الشلوخ تااااااااااااااااااااااني

كنت بتونس مع زولة عزيزة علي
وجات سيرة الشلوخ وعلاقتها بالطرق الصوفية
قلنا نرفع بوست الشلوخ تاني عسى نلقى اجابة ؟
في حضرة شلوخن يطيب البكاء

الجندرية العزيزة
دائما تثيرين المواضيع الهامة. سأقرأ البوست و ارجو ان اعود. هناك كتاب حول الشلوخ للبروفسور يوسف فضل حسن. ذكرتينى بجدتى الحبيبة رحمها الله رغم أن الشلوخ ليست بالضرورة هى أول ما يذكرنى بها، و الحمد لله ان هذه الممارسة فى طريقها للانقراض فى كثير من أنحاء السودان
ندى

العزيزة ندى
تسعدني وعودك بالعودة دائماًوإن لم تفعليها ، نحن نعيش على ألأمال
كتبت في البوست الاصلي :

Quote: الآن لم يبقى من آلام تلك التجربة الرهيبة التي تحكي في عيون أمهاتنا سوى المحبة والحنان .. وما تثيره فينا نحن رؤية الشلوخ من شجن وحنين لأولئك الأمهات ..

و

Quote: كم هو محزن وقاسي القول بأن الشلوخ سمة جيل في طريقه للانقراض .. عندما قال احد أعمامي " باكر لو النسوان المشلخات ديل كملن أولادكم يتلاقوا في الشارع ما يعرفوا بعض " تأكدت بأنهن فعلاً "سداية " الترابط الأسري ، وتأصيل القرابات .

هل كانت فعلاً احد اليات ترويض النساء للعب الدور المرسوم سلفاً في التركيب القبلي ؟ تسألت عن ذلك ايضاً في بداية البوست الملحق ؟ خاصةوانها مورست على الرجال ؟
ساسعد بعودتك اكثر لاثراء هذا الجانب من زاوية جندرية
احد المشاركين اشار لكتاب حسن فضل وكتاب البروفسور عبد الله الطيب
لكني للأسف لم احصل على ايهما

ا مى مشلخه زى امك يا الجندريه(شلوخ عارض..شلوخ مطارق..شلوخ شايقيه)شلوخ امى عارضوالشلوخ كانت موضه لفترة فى رفاعه وامى قالت شافت بنات خالتها عملو كدا وهى كانت صغيره جرت زعلانااتشلخت واتعزبت.كل الود لكل الامهات.

الشلوخ ..
ولي قصة مع الشلوخ تحكي يا جندرية..
صديقنا وأخونا أحمد الحاج محمدين جاءت والدته لزيارتنا في هولندا وهي تشبه صورة والدتكم الكريمة ولها شلوخ تبدو عليها جميلة .. تخلفت شنطة الحاجة وذهبت معها إلي داخل مطار أمستردام لترتيب عملية إستعادة الشنطة.. وكان أن أستقبلتنا بنية حلوة حاكت الوردة في جمالها ..وطبعا أخوكي قلبو رهيف..وقعدت أصلي علي النبي وأتأمل في صنع الخالق البديع..
وما زاد المشهد روعة أن البنية إنشدهت في الشلوخ ونطتت عيونها ليصيروا أكثر جمالا وبهاء وروعة..وبدأت تسأل علي إستحياء : ده شنو مرض؟؟ لالا ده إسمو شلوخ جاوبت أنا وعيوني تسبق كلماتي نحوها..طيب وبيسوهو ليه؟؟ إستمرت الأسئلة..عشان نفرق بين القبايل..جاوبت أنا وراسم إبتسامة بتقول كلام كتير !!! طيب وإنت ما عملو ليك زيها ليه؟؟؟ العادة دي كانت زمان وأسة خلوها ..الحاجة حست إنو الكلام ما عن الشنطة سألتني البنية بتقول في شنو يا وليدي ؟؟جاوبت الحاجة دون النظر إليها فعيوني كانو منجزبين إلي القمر ..وأكرمتنا البنية السكرية
بي شنطة فيها إحتياجات للضرورة من بشكير وفرشة أسنان وبالطو للنوم ومراية و (أحمر شفايف)
كلو عشان خاطر الشلوخ...والحاجة فرحت وما عارف أحمد قاليها شنو عن أحمر الشفايف لكن تطير عيشتي كل ما زول يجيب سيرة الشلوخ أو أشوف صورة والدتك يا جندرية أتذكر القمر..

