Post: #1
Title: العيد والعزلة ( انفلونزا خنازير )
Author: الجندرية
Date: 11-25-2009, 03:54 PM
Parent: #0
لم يحزني ان نتيجة التحليل جاءت ايجابية
وانني وصغيرتي هبة مصابتان بانفلونزا الخنازير
الحمد لله ان الاعراض التي نشعر بها خفيفة جداً وبدأنا في العلاج من امس
وكله تمام
المحزن بكاء هبة جراء العزلة
فهي منذ ان عرفنا النتيجة وبدأنا الاجراءات الوقائية حتى لا تنتقل العدوى لاخويها
وهي تبكي
معليش يا صغيرتي
اتمنى لك اعياد قادمات اجمل وسط اخويك واحبابك
سنكون في عزلة تامة لمدة اسبوع على الاقل
وامي على بعد شارعين واختي كذلك ولكن لن تمكن من تمضية العيد سوياً
دعواتكن ان تمر هذه الايام على خير وتهونها على هبة
اقصد العزلة فالانلفونزا مقدور عليها
وعلى رأي حبوبة( باقي النصارى خلهوهم للبصارة )
|
Post: #2
Title: Re: العيد والعزلة ( انفلونزا خنازير )
Author: Rawia
Date: 11-25-2009, 04:02 PM
Parent: #1
كل سنة وإنت طيبة وهبة طيبة وأبوها بالذات شديد وسعيد وأمين وسمين وأخوانها في أحسن حال
وكل سنة الخالة وأهلك جميعا طيبين
سائلة منكم شديد ولو مابيوصلوهو ليكم يبقى حسادة منهم ساكت
وأنا حاسداها بالاكتر لانها بتلاقيكم وتشوفكم
وتحكي لي بالبتعملوهو ليها وماجديد ولا غريب عليكم
____________
نجي للانفلونزا
قالوا والعهدة على الراوي السودانيين مسلحين منها دون خلق الله
وفي إنجلترا مابيدوهم التحصين ولا بيعالجوهم بالجرعة كاملة لانه جسمهم يحتوي على مصدات طبيعية ضدها
دا طبعا للكبار
أما هبوية خلي بالك منها شديد بالله وربنا يحفظكن الاتنين ويشفيكن سريع
|
Post: #3
Title: Re: العيد والعزلة ( انفلونزا خنازير )
Author: احمد محمد بشير
Date: 11-25-2009, 04:07 PM
Parent: #2
ربنا يسلمكم من كل سوء وربنا يحفظك انتي و أطفالك وانشاء الله أجر وعافية.
|
Post: #6
Title: Re: العيد والعزلة ( انفلونزا خنازير )
Author: الجندرية
Date: 11-25-2009, 04:24 PM
Parent: #3
ويسلمك يا احمد يا اخوي
مشكور ربنا ما يوريك شر
|
Post: #4
Title: Re: العيد والعزلة ( انفلونزا خنازير )
Author: أبو ساندرا
Date: 11-25-2009, 04:14 PM
Parent: #2
كر
إتخنزرتي ؟
شدة و تزول
أنصحك ب :
- الخلود للراحة التامة
- الإكثار من السوائل
- بصل حار بالشطة والليمون
- اتركي تلفونك خارج غرفة العزل ليتولى تراث الرد على الإتصالات
- لا تتخذي أي قرار لأن التفكير بيكون مشوش جدآ
الناحية الإيجابية في الموضوع
حصولك على مناعة من المرض خاصة عندما يتفاقم
حيث ح تكوني مؤهلة لتمريض الحالات الكثيرة
بيكون اسامة رسلها ليك
ماتشوفي شر
|
Post: #7
Title: Re: العيد والعزلة ( انفلونزا خنازير )
Author: الجندرية
Date: 11-25-2009, 04:27 PM
Parent: #4
الخنزرة ساهلة يا ود امي
العزلة دي وحدها المبتندار
والله انا كان ما خجلانة من وليداتي زاتي ابكي خليها هبة الصغيرة وجاهلة
دعواتك الحواليني كلهن مصنفين فئات خطرة
سيد الازمة والحوامل وكبار السن
ربك يسبل سترو
ــــــ
سلامتك انت برضو
اتعاقبنا شفت القلوب الشواهد ؟
|
Post: #5
Title: Re: العيد والعزلة ( انفلونزا خنازير )
Author: الجندرية
Date: 11-25-2009, 04:21 PM
Parent: #2
وانت طيبة يا رووية
وامانيك كلها محققة يارب
والله بوصلوا لينا ربك يديم المحنة
