Post: #1
Title: يا غايبة من ضل الغياب
Author: Kabar
Date: 05-09-2003, 05:23 AM
الـوجـع أصـبح هـويه
والـشك مـكتوب كتاب
لا الشـمس تضـوي الدروب
لا الحـلم بحمل عتـاب
النـهار لبس توب الليل مـشى
والبصر شايل خضاب
النغم فارق دروبنا
والنشاز أصبح رباب
الدروب مـلت خطانا
والتعب ممدود رهاب
لا الـحضن مـفتوح سلام
لا الصدق مـفرور حباب
الـيتم منصوب حقيقة
والدفق منشور خراب
و من بـهاك لا جاتنا خاطرة
لا كلمة تدي الرحاب
يا حاضرة فوق حد الشوق
وماشة في النبض الخطاب
يا غايبة من ضـل الغياب
رجيتك والحلم معاي
خاصم دربالسراب
لفحتك فوق خاطري سـترة
كتلت بيك خوف العذاب
رسـمتك صوت للـمطر
نثرتك في وش الكون سـحاب
حلمتك تسـقي الوردة
تكتـلي العطش اليباب
و تعيدي لدروبنا
رفة الـنم الحنونة
وصبوة العشق الصباب
وتدي من سرك امان
يبعد الهم الضباب
و تختاري القمرة ليك صفية
وتلعبي مع النجم الحباب
يا حاضرة فوق حد الشوق
وماشة في النبض الخطاب
يا غايبة من ضل الغياب
محمد النور كبر
|
Post: #2
Title: Re: يا غايبة من ضل الغياب
Author: imad braka
Date: 05-10-2003, 02:13 PM
Parent: #1
up
braka
|
Post: #3
Title: Re: يا غايبة من ضل الغياب
Author: بت قضيم
Date: 05-10-2003, 08:19 PM
Parent: #1
جميل
|
Post: #4
Title: Re: يا غايبة من ضل الغياب
Author: Elmosley
Date: 05-11-2003, 00:27 AM
Parent: #1
والله ياكبر الغايبه من ضل
الغياب ياتكون حاضره ياغايبه حتي النخاع
حلوه والله
|
Post: #5
Title: Re: يا غايبة من ضل الغياب
Author: Zoal Wahid
Date: 05-11-2003, 04:53 AM
Parent: #1
ما اروع عباراتك
|
Post: #6
Title: Re: يا غايبة من ضل الغياب
Author: Kabar
Date: 05-15-2003, 06:02 AM
Parent: #1
صـديقي عماد براكة حبابك
وكتر خيرك على رفع البوست..اشتقنا كثيرا لأن نقرأ تعاريجنا في مراياك..اكتب يا اخي
بت قضـيم..حبابك
كتر خيرك ..ومستمتع جدا بيوميات ....المثقفة
استاذي الموصلي..حبابك
كتر خيرك..طبعا في حاجات كده مرات بتكون محتاجة لقواميس جديدة
الصديق زول واحد..حبابك
كتر خيرك كتير..وما تنقطع
ودمتم
كبر
|
|