Post: #1
Title: نان نان .. هسي انا جيت ؟
Author: الجندرية
Date: 08-31-2009, 08:56 AM
Parent: #0
يا حليلكن
كل مرة القى نفسي مدفوعة ولا مدفورة في حتة ـ بدافع الشوق او الحنين ولا الرغبة الصادقة في المشاركة والكتابة ـ اكان في البورد والله السودان ، لكن للاسف القى نفسي ما انجزت ولا حاجة من اغراضي
لا بليت شوقي ولا شاركت ولا سويت التكتح
نخلص شغلة الفطور ونرجع نحكي ليكن قصة نان نان هسي انا جيت البقت علي طواااااااالي دي
محبتي الما بتغباكن
ورمضان كريم عليكن
بالله النون دي مرة اقروها باعتبارها واو جماعة زي ما بتجي في العامية السودانية
ومرة اقروها نون نسوة سمح
|
Post: #2
Title: Re: نان نان .. هسي انا جيت ؟
Author: وجن
Date: 08-31-2009, 09:00 AM
Parent: #1
في إنتظارك ياغالية وكل سنة وانت طيبة
تصومي وتفطري على خير
تحياتي لناس البيت
|
Post: #3
Title: Re: نان نان .. هسي انا جيت ؟
Author: الجندرية
Date: 08-31-2009, 09:09 AM
Parent: #2
اووووووووووه وجن
هسي كان ما خايفة من ود البشرى كان كتبت ليك بورداب الزمن الجميل
لوووووووووووووووول
مشتاقين والله
وما بخليك تنتظري كتير
ويوصل سلامك لناس البيت
بقو رجال كباااااااااااار يا حليلي
|
Post: #4
Title: Re: نان نان .. هسي انا جيت ؟
Author: Siham Elmugammar
Date: 08-31-2009, 09:16 AM
Parent: #3
زعلانين زعلانين زعلانين
وبس
|
Post: #6
Title: Re: نان نان .. هسي انا جيت ؟
Author: ود محجوب
Date: 08-31-2009, 09:27 AM
Parent: #4
الجندرية
رمضان كريم
بركة الجيتى
والمنبر افتقدك كتير
|
Post: #26
Title: Re: نان نان .. هسي انا جيت ؟
Author: الجندرية
Date: 09-01-2009, 08:49 AM
Parent: #6
ود محجوب
ازيك يا ود ابواتنا
البركة ما فاتتكم شبر والله
اها يعلم الله ويشهد طريتك قبل ليلة من رجعتي للمنبر
التلفون جاب مدحة طاف بام قلة نظر بالعين
قلت ربي يفتح عليك محل ماك قاعد النعمنك مرة اكرمتني واهديتني ليها
يكرمك رب العالمين بصحبة المصطفى
سلامي للمعاك
|
Post: #8
Title: Re: نان نان .. هسي انا جيت ؟
Author: tmbis
Date: 08-31-2009, 09:32 AM
Parent: #4
أماني ؟؟
دا شنـو دا ؟؟
رمضان كريم يا ست الكـل .. وتصومي وتفطري على الف خير ..
إنت شغاله في شركة الاتصالات السعودية حقت اليمن 
ياخ مية الف مرة اتصلت عليك .. ومية الف مرة واحشنا صوتك .. ومية الف مرة التلفونات مقفله .. ومية الف مرة عملنا ليك استدعاء ..
يا حليلنا نحن البقفلو مننا التلفونات
..
|
Post: #27
Title: Re: نان نان .. هسي انا جيت ؟
Author: الجندرية
Date: 09-01-2009, 08:57 AM
Parent: #8
الله اكرم يا علاء
جمعا نصوم طيبين يا رب العالمين
اتصالات شنو ياخ ؟
باين عليك انت من زمن التلفون الاتلفح من مكتب نائب رئيس الجامعة شخصياً
اها بعدها سافرت السودان
وسعيت لي واحد هناك ويشهد الله رسلت ليك منو وانا منجعصة في البص السياحي اتفرج في البعيو كان ما اخاف الكضب ولا محمود عبد العزيز هو ؟
قااااعدة جابولنا العصير والبسكويت قمت رفعت ستارة الشباك وداهمني منظر الكرو اللييل شارع مدني الخرتوم وعجبني الخريف الناجح قمت خطرت لي ورسلت ليك.
ما جاني منك رد
ورجعنا اليمن تااااااااني وتلفوني شغال تش
كل يوم بتجيني رسالة من جمعية الاصلاح عشان اتبرع ليهم بميةريال تقول لي مقفول ؟
|
Post: #25
Title: Re: نان نان .. هسي انا جيت ؟
Author: الجندرية
Date: 09-01-2009, 08:45 AM
Parent: #4
وحياة الله يا سهام انا حاطرشق عديييييل
هسي زعلنا دي نسوي فيهو شنو ؟
ربك يدينا عمر في الفانية ويفش زعلتنا بي لمة في ساعة خير
|
Post: #5
Title: Re: نان نان .. هسي انا جيت ؟
Author: Yassir Tayfour
Date: 08-31-2009, 09:24 AM
Parent: #3
الجندريَّة أماني..
سلامات ورمضان كريم...
مشيتي خليتي البنات براهِن، بقّن يلبسّن علي كيفِن في البناطلين، أحرجننا مع أخوتنا المستسلمين، وشالّن حِسنا بين العالمين..
