بدرالدين شنا
Date: 08-28-2005, 07:05 AM
Parent: #1
| Quote: بعدين عاين لي (نحن) دي واعمل ليها الف حساب وخت تحتها خطين |
يا تمبس
أنت قايل براكم ال(نحن) ونحن ما برضو نحن ولا شنو يا مطر؟؟؟
أيوة أيوة أغلبن لي يا مطر
|
Post: #42
Title: Re: يا تمبس -- أجب على هذا السؤال، وإلا
Author: أبوذر بابكر
Date: 08-28-2005, 07:46 AM
Parent: #34
بدر الحسن
الحبيب الغالى
كيفك يا بدر ضواى
يا مودة غزيرة فى جواى
وإيه الأحوال
فى أرض البخور
والنور
قول ليهم
نحن بحور
ونحن بدور
كلام مسحور
در منثور
وزى ما تدور
تلقى جبينا
ليك مفرور
لا محجوب ولا مستور
ولا مغصوب ولا مجبور
|
Post: #58
Title: Re: يا تمبس -- أجب على هذا السؤال، وإلا
Author: tmbis
Date: 08-28-2005, 12:37 PM
Parent: #34
يا بدري
سلامات يا وجيه
يعني حسع افهم انك مع ( نحنت ) ناس المطر والا كيفن
خلاص كان اصلو المساله كـدا ،، ما عندنا مشكلة اصلو ابوذر ده ( نحن ) ناوين عليهو وبراهو جانا واقع لينا ( نحن ) في عبنا .. بس كان طعمت لينا فريقنا بي ( الرحمابي ) والله ( نحن ) ننبسط منك جنس باسطة
وكان رجعت لينا بتلقانا ( نحن ) يانا ( نحن )
بعدين فيلك ده ( قمرية ) والا ضارب ليهو ( فيل ) ؟
|
Post: #36
Title: Re: يا تمبس -- أجب على هذا السؤال، وإلا
Author: بدرالدين شنا
Date: 08-28-2005, 07:09 AM
Parent: #1
|
Post: #41
Title: Re: يا تمبس -- أجب على هذا السؤال، وإلا
Author: bushra suleiman
Date: 08-28-2005, 07:42 AM
Parent: #1
حسى عليكى الله يا منى السلبطة العليهم شنو؟؟ كان ما الكلام البنكتبو دا غنا شنو ومزيكة شنو البتكنلوها(جاية من تكنولوجيا )..خليكى مع ناس الاحساس والشوق بالمقاس..اهو دا كمان ممكن يكون اغنية حديثة ...
انحنا قلنا هدنه يا جماعة ونزلو العندكم..حتى لو احتياطى
المودة والتقدير
|
Post: #44
Title: Re: يا تمبس -- أجب على هذا السؤال، وإلا
Author: أبوذر بابكر
Date: 08-28-2005, 08:04 AM
Parent: #1
أول شى نقرأ الفاتحة
تانى شى
القائمة العتيقة المعطرة
1- الكاشف - لى حق إذا اتهمت فؤادى عندك إنت
2- ابو داود - يا عذارى الحى
3- عثمان حسين - عاهدتنى
4- عبيد الطيب - يا روحى سلام عليك
5- الشفيع - أنسانى وأنا أنساك
القائمة الطازجة المعطرة برضه
1- حنان النيل - صباحات شوقنا
2- أحمد شاويش - أى شى بالعود
3- أسرار بابكر - تخاصم يوم (منى الخير)
4- عصام محمد نور - يتفق عليه
5- محمد عمر - الأول فى نجوم الغد وأحلى صوت - برضه يتفق عليه
وعلى مستمعينا مراعاة فروق الوجد
|
Post: #59
Title: Re: يا تمبس -- أجب على هذا السؤال، وإلا
Author: tmbis
Date: 08-28-2005, 12:50 PM
Parent: #44
تعرف يا مطر .. انا حسع لاعب معاك بدون لياقات..
والقائمة بتاعتك دي ( نحن ) بنقرمشة تقرمش .. ونشرب وراهــا بحر ابيض ..
| Quote: - محمد عمر - الأول فى نجوم الغد وأحلى صوت - برضه يتفق عليه |
الشهادة والعمل الطيب
محمد عمر ده لحقت ترخي ليهو اضانك ؟؟ والله يا مطر حيرتني
ياخ محمد عمر ده الواحد يقعد يسمعو كيفن .. غايتو يا مطر كان اتقرنو فيك هو واسرار والله إلا يشيلوك ( ناشف ومكنكش ) محمد عمر ده يا مطر قايلني ( اروش ليك ) اجيبو ليك كده في الصقيعة ساكت شان تسمعو ..
