اها بسم الله نبدأ التشطيبات

يا اهلنا
بكري سيد الحوش
الله يعمر داره ويلعي مقداره
قال انه حيشيل الكلام كله يوديه المخزن

فدحين انا من بكره دي
حأبدأ في تنفيض بوستاتي القديمة
والرد عليها واكمالها
وحتلقوا / ن عندي اكتر من موضوع في الصحفة امكن
فعلكن / م الله ما تتداعوني
لكن الزمن خلاص ضايق
وبندور نلحق نرتب الحاجات ونشوف النافع وكدا

يعني الموضوع ما إغراق ولا محاولة لتحويل نفسي لظاهرة

والعفو في العافية يا الحبان

ويييييين لقيتك لامن اباك

ياست العرف

ما تابك العافية يا الزينة
كتر خيرك رقدتي لي شعرة جلدي

الجندرية الغالية
في انتظار علو بوستاتك .. التي نجد فيها المفيد دائما
ولي قدام يا حبيبة
إيمان

الجندرية ست الذوق
خلينا بوستك فوق
و الصفحة اللولا إن ما ملاها المتلك حرمت علي الغيرك

ايمان الغالية
الطيب ود ابواتي
شكراً لتفهمكما

تنوير لمن لم يـ/ تتطلع
واهلنا قالوا الضاق عضة الدبيب بخاف من مجر الحبل
مع الشكر

***

الجندرية
علىالعين والرأس انته الزيك بتلام بس انته اشره وفى الخدمة والمساعدة
تحياتى

الأخت الجندرية

ألف حمداً لله على السلامة ..
يا ريت يكون تشطيب وتسليم مفاتيح ..
اصلو اليومين ديل المواد غالية ..
واي تأخير معناهو زيادة في الأسعار ..

تسلمي

بلدي ياحبوب
تسلم وشايلنك لعوزة

اخونا معتصم
الله يختينا العاقات
ويكفينا شر غرامات التأخير