Post: #1
Title: بيان جماهيري هام: حركة (منكم) تطرد و تقيل رئيسها محمد النور كبر..!!
Author: Kabar
Date: 10-30-2013, 07:06 AM
Parent: #0
جاء الحق و زهق الباطل ، ان الباطل كان زهوقا..
جماهير شعبنا الوفية..اهلنا في الحارات و الفرقان و الحلال و المعسكرات ، الذين يقفون في صفوف الرغيف ولا يجدون رغيف ، و الذين يقفون في صفوف العلاج ولا يجدون كلوركين ، و الذين يهربون من ازيز الأنتنوف و ملتوف الرباطة و بمبان الهمباتة ، و الذين لازالوا يركضون بحثا عن السلام و الطمأنينة ، و الذين فاتهم قطار التعليم ، و الذين انزلهم قطار التعليم في نص المسافة و لم يجدوا مفر و اصبح منقطع بهم..و الذين يتخبأون في الكراكير و الذين فقدوا طاقة الجعير..!
ان حركتكم ، حركة ( منكم)*..
M.N.K.M
حينما تنسمت سنام النضال ، كانت جادة للغاية ( و الله صحي) ، و كانت تناضل باسمكم و انتم نيام ، و تجاهد باسمكم و انتم قعود ، و لقد ظلت الحركة على دأبها هذا ، و لكن البعض لا يرضون ذلك ، فاخذوا يتحدثون باسم حركتكم الفتية في الفارغة و المليانة..و يملون الناس فقر في صمة خشومهم.. !
جماهير شعبنا الوفية ، لقد حبانا الله بناس ما عندها موضوع كلوكلو ، امثال المدعو محمد النور كبر ، الذي لم يألو جهدا في فركشة الحركة و اقعادها عن مهامها الجسام ، فهو يرفض ان يتمتع كادر مكتبكم التنفيذي المنتخب في انتخابات قبل عشر سنين مضت ، فلقد حرمهم حق الآيسكريم و حق كريمات المسوح و حق الكرفتات.. فهل رأيتم اعضاء مكتب تنفيذي بلا كرفتات؟ هل رأيتم مسئولين غير ملمعين الوجوه و الجباه؟.. هل رأيتم مسئولين لا يأكون الآيسكريم في الفسحات بين الإجتماعات ؟..فان المدعو يريد ان يعود بنا الى ازمنة الغبار.. لنكون غبش و اكثر غباشا امام الملل و النحل.. ، و يريدنا ان نحضر الإجتماعات من غير ما ناكل لنش ولا اسناك..و هذه خيانة كبيرة للوطن و قضايا الوطن..!!
لقد قررنا في حركتكم حركة (منكم) تحرير مكتبها من امثال هؤلاء الأوباش الرواعية الغبش..!
عليه ، و من ـاريخ هذا البيان ، لا يحمل المدعو محمد النور كبر أي صفة رسمية للتحدث أو تمثيل حركة (منكم)..و لقد تمت اقالة و طرد المدعو شر طردة..و أي تعامل أو حركة يعملها فان حركة (منكم) بريئة منها براءة المرفعين من دم ابن يعقوب و غير مسئولة عنها و هو تصرف فردي منه..!
و نحذر ناس الضهب ، مافي واحد يجي يقول لينا لموا الموضوع أو ناقشوها داخليا ، فلقد استنفد كل الوسائل ، و للصبر حدود..!
ان (الحركات) لا تقوم على الأفراد ، و انما على الرؤى و البرامج و وسائل النضال ، فشنو.. بالله ما تزعلوا..و لازم تواصل دعكم و تضامنكم مع حركتكم الفتية حركة (منكم)..و البيقول سيك ميك ح نوريهو نجوم القايلة..!!!
و انها لثورة حتى النصر..
المجلس القيادي الأعلي لحركة (منكم)..
مجلس التحرير الأعلى لحركة (منكم)..
المجلس التنفيذي الأعلى لحركة (منكم)..