___
حمداً لله على السلامة..
|
Post: #29
Title: Re: نان نان .. هسي انا جيت ؟
Author: الجندرية
Date: 09-01-2009, 09:07 AM
Parent: #5
الله اكرم يا ياسر
يابا البنات بخيتات بالله
ما كفاهن اماتن القايمات بدور شرطي الاخلاق احسن القيام لمن جوهن اخوانك المستسلمين ؟
انت معسول من الخير اخوانك ديل زاتهم ما شيخهم قال مافي حجاب ولا زي اسلامي ولا يحزنون
ورجعوا كلهم تاااااني لما قاله الشيخ الاكبر انه عورة المرأة كعورة الرجل والشئ كلو اجتماعي ؟
شفت بنطلون لبنى القوم الدنيا وما قعدها دا كل يوم اهلك اليمنين بنبذوا ليهم بنية بنيتن عشان ما لابساتنو... وين السروال قدت راسنا. دا براهو مش بأكد انه القصة اجتماعية ؟
اها اهلنا السودانيين لخصوها لينا زماااااان وقالوا اكل عجبك والبس عجب الناس
وعجب الناس ما بدور نظام عام ولا امن مجتمع الا ربك يكفينا شر التسلط
زمان لمن كتبت الدراسة ديك عن غطاء الرأس ودلالاتو كنت حاسة بجوب تكملتها بكلام عن باقي الزي
ربك يمد في العمر ويدي الصبر على الكتابة ونسويها
|
Post: #10
Title: Re: نان نان .. هسي انا جيت ؟
Author: وجن
Date: 08-31-2009, 10:50 AM
Parent: #3
ربنا يخليك ويعليك
يازينتنا وجميلتنا
ويخليهم ليك ويكبرم كمان وكمان
|
Post: #30
Title: Re: نان نان .. هسي انا جيت ؟
Author: الجندرية
Date: 09-01-2009, 09:10 AM
Parent: #10
آمين يا وجن ويخلي لي كل والدة ووالد
|
Post: #7
Title: Re: نان نان .. هسي انا جيت ؟
Author: عزاز شامي
Date: 08-31-2009, 09:31 AM
Parent: #1
جيدا جيتي ...
وكل سنة و انتي طيبة و سالمة 
|
Post: #9
Title: Re: نان نان .. هسي انا جيت ؟
Author: توما
Date: 08-31-2009, 10:46 AM
Parent: #7
أماني ازيك ياخ
|
Post: #11
Title: Re: نان نان .. هسي انا جيت ؟
Author: Giwey
Date: 08-31-2009, 10:56 AM
Parent: #9
ياااااااااااه ...
بورداب الزمن الجميل .. أو كما قال
حبابك الف .. ورمضان كريم
|
Post: #34
Title: Re: نان نان .. هسي انا جيت ؟
Author: الجندرية
Date: 09-01-2009, 09:21 AM
Parent: #11
قوي العريس
ترحب بيك الايام الطيبة ان شاء الله
الله اكرم يا ابوي تصوموا وتفطروا طيبين
شفت بورداب الزمن الجميل دي احتمال تجيب لينا الكلام مش؟
لكن هسي انا بلقى ليك منو مخارجة ، ود البشرى والغنامية خلاس قدرت على عشاهو
لوووول
|
Post: #12
Title: Re: نان نان .. هسي انا جيت ؟
Author: محمد عبد الماجد الصايم
Date: 08-31-2009, 10:59 AM
Parent: #9
وييييييييين يا عمتكـ
أخباركـ وحمد لله على السلامة
رمضان كريم تصومي وتفطري على خير
باللاي مختفية وين كــدا
كلو من المبدعين!
بمناسبة المبدعين دي
ود البشرى دا خلاس قصتو جاطت
والغنماية تاكل بوستاتو!
|
Post: #13
Title: Re: نان نان .. هسي انا جيت ؟
Author: فتحي الصديق
Date: 08-31-2009, 11:04 AM
Parent: #12
Quote: محبتي الما بتغباكن
ورمضان كريم عليكن |
أهلا بيك أماني..وكل سنة وانتي والاولاد وأبوهم بألف خير ..
|
Post: #37
Title: Re: نان نان .. هسي انا جيت ؟
Author: الجندرية
Date: 09-01-2009, 09:32 AM
Parent: #13
وانت وكل حبانك يا فتحي بالف خير
|
Post: #35
Title: Re: العفو والعافية سمح ؟
Author: الجندرية
Date: 09-01-2009, 09:28 AM
Parent: #12
قااااااعدة يا عمك
الله يسلمك والله اكرم
لا لا ما من المبدعين من شدهات الدنيا الكتيرة واحياناً من الظار
لكن جيت كم مرة بعد المبدعين ديل
تحديداً ايام مؤتمر الاعلاميين
وشفنا صورك وصلينا على النبي من شطارة خياطين البدل الليلين السعودية
وقلنا قادرة الله قالو لبس البوصة تبقى عروسة لكن لبس شنو كدي ما بعرفو يبقى اعلامي دي اول مرة نشوفها
لكن العلم اتطور والخياطة زاتها علم يا ود امي
وقدر ما فتشت عليك انت ذات نفسك عشان ابارك ليك البدلة الجديدة ما لميت فيك
لمن دخلتني عليك الشفقة وقلت النعل الجنمبري الرئاسي ما فتح فوقك بطن
لوووووووووووووووول
النبي تعفى لي
وتديها دفرة بي وشك الاخدر
ود البشرى سعيد في عضمو البقت الغنامية تاكل عشاهو
الله يجعلنا من الناس الامرهم هين يارب بركة رمضان دا
|
Post: #14
Title: Re: نان نان .. هسي انا جيت ؟
Author: Yassir7anna
Date: 08-31-2009, 11:09 AM
Parent: #9
الجندرية كيف اخبارك واحوالك؟
والحمدلله الشفناك طيبة، ومبارك عليك الشهر وتصومي وتفطري على خير
انتو بتفطروا كم ساعة اصلو؟ ما قلتي بس تسوي الفطور وبتجي تكلمي لينا الفصة، ونحن وحاتك لي الليلة منتظرين سحور زي الناس ما تسحرنا :)
|
Post: #38
Title: Re: نان نان .. هسي انا جيت ؟
Author: الجندرية
Date: 09-01-2009, 09:39 AM
Parent: #14
اهلين يا ياسر
تحمدو حاج ان شاءالله ، وجمعا نصوم ونفطر طيبين يارب