ونحن كمان بشيلهم قفة الاشواق
النعل ما بتنقطع يدها في الدرب ؟
ما عملنا شي يا امي
مقصرييين يعلم الله
لكن هي بتريد سترة حال حبانها ودعتها لي الله والرسول
اها نرجع للانفلونزا
غايتو قصة مسلحين دي طلعت ما صاح
لكن اعراضنا خفيفة شديد والحمد لله
مافيها حتى و نزول من الانف
بس وجع صدر وصداع وكحة
ربك يسلم خلقو بركة قبايل العيد
|
Post: #8
Title: Re: العيد والعزلة ( انفلونزا خنازير )
Author: أبو ساندرا
Date: 11-25-2009, 04:28 PM
Parent: #5
| Quote: مافيها حتى و نزول من الانف |
لو تابعتي تجربتي حول الموضوع المنشورة هنا
فان هذه الإنفلونزا مافيها نزولات و وديان سيل من الأنف
وحتى الرشح محدود جدآ
فقط الحمى المرتفعة والتعب الشديد
و إحساسك مشوش و مودر
وإمكن دي عشان السكري بالنسبة لي
بعدين أنصحك
ماتستهيني بالموضوع وتشبكينا بسيطة بسيطة
إرتاحي تمام
وأشربي عصائر قدر ما تقدري
أها ، سهل البقاع كيف ؟
|
Post: #9
Title: Re: العيد والعزلة ( انفلونزا خنازير )
Author: عبد القادر بابكر
Date: 11-25-2009, 04:30 PM
Parent: #8
ألف بعد الشر عليكم وكفارة
انشاء الله أجر وعافية
وربنايمن عليكم بالشفاء العاجل ...
|
Post: #11
Title: Re: العيد والعزلة ( انفلونزا خنازير )
Author: الجندرية
Date: 11-25-2009, 04:35 PM
Parent: #9
امين يا اخ عبد القادر
مشكور وما نجيك في شين
ـــــــ
ابو ساندرا
سهل البقاع دا انا ما قايلاهو من العلاج
قلنا الاثار الجانبية وكدا
النعل ما بحمينا اكل المرارة كمان ؟
كر
|
Post: #12
Title: Re: العيد والعزلة ( انفلونزا خنازير )
Author: Tagelsir Elmelik
Date: 11-25-2009, 04:39 PM
Parent: #9
كفارة و سلامة يا جندرية
بتصور انو الأسم هو البيخلع اكتر من المرض زاتو
و طبعا دي سياسة شركات صناعة الأدوية العالمية عشان يزيدو المبيعات
فعامليها على اساس فلسفة ( التلفزيون ده كان ما الصورة ‘ رادي ساااكت)
تقوم تتحول الى نزلة عادية
اهلك ناس رفاعة الزول تطقو عقرب خلا ‘ برضو بيعيد
قومو على البمبار و الشية و (امالبينا) على الطلاق تعيدو زى العجب
العزلة دي من زمن ماركيز الناس مابينها
سلامنا للبنيات الحبيبات
و الجاتك في نخرينك و حلاقيمك سامحتك
قومو على الخروف ( الحري) و الببسي و القات
و ياالشيخ المصوبن من عضة الكلب و عطسة الخنزير
|
Post: #23
Title: Re: العيد والعزلة ( انفلونزا خنازير )
Author: الجندرية
Date: 11-27-2009, 02:40 PM
Parent: #12
ازيك يا تاج السر
وكل سنة وانت طيب
يا ود امي عقرب الخلا ما بتعادي
عشان كدي بقوم علي عيدو وسط اهلو وحبانو
لكن العيد الله ورقبتك دا كيفنو ؟
شيالتنا تشحد في البمد يدو عليها
وامي وهالة كان جدعنا الحجر يصلهن لكن ما قدرنا وصلناهن
دا عيد دا ؟
الله غالب
|
Post: #10
Title: Re: العيد والعزلة ( انفلونزا خنازير )
Author: الجندرية
Date: 11-25-2009, 04:31 PM
Parent: #8
هي يا يابا انت جاتك ؟
يطرشني يا يمة
كان جبت تيرموس شوربتي
يا حليلنا فيها متابعتنا زاتها بقت طشاش
كدي النرجع للارشيف
|
Post: #13
Title: Re: العيد والعزلة ( انفلونزا خنازير )
Author: emad altaib
Date: 11-25-2009, 04:59 PM
Parent: #10
ـ
نسأل الله السلامة لكِ ولصغيرتك وإلهي يلطف علي الجميع .
