Post: #1
Title: النبي سيرتو حلوة *** وعندي تكشف كل بلوة : ركن المديح من تاني
Author: الجندرية
Date: 04-03-2004, 11:31 AM
Parent: #0
خالد الحاج
له بوست قديم باسم ركن المديح اختفى ولم اجد له اثر
خلونا نسعى لينا ركن تاني
ونبدأ بقصيدة شيخ هاشم الشيخ عبد المحمود
النبي سيرتو حلوة *** وعني تكشف كل بلوه
فاق عيسي
أحلى ندوة نغتنمهــا *** وأهنى جـــــــدوه
خيرها يدوى ليهــــا *** نحدو المطايا حدوه
نبي رحمة جــــــانا *** عم هداهو انساً وجانا
نبي نور دجــــــانا *** سيد جبير وابي دجانا
نبياً مبجــدل اهــدب *** وادعج أكحل وانجــل
فاق السنجنجل يتوارى *** البدر من حسنو يخجل
ختم الرسـالـــةأبيض *** مشرف صاحب الوســالا
من كفو ســــــــالا *** نزلت في حقو التحريم وسالا
نبي لينا مرســـــل *** بيهو ابوه ادام توسل
نبي ما بيفسل عن آيو *** الباهي يا صاحي ...
الغيث والضب العير *** وال... قرص الشعير
خبر البعير مرحــب *** برسولنا مطفي السعير
برقاً سطلني انجز *** لوعده قط ما مطلني
في حميم عطني بدد *** لجهدي وأيضاً عطلني
ختم صلاتو يا هاشم *** سلم على سيد ولاتو
مدحاً حلاتو تعــجب *** موسيقتو وتطرب آلتو
عذراً يا محبات / ي المديح
كتبتها من الذاكرة
نرجو التصحيح
ونتمنى ان نسمعهاهنا بصوت اسماعيل محمد علي أو اي مادح / ة اخر / ى
|
Post: #2
Title: Re: النبي سيرتو حلوة *** وعندي تكشف كل بلوة : ركن المديح من تاني
Author: الجندرية
Date: 04-03-2004, 11:50 AM
Parent: #1
غايتو حكاية العنوان الما بتعدل دا مشكلة
العنوان الصحيح :
النبي سيرتو حلوة **** عني تكشف كل بلوة
|
Post: #3
Title: Re: النبي سيرتو حلوة *** وعندي تكشف كل بلوة : ركن المديح من تاني
Author: ابو جهينة
Date: 04-03-2004, 11:53 AM
Parent: #2
الأخت الجندرية
عاشقة الرسول و مدح الرسول
القومة ليكي و أنت تفتحين هذا البوست الجميل و نتمنى من المهندس خالد الحاج إتحافنا بالجديد فيه و أي واحد/ة عندو/ها مدحة حلوة
تسلمي يا الجندرية
|
Post: #7
Title: Re: النبي سيرتو حلوة *** وعندي تكشف كل بلوة : ركن المديح من تاني
Author: الجندرية
Date: 04-03-2004, 12:17 PM
Parent: #3
ابو جهينة قدمك لابو ابراهيم
جيتك تسر وتفرح والله
بالمناسبة ام عطية رجعت السودان ولا وين ؟
|
Post: #4
Title: Re: النبي سيرتو حلوة *** وعندي تكشف كل بلوة : ركن المديح من تاني
Author: خالد الحاج
Date: 04-03-2004, 11:55 AM
Parent: #2
إزيك يا جندرية..
البوست تلقيهو في المكتبات..
أها لو زول نزل ليكي المدحة المطلوبة كان بها
ولأنها ما عندي لكن للمسا لو مافي زول نزلها بزل ليكي مدحة
حتي نستمع للمديح ونقرأ..
|
Post: #8
Title: Re: النبي سيرتو حلوة *** وعندي تكشف كل بلوة : ركن المديح من تاني
Author: الجندرية
Date: 04-03-2004, 12:25 PM
Parent: #4
ما بتقصر يا ابو حُباب
ربي يفتحها عليك فتح العارفين
بركة النبي وأهل بيته
|
Post: #5
Title: Re: النبي سيرتو حلوة *** وعندي تكشف كل بلوة : ركن المديح من تاني
Author: Ahlalawad
Date: 04-03-2004, 11:58 AM
Parent: #1
والله يا الجندرية ... في زمن مضى ، استمعت لقصيدة بنفس الروي تقول
السمحة سيرتو
في المداين حلوة جيرتو
فاق موسى
النبي نور بصيرتو
يضوي وجهو
المحمودة سيرتو
الملاحم
جانا مرسول
لينا راحم
النبي كفو راحم
معدن الجود
والمراحم
برضو من الذاكرة الخربة .. طبعا اللحن والأداء شي خرافي حيث كنا نسمعها من شاب ملء السمع والبصر يتدفق حيوية ..