ــــــــــــــــــــــــــــــــــ
ليجند:
*حركة (منكم): م=محمد ،ن=نور ، ك= كبر ، م=معلا
|
Post: #2
Title: Re: بيان جماهيري هام: حركة (منكم) تطرد و تقيل رئيسها محمد النور كبر..!!
Author: HAIDER ALZAIN
Date: 10-30-2013, 07:21 AM
Parent: #1
المجد والخلود لمحمد النور كبر .. ولا نامت اعين انتهازية " مننا " الذين يحاولون سرقة الحركة للتعبير باسمنا..
نقول لجماهيـر " شعبنا " الوفيــة ان هزا البيان المفبرك الساذج المتدلس لا يمثل حركة منكم في هزا الشئ ولا يعبر عن قاعدتها العريضة وطموح شعبها الابي..
قف نحذر كل المندسين والخونة والعملاء بأننا سنوضح الحقائق ..
وستتوالى الوثائق المعبرة والموضحة لهذه الفبركة التي تعبر عنها المجموعة التي اغتالت محمد النور كبر وتحاول ان تزور ارادة الجماهير والجمعية العمومية وتصور الامر كانه اجماع على الامر
لكن الامر غير ذلك ولا يعبر عن زلك ولا يوضحه..
ان محمد النرو كبر هو رئيسنا المنتخب ولن نرتضي ان يتم اعفاوه بمثل هزه الفبركة الموقلة في التحفير والتزوير..
وسنعود بتوضيحنا لهذا الامر بعد عقد المشاورات مع من نثق في وقفته معنا بهذه الاذمة المذمنة ويملكنا اسمه لنريكم ونزيقكم باس الثورة
والي امام شعبي
حيدر الزين
شلة محمد النور كبر .. ام صولجان مقاطعة الحد الواقف
|
Post: #3
Title: Re: بيان جماهيري هام: حركة (منكم) تطرد و تقيل رئيسها محمد النور كبر..!!
Author: Kabar
Date: 10-30-2013, 07:39 AM
Parent: #2
Quote:
بلاغ ثوري جماهيري من د. محمد النور كبر رئيس وراعي حركة (منكم).
ايها المواطنون الثوار الأحرار..
يقول الشاعر:
و كم علمته الرماية ، و لم اشتد ساعده رماني..
و يقول اخر:
و كم علمته السباحة ، و لمن اتعلم العوم قام دفرني في الموية..
لقد خرجت فئة جــــــبانـــــة ضالة ببيان تقول فيها انها اقالتني من رئاسة حركتكم الفتية حركة (منكم)..و هي فئة ماجورة ولاتعرف قيمة الضوء و تعيش في الضلام كما الوطـــــاويـــط..!
و من جبنهم لم يتحملوا مسئولية بيانهم المدسوس و لم يتم تذييله باسم فرد منهم..و هذا دأبهم خفافا في المآكل و البلع و ثقال في تحمل المسئوليات و المهام الجسام..!
و يتحدثون عن مجلس اعلى و شنو كده ما عارف ، و دستور و الذي منو ، يا خي انا (الحركة) دي لمن عملتها ، على بالطلاق ، كلهم كانوا مافي..و اسستها وحدي و دفعت رسوم تلفوناتها من حر مالي ، تلك التلفونات التي كانوا يستغلونها في الشمارات و البهارات..يجوا يقولوا رفدوني..!!!
و عليه ، و استنادا على سلطاتي المخولة لي بموجب المادة طلطاشر من دستور حركة (منكم) اقرر الآتي:
فضل اعضاء مجلس القيادة ، و مجلس التحرير و المجلس التنفيذي في حركة (منكم)..
و ادعو الجمعية العمومية لجلسة طارئة لإختيار كوادر جديدة لشغل تلك المكاتب..على أن يبقى الرئيس و الراعي في منصبه لييستمر في مباشرة مهامه الكبيرة..
و انها ثورة حتى النصر..
صدر تحت توقيعي و ختمي
د. محمد النور كبر – الرئيسي الشرعي و الراعي الأوحد لحركة (منكم)..
|
|
Post: #4
Title: Re: بيان جماهيري هام: حركة (منكم) تطرد و تقيل رئيسها محمد النور كبر..!!