عايز منك ضمانات كافية وكان ما مامن على حياتك احسن تمشي تأمن من ضوء
وجيب لينا معاك رسم قلب وخلو طرف من الجماعة يقولوا الزول ده ما عايزينو
وبعداك لما تجي جيب معاك ( بنج ) وبخاخ ازمة الظروف ما معروفة..
|
Post: #62
Title: Re: يا تمبس -- أجب على هذا السؤال، وإلا
Author: أبوذر بابكر
Date: 08-28-2005, 01:50 PM
Parent: #59
تمبس
يا سيد كل المصابيح السحرية
Quote: محمد عمر ده لحقت ترخي ليهو اضانك ؟؟ والله يا مطر حيرتني
ياخ محمد عمر ده الواحد يقعد يسمعو كيفن .. غايتو يا مطر كان اتقرنو فيك هو واسرار والله إلا يشيلوك ( ناشف ومكنكش ) محمد عمر ده يا مطر قايلني ( اروش ليك ) اجيبو ليك كده في الصقيعة ساكت شان تسمعو ..
|
أنا قبيل قلت ليك جهز العدة
والله يا تمبس
نحن الزول الما عادى، كان ختوهو وسط مليون، طوالى ننقشه ليك
إنت قايل نحن شغالين شنو
محمد عمر ده زول ما عادى، بدرجة ما عادية، والما عادية بتاعته ذاتها ما عادية
بعدين الناس لسه ما فرزوهو كويس
ياخى محمد عمر
أنا كنت خاتيهو "تسمية جوكر"
ولسه
|
Post: #45
Title: Re: يا تمبس -- أجب على هذا السؤال، وإلا
Author: bushra suleiman
Date: 08-28-2005, 08:13 AM
Parent: #1
ابوذر
لقيت ليك صورة الفنان لوى دونالدسون
اما العازف فهو الدكتور/لونيي سميث
عشان نحندك الجماعة يمشو يبحّتو شويه..وبعدين ليك يا المنطط عينيك (منى عبيد) 
|
Post: #60
Title: Re: يا تمبس -- أجب على هذا السؤال، وإلا
Author: tmbis
Date: 08-28-2005, 01:10 PM
Parent: #45
Lou Donaldson
عمك ده بيشبهنا شبه جد والساكس خيالي طبعا
Whisky Drinking Women
ما لقيته فقمت فنجرية ساكت جبتهم ليك اتنين شان ما نديك فرصة
وعقب كان درته الزيادة وسع مواعينك .. الخير راقد
وزي ما قلت ليك حالتي لسه ما فتحت المخلاية
ومعاك بشرى طبعا عايزين تصعبو القصة على ..
اها انا عندي البطلعني
|
Post: #91
Title: Re: يا تمبس -- أجب على هذا السؤال، وإلا
Author: MUNA OBIED
Date: 08-30-2005, 02:03 PM
Parent: #45
Quote: عشان نحندك الجماعة يمشو يبحّتو شويه..وبعدين ليك يا المنطط عينيك (منى عبيد)
|
بشرى سليمان
دقيقة بس اقشر ليك بي دي وكمان اشان تتحندك زيادة ...الكرنفال كان مزازيك ألف وسمبا مليون
....فاتكم والله
دي الحالة قبال ما تمبس ادرسني اسرق الصور كيف
|
Post: #47
Title: Re: يا تمبس -- أجب على هذا السؤال، وإلا
Author: bushra suleiman
Date: 08-28-2005, 08:22 AM
Parent: #1
Quote: لومانزلت سنه وزيادة 4 شهور برسل ليك خضر حسين يحاصرك نفسيا ...
قف :
سلامات لضرسك
اقعد:
الفراغ الفي الضرس يمكن التغلب عليه بالثقافة
وكده
|
تمبس اللذيذ
كوت بديع من بوست نجوم الغد قلت اعمل ليك بيهو (ريفرشمنت)..عسى ولعل
|
Post: #76
Title: Re: يا تمبس -- أجب على هذا السؤال، وإلا
Author: tmbis
Date: 08-29-2005, 05:06 AM
Parent: #47
يا بشرى
نحن مرفرشين طوالي .. وجاهزين
وصاحبك ده امسك فيهو قوي .. الملفين التحت ديل .. إذا ما متغدي تقيل قول ليهو ما تجي داخــل عليهم..
وده تحذير رسمي ..
..
.
