Post: #2 Title: Re: مسكييييييين يا محُسنييين يا محُسنااات Author: ايهاب Date: 05-21-2008, 10:47 AM Parent: #1
اماني الله يدينا ويدك
سمعتي النكته دي موش
لكن بحكيها ليك تاني قالو في شحاد شحد ليهو واحد مقندل الراجل قال ليهو الله يدينا ويديك الشحاد هاج ليك فيهو قال ليهو : تاااااااااااااااني؟؟؟!!!! يديكم تاااااااااااااااني؟ لا وكمان يديكم انتو اول بعدين يدينا؟؟؟!!!!
Post: #5 Title: Re: مسكييييييين يا محُسنييين يا محُسنااات Author: الجندرية Date: 05-21-2008, 04:06 PM Parent: #2
هوبة
يديكم تاااااااااااني؟
المشكلة هسي اخونا محمد عثمان دا اداك قبليناكمان
صبنتها في جهازك ؟
تنفعك
Post: #3 Title: Re: مسكييييييين يا محُسنييين يا محُسنااات Author: محمد عثمان Date: 05-21-2008, 11:08 AM Parent: #1
الجندرية...
سلااام اغنية سايق البوباى للفنان محمد حسنين و ليست للفنان محمد مسكين الاغنية من كلمات الشاعر عبد العزيز سيد احمد و من الحان الملحن حسن بابكر..و هى فعلا اغنية شاهدة عصر تحكى عن حقبة زمنية معينة اياامات عربات البوباى طالعة فى الكفر...ما حضرنا دا لكن قالوا لينا..
انا ما بعرف استخلاص الاغانى من موقع المشااهير لكن الاغنية موجودة معاى..
تحاايا...
Post: #4 Title: Re: مسكييييييين يا محُسنييين يا محُسنااات Author: محمد عثمان Date: 05-21-2008, 12:47 PM Parent: #3
Post: #6 Title: Re: مسكييييييين يا محُسنييين يا محُسنااات Author: الجندرية Date: 05-21-2008, 04:39 PM Parent: #1
اخونا محمد عثمان
اول شي شكراً للاغنية ولنكها لكن برضو ما رضت تترفع من عندي في سيرفر بكري وما عارفة المشكلة وين تاني شي شكراً للتصويب الحوصة تطير ياخ
محمد حسنين ؟ البغني رحيق فاهك ؟ طيب ما تنزلو لينا صورتو ياخ ورحيق فاهك برضو ونتكلم عنو وعن محمد مسكين ونقلب البوست من بوست شحدة لبوست من بوستاتك التوثيقية المهمة كتر خيرك
Post: #9 Title: Re: مسكييييييين يا محُسنييين يا محُسنااات Author: محمد عثمان Date: 05-21-2008, 09:23 PM Parent: #6
الجندرية..
سلاااام
Quote: لكن برضو ما رضت تترفع من عندي في سيرفر بكري وما عارفة المشكلة وين
موضوع رفع الاغاانى كان هناك بوست من احد الاخوان هنا و الظااهر هنالك مشكلة لبعض امتدادات الاغانى فى التحميل لا اذكر بالتفصيل النتيجة كانت شنو..لكن الظااهر مشكلتك هى فى نفس الاطار..و الله اعلم..
Quote: محمد حسنين ؟ البغني رحيق فاهك ؟ طيب ما تنزلو لينا صورتو ياخ ورحيق فاهك برضو ونتكلم عنو وعن محمد مسكين ونقلب البوست من بوست شحدة لبوست من بوستاتك التوثيقية المهمة
الاخ كبر كتب عن الفنان محمد حسنين و اخرين فى مدااخلته التى سرد فيها عن تاريخ بعض الاغنياات و فناانين لم يستمروا طويلا و اشتهروا باغنيات معينة...
