Post: #1
Title: ماسنجر لتمبس
Author: الجندرية
Date: 03-09-2008, 08:43 AM
ياود عايزاك ضروري
وما عندي رصيد
دق البوري في مسنجر الهوت ميل
كرهتونا بالبلوك ياخ
قوام ولا بجي اوريك ليه
|
Post: #2
Title: Re: ماسنجر لتمبس
Author: الجندرية
Date: 03-09-2008, 08:45 AM
Parent: #1
ما تعمل لي فيها بتاع
شايفاك في اون لاين
دي كويس انه بكري لسه ما قلعها
انت عندك فتاق ولا احوص ؟
اها النشوفك رادي في بوست تيسير عووضة
|
Post: #3
Title: Re: ماسنجر لتمبس
Author: الجندرية
Date: 03-09-2008, 08:48 AM
Parent: #2
لو ما جيت ولقيت حايم في بوست احلى بنات
الا كنش العصيدة ياباك
انت كمان قايلني لسه بدوك بسير المحفضة واكورك سجم امي العقدة؟
يا ود ما تنسل مارق حسي اتنبح ، كفاية علي نبيح يوم المرأة دا
|
Post: #14
Title: Re: ماسنجر لتمبس
Author: tmbis
Date: 03-09-2008, 09:19 AM
Parent: #2
Quote: انت عندك فتاق ولا احوص؟
اها النشوفك رادي في بوست تيسير عووضة |
والله ما رديت ليها في اي بوست الليلة ..
لكن دي فرصة سعيدة زاتو من دربي دا ح امشي ارد ليها  ..
|
Post: #19
Title: Re: ماسنجر لتمبس
Author: الجندرية
Date: 03-09-2008, 09:30 AM
Parent: #14
النبي عليك بطل الدغالة وتعال بهناك
والله مغرودة فيك شديد
يهون عليك يا علاء ؟
|
Post: #4
Title: Re: ماسنجر لتمبس
Author: الجندرية
Date: 03-09-2008, 08:53 AM
Parent: #1
مش كلمتك قلت ليك ملاح الويكاب دا كتير كدا بعمل الجهر؟
هسي في 15 زول وزولة قرو المسنجر دا وانت لا ؟
يا اهل الخير ياخ الكزوه لينا ياخ
|
Post: #5
Title: Re: ماسنجر لتمبس
Author: الجندرية
Date: 03-09-2008, 08:56 AM
Parent: #1
سمح شمت فيني ود قاسم الله يطراهو بالخير
|
Post: #6
Title: Re: ماسنجر لتمبس
Author: الجندرية
Date: 03-09-2008, 08:56 AM
Parent: #1
سمح شمت فيني ود قاسم الله يطراهو بالخير
|
Post: #9
Title: Re: ماسنجر لتمبس
Author: Hussein Mallasi
Date: 03-09-2008, 09:04 AM
Parent: #6
| Quote: سمح شمت فيني ود قاسم الله يطراهو بالخير |
رجعتينا أربعين سنة لورا يا الجندرية
_____
الله يطراهو بالخير.
|
Post: #10
Title: Re: ماسنجر لتمبس
Author: الجندرية
Date: 03-09-2008, 09:12 AM
Parent: #9
ازيك يا حسين
وحمد لله على السلامة
لكن اربعين عديل كدا!!!
غايتو
البعرفونا ان شاء الله ما يحضرونا
اي الله يطراهو بالخير.
كورك للود معاك عليك الله
|
Post: #7
Title: Re: ماسنجر لتمبس
Author: تيسير عووضة
Date: 03-09-2008, 08:58 AM
Parent: #1
يا تمبس ..
