Post: #1
Title: قومي من بدري و انه صوتي انا
Author: الجندرية
Date: 02-27-2007, 02:55 PM
Parent: #0
سلام للجميع
سنحتفل في الجالية السودانية بصنعاء باليوم العالمي للنساء
ويحتاج الكورال المشارك في هذه الفعالية لأغنيتي:
1) ابو عركي ( قومي من بدري ودعي الخدر )
2) كابلي ( إنه صوتي انا )
لو في زول / ة عندو / ها ينزلم لينا هنا لو سمتحتو / ن
محتاجين الكلمات مكتوبة برضو
وشكراً مقدماً وبعدين برضو
|
Post: #2
Title: Re: قومي من بدري و انه صوتي انا
Author: الجندرية
Date: 02-27-2007, 03:47 PM
Parent: #1
فوق
|
Post: #3
Title: Re: قومي من بدري و انه صوتي انا
Author: tmbis
Date: 02-27-2007, 04:14 PM
Parent: #2
أماني ..
لبيـــــــــــك .. يا ست الكل ..
عارفه النشيد بتاع الكابلي ده عند الممسوخ معتصم .. وليهو يومين في مامورية عمل خارج الرياض ..
بعدين معتصم لما يدس ليهو حاجة ما بتتلقي بسهولة ..
مبدئيا بعتمد ليك النشيد ده .. ح اتصل عليهو ويوريني وين خاتي الـ CD وليك علي ( فللي ) انزله ليك هنا ده وبي لنك الحفظ طبعا 
هو نحن بنقدر نقول كلام فوق لي كلام الحيكومة ؟
|
Post: #8
Title: Re: قومي من بدري و انه صوتي انا
Author: الجندرية
Date: 02-27-2007, 08:06 PM
Parent: #3
علاء الغالي
تلبي حاج وزائر
تسلم لي انت يا ود حشا
ربك فرجها ببركة طلتكم
شكراً ليك كتير يا علاء
وداخرنك للكتير
|
Post: #4
Title: Re: قومي من بدري و انه صوتي انا
Author: إسماعيل التاج
Date: 02-27-2007, 04:30 PM
Parent: #1
الجندرية
نشاط تماااام.
تعرفي أغنية الكابلي قامت بأدائها طالبات مدرسة أحمد علي جابر سنة 1987 في إطار أنشطة المدرسة بقيادة أستاذة ماجدة الهادي الياس. وكنت حينها أستاذاً بمدارس أحمد علي جابر رحمه الله ونجحنا في إخراج يوم جميل شارك فيه الموسيقيين من أبناء رفاعة. ومن غريب الصدف إني كنت حأنـزل كلمات الأغنية بمناسبة مئوية الأحفاد وأطلب من الأخوة إنزال الأغنية.
أيُّ صوتٍ زارَ بالأمس خيالي
طافَ بالقـلبِ وغـنـَّي للكمال
وأذاعَ الطهر في دنيا الجمال
وأشاعَ النور في جوف الليالي
إنه صوتي أنا
زاده العلم سناء
إنه صوتي أنا
إبنة النور أنا
أوَتدري من أنا ؟
أنا أم اليوم أسباب الهناء
أنا من دنياكمو أحلى المُـنـى
كل حبٍ في الورى رجَّـع حناني
كل نبعٍ دافـقٍ بالخير داني
من ينابيع يغذيها كياني
أنا نصفٌ قد حوى كل المعاني
من يدانيني أنا؟
إبنة النور أنا
يا شباب الغد أسمعني جوابا
يقـتـنـيه الجيل في الدنيا كتابا
إنَّ عزمي من فتاتي
مستمدٌ
فهي ذاتي
ومرآة لصفاتي
فطمئني يافتاتي
كل ما فات يـُـرتجى قد سلمنا من الزلل
فلنـَـعُـدْ
ولتـَـعُـدْ لنا فرحة العيد والأمل
فلنـَـعُـدْ
ولتـَـعُـدْ بنا سُـنـَّـة ُ الله في الأذل
سوف نرتـقي سلم المجد رقيا
ونفيض العلم ينبوعـاً رَوِيا
وننادي بتلاقينا سويا
لنشيد المجد صرحـاً أبديا
نحو سودان جديد
شوفي مفهوم السودان الجديد دا من زمان الناس تهاتي بيهو.