ـ
كل سنة وإنتم طيبين ومعافيين .
|
Post: #14
Title: Re: العيد والعزلة ( انفلونزا خنازير )
Author: رقية وراق
Date: 11-25-2009, 05:26 PM
Parent: #13
تسلموا انتي وهبة وكلكم. خلي بالك من نفسك ومن هبة يا أماني وكل ينة وانتوا طيبين.ويا أبو ساندرا سلامتك انت كمان . تحياتي
|
Post: #25
Title: Re: العيد والعزلة ( انفلونزا خنازير )
Author: الجندرية
Date: 11-29-2009, 08:13 AM
Parent: #14
وتسلمي انت يا رقية وكل حبانك
وكل سنة وانت طيبة
هبة ما شاء الله اسرع زول فينا بقى كويس
الصغار ديل زي ما بقولوا اهلنا بتغتي عليهن الملايكة
مش لمن يقع الجاهل بقولوا اتلقتو الملايكة ؟
مشكورة يا حبيبة
|
Post: #24
Title: Re: العيد والعزلة ( انفلونزا خنازير )
Author: الجندرية
Date: 11-29-2009, 08:05 AM
Parent: #13
وانت طيب يا عماد
وربك يسلم الجميع من كل بلا وشر
مشكور
|
Post: #15
Title: Re: العيد والعزلة ( انفلونزا خنازير )
Author: Adil Osman
Date: 11-25-2009, 05:52 PM
Parent: #1
سلامتك يا ام هبة وسلامة هبة
سحروكم الما بشبهوكم
عاجل وكامل الشفاء لكما
العزلة المجيدة دواها النظر من الشباك
|
Post: #16
Title: Re: العيد والعزلة ( انفلونزا خنازير )
Author: Raja
Date: 11-25-2009, 06:37 PM
Parent: #15
الحبيبات هبوية بتًي العسل ومنوًية..
ألف ألف سلامة عليكن. زعلت شدييييد لما عرفت وأنا مغادرة البلد. كلها أسبوع وارجع ليكم ونعيًد سوا ونضبح ونعمل شربوت الكركدي كمان:)))
لا إله إلا الله.. لغاية ما أشوفكم السبت بعد الجاي كان الله مد في العمر..
ــــ
عادل عثمان يا عزيز.. طبعا صنعاء من اجمل المدن الشفتها. وكل ما أمشي مكان أقول والله السودانيين ديل لسانهم طويل. قال أيه: ليبيا واليمن ضياع زمن. زمنهم هم الضايع وهم ما جايبين خبر.. عيدك سعيد
ضيوف أماني الأعزاء.. كل عام وأنتم وأسركم جميعا بخير..
|
Post: #17
Title: Re: العيد والعزلة ( انفلونزا خنازير )
Author: سمندلاوى
Date: 11-25-2009, 10:58 PM
Parent: #16
سلامتكم يا امانى وهبوية وكفارة ليكم
شدة وبتزول باذن الله واجر كفارة..
واذا مرضت فهو يشفينى
تحياتى وعيدكم سعيد وبخيت عليكم
|
Post: #19
Title: Re: العيد والعزلة ( انفلونزا خنازير )
Author: صبري طه
Date: 11-25-2009, 11:19 PM
Parent: #17
أجر وعافية ...