لوووووووووووول ياخالد
اقعد صنعق لي في القمر دا لمن تدق الدلجة
والشمات كتااااااااااااااار

تعرفي يا تماضر ناس شوية جداً العرفوا انو الشلوخ دي اسمها عارض
كلهم بقولوا مطارق
احتمال لانه امك مشلخة زيها
والشلوخ طبعاً كانت موضة في حتات كتيرة كدا ما رفاعة براها
بس كويسة انه ناس رفاعة من اوئل الناس الخلوها زي ما قاعدين يعملوا هسي مع الختان
وتظل مدينتنا ( يا بنتها ) رائدة في يتعلق بحقوق النساء دوماً

Quote: الجندرية العزيزة ا مى مشلخه زى امك[/U

]

الجندرية

تحياتى


من يوم شفت صورة امك قلبى سوى الشّححححححححححح !!!!
سبحان الله تشبه والدتى لدرجة التطابق حتى فى نوع الشلوخ المطارق


لدى مداخلة عن هذا الموضوع .... سأعود

كوستا
سلامة قلبك
لكن تعرف هي بتعمل كدا لناس كتار عشان بتشبه معظم امهات وسط وشمال السودان
والف تحية للوالدة
منتظره رجعتك

NGABY AJOOZ
الف تحية للست الوالدة
تعرف نص نساء السودان مشلخات زي امي

ديل شلاخن وقفن شهود,,,


غايتو انا كان علي انا ذاتي بتشلخ

بس جندره وحداثه كده الواحد ذي بفتكر انو

الحاجات ما حتمش...!!!!

قرمبز
جندرة وحداثة كمان ؟!!!!!!!!!!!!
لا لا
دي الا تجها تفسرها تاني

حكي لي صديق يقيم بدول الخليج عن موضوع الشلوخ أن زميلاً لهم من دول آسيا ومن الباكستان تحديداً كان يعمل مع سوداني هدندوي مشلخ وكانا يمازحان بعضهما البعض بإستمرار وذات مره سأل الباكستاني صديقه الهدندوي وبلغته العربية المكسرة: يا سيد ، ربنا أداك شكل جميله ليه إنت في خربو ، فرد عليه صديقه سيد أنا ما في خربو ده أبوي وأجداداي هم الفي خرب لأنو ما شاوروني.

الغريبة واحد من اجدادي و اثنين من حبوباتي مشلخين شايقي ...
مع العلم انهم يلتقون مع السيد شايق في ابونا ادم ..
لم اجد تفسيرا لذلك سوي مجاملة الجيران !!!!

ملاسى

االمشلخ تى مالو مابتاخدى هذا فى مايخص
شلوخ الرجال
و المعلم المشلخ سلم
وبادى ابو شلوخ
والاغنية المصرية يامشلخنى...
ولا اهل حسين ملاسى البجاملوا
جيرانهم بالشلوخ :D :D :D

أنا مشلخ .. بس ما زي المرحوم سيد أحمد نقد الله. وأخوي مشلخ وود خالي مشلخ. وود أختي مشلخ شايقي ما بعرف استوردوها ليه من وين.
أما النساء .. فــ عيييييييييييك ولا حرج: شيء مطارق (العوارض يا جندرية هم الاتنين الأفقيين في أعلى وأسفل المطارق التلاتة) .. وشيء درب طير .. وشيء نقرابي .. وشيء خربشة جيهة ما ليها زي ما تقولي شلوخ بايظة كده نتيجة الفرفرة تحت التشليخ
أنا عندي رغبة اتشلخ تاني

Quote: أنا عندي رغبة اتشلخ تاني

ما تستعجل يا شنتير .... الشلوخ جاياك جاياك !!!
بس انت ادر الخد الايسر ...