زمن.
أتمنى ما أكون نسيت حاجة من الأعنية.
تحياتي لتراث والجندروبة هبوية.
|
Post: #9
Title: Re: قومي من بدري و انه صوتي انا
Author: الجندرية
Date: 02-27-2007, 08:13 PM
Parent: #4
اسمعين يا ود بلدي
سلام واشواق كتيرة
وشكر اطنان على انزال كلمات اغنية الكابلي
رحم الله احمد علي جابر فقد احزنني خبر رحيله قبل اشهر
ولتبقى جليل اعماله خالدة في ذاكرة رفاعة والسودان باجمعه
توصل تحياتك لتراث وهبوية
انت ما جاي قريب ؟
|
Post: #5
Title: Re: قومي من بدري و انه صوتي انا
Author: Raja
Date: 02-27-2007, 05:04 PM
Parent: #1
أماني وضيوفها سلام..
نشيد "فتاة اليوم" بتاع كابلي عندي.. لكن يخربني ما بعرف بينزلوه كيف..
حأرسله بالإيميل لتمبس عشان يعمل اللازم
ودي
|
Post: #10
Title: Re: قومي من بدري و انه صوتي انا
Author: الجندرية
Date: 02-27-2007, 08:19 PM
Parent: #5
رجوية الهميمة
شفتي رجعتك كيف بتغير شكل البورد
شكراً كتير يا رجاء على الدعم
بس شايفة اخونا معاوية ما قصر
تسلمي
|
Post: #6
Title: Re: قومي من بدري و انه صوتي انا
Author: Moawia Mohammed
Date: 02-27-2007, 05:16 PM
Parent: #1
فتاة اليوم و الغد - عبد الكريم الكابلي
أي صـوت زار بالأمـس خيالـي
طـاف بالقلـب وغنـي للكمـال
وأذاع الطهـر فـي دنيـا الجمـال
وأشاع النور فـي سود الليالـي
إنه صوتـي أنـا إبنـة النـور أنـا
إنه صوتـي أنـا زاده العلـم سنـا
أوتــدري مـــن أنـــا
أنـا أم اليـوم أسـبـاب الهـنـاء
أنـا مـن دنياكم أحلـى المني
كل حب في الورى رجـع حنانـي
كـل نبـع دافـق بالخيـر دانـي
مـن ينابيـع يغذيـهـا كيـانـي
أنا نصـف قد حـوي كـل المعانـي
من يدانينـي أنـا ذادني العلم سنا
جنة الدنيا أنا ولنحقق كلنا
ما نرجي من مني نحو سودان سعيد
يا شبـاب الغـد اسمعنـي جوابـا
يقتنيه الجيـل فـي الدنيـا كتابـا
إن عـزمـي مـــن فـتـاتـي
مسـتـمـد فـهــي ذاتـــي
ومرآة لصفاتـي
فاطمئنـي يافتاتـي
كل ما فات يرتجى قد سلمنا من الزلل
فلنعد ولتعد بنا سنة الله فـي الأذل
فلنعد ولتعد لنا فرحة العيد والأمل
سوف نرقـي سلـم المجـد رقيـا
ونفيـض العلـم ينبوعـا رويــا
ثم ندعو لتلاقينا سـويــا
كي نربي النشء .... قويا
لنشيـد المجـد صـرحـا أبـديـا
|
Post: #11
Title: Re: قومي من بدري و انه صوتي انا
Author: الجندرية
Date: 02-27-2007, 08:25 PM
Parent: #1
اخونا معاوية
ما قصرت ما تقصر ايامك
شكر الآف ليوم الوقاف ( الحقوق محفوظة لدكتور بولا)
|
Post: #12
Title: Re: قومي من بدري و انه صوتي انا
Author: Hussein Mallasi
Date: 02-27-2007, 08:28 PM
Parent: #11
يا سلااااام على الكابلي ياخي.