عاين يا ود امي انت رمضانك بخش طوالي في النظر ولا القصة كيف؟
يابا الكلام دا انا كتبتو الصباح وانت في نفس الصباح كتبت ردك
علا النكلمك اختك ما يدها واحدة وتقيلة اجارك النبي
وشغلانية الفطور دي كان ما بدت فيها من الساعة عشرة قصتها بتبوظ
النعمني ما مغتربة في السودان اقوووووول كدي اجيب بتاع الفطائر يسوي لي كل فطائر الشهر الكريم
لف السنبوسة قصا ضهري
غايتو محنن عند ناس السودان بقت تدي ربك العجب
النبي عليك تقول ربي يفتحهاعلي
اها بعد الفطور بتجيني الغيبوبة ما بفتح منها تاني الا الساعة واحدة صباحاً اجارك محمد لا تراويح لا غيرو نصحى نلقى يا ابونا في الجهاز يا كهربتنا قاطعة
غايتو ربك يتوب علينا بس
|
Post: #32
Title: Re: نان نان .. هسي انا جيت ؟
Author: الجندرية
Date: 09-01-2009, 09:16 AM
Parent: #9
توما شخصياً؟
زي مليح يا امي بي شوفتك هنا تاني
فرحة والله لينا زمن عينتهايفرحك ربي بوليدك ويجبرك بيهو يارب
اها وعلى قول حسن الجزولي زي ما تجي تجي
وبورداب الزمن الجميل اصلو ود البشرى قالو بقت ما منو مخافة
|
Post: #15
Title: Re: نان نان .. هسي انا جيت ؟
Author: معتصم دفع الله
Date: 08-31-2009, 11:11 AM
Parent: #7
يا حليلك يا أماني ..
نسأل عليك بشدة ولهفة يعلم الله ..
وينك يا غالية ..
رمضان كريم تصومي وتفطري على خير ..
|
Post: #40
Title: Re: نان نان .. هسي انا جيت ؟
Author: الجندرية
Date: 09-01-2009, 09:43 AM
Parent: #15
تحلا ليك الدنيا يا معتصم مع عروسك
يعلم الله انا زاتي سالك منك الا شدهات الدنيا وعوارضها ربك يبعدها
والفي القلب باقي عالم علام الغيوب
الله اكرم يا ابوي يشملنا بي كرمو ويدخلنا في رحمتو
|
Post: #31
Title: Re: نان نان .. هسي انا جيت ؟
Author: الجندرية
Date: 09-01-2009, 09:12 AM
Parent: #7
وانت وكل حبانك يا عزاز
قلت ليك
مرة كدي بتاوق بي قد المفتاح حق المنبر دا
شفتك كاتبة انك بتفكر ترجعي السودان نهائي
عاد يا امي فكري مية مرة
حالان الله يعدلها ساكت بس
|
Post: #16
Title: Re: نان نان .. هسي انا جيت ؟
Author: بدري الياس
Date: 08-31-2009, 11:45 AM
Parent: #1
حليلك إنتي وحليل زمنك
والله يا أماني
،
قاطعة الخبر،
لا جلاّبة يجيبو اخبارك لا عابرين أدونا أكيده
،
وتلفوناتك مبكمّّة ربنا يفتح عليها بي بِغِم..
،
وحياة الخوة مشتاقين واي شي..
رمضانك كريم
،
|
Post: #17
Title: Re: نان نان .. هسي انا جيت ؟
Author: Amira Elsheikh
Date: 08-31-2009, 07:53 PM
Parent: #16
Quote: محبتي الما بتغباكن
ورمضان كريم عليكن |
الجندرية الخوف العليك شنو ؟؟
مادايرين اى واو هنا والماعاجبو يشرب من المالح
بس مع رمضان تظهرى ؟؟؟ ياحليلك من زمن الابرى الفطير انا راجياك..
جيدن جيتى يابت امى
|
Post: #18
Title: Re: نان نان .. هسي انا جيت ؟
Author: لطفي علي لطفي
Date: 08-31-2009, 08:01 PM
Parent: #17
اماني عبدالجليل بت عمي
سلامات و رمضان كريم, و الله نورتي المنبر من العك و اللت و العجن و المشاحنات ووو
طبعا نان نان دي ذكرتيني ود عمك امين عبدالله لطفي
طبعا هو مشهور بكلمة نان يعني كل نان وراها نان و قدامها نان
المهم واحد من الاخوان قال ليهو بالله يا امين تاني ما تقول نان
رد نان اقول شنو؟
محبتي لك و للاولاد و بعلك
لطفي
|
Post: #20
Title: Re: نان نان .. هسي انا جيت ؟
Author: خدر
Date: 08-31-2009, 08:12 PM
Parent: #18
حمدلله علي السلامة اماني
و
رمضان كريم
|
Post: #44
Title: Re: نان نان .. هسي انا جيت ؟
Author: الجندرية
Date: 09-01-2009, 10:03 AM
Parent: #20
الله يسلمك يا خدوري
والله اكرم
فاتني بي شويييية ملاقاة خالة وليداتك
الهام صاحبتي سلم لي عليها كتير عليك الله
|
Post: #43
Title: Re: نان نان .. هسي انا جيت ؟
Author: الجندرية
Date: 09-01-2009, 10:01 AM
Parent: #18
حبابك عشرة يا لطفي
يا حليل ايام ناس عمي عبد الله واولادو وبنياتو وخالتي زينب وحليل الحبان كلهم
ربي يشمل الحيين والميتين بي رحمتو
غايتو البركة في شوفة شباك عبد الله ونفيسة علي السنة دي
لي منهن اكتر من عشرين سنة تصدق؟
ربنا يجمع شملنا جميعاً في ساعة خير
|
Post: #19
Title: Re: نان نان .. هسي انا جيت ؟
Author: محمد البشرى الخضر
Date: 08-31-2009, 08:09 PM
Parent: #17
رمضان كريم يا حاجة و تصومي وتفطري على خير إن شا الله
العفو ياخ
زي ما قاليك أب بلينا غنماية الدقيق بقت ماكلة وراعية فوق عشاي
حمدالله على السلامة .. نورتي البورد
|
Post: #21
Title: Re: نان نان .. هسي انا جيت ؟
Author: حسن الجزولي
Date: 09-01-2009, 02:37 AM
Parent: #19
| Quote: هسي كان ما خايفة من ود البشرى كان كتبت ليك بورداب الزمن الجميل |
يازولة أنا حا أقولا وزي ماتجي .. تجي!