ملاسى

الله يستر يا حسين. لو بقت على التشليخ بس بنتوكل وندير الخد الأعلى (لانو الخدين الأيمن والأيسر ما فيهن فرقة تب) .. لكن خايفين من قلّيع السنون. وفي القلّيع زاتو بيخوفنا قليع الحسادة داك .. نوع يقلعوا واحدة ويسيبوا البعدها .. يقلعوا واحدة ويسيبوا البعدها .. والواحد يبقى زي الكديس الـ كاتلنّوا شفّع الحلة. مش بيكسّروا سنونو بطريقة عشوائية زي دي؟

تعرفوا يا ملاسي وشنتيير
نحن برضو عندنا جد مشلخ شايقي
وناس البلد كانوا بقولوا ليه الشايقي
وبرضو ما بلمنافي الشوايقة الا ابونا ادم
بس بقولوا انه اخوانه كانوا بموتوا
وقاموا شلخوه شايقي تمويه يعني
نظام دا ما ولدناخليه
الغريبة عاش من دون اخوانه ؟؟؟!!!!
في طبعاً معتقدات شعبية كتيرة في الموضوع بتاع الموت دا
زي يسموه اسم يعتقده شين كدا
الحاجة في اليمن برضو
اها وبلخبط الشلوخ بين القبائل دي بغرض التمويه على ملك الموت او غيره
او لاسباب تانية .. فقدت فكرة انه الشلوخ لتمييز بين القبائل دي معناها خالص
بعدين كيف بس تمييز وهن كلهن كم شلخ كدا
ياهن
العارض
والمطارق
وشلوخ الشوايقة
وشنو وشنو كم واحد يعني ومنتشرات في كل قبائل شمال ووسط السودان
ابو مهند في البوست الاول قال انه ناس زمان كانوا بيميزوا بين القبائل وبين الشلوخ دي بدقة شديدة
يعني ممكن المطارق حقت الجعليين تختلف عن حقتنا نحن الضباينة بي تباعد الشلوخ وعمقها وعرضها وهكذا
وكان طلبت منه انه يواصل لينا في الموضوع دا لانه لسه حسب شوفي المجهجهة دا انه العارض دا ياهو العارض .. حق امي بشبه حق الجعليات بشبه حق ناس تانية وقبائل مختلفة

الملا عمر شخصياً
لا الضبيحة واجبة

تسلم ياشنتير
المطارق من أعلى الى أسفل.
والعارض هو الذي يأتي أفقيا.
ياجندرية
أمك مشلخة مطارق والظاهر عليها انها صبرت على العارض.
شوفي شلوخ أبوك بقى.

أبو مهيار .. يازول مالك كبرت كدي؟ ومشلخ سِلِّم كمان؟

أنا طبعاً الشلوخ دي متخسس فيها تخسس. بعرف انواعها كلها .. وواحدات كدي أنواع ما عندهن .. برضو بعرفهن

كدي قول لي .. الـ كبَّرك كدي شنو؟

الجندرية
عندي خالتي مشلخه الله يطراها بالخير سافرت لي برطانيا وفي المطار استقبلوها الصحفيين بالكمرات صوره من هنه ومن هناك وهي فرحانة قايله نفسها اختاروها ملكة جمال السودان جاتها صحفية سالتها انتي ياحجه الفي وشك دة حادث فقالت لها خالتي يابتي في حادث منظم كده

يا شنتير بتعرف عكاز ود حسونة او مدقاق ود بدر و وجع القليب و الرشيم ....
لو ما عرفت ديل حتطلع اشاعة و تستاهل الحيحصل ليك ....

ملاسى

والله يا ابن ملاسي انت حكايتك عجيبة. يازول انت كنت بايع ويكة متجوّل وللا شنو؟. أول مرة أشوف لي واحد "ملاسي" متفقّه في أمور الخربشة التجميلية.

