تلكسات قصيرة: هجليج تجب لاهاي..!

التحية لأرواح الشهداء الذين سقطوا عن ذاكرة الأخبار و جحافل الفرح..لكي تعود هجليج للسودان..

ليس المهم كيف عادت هجليج من قبضة الإحتلال الأجنبي ، و لكن يهم انها الأن ، كما كانت من قبل ، تراب سوداني..و طالما دولة الجنوب السوداني هي التي بدأت بالعدوان و الإحتلال.. فليس من حقها ان تدعي الإحتكام الى المواثيق و المحاكم الدولية..يجب ان تكون المعاملة بالمثل..دولة الجنوب باحتلالها هجليج اسقطت حقها في المطالبة بأبيي..

كبر

وزير الدفاع لا يعرف كيف يلقي خطاب نصر..و بدأ متلجلجا و متلعثما..و كأنه يلقي خبر وفاة اكثر من كونه يلقي خبر عودة تراب سوداني بجهد سوداني..!

معركة هجليج لم تنتهي هنا..و يجب ان يستمر الجهد..و محاسبة وزارة الدفاع في التفريط في المقام الأول..

كبر

تصريحات الأخ جوزيف زكريا (من دولة الجنوب السوداني الشقيقة) افادت بان الجيش الشعبي انسحب من هجليج تحت غطاء جوي امريكي.. و دي عبارة ضعيت عالم كتيرة خلاص..!
اول بالتبادي.. تحالف الجبهة الثورية تاني ما ح يقدر يقول ضربنا طيارة صينية الصنع و ان الصين قاعدة توفر دعم للسودان..لأنو الحجة ح تكون ما هو برضك امريكا بتوفر غطاءات جوية.. اشمعنا نحن يعني..!!!
تاني التبادي.. فعلا تأكدت الإشاعة ان دولة الجنوب كايسة مبرر عشان تجدع تحالف الجبهة الثورية بايظ..و كده وفرت غطاء للمرتمر الوطني انو يشوف شغلو مع التحالف على ارضية انو التحالف عميل للجنوب و امريكا..و وعاك و عييك..!

اعلان اعلام دولة الجنوب انو جيشو انسحب بناءا على توجيهات سيلفا كير..ح يرجعنا للكلام القلناه زمان.. أنو استفزاز الجيش الشعبي للجيش السوداني في مايو 2011 اثناء مغادرته لبلدة ابيي..كان سبوبة دولة الجنوب هرشت بيها عيال ابيي في الحركة الشعبية..و الإنسحاب اليوم (كما يحدثنا الأخ رئيس دولة الجنوب و الغطاءات الجوية الأمريكية)..الحركة الشعبية ح ترجع تاني و تقول لعيال ابيي انسوا أبيي..!

كبر

فتح اخونا محمد سليمان بوست يفيد فيه أن يوغندا سوف تدخل لجانب دولة الجنوب السوداني في حالة اعتداء السودان عليها..و يبدو ان الأخ محمد صدق بروباوقندا البشير..و ليس هذا المهم.. المهم انو محمد سليمان اورد عبارة طريفة و عجيبة..وافاد ان انسحاب الجنوب السوداني من هجليج كان بناءا على صفقة بين امريكا و الصين (لحفظ ماء وجه البشير)..و سؤالنا ليه التعب ده كلو؟..ليه الفقرأ العظام مجتهدين عشان البشير؟..مش كده ممكن البسطاء يجوا يقولوا لينا وكتين زول القوى العظمي بتعمل لحفظ ماء وشو..اشمعنا نحن يعني؟..

كبر

المعارضة تعتقد جزما.. انو ح يحلقوا ليها بدون موية..و عشان ما تكون حلاقة مزدوجة عليها التزام الجدية..!
كبر

دينق (من دولة الجنوب السوداني الشقيقة) بقى انصاري يستشهد بكتابة الأنصار ناس الوليد مادبو..
بخت ناس حزب الأمة.. هلجيجين تانيات..و سلفا كير و باقان يلبسوا جبب دراويش عديييل..!!!