أكــواد الحفظ باص قون لي صيــدنا الجديد .. سعد الدين
يا مطر :
قلت ليك اعمل كــدا
|
Post: #77
Title: Re: يا تمبس -- أجب على هذا السؤال، وإلا
Author: bushra suleiman
Date: 08-29-2005, 05:55 AM
Parent: #76
اهو دا الشغل النضيف..يا تمبس
كدا الواحد ممكن يرافع كل الرايات ويعلن الاستسلام..بس دا استسلام جزئى لغاية ما نوقع معاهدة التكامل..حرف وموسيقى
دى براها وجبة دسمة الواحد ممكن ينوم عليها زى كم يوم
لك منى اجمل حروف الود
|
Post: #48
Title: Re: يا تمبس -- أجب على هذا السؤال، وإلا
Author: أبوذر بابكر
Date: 08-28-2005, 08:42 AM
Parent: #1
يا الللللللللللللللللللللللللللللله
عليك يا بشرى يا بن سليمان
شفتو الشعراء بجيبو حاجات كيف يا عصبجية
على بالإيمان يا بشرى الصور إنت قطع شك جبتها من الجنة
صاح ولا لا
شوف بالله عم دونالد ده وكمية العذوبة الفيهو
وكمان شوف عمة السيخ المكربة دى
عالم مبدعة ياخ
ناس ما عادية ابدا
والكلام ليك يا أبو ضرس
النتيجة لحدى هسه
مليون - صفر
|
Post: #49
Title: Re: يا تمبس -- أجب على هذا السؤال، وإلا
Author: altahir_2
Date: 08-28-2005, 09:05 AM
Parent: #1
الشقيق ابوذر بابكر تحياتى
ذكرنى سؤالك دا زمان فى الجامعة فى واحد انصار سنة سأل واحد شيوعى
قائلا : انت شيوعى ولا مسلم?
فرد عليه: انا هلالابى
|
Post: #52
Title: Re: يا تمبس -- أجب على هذا السؤال، وإلا
Author: nazar hussien
Date: 08-28-2005, 10:28 AM
Parent: #49
يا تمبس الحقني بي كود الغنا وانا ا اتكفل ليك بي قايمتو دي كلها قبال الصباح يصبح
صقع والله مو صقع]
|
Post: #53
Title: Re: يا تمبس -- أجب على هذا السؤال، وإلا
Author: tmbis
Date: 08-28-2005, 10:54 AM
Parent: #52
<**EMBED SRC=http:/www.bayanit.com/upload/protected/Nsinak.ra VOLUME=35 WIDTH=235 HEIGHT=69 TYPE=Audio/x-pn-Realaudio-plugin EXTS=RA RAM MASTERSOUND CONTROLS=LARGECONSOLE AUTOSTART=TRUE>
نزار ..
ده الكود وشيل النجمتين بتاعات التشفير على ايدك الشمال
والملفات اضغطه بي خيار Real Audio علشان ما تعمل تضارب مع باقي الملفات ..
وبلاي جيه لي الكاشف .. وعثمان حسين .. وحسن عطية ..
|
Post: #71
Title: Re: يا تمبس -- أجب على هذا السؤال، وإلا
Author: أبوذر بابكر
Date: 08-29-2005, 02:17 AM
Parent: #49
العزيز
الطاهر
تحايا ومودة
الأسئلة دائما هى باب الدخول لرحابة المعانى
والسؤال هو مبتدأ الخلق
شكرا ليك يا جميل على تشريفنا بحضورك الأجمل
|
Post: #56
Title: Re: يا تمبس -- أجب على هذا السؤال، وإلا
Author: أبوذر بابكر
Date: 08-28-2005, 12:24 PM
Parent: #1
يا نزار
يا فرح الدار
يا ندى الأزهار
يا نشوة الأطيار
جاى ومعاك أسرار
وطلقت فينا النار
ده سجع يا جماعة ما شعر
عشان ما يقومو علينا حيران الخليل بن أحمد
والله يا نزار نحن المتعة بنعرفا
لكين جنس البتسوى فيهو ده
غالبا يكون شئ تانى
ما وراء المتعة
حاجة خرافية
انشاء الله ربنا يديك الدايره فى الدنيا دى
بعد العافية والأيام الطيبة الهنية
تعرف اسرار بابكر دى، لاحظ إسمها قريب كيف من إسمى
أنا خاتيها فى محل واحد مع
حنان النيل وماجدة الرومى وفيروز
ولو تابعت ناس السمندل ديل
ليك على
حتجى الأولى عليهن كلهن
وبمرتبة الشرف كمان
حاجة عجيبة
أسمع، نزار
أرخى لى اضانك عشان ما يسمعونى
رايك شنو تنضم لينا فى "برشلونة"
أحسن ليك والله
ما بتلقى ليك "كوتش" زى بشرى سليمان ده
|
Post: #57
Title: Re: يا تمبس -- أجب على هذا السؤال، وإلا
Author: أبوذر بابكر
Date: 08-28-2005, 12:34 PM
Parent: #1
والله غايتو يا تمبس
الزول وِكِت ما لقاك فى الدنيا دى
معناهو
إلا يركز عليك بعدين فى الجنة
تصدق حأستعمرك عديل كده
بالله يا بشرى مش معاى حق
أديهو سؤال صعب زى ده
أنا عارف بمسكه من وين
المهم أنا حاجزك حاجزك بعدين
الهادى حامد
ود الجبل
طعم الأهل