|
Post: #9
Title: Re: النبي سيرتو حلوة *** وعندي تكشف كل بلوة : ركن المديح من تاني
Author: الجندرية
Date: 04-03-2004, 12:32 PM
Parent: #5
اهل العوض
والله المدحة الجبتها سمحتا
ومدحاً حلاتو تعجب موسيقتو وتطرب الآتو
المداح بتجاروا زي ناس الحقيبة
المدحة بنفس اللحن ونفس حرف الروي زي ما قلت تسمعها من كم مادح
ربنا ينفعنا بي جاهم / ن محبي / ات النبي كلهن / م يا رب
|
Post: #6
Title: Re: النبي سيرتو حلوة *** وعندي تكشف كل بلوة : ركن المديح من تاني
Author: انور الطيب
Date: 04-03-2004, 12:15 PM
Parent: #1
الأخت الجندرية تحياتي الحارة لك ولمن معك أشكرك جدا على هذه اللفتة البارعة وفعلا النبي سيرتو حلوة وكلما قرأنا السيرة النبوية ازددنا حبا له صلى الله عليه وسلم.
في رمضان الفائت قمت بقراءة السيرة النبوية كاملة من خلال كتاب محمد صلى الله عليه وسلم للشيخ محمد رضا من مشايخ الأزهر وفعلا بقراءة هذا الكتاب عرفت بعدا أخر لشخصه صلى الله عليه وسلم وفعلا كلما اكتشفنا شخصية من نحب كلما ازددنا حبا لهذا المحبوب.
اللهم أرزق الجندرية حبك وحب نبيك وارزق كل من مر بهذا الركن كذلك حبك وحب نبيك.
وسلامي للجميع
|
Post: #10
Title: Re: النبي سيرتو حلوة *** وعندي تكشف كل بلوة : ركن المديح من تاني
Author: الجندرية
Date: 04-03-2004, 12:40 PM
Parent: #6
| Quote: اللهم أرزق الجندرية حبك وحب نبيك وارزق كل من مر بهذا الركن كذلك حبك وحب نبيك. |
اخونا انور
اميييييييييييين
وقدمك للشفيع ان شاءالله
|
Post: #11
Title: Re: النبي سيرتو حلوة *** وعندي تكشف كل بلوة : ركن المديح من تاني
Author: haneena
Date: 04-03-2004, 12:41 PM
Parent: #6
اللهم صلي و سلم عليه
صباحك خير يا جندرية
ليتنا نبدأ صباحاتنا بالصلاة عليه وان نأخذه قدوتنا في معاملاتنا
بمشي افتش يا جندرية و أجيك لو ربنا سهل
لك التحايا ولكل الموجودين
|
Post: #15
Title: Re: النبي سيرتو حلوة *** وعندي تكشف كل بلوة : ركن المديح من تاني
Author: الجندرية
Date: 04-03-2004, 05:29 PM
Parent: #11
حنونه
Quote: اللهم صلي و سلم عليه
ليتنا نبدأ صباحاتنا بالصلاة عليه |
الف صلاة وسلم عليه طبي وطيبي
بل فلنعطر يومناكاملاً بذكره
وان شاء الله تلقي لينا المدحة
بجاه النبي
وكان ما لقيتي جيبي لينا اي مدحة تانية
|
Post: #12
Title: Re: النبي سيرتو حلوة *** وعندي تكشف كل بلوة : ركن المديح من تاني
Author: ali othman
Date: 04-03-2004, 12:43 PM
Parent: #1
لكل عشاق المصطفى ربنا ينعم عليكم بجواره دنيا وآخرة .