محمد حسنين من فنانى الخرطوم او ما يسمى بمدرسة الخرطوم الفنية و هو صاحب صوت اخّاذ و اداء جميل عرفى بابو سريع..و كان فنانا انيقا و اشتهر بحسن هندامه و ربما ذلك لطبيعة عمله فهو كان ترزيا ماهرا تخصص فى خياطة البدل فى ذلك الزمن..و يا سهارى تعالوا شوفوا البى من اغنياته المشهورة..
الراحل الفنان محمد مسكين من فنانى الجزيرة و اشهر اغنياته اغنية من قلب الجزيرة من ارض المحنة الاغنية التى اشتهرت كثرا فى فترة الستينات له اعمال اخرى كثيرة منها شارع الحب و اغنيات اخرى..
الرحمة و المغفرة للراحلين الفنان محمد حسنين و الفنان محمد مسكين..
لك التحية و ربنا يدينا الوقت لنوثق لهولاء الفنانين الذين اثروا مكتبة الغناء السودانى و شكلوا وجدان اجيال كانت و لا زالت تستمع لاغنياتهم الجميلة..
مودتى....
Post: #7 Title: Re: مسكييييييين يا محُسنييين يا محُسنااات Author: Kabar Date: 05-21-2008, 08:18 PM Parent: #1
Quote: الجندرية...
سلااام اغنية سايق البوباى للفنان محمد حسنين و ليست للفنان محمد مسكين الاغنية من كلمات الشاعر عبد العزيز سيد احمد و من الحان الملحن حسن بابكر..و هى فعلا اغنية شاهدة عصر تحكى عن حقبة زمنية معينة اياامات عربات البوباى طالعة فى الكفر...ما حضرنا دا لكن قالوا لينا..
الأصدقاء..الجندرية..و محمد عثمان.. حبابكم
كتر خيركم..حليل زمن الجمال رأسمال..
اتفق مع الصديق محمد عثمان ..انو اغنية السايق البوباي.. تبع الفنان محمد حسنين (ابو سريع)..و الذي كان يشتهر في زمانه في العاصمة (قبل افة الغزوات و الكبوات..و الجبجهجية..الخ) بأنه اكثر من يملك احذية ناصعة في الوسط الفني..
واحدة من اغنيات محمد حسنين المشهورة.. اغنية صدرها يقول " يا سهارى تعالوا شوفوا البي.. الحبيبة كيف قست عليّ"..و اذكر ان الفنان جيلاني الواثق اول من رددها بعد سيدها (طبعا الزمن داك كل زول بيغني غناهو..و جيلاني.. اضاف فيها لونيته التي كان يقول انها جاز..)..و قبل البوباي.. الناس كانت بتغني للسايق الفيت..و التي سمعتها بصوت عبد العزيز محمد داوؤد (بالمناسبة عندي ليهو تسجيل بيغني فيهو العجب حبيبي اداني تحية..)..و بعد السايق البوباي.. الناس صارت بقت تغني للسايق العظمة (طبعا بيهئتها الأولى قبل ان يدخل عليها التحوير و اعادة انتاجها مرة تانية عشان تتماشى مع التأصيل و كده)..زمان كان بيرد ذكر نوع العربية..و بعد داك النص بيكون غنائي متكامل.. لكن اليومين دي .زصحيح الناس بتغني بسيرة العربات.. لكن القصة كلها تسميع لأنواع الغريب من العربات ..و زمان الغنا الفيهو سيرة العربات غني عاطفي ووجدان و عندو رسالة جميلة.. لكن الليلة الغناء الفيهو سيرة العربات غنا فيهو كثير من التحيز الطبقى و تمجيد للبرجوازية الطفيلية..و هي اخطر من تلك المتعفنة(امك.. انا بقيت شيوعي ولا شنو؟)..