مرسال حنين
من البلد
ساعة يجيك
يهبش حواسك
وليك يصل
يبنى الأمل
الوطن
يبقى الحلم
يبقى الأمل
ده برضه سجع
لأنه الليل هجع، والشوق سجع
|
Post: #61
Title: Re: يا تمبس -- أجب على هذا السؤال، وإلا
Author: bushra suleiman
Date: 08-28-2005, 01:40 PM
Parent: #1
الحمدلله ياتمبس جيتنا بالاحتياطى..انا كنت متوقع كدا..كتر خيرك يا راجل ياجميل وبعدين انا اخوى حسن طبعا..الهادى كان مّتلحنا عشان نكتب ليهو ونحنا متلحنّو عشان يغنى لينا..تبادل مصالح يعنى ،اها قوم يا الهادى اشبك فى (وعد المستحيل)من عندى و(المدينة) من حسن السر..بس لقيناها فرصة كل خميس نمشى نقيل فى الجبل وهات يا غنا (العود طبعا عند الهادى ما يديك درب)..لمان خلص الاغنيتين قام قال لينا خلاص يا تجيبو لى تانى اغانى يا تفارقو الجبل..اها قمنا عرسنا انا وصاحبى الكاشف(اقصد حسن) وفرتقناالحلف بتاعتا مع الهادى..لكين اديتو قصايد جديده ماعارف سوى فيها شنو.
انا عارف انتا عاوز تطرطشنى بالاغنية دى عشان تنفرد بى اخونا المطر..بس نحنا احرف منك يا حلو..شوف اللستة ديك وابد من الاخر
وانا بجيك بعدما اسمع الاغنية زى عشرين مرة كدا..اصلو كان وعد بتاع مستحيل..ولسه عايش على الذكرى
تسلم يا فنان
النتيجة التعادل حتى الان
|
Post: #63
Title: Re: يا تمبس -- أجب على هذا السؤال، وإلا
Author: أبوذر بابكر
Date: 08-28-2005, 01:54 PM
Parent: #61
حبيبنا بشرى
يا نبع الجمال والعذوبة
تعرف إنت لمن يلخبطوك مع الهادى حامد ده
بتطلعوا مزيج طعمه شنو؟
زى لمن تخلط ليك عسل نحل مع حليب وترمى ليك فيهن شوية فراولة
شايف الجماعة نوو عليك عايزين يكتلو قلبك
ما يغشوك، أنا عارف الخطط بتاعتهم كويس
اصبر لى بس
|
Post: #69
Title: Re: يا تمبس -- أجب على هذا السؤال، وإلا
Author: abuguta
Date: 08-29-2005, 01:04 AM
Parent: #63
ابو ذر المطر
والله انت بتكتب فى قصيدة
يازول على الطلاق انت مسكون وجنك كلكى
والكلكى ذاتو ابداعى
بتعرف كيف تحرك ادوات الابداع
عند ود سليمان
وتمبس
والولد معتصم وكل المتداخلين...
خالص حبى لك
|
Post: #70
Title: Re: يا تمبس -- أجب على هذا السؤال، وإلا
Author: nazar hussien
Date: 08-29-2005, 01:18 AM
Parent: #69
Quote: رايك شنو تنضم لينا فى "برشلونة"
|
المطر العزيز
كدي انت لامن تشوف روبينهو ورقص السامبا البي صح...
يعلم الله لعبو زي غنية الهادي حامد...دي امكن انت زاتك تجي معانا
وثانيا يرضيك الواحد يمشي يخلي استاذو؟
انتو بي فريقكم ونحن بي فريقنا...ونبقي في اللعب النضيف
|
Post: #73
Title: Re: يا تمبس -- أجب على هذا السؤال، وإلا
Author: أبوذر بابكر
Date: 08-29-2005, 02:29 AM
Parent: #70
العزيز
نزار
والله لو تسمع كلامى
تجى تسجل معانا
بعدين روبينهو ما حيلقى طريقة مع بيكهام وزيدان ورونالدو
شفت هسه عايزين يزوغو ليهو الود الساكسونى ديفيد أوين
يعنى الخانات كلها مليانة
بس تعال شوف "البارسا" هنا كيف
الإحتياطى ممكن يلعب مباراة كاس
بعدين ما تخاف حندفع ليك باليورو
أحسن ليك
|
Post: #72
Title: Re: يا تمبس -- أجب على هذا السؤال، وإلا
Author: أبوذر بابكر
Date: 08-29-2005, 02:23 AM
Parent: #69
العزيز
أبوقوته
تعرف أقول ليك حاجة
الحياة دى كلها عبارة عن قصيدة
أى شئ فيها بإيقاع ودوزنة وموسيقى داخلية
بس الناس ما قاعده تتفكر وتعاين
إنت ذاتك قصيدة يا حاج أحمد
معتصم شايفه قاعد فى كنبة الإحتياطى
الظاهر عايزين يدخلوهو فى الشوط التانى
بس لحدى الزمن داك بكونو إتلجنو خلاص
|
Post: #74
Title: Re: يا تمبس -- أجب على هذا السؤال، وإلا
Author: bushra suleiman
Date: 08-29-2005, 03:16 AM
Parent: #69
ابوقوته..سيد الحرف الجميل
اكيد المطر بين السكون والحركة بتطلع منو حاجات تفوق الدهشة..وانا عارف انو مدكّن ليهو حاجات وكدا لسه ماطلعت..وزى ما قالو اجمل الايام لم تأت بعد..واجمل القصائد لم تكتب بعد..
