Post: #1
Title: حليمة تو .. اهل العوض .. قرشو .. راوية : باركن /وا لي تميت التوب
Author: الجندرية
Date: 06-22-2004, 08:23 AM
اها يا عمدة جيب العمة
لحدي ما مشكلة الباسوورد بتاعتك تحل
بتمها ليك
حليمة : شوق السنين
اهل العوض : جيب العيال وتعال معزوم معانا حفلة يوم الخميس حنقشر بالتوب الجديد
راوية : بديك فيه سحبة لعرس ندى وخالد كودي
على فكرة البوست الاصلي
الارا ما قال ترا ؟
مافي طريقة نقلعه .
لكن دا بتاع اهل العوض
حليمة تو : عملتي للجندرية شنو في التوب؟؟
*********
معليش يا اهلنا
لكن البوستات دي كانت عن التوب السوداني والشغل اليدوي تطريز وفل وعرجنا على انه التوب جاي من وين اساسا؟
اهل العوض افتانا بانه الحزام من الهند شرقاً وحتى موريتانيا غرباً فيه توب
اها
قبل سنتين لمن اشتركت في البورد وكنت بشتغل فيه وكل ما اجي ازوق من بوست مفروض ارد فيه اقول بفلل في التوب
اكيد هسي موضة الفل انتهت
لكني مصرة
الشماعة الجاية عمة العمدة قرشو
لووووووووووووول
يا بالله سمعونا
اغاني التياب
من فتنة التوب الانيق
لحدي شوف عيني الحبيب بحشمة لابسة التوب
ومروراً بشفت التوب وما لاقاني اجمل منه
|
Post: #2
Title: Re: حليمة تو .. اهل العوض .. قرشو .. راوية : باركن /وا لي تميت التوب
Author: الجندرية
Date: 06-22-2004, 08:45 AM
Parent: #1
الجندريه..عملتي شنو في التوب؟
اها قلعت بيه
|
Post: #3
Title: Re: حليمة تو .. اهل العوض .. قرشو .. راوية : باركن /وا لي تميت التوب
Author: لؤى
Date: 06-22-2004, 09:05 AM
Parent: #1
أستاذة أمانى ، سلام واحترام ..
مبروك التوب وعقبال العمّة .. وبالمناسبة دى حاأهديك ((فتنة التوب الأنيق))
|
Post: #7
Title: Re: حليمة تو .. اهل العوض .. قرشو .. راوية : باركن /وا لي تميت التوب
Author: الجندرية
Date: 06-22-2004, 05:15 PM
Parent: #3
لؤي الفنان
الف شكر على فتنة التوب
وشفت اللنك دا بس جزاه عمة مفلله
رغم انه شكلك بقشراتك بالبدل في الصور دي ما بتاع جلابية وعمة
لكن اهو نحاول نرد الجميل
بعدين عليك الله من غير استذه
اماني ساااااي كدا مالها
الف شكر ليك تاني
|
Post: #4
Title: Re: حليمة تو .. اهل العوض .. قرشو .. راوية : باركن /وا لي تميت التوب
Author: abas
Date: 06-22-2004, 09:35 AM
Parent: #1
بنت جيرانا
انا بهديك
شفت التوب وبس ده التوب وسيد التوب عاد يكون كيفنو
|
Post: #5
Title: Re: حليمة تو .. اهل العوض .. قرشو .. راوية : باركن /وا لي تميت التوب
Author: Rawia
Date: 06-22-2004, 09:49 AM
Parent: #4
الجندريه العسل مبروك
انشاء الله لا تلبسي مرضانه لا تبيعيه صرمانه
وتقطعى بعرق العافيه
وانا عند وعدى شبشبه من 5th Avenueمش من اى محل
اريتك كن قريبه قايلنى ما باخد فيهو سحبتى
وانا برضو فى انتظار حليمه تو والتوب الوعدتنى بيهو
وبالمناسبه دى انا الليله حا امشى الشغل بى توب
عبد الواحد حقى
|
Post: #9