Author: Kabar
Date: 10-30-2013, 07:42 AM
Parent: #3
حيدر الزين..حبابك يا صديقي
كتر خيرك على المرور من هنا..
و للملهاة وجوه عديدة يا صديقي..
كبر
|
Post: #5
Title: Re: بيان جماهيري هام: حركة (منكم) تطرد و تقيل رئيسها محمد النور كبر..!!
Author: HAIDER ALZAIN
Date: 10-30-2013, 07:49 AM
Parent: #4
حبيبنا كبر ..
سلامات وغداً افضل ..
| Quote: و للملهاة وجوه عديدة يا صديقي.. |
يا صديقي .. كرهت تفاهة الثوار وقت النضال يكون بيان
مودتي
|
Post: #6
Title: Re: بيان جماهيري هام: حركة (منكم) تطرد و تقيل رئيسها محمد النور كبر..!!
Author: HAIDER ALZAIN
Date: 10-30-2013, 09:49 AM
Parent: #5
Quote: Shahto Ali · الأكثر تعليقا
عليكم الابتعاد عن الشليلة و القبلية ..و الاطماع الشخصية التي لا تعود بالوطن و المواطن الا بالمزلة و التأخر ....فارحمونا و شعب السودان ........
و الله مظاهرات الخرطوم الاخير قالت لنا كلنا هامش ..فاحزرو مريكز الهامش الجديد ..خاصة من وقع اتفاقيات ما يسمي بالسلام
لن يتغير النظام الا عندما نتغير نحن ..باحترام المواطن السودانوي بالاتفاق علي دستور يحترم كل الناس ....و ان تمارس المعارضة التي تنوي لتغير النظام - ان يمارسوا احترام الدستور ممارسة الديمقراطية و الابتعاد عن الشليلة الاسفيرية و ان لا يظن بان كل و احد قادر و حده في صنع التاريخ ...لان الشعب لايستبدل الساقط بالاسقط
من منو نريد ان نتحرر و من شنو ...................... ....و نتسائل التحرير ياتو .......................... انت يا اخوتي عاوز ناس السكن العشوائي اي الشعبي يطلعوا مظاهرات عشان..؟؟؟؟ يأتي الصادق تاني او سمار الفنادق الذي مارسو تهميش الثوار و استجلاب خليلاتهم و كساري التلج......؟؟؟؟
!!!!! انت عاوزهم يخرجوا بعد ان قسموا و اخترقوا الحركات المسلحة و جعلوها تمثل خشوم بيوت بدلا من كل السودان و انت عارف حتي في العشوائيات نعيش حروب قبلية صامته ..اي و الله نتكتل في شكل قبائل و خشوم بيوت و نبيع في بعض زي الماحصل شيئ!!!!!!! لعن الله الذي كان السبب......يا رفاق السرطان في مراحله الاخيرة الا الله يرسلنا انبياء ...يا كمريت ؟
التحرير ......التحرير ...التحرير يا اهل السودان الان حتي المؤتمر الوطني اصبح قبائل وووالخ
التهرير من منو.....لا التهرير من مشنو .....ايوا التحرير من شنو ...
من العقلية الخبيثة الكذاب ..العقلية التي تستخدم الدين و القبيلة ..و تبرر قتل الناس و سرقة خيراتهم ..
شوف الحاصل في حؤكاتنا المسلحة و لماذا تتشظي
اذا التحرير من عقلية كساري التلج المتملقين ...المنبطحين داخلا و هارجا ..خارجا ..التحرير من المرض الذي اقعد السودان و ادي الي بتر اعز عضو ء منه الذي كان يمده و مازال بالمناعة من العبودية و الاانقياد الاعمي !!!!!