الرسول فوقك كان ما بردت بطن أماني دي
المرة شالت حسّنا ..
|
Post: #8
Title: Re: ماسنجر لتمبس
Author: الجندرية
Date: 03-09-2008, 09:02 AM
Parent: #7
يا تيسير ياخ شكرن كتير
عشان كسرت لي تكرار صورتي ، اللفتو انتباهي لبياختو شروق وخدر
اسمعي هو مالو دي من العملية يعني ؟
مش قالو عملية شنو كدا . يعني مفروض يبقى اظرف
غايتو
|
Post: #11
Title: Re: ماسنجر لتمبس
Author: tmbis
Date: 03-09-2008, 09:12 AM
Parent: #8
شنـو ( ياست الكل ) الحاصل شنـو ..؟
ياخي أنا يعني أبطل امرق اشم هوا بره واللا شنـو ..؟
والله غايتو بختك .. اشاراتك تلخم .. بلاي اساسي الوهم دا تخيلي قال لي اسرع الجندرية دي عايزاك .. بلاي رميت الفي يدي .. فنننن، وجيت جاري جري ..
بلاي نحن نقدر على القراية أم دق دي ..؟
والله كان عندي شغل بره ولما اطلع من المكتب بخلي البتاع دا فاتح ..
ياخي إنت قولي لبن الطير عايزاهو
إنت قايله البجيبو ليك منـو؟؟
ما أنـا القدامك دا..
|
Post: #15
Title: Re: ماسنجر لتمبس
Author: الجندرية
Date: 03-09-2008, 09:22 AM
Parent: #11
شنـو ( ياست الكل ) الحاصل شنـو ..؟
يا ولدي كل عرفناه
كمان جابت ليها قراية فطسطرية ؟
مش قت ليك تعال هناك في مسنجر الهوت ميل
قال جدعت الفي يدي فننن
غايتو حنكك برد بعد العملية
تعال بهناك قوام
بعدين هوا شنو في السقط دا
قال اشم هوا قال
|
Post: #12
Title: Re: ماسنجر لتمبس
Author: اساسي
Date: 03-09-2008, 09:13 AM
Parent: #8
عشان البوست دا خسرت خمسة ريالات سعودية في مكالمة للمذكور
والخلاصة كانت ( انت الدخلك شنو)
ياخي الود تقول جاهو فتاق في اخلاقو
بقي ما بتفاهم
ــــــ
من باب الشمار البوست عرفو وفات اضانو
ــــــــــــــ
بمناسبة ود قاسم
الله يطراهو بالخير
ويا ملاسي فقدناك ياخي
|
Post: #13
Title: Re: ماسنجر لتمبس
Author: اساسي
Date: 03-09-2008, 09:16 AM
Parent: #12
Quote: ياخي إنت قولي لبن الطير عايزاهو
إنت قايله البجيبو ليك منـو؟؟
ما أنـا القدامك دا.. |
بمناسبة لبن الطير وحليب العصافير
الزول دا يا الجندرية انا عايز منه ثلاثة الف ريال دين قديم
بالله اتوسطي لينا فيها مع لبن الطير
تطير عيشتي انا
|
Post: #40
Title: Re: ماسنجر لتمبس
Author: tmbis
Date: 03-15-2008, 10:34 AM
Parent: #13
Quote: الزول دا يا الجندرية انا عايز منه ثلاثة الف ريال دين قديم
بالله اتوسطي لينا فيها مع لبن الطير
تطير عيشتي انا |
.. لو لا إنك بقيت ابو بنـات .. وبقيت زول محمول زيك وزي خـدر واحد
ولو لا.. شفقة في حالتك البقت تحنن، وبقيت صاحب بوستات حمام ميت لانو المسالة فكت منك ومافي طريقة اعادة امجاد أو رقشـات ..
ولو لا إني عندي نيه في مقبل الايام طلب يد كريمتكم المصون .. لانو الواحد من منطلق (صحبه قديمة وعشرة سنين بما فيها من احتيال من شخصكم الكريم) ـ إلزاما عليه تغطية قدحـو..
استنادا على ما ورد اعلاه .. من لو لوه .. والله الواحد حسع دي كان خسر فيك طيارة ماشي وجاي علي متن الخطوط الاثيوبية ويضرب في السماء فوق كاس عصير فواكه استوائية وحجز فندقي في شيراتون جده لمدة اسبوع ..