وداخلين الملعب بعد شوية عشان نعمل تسخين..لانو الفريق المنافس عندهم لاعبين حرفا وشايف تحت تحت جايبين ناس من هولندا
المودة ليك والامنيات
|
Post: #78
Title: Re: يا تمبس -- أجب على هذا السؤال، وإلا
Author: Hatim Elhassan
Date: 08-29-2005, 11:10 AM
Parent: #1
sorry
|
Post: #79
Title: Re: يا تمبس -- أجب على هذا السؤال، وإلا
Author: أبوذر بابكر
Date: 08-29-2005, 02:38 PM
Parent: #1
يا نزار يا حلو
تعرف
أنا فكرت إنه ممكن أنضم لفريقكم
فريق أحلى الأشرار
أو
أشر الحلوين
بس بشرط واحد أحد
تجيب كل الشغل بتاع أسرار والسمندل
يعنى كل الأغنيات
وللمزيد من التساهل فى هذا الشرط
ممكن إذا ما توفر الفيديو، يكون أوديو بس
الحلقة دى فى النيل الأزرق
كان عندنا فيها كلام كتير
بس للأسف ما حفظناهو خارج هذه الأجهزة اللئيمة
اتذكر كتبت إنه
ناس السمندل هديل قاعدين ماشا الله
ومبهرجين بأناقة اللون البرتقالى
بس متنتخب هولندا
وصاحبة السمو العبقرى
اسرار بابكر
قاعدة على عرشها الذهبى
بس بلقيس ملكة سبأ
على يمينها الألق
وعلى شمالها السحر
قبال ما الهدهد ينقل الخبارات ويطير بيها شمالا
أها قلت شنو
الكلام ده خليهو سر
لحدى ما نتفق
|
Post: #80
Title: Re: يا تمبس -- أجب على هذا السؤال، وإلا
Author: أبوذر بابكر
Date: 08-29-2005, 02:41 PM
Parent: #1
بشرى حبيبنا
أسمع
ما تصدق الكلام الأنا قلته لنزار
جماعتك ديل صاح هم تفتيحة وخطيرين جدا
بس برضه ممكن الزول يغشهم
مع إنه أسرار دى والله ممكن الزول عشانها خون كل المبادئ
لكن ولا يهمك
البارسا حديد يا ريكارد
|
Post: #82
Title: Re: يا تمبس -- أجب على هذا السؤال، وإلا
Author: معتصم دفع الله
Date: 08-29-2005, 02:52 PM
Parent: #80
يا مطر أنا علقت الحاجة دي في الصفحة لي بشرى لكن يظهر إنو ما شافه ..
كدي أضغط هنا ..
وبعد داك نتفاهم ..
|
Post: #81
Title: Re: يا تمبس -- أجب على هذا السؤال، وإلا
Author: أبوذر بابكر
Date: 08-29-2005, 02:50 PM
Parent: #1
بالله يا تمبس
شفت محمد عمر ده عجيب كيف
حاجة ما عادية ابدا
غناء كده من نوع براهو
كامل الدسم
والله زى ما قلت اتلمو فيك هو اسرار
القبر طوالى
|
Post: #83
Title: Re: يا تمبس -- أجب على هذا السؤال، وإلا
Author: bushra suleiman
Date: 08-29-2005, 06:56 PM
Parent: #1
اها يامعتصم..اسمك جميل زى طلتك
جيتنى بالمكان البوجع..ونزلت لى بالاحتياطى..زى صاحبك اب قلبا رهيف؟؟!! اخ منكم الاتنين لو اصبتم فينا مقتل .. على كل حال ما أعلنا الاستسلام بعد ، عشان فى بواقى فرح معبأ لسه مااندلق..
تسلمو ..وتتعلو ما تندلو
|
Post: #85
Title: Re: يا تمبس -- أجب على هذا السؤال، وإلا
Author: معتصم دفع الله
Date: 08-30-2005, 04:24 AM
Parent: #83
حبيبنا بشرى
سلام مربع على قول شيري ..