عشان كد قرنق قال التحرير من شنو مش من منو ..التحرير من العقلية التي تحكمنا و تتحكم في قيادة المعارضات ..او التي تسللت خلصة الي قيادة ابناء الهامش او المظلمين من بني شعبي ...و مازالوا ينظرون الي الوراء الي اولياء نعمهم ......عشان كده يا شباب عند اي توقيع لمعاهدة انبطاح ياتون من يواليهم و يمارسون مرض المركز و الانقاذ , من شلليلة
واخطرنا هو من اتي من الهامش و استوزر او من باع شرفه لقائد ادعي الثورة و الحرية
Tag Photo
رد · أعجبني · متابعة المنشور · منذ 46 دقيقة |
https://www.facebook.com/shahto.ali.5
|
Post: #7
Title: Re: بيان جماهيري هام: حركة (منكم) تطرد و تقيل رئيسها محمد النور كبر..!!
Author: Kabar
Date: 10-30-2013, 03:00 PM
Parent: #6
ول ابا الشحــــتو..حبابك
ياراااااااااااااااااااااااااااااااااااااااااااااجل..!!!
مبالغة ..!!!
كبر
|
Post: #8
Title: Re: بيان جماهيري هام: حركة (منكم) تطرد و تقيل رئيسها محمد النور كبر..!!
Author: Kabar
Date: 10-30-2013, 03:02 PM
Parent: #7
صديقي حيدر الزين..
وهانا نحن ياعم..من ازمة قراية لأزمة شوف الله والرسول الواحد ده..!!
وشر البلية ما يضحك..!!
كبر
|
Post: #9
Title: Re: بيان جماهيري هام: حركة (منكم) تطرد و تقيل رئيسها محمد النور كبر..!!
Author: Mahjob Abdalla
Date: 10-30-2013, 03:50 PM
| Quote: و نحذر ناس الضهب ، مافي واحد يجي يقول لينا لموا الموضوع أو ناقشوها داخليا |
نصيحتي ان تلمو الموضوع و ما تشرو الغسيل
المنظمات و الهيئات لها طرق عدة لغطغطة الموضوعات و اربأ بك ان تكون من اشرار الغسيل
|
Post: #10
Title: Re: بيان جماهيري هام: حركة (منكم) تطرد و تقيل رئيسها محمد النور كبر..!!
Author: علي دفع الله
Date: 10-30-2013, 03:59 PM
ههههههههههههههههههههههه
ابو البتاع زاااااااااااتو
لسع الويك اند الباقي ليه يوم ونص
وهاك المزة دي دعما من حركة (اوب عليكم )
|
Post: #11
Title: Re: بيان جماهيري هام: حركة (منكم) تطرد و تقيل رئيسها محمد النور كبر..!!
Author: أمير عثمان
Date: 10-30-2013, 05:01 PM
Parent: #10
الآن فقط يا كبر تأتى لتتسول منا التأييد والمساندة ...
هل نسيت ما قلته لى عن رفقاء النضال ...
من أنهم لم يدفعوا الشيرنق بتاعة فتة الفول؟؟
أم هل نسيت إنك لم تكن تهتف بإخلاص حينما تمت إقالة الرئيس السابق؟
هل تذكر ذلك أم آتيك بالتسجيلات؟ كل شئ موثق لدينا صوت وصورة!!!
والى الأمام "منكم" والى الوراء "كبر" ...
وعاش الشعب ...
|
Post: #12
Title: Re: بيان جماهيري هام: حركة (منكم) تطرد و تقيل رئيسها محمد النور كبر..!!
Author: محمد حمزة الحسين
Date: 10-30-2013, 05:12 PM
يا حيدر الزين ياخي صاحبك ولـــ أبا كبر دا مافي طريقة يعمل ليهو ندوة ويتراسها لمدة 12 ساعة حسوما
ولـــ ابا محمد النور كبر معلا انتا قايل الزمن البلقا ليهو شطر يرضع فوقو بفك بالساهل كدا زمن الزهد ولي وفات
ياخي اعمل ليك ندوة وبث المافي إشنوووو
العيد يتبارك عليكم وعام هجري مبارك
:
:
:
:
:
:
:
مع التحيات لله الزاكيات
|
Post: #13
Title: Re: بيان جماهيري هام: حركة (منكم) تطرد و تقيل رئيسها محمد النور كبر..!!
