Post: #1
Title: ماسنجري غتس
Author: الجندرية
Date: 01-14-2003, 11:40 AM
Parent: #0
يا ابومروة
البعرف اقلع المسانجر
الحقنا
|
Post: #2
Title: Re: ماسنجري غتس
Author: Tumadir
Date: 01-14-2003, 11:47 AM
Parent: #1
قلت الحقك وانجدك
لكن ماسنجرى غاتس
قى البطاطس
اظن ناس بكرى جمعوا الاطالس
|
Post: #3
Title: Re: ماسنجري غتس
Author: سكرا
Date: 01-14-2003, 11:49 AM
Parent: #2
ما براك يا اختي ..كلنا
|
Post: #4
Title: Re: ماسنجري غتس
Author: الجندرية
Date: 01-14-2003, 11:50 AM
Parent: #2
كويس غتس في بطاطس ما بامبي
ايوة يادوب قريب بوست بكري القال حيجمع فيه الاطالس
شكراً يااصل المروة
ودعشان ايعرفوا المروة وما حقت الرجال براه
|
Post: #5
Title: Re: ماسنجري غتس
Author: Shinteer
Date: 01-14-2003, 11:53 AM
Parent: #1
البخور البخور عليك بالبخور يا الجندرية .. و لو عندك طينة ود بدر بتقلعو ليك من سابع الاراضي
لكن كيف المسنجر بغتس؟ و الله انا متعاطف معاه يتلقي شرقان المسكين .. بس كان وريتينا غتس كيف بنعوم ليه
|
Post: #6
Title: Re: ماسنجري غتس
Author: الجندرية
Date: 01-14-2003, 11:57 AM
Parent: #5
ودر بدر الحقنا وينجدنا
شالتو الشيمة
لكن العوامين في البورد كتار
|
Post: #7
Title: Re: ماسنجري غتس
Author: altahir_2
Date: 01-14-2003, 01:36 PM
Parent: #1
الجندرية سلام
انا بحاول من يوم اخذت عضوية البورد اراسلك علي الماسنجر دون جدوي
حتي خطر لي الاتصال بابو مهيار لاجد وسيلة لذلك
|
Post: #8
Title: Re: ماسنجري غتس
Author: كحلوش
Date: 01-14-2003, 04:24 PM
Parent: #1
خالتو:
لحدي بكره ، لو ما رجعوا ، كلميني ، اطلع ليك ليهم حتة دين مظاهرة ،تقلع الغتس في الشوربة ، موش البطاطس بس ،،
دمتي لي ياغالية.
|
Post: #9
Title: Re: ماسنجري غتس
Author: عشة بت فاطنة
Date: 01-14-2003, 04:35 PM
Parent: #1
الجندرية الحرية اكون غتس في بحر اليم كلمي تراث اجيبو ليك
بس قولي ليه حاذر الداسوقي ما ياكلك ويغتسك ات الاخر "
اكتشاف في البوست بتاع شرنوبي بالخرزة بتاعت المغربية والزهرة عرفت ان و تراث هو زوجك مبروك يا الجندرية
|
Post: #10
Title: Re: ماسنجري غتس
Author: عشة بت فاطنة
Date: 01-14-2003, 04:39 PM
Parent: #1
الجندرية الحرية اكون غتس في بحر اليم كلمي تراث اجيبو ليك
بس قولي ليه حاذر الداسوقي ما ياكلك ويغتسك ات الاخر "
اكتشاف في البوست بتاع شرنوبي بالخرزة بتاعت المغربية والزهرة عرفت ان و تراث هو زوجك مبروك يا الجندرية
|
Post: #11
Title: Re: ماسنجري غتس
Author: Tumadir
Date: 01-15-2003, 00:30 AM
Parent: #10
وتراث بالله راجل الجندرية؟؟؟
وابو مهيار اخوها؟؟؟؟
شوف بالله البت دى محاوطة بمنو؟؟
بخـــــــــــــــــــــــــتك
|
Post: #12
Title: Re: ماسنجري غتس
Author: Abomihyar
Date: 01-15-2003, 01:38 AM
Parent: #1
بختك انت يابت عز الرجال
.....محاوطة بهشام والصادق
وأصحابك يسدوا عين الشمش
..تسلمي يانديدتي
|
Post: #13
Title: Re: ماسنجري غتس
Author: sharnobi
Date: 01-15-2003, 01:41 AM
Parent: #1
احسن يا جندرية
عشان تتكلموا معانا بالواضح
|
Post: #14
Title: Re: ماسنجري غتس
Author: مشتاق