وود البشرى حا يعفي ليا.. وأقول ليهو ..
ما برضو إنت واحد منهم ..
ورمضانكم كريم الاتنين..
فعلاً كنا منتظرين جيتك للحكي المقعد..
تحياتنا لتراث والعيال
|
Post: #22
Title: Re: نان نان .. هسي انا جيت ؟
Author: أسامة عبد الجليل
Date: 09-01-2009, 03:16 AM
Parent: #21
هلا هلا هلا
البال فضى وراق؟؟؟
حمد لله على السلامة..
تحايا لعثمان والشباب وهبوية.
|
Post: #23
Title: Re: نان نان .. هسي انا جيت ؟
Author: Osman Musa
Date: 09-01-2009, 03:54 AM
Parent: #22
بنتنا العزيزة الجندرية
عل الدنيا سابرة .
والحال زين ؟
وعساكى مفتهنة . ؟
ويش حالك ؟ وحال أبن عمى عتمان .
تحياتى
|
Post: #24
Title: Re: نان نان .. هسي انا جيت ؟
Author: صديق الموج
Date: 09-01-2009, 03:59 AM
Parent: #23
امانى ...على الطلاق وحرم ازيك
رمضان كريم وربنا يعيده عليك وعثمان بخيرين وزياده
شوق عميان لمتعة النظر....
وشوق قدر الشوق
تسلمى التحايا تصل الصغار،،،
|
Post: #28
Title: Re: نان نان .. هسي انا جيت ؟
Author: زينب بدر الدين
Date: 09-01-2009, 09:00 AM
Parent: #24
مرحبتين ومشتاقين
نحنا بورداب ماالزمن الجميل لكين مشتاقين للزمن الجميل
ياخ رجعينا ليهو الله يعينك
|
Post: #33
Title: Re: نان نان .. هسي انا جيت ؟
Author: Safa Fagiri
Date: 09-01-2009, 09:18 AM
Parent: #28
هلا ومرحبا
الحبيبة الجندرية..
مشتاقون كتير يعلم الله
رمضان مبارك عليك
وتصومي وتفطري على خير.
محبتي وشوقي.
|
Post: #36
Title: Re: نان نان .. هسي انا جيت ؟
Author: Hani Arabi Mohamed
Date: 09-01-2009, 09:29 AM
Parent: #33
رمضان كريم وكل سنة وإنتي طيبة
|
Post: #52
Title: Re: نان نان .. هسي انا جيت ؟
Author: الجندرية
Date: 09-01-2009, 10:23 AM
Parent: #36
الله اكرم وانت طيب يا هاني
|
Post: #39
Title: Re: نان نان .. هسي انا جيت ؟
Author: محمد البشرى الخضر
Date: 09-01-2009, 09:43 AM
Parent: #33
| Quote: لكن لبس شنو كدي ما بعرفو يبقى اعلامي دي اول مرة نشوفها |
ههههههههههههه
دي قوية
واحد يناغم متوكل توم ياخوانا
|
Post: #53
Title: Re: نان نان .. هسي انا جيت ؟
Author: الجندرية
Date: 09-01-2009, 10:25 AM
Parent: #39
ود البشرى
حبابك
متوكل حِبيبنا والله وجيتو يعلم الله بتفرحنا
لكن خصيمك النبي تبطل شغل المديدة حرقتني دا
ماك عارف الحاجة دي كبرت على الجري والركب يا الله يمشننا ؟
|
Post: #51
Title: Re: نان نان .. هسي انا جيت ؟
Author: الجندرية
Date: 09-01-2009, 10:21 AM
Parent: #33
الصافية صفوية
ترحب بيك السعادة ان شاء الله
الشوق دا هسي حنعتذر ليهو في نهاية البوست دا من السويناها فيهو
يتباركن ايامك امي وانت كمان وكل حبانك تصوموا وتفطروا علي خير
|
Post: #50
Title: Re: نان نان .. هسي انا جيت ؟
Author: الجندرية
Date: 09-01-2009, 10:19 AM
Parent: #28
اجي يا زنوبة
كيفن انت ما بورداب الزمن الجميل؟
يا بت امي اي زول/ة عاشق/ة جمال وساعي / ية في نشرو ياهو وياها من ناس الزمن الجميل ديل
وانت ستهن كمان
محبتي
|
Post: #49
Title: Re: نان نان .. هسي انا جيت ؟
Author: الجندرية
Date: 09-01-2009, 10:16 AM
Parent: #24
حبابك يا صديق
زي مليح بمناغمتكم دي والله
آمين يا ابوي يعيدو على الكل بخير
الشوق ربي يفتح عماهو ويجمعنا في ساعة خير
استلمنا نصيبنا وحق الصغار الكبرو نوصلو ليهن
|
Post: #48
Title: Re: نان نان .. هسي انا جيت ؟
Author: الجندرية
Date: 09-01-2009, 10:13 AM
Parent: #23
حباب عثمان
الدنيا تسبر بحمدنا ليهو
مفتهنة الجو عاد ما جو افتهانة
ود عمك في نعم المولى
انت اريتك طيبة ؟
|
Post: #47
Title: Re: نان نان .. هسي انا جيت ؟
Author: الجندرية
Date: 09-01-2009, 10:10 AM
Parent: #22
حباب دخري وعشاي
البال راق بي شوفت وليداتك وامهم
ربي يتم علينا فضلو بي شوفتك وشوفة الكبير
يصل سلامك ودامي
|
Post: #46
Title: Re: نان نان .. هسي انا جيت ؟
Author: الجندرية
Date: 09-01-2009, 10:08 AM
Parent: #21
عاد يا دكتور حسن
جيتك شدة ما بتعجبني وتسر بالي
التقول بشوفك حقيقة وعيان
لكن عاد الحكي المقعد كان فاتكم يمشي وين
نحن يادوب بنشابي لي طرف ميسكم
توصل تحياتك ووصل سلامنا حت نحن
|
Post: #45
Title: Re: نان نان .. هسي انا جيت ؟
Author: الجندرية
Date: 09-01-2009, 10:05 AM
Parent: #19
الله اكرم يا ود البشرى
وعفو العافية يا ابوي
تسلم من كل بلا البورد منور بيكم يعلم الله
|
Post: #42
Title: Re: نان نان .. هسي انا جيت ؟
Author: الجندرية
Date: 09-01-2009, 09:57 AM
Parent: #17
اميرة خيار الناس
يا بت امي قالو من شب علي شئ