كبر

اهل السياسة في السودان: ما حدث في هجليج موقف يقتضي مراجعات كثيرة و عديدة..و النظام عليه ان يفهم أن وقوف اهل السودان خلف تراب السودان يجب أن يقابل بتنازلات و تسويات عديدة.. لابد من مخرج لحل قضايا السودان كافة.. الأولوية لوقف الحرب و احداث تفاهمات مع المعارضة المسلحة و المدنية معا.. صرفة للضائقة المعيشية..و يا ناس المعارضة المسلحة ان كان المؤتمر الوطني سبب كوراث السودان فانتم شركاء في صنع هذه الكوارث..و اهل السودان ما عادوا يحتملون هذا التسويف.. كنتو قاعدين في نص الحكومات و بتقبضوا مخصصاتكم ومميزاتكم مثلكم و مثل ناس الحكومة..ارجعوا اقعدوا مع بعض عشان ننتفس شوية ياخي..


كبر

اقترح على الحكومة الحالية.. أن تمنح المعارضة فرصة ان تحكم السودان لمدة سنة كاملة..حتى نرى ماذا ستفعل بالتحديد..
كبر

ماذا يحدث لو تم اعادة تكوين كل القوى السياسية في تيارات محدودة للغاية (قول اربعة تيارات)..العلمانيين يتفقوا في تجميع فصائلهم في منبرين أو تيارين فقط..و ناس اليمين يتجمعوا في تياران فقط..و كل من التياران يقدم برامجه و يخاطب بها الجماهير..و الجماهير تكون هي الحكم..و بالتالي نبدأ تداول سلمي للسلطة..عشان نتفرغ نبني باقي السودان..؟..
السودان دولة في عالم تالت..خلونا نسويهو عالم تاني..و بعد داك ممكن تكون عندنا احزاب كتيرة..
ما يحدث الآن فوضى بالباب العدييل.. شنو يعني كل واحد يحرد يقوم يسوي ليهو حزب..مش قضايا السودان دي واحدة ولا غيروها و نحن ما عارفين؟..

كبر

يجب ان يكتب الدستور اهل الأرياف..على الخرطوم أن تبتعد تماما عن هذا الأمر لأنو في يدها لمدة ستين سنة و فشلت في احداثه..الأقاليم عليها ان تكتب دستور السودان و تحدد علاقتها بالخرطوم..وفق نظام فيدرالي فعال..و على كل اقليم أو ولاية ان يكون سباقا و يكتب دستوره الخاص..حتى يعرف المواطنين حقوقهم وواجبابتهم..اخر نظرية في الديموقراطية ليست تقوم على من له الحق بالتصويت.. بقدرما تقوم على فكرة أين يكون التصويت و ممارسة الحق في صناعة القرار العام..

كبر

كل من يؤجج حروب السودان الداخلية (حكومة و معارضة) هم عملاء ضد مصالح السودان و اهله..و عليهم أن يرعوى.. لا وقت لكي نضيعه في ترضيات العملاء..و شعب السودان يوم يقبل عليكم سوف تعضون اصابع الندم..ده اذا ما لحقتو البقت في سئ الذكر القذافي..على الجميع الإستعداد لتقديم تنازلات..!

كبر

البوست العاقل داليس الناس ما بتقراهو

سلام يا كبر

صدقت اخي كبر

وكلامك بتاع التيارات الاربعة دا كلنا معاه لاننا لحدي الان ما عندنا حزب لكن عارفين دايرين شنو

ولو اتعملت التيارات دي كل زول يتختار توجعهاتو البيدعمها ويدعمها بي طريقتو الخاصة من غير التزام حزبي

وكمان الاحزاب البقت عندها ضنب برة وضنب جوة دي نعرف ليها حل

تشكر

Quote: معركة هجليج لم تنتهي هنا..و يجب ان يستمر الجهد..و محاسبة وزارة الدفاع في التفريط في المقام الأول.