Author: Kabar
Date: 10-30-2013, 08:19 PM
Parent: #12
السيد محجوب عبد الله..
قايلينا مع نفهمها طايرة ولا شنو؟
انت بالذات (احسن لك تختاني)..ولا قايلينا ما عارفينا مؤامراتك مع الخونة والمارقين القالوا عاملين فيها حركة (منكم) جناح المجالس العليا؟..
نحذرك ان تدس السم في الدسم..ونعلم كم من المال دفعت في الكونفرس كول..العملوهو الوهم ديل عشان يطلع بهذا البيان الهزيل..!!
و لا نامت أعين الجبنـــــــأء و الجبـــــانات.. الجبونات ذاتو..
حركة (منكم) مؤسسة الرئاسة
|
Post: #14
Title: Re: بيان جماهيري هام: حركة (منكم) تطرد و تقيل رئيسها محمد النور كبر..!!
Author: Kabar
Date: 10-30-2013, 08:25 PM
Parent: #13
على دفع الله..
يقولون في المأثور (أن الحر ممتحن بناس حركات المجالس)..
وان القادة ممتحنون بالخونة والمندسين..
حركة(منكم) مؤسسة الرئاسة
|
Post: #15
Title: Re: بيان جماهيري هام: حركة (منكم) تطرد و تقيل رئيسها محمد النور كبر..!!
Author: Kabar
Date: 10-30-2013, 08:31 PM
Parent: #14
الاخ المناضل الكبير امير عثمان..
قلت الحقيقة كلها في زمن لاتقال فيه الحقيقة باخوي واخوك..
هذا المعتوه ديكتاتورية تمشي على قدمين..نقول ليهوحق الآيسكريم يقول ليك اصبروا شوية..
ونحن نملك تجسيلات وتوثيقات كتيرة توضح علاقاته المشبوهات مع بعض الجمعيات التي تعمل ضد مصالح الشعب..
نشكر لكم كشفكم لزيف هذا المعتوه..
حركة (منكم) هيئة المجالس العليا الثلاث
|
Post: #16
Title: Re: بيان جماهيري هام: حركة (منكم) تطرد و تقيل رئيسها محمد النور كبر..!!
Author: الامين موسى البشاري
Date: 10-30-2013, 10:23 PM
Parent: #15
ول ابا كبر ..
السلطان ضل ضحى يا ول ابا ..
قف ..
ندعم ونساند الرئيس الفعلي والمنتخب لحركة منكم..
قف ..
سيروا وعين الله ترعاكم ..
قف ..
الودعاية بنربطها في ولدنا .. والله صحي
قف
جماهير حركة (منكم) المرابطة خلف قيادتها الشرعية..
كن بخير
|
Post: #17
Title: Re: بيان جماهيري هام: حركة (منكم) تطرد و تقيل رئيسها محمد النور كبر..!!
Author: AMNA MUKHTAR
Date: 10-30-2013, 11:27 PM
Parent: #16
ههههههههه
دمك خفيف لما تكون رايق يا كبر .
وفعلا ..ملهاة عجيبة .
عشان كدا ثوار وثائرات الداخل ما لاقين ضهر يسندهم ..
وجااااري كثير المقاديف .
وصحبتي دى ( أختاها ) وإلا طلعت فيك بيان يجيب عيونك فى أصابعينك ..:)
و
داون داون يونس بيه ..
|
Post: #18
Title: Re: بيان جماهيري هام: حركة (منكم) تطرد و تقيل رئيسها محمد النور كبر..!!
Author: الصادق اسماعيل
Date: 10-31-2013, 00:16 AM
Parent: #17
كبر
نسخر من واقعنا وواقعنا يسخر منا
وزي ما قالت آمنة مختار "ملهاة عجيبة"
لكن ديل نحن بلا زيف، عراة اما مرآة انفسنا، ولا ورق للتوت لنواري به سوءتنا
|
Post: #19
Title: Re: بيان جماهيري هام: حركة (منكم) تطرد و تقيل رئيسها محمد النور كبر..!!