لك الشكر ياالجندرية على تجديد السيرة الحلوة
|
Post: #13
Title: Re: النبي سيرتو حلوة *** وعندي تكشف كل بلوة : ركن المديح من تاني
Author: ابو جهينة
Date: 04-03-2004, 12:53 PM
أختي الجندرية
شكرا على سؤالك عن ( أم عطية )
هي في إجازة مني و من الغربة
تسلمي
|
Post: #14
Title: Re: النبي سيرتو حلوة *** وعندي تكشف كل بلوة : ركن المديح من تاني
Author: abas
Date: 04-03-2004, 01:22 PM
Parent: #1
صلي علي الحبيب قلبك يطيب
والله يا الجندريه ما لقيت حته انزل منها مدحه ساااااااااااااكت
ومنتظرين الناس الخبراء ينزلوها لينا ويا حبذا لو كانت مصر المؤمنه
|
Post: #16
Title: Re: النبي سيرتو حلوة *** وعندي تكشف كل بلوة : ركن المديح من تاني
Author: الجندرية
Date: 04-03-2004, 05:39 PM
Parent: #1
علي عثمان
وعباس
تزوروا ام رخام ان شاء الله
|
Post: #25
Title: Re: النبي سيرتو حلوة *** وعندي تكشف كل بلوة : ركن المديح من تاني
Author: الجندرية
Date: 04-04-2004, 04:11 PM
Parent: #17
قال لي قوم وأشرب وامدح حبيب الرب
يا تمبس
ما عارفه اجازيك كيف ؟ بقدر ياربي؟؟؟
|
Post: #18
Title: Re: النبي سيرتو حلوة *** وعندي تكشف كل بلوة : ركن المديح من تاني
Author: Raja
Date: 04-03-2004, 06:43 PM
Parent: #1
صلى الله وسلم على النبي الكريم..
اماني وضيوفها الأحباب..
ايضا مدحة يا صاحب المعراج.. تأخذك لتلك الرحلة.. كلمة وأداء..
الشكر للمادحة رشا شيخ الدين، ولراوية الهادية..
وصلى الله وسلم على صاحب المعراج..
|
Post: #19
Title: Re: النبي سيرتو حلوة *** وعندي تكشف كل بلوة : ركن المديح من تاني
Author: smart_ana2001
Date: 04-03-2004, 08:06 PM
Parent: #18
اللهم صلى و سلم على سيدى النبى المصطفى
|
Post: #20
Title: Re: النبي سيرتو حلوة *** وعندي تكشف كل بلوة : ركن المديح من تاني
Author: انا بنت النيل
Date: 04-03-2004, 08:24 PM
Parent: #18
الأخت الغالية الجندرية سلام الله يغشاك ونوره يرعاك..
الرسول صلي الله عليه وسلم سيرته احلي من العسل ومدحه ..شفاء للقلوب..وما اجمل ركن المديح ..تعرفي ..احببت اولاد حاج الماحي من صغري ..وألفت مدحاتهم ..واحس بقلبي يدق مع الطار..والآن يأخذني مديحه الي عالم روحاني جميل ..جميل وياريت نلقي من يسمعنا مدحة لأولاد حاج الماحي..تحس بصدق اداءهم وعمقه..
|
Post: #21
Title: Re: النبي سيرتو حلوة *** وعندي تكشف كل بلوة : ركن المديح من تاني
Author: Rawia
Date: 04-03-2004, 08:32 PM
Parent: #1
صلى الله عل حبى رسول الله
وشكرا تمبس
وتسلمى يا امانى
|
Post: #22
Title: Re: النبي سيرتو حلوة *** وعندي تكشف كل بلوة : ركن المديح من تاني
Author: THE RAIN
Date: 04-03-2004, 08:45 PM
Parent: #1
إزيك يا أمانى
والله المديح ده أنا بريده ريده، خاصة المدائح القديمة، بس مشكلتى فى الدنيا دى، ما بقدر احفظ نهائى
وبالمناسبة، الشيخ حياتى ود حاج حمد، يطلع جدى طوالى، وتحديدا هو عم جدى أبو الوالدة لزم، يعنى زولكم شيخ شيخ، كدى النمشى احفظ لى كم بيت كده واجى اقشر بيهن معاكم، وحقو والله احفظ ليكم
ناهى النهو
أنا لى فى زيارته هو
شكرا يا علاء على صوت إسماعيل الغزير
والتحايا لكل الناس الحلوين الهنا
أبوذر
|
Post: #23
Title: Re: النبي سيرتو حلوة *** وعندي تكشف كل بلوة : ركن المديح من تاني
Author: Bashasha
Date: 04-03-2004, 10:55 PM
Parent: #1
معليش للتخريمة،
لكن اخوك مهووس بي ثلاتة:
المديح
غني البنات
الطنبور
بالمناسبة دي ارجوكم تسمعونا يا ليلة ليلك جن، محبوبك اوه او اني. بالعدم السراي، السراي، الجافو النوم او عقدو الراي.
