Post: #4 Title: Re: جرداق: أمّاه ما قشتْ كريب: بريمة ، وليد كوش ، كانتونا ، حمد ،و كل محبي تراث البقارة Author: Kabar Date: 07-17-2010, 08:02 PM Parent: #3
أمّـأه ما قشت كريب..
الفنان التشادي محمد احمد يوسف
أمـّاه ليه..من الحبل روّياني شختور حوية ، الليله ، اٍدفّن السواني ولد الدور ماكا طرف برّاني
مخـّوّل تور جاموس.. قرونا تروس.. مقدوم السعادة.. ماكا زول مكنوس بلبس غريب اللون.. لُب الخـُمام مدسوس بركب غريب الخيل.. و من الدّرتْ محبوس.. اليوم يا الما بريدك يا السلطان.. عليكا بي قــدُّوس.. يا التسمع حديث الناس.. تاري اللسام محروس
أمّـاه..ما قشت كريب.. الرهيف لي خيـّه تعيس كـُسـّوا غادي يا الما مننا.. العـرقا صافي..هنى جدنا.. كـُـسـّوا غادي يا خُشخُش حطب.. شـُوفوا ليـكو فضه و ضّهب شـُـوفوا عز العرب.. شـُوفوا ليكو بُـلبـُل ضرب..
زرعي حرتّـا.. في الرملة قام غلب القمري ، أكل الحمام كُـسـوا غادي القشر التعيس.. شُـوفوا ليكو عزاً نصيـح
خيلا هيي.. يا ولد الدكتين.. تور جاموس الحرن للقيـد صقر العقاب.. الحـُمر رجليه.. بدور لي واحد بجكك بيه.. قووم ليّ فــووق.. يا لعيب أمـّاه.. قووم.. لي فــووق..يا سيد الزوق..
كبر
Post: #5 Title: Re: جرداق: أمّاه ما قشتْ كريب: بريمة ، وليد كوش ، كانتونا ، حمد ،و كل محبي تراث البقارة Author: cantona_1 Date: 07-17-2010, 08:13 PM Parent: #3
الأخ كبر متّعك الله بالصحة والعافية والله انا رجعت أقلها 35 سنة لورا... خليت بالك من الناس الجميلات الفي الصورة. عرب تشاد اجمل مننا كتير وأهلنا بواصلونا كل عام وقاعدين نمشي ليهم كمان.
بالله كلما تلقى ليك حاجة زي دي ما تبخل بيها علينا. لا شُلّت يداك.
Post: #6 Title: Re: جرداق: أمّاه ما قشتْ كريب: بريمة ، وليد كوش ، كانتونا ، حمد ،و كل محبي تراث البقارة Author: Kabar Date: 07-18-2010, 03:14 AM Parent: #5
Quote: الأخ كبر متّعك الله بالصحة والعافية والله انا رجعت أقلها 35 سنة لورا... خليت بالك من الناس الجميلات الفي الصورة. عرب تشاد اجمل مننا كتير وأهلنا بواصلونا كل عام وقاعدين نمشي ليهم كمان.
بالله كلما تلقى ليك حاجة زي دي ما تبخل بيها علينا. لا شُلّت يداك.
ول ابا..حبابك كتر خيرك على المرور من هنا.. اهلنا قالوا القنطور اصلا تراب..هي دي تركتنا نسوي شنو عاد..! شختور حوية دي يا ول ابوك..بتجيب الراس عدييل..
