Post: #3 Title: Re: كل من تسول له نفسه / ها Author: ودقاسم Date: 05-25-2006, 03:49 AM Parent: #2
أساسي هي شعرة من .............................. اللينك مضرو ب يضربك الضريب ..
Post: #6 Title: Re: كل من تسول له نفسه / ها Author: اساسي Date: 05-25-2006, 03:54 AM Parent: #3
...شنب الاسد !!
خلاص في نقطة تحت اللنك
اتحرفن عليها ...واترفق بها
كما لا يفعل بك شقاق العناقريب
Post: #8 Title: Re: كل من تسول له نفسه / ها Author: الجندرية Date: 05-25-2006, 04:03 AM Parent: #3
ود قاسم ازيك
يا ابوي اللنك شديد ولضيض
سمعناوحفظنا ودعينا ليهو ما عليهو
كدي اعمل رفرش الريل بلير
Post: #7 Title: Re: كل من تسول له نفسه / ها Author: الجندرية Date: 05-25-2006, 03:56 AM Parent: #2
يا اساسي
انت تحديد من الناس الطلبنا عفوهم
ياخ والله ما قصرت خالص
عماد دا غناااااااااااااي والمخضوب بنانك من الغنا البطير الزهجات
تسلم كتير
Post: #4 Title: Re: كل من تسول له نفسه / ها Author: ABUHUSSEIN Date: 05-25-2006, 03:52 AM Parent: #1
الجـنـدرية كيف حالك
ما ممكن يا بت الناس الواحد إغيب منك سنين و إرجع إلقاك لسه في الملح
و بعدين جهازك دا قدر شنو علشان تنزلي فيه كل الغناء دا ؟؟؟؟؟
Post: #12 Title: Re: كل من تسول له نفسه / ها Author: الجندرية Date: 05-25-2006, 12:00 PM Parent: #4
ابو التيمان ازيك شوق السنين والجابك يجيب بت قضيم
اول شئ الملح دا نافعنا من الهبوط العلينا دا كان ختيناهو كان تااااااااخ انخبتنا في شارع الله على وشوشنا قول نوح يا قارئ اللوح
بعدين جهازي البجيهو شنو ؟ النصارى الخلوهم للبصارة مش عملوا السي دي رايتر ؟ الله يخليهم لينا ياخ وهسع دي اجعص محل سيدهات ما عندو العندنا
Post: #5 Title: Re: كل من تسول له نفسه / ها Author: قرشـــو Date: 05-25-2006, 03:54 AM Parent: #1
Quote: أن تـ / ينزل اغنية حلوة بدون انزال لكن الحفظ ولا تـ/يخت لينا لنك مضروب
الجندرية
يسعد صباحك يا ستى
وكمان بالله يخلي لينا الاغنية على أنظمة متعددة لانه نظام البلير ده ما شغال عندنا
والا انا بتضامن معاك
وانا قريييييييييييييييب من مكة
ولا عذر لمن انذر/ت
Post: #10 Title: Re: كل من تسول له نفسه / ها Author: tmbis Date: 05-25-2006, 05:33 AM Parent: #5
Quote: أن تـ / ينزل اغنية حلوة بدون انزال لكن الحفظ ولا تـ/يخت لينا لنك مضروب
.. والله نحن التهديد ما بيمشي فينا .. لو بترهبو زي ناس اساسي ولؤي ومنو ومنو ما عارف .. والواحد يجي يخت لنك الحفظ قبال ما يجهز الاغنية .. نحــن ما بنتهرش لي أي زول/ووولة هنا ..
Post: #22 Title: Re: كل من تسول له نفسه / ها Author: الجندرية Date: 05-26-2006, 12:12 PM Parent: #10
Quote: والله نحن التهديد ما بيمشي فينا .. لو بترهبو زي ناس اساسي ولؤي ومنو ومنو ما عارف .. والواحد يجي يخت لنك الحفظ قبال ما يجهز الاغنية .. نحــن ما بنتهرش لي أي زول/ووولة هنا ..