وربنا يتولاكما بعنايته ...
|
Post: #41
Title: Re: العيد والعزلة ( انفلونزا خنازير )
Author: الجندرية
Date: 12-26-2009, 10:12 AM
Parent: #19
مشكور يا صبري
وآمين يجعلها لينا كفارة واجراً ثابت
تسلم
|
Post: #40
Title: Re: العيد والعزلة ( انفلونزا خنازير )
Author: الجندرية
Date: 12-26-2009, 10:02 AM
Parent: #17
بكري سمندلاوي
نبارك ليك اعياد الميلادو السنة الجديدة
تصدق نحن يا دووووووووب طبنا؟
شهر بالتمام والكمال اجارك النبي
الحمد لله غايتو
مشكور يا بكري وما نجيك في شينة
|
Post: #27
Title: Re: العيد والعزلة ( انفلونزا خنازير )
Author: الجندرية
Date: 11-29-2009, 09:28 AM
Parent: #16
رجوية الغالية
كل سنة وانت طيبة
تلقاك هسي غاتسة ليك في جك شربوت من شربوت خالتي علوية الشهير
يا بت امي لمن ترجعي بعد اسبوع اجازة العيد بتكون راحت في حق الله
الله غالب
محمداً رسول الله يا رجاء
ترجعي بالسلامة
|
Post: #26
Title: Re: العيد والعزلة ( انفلونزا خنازير )
Author: الجندرية
Date: 11-29-2009, 08:19 AM
Parent: #15
الله يسلمك يا عادل
وكل سنة وامنياتك محققة
غايتو هبة دي اكيد سحروها ناس الفيسبوك
باقي بت نديهة وشاشتها بيضا
لووووووول
اوعى تجي تقول لي يعني شنو الكلام دا
راجع قاموس عون
لكن اختك مدفع ما يمشي فيها خلي عين
الشباك ما بحلنا يا ود امي
العين كليلة اجارك النبي
ربك يسبل علينا توب العافية
بلاها مافي طعم لشي
|
Post: #18
Title: Re: العيد والعزلة ( انفلونزا خنازير )
Author: Adil Osman
Date: 11-25-2009, 11:08 PM
Parent: #1
| Quote: عادل عثمان يا عزيز.. طبعا صنعاء من اجمل المدن الشفتها. وكل ما أمشي مكان أقول والله السودانيين ديل لسانهم طويل. قال أيه: ليبيا واليمن ضياع زمن. زمنهم هم الضايع وهم ما جايبين خبر.. عيدك سعيد |
رجاء العباسى يا صديقتى الجميلة
كل عام وانتم بخير واهديك والقراء اغنية
يا معاين من الشباك للاستاذ محمد الامين
http://www.alrakoba.com/vb/t44067.html
|
Post: #20
Title: Re: العيد والعزلة ( انفلونزا خنازير )
Author: انتصار محمد صالخ بشير
Date: 11-25-2009, 11:39 PM
Parent: #18
الاخت امانى
سلامتكم انتى وهبه
ما تشوفو شر يارباجر وعافيه
انت بتستحملى بس هبه اشغليها باللعب وبرامج الاطفال
الله يمرر الاسبوع بسلام
|
Post: #21
Title: Re: العيد والعزلة ( انفلونزا خنازير )
Author: بابكر عثمان مكي
Date: 11-26-2009, 09:43 AM
Parent: #20
الف سلامة اخت اماني ..
وربنا يحفظكم
|
Post: #22
Title: Re: العيد والعزلة ( انفلونزا خنازير )
Author: محمد إبراهيم علي
Date: 11-26-2009, 05:39 PM
Parent: #21
ربنا يسلمك اخت اماني انتي وبنيتك واهلك
|
Post: #28
Title: Re: العيد والعزلة ( انفلونزا خنازير )
Author: سلمى الشيخ سلامة
Date: 11-29-2009, 04:58 PM
Parent: #22
كر يا يمة كر ..