Date: 01-15-2003, 03:01 AM
Parent: #1
ياجماعه
جئتكم من بكري بالخبر اليقين
الماسنجر والتوقيع مقفولين لحين اشعار اخر
والمامصدق يرجع لماسنجر بكرى بعنوان
دراسه .............فى الصفحه الثانيه
|
Post: #15
Title: Re: ماسنجري غتس
Author: الجندرية
Date: 01-15-2003, 07:25 AM
Parent: #14
ضياء
ازيك
الماسنجر كان شغال لحدي قبل يومين بس
فعلاً الظاهر ناس بكري جمعوه زي ما قالت تماضر ومشتاق
أول ما يظهر انا برسل ليك
*****
كحلوش
كيف الحال
وكيف المغربية
بالله سلام ليها
اها ماقلع لحدي هسه
همتك
بالمناسبة لمن قريت كحلوشياتك قفز حنا مينا إلى ذاكرتي
ولا ادري لماذا تخليت انه من اللاذقية
هل هو كذلك ؟
خالتك الجندرية
***
والله ياعشة مبارك بالغتي
تباركي لي بعد 11 سنة
ولدي شنبو قرب ايخت
لكن مقبولة منك
والله ايجازي " الذي بعثرنا في كل وادي "
والبحر الديم ياحليل ايامو
ربنا يرد غربتنا جميعاً
***
تماضر
الله يكرمك
يابت عز الرجال زي ماقال ابو مهيار
تعرفي ، عندما ازهو بهم واباهي وقول " اخواني المابتلوموا وما بقطعوا لساني "
لا يكون مصدر ذلك الزهو عشائري فقط فهم أيضاً رفاق دربي الصخري الذي مازلنا ننحته باظفارنا.
لهم شوقي ومحبتي ، عرفتي انا ليه مغروضه في الماسنجر
أما حبيبي و صديقي تراث
ربنا ما يجيب يوم شكرو
وما عايزه اقد ناس البورد بموال غزل
بعدين تقوم خرزة المغربية ما تحجب العين
دا طبعاً غير اخواني الجداد العرفتوهم على قولك في حوش بكري
الله يخضر ضراعو
ويحفظهم جميعاً
***
شرنوبي
كيفك
اوعى كلامي الفات داك كلو يكون ما كان واضح
كلامي واضح
والبروفايل برضو واضح
ومافي شيتاً اندسى
***
مشتاق
كيف حالك
تشكر ياود اخواني التانيين
مش قالوا اخو اخوك اخوك
وانت اعمامك اخوان اخواني
ايوه قريت بوست بكري وفهمت الحاصل
|
Post: #16
Title: Re: ماسنجري غتس
Author: قرشـــو
Date: 01-15-2003, 07:36 AM
Parent: #15
الجندرية السكرية الكلامها عسل
(رينا يجعل كلامى خفيف على تراث)
والله ياختى كلنا فى الهم شرق وانا بادى لى شمار مع زولة بالله طيروه لى فى راسى وعاوز انقل لى شمار لى واحد اخونا لقيت حتى الميل بتاعه ما بستقبل ..
دى مصيبة شنو دى بس يا ربى
هووووى يابكرى
ما سمعت الرضاعة هينة الكلام فى الفطام
نحن الماسنجر دى ما بنلعب فيه لازم يرجع لازم يرجع
مع تحياتى للجميع
|
Post: #19
Title: Re: ماسنجري غتس
Author: Ahlalawad
Date: 01-15-2003, 08:31 AM
Parent: #16
ياعمدة
اسمح لي خربت الغنوة
بقولوا
يا شقر ليبلد بنية
اقولا ليك بالانقليزي؟
طيب
sugarواحدة
labled والتانية
|
Post: #17
Title: Re: ماسنجري غتس
Author: عشة بت فاطنة
Date: 01-15-2003, 08:16 AM
Parent: #1
كمان يا تماضر يازول اطلع اخوك ماقت لي ياتو فيهم ابوعبيدة الصادق ولا المقداد سلام شديد ليهم كلهم
|
Post: #18
Title: Re: ماسنجري غتس
Author: Ahlalawad
Date: 01-15-2003, 08:28 AM
Parent: #1
عشة بت فاطنة
والله كان ما أخاف الكضب أقول ليك دا هشام
لاكين كتر خيرك
ذكرتينا المقداد ودار اللزاعة
|
Post: #20
Title: Re: ماسنجري غتس
Author: الجندرية
Date: 01-15-2003, 08:55 AM
Parent: #18
قرشو
تراث ما بزعل منكم
ما انتو ناس البلد
لكن والله قطعوا راسنا جنس قطعا