من يومي خوافة وبعد ما شبت ما اظن في طريقة عدل لي دي الحالة
نسوي شنو دي قسمتنا كدي
لكن يا ابت امي كمان بلا واو الجماعة دي ما بنبقى ربي يديم المودة على الجميع
الكلام دا ناس الموجة التانية من الحركة النسوية قالن نخليه هسي شوفي في كم موجة في الحركة النسوية ذات نفسها وكم ما بعد النسوية ؟
ربك يجعلها زلال للجميع
قلت من الابري الفطير داك
اها السنة دي افطر من حق الاولى وكان كما بلحقو بعرق عرديب في جردل البل كان الشناف حماني القعدة في البيت
لووووووووووووووول
|
Post: #41
Title: Re: نان نان .. هسي انا جيت ؟
Author: الجندرية
Date: 09-01-2009, 09:50 AM
Parent: #16
اها وحاة الخوة يا بدري
الشوق دا حيرفع علي قضية رسمي
يعلم الله لو بعرفلو بلدن اخر الا يطلب لجوء
اخباري احمد ربي في نعمو
وتلفوناتنا اتصلحت الله يدينا الرصيد البناغم بيهو الحبان
انت كيفنك يابا؟
|
Post: #54
Title: Re: نان نان .. هسي انا جيت ؟
Author: هشام المجمر
Date: 09-01-2009, 10:27 AM
Parent: #41
ونان كنت وين انت؟
عذرك ما مقبول
الا تحلفى ما تقطعى عنا تانى
قولى و حات الله
مبروك عليك الشهر الفضيل
والبركة بالجية
|
Post: #57
Title: Re: نان نان .. هسي انا جيت ؟
Author: الجندرية
Date: 09-01-2009, 12:36 PM
نان يا هشام كان ما قبلتو عذري ما عندي حل تاني
الحليفة دي ما قاسية يا ابوي
يتباركن ايامك
ويباركو ليك جديد عيالك
|
Post: #55
Title: Re: نان نان .. هسي انا جيت ؟
Author: عبدالله كع
Date: 09-01-2009, 10:32 AM
Parent: #41
رمضان كريم ..
وتصومي وتفطري علي خير ..
|
Post: #60
Title: Re: نان نان .. هسي انا جيت ؟
Author: الجندرية
Date: 09-01-2009, 11:46 PM
Parent: #55
الله اكرم يا عبد الله
وانت وكل حبانك تصوموا وتفطروا على خير
|
Post: #56
Title: Re: نان نان .. هسي انا جيت ؟
Author: الجندرية
Date: 09-01-2009, 10:37 AM
Parent: #41
اها يا الحبان
نرجع لي قصة نان نان هسي انا جيت تاني
زمان زمن الناس بتتلما في النادي تتفرج علي التلفزيون
قمر ود خالتي نفورة سوى ليه فعلة ما عجبت عثمان ود عمي عبد المحسن قام بطريقة اهلنا ديك على الولد نهرو وادهو كفيف كدي
اها اخوات الولد طقن السكلي ومشن اهلن ضربو وما ضربو
قام اتخممو خالتنا نفورة الله يرحمها وعمي مساعد ود المرضي الله يسامحو وجو النادي
القصة دي ما رضت على عمي محمد عمر الله يرحمو وقام على عمنا ود المرضي يزجز فيهو:
ـ في شنو يا مساعد ياخي ، الحاصل شنو ؟ لمن كاري النسوان بي وراك وجاي ؟ ما اخوه الكبير وادبو
هسي انت الجابك شنو ؟
عمنا مساعد لقى نفسو في حرج عظيم لم يحر جواباً سوى ان يتمم قائلاً:
ـ نان نان هسي انا جيت ؟
وجدت نفسي في حرج اعظم من حرج عمي مساعد واقول عبارته التي عنونت بها البوست لكثر :
اولاهم : الحبان في السودان الاتوقعت اكحل عيني بي شوفتن واتوقعو مقالدتي
وثانيهم : شوقي ليهم الشلتو رجعت بيه
وثالثهم : الحبان هنا اخوات واخوان المنبر دا الحصل ليهن السمح والشين وما قدرت اتواصلت معاهن
ورابعهم : قلمي القدت قميصه من دبر فتنة نصوص كتيرة نشرت هنا وهناك يقول جمال نسجها وتنوع دلالاتها وتعدد قراءاتها خذوني ، ولم استطع
خامسهم : قضايا كثيرة توجب علي مناصرتها باضعف الايمان ولكن العاقات الشغلتني ما شغلت ضميري من تقريعو لي على التقصير
فيا حباني العفو في العافية
|
Post: #58
Title: Re: نان نان .. هسي انا جيت ؟
Author: Yassir7anna
Date: 09-01-2009, 01:07 PM
Parent: #56
ان شاء الله يا الجندرية اختي ربنا يفتح عليك محل ما تقبلي ويهنيك ويرضيك وكل الفي مرادك يلبي ليك يالله يا كريم
وبي بركة نهار رمضان ان شاءالله ربنا يستجيب جميع دعاوتك
Quote: عاين يا ود امي انت رمضانك بخش طوالي في النظر ولا القصة كيف؟
يابا الكلام دا انا كتبتو الصباح وانت في نفس الصباح كتبت ردك |
والله تعرفي ما الكبر دخل خلاااااااااص ورمضان ده بقى يخش في العضم من قولت تيت، وحات من اول اليوم الواحد بقى لا بيشوف ولا بيسمع ولكن نسال اللهان يتقبل منا ومنكم الصيام والقيام وان يجعلنا من عتقاء هذا الشهر الكريم...آمين
ما قلت ليك رمضان دخل في العضم :)
لذا وجب التعديل :)
|
Post: #59
Title: Re: نان نان .. هسي انا جيت ؟
Author: mohmmed said ahmed
Date: 09-01-2009, 02:53 PM
Parent: #58
امانى الغالية
مشتاقين
الزمن الجميل ازمان
زمن البورد الجميل
زمن اليمن الجميل
زمن الانتفاضة الجميل
تحياتى لعثمان والعيال
|
Post: #61
Title: Re: نان نان .. هسي انا جيت ؟
Author: Elkhawad
Date: 09-02-2009, 00:10 AM
Parent: #59
الجندررررررررررية .. رمضان كريم .. وتصومي وتفطري علي خير ..