برجي الله عليك يا شنتير يلم فيك شلاخ عميان عشان يهربدك هربيد لوووووووووووول
يا حباني المطارق ديل خطوط عاموديه بتكون ام الجندريه دقر عيني بارده مشلخه عارض وانا ذاتي شلوخ ود عيسي الشلخ يحبس الدمعه

ولى حبيب يا ناس
اشوف شلوخو يلالو
مع الظلام تشتاق
الزهرة تتدلالو
وما اظنه زلال
يروينا غير زلالو

شفت الفتنة كيف يا أمانى، حتى أبوصلاح، أرق من كتب الأغانى كان مفتون بالشلوخ، لأنه كان ده "الديظاين" المتاح وقتها

الظاهر فعلا إنه صورة الوالدة الكريمة حتصبح استاندرد فورمات لكل الأمهات، وأنا برضه حاقول ليك زى حبيبنا كوستا، أمى والله الخالق الناظر، بس على شوية خدار، لكين نفس الطعم والنكهة والله

زى ما قال العزيز أبومهيار، المطارق بتكون رأسية بعدين بجى تحت منها العارض افقيا، وأشهر زول فى "خت" المطارق فى منطقة الوسط، كان الشيخ ود عيسى فى المسيد، وجده هو المسمين عليهو بلدة المسيد يعنى يمكن تسعين فى المية من شلوخ وسط السودان كانت من تصميم وإخراج ود عيسى فى المسيد، بما فيهن الوالدة الحبيبة

أما الرجال فى الوسط وفى البطانة والجزيرة فطبعا يا إما المدقاق أو حرف التى اللاتينى وهو تبع آل الشيخ محمد ود بدر فى أمضبان أو أم ضوابان غرب البطانة وفى النخيرة فى الجزيرة، أو كمان السلم أو حرف الإتش، وبعد داك فى طبعا شلوخ القبايل المعروفة كلها

ونقرابى فى صفحة خديده
مالو لو يرحم مريده
الشادن الهالكنى ريده
هلك النفوس والناس تريده

وبرضه ابو صلاح مصر على الشلوخ

والشلوخ العشره مسطرا
يا بدور القلعة وجوهرا

بس عايز اعرف، العشرة ديل معناه خمسة لفت وخمسة رايت، دى عملوها فى خدود ولا سبورة، ده خد شنو ده البشيل ليهو خمسة شلوخ

وتسلمى يا جندرية على النفحات الأريجية

أبوذر

الجندرية

الشلوخ كانت سمة جمالية عالية لدى الشعراء و العاشقين

انظرى الى شاعر المسادير يقول :


يا حسنين أغا جاتك أذيّه
ضربآ مو كتير بس خمسميّه
برقد و انستر و أطرى البنيّه
و لى بلد أم شلخ باخد لى جيّه

عزيزتنا الجندريه قبل سنتين تقريبا اطلعت علىموضوع فى جريدة الخرطوم للاستاذ سيداحمد خليفة

نقلا عن اخونا الصحفى محمد محمد خير من تورنتو انه فى واحد سودانى مشلخ فى كندا اشتخدم الشلوخ سلاح لاخذ الاقامة هناك ورفع دعوى مع المحامى بتاعه انه الشخبطه الفى وجه دى من اثار تعذيب حكومة الانقاذ وبيوت الاشباح واتخيلى كسب القضية واخذ الاقامه
وعلى مااتذكر انه كان عنوان الموضوع وحقوق الانسان والشلوخ.امى الله يرحمها كانت دائما تفتخر بشلوخها وتغنى لينا

ديل شلاخك وقفن شهود ...اسمر لونك وجوز النهود
اليل ياليل وجمال اليل.
وبالمناسبة عملية الشلوخ دى كانت كبيرة ويتلموا ليها البنات وفيها ضبيحه كمان

نجوى شامى

الحميمه الجندريّة
يا سلام عليك وعلي شلوخ الوالدة
رجعوني مدني وبيت السناهير الكبير
زيّ زي كل الناس الإتذكرروا أمهاتم
بس أنا طريت عمّاتي