Title: Re: حليمة تو .. اهل العوض .. قرشو .. راوية : باركن /وا لي تميت التوب
Author: الجندرية
Date: 06-22-2004, 05:44 PM
Parent: #5
راوية ست الذوق
نبارك ليك السمح ان شاء الله
وكان على القرب هييييييين سفراً بالفدكس ما بعيد
بس ترجعيه تاني
لوووووووول
وشكراًً على الشبشب
لكن اتذكرت خالتي
سافروا مرة من دغش الرحمن قبل الفطور لبكاء في الخرطوم
وهي العينة الما بتحمل الجوع ديك
اها وصلوا بعد ما هي خلاص اكلت من سنامها زي ما بقولوا
بعد ما بكوا واستغفروا
جاءت بنية حايمة بالشاي
خالتي عاينت ليها وبصوت يحنن كدي قالت ليها
بري الشاي ما بدوروا لكن كان لقيت لي حتيته سندويتش ما باباها
اها عاد يا راوية الشيبشب ما بدوروا
كان لقيت لي فيزا ما ماباها
لووووووووووووووول
|
Post: #8
Title: Re: حليمة تو .. اهل العوض .. قرشو .. راوية : باركن /وا لي تميت التوب
Author: الجندرية
Date: 06-22-2004, 05:37 PM
Parent: #4
عباس ود جيرانا
شكراً ليك
لكن يا اخوي مالها هديتك كاتم صوت ؟
|
Post: #6
Title: Re: حليمة تو .. اهل العوض .. قرشو .. راوية : باركن /وا لي تميت التوب
Author: ابو مهند
Date: 06-22-2004, 01:24 PM
Parent: #1
نيابة عن حليمة2 بقول ليك مبروك(وشفت التوب وسيدالتوب مالاقاني اجمل منو)
حليمة مزنوقة زنقة كديس في طاحونة بي سبب الامتحانات دعواتكم ليها بالتوفيق,والله انا في البيت بقيت اشتاق ليها لووووول
|
Post: #11
Title: Re: حليمة تو .. اهل العوض .. قرشو .. راوية : باركن /وا لي تميت التوب
Author: الجندرية
Date: 06-23-2004, 08:12 AM
Parent: #6
ابو مهند
سلام كتير ليك ولحليمة
بالله تقسم ليها نصيبها
تمام ؟
الله يبارك في عمرك
وبلغ حليمة اشواقنا وامنياتنا ليها بالتوفيق دايماً
لوووووووووووول @ اشتاق ليك وانت معاي
|
Post: #10
Title: Re: حليمة تو .. اهل العوض .. قرشو .. راوية : باركن /وا لي تميت التوب
Author: منوت
Date: 06-22-2004, 05:45 PM
Parent: #1
بنت أمي يا حبيبه
مبروك ( تمت ) التوب ..
* لبست الطرحه ، و غيرت بالتوب ..
* على ذكر التياب ، فقد تصادف و أن كنت في المغرب أواخر عام 1996 ، و في أول صباح لي بالرباط ، و أنا بالطابق الخامي من الفندق المطل على شارع محمد الخامس قرابة محطة القطار الرئيسة ( لاقار ) ، لمحت في ذاك الصباح المغربي الندي مجموعةً من النساء و هن يخطرن - متونسات - لابسات للتوب ، فما كان مني إلا الإسراع نازلاً السلالم ، و ألفيتهن قرابة ( اللاقار ) ، فسلمت عليهن " " إزيكن يا بنات " ، و كانت دهشتي أنهن مغربيات من الصحراء الغربية نواحي ورزازات ، فاعتذرت ، و قلت : كنت أظنكن سودانيات ، فضحكن ، و اندهشت !!!
* أتمنى أن ( تقشري ) بهذا التوب يوم عرس أخوك !!!
|
Post: #12
Title: Re: حليمة تو .. اهل العوض .. قرشو .. راوية : باركن /وا لي تميت التوب
Author: الجندرية
Date: 06-23-2004, 08:40 AM
Parent: #10
ود امي الحبيب
* أتمنى أن ( تقشري ) بهذا التوب يوم عرس أخوك !!!