Author: بريمة محمد
Date: 10-31-2013, 01:40 AM
Parent: #18
ول أبا كبر،
سلامات ..
| Quote: تقيل رئيسها محمد النور كبر..!! |
فجأتنا يا ول أبا .. يا أخى أنا لما قمت من الكرسى ..
لما لقيتك الكاتب .. تذكرت نكته صاحبنا صاحب الحمارة والدحيشه .. ماشى بالليل .. والجماعة قالوا له .. أب رجلن تسك واب خمشه يدفق لُك (يقصدون الجرادة) .. ما يقابلك في الشارع! .. الزول مشى والدحيشه تأخرت تأكل القش وفجأة جات جارية .. صاحبنا في حمارته بكى واااااااك .. لما تبين أنها الدحيشه .. قال هااااه أتارى هى دحيشتى!
بريمة
|
Post: #20
Title: Re: بيان جماهيري هام: حركة (منكم) تطرد و تقيل رئيسها محمد النور كبر..!!
Author: Siddig Elghali
Date: 10-31-2013, 02:21 AM
Parent: #19
ول أبا كبر
حبابك ، وزع لينا كواكيب وعكاكيز مضببة عشان نجود النجوس ونخلي الصقير كلدنغ يحوس ، وأنت باق القائد الأوحد وما نخلي واحد ثاني يفوز .
|
Post: #21
Title: Re: بيان جماهيري هام: حركة (منكم) تطرد و تقيل رئيسها محمد النور كبر..!!
Author: Siddig Elghali
Date: 10-31-2013, 02:23 AM
Parent: #19
ول أبا كبر
حبابك ، وزع لينا كواكيب وعكاكيز مضببة عشان نجود النجوس ونخلي الصقير كلدنغ يحوس ، وأنت باق القائد الأوحد وما نخلي واحد ثاني يفوز .
|
Post: #22
Title: Re: بيان جماهيري هام: حركة (منكم) تطرد و تقيل رئيسها محمد النور كبر..!!
Author: Siddig Elghali
Date: 10-31-2013, 02:23 AM
Parent: #19
ول أبا كبر
حبابك ، وزع لينا كواكيب وعكاكيز مضببة عشان نجود النجوس ونخلي الصقير كلدنغ يحوس ، وأنت باق القائد الأوحد وما نخلي واحد ثاني يفوز .
|
Post: #23
Title: Re: بيان جماهيري هام: حركة (منكم) تطرد و تقيل رئيسها محمد النور كبر..!!
Author: Siddig Elghali
Date: 10-31-2013, 02:32 AM
Parent: #19
ول أبا كبر
حبابك ، وزع لينا كواكيب وعكاكيز مضببة عشان نجود النجوس ونخلي الصقير كلدنغ يحوس ، وأنت باق القائد الأوحد وما نخلي واحد ثاني يفوز .
|
Post: #24
Title: Re: بيان جماهيري هام: حركة (منكم) تطرد و تقيل رئيسها محمد النور كبر..!!
Author: أمير عثمان
Date: 10-31-2013, 02:53 AM
Parent: #23
"ونحن نملك تجسيلات وتوثيقات كتيرة توضح علاقاته المشبوهات مع بعض الجمعيات التي تعمل ضد مصالح الشعب.."
حلوة وملعوبة .....
|
Post: #25
Title: Re: بيان جماهيري هام: حركة (منكم) تطرد و تقيل رئيسها محمد النور كبر..!!
Author: الصادق عبدالله الحسن
Date: 10-31-2013, 07:46 AM
Parent: #24
(منكم) لله، يا أهل (منكم)..
لم أفهم
هل هو (بيان) ؟
أم طوق (نجاة)؟
( نجاة محمود) هارسيلف ؟
التحية لها، ولكم، ولهم..
....
فأن تقيلوا أو تأكلوا صنم عجوتكم قبل غروب الشمس،
وسماع صوت الآذان فلا شأن لي بذلك.
وإن أقلتموه، أكِـلتموه، أو أكلتموه.. فهذا شأنكم..
