انتن الرجال ديل جنو

راجية متييييييييين كاس العالم دا يبدأ
عشان اعلن ساعة الصفر ونعمل انقلاب ونعلن دولة النساء في البورد
كل لحظة اتاوق للناس الاون لاين
حلفوا ما يمشوا يشوفوا الكورة

شكيت صالح الكامل على الله كان بوظ لي مخططي

المتواجدون الان بالمنبر العام 390 شخص » (36 )عضو و (354) زائرا

»ABDELMAGID ABDELMAGID
»abubakr
»Abureesh
»Adrob wad Elkhatib
»ahmed akasha
»Deng
»garjah
»ghariba
»Hassan M Saeed
»Hatim Salih
»Mohammed Ahmed Saeed
»Muna Khugali
»nadus2000
»PLAYER
»SARA ISSA
»Shams eldin Alsanosi
»Shao Dorsheed
»sheba
»Sobajo
»taha
»أحمد
»ابراهيم بقال سراج
»ابوعسل السيد احمد
»الجندرية
»انعام عبد الحفيظ
»سجيمان
»سفيان بشير نابرى
»عبد اللطيف بكري أحمد
»عبد الله عقيد
»عصام أحمد
»فيصل نوبي
»قاسم المهداوى
»كوليل
»محمد عكاشة
»مزاحم الضوي
»نادية عثمان

الجندرية
سلامات
مودتى وتقديرى

محمد عكاشة

سلامات

وانت مالك يا اخوي مابتشوف في الكورة

هبوية بتي متااااااااابعة

شكلها كدي والله اعلم نجت من التنميط الجندري ( حق السودانيين )
على الاقل من اثره بتاع الرياضة دا

عشم ...الجنادرة

...
...

قال تقلبه
الحمدالله الباظ الممخطط
كنتي عج
ابزة تعملي شنو؟؟
ادينا عينة من البرناج [قال تقلبة !!
اقلب صفحتي كان عندك برنامج
الجندرة المقابل الحر][/PURPLE]

حذف لخطأ تقني
بصراحة غلبني اعمل الاقتباس
بنزلو تاني تحت

السني سلامات

Quote: اقلب صفحتي كان عندك برنامج

والله عندي كترة برامج ( شي مكوة ، وشغل نظافة مطبخ وطبيخ في عضمو ، وقراية ، وردود مسئولة في بوستات مسئولة بتستاهل عناء التفكير قبل الرد ) لكن الحركة بتاعتي دي ياها لو كترت عليك الهموم ادمدم نوم

النوم زااااااااتو طار بقينا في مصاقرة البورد

هسي في حر اكتر من كدي تقابلة الجندرة
الله يقطع التنميط وتقسيم العمل في مجتمعاتنا

دا البرنامج الشخصي

لكن نديك * نموذج من برنامج دولة النساء الطرقشتو لينا دا برضو
واقرأ واحكم مش مفروض اقاضي صالح الكامل لافشال المخطط ؟

Quote: تستحضركَ العين ترفعها صوب جارك، تمسح نافذة كانت الجارة القزحية، ترعى ملابسها في الحبال، تعد خراف الحرارة، كي يرحل الماء من ملاءتها الهادلة. تبحث عن جارة لا تنام، تمد الحبال قبيل ذهاب الصغار، بعد ازدهار الضياء على جُبَّة الفجر، ترقبها، تتعثر أنت على سطحها، وهي لا تتحرك أكثر مما تحركُ عينيكَ، لا أملاً في البقاء، ولا يأس فيما تبقى من الذكريات. تجردك الأغنيات اللواتي سمعتَ بها ليل ذاك القتيل المبارك، تفزع صوب الشوارع تبحث عنِ امرأةٍ تنشر الحبل قبل الغسيل، لتنسى البلل. نسيت الملابس، نسيت المياه التي انتبهت للغسيل، نسيت المطهِّر يدعك أوساخهم في الضحى، نسيت عيونك إذ تتعلق في امرأة تنشر الصبح من يدها، تتحسس فيكَ انتباه التشبث في صدرها، والمياه تبلل قفطانها، وهي في سدرة الأمن، لم تدر أنكَ تغسل وحشتها في البكور. مرعب أن تغيب النساء عن النشر، وأنت الذي تتشهى الصباح لتبلغ نافذة الجار، ترقب أي النساء ستنشر أفراسها في الرياح، وأي الحبال ستشقى. سافر الآن المدينة فكت حصار النساء، وحبل الصباح تشظى على السور، وحدك تطرق هذا الجدار، يمد لك الدم حبلاً لمشنقة الوقت، تغسل وحدتك القلب، تنشره لحظة قاحلة، سيشربك الصبح أعمى، ستحصي عيونك في شاسع الشمس، ولن تتغرب إلا على الريح يا أول الغفلة السانحة. النساء اللواتي نشرن الغسيل بصبح، أمَتْنَ الملابس قبل الغسيل، ومُتْنَ. محمد الحميد