_______________________
"YourAttitudeDeterminesYourAltitude"
|
Post: #62
Title: Re: نان نان .. هسي انا جيت ؟
Author: بت قضيم
Date: 09-02-2009, 00:21 AM
Parent: #61
حبابك حبابك
والجابك إن شاء الله يجيب عقابك
ورمضان كريم
تصومي وتفطري على الف خير
ليك وحشة يا حبيبة
دمتي وتحياتي لرواد البوست الكرام
|
Post: #74
Title: Re: نان نان .. هسي انا جيت ؟
Author: الجندرية
Date: 09-09-2009, 08:05 PM
Parent: #62
بت قضيم
يا حليلك والله
عقابي ديل ابكر واهل العوض والرحمابي ؟
والله مشتهياهن جنس شهوى ربنا يلمنا بيهن في واقع افتراضي
الواقع الجد جد دا الملاقاة فيهو صعبتن
شايفة في عقاب ظهر ناس شنا وتماضر والخواض ووجن وتوما وايييييك
ربنا يزيد ويبارك
بركة الشفناك طيبة يمة
|
Post: #71
Title: Re: نان نان .. هسي انا جيت ؟
Author: الجندرية
Date: 09-04-2009, 07:11 PM
Parent: #61
نزار
حبابك الف
الله اكرم يا ابوي
اهلنا اليمنيين بعد دا بقولوا خواتم مباركة
محبتي والاشواق
|
Post: #66
Title: Re: نان نان .. هسي انا جيت ؟
Author: الجندرية
Date: 09-02-2009, 06:56 PM
Parent: #59
محمد سيد
مشتاقين الشوية دي
اها السنة دي الشوق ستفناهو معانا في الشنط وجينا فكينا تاني في صنعا
دي حالة دي ؟
لكن قصة الزمن الجميل معاك دي زي كأنك كدا مباريك قط اسامة الخواض
وين الزول دا ؟ يا حليلو ويا حليل الاصحاب كلهن ياخ
|
Post: #63
Title: Re: نان نان .. هسي انا جيت ؟
Author: الجندرية
Date: 09-02-2009, 11:21 AM
Parent: #58
| Quote: لذا وجب التعديل :) |
يا ياسر يا اخوي خلي الطابق مستور
نعدل اكتر من مرة ما بنعدل
ما خلاص قالوا لا يعدل العطار ما افسد الدهر
لووووووووول
|
Post: #64
Title: Re: نان نان .. هسي انا جيت ؟
Author: الملك
Date: 09-02-2009, 12:51 PM
Parent: #63
نان
ما تجى,,,!
|
Post: #65
Title: Re: نان نان .. هسي انا جيت ؟
Author: مريم بنت الحسين
Date: 09-02-2009, 05:14 PM
Parent: #64
مداخلتك الاولى كلها ممكن تتقري بي نون النسوه، انا قلت اماني لي اتجندرت زياده على الجندرة العليها ولا شنو....
الرسول لقيتي الديم كيف....
مشتاقين
|
Post: #67
Title: Re: نان نان .. هسي انا جيت ؟
Author: كمال عباس
Date: 09-02-2009, 07:05 PM
Parent: #65
بركة الجيتي ....ورمضان كريم ونأمل مداومة التواصل فأنتي صاحبة قضية
هادفة ورسالة إنسانية عميقة ..........
|
Post: #68
Title: Re: نان نان .. هسي انا جيت ؟
Author: khalid abuahmed
Date: 09-02-2009, 09:18 PM
Parent: #67
الجندرية ششخصياً..؟؟.
البركة في رمضان..طلتك مباركة زي شهر رمضان..