وحلالكم وزلاكم، وفتات فولكم، وعدسكم، ومزاتكم.
أما أنا فأجلس هنا أعمى (وليس على الأعمى حرج)
لا أرى الصورة كاملة ، ولكن فقط استمع لهذه الكلمات الساخرة في حكمتها
و الحكيمة في سخريتها
وأشم رائحتها الشهية بنهكة السيمون فيميه
وأتذوق طعمها الحلو كالآيسكريم بتاع الشيكولاااااا
تحياتي ..
وهاكم هذا المقال يا أهل ("منكم" دوت كوم):
http://www.okaz.com.sa/new/Issues/20130618/Con20130618612091.htm
...
..
.
|
Post: #26
Title: Re: بيان جماهيري هام: حركة (منكم) تطرد و تقيل رئيسها محمد النور كبر..!!
Author: Kabar
Date: 10-31-2013, 08:05 AM
Parent: #24
بالله شوفوا هذا المرتزق عمر عبد الله كاتب شنو في الفيس بووك.. قال الحركة بنت مدارس و شفخانات و متجولة (الشي شنو؟ سنما متجولة يعني) و تعمل في صمت..!
هاك نديك النجيضة.. هذا المخبول مشى السودان فعلا..و غشانا و قال لينا ح ابني مدرستين واحدة للبنات و التانية للأولاد و التالت مركز صحي للأطفال..و عينك ما تشوف الإ النور.. اول ما وصل عرس تلاتة نسوان..واحدة بنى ليها بيت في الفتح (بحق مدرسة الأولاد)..و التانية في مدينة النخيل (بحق المركز الصحي) و التالتة في الأزهري (بحق مدرسة البنات)..فهل قضايا الوطن اصبحت مجرد الواحد يعرس نسوان كتار؟.. ياخي ده ساقط جندر بالباب العديل..و انت تجي تقول لينا مدارس و بطيخ..!!
حركة (منكم) جناح هيئة المجالس العليا..
|
Post: #27
Title: Re: بيان جماهيري هام: حركة (منكم) تطرد و تقيل رئيسها محمد النور كبر..!!
Author: Kabar
Date: 10-31-2013, 08:09 AM
Parent: #26
محمد حمزة..كل سنة و انت طيب..
12 ساعة شنو؟.. ياخي نحن من السحور للفطور..!!
|
Post: #28
Title: Re: بيان جماهيري هام: حركة (منكم) تطرد و تقيل رئيسها محمد النور كبر..!!
Author: Kabar
Date: 10-31-2013, 08:10 AM
Parent: #27
السيد جلال عمر..
اسحن ليك ترعي بي قيدك..!!
و نحن نعلم من انت..ولا قايلنا حركات ناس هيئة المجالس دي ما عارفنها؟.. الواحد يتخفي باسم تاني و يجي يقول فيك ما لم يقله مالك في الخمر.. انتو ما تبقى شجعان و تجوا بالباب العديل..!!
نحن نعلم جيدا حركات الجبنــــــأء و الجبـــــانات و الجبونات..!!
العبوا غيرها..
حركة (منكم) مؤسسة الرئاسة..
|
Post: #29
Title: Re: بيان جماهيري هام: حركة (منكم) تطرد و تقيل رئيسها محمد النور كبر..!!
Author: Kabar
Date: 10-31-2013, 08:11 AM
Parent: #28
السيد الأمين البشاري..
بالله عاينوا هذه القبلية القذرة..انت بتدعم عشان المعتوه ده من نفس الإثنية بتاعتك..عشان كده قلنا لازم البلد دي تكون علمانية عدييل عشان ناس القبائل ديل ندخلهم علبهم..!!
انت قايلنا ما عارفين الحاصل..كل واحد يدوهو كجمة مال يقوم يجيك شايت ضفاري ندعم و بطيخ..!!
فلتعلم ان المال الذي اتاك يا السيد البشاري مخصوم من حق الآيسكريم و الإسناك و اللنشات و السندوتشات..و الكرفتات..و هذا مال مساكين كل من ياكله سوف يخنقه..!!