و نشوفك.. كبر
Post: #7 Title: Re: جرداق: أمّاه ما قشتْ كريب: بريمة ، وليد كوش ، كانتونا ، حمد ،و كل محبي تراث البقارة Author: الطيب رحمه قريمان Date: 07-18-2010, 04:52 AM Parent: #6
أخى الفاضل الاستاذ كبر
لك التحايا الطيبة أتمنى ان تكون بخير و الاسرة
لم أتمكن من رؤية الفيديو و حتما سوف أشاهده فى المساء عند العودة الى البيت
Quote: ولد الدور ماكا طرف برّاني
ده الكلام يا أخى
اشكرك على نقل هذا التراث الى المنبر العام
اعتقد البعض قد لا يفهم كثير من الجمل و المفردة
و تضيع بالتالى عليهم حلاوة الكلام
Post: #8 Title: Re: جرداق: أمّاه ما قشتْ كريب: بريمة ، وليد كوش ، كانتونا ، حمد ،و كل محبي تراث البقارة Author: cantona_1 Date: 07-18-2010, 10:23 PM Parent: #7
ولد أب قريمان
الكلام دا عربي فصيح 110% لكن المناضلة والمعاطيب ما بفهموه خليهم في حالهم. رجعت لكلمات كثيرة يستخدمها اهلنا في الفرقان والبوادي ولقيتها عربية من زمن الشعر الجاهلي.
تحياتنا لكم جميعاً وربنا يجمعنا بخير في جمهورية البقارة على رأي دولة الزغاوة,
(العوج راي والعديل راي)
Post: #9 Title: Re: جرداق: أمّاه ما قشتْ كريب: بريمة ، وليد كوش ، كانتونا ، حمد ،و كل محبي تراث البقارة Author: حسن محمود Date: 07-21-2010, 10:11 PM Parent: #8
Post: #10 Title: Re: جرداق: أمّاه ما قشتْ كريب: بريمة ، وليد كوش ، كانتونا ، حمد ،و كل محبي تراث البقارة Author: Tabaldina Date: 07-21-2010, 10:18 PM
.. . شكرا يا كبر
Quote: مخـّوّل تور جاموس.. قرونا تروس.. مقدوم السعادة.. ماكا زول مكنوس بلبس غريب اللون.. لُب الخـُمام مدسوس بركب غريب الخيل.. و من الدّرتْ محبوس.. اليوم يا الما بريدك يا السلطان.. عليكا بي قــدُّوس.. يا التسمع حديث الناس.. تاري اللسام محروس
ياخى دا وصف ومدح عجيب .. الا بالله ما معنى (قدوس ) و ( اللسام )
Post: #12 Title: Re: جرداق: أمّاه ما قشتْ كريب: بريمة ، وليد كوش ، كانتونا ، حمد ،و كل محبي تراث البقارة Author: Kabar Date: 07-22-2010, 04:43 AM Parent: #11
Quote: اعتقد البعض قد لا يفهم كثير من الجمل و المفردة
و تضيع بالتالى عليهم حلاوة الكلام
ول ابا الطيب رحمة..حبابك يا صديق تحياتي من عبرك للأسرة الكريمة.. شتينا عيال طرطاق على قول المثل..
كتر خيرك على المرور من هنا.. صحيح بعض المفردات غريبة..و غربتها ناتجة عن قلة التداول.. او زي ما تقول دخول آفة المدينة و المدنية..و سوف نعود لشرح بعض المفردات..
و نشوفك طوالي يا صديقي..
كبر
Post: #13 Title: Re: جرداق: أمّاه ما قشتْ كريب: بريمة ، وليد كوش ، كانتونا ، حمد ،و كل محبي تراث البقارة Author: Kabar Date: 07-22-2010, 04:46 AM Parent: #12
Quote: ولد أب قريمان
الكلام دا عربي فصيح 110% لكن المناضلة والمعاطيب ما بفهموه خليهم في حالهم. رجعت لكلمات كثيرة يستخدمها اهلنا في الفرقان والبوادي ولقيتها عربية من زمن الشعر الجاهلي.
تحياتنا لكم جميعاً وربنا يجمعنا بخير في جمهورية البقارة على رأي دولة الزغاوة,
(العوج راي والعديل راي)
ول ابا كانتونا ون..حبابك ياخي مناضلة دي ضحكتني جنس ضحك..!!
كتر خيرك على المرور..
نشوفك طوالي يا حبيب..