عاين النبي ترجم لي الجزء دا من كلامك

Quote: كنتي عج ابزة تعملي شنو؟؟

الحكاية شكلها قفلت بي بلادة كمان

* النموذج دا مدتني بيه الغالية تماضر ( يمدها رب العالمين بجنود منجدة من عندو وينصرها وين ما تخت كراعها ) من موقع مدد ، دعماً لعدادتي في معركة المهام الجندرية المذكورة اعلاه

الجندرية سلامات

Quote: راجية متييييييييين كاس العالم دا يبدأ عشان اعلن ساعة الصفر ونعمل انقلاب ونعلن دولة النساء في البورد

قاعدين في المنبر وبنشاهد في كاس العالم
عين هنا وعين هناك
عاملين حسابنا للحاجات الزي دي..
لو عايزات تعملن انقلاب
خططن ليهو في (كأس العالم لكرة القدم النسائية)
اوعد راجل واحد تلقي حايم بي هنا مافي..
.........

لك خالص تقديري

عبد الله عقيد
حبابك

Quote: قاعدين في المنبر وبنشاهد في كاس العالم عين هنا وعين هناك عاملين حسابنا للحاجات الزي دي.. لو عايزات تعملن انقلاب

يعني عاملين لي فيها مقفلين الكباري

والله يوم نفاجئكم وادوات الانقلاب تمرق من تحت السراير

طبعاً جنس الامور دي بيناتنا في فجوة جندرية كبيرة جداً
لكن نحن لها ، وسنعمل على ردمها
ويومها واضاتكم اصبحت

لكن انت احتمال بعد ما فكرت في موعد بديل (كاس العالم للنساء)
امكن نعينك خبير اجنبي ولا اي حاجة كدا

الجندرية .......

والله عين فى الكورة وعين فى البورد

صالح كامل برة منو السنة دى انحنا

كــان ليك ..
..
نحن عاملين استنســاخ ..
باص وورد .. للكورة .. والتاني لكاس العالم

..

تمبس
احسن ليك الاستنساخ دا ما تجيب سيرتو

وكان لي ؟!!

من سواد ختوتكم ا لخطة فشلت
هسي كان غرتك لي صرتك
شئ شعر من اللي قلبك يحبو
شئ غناء بنات العينة البترقص الحيطة

وشي كلام في الاجتماع ، وفي السياسة
وبورد خالي من العنف الفظي واللعب الخشن

كوليل

Quote: والله عين فى الكورة وعين فى البورد

ياتها الجنة وياتها النار ؟
لووووووووووول

قت لي فلت من صالح الكامل

والله حقو تضبح
نجض الخلق نجاض

الملك

لو بطلنا نحلم نموت

مش صاحبك برضو قال كدا

بالجد مالك ما بتشوف الكورة ؟

أنا مقاطع كأس العالم

...
...
نسبة لإنشغال الكثيرين بى مجرياته عشان الزول يأخد راحتو
...
...

أنا الكورة ما بريدها . لكن (بشيل حديد) بس..



يعني أهو رياضة والسلام .



تحياتي


عصام

الجنـدريـة،

كأس العالم فى بكين (الصين) عام 2008
لســه عندك وكت للتخطيـط.. لكن نصيحـة، ما دام الخطـة اتكشفت حقو تشـوفى البدائل!

وشكـرا.