وإنت عارفه .. وإنت يا كوستا
قالوا البنات بطلن حكاية الشلوخ دي
لأنو الشعراء بقوا يغنّوا للجميل السادة
وجاي راجع
وتسلموا

أبداً
علاء

البوست المرتاح ده أحسن من غيرو .. متوازن .. وبيعيد التوازن برضو

الأخ المطر

Quote: بس عايز اعرف، العشرة ديل معناه خمسة لفت وخمسة رايت، دى عملوها فى خدود ولا سبورة، ده خد شنو ده البشيل ليهو خمسة شلوخ

الشلوخ أصلها عشرة يا المتوقعنك تشرفنا قريب. ستة مطارق وأربعة عوارض .. وإلا فهي خربشة. أحسبها يا عزيزي .. كل تلاتة مطارق بالجنب وفوق ليهن عارض وتحتهن عارض

كوستاوي .. يا سلام عليك يا أخي. ده كلام يرد الروح: يا حسنين أغا جاتك أذيّة. والله ياذى الأذانا يا ناس

uuuuuupppppp

على قول الدكتور سجيمان " الجندرية بهتينى"
لكن أنا معترفة، ومجبرة أختك و لك العتبى، لكن بعد النقاش الرائع الذى دار فى البوست، فى مجال الواحدة تضيف؟

ندى

الجندرية يا بت طابت/رفاعة
طبعآ مكرر أنا برضو شلوخ أمي بالكربون زي شلوخ أمك و لمن كانت في زيارتي عامآ أول كان بوست الشلوخ الأصلي بتاعك موللللللع و أنا ما عضو في المنبر فسألت الوالدة {لأول مرة} عن قصة تشليخها و قالت إنها جرت و إتدست لكن بنات الدفعة فتنوا عليها و كشفوا مكانها و قالوا ليها{لازم تضوقي المغيسة} مما يشي بعدم الرضا و البعد الإنتقامي الخفي حتى على ممارسيه

أبو مهيار ود امي
شنتير اللقى وتقى
نقابي عجوز
ملاسي
دومة العزيزة
المطر البرد الروح
كوستا
حبيب شامي
علاء سنهوري
ندا علي بت الكبدة والمصران
الطيب ود ابواتي

شكراً ليكم / ن
وبجي تاني

الرائعة جندرية ..... سلام ..... شايف الصلبتة كترت أصلو الأمة دى الا مايشوفو

ليهم ذول سمح الله يديها العافية بتشبه أمى عاد ده إسمو كلام ياعالم ... خلو

الصلبتة .. الناس الإسمهم الضباينة والحمران ديل الحلا حقتم (الحمران ديل جنس تاجوج بت على) ...

لاكن الإضافة انو من أسباب الشليخ الشديقات (الجضوم الكبار) بيقولو دم فاسد

كوليل
شكراً لك على المشاركة
وقلت لي " دم فاسد "
يعني الموضوع عنده اسباب طبية داخلة في الطب الشعبي زي الحجامة وكدي ؟

لا لا حكايه الدم الفاسددي النضارات شلختين صغار في كل جهة عند المداغات متل حقات النميري واظن كانوابسوهون لو الزول عنده وجع عيون يعني الرمد و والطفل العنده ام صريره بفصدوه فوق بطنه حول السره

ازيكم لعلكم طيبين كلكم والجندريه مبسوطه منك لسببين الاول فتح موضوع الشلوخ والتاني اعاده فتحه لانو انا زمان كنت مافي والموضوع حقيقي بخصني بقدر حنان شلوخ امي
ما تفتكرو كده مشيت..ده سلام ساي ماشه اجيب العده
بجي بجي بجي
توما

الحبيبة جندرية ثلاثة مطارق و عارض على خد الوالدة يساووا الدنيا و ما فيها و بالمناسبة وين صورتها؟؟؟