يوريني الله اليوم داك
يوم المنى
يوم نتلفح فرحنا بيك
اختك زاتها حصل ليها نفس موقفك
في حفل العيد الوطني لسلطنة عمان
اول مرة احضر
اشوف ليك واحدة بتوبها طبعاً طوالي جريت عليها
طلعت موريتانية
تعرف
لو الزول / ة ركز شوية بعرف الفرق في طريقة اللبس
السودانيات في الغالب لفحة التوب من الشمال
ناس موريتانيا والصحراء الغربية اللفحة من اليمين
|
Post: #13
Title: Re: حليمة تو .. اهل العوض .. قرشو .. راوية : باركن /وا لي تميت التوب
Author: الجندرية
Date: 08-06-2004, 02:03 AM
Parent: #1
فرحة سااااي كدي بس بشوفة حليمة
|
Post: #14
Title: Re: حليمة تو .. اهل العوض .. قرشو .. راوية : باركن /وا لي تميت التوب
Author: Halema2
Date: 08-06-2004, 02:11 AM
Parent: #1
ايوووووووى
مبروك تمت التوب ، النبى رسليه لى اقشر بيه فى امستردام قبل ما الصيف ينتهى
والله انا الفرحانه بيك يا امانى ، تاركى سمحه كدا
الف تحيه
حلوم
|
Post: #15
Title: Re: حليمة تو .. اهل العوض .. قرشو .. راوية : باركن /وا لي تميت التوب
Author: الجندرية
Date: 08-06-2004, 02:20 AM
Parent: #1
ما يغلا عليك يا الغالية
لكن سماحة شنو اسكتي ما يسمعونا ويجوا يقولو لينا شكارتها دلاكتها
بعدين جيب اضانك
دا الفنشنق وشدة المصور
لووووووووووووووول
|
Post: #16
Title: Re: حليمة تو .. اهل العوض .. قرشو .. راوية : باركن /وا لي تميت التوب
Author: نصار
Date: 08-06-2004, 03:37 AM
Parent: #1
العزيزة الجندرية
برغم عدم وصول بطاقة لدعوتنا لهذه المناسبة
العظيمة الا انا بمرورنا قرب صيوان الفرح
التقطت حواسنا احاديث عن الثوب السوداني
و شقيقته الرمز للشخصية السودانية العمة
فولجنا الي الداخل متوسلون بزمالة المنبر
و الاشتراك في تعلية شأن المظهر السوداني
الاميز عاشمون في قبول دوافعنا
و بعد هذه المقدمة التبريرية و التبريكات
بأن يردف الثوب المشغول ثوب الصحة و العافية
و الرفاة و السعادة الذي ينسدل عليك و علي
العزيز تراث و الاحباء الصغار
و ان قبل هذا و اُمن علي تاليه نعلن رغبة اكيدة
في أن يضاعف طول عمة العمدة لنكس النص الذي
يتبقي خاصة و انني انوي العودة معمماً لوطن
الاباء و الامهات و الحبان و الاعمام
ازهو بعمة صنو عمة العمدة و عمل الجندرية
موثقة الاصل علي صفحات البيت الكبير منبرنا
الحبيب
|
Post: #17
Title: Re: حليمة تو .. اهل العوض .. قرشو .. راوية : باركن /وا لي تميت التوب
Author: الجندرية
Date: 08-06-2004, 04:45 AM
Parent: #1
نصار العزيز
الف شكر للامنيات اللطيفات
واختك جاهزة تستاهل يغزلو وينسجوا ليك الفردة خلي فل العمة الساهل دا .
