مر القطار .. يا مراويد والبقية

سمعت بأن مارسيل غناها
لتعاستي لم اسمعها
اعرف حينما يجتمع درويش ومارسيل
لا نملك سوى ان نضع قلوبنا على اذاننا وننصت لدفق الحياة الحرة ولنبض الحالمين / ات بها .
لهم / ن المحبة حيثما كانوا / كن

يا ريت زول / ة ينزلها هنا
وبهديها ( للذين أحبهم ـ الذهبوا / ن والباقين / ات ـ )



مَرَّ القطارُ سريعاً،
كُنْتُ أنتظرُ
على الرصيف قطاراً مَرَّ،
وانصرَفَ المُسافرونَ إلى
أيَّامِهمْ ... وأنا
ما زلتُ انتظرُ
***
تبكي الكمنجاتُ عن بُعْدٍ،
فتحملني
سحابةٌ من نواحيها
وتنكسرُ
***
كان الحنينُ إلى أشياء غامِضَةٍ
يَنْأى ويَدْنُو،
فلا النسيانُ يُقْصيني،
ولا التذكُّر يدنيني
من امرأة
إن مَسَّها قمرٌ
صاحَتْ : أنا القَمَرُ
***
مَرَّ القطارُ سريعاً،
لم يكن زَمَني
على الرصيف معي ،
فالسَاعة اختلفتْ
ما الساعةُ الآن؟
ما اليومُ الذي حَدثَتْ
فيه القطيعةُ بين الأمس والغد
لَمَّا هاجر الغَجَرُ؟
****
هنا وُلدتُ ولم أُولَدْ
سيُكْمِلُ ميلادي الحَروُنَ إذاً
هذا القطارُ
ويمشي حوليَ الشَجَرُ
****
هنا وُجدتُ ولم أُوجَدْ
سأعثُرُ في هذا القطارِ
على نفسي التي امتلأتْ
بضفّتيِن لنهرٍ مات بينهما
كما يموتُ الفتي
" ليت الفتي حَجَرُ ...."
***
مَرَّ القطارُ سريعاً
مَرَّ بي، وأنا
مثل المحطّة، لا أّدري
أُودّعُ أم أستقبلً الناسً :
أّهلاً ، فوق أرصفتي
مقهى،
مكاتبُ،
وردٌ
هاتفٌ،
صُحُفٌ
وسندويشاتٌ،
وموسيقى،
وقافيةٌ
لشاعرٍ آخرٍ يأتي وينتظرُ
***
مَرَّ القطارُ سريعاً
مَرَّ بي، وأنا
ما زلتُ أّنتظرُ

محمود درويش
من ديوان : لماذا تركت الحصان وحيداً

امانى
الذوق ما عندك لكن، قلتى تجينا من الاخر و تكبى جاز فوق نار العذابات الملهلبه دى، كتر خيرك!!

الاغنيه ما عندى هسه لكن ليك على افتشا واجيبا هنا، ده كان ما اولاد وبنات الحلال سبقونا.. غيظه صغيرونه ليك،انا سمعتها من مارسيل مباشره ومعاهو الفرقه العجيبه.
اسمعى كان ما لقيتا، القطار المرا بتخارج؟؟؟ نكلم عمك تنقو يصبرك بيها!!!

بقيت كاواي خلاص يامراويد

انا برضو سمعتها لكن معلبة

اماني ..
حمد الله علي السلامة
كان الله فتح لينا بيها في النت بنجيبه ليك

اديها صنه بس

لوووووووووووول يا مراويد

طلعت من الذين لم يذهبوا بعد ؟!!

القطار المرا
وفيه مرا حبيبي
بالعلي ما مرا
وما بعرفوا شنو

لذيذة والله والشفيع ما ننباه
لكن عليك الله بالجد كدا شوف لي دي
وما تجي تخرمج وتخت لي القطار المرا واغنية الحلة هنا
اعمل ليهم بوست براااهم

قلت لي من مارسيل مباااشرةً للقلب
ما هاين علي اقول ليك ما ينفعك
غايتو الريدة مرات عارض عديل
وتاني لوووووووووووول

يا جندريه....ومراويد....نان انا زااااتي ما سمعتها....عديييييييل كدي...من خشم سيدها....في حفله في فندق ...والعجب لامن غنا...بين ريتّا وعيوني....صمت لامن الصمت سكت...وانا برضي بفتشها ليك سجلتها من الحفله مباشره...لكن نوع الشرايط الزي دي من تنتهي الخفله بدسها علي نفسي زاتو...والداسيه كتير...وبفتشا ليك كان ما سبقني مراويد...لكن علّ يوم السبت...