دوما الغالية
والعزيزة توما
والحبيبة لنا
جيتكن تشرح البال

ويا لنا
الصورة ختفها السيرفر
ما عارفة ارجعها كيف ؟

الأستاذة الجندرية

لدي مقال شيٌق للتشكيلي المرموق الدكتور حسن موسى وهو (المقال) واحد من سلسلة مقالات نشرها حسن موسى بجريدة الصحافة عام 2000 .عنوان البحث هو "الجسدكحيز لخلق جمالية الحداثة في السودان". للأاسف ليس لدي بقية المقالات ولكن هذا المقال بالتحديد يقارب الشلوخ والحناء بذكاء مدهش كما أنه الكاتب،كما عهد عنه، يفكك الظاهرة بعمق ودراية. يمكنني أن أبعث لك صورة من المقال إذا تكرمت بإرسال عنوانك البريدي (وليس الإلكتروني) علي بريدي الإكتروني وهو [email protected] أعتقد أن بعد الجندر في المقال سيكون مفيدا جدا لك.

مع خالص المودة لك وللمتحاورين هنا

طبعا الشلوخ دى ناحيه جماليه لدرجة الشعراء كانون بغنو ليهم

ابشلوخا عشره مسطره.

والعبادى عنده قصيده بقول فيها:

الجداول تجرى فوق خدودك در

والرشيم البقه بى اشعة خضر

يعمى عينى قبلك ما نظرت بدر


فوقو ليلا حالك يعلو غصنا ماح
*********

القوام متوازن لا قصر لاطول

والشليخ افعالو تصرفات مسظول

ماهو ده ساند ظهرو فى الاسطول

والعيون حراسو ومن جفونو سلاح



وشلخوا حابس الدمعه دور





والرشيم الاخضر




دمع الاجفان قام جارى سببى الشلاخو مجارى




اها لما جاء عبدالرحمن الريح وقال:



ما شوهوك بى فصاده على الخديد الساده


طبيعى خلقة ربك ماداير اى زياده

مع لونك الاسمر ورد الخدود محمر

لابدره ولا احمر الوان محاسنك زى ماهى


قامن الحريم زعلن وقالن لعبدالرحمن يعنى قصدك الشلوخ تشويه


صاحبكم كب الزوغه قال ليهم ابدا انا عملت القصيده عشان ارضى على

واحده وكدى...اها شوفونى انا زاتى مشلخ..وعبد الرحمن الريح

مشلح مطارق.

المهم والله فى نوع شلوخ كدى تخلى الزول يحرد جضومو ديل.

ســلام يا بت الجندر ولكل سكان بلاد
حمير .
عنده احساس بان للشوخ مرجع سياسي
والجماليات مجرد سلبطه من حبباتنا الله
يرحمهن.
امي اللـه يحمها كانت مرات تزورنا في
المدرسه فقالت لها مره اختي تاني ما
تجي المدسه عشان البنات زفني وقاله لي
بت المسلحه اختي كانت عندها لجنه وقاصده
المشلخه واعرف ان احد .السودانين طلب
لجوء لكندا بحجه الشلوخ وقال انه تعزب
واتطهض.

Quote: الجندرية العزيزة مي مشلخة زي أمك؟

لووووووووووووووول يا جندرية
كنت حأقول نفس الكلام بس سبقوني
أيه رأيك تعمليها تقليعة جديدة وترجعي موضة الشلوخ تاني
مش أجمل من الحاجات البنشوفها هسع
موضة قشير الوش بالأصباغ المختلفة ما معروف مصنوعة من شنو؟
وتلوين الشعر
عايزين تجديد لحاجات زمان الحجل وأسورة العاج
وحاجات زمان الكنا بنشوفها عند الحبوبات وبيني وبينك يا الجندرية والكلام سر (أنا أصلا زول عجوز ودقة قديمة)

اخونا الحسن البكري

الف شكر فقد وصلني المقال الكنز
ساحاول عرضه هنا

*****

اخونا صديق الموج

شكراً لك على الاثراء
سبقك في هذا الجانب
ود العجمي
واهل العوض
وشنتير

في الجزء الاول من البوست

شكراً مرة اخرى ، اسعدتني زيارتك محتقباً الحقيبة
****
هادية سلام كتير

بالله في لجوء عديل
والله محن ؟
***
حبيب بلدو
والله فكرة ماتقول فيها لجوء كمان

العزيزة الجندرية

تحية لك ولكل عارض عشان بتذكّرنى بشلوخ الوالدة الله يرحمها

وزى ما قال الشاعر

يلوح فى خدو عارض

أزانى و لى مارض

ما قادر أعارض

خلى روحى هيمانة

ولك كل الود


طه حسن عبدالله

اخونا طه
سلام

وربنا يرحم الوالدة ويحسن إليها ويرحم امواتناجميعاً
قلت لي دا منو القال :

Quote: ما قادر أعارض خلى روحى هيمانة

جندرية..