في الختام ايه رايك تفتحي بوست عن "غنا البنات"؟
لانو عندي ده الفن وما عداه شعر ملحن! رايك شنو؟
|
Post: #24
Title: Re: النبي سيرتو حلوة *** وعندي تكشف كل بلوة : ركن المديح من تاني
Author: haneena
Date: 04-04-2004, 03:56 PM
Parent: #23
العزيزة الجندرية
عارفة أمست خاتة طلبك في راسي
مشيت لي لندوة...لقيتهم بيبيعوا سي دي للمديح...قلت بس ياهو زاتو
السماني أحمد عالم انا حاجزاه بطوبة
بجيك راجعة
لبعدين
|
Post: #26
Title: Re: النبي سيرتو حلوة *** وعندي تكشف كل بلوة : ركن المديح من تاني
Author: الجندرية
Date: 04-04-2004, 05:11 PM
Parent: #1
رجاء العزيزة
صدقت والله نور المدينة سمحة وبي صوت رشا كمان اسمح
لكن تعرفي حلفت ماتتحفظ لي في الجهاز
وجني وجن السمع والفاتورة جارية دا
*****
smart_ana2001
وعلى اله وصحبه وسلم
توقيعك سمح شديد
****
انا بنت النيل
شكراً ليك على الزيارة وننتظر معك اولاد حاج الماحي
لدينا صديق كويتي كان يرابط كل نهار الجمعة امام الفضائية السودانية على قبحها
ليحظى فقط بسماع اولاد حاج الماحي
***
راوية الغالية
الف على حبيبي وحبيبك
وشكراً ليك انت على رفع بوست صاحب المعراج
تعرفي المشكلة مافي السمع في الحفظ
***
المطر
حبابك الف ومرحب بابونا الشيخ حياتي واحفاده
يعني انتو من جهتنا ديك ( صفيته والصقيعة ) ؟؟؟
ومعناتو برضو الشيخ العبيد ود بدر جدك !!
لانه الشيخ حياتي حفيد العبيد ود بدر
يلحقنا ود ريا والناقصة يتمها ليا
ومادام كدا نديك تكليف عديل
تمشي تحفظ لينا نهاي النهو
وساعة الليل ما جن ناس ليلى جني
التسميع بعد اسبوع
****
بشاشة مرحب بيك
واخد راحتك في أي تخريمة البوست بوستك
السراي والله سمحة
يلحقنا وينجدنا ساكن بغداد الفي كل بلد سوالو اولاد
ياريت نسمعها فعلاً
غنى البنات فتحنا بوست زمان هسي بكون في الارشيف
فتحو اخونا اهل العوض
اسمه نكفي الفندك وبالصريف نعاين
تماضر ما قصرت والله عملت تبويب عديل لغناء البنات
لو رجعت الارشيف بتلقاه
في بوستات تانية فيها سيرة لغناء البنات
بوست تماضر ( رقصة العروس منبر التحول )
وبوستي ( الهوية الجندرية في شعر نبيلة )
دا المتذكراه
لكن لو عملت سيرش اكيد بتطلع باكتر من كدا
***
حنونة
يا سلااااااااام
والله نيتي قوية لكن
يلا منتظرنك بالسماني
|
Post: #27
Title: Re: النبي سيرتو حلوة *** وعندي تكشف كل بلوة : ركن المديح من تاني
Author: haneena
Date: 04-05-2004, 04:07 PM
Parent: #26
جاياك يا الجندرية
لحظة بس
|
Post: #30
Title: Re: النبي سيرتو حلوة *** وعندي تكشف كل بلوة : ركن المديح من تاني
Author: الجندرية
Date: 04-06-2004, 08:56 AM
Parent: #28
حنونة
الف شكر
تعرفي من ما سمعت كلام دكتور عمر بليل الله يرحمه عن لحظة موت السماني
بقيت مستحيل اسمعه من غير ما اتذكر د . عمر
لهما الرحمة
|
Post: #29
Title: Re: النبي سيرتو حلوة *** وعندي تكشف كل بلوة : ركن المديح من تاني
Author: فيصل عباس
Date: 04-06-2004, 01:15 AM
Parent: #1
الجنديه
والناس الهنا
ماتنسونا من صالح الدعاء بعد ماتصلوا عليه
الهم صلي على سيدنا محمد وعلى آله وصحبه وسلم بعدد ما قد كان وما سيكون وبعدد ذرات الرمل وبعدد انفاس خلقلك ،،آمين
والله الركن عندكم وحقيقة سيرتو حلوه
|
Post: #35
Title: Re: النبي سيرتو حلوة *** وعندي تكشف كل بلوة : ركن المديح من تاني
Author: الجندرية
Date: 04-06-2004, 08:27 PM
Parent: #29
فيصل
الركن عجبك ؟
طيب امشي جيب لينا مدحة وتعال
وربي يفتح عليك ويديك الفي مرادك
|
Post: #31
Title: Re: النبي سيرتو حلوة *** وعندي تكشف كل بلوة : ركن المديح من تاني
Author: Ahlalawad
Date: 04-06-2004, 09:08 AM
Parent: #1
مولانا الجندرية ... بالله لو سمحتي زحي لي من المطر دا شوية .. داير اشاكلو ..
