غيبوني في مجاهيل الهوى

الأخوان والاخوات في البورد
اخص ياسر الشريف
سودانوبس
عمر

لو ما لحقتوني بي رائعة
الشيخ عبد الغني النابلسي
غيبوني في مجاهيل الهوي
وابنوا لي من الاشواق دور

احتمال كبير انفق

عطر الله ايام هدى قباني
كانت تنشدها
فتغرقني في دمعي

غيبوني في مجاهيل الهوي واضربوا حولي من الأشواق سور
أحجبوني لا أري صنواً لكم إنكم في الحب ذياك الغيور
....................................
هذه الأيام ايام الظهور
من يذق فيها يذق للنار نور
........................
يا جندرية...ما تقصرون
هذه رائعة شاعر الجمهوريين عوض الكريم موسي عبد اللطيف
وليست رائعة عبد الغني النابلسي
وأنا والله إلا أفتشا
أما ياسر الشريف...إيدو لاحقة.وأكيد سوف يرسلها لك.كان ما أرسلها عمر...هي موجودة بي صوت كرومة..وصوت إخلاص وصوت محاسن..وصوت فردوس..عايزاها بي صوت منو..

سودانوبس
شكراً للتصحيح
ولاعجب ان اختلط الامر عليّ
فعوض الكريم شرب من ذاك الكاس حتى ارتوى
مدد ايها الواصلون

الجندرية
ســـــــــــــــــــلام
لــــو ياسر مارسله حاارسلة ليك انا عشان ماتنفقى
كويس

ايمان
شكراً للتضامن

يا سودان وبس
بي صوت كرومة او اخلاص
الاثنين كاسرين فيني ضلعة

تسلم ضلعتك يا جندرية,,تلك الضعلة التي تضم تحتها هذا القلب الرؤوف..رقيق الحس والإحساس..النابض بالحياة( ألا في الجسد مضغة إذا صلحت صلح الجسد، وإذا فسدت فسد سائره..ألا وهي القلب)..كما قال رسولنا عليه أفضل الصلاة وأتم التسليم أو كما قال

كتر خيرك
يالله الحقنا بيها
معقول لسه ما لقيتها ؟

الجندرية سلام
والسلام موصول لسودانوبس وإيمان

وجدت القصيدة "أيام الظهور"ـ هنا
http://www.alfikra.org/inshad/k003a.htm

أول قصيدة في المجموعة بصوت كرومة ولكني لم أستطع أن أنقلها فارجو منك يا إيمان أو صديق أن تساعدا في توصيلها إلى هنا..

وجهه المحجوب في ثوب السّوى
هذه عيني تراه في سفور

والسموات التي قد نزّلت من حماه
لا ارى فيها فطور

أيها الطرف الذي يهوى العمى
إنه هذا وعنه لن تحور

هذه جناته قد اُزلفت
فانبعثنا من غيابات القبور

يا ياسر.إنتا كدة قلعتها بي عروقا....لى جندرية..كان تقلعا بالمقلام كويس.لكن احسن....ممكن تسمعا وتسمع غيرا من القصايد وتسمع المقدمة كمان للقصايد الأخري
....................
نحن ما نتدخل في التكنيك الفني أنا وإيمان..لأنو برضو كدة كويس.إلا إذا ما قدرت تنزلا.جندرية..ممكن نعيد قلعها بالمقلام كويس..ونشتلا من أماتا غادي..شتلة المشرق

ياسر الشريف
كتر خيرك
تعرف الليلة كاني لقيت الكنز
من الصباح اشيل واحفظ في الجهاز
ربنا يديك الفي مرادك
وانت برضو يا سودان وبس

ماقصرتو

Genderiya,

You have deeply moved me, by asking for the hymn, and by reminding my of my dear sister Huda Osman Sulaiman Gabani, the great mark of women freedom on this planet. Yes, on this planet.

You will know one day what I mean. But I have a very strong feeling that you already know. Please excuse me for writing in English. I am doing this because the computer which I happened to use this morning does not have Arabic facility.

Take care, and continue to be who you are. I greatly admire you and your contribution to this board. Thank you!

الجندرية

ألآن عرفت سر محبتك لمظفر النواب أتاريكي صوفية لابدة ، الليلة معزومين عندكم ذكر جهزي الفتة

وضلعة آدم دي حافظي عليها من التكسير ، ورجعيها لينا سالمة

معقول يا ابوساندر يادووووووووووووب اكتشفت
الماحب مظفر دا الا اعمى بصيرة ساااااااي
وحبابكم بفتتكم وبلاها حتى بي مزتكم حبابكم
بس ادم الدخلو في ضلعي شنو كمان ؟ّّّّّّّّّّّّّّّّّ!!!!!