برية سلامتك
عشان كدا ما جيتى سلمتى على ؟
وانا قاسمة الليل ونسة مع تراث
سلامتك حبيبة وانشا الله بقيتى طيبة وهبوية
بالمناسبة اتونست معاها برضو
غايتواعفى ليا انا وعثمان اتونسنا يوم العيد لمن قلنا كفاية
وطبعا قال ان هو "معزول " عشان كدا ما اتونسنا معاك
بريةسلامتك يا ستهن
والجاتك فى نخرينك سامحتك
|
Post: #29
Title: Re: العيد والعزلة ( انفلونزا خنازير )
Author: ALGARADABI
Date: 11-30-2009, 05:54 AM
Parent: #28
الجندرية
كل سنة وانتي و الاسرة بخير
أوعة تصدقي (على رأي أبوعركي) حكاية العزلة دي
عندنا تجربة مع محمد الصغير (5 سنوات)
والله أمو ترقد معاهو في مخدة واحدة طيلة أيام المرض
وأخواتو ممارضينو بالنهار
الحمد لله مافي زول شكا من شي
من الاول الطبيب المعاج قال العزل في حالة في أطفال أقل من 5 سنوات
أو كهول أكبر من 65 سنة
أو أصحاب الامراض المزمنة لأنو مناعتهم ضعيفة
خلاف ذلك ما مافي سبب بخليكم تنعزلو
أبعدي بس من أمك
و الباقيين على مسؤليتي
|
Post: #30
Title: Re: العيد والعزلة ( انفلونزا خنازير )
Author: ودقاسم
Date: 11-30-2009, 07:45 AM
Parent: #29
الجندرية
كل سنة وانت والأولاد وأبوهم كلكم بخير وعافية ..
ربنا يشفيك ويشفي البنية ، ويحفظكم من كل شر ..
يكون المسخوت أبوساندرا رسّل ليك فيروس عبر الماسينجر ؟
شكيتو على الله ، غيرو مافي زولا جاب الخنزرة دي في المنبر ..
|
Post: #48
Title: Re: العيد والعزلة ( انفلونزا خنازير )
Author: الجندرية
Date: 12-27-2009, 10:11 AM
Parent: #30
ود قاسم حبابك
كيفنك كدي والوليدات وفوزية وكلن
ياخ ما تتهم الزول دا ساكت
حليل يا يمة زمن المناغمة بالماسنجر
الدروب اتقطعت بينا اجارك النبي
والعدوى زاااااااتها مشتهينها من الحبان
مشكور يا ابوي وما نجيك في شين
|
Post: #47
Title: Re: العيد والعزلة ( انفلونزا خنازير )
Author: الجندرية
Date: 12-27-2009, 09:51 AM
Parent: #29
القرضابي يا اخوي
وحاتك لا عزل نفع لا عزلة شفت
الجماعة كلللللللللهن مسكتن
بس امي لانها ما معانا في البيت وما مشينا ليهن شهر
ربك مرقها
ولسه ربنا يغطي
لكن القصة ما ساهلة زي ما انت قلت
ربك يحفظ خلقو
ومشكور يا اخوي
|
Post: #45
Title: Re: العيد والعزلة ( انفلونزا خنازير )
Author: الجندرية
Date: 12-26-2009, 10:52 AM
Parent: #28
اسكتي يا سلمى
عملنا حظر وعزل وضيعنا ونستك ساكت
كلو ما نفع والقصة عمت وصابت البيت كلو
بس الله ساكت ما كان قاسم لينا ونسة
نتلاقى في ساعة خير يا امي
وتسلمي انت وكل حبانك
|
Post: #44
Title: Re: العيد والعزلة ( انفلونزا خنازير )
Author: الجندرية
Date: 12-26-2009, 10:43 AM
Parent: #22
الله يسلمك يا محمد يا اخوي
القصة ما وقفت علي وعلي بنيتي
الوليدات وابوهن
الحمد لله بس
الفي النصيب بتصيب
مشكور وما نجيك في شينة
|
Post: #43
Title: Re: العيد والعزلة ( انفلونزا خنازير )
Author: الجندرية
Date: 12-26-2009, 10:37 AM
Parent: #21
الله يسلمك يا اخ بابكر
ربنا يغطي ويسلم الجميع من كل شر
مشكور اخوي
|
Post: #42
Title: Re: العيد والعزلة ( انفلونزا خنازير )
Author: الجندرية
Date: 12-26-2009, 10:26 AM
Parent: #20
الاخت انتصار
تسلمي ومشكورة اختي
تصدقي الأسبوع مرق في شهر كامل
يادوب نزلنا شغلنا والعيال نزلوا المدارس
الحمد لله الجات على كدا برضو
|
Post: #31
Title: Re: العيد والعزلة ( انفلونزا خنازير )
Author: ihsan fagiri
Date: 11-30-2009, 07:57 AM
Parent: #1
الف سلامه عليكم --
ازمه وبتعدي
والجايات اكثر من الرايحات
لكم حبي
|
Post: #32
Title: Re: العيد والعزلة ( انفلونزا خنازير )
Author: mustafa mudathir
Date: 11-30-2009, 09:03 PM
Parent: #31
"خنازير" بتت"مرعف" في زمن "الخراف"!