كبر
Post: #14 Title: Re: جرداق: أمّاه ما قشتْ كريب: بريمة ، وليد كوش ، كانتونا ، حمد ،و كل محبي تراث البقارة Author: Kabar Date: 07-22-2010, 04:49 AM Parent: #13
Quote: هاك .. اكتل المردوم ده..
ول ابا حسن..حبابك كتر خيرك على المرور.. الداهي كضم دُت يا ولد ابوك.. الإ باقي في كرفاي من اهلك ناس الدبكر.. يا ريت يكون ده المعني..و يا ريت تخط لينا المرحال..باقي الربايط جاهزات..و المردوم مرات يا ول ابا داير رواغي عدييل..! نشوفك يا حسن.. كبر
Post: #15 Title: Re: جرداق: أمّاه ما قشتْ كريب: بريمة ، وليد كوش ، كانتونا ، حمد ،و كل محبي تراث البقارة Author: Kabar Date: 07-22-2010, 04:55 AM Parent: #14
Quote: ياخى دا وصف ومدح عجيب .. الا بالله ما معنى (قدوس ) و ( اللسام )
ول ابا الغالي تبلدينا..حبابك كتر خيرك على الحضور..غايتو اهلك قالوا السترة و الفضيحة متباريات..و الواحد بقى التقول سُمساية ولا حباية خردل عدييل..نقول شنو الله غالب يا ول ابا..كتر خيرك كتير يا صالح..
و بعد.. قدوس.. اسم من اسماء الله الحسنى يا ولد ابا..متذكر غنا ناس عقد الجلاد ( الإ الله و ياسين)؟..في السودان .. بعض من اهلنا وصولهم (يسن)..و في تشاد و غادي..وصولهم (قدوس)..! و بجيك بي رواقة للتانية ( اللسام).. كتر خيرك و نشوفك طوالي يا ولد ابوك.. و التحية لأخونا ول ابا هاشم نوريت..
كبر
Post: #16 Title: Re: جرداق: أمّاه ما قشتْ كريب: بريمة ، وليد كوش ، كانتونا ، حمد ،و كل محبي تراث البقارة Author: Kabar Date: 07-22-2010, 04:59 AM Parent: #15
Quote: سعادة المستشار / كبر تحياتى يا غالى
دا الكلام يا ولضمى وحتسمع المجود المفيد المجيد
باردى لينا الله يتمها لينا للحول ولقدام ..
ول ابا الهلباوي..حبابك كتر خيرك على المرور.. نسوي شنو.. الواحد من لوية حديث الدرك و التُرك..قرب ينسى الكتير.. اهو من هنا شوية و من هناك.. نشوفك كتير يا حبيب.. كبر
Post: #17 Title: Re: جرداق: أمّاه ما قشتْ كريب: بريمة ، وليد كوش ، كانتونا ، حمد ،و كل محبي تراث البقارة Author: Kabar Date: 07-22-2010, 05:01 AM Parent: #16
صديقي وليد عبد الحميد..حبابك يا ول ابا.. كتر خيرك على المناغمة.. حول هذه الهدية.. و ربنا يقدرنا على المتابعة.. التحية من عبرك لصديقنا حمد اسماعيل..
و نشوفكم ..
كبر
Post: #18 Title: Re: جرداق: أمّاه ما قشتْ كريب: بريمة ، وليد كوش ، كانتونا ، حمد ،و كل محبي تراث البقارة Author: Kabar Date: 07-22-2010, 05:02 AM Parent: #17
ول ابا بريمة..حبابك
شنو يا ولد ابا ؟..النحاسية فوق كم؟.. تعال استعدل الفيديو الفوق ده.. لغاية ما نجي راجعين..
كبر
Post: #19 Title: Re: جرداق: أمّاه ما قشتْ كريب: بريمة ، وليد كوش ، كانتونا ، حمد ،و كل محبي تراث البقارة Author: ادم الهلباوى Date: 07-22-2010, 07:54 AM Parent: #18
تراث عريق ومجد تليد .. جيناكى هايمين زى الطيور عايدين جناكى زى وزين هجر الرهيد يوم جفا
شايلين أهلنا وفى رحلنا الظبية والعمرا .......................بتقبل القبلة وببكى بلا سبلة !!