أنا ما قلت ليك المباراة لسه ما إنتهت والإحتياطي مرات بيكون أخطر ..
شفت زي جنس الحاجات دي كتيرة مدكنة عندنا في الجراب ..
بس وحاتك أغنية " غريبة " دي إلا أنكتها ليك من مافي ..
بس شيل الصبر الديربي لسه طويل ..
بعدين المطر دا مالو متحلف علينا كده ؟..
الحاجات دي لو نزلت كلها هنا نخاف عليهو يروح فيها ..
|
Post: #84
Title: Re: يا تمبس -- أجب على هذا السؤال، وإلا
Author: بدرالدين شنا
Date: 08-30-2005, 03:22 AM
Parent: #1
يا تامبا سلام
| Quote: يعني حسع افهم انك مع ( نحنت ) ناس المطر والا كيفن |
لأنكم إنتو (نحن) فكان لازم أتنحنح مع المطر حتى يصبح (نحن)
أما بخصوص الفيل
ف(نحن)اكم بتقول الزول دا راكب فيل
و(نحن)انا بتقول الزول دا راكبو الفيل
|
Post: #86
Title: Re: يا تمبس -- أجب على هذا السؤال، وإلا
Author: أبوذر بابكر
Date: 08-30-2005, 07:56 AM
Parent: #1
ها قد إئتلفت أرواح الصحاب والأحباب
إلتقوا جميعا فى أفياء محبة خضراء
وتحت ظلال اشجار المودة السامقة
وها قد أتى القصد أُكله
ففى البدء كان الصفاء والنقاء
كانت الإلفة مقصدا
الخروج ولو قليلا من عتمة الأمكنة
إلى براح الندى المضئ
السعى بمحبة وشوق
إلى دعوة زين الأحباب "تمبس"
وتحريضه على صنع الجمال
وهى مهنة العاشقين الزاهدين الطيبين النبلاء
وهو عمل يجيده بإتقان عالى الشأو
وكلما قال خذوا
قالوا هل من مزيد
أنا أعرف أن قام ويقوم به
ما هو إلا ما يسرى من عبق على أكف النسائم
وأن أصل العطر لا يزال فى مكان مكين
لذا
فإنا والله لك لشاكرون وممتنون يا علاء الدين
ولكل الإخوة الأشجار
والذين إن أتيتهم، من حيثما شئت
فأنت ظافر إما بظلِ، بثمر أو بمنظر بهيج
لا نريد أن نثقل عليكم
مع اننا نستند فى طمعنا على شرعية المحبة
الزول قال لى صاحبه
عليك فى شى احسن من
قولة هاك
صاحبه قال ليهو
آى فى، قولة
أقيف النزيدك
|
Post: #87
Title: Re: يا تمبس -- أجب على هذا السؤال، وإلا
Author: أبوذر بابكر
Date: 08-30-2005, 08:02 AM
Parent: #1
بشرى
و
معتصم
و
بدر الدين
يا أغلى من عينىّ
وأحلى من إبتسامى
وأحنّ من المحنة
الفى رقة سلامى
بشرى
نصبناك شيخا للطريقة التمبساوية الندية
معتصم
توجناك سلطانا على ديار العذوبة والسماحة
بدر الدين
أعلناك بدرا كامل الضياء، ليلا
وشمسا عميمة الألق، نهارا
والمحبة
من قبل ومن بعد
|
Post: #90
Title: Re: يا تمبس -- أجب على هذا السؤال، وإلا
Author: tmbis
Date: 08-30-2005, 11:40 AM
Parent: #87
ملحوظة:
ابوذر .. موقع التحميل كان فيهو مشكلة .. لكن كل ما تتمناه ستجــده
وزي ما قلت ليك وسع مواعينك بس ..
|
Post: #93
Title: Re: يا تمبس -- أجب على هذا السؤال، وإلا
Author: أبوذر بابكر
Date: 08-31-2005, 00:09 AM
Parent: #90
تمبس
تعرف
أنا وشك أرفع البيرق الأبيض
بس حأكتب فيهو بالأزرق
إسمك وجنبه إسم الجمال
ولا أقول ليك
حأكتب إسمك بس
لأنه ياهو هو الجمال
وبعد داك
أرفع البيرق فى أعلى سارية فى الدنيا
|
Post: #92
Title: Re: يا تمبس -- أجب على هذا السؤال، وإلا
Author: Hatim Elhassan
Date: 08-30-2005, 02:34 PM
Parent: #1
sorry
|
Post: #94
Title: Re: يا تمبس -- أجب على هذا السؤال، وإلا
Author: bushra suleiman
Date: 08-31-2005, 09:52 AM
Parent: #1
بمناسبة البيرق الابيض..البعرفو انو فى الرياض (السعودية) اى بيت مرفوع فيهو بيرق ابيض معناتو عندهم بنات للعرس
بس المباراة لسة ما انتهت يا جماعة..رغم انو التحكيم كان فاشل والجمهور دخل الملعب لكين الفريق المنافس حريف...تعبونا بالاحتياطى بتاعهم عشان كدا قدرو يسيطروا على الملعب..