أبوذر ... قلت لي بتريد المديح ؟؟؟ وريدة شديدة كمان؟ لا بالله أحسن ما تريدو .. ياخ إنت جدك حياتي .. والشيخ العبيد ود ريا قال حياتي دا ما أنا زاتي؟؟؟ .. منكم جفلة .. لكن أرجو أن تكتب لي عهدا إننا ما نتشاكل في يوم ما ، لأنك تركة صلاح وشاعر وحاجات كتيرة . بعدين لاحظ إني قلت الشيخ العبيد ود ريا ولي في ذلك مآرب أخرى ..
أما تمبس فكتر خيرك .. لأنو أنا هنا في مكان العمل ما حا أقدر أسمع حاجاتك العويرة دي .. نأنو لازم أمشي البيت .
|
Post: #32
Title: Re: النبي سيرتو حلوة *** وعندي تكشف كل بلوة : ركن المديح من تاني
Author: tmbis
Date: 04-06-2004, 09:53 AM
Parent: #31
المطر ..
ابوذر الحبيب .. الناس السمحين ديل ما ظاهرين الواحد ينزل ليك في القلب باااااااارد .. والشوفه ساكت ترد الروح .. الله يديك العافيه ..
اماني ..
ربنا.. يزيدك محبه في محبتو .. قولي آمين ..
اهل العوض ..
انت شقي في عضمك ده .. وممسوخ البيوديك تهبش ناس المطر ديل شنو ..
لكن انمهل لي شوية كدي ..جايبين لي الحاجات من الحله الفوق .. والله امرضك جنس مرض ..
عباس ... لقينا ليك مصر المؤمنه .. بي صوت الجيلي الشيخ .. مع اولاد البرعي .. في سهرة التلفزيون مع ابوناالشيخ عبد الرحيم البرعي ...
|
Post: #37
Title: Re: النبي سيرتو حلوة *** وعندي تكشف كل بلوة : ركن المديح من تاني
Author: الجندرية
Date: 04-07-2004, 07:51 PM
Parent: #31
اهل العوض
انعمت علينا بلقب مولانا
مترقية من صول الى مولانا حتة واحدة
بس اوعى تكون دي محاكم العدالة الناجزة ؟
بعدين يا اخوي ازح ليك من المطر ؟
مخير كلمك عديل وقال ليك بنفخ
اها بتقدر على جنى حياتي ؟
|
Post: #33
Title: Re: النبي سيرتو حلوة *** وعندي تكشف كل بلوة : ركن المديح من تاني
Author: THE RAIN
Date: 04-06-2004, 10:21 AM
Parent: #1
أمانى العزيزة
كيف الأحوال
فعلا والله باقى العقاب فى الصقيعة والحضور ورفاعة برضه
البادراب للأسف والله ما لينا فيهم نصيب، تعرفى ليه؟ لأنه فعلا زى ما قلتى أبونا الشيخ حياتى أمه بت ود بدر، وهو والشيخ المبارك اخوان ما اشقاء وكل واحد أمه براها، الشيخ المبارك امه من ودراوه يعنى من بلد ابوهم شيخ حمد ود العربى، حته من ودراوه وحته من الهلالية وحتة من الصقيعة، يعنى شيخ حياتى "هولنا" نحن من تالا الوالد، علا البادراب برضنا مانا بعيدين منهم، وهم خيلانا من جيهة الوالدة بى أمها
بعدين فى معلومة تانية كمان، اعرفوها سمح
الشيخ الأمين ود الشيخ إدريس الأرباب، عم الشيخ على ود الضو، اللى هو جد الوالده برضه من ناحية ابوها، يعنى ود عم الشيخ حياتى لزم
والشيخ الأمين الأرباب ده، أمه بتول بت الفكى بركات، راجل العيلفون
شربكونا مع المحس كمان
أما لو جينا من ناحية الوالد، أهله همباته عديل كدى من البطانة، وهسه الزول كان قصا ليكم عنهم، ياكن الجايبين لى البوليس