والله ختفتها من تحت كيبوردي يا استاذ كبر ..
بس أنا كنت راجي تنتهي كرنفالات الفرح عشان الناس تبقى مستعدة لتسمع الكلام ..
بعدين الصوارمي مالو ؟ إنبكم ؟
دي ما شغلتو المعين ليها ..
الناس اصلها ما بتتعلم ؟
ما أهو داك صدام كان مواجه حرب عالمية ولآخر لحظة كان الصحاف الناطق الرسمي بتاعو ..
يعني الوزير فاكر الناس ح تغفر ليهو لما يجي يعلن انتصار القوات المسلحة ؟
حاجة تمغس.

Quote: (من دولة الجنوب السوداني الشقيقة)

بل هي وبحسب قرار البرلمان السُّوداني (دولة مُعادية)
دولة العدو الجّنوبي، هكذا هو إسمها

Quote: اهل السياسة في السودان: ما حدث في هجليج موقف يقتضي مراجعات كثيرة و عديدة..و النظام عليه ان يفهم أن وقوف اهل السودان خلف تراب السودان يجب أن يقابل بتنازلات و تسويات عديدة.. لابد من مخرج لحل قضايا السودان كافة.. الأولوية لوقف الحرب و احداث تفاهمات مع المعارضة المسلحة و المدنية معا.. صرفة للضائقة المعيشية..و يا ناس المعارضة المسلحة ان كان المؤتمر الوطني سبب كوراث السودان فانتم شركاء في صنع هذه الكوارث..و اهل السودان ما عادوا يحتملون هذا التسويف.. كنتو قاعدين في نص الحكومات و بتقبضوا مخصصاتكم ومميزاتكم مثلكم و مثل ناس الحكومة..ارجعوا اقعدوا مع بعض عشان ننتفس شوية ياخي..

Quote: بل هي وبحسب قرار البرلمان السُّوداني (دولة مُعادية) دولة العدو الجّنوبي، هكذا هو إسمها

البرلمان تسيطر عليه اغلبية المؤتمر الوطني..و هو لا يمثلني كسوداني.. اخر برلمان صوت فيهو برلمان 1986 و اتحمل أي مسئولية اخلاقية عنه..
برلمان المؤتمر الوطني لا يحدد رؤيتي للأشياء و تكييفي للأمور..!

كبر

Quote: البوست العاقل داليس الناس ما بتقراهو سلام يا كبر صدقت اخي كبر وكلامك بتاع التيارات الاربعة دا كلنا معاه لاننا لحدي الان ما عندنا حزب لكن عارفين دايرين شنو ولو اتعملت التيارات دي كل زول يتختار توجعهاتو البيدعمها ويدعمها بي طريقتو الخاصة من غير التزام حزبي وكمان الاحزاب البقت عندها ضنب برة وضنب جوة دي نعرف ليها حل تشكر

القلب النابض..حبابك
كتر خيرك على المرور من هنا..
الحكومة اقلية..و المعارضة اقلية.. فلماذا نسمح للأقليات التحكم فينا؟..
فكرة التيارات..قاعدين نكورك مع الناس الوكت كلو انو الديموقراطية خيار جيد ..ولازم الناس تحتكم ليها.. لكن مافي زول كلف نفسو يورينا الديموقراطية هي شنو بالضبط..و هي تعني أنو كل زول يعمل ليهو كوم و يسكو؟.. أم تعني الإتفاق على الحد الأدني من مصالح عليا لا يجب تجاوزها ان كنت في الحكم أو المعارضة أو زول الله ساكت؟..
تأريخ التجربة السياسية السودانية تؤكد انك هناك امية سياسية كبيرة..و هذه الأمية استفادت منها الأقليات (و هي النخب السودانية التي تصدت لأمر صنع السياسة في البلد)..و في زمن ثورة التواصل.. يجب ان تقول الأغلبية المغيبة رأيها في الأمور..!
كل احزاب اليمين في السودان ليس بينها اي اختلاف..و انما تحاول ان توهمنا بالإختلاف..و كلها فشلت في تقديم بدائل مقنعة تحوز الإتفاق ..و كذا احزاب اليسار..متشابهة في كل اطروحاتها..و الفئيتن (يمين و يسار) تدعي انها تعمل من اجل مصلحة المواطن..و ما دروا أن مصلحة المواطن و البلد لا تحتاج الى فصائل سياسية متعددة بقدر ما تحتاج الى ارادة تعمل بتجرد و اخلاص..
في الإنتخابات الماضية.. نزل حزب في منطقتنا اسمو (حزب اللواء الأبيض)..و في الشرق سمعنا باحزاب نهضة و عدالة و فدرالية..الخ..و كلها فقاعات للإستهلاك و مضيعة الوقت..في اعتقادي كثرة المسميات جعلت المواطن يفقد الثقة في السياسي من اقصى اليمين لأقصى اليسار..
نحتاج جسم سياسي رشيق يقدر على الجري و الممارسة السياسية..و اهو كسبنا صوت منك..و يا ريت تدعمي هذا البرنامج..نجي سودانيين و سودانيات.. مرة واحدة ننسى حكاية الواننا السياسية و الفكرية..و نشوف لينا مخرج..