الأخ حيدر
اشكر كثيراً لطفك
للاسف الشديد لم احظ بمعرفة الاخت هويدا عثمان ، ارجو ان يسمح وقتك بالعودة وتعريفنا بها .
سنتواصل اكيد ...
تحياتي وعميق مودتي

جندرية..عزيزي ابو ساندرا.يقصد بي ضلعة آدم.الضلعة التحتانية السايبة الضعلة القصيرة عدد كبير من السودانيين يسموها طلعة ابونا آدم.. لأنو بيقولوا المرأة خلقوها من ضلعة سيدنا آدم القصيرة دي.يعني دي كأنها حقت ابونا آدم...كلام عايز بحث...ما إنت بتاعة بحث يا أستاذتي..

Thanks Genderyia,

Huda Osman is هدى قباني

نعم يا بت عبدالجليل
شوفى
منكرا قد كان فى عهد الدجى
منكرا يبقى لدى هتك الستور
غيبونى غيبونى غيبونى غيبونى غيبونى غيبونى غيبونى غيبونى

لقد قابلت الأخ طارق عبدالجليل فى دعوة عند ناس كمال محمد عمر وندى على عمر و عدد لفيف من الديامه فما احلى تلك اللحظة ولقد كانت كغيبونى

لطفى

سودانس وبس
شكراً للتوضيح
اول مرة اسمع بي ضلعة ادم دي
طول عمري بسمع بي تفاحته لكن الضلعة دي زي ما قلت عايزة بحث

الاخ حيدر
يبدو انني لم اقرأ الاسم كاملاً
هدى قباني واحمد محمد الحسن اصدقائي الجميلين
تمتعت بهم ردحاً قبل سفرهم الى السودان
هدى تلك الابنوسة الصادحة ما اجملها ، لها محبتي واحترامي اين ما كانت

لطفي
يا لسعدك التقيت تلك الانجم: طارق ، ندى ، كمال والبقية
نعم فلقائهم مسكر
سنوات مضت على لقائي بهم
نسأل الله ان يجمع الشمل
تحياتي
للطيب وامه

هل إنت لطفي علي لطفي؟
إذا كنت هو فيا حليلك ياخي ووين إنت ووين زهير الهادي؟
وإذا لم تكن فأهلا برضو ولك كل الحب


دالـــي رحمة الله
الكوة
الكريدة
النيل الأبيض

الجندرية شكرا فقد أعدتيني إلى زمن الانشاد العذب

وأضم صوتي إلى صوتك وأرجو ممن عنده هذه الروائع أن يتحفنا بــ
جيلانينا قد شد نحو خيامنا الخيل
أيا قدم الهدى والنور كلنا سيدي كيلا

ولك السلام والقيام

دالــي

الأعزاء دالى والجندرية وبقية العقد الفريد
هاكم "جيلانينا.. قد شد نحو خيامنا الخيلا"

جيلانينا
شعر عوض الكريم موسى
إنشاد مجموعة الأخوات الجمهوريات

Please click to play the song

الأخت جندريه
سلامات, نعم ان لقائهم مسكر وذلك لأن خمرنا خمر المعانى عتقت من قبل آدم//// ولها نحن القنانى من زمانا قد تقادم اما ام الطيب فهى وفاء همد شقيقة الراحلة المقيمة اخلاص رحمة الله لها ولزوجها صلاح الطيب رحمة واسعة والهمنا ودرة عينيها وفلزة كبديها الصغيرين محمود وآمنه حسن العزاء الصبر الجميل ولنا فى الله عوض رغم عظمة الفراق, وشقيقات الطيب القمرين النيرين دعاء وآمنه, ارجو توصيل سلامى للأخ محمد همد
واسرته كما لزوجك واولادك

الأخ الحبيب الدالى رحمةالله
نعم هو لطفى بعينه و شحمه, والكوة وما ادراكما الكوة وملاح القرع وما شابه ذلك, ياسلام انها ذكريات الصبا وما بالك الآن واشتعل الرأش شيبا, لا انسى مداومتك وانت من المدمنين لركن صاحب الأسم احمد دالى وما زالت قفشتك ترن فى اذنى فى انه عندما يصيح لك شخص باسمك تجد جميع الأسلاميين يتلفتون, آخر ما سمعت عنك من ثلاث اشخاص اولهما من بدوى على لطفى عندمااعتداء الأنقاذيون على مكاتبكم ورمى معداتكم وادواتكم فى الشارع وانتم المحامون؟؟؟؟ واظن هذا احد اسباب هجرتكم وانتم القانونيون حيث لا قانون, ثانيا من ابن خالتى معز تنقارى وكان ذلك اوآخر التسعينات, ولقد اشاد بك ودماثة اخلاقك وغزير علمك وتواضعك الجم وكل ذلك معلوم لدينا ولكنها الشهادة والفضل بعد الله طبعا يرجع لعمك على/نكته/ , اما الخال زهير رغما عن انه يصغرنى بشهور فهو شقيق الوالده فكلمة خال واجبه اهو العادات والتقاليد, هو الآن طبيب اسنان بتبوك وستقبل قبل ايام ولية عرش ولكن يسبقها ولى عرش بسنة, اما شخصى سوف فى المداخلة اعلاه وفى بوست تعارف
دعوة للدعوة للتعارف بين الاعضاء - ما هو رايكم
تعارف بين الاعضاء - ما هو رايكم
فى الرياض مؤقتا تلفونى الجوال 059855269
دالى دى عرفناها هبوووووب دى شنو, طبعا لا اذيعك سرا اتانى احساس انو ده انت
ولكما منى الشكر