وانت زاتك يا علاء
اتعملت المكاواة والدغالة
يعني شنو يعني
حسي ما انقرش في بوست لحن الخميس ( واحشني )

نزار يا دفعة

للللللللليوم السبت
سمح رسل لينا حبوب الصبر بالفدكس قبال ما تمشي الغداء

تمبس تمبس كبكبى
ندق الحلبى و نلعب بى
(مع الاعتذار للحلب وللكلمات)
وين يا راجل لابد كده انت وصاحبك وليد منذ الهزيمه الغنائيه المنكره رغم تحيز لجنة التحكيم
معلبه؟؟ طيب جيبا فى كيس، اسمع النكته دى:
قالوا بص السيره ماشي من الخرطوم لى مدنى، الجماعه عاوزين يغنوا ما لقوا حاجه يدقوا فيها، واحد مشي لى سواق البص قال ليهو ماعندك باغه؟ السواق مسطووول رد ليهو "باغه ما عندى، اديك كيس؟!!!!"
بعدين البخلينا ما نكاوى شنو؟؟ كويس ما طقعنا فى الشارع


كلنا اديناها صنه



انا اذهبوا ؟؟ والله اصلوا ما اذهبوا، بعدين اذهبوا وين ذاتو،
نسيتى مارسيل:
صامدون هنا
باتجاه الجدار الاخير
وفى يدنا يلمع الرعب فى يدنا
وفى القلب غصن الوفاء النضير

اها كان قلتى ولا لأ ، بتفعنى و نفعتنى
انا عندى نيه اعمل بوست خاص عن الشفيع، الزول ده عجيب و ما ماخد حقو، العوارض والعارضات يبعدوا مننا بس

تنفعك تاني يا قطيم افندي
خلاص اتفقنا على بوست الشفيع
ومن هسي شرييييكتك
تعرف لو قجينا شرك الشفيع دي دا
بجيب لينا كتار من الذهبوا

هههههههههههههه والله يامراويد بالغته
هههه والله في السلك .. ياخ انا لي اسبوع كامل بفتش لي ضحكه زي دي ..

غايتو نردها ليك في العرس ( السيرة ) الجايه

اها بوست الشفيع ده يامراويد معاك ( لحام ) عندي نقزه صغيرة كده الحلة الفوق اجيب ليك كمية بتاعت اشرطة وقول عوووووووك انته بس .. اصلو عندي الايامات دي جن اسمو اغاني وفنانيين منسيين..
عارف امس سمعته شريط .. لي التاج مكي .. ياخ مبالغه.. موت احمر بس

غايتو بشوف وليد يس .. وبجي تاني اعمل ليك فوضي من جديد ..

يلالا فتكم بعافية

تبغروا











وحاجه تانيه
مشتاقه ليكم التلاته

تبغري انت دي
بتماسكك في زمن الأعصاير التي تقتلع الرواسخ
و لا اجعصها جبل
تسلمي يا اصيلة


تمبس
خلاص من هسي ابدي أجهز لبوست الشفيع شكله حيكون بوست عجب

ومن هسي اي زول / ة ينزل حاجة في البوست المرتقب ( الشفيع ) بدون لنك الحفظ يحكم عليه / ها بانزال عدد تلاتة اغاني من اغاني الشفيع مع اللنك.

اها اهلنا الشي شنو ؟
الوقت دا كله ما لميته في القطار
شكله مر سريعاً فعلاً

"انا اسمى مكتوب هنا ؟ طاايب "
ده عادل امام قال كده فى شاهد مشفش حاجة
انا بقول ليك يا جندرية
ليه مراويد والبقية وبس ؟ دى تفرقة عنصرية يا زولة
مع كده انتى جميلة وسط درويش وخليفة .