شكيت صالح الكامل على الله كان بوظ لي مخططي

دعوة صادقة

الجندرية باركى لينا.. انقلتره غلبت باراقواى واحد.. صفر

لا جنو ولا حاجة

قاعدين يتفرجو الكورة فى الكمبيوتر، وهذا هو الدليل:

http://www.soccertv.com/wc-us.cfm

لا جنو ولا حاجة

قاعدين يتفرجو الكورة فى الكمبيوتر، وهذا هو الدليل:

http://www.soccertv.com/wc-us.cfm

الجن درية!
عندى قريبى ساكن فى احدى قرى السعودية النائية لا فيها استاد لا سوق والله اريال التلفزيون رأسى ما افقى يعنى التلفزيون الشاشة زى قميص تحرمنى منك دا قبال ما تجى الفضيات اها قريبى مصاقر مرتو كيو يو ما يتفارقو لمن بقوا بشبهوا بعض لو جابوا لعبة لى اطفالهم يقعدوا يلعبوا بيها هم ويكملوا ليهم حجرين بطارية. وجيرانهم بدو لا تزورهم لا يزوروك!
قلت لى مرتو هسة الراجل دا كان شاكلك الا تشكيهو لى الله! البقعدك فى البلد دى شنو العبلانج كان ربطوا فيها يقطع السلسلة!
هسة يا الجندرية تحمدوا الله عندكم تلفزيون وكمبيوتر ورسيفر وراديو وبوتجاز كمان!
جنى

الجندرية ...

والله مبسوط منك ومتكيف حد الكيف ما يكون
وكايس لي فرقه اقوليك الكلام ده ومن لقيت
نفسي بين (الرُجال) الموعدين بالانقلاب
قلت خلاس النوريها ...
ياخ كتابة كتابة ودغرية وهنا بالغتناالعادية بنقول (اصليه عديل كده)

اما يا الجندرية بخصوص كاس العالم فاقول :-
نحن في السودان نعلن أفلاسنا...

مع الاعتزار للاغنية والشاعر والمغني العظيم، وكامل الاعتزار للوطن.

غايتو شايلاهو الارجنتين .

Quote: راجية متييييييييين كاس العالم دا يبدأ عشان اعلن ساعة الصفر ونعمل انقلاب ونعلن دولة النساء في البورد كل لحظة اتاوق للناس الاون لاين حلفوا ما يمشوا يشوفوا الكورة شكيت صالح الكامل على الله كان بوظ لي مخططي

يعني النسوان مابشوفوا الكورة ولا شنو !!!



أنا ماشه أحضر مباراة الأرجنتين وساح العاج بعد ساعه , أوعكن تعملن انقلاب من وراي قبل ما أرجع

صدقا لحديثك مرقت الشارع اتمشى القى ليك الشارع ملان رجال اتمشوا
حتى في سري قت ديل مالن بتجاروا ببرى على قولك جن عديل بس اخير
من الاندراوة تماضر ابى افتح اللنك

الجندرية ..

ما تخافي بعد دا لسه في إحتمال الإنقلاب ينجح
ونمسك (سدة الحكم)
لأنهم شغالين بنص إنتباه
عين في الكاس وعين في الناس
بس خليها تسخن حبة ..

الجندرية

سلام وود

عارفه كلام تيسير ده صاح

Quote: ما تخافي بعد دا لسه في إحتمال الإنقلاب ينجح ونمسك (سدة الحكم) لأنهم شغالين بنص إنتباه عين في الكاس وعين في الناس بس خليها تسخن حبة ..

بس احسن مفاوضاتنا تبدأ من هسه لقسمة السلطة والثروة

وانا عايزة نائبة الرئيسة











مودتي واحترامي

يا جماعة الكورة كم كم ؟؟

ـــــــــــــــــــــــــــــ

أنا في البعيـد مشتـاق لهمسة من الوطن يـا نسمة
[email protected]

معليش

شوته بره الملعب

لؤي . في وجه شبه غريب بين بريدك الإلكتروني والبيانو الفوق ليهو ده!!

يكون من الإمات الكتيرة وللا شنو؟


تحياتي

عصام

الجندريّة سلام
وأسمحي لي

يا عصام والله البيانو أصبح جزء من الرّوح ، والواحد بقى حتّى في كلامُه يتكلّم زيُّه !!





ما ورّيتونا نتيجة الكورة

ـــــــــــــــــــــــــــــ

أنا في البعيـد مشتـاق لهمسة من الوطن يـا نسمة
[email protected]

الجندرية بالله لما تحين ساعة الصفر

قولي لينا عوووك

جاهزييين

Quote: وبورد خالي من العنف الفظي واللعب الخشن

اخرجى ياعين ياعنية.......واتوهطى يا الجندرية.