الناس ما ح تقرأ لأنو مستعدة للهتافية اكثر من استعدادها لتفاكر مثمر.. و ان كان هذا نهج النخبة.. فما بالك بالشعوب المطحونة؟.. مش ممكن بعد تكون ادوات حسم الصراع عكاكيز و كده..!
كتر خيرك

كبر

Quote: والله ختفتها من تحت كيبوردي يا استاذ كبر ..

صديقي و استاذي محمد علي طه الملك..حبابك
كتر خيرك على المرور..

كنت اتمنى فعلا ان نستفيد من الدروس التي حدثت خلال هذا الأسبوع المطب..
ماذا يحدث لو الناس بنفس الحماس الوقفت فيهو من اجل هجليج ان تقف و تنادي بمحاسبة وزارة الدفاع؟..
قلت فوق لأخونا علاء الدين.. البرلمان لا يمثلني..و هذا تكييفي للمساءل السلبية أو التي ارى فيها الخم العاطفي..و لكن هناك اشياء فيها شوية عقل.. مثلا استدعاء البرلمان لوزير الدفاع.. او وقوف بعض من نواب البرلمان لسحب الثقة من وزير الدفاع..مثل هذه الأمور.. لو وجدت ليها دفرة من الرأي العام ح تكون نتائج مختلفة للغاية..و اعتقد هذا هو دور النخبة.. التي يجب عليها ان تمييز بين الإنحياز السياسي التكتيكي و بين الإنحياز للمصالح العامة التي لا تحتمل تكتيك..ما حدث في هجليج يحتاج وقفة الجميع في سبيل محاسبة المسئولين..لأنو لو المحاسبة ما حصلت.. السودان ده تاني ممكن تجي فيهو كفوة..و ناس السلطة ح يكون محتاجين للناس.. عشان كده اخير يقدموا السبت عشان يلقوا الأحد..

كبر

محمد على..حبابك
كتر خيرك على المرور..
نحن السودانيين ديل يا اخوي ..السبعة سنين الفاتت دي فرغنا كلما مافي دواخلنا..و سمعنا بعض كلام فارغ لم يقله مالك في الخمر..بعده اخير نسمع كلامنا للأقليات السياسية (حكومة و معارضة)..و بنقول ليهم جميعا ولى زمن الطيبة..الأعور بنقول ليهو اعور..و هم اعرف من غيرهم بان هذا النهج سيكون وبالا عليهم ان لم يرعوى..!

كبر

كبر ....

صاحب بالين كضاب ...
و ركّاب سرجين وقّاع ..
و مسّاك دربين ضهّاب

Quote: صاحب بالين كضاب ...

ليه في السودان قالوا ليك كنت كوز و هسع بقيت سيف دارفور ؟

Quote: و ركّاب سرجين وقّاع ..

ليه في السودان قالوا ليك كنت كوز و هسع بقيت عدل و مساواة مركب روح دبابين تانية مثلا؟

Quote: و مسّاك دربين ضهّاب

ليه قالوا ليك كنت حركة شعبية ويييي ..و هسع بقيت قطاع جنوب و قطاع شمال؟..

المهم..
تشكر على المرور يا حبيب..