حركة (منكم) هيئة المجالس العليا الثلاث
|
Post: #30
Title: Re: بيان جماهيري هام: حركة (منكم) تطرد و تقيل رئيسها محمد النور كبر..!!
Author: Kabar
Date: 10-31-2013, 08:13 AM
Parent: #29
امنة مختار..
و صاحبتك دي منو كمان؟..
يازولة هوي نحن مؤسسة رئاستنا و مجالسنا العليا الثلاث.. انصار سنة عدييل.. طرحة واحدة مافي..!!
صحبتك دي تكون تبع (حركة) تانية..و ما اكتر (الحركات) يااااااااااااااااااخ..!!
اما اذا دار محور سؤالك عن ثوار الداخل ، فنحن نؤمن بالتخصص..و العصر عصر تخصص.. يعني اذا كانت تخصصك (ثوار داخل) تاكل نارك براك..و اذا كان تخصصك (ثوار خارج)..فبرضك تاكل ايسكريمك برااااااااااااااااك...!!!..فشنو ، ما تلخبطي علينا الإختصاصات في صمة خشمنا..!!
* \ه رد سمبهار ، ما عارفينو من مؤسسة الرئاسة ولا من هيئة المجالس..
|
Post: #31
Title: Re: بيان جماهيري هام: حركة (منكم) تطرد و تقيل رئيسها محمد النور كبر..!!
Author: Kabar
Date: 10-31-2013, 08:15 AM
Parent: #30
السيد الصادق..
أين السخرية هنا؟..
هذه هي المؤسسية في ذات نفسها ، فالمؤسسات عادي بتمارس سلطاتها و تفصل رؤوساءها..فأين المشكلة؟..
حركة (منكم) هيئة المجالس العليا الثلاث
|
Post: #32
Title: Re: بيان جماهيري هام: حركة (منكم) تطرد و تقيل رئيسها محمد النور كبر..!!
Author: Kabar
Date: 10-31-2013, 08:19 AM
Parent: #31
السيد بريمة..
دع عنك مسك العصاية من النص و الغوص في وحل الرمادية..يجب ان تحدد موقفك و تدعم اقالة رئيس الحركة.. لأنو زول ما نافع كلو كلو..شنو حمــــارة و دحيشة و جراداية.. انت قايل البيان بتاعنا ده عيادة بيطرية ولا شنو؟..
حركة (منكم) هيئة المجالس العليا الثلاث
|
Post: #33
Title: Re: بيان جماهيري هام: حركة (منكم) تطرد و تقيل رئيسها محمد النور كبر..!!
Author: Kabar
Date: 10-31-2013, 08:19 AM
Parent: #32
صديق الغالي..
نشكر على هذا الحس الوطني العالي..و سوف نضرب المارقين بيد من حديد..
حركة (منكم) مؤسسة الرئاسة..
|
Post: #34
Title: Re: بيان جماهيري هام: حركة (منكم) تطرد و تقيل رئيسها محمد النور كبر..!!
Author: Kabar
Date: 10-31-2013, 08:19 AM
Parent: #32
صديق الغالي..
نشكر على هذا الحس الوطني العالي..و سوف نضرب المارقين بيد من حديد..
حركة (منكم) مؤسسة الرئاسة..
|
Post: #35
Title: Re: بيان جماهيري هام: حركة (منكم) تطرد و تقيل رئيسها محمد النور كبر..!!
Author: Kabar
Date: 10-31-2013, 08:24 AM
Parent: #34
كتر خير الجميع هتا..
و نسأل الله يجعل ايامكم كلها بسمة و بهجة.. بس ما تلحقوا تسوا حزب و كده..!!
سنعاود هذا الإتصال لاحقا...و نتوقف في هذه اللحظة...
31 اكتوبر 1999.. اول مرة الواحد يعفص تراب كندا..و من ديييك و عيييك...
ربنا يرجعنا.. سالمين.. لأنو حكاية غانمين دي شكلها لحقت امات طه..!!
و نشوفكم..
كبر
|
|