لكن يا ود امي اسمح لي بشوية اختلاف حول كلامك دا
Quote: عن الثوب السوداني
و شقيقته الرمز للشخصية السودانية العمة |
هل فعلاً التوب والعمة هما الرمز للشخصية السودانية
ام نحن فرضناها كذلك بحكم مركزيتنا وتهميشنا للاخرين / ات
أليست هي رمز لنا نحن فقط اهل الشمال والوسط ؟
اين ذهب اللاوي ؟
وصديرية الشرق ؟
زي الرشايدة المميز ؟
وحتى فردة البني عامر والبجا
لفحة نساء الغرب لفركة الصفيح ؟
اين كل هذا من التعبير عن ثراء مكونات الشخصية السودانية ؟
|
Post: #18
Title: Re: حليمة تو .. اهل العوض .. قرشو .. راوية : باركن /وا لي تميت التوب
Author: نصار
Date: 08-06-2004, 05:09 AM
Parent: #1
العزيزة الجندرية
الظاهر انا ما بصلح في التلطف و المزاح
اختي العزيزة المداخلة ليست دراسة و لا تناول جاد
لقضية الهوية و التعقيدات الاجتماعية في واقعنا
الملتهب. في كل دول العالم لا توجد وحدة اثنية
لكن لكٍ منها ملامحها التي تعرف بها و مكونات
هذا التمظهر الخارجي تكون الواقع الداخلي تمثل
خصوصية لمجموعة من مكونات اهل البلد و الفرق بيننا
و بين بقية الدول التي تخطت مرحلة الصراع و تواضعت
علي معايير انتخاب لمساهمات كل مجموعة في البناء
الاجتماعي الكلي لمجتمع الدولة، الفرق اننا مازلنا
لم نؤسس لهذه المعايير فتسربت المظالم و الحساسيات
و اصبحت هي سيدة الموقف في العلاقة بين ثقافات مقهورة
و اخري قاهرة،،، ما كنت اظن انني بحاجة لتناول جاد
في هذا الركن و لا ارديت التعمق في الامر،، فقط اقول
و تقول مشاركاتي هنا بأنني لست غافلاً عن الاشكالية التي
اشرت لها و لست داعماً لتعالي ثقافي او عرقي بكل تفاصلهما
و شكراً للفت نظري بهذه الجدية في مكان التبسط و المؤانسة
|
Post: #19
Title: Re: حليمة تو .. اهل العوض .. قرشو .. راوية : باركن /وا لي تميت التوب
Author: الجندرية
Date: 08-06-2004, 05:20 AM
Parent: #18
نصار العزيز
لست انا من يشير لمساهماتك او مواقفك الجادة وعميقة والثرة في هذا الشأن
والله اخي العزيز لم اقصد من هذه الاسئلة اكثر من محاولة جر البوست الي دائرة الجدية والرصانة التي توصم مشاركاتك في البورد
فلك العتبي حتى ترضي
والروشة كعبة والله
الله يعفى عن اختك بس
|
Post: #20
Title: Re: حليمة تو .. اهل العوض .. قرشو .. راوية : باركن /وا لي تميت التوب
Author: نصار
Date: 08-06-2004, 05:36 AM
Parent: #1
العفو اخت العز و الود
مافي الا الخير بس انا افتكرت انه في التواصل
الانساني ممكن نتحرر شوية و نسمح لي نفسنا
انه نقول انصاف الاشياء و لا نؤاخذ علي ذلك
و لو حولنا البوست الي شكل جاد افقدناه طبيعته
الخفيفة و المهمة جداً لتدعيم التواصل الانساني
الحميمي الذي نشأ بيننا اخوة و اخوات و اظن
دي قاعدة مهمة جداً و ليها اثر انساني موجب
ينفعنا في خلق قاعدة متينة نقف عليها حين
نتفق و نختلف في حواراتنا و تناولنا للقضاية
الحتمية
ود و تقدير و احترام
|
Post: #21
Title: Re: حليمة تو .. اهل العوض .. قرشو .. راوية : باركن /وا لي تميت التوب
Author: الجندرية
Date: 12-25-2004, 00:02 AM
Parent: #1
الغالي نصار
عداك العيب
ولك العتبى حتى ترضى
|
|