هسه انا مافاضل لي الا اعمل فراش عديل كدا
يارب تهون علينا
وتدني بعيدنا وتقلع لينا بماسنجرنا
اهل العوض
حبابك
والله ذكرتنا اولاد شيخ الدين
وبالمناسبة ياتماضر تبارك وين
دا واحد من اولادي
ياحليلهم
اها ماوريتوني المفيد
الماسنجر
برجعوه متين
|
Post: #21
Title: Re: ماسنجري غتس
Author: اساسي
Date: 01-15-2003, 09:03 AM
Parent: #20
الجندرية
اخر خبر عن الماسنجرات
بكري باعها لناس الحكومة ضرائب المغتربين
|
Post: #22
Title: Re: ماسنجري غتس
Author: Ahlalawad
Date: 01-15-2003, 09:03 AM
Parent: #1
الجندرية
سمعتي الاغنية البتقول
حبيبي سافر اجازة
خلاني مكنكش جنازة
غايتو كان فرشتو ادونا خبر
حانجيب ليكم عجل يملا قدح محمود ودزايد
وحا ناكل معاكم
|
Post: #23
Title: Re: ماسنجري غتس
Author: الجندرية
Date: 01-15-2003, 09:12 AM
Parent: #22
غايتو يا الشمات
الله يكفنا شركم
جارين للضبحية
اها باكر الفوله بتملي والبقارة بتجي
اساسي الله يكضب الشينة
اصلو بشوف البيع ماشي اليومين دي
تماضر قالت السودان ما فضل فيهو الحتة
الله يستر على البورد
لكن عندك كان مشينا لي تلاميذ الملا عمر ديل
ما هجموا بكري ويلجموا
يقعلوا لينا بالماسنجر
انشاء الله كان في فك تمساح
|
Post: #24
Title: Re: ماسنجري غتس
Author: ود العجمى
Date: 01-15-2003, 09:15 AM
Parent: #1
رجعوا ليها ما سنجرها
دا ال ون يا جندرية وين ال تو
|
Post: #25
Title: Re: ماسنجري غتس
Author: الجندرية
Date: 01-15-2003, 09:20 AM
Parent: #24
ماخلاص شلنا الكربون
ماسنجري
ماسنجري
|
Post: #26
Title: Re: ماسنجري غتس
Author: Tumadir
Date: 01-15-2003, 09:28 AM
Parent: #24
الله يعزكم كلكم يا آل الجندرية وعشة واخوة البورد اهلى الجداد،
تبارك فى واشنطن دى سى، وعندو ولد ناطعو ، كارثة زيو
وهو ما زال من اجمل الناس
وياعشة يازول دة هشام
والصادق معانا ما تغشانا
ومعليش يا قرشو لو ماسنجرك شتت شمارك
ان حظى كشمار فوق ماسنجر نثروه
ثم قالوا لبورداب
من السيرفا اجمعوهو
|
Post: #27
Title: Re: ماسنجري غتس
Author: alsngaq
Date: 01-15-2003, 02:34 PM
Parent: #1
الجندرية اختى
اها جيت وبكرورك عشان يرجعوا ليك الماسنجر. وما تقولى السنجك ما بريح الناس فى مزاجها
قال مزاج *** مزاج شنو
.
لقد فرغ كأسي فمن
يملأ كأس أحلامي
|
Post: #28
Title: Re: ماسنجري غتس
Author: bit-alkhaleel
Date: 01-16-2003, 03:19 PM
Parent: #1
المســـنجر
إنت وين رايح
قالــــوا شـــمار في مـــرقة
يا ابــــوى النبيــه مو بلـــيد
عريــس البســملة ام توحيـــد
أنا في الســافل إنت صعيـــد
تلحقــني عليـــك مو بعـــيد
بعــد دا كان ما قلــع لــــوموني
صلـــحة
|
Post: #29
Title: Re: ماسنجري غتس
Author: كحلوش
Date: 01-16-2003, 05:40 PM
Parent: #1
اها في زول عندو عزوة اكتر مني
شوفو خيلاني منو واعمامي منو وخالاتي منو وعماتي منو في البورد ده .
يعني امشي من فريق ناس شيخ الدين ، لحدي ما اصل حوش ناس ابو مهيار ، زول يقول لي عينك في راسك مافي، والعجب كان تلبته على ناس حلة ورا، اخيطه من دكان عمي قرشو ، لحدي ما اصل طاحونة عمي المبارك، زول بقدر يحمر لي ولا يقول لي تلت التلاته كم مافي.