حقيقي هذا من اجمل ما قرأت..
حاولت الدخول للنك فلم استطع يبدو ان بكري قد اغلق
كل المداخل للارشيف.. كيف اصل لتلك المادة؟..

واتمنى ان نجد من يحدثنا عن الشلوخ عند قبائل النوبة,
الدينكا والنوير فهي لا تقل اصالة وجمالا عن الشلوخ
لدى قبائل الشمال

اها انحكى لكين:
اول حاجه النحكى عن حالتى لمن جيت اتشلخ مشيت مع بنت جيراننا لى ود حمدون وطريقة الشلوخ :
رقدت فى برش فى الواطه ومرة من راسى مسكتنى وواحده من رجلى واثنين من ايدى وود حمدون جاب الموس بدا شلخ الوجه وجاب بعر الغنم والقطران بالقطن وحشى الجروح بالبعر وعمل القطران فىالقطن وختاه فى الجرح كل يومين يغيرو الجرح بالقطران والقطن بعض الجروح بتلتهب
وبعضها ببراء .وفى رفاعه بتذكر الناس البشلخو بت منصور.ود حلوانى
بت السقا.واساسا مهنتن الطهور دا فى زمنى وانا اتشلخت عمرى اربعه
سنوات .

اها انحكى لكين:
اول حاجه النحكى عن حالتى لمن جيت اتشلخ مشيت مع بنت جيراننا لى ود حمدون وطريقة الشلوخ :
رقدت فى برش فى الواطه ومرة من راسى مسكتنى وواحده من رجلى واثنين من ايدى وود حمدون جاب الموس بدا شلخ الوجه وجاب بعر الغنم والقطران بالقطن وحشى الجروح بالبعر وعمل القطران فىالقطن وختاه فى الجرح كل يومين يغيرو الجرح بالقطران والقطن بعض الجروح بتلتهب
وبعضها ببراء .وفى رفاعه بتذكر الناس البشلخو بت منصور.ود حلوانى
بت السقا.واساسا مهنتن الطهور دا فى زمنى وانا اتشلخت عمرى اربعه
سنوات . ست عشه

في حضرة شلوخن

العزيزه الجندريه لك ودى ،
أطلعت على هذا البوست حينما كنت (بالخارج) لا اعنى ادرس بالخارج وانما عندما كنت أراجع البورد دون ان اشارك قيه بالكتابة ولقد حزنت وقتها فقد كنت امنى نفسى بالمساهمه فى هذا الموضوع كى اكرم الوالدة (آمنه بنت صالحة) واناديها بذلك الأسم الثنائى (الأنثوى) تقديرا للمراة وتكريما لهما، وهى الطريقة التى ينادى بها البشر حسب ما سمعت يوم القيامة، بالأمهات ، والله اعلم.
والوالدة/ آمنه ، أطال الله فى عمرها ، تشبه صورة امك بما فيها من شلوخ ، كالتوأئم.
لا أظنك تدرى كم هى عظيمه ، انا ابنها الوحيد بدأت الغربه منذ عام 1983 ، حتى هذا اليوم لم تطلب منى شئ على الاطلاق ، الا ما فعلته من نفسى ، اللهم أجعل طريقها للجنه ولكل الأمهات العظيمات.

أخو البنات
يا أمنــــــــا ..... ( قصيدة .. تاج السر حسن - أخو البنات في عيد الأم )

الأخت الجندرية

أها كده كيف ؟


كان ما عجبتك أعكسهم ليك شايقي