او خنازير نبتت جنحات
وطارت.....
غيرة بس و بوظو عليكم العيد.
عشان افترا الخنازير دا قلعو
منهم الاسم وسموها هاء واحد نون واحد.
اسم زي حق الجواسيس جيمس بوند
العميل او او سيفن.
لك يا اماني
اغلى الاماني
بالصحة انت وكل بيتك العامر محبة.
|
Post: #33
Title: Re: العيد والعزلة ( انفلونزا خنازير )
Author: Hala Hassan
Date: 12-01-2009, 09:03 AM
Parent: #32
الاخت أمانى،
سلامتكم من الإنفلونزا خنزيرية كانت أم أسيوية،،
بينى و بينك،
قتلوك و لا جوك جوك،
و الحمدلله البقت على قدر كدة،،،
كل سنة و إنتوا طيبين،
و أعتبروا العيد دة راحة إجبارية،،،
ما تشوفوا شر،،،
|
Post: #34
Title: Re: العيد والعزلة ( انفلونزا خنازير )
Author: nazar hussien
Date: 12-01-2009, 09:51 AM
Parent: #33
أديها شطة خضراء وليمون في 3 صحون بصل أبيض علي الريق...
ثم اعقبيهن بتلاتة جكوك او جكاكة عصير برتقال طبيعي...بماء زير
وابلعي حبتين بندول في الليل عند النوم
او فد كأس كونياك...(هينيسي)
يمين تجهجهي الخنزير في نخرتو..
والي ذلك الحين ألف كفارة
ليك يا دفعة ولهبوية عاجل الشفاء واللعب برئتين مشبعتين بالعافية
وما تشوفوا شر يا جندرية...
تحياتي لعثمان والعيد مبارك عليكم
|
Post: #53
Title: Re: العيد والعزلة ( انفلونزا خنازير )
Author: الجندرية
Date: 12-27-2009, 11:05 AM
Parent: #34
هي يا دفعة
ادويتك الوصفتهالينا دي كلها ما قدرنا نعملها
البصل والشطة ماكان في ليهن طريقة مع طه القرشي القدا فينا داك
والبرتكان ما لقينا ليهو موية زير
والدوا التالت دا بدينا الدق ونحن ما عندنا ضهراً للدق فقلنا النلم بضينتنا علينا
لكن الشافي الله
نحمد الله ترانا بقينا طيبين
تسلم يا دفعة ومشكور
|
Post: #52
Title: Re: العيد والعزلة ( انفلونزا خنازير )
Author: الجندرية
Date: 12-27-2009, 10:53 AM
Parent: #33
هالة اختي
حبابك
الراحة الاجبارية يا بت امي عصرتها للعدو
والعجب كان اتمطت ليك كدي ومرقت في شهر وشوية
لكن علي قولك خلاص هم ونزل تاني نمشي في اعتى زحمة ولا يهمنا
كتر خيرك امي وما نجيك في شين
|
Post: #51
Title: Re: العيد والعزلة ( انفلونزا خنازير )
Author: الجندرية
Date: 12-27-2009, 10:40 AM
Parent: #32
عاد يا دكتور
امانة العميل هـ واحد نون واحد دا ما بالغ معانا
يعني حقارتو بينا نحن مساكين الله والرسول لديل
الله غالب بس
عيد وطار
وبعدو شهر كمان
كتر خيرك ابوي
وسلام للمعاك
|
Post: #46
Title: Re: العيد والعزلة ( انفلونزا خنازير )
Author: الجندرية
Date: 12-27-2009, 09:19 AM
Parent: #31
العزيزة احسان
مشكورة اختي
الأزمة عدت بس بعد ما رقينا نشف
ما نجيك في شينة
|
Post: #35
Title: Re: العيد والعزلة ( انفلونزا خنازير )
Author: Adil Osman
Date: 12-01-2009, 01:51 PM
Parent: #1
Quote: غايتو هبة دي اكيد سحروها ناس الفيسبوك
باقي بت نديهة وشاشتها بيضا
لووووووول
اوعى تجي تقول لي يعني شنو الكلام دا
راجع قاموس عون |
الكلام ده معناتو شنو يا الجندرية؟ هههههه
افتش القواميس ليه وانتى قاموس/موسوعة/مرجع حى وإن كان مفولزآ.