ماشاء الله ما اسحر روحي
دمتم ذخرا لي
والله يخليكم لي كلكم
خيلان على خالات
ويخلي ليكم اولادكم ،
ويخلي لينا البورد وناسو
ويخليني انا ليكم.
|
Post: #30
Title: Re: ماسنجري غتس
Author: Abomihyar
Date: 01-17-2003, 10:06 AM
Parent: #29
ابننا كحلوش
أو حبيبنا حنا مينا
لك المسافات بين جيلي وجيلك . ... ولك مناي الطيب.. فأنت
تحيرني بسبب وقوعك بين
أصغر أخوتي وأكبر أبنائي... ماذا
.... أناديك أيها القادم من أرض الحلم والذكريات
كحلوش .... حسبك كحلوش.. (شيشك) ياأكبر
.أبنائي وأصغر أخوتي
|
Post: #31
Title: Re: ماسنجري غتس
Author: Tumadir
Date: 01-17-2003, 12:43 PM
Parent: #30
حللت اهلا يا كحلوش فى بيت عمى شيخ الدين
وبالمناسبة ، هل حللت الواجب؟؟؟
|
Post: #32
Title: ماسنجرى غتس
Author: mohmmed said ahmed
Date: 01-17-2003, 04:39 PM
Parent: #1
الجندرية
الماسنجر دى كدى قولى لمحمد عبد الجليل يخطف رجلو يشوفو عند المره السرقت بستلة اللبن ديك عارفها ولا اقول
تحياتى لتراث والابناء ومساء صنعاء البديع
|
Post: #33
Title: Re: ماسنجرى غتس
Author: الجندرية
Date: 01-19-2003, 11:36 AM
Parent: #32
اخواتي
واخواني
وكل الكابروني في ماسنجري
انشاء ما نكابركم في شينة
خلاص الليلة الصدقة
وقررنا نرفع الفراش
وربنا يعوضنا ويصبرنا
اصلو الماسنجر بقى جنازة بحر ما معروف تقلع متين ووين
|
Post: #34
Title: Re: ماسنجري غتس
Author: omdurmani
Date: 01-19-2003, 11:41 AM
Parent: #1
نان كيفن ما يغتس....نوع الكلام البتكتبو الجندرية دا..يغتس حجر ارواح ...
|
Post: #35
Title: Re: ماسنجري غتس
Author: Ahlalawad
Date: 01-19-2003, 11:44 AM
Parent: #1
الجندرية
لو في واحد قدر يقلع ليك مسنجرك
بياضو يكون شنو
أنا بعرف واحد
لاكين المسنجر حايكون لاتجاه واحد
ارسال بس
|
Post: #36
Title: Re: ماسنجري غتس
Author: الجندرية
Date: 01-19-2003, 11:52 AM
Parent: #35
اهل العوض
ازيك
عشان نحدد قيمة البياض
لازم نعرف اتجاه الماسنجر اول
يعني ارسال كيف منو حيرسل انا و لاالزول الحيقلعوا
|
Post: #37
Title: Re: ماسنجري غتس
Author: ود العجمى
Date: 01-19-2003, 11:55 AM
Parent: #36
الجندرية كرهتينا
ماسنجرى غطس ماسنجرى غطس
ما كلنا ما سنجرنا غطس
بنيتك هبة أخبارها شنو؟ نعلها عافية
|
Post: #39
Title: Re: ماسنجري غتس
Author: الجندرية
Date: 01-19-2003, 12:06 PM
Parent: #37
امدرماني ازيك
كلامي ياتو البغتس الماسنجر
بعدين انت شفتي كلام ماسنجري وين
واصلاً لو كلامي بغتس كان غتس البورد
ياود العجمي
حبابك
انا قاعدة وفي امان الله
لكن ليه تراث ما يقره البوست دا فيهو شنو يعني ما فهمت ؟ قصدك على كلام قرشو ولا شنو
هبوية تمام كان عندها شوية حساسية من الكدايس عشان كدا بطلنا نتفح بوستتات بت قضيم
|
Post: #38
Title: Re: ماسنجري غتس
Author: Ahlalawad
Date: 01-19-2003, 12:00 PM
Parent: #1
الجندرية
البيدفع البياض
يحدد قيمته
ويحدد اتجاه المسنجر
مسنجر من فصيلة قطر عجيب
شيء عجيب
|
Post: #40
Title: Re: ماسنجري غتس
Author: ود العجمى
Date: 01-19-2003, 12:06 PM
Parent: #1
أهل العوض يا خى ما تحول مجرى القطر
خليها تطمئنى على هبوية .... يعنى الواحد ما يسأل عن خطيبتو؟؟
عالم عزول
|
|