أهل العوض
تسوى أى لكلكة معاى "بنفخك" عديل، أعمل حسابك، والله نحن نروب المويه ونقطع البحر بالفروة
والله يا ابو حميد كلامك وقع وفرزته تب، ما تخاف مافى تخريمات حاده بتجى
تمبس
علاء الدين والألق السحرى، مش المصباح السحرى، مع انه برضه ايديك مليانه بالمصابيح المتوهجة بالجمال
وأنا بهدى ليك الحب، حب من فؤاد مجروح، حب الشحيح للمال وحب الجبان للروح، زى ما قال سيد عبد العزيز وشدا ابو الحجاج سرور
وتسلمو كلكم
|
Post: #34
Title: Re: النبي سيرتو حلوة *** وعندي تكشف كل بلوة : ركن المديح من تاني
Author: صديق الموج
Date: 04-06-2004, 05:39 PM
Parent: #1
اللهم صلى وسلم على سيدنا محمد صاحب المقام المحمود والحوض المورود وعلى الخلفاء الاربعةالمهديين اعلام الهدى وعلى الصحابه التابعين ومن تبعهم باحسان الى يوم الدين،وبعد
كدى الننزل ليكم جزء من قصيدة ود سعد المشهوره .على طال الشوق
على طال الشوق
على طال الشوق وحمانى قط ما اروق
للقبرو شام وشروق يا حاج نوينا
*******
يالبيب لجمالك سوق بقضيبك الممشوق
شق القفار لاتروق اسبق لاتكون مسبوق
زور النبى المعشوق وصديقه والفاروق
من ذنبك المطبوق لاشك تصير معتوق
&&&&&&
بل جوفك المحروق البالغرام ممزوق
بى جاه اتوسل يفتح لك المغلوق
كونو اب علامه رفع الله ذكرو فوق
جاور لى قبرو الصادق المصدوق
لى لذيذ العيش ضوق هنا جاى ايش بتروق
اللهم صلى وسلم على حبيب الله المصطفى
سوف انزل ليكم من مديح الشيخ احمد ودسعد
بس مشوار واعود وده عشان ارفع البوست
|
Post: #36
Title: Re: النبي سيرتو حلوة *** وعندي تكشف كل بلوة : ركن المديح من تاني
Author: essam&amal
Date: 04-07-2004, 03:18 PM
Parent: #1
لنفسك انب
ثلث الليل على حيلك قنب
اذكر الله
كن حاس ومقنب
طول الليل للنوم متجنب
لنفسك انب
لببها وحجمها وطنب
اذكر الله
لنارك علب
صعد وبعد وزرب وكلب
لفنونك قلب
تم مكناتك زيت لا تصلب
اذكر الله
لحالك درب
سير واسأل طبيب ومجرب
لله متقرب
كل ما يوم صبح لا تغرب
اذكر الله
لوردك رتب
لا تكسل جوف الليل قوم تب
للنفس معتب
كالكباشى الغوس سيد عتب
اذكر الله
لنفسك هذب
بصوت الادب ليها عذب
دايما متهذب
باخلاص وصدق لا تكذب
اذكر الله
لنفسك ادب
اخدم زرعك تقوى وكدب
للرب لا تغضب
للاخوان والشيخ متأدب
اذكر الله
كن يوت متغلب
عاتى عليها فى السوق جلب
لخيلك قلب
الفصاح صفرا جه متلب
اذكر الله
بالنهج الطيب
عاشر الناس بخلقا طيب
ان الله طيب
لا يقبل شىء الا طيب
اذكر الله
صلواتا تطرب
تعلى الخير ليه تزيح تقرب
البرعى المطرب
بالاوراد بدأ من المغرب
اذكر الله
اللهم صلى وسلم وبارك على خير الخلق محمد ( ص )
وبارك لامانى الجندرية فى حياتها وبارك لها فى زوجها وابنائها ووالديها وجيرانها واهلها اللهم آمين .
واعطها شفاعة محمد
وغنى سليمان
وصبر ايوب
ونراهاتحت ظل عرش الرحمن يوم لا ظل الا ظله .