حبابكم ألف..
|
Post: #69
Title: Re: نان نان .. هسي انا جيت ؟
Author: عشة بت فاطنة
Date: 09-02-2009, 09:48 PM
Parent: #68
Quote: بالله النون دي مرة اقروها باعتبارها واو جماعة زي ما بتجي في العامية السودانية
ومرة اقروها نون نسوة سمح |
اماااااااااااااااااااااااااني دي صرخة وينك
منورة يا ست الكل وبلا الحوش اصبح خلا
والله مشتاقوووووووووون كميات
وسمعا وطاعة ما النون المعذب خلق الله
كلما مرة نرميها ليك بلد كان العالم دي ترتاح
تسلمي وسلام للكل يا ست الكل
|
Post: #70
Title: Re: نان نان .. هسي انا جيت ؟
Author: عشة بت فاطنة
Date: 09-02-2009, 10:19 PM
Parent: #69
هي نان نان انتي لهسع ما جيتي ؟؟؟
|
Post: #72
Title: Re: نان نان .. هسي انا جيت ؟
Author: رأفت ميلاد
Date: 09-04-2009, 11:40 PM
Parent: #70
الجندرية رمضان كريم
وجد مشتاقين
|
Post: #73
Title: Re: نان نان .. هسي انا جيت ؟
Author: nazar hussien
Date: 09-05-2009, 08:27 AM
Parent: #72
الجندرية...الجندرية...لامن نططت عينيها وانخلعت...وجاتني راجعة...
آآآي انا اماني عبدالجليل...انت منو؟
والعجب تراث...يا أخوانا دا زول لذيذ لذة مبالغة...
غايتو وقت ابيتو تمشوا معاي...
وابيتو تلاقوني يوم الجمعة...
براي بركب حمارتي واجيكم في اليمن...ان شاء الله
خواتيم مباركة...وربي يسعدكم...يا تراث والجندرية
|
Post: #83
Title: Re: نان نان .. هسي انا جيت ؟
Author: الجندرية
Date: 09-28-2009, 07:18 PM
Parent: #73
عاد يادفعة الما بخلعني شنو ؟
قت الجماعة ديل افشوني على قول عادل امام
باقي كانوا زارني في الضرائب والزكاة
ما عافية ليهن قريشاتي يا يمة
نزار دا يا اهلنا لاقني في المغتربين
مش محل كان كورك ليك فيه بتنخلع ؟
بعدين يا ود امي الجمعة دي كانت
اعجب من جمعة في شمبات
مع فارق الحالة
قيلنا في المقرن لانو التاكسي الجايبنا من المينا البري قطع بنزين
والوقت صلاة جمعة
وديك يا الوقفة لمن عصرت
غايتو خاترك سواها فينا
النبي هسي تدينا خاترك
واليمن تتشرف بي حمارك والله
انت بس الكزو وقول عرت فسراع
تراث ولذاذتو ما بنجيب سيرتها
هسي يقولو المرة الخرفانة دي كمان تتغزل في راجلها خرفها انخلت بي هبل ولا شنو ؟
قرقرقر
السلام والمعايدة لي امونة والعقاب
|
Post: #82
Title: Re: نان نان .. هسي انا جيت ؟
Author: الجندرية
Date: 09-28-2009, 07:08 PM
Parent: #72
كيفنك يا رأفت ؟
والله الشوق دا غلب وغلبنا
شفت الشدهات؟ اختك رمضان فات والعيد زاتو فاتو وما قدر تجي راجعة للبوست ؟
الله يسهل بس
|
Post: #81
Title: Re: نان نان .. هسي انا جيت ؟
Author: الجندرية
Date: 09-28-2009, 06:50 PM
Parent: #70
هي نان ياعشة يا بت امي
اجي بي ويييييين مع شغلة العيد
غايتو اعذارنا كترت ومسخت
لكن وحاتك انت دي
شااااااايفة بوستاتتك المنورة الساحة وزايداها سماحة
ونفسي القى لي فاقة كدي وادخل يدي لي كوعها ما ضواقة ساكت
بس ربك يسهل
كل سنة وانت طيبة يا الحِبيبة ووليداتك وابوهن وكل حبانك بالف خير
|
Post: #78
Title: Re: نان نان .. هسي انا جيت ؟
Author: الجندرية
Date: 09-15-2009, 11:46 PM
Parent: #68
حباب ابو احمد
رمضان خلاص جزع على قول اهلنا اليمنيين
كتر خيرك ابوي
|
Post: #77
Title: Re: نان نان .. هسي انا جيت ؟
Author: الجندرية
Date: 09-15-2009, 11:17 PM
Parent: #67
يتباركن ايامك يا كمال
لكن والله مداومةالتواصل دي
دايرة ليها ليلة قدر عديل
ياخ المواصلة دي صعبة كيف
ربك يقدرنا غايتو والفيهو النصيب بنسويهو
تسلم كتير ابوي
|
Post: #76
Title: Re: نان نان .. هسي انا جيت ؟
Author: الجندرية
Date: 09-10-2009, 07:12 PM
Parent: #65
الديم تمام يا مريومة
بس فاقد لمة الحبان
تقعدي تعدي في الحيشان الفاضية قلبك يوجعك بس
وفيه سماحة خريف تعرفي لحدي ما كل زول / ة سعى ليه / ها ملود في البيت
يحشو القش من الحيشان عشان ما تلم المصايب
خريف زمن طويل ما شفنا زيو
ربنا يعدل بيه الحال يارب
قتي لي الكنافة كيف ؟
انا قاااااشرة بي ام علي حقت علوية بت خالتي ام روبة
لووووووووول
|
Post: #75
Title: Re: نان نان .. هسي انا جيت ؟
Author: الجندرية
Date: 09-09-2009, 08:30 PM
Parent: #64
أجي وين يا ناجي؟
مش ياها شورتك ؟
طلعت ما جيت زاتو ياخ
قت ليك ما تجي انت اسهل
وجيب معاك زيتونة
|
Post: #79
Title: Re: نان نان .. هسي انا جيت ؟
Author: مدثر محمد ادم
Date: 09-16-2009, 08:39 PM
Parent: #75
الرائعة الجندرية سلامات وعيد سعيد
وشوقنا حروف
|
Post: #80
Title: Re: نان نان .. هسي انا جيت ؟
Author: Ishraga Mustafa
Date: 09-16-2009, 08:47 PM
Parent: #79
امانى جات ورجعت لىّ الامانى
حمدالله على السلامة يا زينتنا
|
Post: #85
Title: Re: نان نان .. هسي انا جيت ؟
Author: الجندرية
Date: 09-28-2009, 07:49 PM
Parent: #80
ما يسلم ليك عدو يا شروق
ويسلم قليبك الاخدر وقليمك التريان ونديان
الجية يا بت امي الله يسهل دروبها
محبتي
|
Post: #84
Title: Re: نان نان .. هسي انا جيت ؟
Author: الجندرية
Date: 09-28-2009, 07:26 PM
Parent: #79
يسعد عميرك يا مدثر
وما تشتاق للعافية
مشكور يا اخوي
ودعواتك ربنا يسهلها ونقدر نشارك زي زمان
|
Post: #86
Title: Re: نان نان .. هسي انا جيت ؟
Author: soma
Date: 09-28-2009, 07:49 PM
Parent: #84
الجندرية البنية الفنجرية
يعلم الله مشتاقين يا غالية من بطن الامات السمحات
كل سنة وانتى وكل الاهل بالف خير وعافية
النبة كان تطولى الغيبة كده تانى
خالص محبتى
|
Post: #87
Title: Re: نان نان .. هسي انا جيت ؟
Author: JAD
Date: 09-28-2009, 09:35 PM
Parent: #86
القومة ليك يا بنت العم ..
