قالو الحجيج قطع طالب نور البقع قلبى زاد وجع حمانى القيد منـع العبدو قام شرع متقاصر ما بتع جاب العسل نقع كباه فى القـــــــــــرع ديوانه اجتمع ماصغى لأهل السمع مجزومم تف وقع كالمغشى من الصرع فى الدنيا ارتفع والاخرة نال شفع قلبي زاد وجع حماني القيد منع
قمر القسوم طلع الضوا ما انقطع فى العرش لاح سطع الذاكر ما انضجع حبو للردوم خلع يوم النهار صقع لولاه نروح جرع قلبى زاد وجع حمانى القيد منـــــع
العالى فى القدر ذو العز والفخر لو طويل و لو قصر لو غليد و لو نسر فى حقه الصبر حين ينزل الامر شفيعنا فى الحشر ليلة عرقنا يخر التبعك للخدر والخالف من حاله كر قلبى زاد و جع حمانى القيد منع
دقو النحاس ورف جا صاحب الوظف ركب الصديق وقف اتيامن وحــــلف معلوم بهدم الصف ما بعاين الطرف مابخلى الدم يجف رقدهم كالعلف والعوق من عنده رف قبض الملوك عنف كدى جرا الكى خلف قلبى زاد وجع حمانى القيد مــــــــنع
دقو النحاس ضرب جا صاحب الادب فاروق الاحتسب العزا للدين نصـب سل سيفو المو كعب يغرز فى العين جب السيمت اب هجب من عندو قام هـرب رسلهم بالسلب للهاشمى العجب قلبى زاد وجع حمانى القيد منع
يا فمى قول السى للنسبو من اميى فارسا بريد الدى ضربو النجيض مو نى سيفو الما بفضل شى الدبرة الفيها اب عى شقاها وخلف الكـــــــــــــــــى نصرو العزيز الحى زوج ام كلثوم و رقيى قلبى زاد وجع حمانى القيد منـــع
دقو النحاس و رز ركب المضرغم وهز دخل المداين جز خلا الرمام للمـــز فى الارض ماهن نز كل المشكر فز ود عمو الليث برز نصر اب علامه وعــز قلبي زاد وجع حماني القيد منع
يا حى يا مجيب ندعوك الفين جمل على المشهاد و الايد ميتين المويـــه بالزاد نجفى البليد ميتين لاحبابنا الجمبى والبعيد ميتين للفقرا البقرو فى المســـيد جملى البدورو ما اظنو يتوجد ابيض فى لونه وعلى الدبلان يزيـــد افطس قدومو تام شوفو بتاكيد سمحات عيونو ختما دق ود تبيـــــد شرفات اذنيبه مكلوفا يا الرشيد زمامو الفضه اربع تاواق و يزيـــــــد خناقو الشولق غشيما دهب العبيد رسنو حريرا بارد لمسك الايـــــــــــد ان قلت رقبتو كالروقه الفى الهميد موكوكب زورو والفدعه العند الايــــــد ضامر حشاهو ماهوالبدين عريض مرخى عرقوبو شوتال مدقوق جديد سمحات سيقانو كا ليد الفى الحديــــــــد مدور خفه فى ا ل و ط ي ة مو عريض شارف سنامو قبة سيدى العبيـــــد طبعو المؤدب لو عاصى لو عنــــيد كدى جيبو و نوخو يا لعرض يا العبيـد سو فوقو سرجا مكسى محشى جديد ان قت مجدولا كالفصل الفى العقيــــد مفروش للفروه يا تويلى يا مرعيد قام جب بينا يضرب و ينفض الايـــــد ان جاك ماشى كيف عفرات الصـعيد يا اخوى اقرالو من كونك ماك جديد حنق للطاره طالب الرسول الســـيد ريس السفينه قال اهلا مداح الســــــيد دون شك ادخلو ان شاء الله توافقو العيد ودخلنا فيها كدى قلنا يا مجـــــــيد فى سروه واحدة وصلت بقدرة السيد فى جدة خروجنا مافينا من مريض وحلقنا شعورنا ورجمنا خصم السيد طال لينا المنار ام شبكا من حديـــــد قلنا له سلاما يا سيد رسالة اب زيد قال اهلا مرحى انا قلبى ليك بريـــــد انت واحبابك الجمبى والبعيد تسكنو قصورا شامخات بلا تحديـــد يات من كان منكم الفين حوريه نهيد وعيب الراوى الما رتل وقال قصيد يوم لمت الوعيد يضمنا النبى السيد قلبى الزاد وجع حمانى القيد منـــع