آمييييييييييييين
امال
ام وضاح
|
Post: #48
Title: Re: النبي سيرتو حلوة *** وعندي تكشف كل بلوة : ركن المديح من تاني
Author: الجندرية
Date: 05-20-2004, 06:06 PM
Parent: #36
ام وضاح
نجيك جاية من النبي
شكراً على مدحة ابونا البرعي
لنفسك انب
والله عاد كان قدرنا على نفسنا تاني ما خلينا شي
الله يقهرها الامارة
|
Post: #38
Title: Re: النبي سيرتو حلوة *** وعندي تكشف كل بلوة : ركن المديح من تاني
Author: Ibrahim Algrefwi
Date: 04-07-2004, 08:03 PM
Parent: #1
حلوه شديد والله
برضو جيت اسلم عليك وبس
|
Post: #39
Title: Re: النبي سيرتو حلوة *** وعندي تكشف كل بلوة : ركن المديح من تاني
Author: essam&amal
Date: 04-09-2004, 05:26 PM
Parent: #1
صلى الله علية وسلم
امال
ام وضاح
|
Post: #40
Title: Re: النبي سيرتو حلوة *** وعندي تكشف كل بلوة : ركن المديح من تاني
Author: الجندرية
Date: 04-09-2004, 08:40 PM
Parent: #1
نبياً بيه طبنا *** في حبه غبنا
المدحه عاجبنا *** نور لحاجبنا
الحبيبات والاحباء
سلام
ساعود
ومحبة وسلام للجميع
|
Post: #41
Title: Re: النبي سيرتو حلوة *** وعندي تكشف كل بلوة : ركن المديح من تاني
Author: الجندرية
Date: 04-20-2004, 11:15 AM
Parent: #1
صديق الموج
ما قلت
بتجيب لنا مديح ود سعد
اشي مشوارك دي من ريا للصفية كداري ؟
تمبس عليك الله خت لي مدحة
ابونا الشيخ المكاشفي
القوم برضاهم
المولى رضاهم
وعلى الخلق ولاهم
كان الله ينفعنا بجاهم
|
Post: #42
Title: Re: النبي سيرتو حلوة *** وعندي تكشف كل بلوة : ركن المديح من تاني
Author: khider
Date: 04-20-2004, 10:50 PM
Parent: #41
up
|
Post: #43
Title: رسولي الناجى
Author: الجندرية
Date: 04-21-2004, 05:40 PM
Parent: #1
خدر
يعلي مقامك
اها الليلة المولد بدأ
ناس السودان بختهم
نرجع تاني لمديح ابو الشيخ هاشم الشيخ عبد المحمود
عليكم / ن الله ساعدونا بالتصحيح
رسولي الناجى *** حبيبي الناجي
الأمي الطاهر *** النور الباهر
انا يوم اشوفه *** يا ناس بظاهر
زينات فعالو *** يخصف نعالو
نادى للشجـرِ *** حالاً سعالو
سرى وسلــــم *** لله كلـــــــم
من علم الغيب *** المكنون تعلم
رسولنا المرضي *** خفف للفرض
محبـــــوب الله *** وشفيع الأرض
صاحب الشمائل *** في الرسل طايل
ذخر الأواخــر *** فخــــر الأوئل
أمنن علـــي *** وأعطف علي
قول يا هاشم *** حملك علي
كوني مريدو *** ومفتون بريده
بهوى هواه *** وأهوى البريده
ما الليل جُنا *** وذو العشق جَنا
آلاف صـــــلاتي *** على ريس الجنة
|
Post: #44
Title: Re: النبي سيرتو حلوة *** وعندي تكشف كل بلوة : ركن المديح من تاني
Author: فيصل عباس
Date: 04-22-2004, 12:51 PM
Parent: #1
الجندريه
واحباب النبي المعاك
كل سنه وانتو طيبين
والجايه ملمومين في حرمو ونتمردغ في حبو
وصلوا عليهو وزيدوا الصلاه فانها شيخ من لاشيخ له
واحبكم في حبه
|
Post: #45
Title: Re: النبي سيرتو حلوة *** وعندي تكشف كل بلوة : ركن المديح من تاني
Author: Abo Amna
Date: 04-23-2004, 07:16 PM
Parent: #44
up
|
Post: #46
Title: Re: النبي سيرتو حلوة *** وعندي تكشف كل بلوة : ركن المديح من تاني
Author: محمد ابوبكر عثمان
Date: 04-24-2004, 00:12 AM
Parent: #1
حبايبنا الحلوين ، كل سنة وانتو طيبين
اهديكم المدحة دي من ديوان سيدي جعفر الصادق الميرغني رضى الله عنه