|
Post: #13
Title: Re: قومي من بدري و انه صوتي انا
Author: الجندرية
Date: 02-27-2007, 08:28 PM
Parent: #1
لؤي العزيز
رسل لي الأغنيتن في المسنجر الداخلي
لكن غلبي ما احفظهم
يا ريت يا لولو
لو قومي من بدري هنا مع لنك الحفظ
ربنا يجازيك لانه مهما دعيت لي برضو ما بجازيك
ويا سلام على روح النفير
وهمتكم / ن
ربي يحفظ اسافير السودانيين/ ات
|
Post: #14
Title: Re: قومي من بدري و انه صوتي انا
Author: محمد عثمان
Date: 02-27-2007, 08:34 PM
Parent: #1
|
Post: #15
Title: Re: قومي من بدري و انه صوتي انا
Author: الجندرية
Date: 02-27-2007, 08:41 PM
Parent: #1
يا ملاسي
ويا سلاااااااااام على عركي برضو
وعلى ملهماتهم كمان
شكراً على الدخلة
|
Post: #16
Title: Re: قومي من بدري و انه صوتي انا
Author: الجندرية
Date: 02-27-2007, 08:46 PM
Parent: #1
يا محمد عثمان يا ولدي
نزل لينا لنك الحفظ ليها
وتكون ما قصرت ابداً
بالجد ولدي اسمه محمد عثمان
تسلم كتير
|
Post: #17
Title: Re: قومي من بدري و انه صوتي انا
Author: محمد عثمان
Date: 02-27-2007, 08:50 PM
Parent: #16
Quote: يا محمد عثمان يا ولدي
نزل لينا لنك الحفظ ليها
وتكون ما قصرت ابداً
بالجد ولدي اسمه محمد عثمان
تسلم كتير |
تسلمى ياا الجندرية
و ربنا يحفظ ليك ولدك..
لينك الحفظ تحت..
لينك للحفظ
|
Post: #18
Title: Re: قومي من بدري و انه صوتي انا
Author: الجندرية
Date: 02-27-2007, 09:08 PM
Parent: #1
تنجبر
ما قصرت وحاشاك
شكراً على الدعوات لحمودي ، ربنا يحفظ ويخلي لكل والد / ة
|
Post: #19
Title: Re: قومي من بدري و انه صوتي انا
Author: nourelhadi awad
Date: 02-27-2007, 09:29 PM
Parent: #1
شكلك الزهج خلاك
رجعت متحمي ومقطع زراير قميصي في فشوش
لمت فيك أم فريحانة ؟؟
وإنتو في اليمن قايمين بدري ماشين وين؟؟
وصوتك بتفتشيلو فيشان شنو المعنى.. راح منك واللا شنو؟؟
أم كلام !!!
_________________________________
معليش هرجت فيك ساااااااااي
قايل الليلة الأربعاء
عشان الأربعاء المرة دي جااااية عقاب شهر عديييييييييييل
كل سنة وأنت طيبة
نورالهادي
|
Post: #20
Title: Re: قومي من بدري و انه صوتي انا
Author: حبيب نورة
Date: 02-27-2007, 10:03 PM
Parent: #19
الجندرية
جيتك بيجاي
وكلي بقول
في زول هناك
قولة سلام
تبقالو روح!!!
|
Post: #21
Title: Re: قومي من بدري و انه صوتي انا
Author: tmbis
Date: 02-28-2007, 02:02 AM
Parent: #20
غايتو يا اماني أحين زولة بتطلعي الحاجات من الناس ..
كان بالأرهاب كان بي حنكك السنين ده
معاوية قام باللازم ..
رجــاء رسلت لي الملف على البريد ولقيت الشباب ما قصرو ..