كبر

Quote: دينق (من دولة الجنوب السوداني الشقيقة) بقى انصاري يستشهد بكتابة الأنصار ناس الوليد مادبو.. بخت ناس حزب الأمة.. هلجيجين تانيات..و سلفا كير و باقان يلبسوا جبب دراويش عديييل

الفضيحة : تعهدات وتنازلات خطية خطيرة قدمها النظام للمبعوث الأمريكي مقابل انسحاب الجنوب من هجليج
برهان عبيد الله آدم
انتهت اخر فصول المسرحية الهزلية المضحكة عندما خرج إلينا اليوم ظهرا وزير الدفاع ببيان تتطاير منه الريالة والبزاغ كعادته مذهولا متنطرة عيناه كما اللنبي ومفاد البيان الكاذب أن قوات المؤتمر الوطني قد دخلت هجليج (عنوة واقتدراً ؛ لم هذا التأكيد يا اللمبي إن لم يكن في الأمر شيء ) والشيء والأشياء التي في هذا الأمر مقروءة حق القراءة لمن كان له قلب أو ألقى السمع وهو شهيد عندما أعربت إثيوبيا عن استعدادها لبذل قصارى جهدها لتسوية الخلافات بين السودان ودولة جنوب السودان. لحظة تسلم زناوي رسالة من البشير، عندما التقى مصطفى عثمان إسماعيل مستشار ومبعوث الرئيس السوداني لأثيوبيا في العاصمة الإثيوبية أديس أبابا، حسبما ذكرت وكالة الأنباء الإثيوبية . وقال زيناوي إن إثيوبيا سوف تبذل الجهود من أجل التوصل إلى حل سلمي للنزاع بين دولتي السودان وجنوب السودان، وسوف تدعم الجهود التي يبذلها الاتحاد الإفريقي لحل النزاع. وعقب الاجتماع، قال إسماعيل للصحفيين إن المناقشة تركزت على سبل حل النزاع بين السودان وجنوب السودان، إضافة إلى سبل تقوية العلاقات الثنائية السودانية والإثيوبية. وأضاف أن الرسالة من الرئيس البشير تتعلق بدعم إثيوبيا للحل السلمي للنزاع بين الدولتين. وفي مؤتمر صحفي عقده بالسفارة السودانية في أديس أبابا، قال إسماعيل “المشكلة الحقيقية بين السودان ودولة جنوب السودان هي مشكلة أمنية في المقام الأول، بسبب إصرار الجنوب على الاحتفاظ بالحركات المتمردة في دارفور والنيل الأزرق وجنوب كردفان في أراضيها، ودعمها وتمويلها، وإرسالها إلى الأراضي السودانية لزعزعة الأمن الاستقرار ويقول مراقبون أن انسحاب الجنوب من هجليج تم بناء على اتفاق سري يتضمن عدم قيام طائرات البشير بأي قصف جوي لاي موقع داخل اراضي جنوب السودان وقد وافق البشير علي ذلك وطلب استعجال الانسحاب وبهذا يكون دخول هجليج قد حقق اغراضه من ناحية حرمان الجيش السوداني من استخدام سلاح الطيران ووافق البشير ايضا وفق هؤلاء المراقبين علي الدخول في مفاوضات عاجله في نيروبي
وقدم تنازلا كبيرا في موضوع البترول كما أن هنالك تنازلات وتطورات مهمة حول ابيي ويعتقد هؤلاء المراقبون أن الخوف والهلع الذي اصاب نظام البشير بعد دخول هجليج جعلهم يقدمون تنازلات لم يكن يتوقعها احد فقد كشفت هجليج ضعف مليشيات البشير بعد اكثر من اربع محاولات فاشله لاستعادتها وامام الفشل العسكري قدم البشير تنازلات غير مسبوقة ليحفظ ماء وجه مليشياته ونظامه وقال المراقبون أن التنازلات قدمها نظام البشير مكتوبة للمبعوث الخاص للرئيس الامريكي الذي حمل شروط الجنوب مكتوبه الي الخرطوم وقابل علي عثمان محمد طه

محمد ابراهيم..حبابك
كتر خيرك على المرور من هنا..


كبر

سيف مساعد..حبابك يا صديق
كتر خيرك على المرور و الإضافة..

كبر