اخسر فيك طيران وحجز فندقي واجي ارجع ليك الشيك بتاعك المن دون رصيد دا ..
هي كلها عشرة الف دولار بس وسبق غنو طرحنا مشكلتنا دي هنا دا ..
بلاي شيك وبدون رصيد وفي السعودية كمان .. إنت الاحتيال دا ح تبطلو متين .. يا هداك الله ..؟ نحن ناس محمولين ومتغربين من اوطاننا.. وديارنـا.
|
Post: #17
Title: Re: ماسنجر لتمبس
Author: Hussein Mallasi
Date: 03-09-2008, 09:26 AM
Parent: #12
شكراً يا أساسي ..أعمل شنو بس ياخي؛
مشكلتي إني ما سمعت كلام تبلدينا و لم استبن نصحه إلا عندما اظلم الغد
|
Post: #18
Title: Re: ماسنجر لتمبس
Author: الجندرية
Date: 03-09-2008, 09:27 AM
Parent: #12
اساسي سلامات
يعلم الله مشتاقين
كتر خيرك ابوي في لكزة الولد دا
لكن ياو د امي يعني هسي الخمسة ريال ديل خلااااس فنقلن ريكة التلاتة الف؟
اصبر ياخ صبر لحين ميسرة انت ما مؤمن ؟
والدين في الكتوف والاصل معروف
|
Post: #20
Title: Re: ماسنجر لتمبس
Author: tmbis
Date: 03-09-2008, 09:32 AM
Parent: #12
| Quote: والخلاصة كانت ( انت الدخلك شنو ) |
.. ياخي إنت مفروض تضبح لاني رديت ..
الوضع الطبيعي إني ما ارد ليك ..
تضبح وتعزم الناس يوم الجمعة عندك في البيت .. وتوصل اي زول بيتهم بي عربيتك القالو اشتريته جديدة دي ... لانو وصلني انو ماشة معاك زي السير ..
تعزم اصحابك وتقول ليهم والله انا ضابح علشان الليلة تمبس رد لي في التلفون
بعدين انا كلمتك اكتر من مرة يا اساسي قلت ليك .. ياخي ما يتعلق بي هنا اتركه هنـا..
ياخي اي حاجة بتحصل وانا مافيش تجي تكلمني بيها ..؟
ياخي إنت ما بتتوب ..
مسالة صحبة الاسافير لي شخصيات هلامية ما نستفيد منها .. خليناها زمان ..
انا من عرفتك يااساسي ما استفدت منك شئ ..
خليني استفيد منك مرة واحده بس في حياتي .. يا هداك الله.
يعني أنا أتحمل اسمع كلام فارغ من دكين فيما يتعلق بي معرفتي بيك ..
وتجي كمان تأكد المسالة دي هنا ..؟
بي صراحة ..؟
انا بمر بي صعوبات غربة كتيرة .. فما بقدر اتحملك وتكون فوق لي غربتي في غربة دخيله علي ..
ارجو انو كلامي دا يكون مفهوم ليك كويس ..
|
Post: #16
Title: Re: ماسنجر لتمبس
Author: Amira Elsheikh
Date: 03-09-2008, 09:24 AM
Parent: #8
الجندرية..
ازيك...
غايتو الشماتة حصلت وانتهت ..
تمبس ماليهو حق والله ..اتلوم تب..