ربنا يتم عافيتك وتجى تشرحى لى الكلام ده.
فى انتظارك.. فى انتظارك.
لك شوال برتكان ومودة صافية لبن.
|
Post: #36
Title: Re: العيد والعزلة ( انفلونزا خنازير )
Author: mohmmed said ahmed
Date: 12-01-2009, 02:27 PM
Parent: #35
الف سلامة
امانى وهبة
الخنازير شكيتا على الله
|
Post: #37
Title: Re: العيد والعزلة ( انفلونزا خنازير )
Author: tayseer alnworani
Date: 12-01-2009, 02:43 PM
Parent: #36
امانى الحبيبة
سلامتك الف سلامة انتى وهبوية وشرك مقسم فوق الدقشم
دى عين منو يا اخوانى
طمينينى عليك وربنا يرفعكم انتى و بتك انا لى شهور جارية فى بلادنا العريضة دى ما شفت المنبر الا اليوم
سلامات الاف ودعوات بقدر محبتى التى تدركين
تحياتى لى عثمان والوليدات
ان شاء الله ما تشوفى شر
تحياتى لى الوالدة وهالة
|
Post: #38
Title: Re: العيد والعزلة ( انفلونزا خنازير )
Author: خلف الله عبود
Date: 12-01-2009, 11:56 PM
Parent: #37
ألف سلامة ليك ولبتك وكافة الأسرة
نحن هنا فى سلطنة عمان كل يوم في مدرسة قافلة ووتفتح وتقفل حسب عدد الإصابات
والله يستر من البرد ومتوكلين على الله
وشغلنا طبعا كله حوامة فى المدارس وحضور حصص
الله الحافظ
|
Post: #39
Title: Re: العيد والعزلة ( انفلونزا خنازير )
Author: الجندرية
Date: 12-05-2009, 09:18 AM
Parent: #38
يا حباني
اعفو لي التقصير معاكن
لكن والله مرقت من ميتة محققة
شفت المقابر بعيني دي
استهونت بالقصة وقالت لي كدي النوريك
كوليرا شنو ؟
والله القصة دي خطرة عدييييييييييل
نحمد الله المرقنا من ضل السيف
والخدرة تمرق من النار
بجيكن تاني نفر نفر
|
Post: #49
Title: Re: العيد والعزلة ( انفلونزا خنازير )
Author: معتصم دفع الله
Date: 12-27-2009, 10:13 AM
Parent: #39
أماني الحبيبة ..
ألف سلامة ليكم ..
والحمد لله الربنا شفاكم وعافاكم ..
لم يكن لي علم بمرضكم لأنني كنت في السودان تاريخ كتابة هذا البوست ..
سلام وشوق شديد لك وللعزيز عثمان والأولاد ..
محبتي ..