الجندرية
ياتو يوم الرجال اتصرفوا حسب توقعاتنا. ديل نحن المساكين المبرمجات for predictability
أمرقى على الكورة أنا المابعرف بشوتوها بى ياتو كراع عاينت قبل شوية لساحل العاج والأرجنتين ايمان رحمن بس عزف موسيقى.
بعدين الرجال ديل ام جركم البتاكل خريفين هسة كان فى لعبة فيها بنات سمحات يبفوا أسيادها.
أسمعى كلامى قلت ليك امرقى على الكورة دى.

عزيزتنا الجندرية

تذكرت عند قراءتي ما تكتُبين ،
أن هنالك كُرة أخرى غير ما يُحب العَامة ،
وأنقل لكِ بعضاً مما كتبت :

الاستسلام النبيل

على قيثارة الهوى تجمعت الأحلام ، و تخمَّرت في عطرٍ زيتي ثقيل .
من برعمٍ على خاصرة فرعٍ نبتت زهرة عشق .. كانت الأولى .
تمزَّقت الشرنقة وخرجت العاطفة إلى طفولتها تحبو بين البراءة وأطياف الدهشة .
هذا الملمس الناعم للنفس لم أتعوده وتلك الكُرة الليِّنة لم أتعوّد مُحادثتها همسا .

.........

ثم نَسكُت عن الكلام المُباح .

امانى
سلام
القصة ما محتاجة انقلاب و لا حاجة , موش البورد ده؟ متنازلين ليكن منو لحدى كاس العالم ينتهى, الرجال القاعدين اونلاين ديل يا اما "اميين" كورة او "مثقفين" زيادة من اللزوم او نظام "سهر النسوان و لا نومن"

بعد كاس العالم يخلص رجعو لينا بوردينا بتاع الرجالة ده بى شكلو و عواليقو و كلامو الفاضي و مغتغت و خمج و حتى تمبس و خدر رجعوهم لينا ...

تحت شعار

نحو عالم خالى من الجندريات

"الجندرية بالله لما تحين ساعة الصفر

قولي لينا عوووك

جاهزييين"



غايتـو إذا دى طريقـة إتصالاتكن، ياكن المسكتو الحكومـة.


الجندريـة،
قلت ليك ركزى على بكين، دى طرشقت.. بس ما تكشفوا الخطـة تانى.

انا المجيرنى عداوة النسوان لكرة القدم
ما قادرين يصلوا للسحر الفى الكورة
انا محاصر بالزوجة والبنات ما تجى مناسبة الا يسخروا من الكورة واهتمامى بالكورة
الشهر دا ادونا حافز كدا فى الشغل نفسى فى الكورة وداير ادفع الاشتراك بتاع الا ى ار تى الف وتلاتمية درهم خفتا من النقة وانت بتحب نفسك
قهمتا نفسى الامارة دى ومشيت اشتريت كاميرا فيديو رشوة للجماعة
لكن برضو سارة كل يوم فى سؤالا الما قادر اجاوب عليهو
يابابا انت هسا الكورة دى بتستفيد منها شنو؟
بستفيد بستفيد وما اقدر اكمل اها انا سايب ليكم البيت والتلفزيون وماشى القهوة
انا مستنى مصطفى دا يكبر شوية ويسهم معى فى الوقوف ضد اعداء كرة القدم

Quote: انا مستنى مصطفى دا يكبر شوية ويسهم معى فى الوقوف ضد اعداء كرة القدم

قال أحد اباطرة الأغاريق لابنه انااحكم أثينا واثينا تحكم اليونان و اليونان تحكم العالم وأمك تحكمنى وانت تحكم أمك اذا انت أقوى رجل فى العالم!
مصطفى أدها وأدوود!
جنى

العزيزه

اماني

اخبارك

دخلت ويدي في قلبي

قلت اماني الليله ماله ...

ما عوايده الزعيق...

اتاري الكوره ...