|
Post: #21
Title: Re: ماسنجر لتمبس
Author: الجندرية
Date: 03-09-2008, 09:33 AM
Parent: #16
اميرة العذابة لي حدهن
| Quote: غايتو الشماتة حصلت وانتهت .. |
انت لكن يا بتي عاصرتي الاربعين سنة القالن ملاسي ديل ؟
|
Post: #22
Title: Re: ماسنجر لتمبس
Author: الجندرية
Date: 03-09-2008, 09:50 AM
Parent: #21
غايتو البوست دا نكت حاجات الاربعين سنة بضبانتها
حتى ورقة الكربون
شفتها يا اساسي
|
Post: #23
Title: Re: ماسنجر لتمبس
Author: اساسي
Date: 03-09-2008, 09:58 AM
Parent: #22
هاها
ايوة شفتها لكن اتجاوزتها بالله متذكرة المداخلات المن اصل وصورة انت
ياخي والله زمن سبحان الله بقي زكريات
ـــــــــ
يا تمبس رد الحقوق لاهلها وبطل الفصاحة
صاحب الدار اصبح يطاردني من اجل ايجاره اللعين
وشكرا ليك للعربية والتهاني وعقبال ما تطل الرخصة
|
Post: #30
Title: Re: ماسنجر لتمبس
Author: الجندرية
Date: 03-09-2008, 03:55 PM
Parent: #23
| Quote: ايوة شفتها لكن اتجاوزتها |
بقيت تجاوز يا ابو البنية
زمن والله 
|
Post: #26
Title: Re: ماسنجر لتمبس
Author: Amira Elsheikh
Date: 03-09-2008, 11:09 AM
Parent: #21
| Quote: انت لكن يا بتي عاصرتي الاربعين سنة القالن ملاسي ديل ؟ |
الجندرية..
ازيك تانى...
بركة بجية تمبس...
ماعاصرت الاربعين سنة ...لكن ريحتن سمحة ومالية البكان...
|
Post: #31
Title: Re: ماسنجر لتمبس
Author: الجندرية
Date: 03-09-2008, 04:39 PM
Parent: #26
أميرة خيار الناس
يتباركن ايامك
اي جاء وبي هناك وبهناك
الناس الاستعجلت وشمتت ، بقت هي الاتلومت ساكت
قت لي ما عاصرتي الاربعين
سمح .. الله يبليك شبابك.
تسمح ليك الدنيا يا ذوق.
|
Post: #41
Title: Re: ماسنجر لتمبس
Author: tmbis
Date: 03-15-2008, 12:48 PM
Parent: #16
| Quote: تمبس ماليهو حق والله ..اتلوم تب.. |
ـ والله يا اميرة كنت عايز اقول ليك غـايتو جنس غايتو .. لكن خفت ود الصايم يعمل لينا مشكلة..
حسع إتن معاي واللا مع الجندرية .. في في صف منو يعني..؟
بعدين لاحظي انا زول عيان وعامل عملية جراحية قبل فترة
|
Post: #25
Title: Re: ماسنجر لتمبس
Author: tmbis
Date: 03-09-2008, 10:39 AM
Parent: #7
| Quote: المرة شالت حسّنا .. |
يا تيسير ..
تخلصي حاجاتك معاها.. انا زول كنت بره المكتب وجيت لقيتكم انتو الاتنين هنا دا ..
|
Post: #33
Title: Re: ماسنجر لتمبس
Author: الجندرية
Date: 03-09-2008, 05:04 PM
Parent: #25
| Quote: انا زول كنت بره المكتب وجيت لقيتكم انتو الاتنين هنا دا |
نفسي افهم بتتحاوم في السقط دا كايس شنو ؟
وكمان بتزوغوا في نص النهار؟
غايتو الله يغطي عليكم
|
Post: #24
Title: Re: ماسنجر لتمبس
Author: Tabaldina
Date: 03-09-2008, 10:12 AM
Parent: #1
..
.
أزيكم ..
ونسة الاربعينات لذيذة ..
وشماركم يغيظ الواحد ..
ياخى فكوا لى ماسنجر ولا مسكول نحن بنتصل ..
مجاناً ..
تسلموا يا حلووين
_____________
يادوب وقع ليك يا ملاسي ..