اها يا المطر انحنا نعتزل ونسمع بس..ونخلى الجمهور يحكم
احبكم بجد يا تمبس ، معتصم ، نزار..ومساعد حارس مرمى منى عبيد
|
Post: #95
Title: Re: يا تمبس -- أجب على هذا السؤال، وإلا
Author: معتصم دفع الله
Date: 08-31-2005, 11:12 AM
Parent: #94
حبيبنا بشرى سليمان ..
ونحن كمان يا صاحبي نبادلك الحب بالحب ..
بعدين المباراة لسه ما إنتهت ..
جاينكم " بالمنجم " ودي نكتة حلوة ..
خليني أجي أحكيها ليك بي رواقة ..
محبتي بلا حدود ..
|
Post: #96
Title: Re: يا تمبس -- أجب على هذا السؤال، وإلا
Author: عبدالله وداعه الامين
Date: 08-31-2005, 09:26 PM
Parent: #95
الناس الحلوين ازيكم
محبة فيكم وفي الفتنة وكية ليكم برفع البوست وبقول :
لي فوق.
ويا تمبس بقول:
ينصر دينك
ودين ابو اهلك ذاتو
ودين ميتين ميتينك
ياخي بحبك جد من جوه
ومهما اقول تلقاني مدينك
يا عولاق الشوق الساكن
في الانفاس خليني ادينك
يا الفجرتا الحب الساهي
ويالصحيت جوايا طنينك
فرتق عقد الريد يا سادن
للبهواك وتركتو سجينك
اقطع وهج الشوق بي وشك
ياخي تعال ادينا سنينك
اعطن وش الناس التسال
في الافراح نسيها انينك
مرمط ايد الشوق الخدرت
في الاعياد واديها رنينك
يا موهوم بي وهم الحاضر
وشايلة الدنيا محنة يدينك
سجم امات القلب الرادك
لو بيكوس ويخلي معينك
العن يوم الشوق العفن
وما اداني معاني تصينك
ياني بريدك مهما اكابر
يالرسيت جوايا حنينك
وينصر دين ابو كل ميتينك
تسلمو كلكم ويديكم العافية
ولكم ودي
|
Post: #100
Title: Re: يا تمبس -- أجب على هذا السؤال، وإلا
Author: bushra suleiman
Date: 09-03-2005, 11:12 AM
Parent: #95
Quote: حبيبنا بشرى سليمان ..
ونحن كمان يا صاحبي نبادلك الحب بالحب ..
بعدين المباراة لسه ما إنتهت ..
جاينكم " بالمنجم " ودي نكتة حلوة ..
خليني أجي أحكيها ليك بي رواقة ..
محبتي بلا حدود .. |
وين يا معتصم قايلنا نسينا واللا شنو؟؟ فى الانتظار وقد قررت المقيل هنا حتى اخر المشوار
|
Post: #102
Title: Re: يا تمبس -- أجب على هذا السؤال، وإلا
Author: معتصم دفع الله
Date: 09-03-2005, 04:27 PM
Parent: #100
| Quote: وين يا معتصم قايلنا نسينا واللا شنو؟؟ فى الانتظار وقد قررت المقيل هنا حتى اخر المشوار |
مدد إقامتك هنا يا بشرى شكلكم حا ترفعوا الراية البيضاء قريباً ..
كدي خد دي وبعدين نجي نتفاهم ..
دي يا مطر خارج الحساب ..
|
Post: #97
Title: Re: يا تمبس -- أجب على هذا السؤال، وإلا
Author: أبوذر بابكر
Date: 09-01-2005, 04:59 PM
Parent: #1
أشواق متينة
ومحبة أمينة
وسلام دفاق
للأعزاء الحاضرين سعدا ونعمة وألق وطيبة وطيب
نزار وبدر الدين وحاتم الياس وبشرى وتمبس وعبد الله ومعتصم
وبقية قناديل المحبة
تعرف يا تمبس
وكدفعة أولى مقدمة
من رد جزء من شويه من نعماءك علينا
بهديك الإسم ده
وبعدين أدعو لى عليك الله
سجل عندك
OUMOU SANGARE
من أهالى مالى
ما حأديك أى تفاصيل زيادة
ما تنسى الدعاء
|
Post: #98
Title: Re: يا تمبس -- أجب على هذا السؤال، وإلا
Author: الملك
Date: 09-01-2005, 05:51 PM
Parent: #97
الله
....
....
شكراً للبوست ولزواره
....
....