انت يا علاء اقعد ادلع واتبطر كويييس ما عارف روحك ود المصارين البيض عاد مافي زول بقدر يدعي عليك
اتذكرت خالتي ، كان عندها ولد وااااااحد ، لما تجي تضربو ، بتدقو بسير الحجاب طبعاً معظم حجابات الكبار السير بتعاها بتكون فيه كم عقدة كدة ، أها هي بتكون بتضرب وتسلكب : اوب علي .. سجم امي العقدة العقدة اها هسي اقعد ادعي بصوت عالي وبصوت واضي اقول يبرى ويستبري ولا الحل كيف ؟
عاين بالجد كدا عملت بالرايت كلك على تنقو ، لكن الاغنية ابت تتحفظ ، وفي السمع بتقطع بتقطع ونحن دار الفرح الريد دا ما بنقدر على دفيرها دا
اتصلح معانا يا ولدي ربنا يصلح حالك
Post: #23 Title: Re: كل من تسول له نفسه / ها Author: tmbis Date: 05-29-2006, 05:40 AM Parent: #22
اماني يا منقة ..
Quote: بتدقو بسير الحجاب
كتلتو لينا قلبنا بي سير حجابكم دهـ والواحد كلما يجي يتغاتت بلاي ( لنك الحفظ ) براهو بنزل .. بعدين ياكيشة مفترض لقيتي ( عمك تنقو ) تقعي فيهو دبل كلك .. وتضربيهو بي ( شدك ومنعك ) نانو يوم الخميس الفات ده عمل فيني عملية النجار ما يعمله في الخشب تجي تقولي لي عملت ليهو رايت كلك .. الناعمه دي ؟؟ اضربيهو دبل كلك .. والله يمشي معاك زي الترتيب..
Quote: شكوى جاااااهزة للعزيزة الجندرية
اهــا امسكي دي .. غــادة عبد العزيز خالد .. وجـــع الفراق .. واستحـــالة العودة .. بعد كدا دهـ بقى ارهاب راسو عديل.. علشان كدا ح نفتح نفاج هنــا.. نسمع ونجي حصة التحفيظ بي هنا وح ننزل اعلان بي هناك برضو
Post: #16 Title: Re: كل من تسول له نفسه / ها Author: الجندرية Date: 05-26-2006, 02:45 AM Parent: #5
Quote: وكمان بالله يخلي لينا الاغنية على أنظمة متعددة لانه نظام البلير ده ما شغال عندنا
يا عمدة عاد انت كانت اضامنت الناس دي الله ساكت يتلطف بيها
جننننننننب الكعبة
والله احسن ليكم /ن ، ما تسمعوا حركات تمبس دي وبتتهرشوا / ن ما بتتهرشوا/ن الخواف ربى عيالوا
لووووووووووووول
Post: #9 Title: Re: كل من تسول له نفسه / ها Author: لؤى Date: 05-25-2006, 05:20 AM Parent: #1
الجّندريّة سلامات
يا جماعة هسّه أنا سوّيت شنو ؟؟ أنا ما أيّ أغنية أخُتّها هنا قاعد أجي راجع أخُت اللينك بتاع الحفظ وراها طوّالي .. لكن من يوم هشام يا زول بقى يرفع أغاني أنا بتكون القصّة طارت لي في راسي ..
فأبعدوا لينا هشام شيخ الدّين دا من الغُنا عشان راسنا يستعدل ..
وردّيت عليك يا الجندريّة في بوست أبو ساندرا ، ودا ردّي عليك ( Re: مطلوب رفقة حسنة ) ..
ـــــــــــــــ انا في البعيـد مشتـاق لهمسة من الوطن يـا نسمة [email protected]
Post: #11 Title: Re: كل من تسول له نفسه / ها Author: Muna Khugali Date: 05-25-2006, 09:57 AM Parent: #9
أنتي تمام يا أمـاني...
مـني
Post: #13 Title: Re: كل من تسول له نفسه / ها Author: أبو ساندرا Date: 05-25-2006, 12:36 PM Parent: #1
أساسي : ---------- يا داقس ، ودقاسم لو كان عايز الشعرة من شنب الأسد كان كتبها عديل وما إتلبد خلف النقط مقدر محاولتك في ستر الخال والتستر عليه
ودقاسم : ---------- خليك دغري وواضح ووضح عايز الشعرة من وين من أي حتة في ألاسد قولها وأطلق ساقيك للريح
الجندرية : ----------- دعوتك مستاجبة لذا أدعي لنا لا علينا أن يوفق الله لؤي ويضع لينا أغنية { كلمة منك حلوة } بصوت عثمان حسين و محمد الحويج كاسرة فيني ضلعة والإهداء لك
لؤي : ----- مقدرين جهدك وعنايتك بالتوثيق ودومآ انت بنا حفي و وفي { كمل جميلك كملو } وابذل جهد وفتش لي عليها بالحيل بدوره بي صوت عثمان و الحويج
Post: #14 Title: Re: كل من تسول له نفسه / ها Author: Omayma Alfargony Date: 05-25-2006, 12:45 PM Parent: #13
Quote: كل من تسول له نفسه / ها
ههههههههه
الاخت الجندرية
والله عنوانك خت فينا جنس رهبة!!!.