في ملف مرفق فيهو تقرير عن تعليم البنات .. بصوت رجـاء العباسي قلت اجمل بيهو البوست ده من بعد إذن رجــاء طبعا..
|
Post: #26
Title: Re: قومي من بدري و انه صوتي انا
Author: الجندرية
Date: 03-01-2007, 08:14 AM
Parent: #21
لووووووووووول يا علاء
يعني طلعت زي ود قاسم وطلعني احسن زولة بعرف للشحدة
لكن عاد النصيحة ما بنكرها
هو الاسافير دي سعوها لشنو
ماشين نضبحها ولا فيها لبناً بنشرب
ما ياهو لجنس توفير المعلومات البتكون رايحة مننا
آي معاوية ما قصرت وكمان سمي ولدي محمد عثمان
بس ناقصنا متطوعة / متطوع ينزل لينا كلمات قومي من بدري
لوووووووووول
شفت قوة العين في الشحدة دي قدر كيف ؟
عاين نزل لي لنك الحفظ لتقرير رجاء ، وشكراً كتير انك نزلتو لينا هنا
|
Post: #24
Title: Re: قومي من بدري و انه صوتي انا
Author: الجندرية
Date: 03-01-2007, 07:55 AM
Parent: #20
اهلالالالالالالالان بحبيب نورة
حبابك الف يا حبيبها
جيتك بيجاي
وكان عُقب كمان جيت بهناك وشايل معاك صور ولا سير الرائدات
بتوسط ليك عند نوره واخليها ترضيك لمن تمسح بوست ( النسوان ديل الله ينتقم منهن )
انا طبعاً ما دخلت خوفة ساكت من لعنة العنوان
لكن بمني نفسي انه يكون عنوان مغاير لموضوع البوست
|
Post: #22
Title: Re: قومي من بدري و انه صوتي انا
Author: الجندرية
Date: 02-28-2007, 02:32 PM
Parent: #19
نور الهادي ازيك
آآآآي لصوتي رايح مني
لي اربعة سنين في البورد دا انبح الجندر الجندر
الما بروح صوتي شنو نان
غايتو ترا
والله يستر من روحت الروح
قت ليك
كنت داير ادخل تاني في بوست عماد واتونس معاك عن اربعاة فرعون
علا خفت من عماد ساااااااكت
والله بس اتخيلت ليك روحنا انا وانت جارين العناقريب في حوشه
وهو جاي بشنبو الكبير دا لابس ليه عراقي وسروال اللات دمورية
وجاري عكاز مضبب ، وكت شق عناقريبنا ونحن مدوريييييييييييين الونسة
فرعون وما فرعون
قنت ليك وقال: مسخ الضيف ان بات وقيل وقال حماري راح
وعاد أربعاة الله يكفنا شرها
هلال ماهيتها ما بين ليه طلوع
شكرن يا نور
|
Post: #25
Title: Re: قومي من بدري و انه صوتي انا
Author: nourelhadi awad
Date: 03-01-2007, 08:10 AM
Parent: #22
النبي كان تخشي
ياخ أهرجي
وفتيهو فت
أوعك لاتخافي
عماد دا هرشة سااااي
أها عملتي شنو في صوتك الرائح منك
وصيتي ليك أسعي القرض
واللا أقولك صوتك دايرا بيهو شنو
البركة في القلتيو
خليك صايلنت أحسن
وسارقي النضم مسارقا
|
Post: #28
Title: Re: قومي من بدري و انه صوتي انا
Author: الجندرية
Date: 03-01-2007, 08:45 AM
Parent: #25
سمح آ نور الهادي
على اول ما نخلص من الاحتفال
بجي بهناك ، وبدرق بيك من عكاز عماد
جر العناقريب على ضل الشاتي
|
Post: #23
Title: Re: قومي من بدري و انه صوتي انا
Author: Yasir Elsharif
Date: 02-28-2007, 05:37 PM
Parent: #1
سلامات يا أماني والسلام موصول لتراث والأسرة..
أغنية خالدة وكلمات عجيبة..
شكرا للأخ إسماعيل التاج لإثبات النص المكتوب.. لاحظت خطأ طباعي صغير في هذا البيت
فلنعد ولتعد بنا سنة الله فـي الأذل
والصحيح طبعا "في الأزل"
|
Post: #27
Title: Re: قومي من بدري و انه صوتي انا
Author: الجندرية
Date: 03-01-2007, 08:32 AM
Parent: #23
دكتور ياسر
سلام
اخونا اسماعيل ذكر بانه ينزل هذا النص من الذاكرة
واخونا معاوية قام بانزال الأغنية والنص مكتوب
وستجد فروقات بين النصين
ولكن تصوبك لمفردة الآزل يشملهما
شكراً على المشاركة وعلى التصويب
|
|