يا اماني انا اتكيفت ليك كيف امبارح من ماتش الانجليز اتبهدلوا بهدله

وفي النهايه طلعوا بفرد هدف وامام فريق متواضع كمان غايتوا الالمان فرحوا فرحه وشمتوا فيهم شماته...
ولا السويدين ماتوا عديل وما جبوا ليهم ولا هديف ...
انا عاوزه اقول شنوا
اعملي انقلاب وامسكي الرموت كنترول
ولا تمسكي البورددا..؟؟؟
يعني باختصار كده ضل كوره ولا ضل بورد

والحسنه في البورداب اخير منها الانقلاب



محبتي

سلامات جندرية

أنا أتخلعت من العنوان

إفتكرت أنتن من

نتن

قلت الجندرية مالها ومال الجماعة

لكن الحمد لله السمعنا صوتك

فليك مدة ما باينة

الكورة نحن ما ناسها ناس رياضات تانية

ولو إتفرجناها بالدس ومجبرين

بعدين

مرة فى مباريات كاس العالم فى الثمانينات

أذكر كنا قاعدين نتفرج العصير مع أصحابنا

فجأة واحد من المهاجمين حاور كمية من المدافعين

وجاب قون : الجماعة كلهم نطوا وصراخ إلا أنا طبعا

بعد ما هدأوا علقت بأنه هذا زى لعبى زمان

فنظر إلى كلهم باستغراب

فتميت الكلام ب : لمن كان بيلفونى كدا

فى

الجندريه سلام
امانه ما بريد الكوره وبصنقر ليها الا المغسه كاتلاني المره دي مرقنا في بلد طيرها عجمي الكوره الا تصحي ليها تلاته صباحا اها فاتتني ساحل العاج والارجنتين.
الانجليز ما قدموا عرض كويس ياعادل عثمان مع انهم لاعبين بي بكهام واون . براغواي ما عندهم اي هداف وبي دا كلو قدروا يمسكو الانجليز وتنتهي المباره بعرض ضعيف واحد صفر لانجلترا . وجعي الما شفتا الارجنتين وساحل العاج اكيد بتكون كوره صح

الجندرية

سلام وتحية

تعرفى يا ستى فى الغربة النسوان بقوا مجانين كورة اكثر من الرجال وانا كنت قايل نفسى الوحيد المتميز بعدم انصياعى لاغراء الكورة وكنت ناوى اكتب بوست بالمعنى ده لانى لاول مرة القى نفسى متميز بشىء وقد يراه الاخرون منقصة وهو عدم ميولى الكروية لدرجة اننى حينما اجد كورة فى التلفزيون بغير القناة ولن تصدقى اننى مشترك فى الايه ار تى وكنت يوم الافتتاح بفتش فى قنوات الرياضة لاجد حفل الافتتاح ولكنى احبطت فكل ما افتح قناة القى كورة انا ما عارف هم لاعبين كم مبارة فى ذات الوقت ..
المهم يا ستى اخوك صفر فى الكورة وما بشاهد اى مباريات ومريح دماغى تماما ( كما يقول اخوتنا) ومن عجب شايف الناس ما عندها شغلة الايام دى غير مباريات كأس العالم لدرجة ان الشوارع تكون خالية تماما من المارة اوقات المباريات ...


لك التحية الغير كروية يا ستى

Quote: لا جنو ولا حاجة قاعدين يتفرجو الكورة فى الكمبيوتر، وهذا هو الدليل: http://www.soccertv.com/wc-us.cfm

الجندرية شوفتي تماضر دي تفتيحة كيف

العزيزة الجندرية

سلامات

تعرفى,
عندى واحدة صاحبتى
بتظبت المنبة
مخصصصوص
عشان تحضر المباريات
و انا طبغا كنت بقزل ليها
انتن النسوان
ديل جنن و لا شنو؟

خالص التحايا

غادة

أماني العزيزة
سلامات
والله موضوع كاس العالم ده حيرنا، وانا في النهاية قررت أتابعه عشان أريح نفسي
كمان بشجع ألمانيا كان ما عاجبكن.

عصام جبرالله، قلت لي:

Quote: القصة ما محتاجة انقلاب و لا حاجة , موش البورد ده؟ متنازلين ليكن منو لحدى كاس العالم ينتهى,

طبعا ده كله عشان نخلي ليكم الريموت. لكن برضو ما بنسيبه.