وا شوقاه لأيام الكوة حين كنا نتلمس الخطى في درب المعرفة على يد جيل رائع من الأساتذة والمربين وكنا نجادلهم بفصاحة تفوق سننا وكانوا يحتملون ويجاوبون الأسئلة سهلها وصعبها دونما ضجر
لهم التحية وخاصة الوالد الرائع الأستاذ علي لطفي
ولا زلت أذكر تلك الغرفة المعزولة بمنزلكم بالكوة التي كنا نجلس فيها الساعات الطوال نتبادل النقاش والقفشات وزهير العذب يملأ الكاسات بالشاي الما خمج
آخر مرة التقيت زهير كان في منتصف التسعينات في عيادته وخلع ضرسي بقليل من البنج وكثير من النكات الحلوة وكان لسه ما تزوج
والله سعيد أنه تزوج وعنده طفلين بلغه تحياتي وكم أشتاق إلى رؤيته والله

وبدوي أين هو هذا الشقي كانت لنا أيام حلوة بالخرطوم وقد شهد معنا ايام الضنك والعذاب والإهانة بلا سبب من اناس انعدمت فيهم الرجولة والأخلاق لكن الله موجود ويمهل ولا يهمل
سلم على بدوي كثير السلام ولو عندك تلفونو أديني ليهو

أما معتز التنقاري فهو والله نعم الرجل وقد تزاملنا لفترة في مسقط فوجدته رغم صغر السن غزير العلم والأدب بلغه تحياتي وعاطر أمنياتي

ولك أنت يا صفي الروح كل مودتي وسوف أتصل بك بالتلفون لأسمع صوتك بعد هذه القطيعة التي استمرت لأكثر من طاشر سنة

قلت لي هبووب دي شنو الحبوب دا يا لطفي جدي فأنا دالي رحمة الله الحبوب ولا نسيت يا غبيان
لك كل الحب

دالــي

alraeee33een

aljandareeya
yaser shreef
3abddallla 3omar



shokrrran jazeeela
kma galat jandareyya
wajadnna kanz

ياشيخ دالى
ماعارف الحصل شنو متأكد وجدا انو كتبت وثالثا من الأخ محمد حيدر ابوزيد قبل شهر خلال مهاتفه تلفونيه سوف امدك بالتلفون لبدوى وزهير عن طريق بريدك الخاص فى خلال يومين

عمر عبد الله
شكراً لجيلانينا
انا طبعاً ياسر الشريف ياجب الكنز كلو واداني ليهو في يدي
ربنا يقدرني علي جزاه

ريل العسل
شكراً للزيارة

دالي الحبوب
ولطفي
بعافيتكم
رغم اني قاعدة اجر بوستاتي
لكن فرحتي بي لمتكم عفتكم من الدفع

شكراً للجميع

كرمك فياض وكلو بحقو بس نحنا ناس
Credit Card
ان شاءالله يكون عندك مكنه عشان تسحبى المبلغ المطلوب ونصيب
دالى على كمان

لطفي الكرم كارك
تحياتي للديامة فرداً فرداً

ياتو ديامه ، وياتو ديم ، قوام كلمونا

الكرم حارسك يا لطفي من جدودك لكن حكاية الكريدت كارد دي جديدة وكان فتحت بابها شد حيلك
أيوه محمد حيدر معانا يا لطفي وفي الحقيقة نحن معاهو لأنو جاء قبلناوكل ما ألتقيه أتذكر الخرطوم ولطفي وبنك الخرطوم

ولك يا الجندرية كل المودة والتقدير على فتح هذه الخزائن اللطيفة وأنا من داك اليوم ما عندي شغلة غير هذا الموقع بس الاعمى المسكوه العكاز

دالــي

ابوساندرا سلامات
المقصود ديم لطفى برفاعه الجميله حيث شرق الله البارد وملاح الويكاب والبنطون وماشابه ذلك

الأخ الدالى
الشكر لى بت عمى عبدالجليل لعدم اخذها الأيجار والمال السايب يعلم السرقه, فلنسرح ونمرح مدام مافى دفع والملح كتر منو ولو اضرك
آه آه ما احلاها ايام خوالى ولقد وقعت الجندريه, وبه انجمعنا يوم جمعة وصله *** فتفرقت أحزاننا أيدي سبأ
والحمدلله الذى جمعنا عبر هذه الشبكة فانا لك شاكر اخى بكرى
فيا دالى والجندريه, اقول
يامرحبا يامرحبا يامرحبا
هذا الحبيب اتى وكان مغيبا

سلام يا اهل المحبة