الفنان محمد مسكين .. اغنياته نادرة جدا..و تسجيلاته في الإذاعة لا تتعدى اصابع اليد..منه .. ان لم تخني الذاكرة .. اغنية "ربي ما تحرم بيت من الأطفال"..و اغنية اولها بيقول " كانت لنا ايام سعيدة ربي مناي تعيدها"..و ان كان هذه الأغنية سمعتها اكثر من ثنائي الجزيرة..و أرجح أنها حقتهم..
الشكر لكثير من الشباب.. الذي التفت اخيرا للتوثيق.. خصوصا الإخوة في مكتبة الأغاني السودانية.. فقد بذلوا جهد كبير..و لقيت عندهم ناس .. تكون الناس نستهم كتير..مثل الفنان رمضان زايد (و هو كان ذو تطريب عالي في زمنه..و كان بتاع هجيج)..وكذلك تسجيلات امبلينا السنوسي (ياخي حتى الدويتو مع حيدر حدربي لاقاني هناك برضو)..و تسجيلات ابراهميم موسى ابا..و تسجيلات صديق عباس..و تسجيلات ثنائي النغم..و غيرهم من الذين شكلو بعض من ملامح الوجدان..
افتش كثيرا عن اغنيات الفنان محمد سلام ..الذي اشتهر بأغنية "قام اتعزز الليمون"..و الفنان " الصافي محمد احمد .. الذي اشتهر بأغنية " لون الكاكاو"..و الفنان الرشيد كسلا..صاحب الرمية المشهورة " عمري قصير و عمرك كم.. عشان نقضيهو في الآهات..و نفتش لمصير مجهول..و باب الريدة مهما ندقو نلقى حقيقتو باب مجهول.. الى أن يقول..حقو الريد لا نلاقيهو..لايلاقينا..لا نتلم"..
شكرا ليكم يا شباب..و يا محمد عثمان طمنتني كتير يا صديقي.. الواحد قايل روحو عجز خالص..
كبر
Post: #8 Title: Re: مسكييييييين يا محُسنييين يا محُسنااات Author: munswor almophtah Date: 05-21-2008, 09:01 PM Parent: #7
والله يا كبر بى شويه تكون ناقد فنى وموثق كبير شغلك دا شغل زول أليف وبيالف لكم وللبوباى السلام.................
منصور
Post: #10 Title: Re: مسكييييييين يا محُسنييين يا محُسنااات Author: محمد عثمان Date: 05-21-2008, 09:36 PM Parent: #7
الاخ كبر..
شكرا كتير للسرد الشيّق لتاريخ جميل يحكى عن اغنياات و فناين جميلين اثروا ساحة الغناء السودانى ببديع الغناء..
لفت نظرى فى مداخلتك القّيّمة اسم الفنان الرشيد كسلا و اسم الفنان محمد سلاام..و هم تقريبا ظهرا فى وقت واحد و كانت اغنية واحدة لكل منهم كفاية ان تشتهر و بسرعة شديدة..خاصة اغنية اتعزز الليمون التى كانت على كل لسان.. الذى يجمعهما مع بعض انهم كانا لعيبة كرة مميزين جدا حتى يحكى ان الفنان محمد سلااام اتى للخرطوم من مدنى كلاعب كرة و قد كان بغرفة تسجيلات الهلال فسمع اللعيبة داخل المعسكر صوته الجميل فطلبوا منه ان يتجه للغناء و يترك الكرة فقد كان..
Quote: الفنان محمد مسكين .. اغنياته نادرة جدا..و تسجيلاته في الإذاعة لا تتعدى اصابع اليد..منه .. ان لم تخني الذاكرة .. اغنية "ربي ما تحرم بيت من الأطفال".
اغنية ربى ما تحرم بيت من الاطفال ليست من اغنيات محمد مسكين ..هذه لاغنية تغنى بها فنان مدنى محمد سيد احمد و هى من كلمات الاعلامى الكبير محمد الطيب عربى و من الحان الموسيقار الدكتور عبد الماجد خليفة..و الاغنية ايضا من اغنيات حقبة الستينات..