هاكم التحذيرات دي وصلتني بالإيميل قبال شهرين: وباختصار كده مضمونا يانسوان العالم لا بيننا لا بينكن ايام كاس العالم

Quote: From all men of the world to all women of the world List Of Rules. 1. From 9 June to 9 July 2006, you should read the sports section of the newspaper so that you are aware of what is going on regarding the World Cup, and that way you will be able to join in the conversations. If you fail to do this, then you will be looked at in a bad way, or you will be totally ignored. DO NOT complain about not receiving any attention. 2. During the World Cup, the television is mine, at all times, without any exceptions. If you even take a glimpse of the remote control, you will lose it (your eye). 3. If you have to pass by in front of the TV during a game, I don't mind, as long as you do it crawling on the floor and without distracting me. If you decide to stand nude in front of the TV, make sure you put clothes on right after because if you catch a cold, I wont have time to take you to the doctor or look after you during the World Cup month. 4. During the games I will be blind, deaf and mute, unless I require a refill of my drink or something to eat. You are out of your mind if you expect me to listen to you, open the door, answer the telephone, or pick up the baby that just fell from the second floor....it wont happen. 5. It would be a good idea for you to keep at least 2 six packs in the fridge at all times, as well as plenty of things to nibble on, and please do not make any funny faces to my friends when they come over to watch the games. In return, you will be allowed to use the TV between 12am and 6am, unless they replay a good game that I missed during the day. 6. Please, please, please!! if you see me upset because one of my teams is losing, DO NOT say "get over it, its only a game", or "don't worry, they'll win next time". If you say these things, you will only make me angrier and I will love you less. Remember, you will never ever know more about football than me and your so called "words of encouragement" will only lead to a break up or divorce. 7. You are welcome to sit with me to watch one game and you can talk to me during halftime but only when the commercials are on, and only if the halftime score is pleasing me. In addition, please note I am saying "one" game, hence do not use the World Cup as a nice cheesy excuse to "spend time together". 8. The replays of the goals are very important. I don't care if I have seen them or I haven't seen them, I want to see them again. Many times. 9. Tell your friends NOT to have any babies, or any other child related parties or gatherings that require my attendance because: a) I will not go, b) I will not go, and c) I will not go. 10. But, if a friend of mine invites us to his house on a Sunday to watch a game, we will be there in a flash. 11. The daily World Cup highlights show on TV every night is just as important as the games themselves. Do not even think about saying "but you have already seen this...why don't you change the channel to something we can all watch??", the reply will be: "Refer to Rule #2 of this list". 12. And finally, please save your expressions such as "Thank God the World Cup is only every 4 years". I am immune to these words, because after this comes the Champions League, Italian League, Spanish League, Premier League, European cup, African cup, F.A cup, UEFA cup, Carling cup, east and central African cup, all these cup qualifiers???catch my drift etc etc. Thank you for your cooperation. Regards, Men of the World

أنا بس عاجبني الذوق وشكرا لتعاونكن بعد الذلة والتهديدات.
سلام
إيمان

......

بالله هو كاس العالم بدأ؟ وين السنة دي ؟ والبرازيل مشتركة ولا لا.
والله البورد ده قنعنا منو ومن المباريات تب.

الجندرية
باركى لينا
انقلتره غلبت ترينداد 2 .. صفر

كيفك يا الجندرية؟
الرياضة عموما ليست في صالح النساء
فقد اثبتت الدراسات حول العنف الاسرى،
انه يزداد عندما يخسر فريق الزوج،
و بعد كل هزيمة غالبا ما تحظى المراه بعنف لفظي او بدني
اهو نحنا ما نزال نعيش في امبراطورية الذكورة،
حتى في ما يسمى بالدول المتقدمة
والعافية درجات
سلامي لتراث والعيال والاصدقاء المتشركين في اليمن
المشاء

سلامات يا ناس

غايتو الداعاني دا بالغ
انا طبعاً متأكدة انه راجل

وما دولة البورد دي .. اها هدى طرفي منها

والعفو والرضا

فكي السواد القاصع
خلى حالي زي ما قالت جارتنا وهي تعدد تكالب المصائب عليها

كلب كتلو ... بشير دقو... كديسة داااااااااارة ....

واحد صاحبي محتال لذيذ ماعندو شغلة بالكورة
لكن بيحب مباريات الدوري القطري وأي مبارة تقام في البلد

عشان راجل صاحبتو مدمن مشاهدة الكورة في الإستاد

وبيسمي اليوم البتكون فيه مبارتين في إستاد واحد وراء بعض
بيوم الخيانات العالمي