|
Post: #58
Title: Re: العيد والعزلة ( انفلونزا خنازير )
Author: الجندرية
Date: 12-27-2009, 11:36 AM
Parent: #49
معتصم الغالي
يا ود امي عارفاك ما بتقصر وحشاك الملام
قت لي كنت في السودان ؟
ما لاقيت جورج بنيوتي
يا حليله والله خلينا صنعا خلا على الخلا العليها
تسلم ابوي ونجيك في السمح ومباركة الجنى يارب
|
Post: #50
Title: Re: العيد والعزلة ( انفلونزا خنازير )
Author: tayseer alnworani
Date: 12-27-2009, 10:17 AM
Parent: #39
حمدا لله على السلامة لك ولى بتك
تحياتى
|
Post: #57
Title: Re: العيد والعزلة ( انفلونزا خنازير )
Author: الجندرية
Date: 12-27-2009, 11:30 AM
Parent: #38
اخونا خلف الله
ومن توكل على الله فهو حسبه
نحن قايل الودانا في ستين دايهة بلا الخوف البفك الجبارة على قول كبارنا شنو
معقمات حيثما وليت وجهك في البيت
وفي جيوب الصغار وشنطهم
لكن الفي النصيب بيصيب
ربنا يغطي عليكم ويحفظكم يارب
مشكور ابوي
|
Post: #56
Title: Re: العيد والعزلة ( انفلونزا خنازير )
Author: الجندرية
Date: 12-27-2009, 11:23 AM
Parent: #37
تيسير حبيبة القسا
سلامك المرسلاهو لامي وهالة
قطاعتك تقطعني وصلناهو بعد شهر
شفتي الحكم دا كيفن ؟
الحمد لله على كل حال
وانتي مالك يا امي شغالة رحالة ؟
وبنياتك وين قاعدات ؟
|
Post: #55
Title: Re: العيد والعزلة ( انفلونزا خنازير )
Author: الجندرية
Date: 12-27-2009, 11:18 AM
Parent: #36
محمد سيد
ازيك كدي
الخنازير طلعت براءة قالوا
بعد القصة ما وقفت علي انا وهبة
صاحبك جرستو جرسة عدوك بس الله مرقو
مشكور يا محمد وسلام للبنى والعيال
|
Post: #54
Title: Re: العيد والعزلة ( انفلونزا خنازير )
Author: الجندرية
Date: 12-27-2009, 11:12 AM
Parent: #35
عادل عثمان
يابا كتر خيرك كتير
على البرتكان والدعم المعنوي
الحي شديد يا عادل ومرقنا منها
علا الشرح دا تدينا خاترك
كان الله مدا في العمر بعد الارشفة نفتح بوست الشاشة الرهيفة او في قول اخر الشاشة البيضا
محبتي
|
Post: #59
Title: Re: العيد والعزلة ( انفلونزا خنازير )
Author: عبدالله الشقليني
Date: 12-27-2009, 05:51 PM
Parent: #54
سلامتكُم ....
يا الجندرية
والعافية تبراكم :
يقول القص المقدس أن الشياطين دخلت قطيع الخنازير ،
ليبتعد الشر إليها :
عندما نقرأ في انجيل لوقا من الإصحاح الثامن ، :ـ
{ ولما خرج إلى الأرض استقبله رجلٌ من المدينة كانت فيه شياطين منذ زمان طويل وكان لا يلبس ثوباً ولا يُقيم في بيت بل في القبور . فلما رأى يسوع المسيح صرخ وخرّ لهُ وقال بصوت عظيم مالي ولك يا يسوع ابن الله العلي . أطلب منك أن لا تُعذبني . لأنه أمر الروح النجس أن يخرج من الإنسان .لأنه منذ زمان كثير كان يخطفه . وقد رُبط بسلاسل وقيود محروساً . وكان يقطع الرُّبط ويُساق من الشيطان إلى البراري . فسأله يسوع قائلاً ما اسمك . فقال لجئون .لأن شياطين كثيرة دخلت فيه .فطلبوا إليه ألا يأمرهم بالذهاب إلى الهاوية . وكان هناك قطيع خنازير كثيرة ترعى في الجبل . فطلبوا إليه أن يأذن لهم بالدخول فيها فأذن لهم .فخرجت الشياطين من الإنسان ودخلت الخنازير . فاندفع القطيع من على الجرف إلى البحيرة واختنق . فلما رأى الرعاة ما كان هربوا و ذهبوا وأخبروا من في المدينة وفي الضياع . فخرجوا ليروا ما جرى . وجاءوا إلى يسوع فوجدوا الإنسان الذي كانت الشياطين قد خرجت منه لابساً وعاقلاً جالساً عند قدمي يسوع .. }
|
Post: #60
Title: Re: العيد والعزلة ( انفلونزا خنازير )
Author: بكري عباس علي
Date: 12-27-2009, 06:20 PM
Parent: #59
ربنا يسلمكم من كل سوء
وربنا يحفظكم
وانشاء الله أجر وعافية
|
|