تمبس والبقية
استمعت استمتعت بما يكيفنى لشتاء قادم
....
....
مودتى
|
Post: #104
Title: Re: يا تمبس -- أجب على هذا السؤال، وإلا
Author: tmbis
Date: 09-08-2005, 03:02 AM
Parent: #98
نــاجي
كان الله ادانا العافية ..
حاجات ابوعركي بحاول اجيبه ليك هنا .. علشان توصلك الاسكا..
بس انت حاول حس بي ..
|
Post: #99
Title: Re: يا تمبس -- أجب على هذا السؤال، وإلا
Author: bushra suleiman
Date: 09-02-2005, 12:08 PM
Parent: #1
بعد المجهود الكبير الذى بذله الاعزاء تمبس ومعتصم ونزار ومنى فى تحريك المياه الراكدة ورمى احجار الابداع لتنداح دوائر ودوائر ...وللصديق ود الحس ابوذر وبدر الدين وكل الحلوين الذين وقفوا معنا فى هذه الاحتفالية الرائعة..اهدى اليكم هذا اللغناء من قلب الصحراء.. من تمبكتو لفرقة الفنانة /مريم حسن الطوارقية..متعكم المولى بعافيته.
|
Post: #105
Title: Re: يا تمبس -- أجب على هذا السؤال، وإلا
Author: tmbis
Date: 09-08-2005, 03:17 AM
Parent: #99
استاذ بشرى ..
سلامات
شايفك دخلت معانا المنافسة بالتقيل ..
تعرف الطوارق والامازيق والبرابره ديل مزيكتهم جميلة جدا ..
فترة عندي صديق مغربي علمني ادمان الاستماع ليهم
المزيكا بتاعتهم جميلة جدا بس المشكلة في تتبع الحوار بتاعهم .. لكن اذا الواحد قدر يتعمق في الكلام .. بيلقاهو حاجة ما تخلص ..
وطالما فتحت درب الامازيق ديل يااستاذ ده برضو درب تاني بتلاقينا راجنك فيه ومسلحين طبعابالملفات
|
Post: #101
Title: Re: يا تمبس -- أجب على هذا السؤال، وإلا
Author: أبوذر بابكر
Date: 09-03-2005, 02:22 PM
Parent: #1
مائة حديقة
كل واحدة تحتشد بالألق والإخضرار
وكل وردة فيها تنضح بعبير الإلفة
برحيق النغم
والطيب والطيبة
تحايا لكل الأعزاء الحضورهنا
تحت أفياء الحدائق التمبسية
بعدين يا بشرى
زى ما قال ليك الزول الحقل معتصم
ما زالت المباراة مستمرة
|
Post: #103
Title: Re: يا تمبس -- أجب على هذا السؤال، وإلا
Author: معتصم دفع الله
Date: 09-08-2005, 00:28 AM
Parent: #101
غايتو يا أبوذر وبشرى أحسن ليكم ترفعو الرآية البيضاء ..
نحن شغالين ليكم بخطة 3-5-2 ..
هجوم كاسح ..
مع دفاع كامل للمنطقة ..
عشان أنتما صناع الجمال ..
وعشان اليوم الخميس ..
لازم البوست دا يكون فووووق ..
|
Post: #106
Title: Re: يا تمبس -- أجب على هذا السؤال، وإلا
Author: bushra suleiman
Date: 09-08-2005, 10:37 AM
Parent: #1
جيناكم يا حبايبنا..بعد غربة وشوق ، نعاند فيهو ويعاندنا
اخدنا نفس طويل (بس ما من السيجارة ) وراجعين ليكم أخر نشاط .. غايتو شكلو كدا انتو نفسكم انقطع من الجرى يا تمبس ومعتصم..الباقين منى ونزار ما شايف ليهم اتر اوعى يكون فكو ، مع فك التسجيلات
المهم فى انتظار الخميس الناير دا..
ود وشوق ومحبة
|
Post: #107
Title: Re: يا تمبس -- أجب على هذا السؤال، وإلا
Author: معتصم دفع الله
Date: 09-10-2005, 05:30 AM
Parent: #106
يا بشرى أفو منو النفسو بينقطع ؟؟؟؟؟...
كدي خد دي ..
وخليني أجيك بعدين بي رواقة ..
|
Post: #108
Title: Re: يا تمبس -- أجب على هذا السؤال، وإلا
Author: bushra suleiman
Date: 09-10-2005, 02:03 PM
Parent: #1
اهو دا البجنن بوبى يا معتصم...وينك يا ابوذر...رشهم بى مطرة قوية خللى الملعب يتبلبل عشان يلغو المباراة ونقدر نرجع للفورمة تانى..اخ منكم..دا حالتو تمبس مادخل الملعب لسه.
محبتى للجميع وتقديرى للرائع الفنان/على السقيد
|
|