صومك مقبول .. وعيدك مبارك ..
وكل سنة وأنت والأسرة الكريمة بخير وعافية ..
عوداً حميداً يا أماني ..
جاد
|
Post: #88
Title: Re: نان نان .. هسي انا جيت ؟
Author: عبدالرحيم أبراهيم العبيد
Date: 09-29-2009, 09:39 AM
Parent: #87
الاستاذه/أمني
كل سنه وأنتي طيب
وعيدكم مبارك
تحياتي وأشواقي للاخ /أسامه عبدالجليل(زميل دراسه برفاعه)
ولجميع أهلنا الطيبين برفاعه وخاصة ناس ديم لطفي
|
Post: #89
Title: Re: نان نان .. هسي انا جيت ؟
Author: nazar hussien
Date: 09-29-2009, 11:07 AM
Parent: #88
Quote: قيلنا في المقرن لانو التاكسي الجايبنا من المينا البري قطع بنزين
والوقت صلاة جمعة
وديك يا الوقفة لمن عصرت
غايتو خاترك سواها فينا
النبي هسي تدينا خاترك
واليمن تتشرف بي حمارك والله
انت بس الكزو وقول عرت فسراع
تراث ولذاذتو ما بنجيب سيرتها
هسي يقولو المرة الخرفانة دي كمان تتغزل في راجلها خرفها انخلت بي هبل ولا شنو ؟
قرقرقر
السلام والمعايدة لي امونة والعقاب |
سلامك ومعايدتك لأمونة والعقاب وصلت هسي...وكل سنة وانت وصاحبي تراث والاولاد بخير..
وأديتكم خاتري..بي خاترا طيب...بس ما قلت ليك ...انو لما رجعت البيت لقيت
ناس نجوم الغد في بيتنا...وحالف علا انزل الحفلة دي هنا غنية غنية...بس
افرغها من الكاميرا...غنينا حتي بواكير الصباح...شباب غنايين غنا...
والعجب معاهم بنت...موبالغة..وبقوا اصحابي كلهم...وعملت ليهم فيها
بابكر حنينهم...ونسة وغنا وضحك...يعلم الله صغروني تلاتين سنة حتة واحدة..
اتغزلي في تراث ما شاء لك الغزل يا جندرية...وبلغيه كلماتي...
فهو رجل يدخل قلب الرجال...الصناديد...وبشوشا بشاشة تلغي...
حواجز جبال...له مني كل تحية....لكن والله كان تمشوا معاي بي
خاتري الاديتكم ليه فوق دا...ولا زلت اعاتب نفسي الما اتعابطت عليكم
لكن الغربة المفلهمة دي نسوي ليها شنو؟ بتقتل فيك روح العباطة
والاندراعة...في الناس...لكن اعفو لي...يا دفعة...
وان شاء الله نتلاقي في ساعة خير
|
Post: #90
Title: Re: نان نان .. هسي انا جيت ؟
Author: بابكر عثمان مكي
Date: 09-29-2009, 01:20 PM
Parent: #89
الجندرية كتبت
Quote: الديم تمام يا مريومة
بس فاقد لمة الحبان
تقعدي تعدي في الحيشان الفاضية قلبك يوجعك بس
وفيه سماحة خريف تعرفي لحدي ما كل زول / ة سعى ليه / ها ملود في البيت
يحشو القش من الحيشان عشان ما تلم المصايب
|
وكتبت انا لاحدهم بنفس الوجع المشترك في مكان آخر
Quote: انت ارفقت طبقة حزن كثيفة علي سطح هذا البحر المضطرب
في قلب رجل غادر وطنه ذات غمام ممطر
هذا قدر كل من له خطوط كف سمراء داكنه .
(كل ماكنا نغنيه علي شارع النيل انزوي في الموج منسيا ) ...
بالامس حدثتني امي عن ان الخريف ترك أثاره في غابة
حشائش طفيلية وسط الفريق عند الساحة امام بيتنا
طالت هذه الحشائش حتي صارت مخبأ للبعوض .
فبكيت بطيئا جدا بدمع جاف وانا أسألها اين شباب الفريق ياأمي
فصمتت ..وفي صمتها عرفت اجابتها الخفية
هي المنافي لم تترك احد ليهذب تلك الساحة ويزيل تلك الحشائش .
مؤلم جدا ان تصير المدينة معسكر اضطراري للشيوخ والاطفال ..
بينما الاجيال تنتظر المنافي
|
اختي اماني
كل عام وانت بخير
الفرق بين الديامة وباقي ناس رفاعة ذاك (الملود)
غير ان التشابه في الرحيل باق باق ..
زيكو
|
|