Post: #22 Title: Re: جرداق: أمّاه ما قشتْ كريب: بريمة ، وليد كوش ، كانتونا ، حمد ،و كل محبي تراث البقارة Author: بريمة محمد Date: 07-23-2010, 05:07 AM Parent: #21
تحايا عطرة يا ول أبا كبر والباشمهنس كانتونا وان وضيوفكم الكرام
.. الأخ تبلدينا ..
Quote: ياخى دا وصف ومدح عجيب .. الا بالله ما معنى (قدوس ) و ( اللسام )
كلمة قدوًّس .. هى التى وردت فى التسبيح .. يا قدوس .. يا قدوس .. لكن البقارة يستعلمون الكلمة أستعمار مجازى .. عليك بقدوس .. بمعنى يحرسك الرحمان القدوس .. لكن لو قالوا عليك ب غتوس (غطوس) .. دعوة شر .. تعنى عليك بالطامة الكبرى ..
كلمة اللسام .. أظنها ورد فيها لحن .. ونحن البقارة مشهورون باللحن فى الثاء .. نادر ما تجد بقارى ينطق ثلاثة صحيحة .. وأظن الصحيح هو اللثام ..
وأيضاً تم استعمال الكلمة أستعمال مجازى (التسمع حديث الناس أتارى اللثام محروس) .. يقول صاحب الأغنية للأنسان الذى يتنصت حديث الناس حتى يجد له هفوة فى كلام السلطان .. يقول له أن السلطان لا ينطق إلا بالحق (كأن حديثه منزل) .. وأطلق اللثام الذى يغطى به الفم وأراد به النطق (فى تشاد الناس مشهورون بلبس اللثام .. الكدمول كما هو عند أهل دارفور) ..
والله أعلم ..
سعدت بهذا البوست الرائع .. وبجييكم راجع قريباً .. دعواتكم لينا بالفرج .. فى زرة حاصلة ..
بريمة
Post: #23 Title: Re: جرداق: أمّاه ما قشتْ كريب: بريمة ، وليد كوش ، كانتونا ، حمد ،و كل محبي تراث البقارة Author: بريمة محمد Date: 07-23-2010, 05:14 AM Parent: #22
ول أبا حسن محمود
يا أخى والله رمية عذاب .. الراجل يعزف أم برى برى بطريقة رائعة .. للذين لا يعرفون أم برى برى .. هى ألة الطمبور البقارى ..
بريمة
Post: #24 Title: Re: جرداق: أمّاه ما قشتْ كريب: بريمة ، وليد كوش ، كانتونا ، حمد ،و كل محبي تراث البقارة Author: بريمة محمد Date: 07-23-2010, 05:29 AM Parent: #23
ويجب أن نفلت نظر الجميع لكلمة تارى .. أو بعض الأحيان أتارى ..
Quote: يا التسمع حديث الناس.. تاري اللسام محروس
هذه الكلمة بقارية خالصة لا يشاركنا فيها أى جنس .. وهى كلمة تعجب أو أستنكار فى بعض الأحيان .. فى الكلام الفوق .. يقول المغنى للأنسان الذى يتتبع عورات الناس .. متعجباً منه (تارى) .. يعنى أنت لا تدرى أن اللسان محروس !
تورد الكلمة كثيراً .. تارى أنت زول هوان! .. أى أنا لا أدرى أنك إنسان هين .. تارى أنت كذاب .. أىّ أنا لا أدرى أنك كذاب .. ما شفتك لى سنين تارى أنت مغترب .. الزول ترك البلد تارى سوا ليهو فضحية ..
وهكذا ..
بريمة
Post: #25 Title: Re: جرداق: أمّاه ما قشتْ كريب: بريمة ، وليد كوش ، كانتونا ، حمد ،و كل محبي تراث البقارة Author: حسن محمود Date: 07-23-2010, 08:56 AM Parent: #24