احمد عليك قصد فى مدحه ما اجتهد كان دايح بالبلد لا اطامن لا قعـــــد لا صام لا عبد لا انفق بليله قد القمرا الفوق السد بيك يسلم النشــــد
صليت على العدل فى شرعه ما زغل ما صب سحاب نزل كب ماهو انهمل والغيث الفى السهل عد علم اللم يزل ندخلو فى ام قلل ونواجهو بلا عــــلل قلبى زاد وجع حمانى القيد منع
بسم الله العبيد شحد لله واجتهد في المدينة سمعان بالكد وجد والزارع الخير حصد في المدينة لمتين اراهــو
أيضاً ثنيت ياخي فوق سيد بنو لؤي في المدينة من كونو قالوا لي في قبرو ماكث حي في المدينة لمتين اراهو
نبياغرير اسلم في الله مع خدم في المدينة للمرسلين ختم من عيسى لي آدم في المدينة لمتين اراهو
فوق هذا الانفشى متواضع من نشأ في المدينة يحمل للضيف عشا في وسادتو الليف حشا في المدينة لمتين اراهو
الأمي الما قرأ يتعبد في حراء في المدينة من مكة ليل سرى ولوهو على الوراء في المدينة لمتين اراهو
أباً وصفاً ما انجرد بالحسن إنفرد في المدينة اسنانو كالبرد من شوفتو ابليس شرد بالمدينة لمتين اراهو
كان عادتو إن مرق قدامو النور سبق في المدينة في مكانو الطيب عبق والصيد به اعتلق في المدينة لمتين اراهو
الصلاة والسلام سوا لليركب القصواء في المدينة من ود تميم روى مقصوده الحوى في المدينة لمتين اراهو
قبراً بناهو في المدينة لمتين اراهو
Post: #7 Title: Re: في المدييييييييينة لمتييين اراهو؟؟ Author: Isa Date: 11-19-2009, 08:24 PM Parent: #5
العـزيزة أختنا حاجة أمـاني (بأعتبار ما يكون بإذن الله)، كل سنة وإنتي طيبة وأرجـو أن نلتقيكم في تلك البقاع الطيبة الطاهرة والمباركة.. ولأنو أنا ثقافتي في المـديح حدها الزريبة، نديكي تصبيرة؟ تانية لغاية ما نسمع معاك لمتين أراهو:
نان يا عيسى يا ود امي داير ليك ثقافة اكتر من دي ؟ هو ساكن الزريبة خلى للوراهو حاجة ، الله يصلح حالنا بي جاهو وبي حق محبتنا ليهو ، أمييييييين ربنا يجمعنا هناك.
_________
كم صلحت واغنيت كلالة
لينا بي حالهن بي جاه النبي
بهوى حابك وبهوى مريدك ديمة الوز بك لا اكون طريدك اهيم في حبك هيام
تراهو دا حالنا
Post: #6 Title: Re: في المدييييييييينة لمتييين اراهو؟؟ Author: Adil Osman Date: 11-19-2009, 08:18 PM Parent: #1
ـــ لكن يا ود امي انت رايح ليك الدرب ولا شنو أنا زااااتي رايح كدي خليهو الدرب .) فالسنين العجاف علي سنابل حقول الروح أكسبتها القنوط فالعبارة (في المدينة لمين أراهو) وما بعدها أرعشت الروح .. كوقع المطر علي الجسد الناشف . شياخة شنو ياخ؟ .. (شخية وصول عبارة وكلمة)ياخ فهي عندي تُحيي الفتور وتيقظ بلايين الكائنات التائقة فيّ..!
ومدد مدد ..
Post: #13 Title: Re: في المدييييييييينة لمتييين اراهو؟؟ Author: الجندرية Date: 11-20-2009, 11:06 AM Parent: #12
عماد جمعتك مباركة
قت ليك اتخيل لي يروح الزول زاتو اسهل من يروح ليه الدرب الزول بلم في روحه لكن الطريق ان راح ليك امانة ما هلكت
ـــ بركة الجمعة الجامعة والدعوة السامعة ربي يسهل لينا ونسمع مدحة ود تميم واحفظ في جهازي دا
تسلم يا عادل من كل بلية مستمتعة متعة بالرابط اسمع واحفظ في نفس اللحظة الله يديك لمن يرضيك يا عادل وربك يسهل لينا بنية حلال ولا ود حلال متلك كدي يسمعنا كلنا سوا مدحة ود تميم
Post: #14 Title: Re: في المدييييييييينة لمتييين اراهو؟؟ Author: Adil Osman Date: 11-20-2009, 12:04 PM Parent: #1
البحث جارى عن مدحة ودتميم.. الى ذلك الحين هاكم.. الهاكم.