ما لقنا ليك ..دى طريق قاسي وصعيب
|
Post: #37
Title: Re: ماسنجر لتمبس
Author: الجندرية
Date: 03-12-2008, 09:40 AM
Parent: #24
تبلدينا
حبابك الف
| Quote: وشماركم يغيظ الواحد .. |
الشمار كنت دايرة انفضو هنا طوالي
الخبير تمبس قال لا لسه لين لازم نشرو في الشمش اسبوع
بعد دا خلاص المسنجر ورجع
سبب لنفضو هنا مافي
نضري بالضرا
خلي الينشف اول شي
|
Post: #27
Title: Re: ماسنجر لتمبس
Author: AlRa7mabi
Date: 03-09-2008, 11:46 AM
Parent: #1
الجندرية سلام
لو سمحت أستعير مسنجرك دا
تمبس عارفك زعلان مني .. كفارة الفتاك
أساسي ، ملاسي الشوق كتير
|
Post: #28
Title: Re: ماسنجر لتمبس
Author: Hussein Mallasi
Date: 03-09-2008, 12:25 PM
Parent: #27
لا حول و لا قوة إلا بالله
عشان تصدقوا لمن نقول ليكم 40 سنة
|
Post: #29
Title: Re: ماسنجر لتمبس
Author: Tabaldina
Date: 03-09-2008, 01:21 PM
Parent: #1
..
.
تمبس انا كفرت ليك ..
لكن لمن الواحد قلع مرارتو ما عبرتوهو ..
معليش خوة خور .. ابوعنجة السياحى
عجايز عمراً وبوردا ..
الرحمابي ما بتسلم علي .. سمح
كيف ان شاء الله طيب ..
|
Post: #36
Title: Re: ماسنجر لتمبس
Author: AlRa7mabi
Date: 03-11-2008, 06:24 PM
Parent: #29
الحبيب تبلدينا .. ياخ بعد الأربعين تاني في شوف ... ما طشاش ساكت
تخيل أناما بننسى بسرعة ، لسه متذكر كلامك عن ميلاد بتي صفية .. الآن أربعة سنوات ونص .. شفتا كيف .. بس العتب على النظر
>
|
Post: #32
Title: Re: ماسنجر لتمبس
Author: الملك
Date: 03-09-2008, 04:46 PM
Parent: #1
بكرى ,,,ابو بكر
رجع الماسنجر ياخى
"بطل حسادة"
|
Post: #34
Title: Re: ماسنجر لتمبس
Author: Habib_bldo
Date: 03-10-2008, 07:29 PM
Parent: #32
الجندرية والناس الحلوين
مسنجرك دا فك المسجون وطلع عفريت الذكريات الجميلة من القمقم ورجع كل الناس الطارينهم للساحة
اساسي ملاسي وصاحب النداء الغالي تمبس وتبلدينا الحبيب وكل الحلوين والحلوات الطرقوا باب هذا البوست.
يا أماني تمبس دا عامل زي الولد الغليص كلما كبرتي راسو وفتشتي عليه او احتجتي ليه بيتعزز
لو فتحتي المسنجر لزول تاني كان جا ناطي ليكي من السماء.
التحية لحبيبنا تمبس وان شاء الله تكون بلغت الصحة واسمع كلام خالتك اماني وما تعصى ليها طلب والا انا قريب منك بركب اجيك البيت واديك قرصة في اضانك تفوقك.
|
Post: #44
Title: Re: ماسنجر لتمبس
Author: الجندرية
Date: 03-21-2008, 01:47 PM
Parent: #34
حبيب بلدو شخصياً
يا سلام ياخ
والله دي لمة بالدنيا
قت لي ::
| Quote: لو فتحتي المسنجر لزول تاني كان جا ناطي ليكي من السماء. |
ليك علي الخطة دي نشتغل بيها لمن بكري يشيل الكورة تاني
|
Post: #45
Title: Re: ماسنجر لتمبس
Author: Hololy
Date: 03-21-2008, 03:56 PM
Parent: #34
| Quote: تمبس وان شاء الله تكون بلغت الصحة |
...........الف سلامه .... يا بطل...
.......... ..........للكل.......