أتخيلتك شايله قلمك حسام وبندقية وكده..
وقلت الليلة كر على اعضاء المنبر وكل من تسول له نفسه/ها.
قولى لى أنا هسى الدخلنى شنو؟
عملتا بمبدأ
خير وسيلة للتخلص من الخوف هي مواجهته
محبتى.
Post: #15 Title: Re: كل من تسول له نفسه / ها Author: عشة بت فاطنة Date: 05-25-2006, 02:28 PM Parent: #14
Quote: أن تـ / ينزل اغنية حلوة بدون انزال لكن الحفظ ولا تـ/يخت لينا لنك مضروب
غايتو أنا بسمع وبلم اللنكات كان تحدرو ولا كان ما تحدروا
Post: #17 Title: Re: كل من تسول له نفسه / ها Author: عبدالكريم الامين احمد Date: 05-26-2006, 03:16 AM
Quote: الله...يا عباسية ياخي يديك العافية... انت عارف الكلام ده بخلي الواحد يشتري كلاشنكوف ويجي يعمل ليك ارهاب ويقلع لنك الحفظ... ياخ ده كلام عجيب...
ولو ما نفع (الكلاش) نوسط ليك (تمساح)...
والله يا جندرية الا تسوي معاهم زي ده الناس ديل
Post: #18 Title: Re: كل من تسول له نفسه / ها Author: طيفور Date: 05-26-2006, 04:04 AM Parent: #1
العزيزة اماني.. وضيوفها الكرام
صبحكم الله بالخير
غايتو يا اماني علوانك دا جابني من الخور وقت الليله دي ما حاصلت حتكون شكلة مدنكلة بي عكاكيزا طفنقي وعجاج للركب
لقيتك زي ما اتعودت
غايتو نقول شنو كتلتي حيلنا ياخ وبوظطي علينا الرصة
هسي عوكازي الضببتو دا افرتكو في راس منو؟؟
تحياتي لعثمان والوليدات
Post: #19 Title: Re: كل من تسول له نفسه / ها Author: saif massad ali Date: 05-26-2006, 05:13 AM Parent: #18
الجندريه
الله عالم وشاهد كم مره احاول ادخل هنا العنوان دي يهرشني اكب الزوغة , الليلة غمضت عيوني دخلت لقيت البوست زينا زين
عنوان البوست علا حرابة عديل
Post: #20 Title: Re: كل من تسول له نفسه / ها Author: Asma Abdel Halim Date: 05-26-2006, 05:34 AM Parent: #19
الجندرية لى كم يوم بتحاشى فى البوست ده لكن تانى أفنعت نفسى إنه الجندرية ما بتاعة كدة شكراً على الاغنية والتهديد الذى أتى أكله
Post: #21 Title: Re: كل من تسول له نفسه / ها Author: ديامي Date: 05-26-2006, 09:11 AM Parent: #20
نفسي سولت لي اسمع غنا طاعم واحفظو ممكن ؟؟؟؟؟؟؟
Post: #24 Title: Re: كل من تسول له نفسه / ها Author: زول ساكت Date: 05-29-2006, 08:16 AM Parent: #21
الحته دي خطر
انا متخارج
Post: #25 Title: Re: كل من تسول له نفسه / ها Author: نادية عثمان Date: 05-29-2006, 06:25 PM Parent: #24
امانى
ان شاء الله ماعدمناك ابدا يا عسللى
قولى اميييييييييييييين !
Post: #26 Title: Re: كل من تسول له نفسه / ها Author: الجندرية Date: 06-05-2006, 04:08 PM Parent: #1
اها بعد ما كشف لي اخونا وروروك السر وكيفية التحايل على غتاته الناس الغتيتة تاني البتسول ليه والما بتسول ليه ، ما لي شغلة بيه
..