وياريت لو كنت باعرف ارفعها في البوست ف يايريت الناس البتعرف يورونا كيف ومايبخلو علينا
هاكم
صلاة ربي مدى الزمان
على النبى طاهر الجنان
نسيم نجد سرى سحيرا
فجدد الشوق والمباني
وهب ريح الصبا بروح
مخبرا عن عرب بان
يا أهل نجد حياة روحي
رعاكم الله بالامان
اخذتم العقل بل فؤادي
جمالكم سادتي سباني
وعاذلي رام لي سلواَ
فكيف ذا والهوى رماني
وحبكم في الحشا مقيم
وزدت شوقا وصرت فاني
وفي رباكم حبيب قلبي
جميل ذات جليل شان
من حاز حسن الصفات طرا
وساد في سائر المعاني
وفاق ظبيا كحيل عين
وخصه الله بالمثاني
وعم كل الانام جودا
ونال مالم ينله ثاني
اثنى عليه الاله مدحا
فما ثنائي وما بياني
وذكره في الكتاب يتلى
فأعجز العد بالبنان
وشاهد الرب بالعيان
ففاز بالقرب والتداني
ياسيد الرسل ياشفيعي
ياعالي القدر في الجنان
انظر لعبد حليف عهد
ياطاهر الذات والجنان
وامنحه قربا كذا ووصلا
من جعفر الفيض والمعاني
صلى عليك الاله يامن
حويت مجدا وكل شان
مالاح برق وسح رعد
ودام ذكراك باللسان
|
Post: #47
Title: Re: النبي سيرتو حلوة *** وعندي تكشف كل بلوة : ركن المديح من تاني
Author: fagyra
Date: 05-20-2004, 02:37 PM
Parent: #46
السلام عليكم ورحمة الله
معليش مشاركتي متاخرة لكن أأمل انها تحيي هذا البوست الجميل من تاني
بارك الله فيكي اختي الجندرية وفي كل من اسهم وكل من قرا
وزادنا واياكم حباً فيه وحباً في رسوله الكريم صلى الله عليه وسلم
اليكم كلمات مدحة من احب المدحات لقلبي
ولا تنسونا من صالح دعائكم
والسلام عليكم ورحمة الله
وصلى الله وسلم على سيدنا محمد وعلى آله وصحبه اجمعين
يا راحلين إلى منى بقيادي
هيجتموا يوم الرحيل فؤادي
سرتم وسار دليلكم يا وحشتي
الشوق أقلقني وصوت الحادي
حرمتموا جفني المنام ببعدكم
يا ساكنين المنحنى والوادي
فاذا وصلتم سالمين فبلغو
مني السلام الى النبي الهادي
ويلوح لي ما بين زمزم والصفا
عند المقام سمعت صوت منادي
يقول لي يا نائما جد السُرى
عرفات تجلي كل قلب صادي
من نال من عرفات نظرة ساعة
نال السرور ونال كل مراد
تالله ما أحلى المبيت على منى
في ليل عيد أبرك الأعياد
ضحوا ضحاياهم وسال دماؤها
وأنا المتيم قد نحرت فؤادي
لبسوا ثياب البيض شارات الرضا
وأنا الملوع قد لبست سواد
يا ربي أنت وصلتهم وقطعتني
فبحقكم يا ربي حل قيادي
بالله يا زوار قبر محمد
من كان منكم رايحاً او غادي
يبلغ الى المختار الف تحية
من عاشق متفتت الاكباد
قولوا لهم عبدالرحيم متيم
ومفارق الأحباب والأولاد
صلى عليك الله يا علم الهدى
ما سار ركب أو ترنم حادي
|
Post: #49
Title: Re: النبي سيرتو حلوة *** وعندي تكشف كل بلوة : ركن المديح من تاني
Author: Ahmed Alrayah
Date: 05-21-2004, 05:05 AM
Parent: #47
الأخت الجندرية
سلام
فكرة جميلة حقّا، ذكر المصطفى صلى الله عليه وسلم وشمائله الطيبة وأخلاقه الكريمة راحة للنفس ودفع لها نحو الإرتقاء لمراقي التأسي به صلى الله عليه وسلم...
خَمَدَتْ لفضل ولائك النيرانُ
وانشق من فرح بك الإيوانُ
وتَزلزل النادي وأوجس خيفة
من هول رؤياه انو شروان
وعرجتَ في ظهر البراق مجاوز
السَّبع الطباق كما يشا الرحمنُ
والبدر شقَّ، وأشرقت شمس الضحى
بعد الغروب، وما بها نقصان
وفضيلة شهد الأنام بحقها
لا يستطيع جحودها الانسانُ
صلى الله عليه وسلم
أحمد الريّـح
|
Post: #50
Title: يا ربي صلي علي محمد ما أشرق البدر في الظلام
Author: ASAAD IBRAHIM
Date: 05-21-2004, 06:32 AM
Parent: #49
صلي الله عليه وسلم
|
|