............
|
Post: #43
Title: Re: ماسنجر لتمبس
Author: الجندرية
Date: 03-19-2008, 06:22 AM
Parent: #32
الملك
اهو رجعو وايه يعني صار ؟؟؟
غايتو مطرطقين اضيننا للاخبار السمحة
لكن زي مااتفقناخطوبة ساكت
عرس ما هسي
لحدي ما شعري يصل طلو للاستاندر بتاعل الشبال وكدا
|
Post: #35
Title: Re: ماسنجر لتمبس
Author: الجندرية
Date: 03-11-2008, 05:07 PM
Parent: #1
الحبان
شوفتكم عيد يعلم الله
ناقص بس بت قضيم وشيري وتماضر
وناس الاربعين يكتسحوا الانتخابات
قال ليك قائمة العذابة قال
بجي اقالدكم نفر نفر
***
شنو ياتمبس
بقت عليك الشاف بيت امو وجرى ؟
نحن ما بنشيل ونحرس فيك
عيونا قذعت من المتاوقة
|
Post: #38
Title: Re: ماسنجر لتمبس
Author: الجندرية
Date: 03-14-2008, 10:59 PM
Parent: #1
يا تمبس
هو دا شن جنسو دا ؟
رسلنا مسنجر علني ما نفع
مسنجر داخلي ما نفع
مسنجر الهوت ميل ما نفع
بعد دا الا نغطيك بالبطانية
؟؟؟؟؟؟
|
Post: #39
Title: Re: ماسنجر لتمبس
Author: tmbis
Date: 03-15-2008, 09:49 AM
Parent: #38
بطانية وين مع السخانة دي ..؟
والله يا اماني البوست دا قلت اقعد ليهو بي مزاج لانو بوست تحفه عديل كدا .. اثري ..
بلاي الرحمــابي مرة واحده ..؟
والله في زول كدا في بالي كان جبتيهو لي .. الا اضبح ليك عديل كدا..
يا الله تجيبو لي
بعدين ما قلتي لي رايك شنـو في تعاقب الاجيال الفي البروفايل دا ..
|
Post: #42
Title: Re: ماسنجر لتمبس
Author: الجندرية
Date: 03-15-2008, 06:57 PM
Parent: #39
| Quote: بطانية وين مع السخانة دي ..؟ |
بالله انتو السخانة جاتكم
عقبالنا ، عضامنا نشفن يعلم الله
Quote: بوست تحفه عديل كدا .. اثري ..
بلاي الرحمــابي مرة واحده ..؟ |
قت ليك انت باركت للرحمابي شفق ؟
متذكر بوست الشفق؟ تصدق الزهرة الجديدة سماها شفق .
شايل اسمها يالرحمابي
والله في زول كدا في بالي كان جبتيهو لي .. الا اضبح ليك عديل كدا..
يا الله تجيبو لي
غايتو كان نزلت غزال الروض احتمال يجي
كدي جرب .
| Quote: ما قلتي لي رايك شنـو في تعاقب الاجيال الفي البروفايل دا .. |
ودي انا الحوصه دي ؟
قت ليك ،حبوبة بت حسين
جات لقت الصورة مجدوعة في التربيزة ، شالتهاقربتها وبعدتها وقالت :
دي مني دي ؟ معلم الله سااااااااااااااحر فاقد الضنب.
هي يا حبوبة دي ما انت زاتك ؟
بري وحاة الله دي ماني انا
خربها الصوار.
|
Post: #46
Title: Re: ماسنجر لتمبس
Author: 3mk-Tango
Date: 03-21-2008, 09:42 PM
Parent: #1
يااااه رجعتونا زمن ..
جندرية وتمبس وتبدلينا ورحمابي واساسي وملاسي الله يطراكم بالخير ويديكم العافية
___
بالله الكلام الفوق دا عدلتو خمسة مرات من شدة ما نسينا الكتابة في المنتدي
يقطع طاري السياسة
|
Post: #47
Title: Re: ماسنجر لتمبس
Author: الجندرية
Date: 03-27-2008, 08:15 AM
Parent: #46
ازيييييك يا تنقو
يبدو ان موسم اوبة الطيور المهاجر قد حل
فهنيئاً لنا
وطارئ سؤ الظن
تكتب وتبقى في الشروح وشروح الشروح
غايتو ربك يهون
ويحسن ظننا بخلقو
|
|