راويه
تبغرى انتى بى طولة بالك وصبرك ده، لكن الفيك اتعرفت واسألى هدى تحكى ليك، الفيك اتعرفت وبرضو مشتاقين


امانى، فتشت الدنيا كلها ما لقيت، اول مره اخذلك، اها نشوف ولدنا تمبس ، ما يكون خميسو تقيل و جمعتو مقيل، نبقي على الشفيع ونفتش زياده

عاين الجات ناطه منو كمان؟؟؟ و خاشه توووووش كده، وجايه تفرتقى لينا حفلتنا كمان!!! بعدين الغنا البنتكلم عنو ده مافيهو تفرقه عنصريه و لا جندريه اى زول او زوله بيحبو او بتحبو مرحب بيهو/ا، واليوم السعيد اللينا جابك يا نجول، سلمى على هاشم، انحنا اعجز منو شويه، واقول ليك : انتى شعاره جدآ جدآ وانا بتكيف جدآ جدآ لما اقرأ شعرك، وبس.

ود قاسم، ما عندك كبير غرض في الغنا ؟؟ كضبآ كاضب، على الحرام بى خنفسك ده وجزمتك الدبابه وقميصك التحرمنى منك بتكون النوع البغمر من الطرب والهجيج،
درويش ده مسخ علينا شعر الناس التانيه، لكن قدى لو بتسف خت ليك واحده مدنكله و كباية شاى مظبوطه واقعد اسمع مارسيل فى ابهى اغانيه....

ياخى جايب سيرة ال exam hall مالك؟؟ بوظت اعصابنا وطيرت لينا الغنا من راسنا، عمرى وبغض النظر عن المناسبه لم ادخلها او اخرج منها مبسوط الا بعد التخريج، بلا وانجلا ... تانى الكلام ما تقولوا باقى فى نا هنا بطفشوا

سلام للجميع

عاد مصيبة يلاقو فيها وقت ما لقيت يا مراويد
تمبس دا لابد ان شاء الله عاد يجي حازمها

يا نجول
كيف ما مكتوب؟
تعرفي مراويد تحديداً
لانه اكتر زول/ة لاقاني في البورد بردد اغاني مارسيل
وقبل كدا نزل لينا انا يوسف يا ابي
اتوقعت انها تكون عنده

نورتي البوست

الجندرية وصحبها
غايتو أنا ما عندي كبير غرض في الغنا ،، مش كده يا تمبس ؟؟
لكن بعتبر نفسي من حيران درويش ،،
أي حاجة من درويش جيبوها لينا ، كلام ، شعر ، ملّحن أو غير ملحّن ،، أي حاجة ،،
وأنا استمعت لدرويش مباشرة وهو يقرأ الشعر ،، ومتين ؟؟ والله في منتصف السبعينات ،، ووين ؟؟ والله في قاعة امتحانات جامعة الخرطوم ، وكان اليوم الوحيد الذي دخلت فيه القاعة وأنا مبسوط وخرجت منها وأنا مبسوط ،،

ود قاسم
ما عندك كبير غرض في الغناء ؟
وهو شعر درويش شنو ؟

اها يا اهل الخير مافي زول / ة جمع ؟

الجندرية


لك التحية بكم الروعة التي تحملين


لك الفرح الذي عبرت به إلى عندما قرأت هذا النص

عزيزتي


مَرَّ القطارُ سريعاً،
لم يكن زَمَني
على الرصيف معي ،
فالسَاعة اختلفتْ
ما الساعةُ الآن؟
ما اليومُ الذي حَدثَتْ
فيه القطيعةُ بين الأمس والغد
لَمَّا هاجر الغَجَرُ؟


يا لله ما أروع هذا الوصف و هذا التعبير

لك التحية مرة أخرى

الطبيبة الطيبة نهى
ولا نقول نهى العروس

الروعة هي عودتك للمنبر
عقبال البقيات كلهن يارب

يا سلام قطار درويش شكله حيجب الحبايب كلهم / ن

بدون عنوان- نقلاً عن موقعي
مع التحية للجندرية و لكل الذين توقفوا لقطار درويش ..


قيسان

الجندرية
تحياتي
غايتو عدم حظ
كنت محتفظ بي ال سي دي الفيهو الاغنية دي من اكثر من فترة طويلة مع مجموعة اقراص خاصة باغاني مارسيل
لما قريت البوست مشيت افتش عنه
لقيت العلبة السي دي
فتحتها
وما لقيت سي دي نفسو
غايتو
المهم احتمال القى نسخة تانية بكرة
لكن هاك الحنة الصغيرة دي اتصبري بيها



<br style="color:black;background-color:white"><bgsound src="http://www.aramusic.com/cgi-bin/redirect/redirect.cgi?name=nr101114" style="color:black;background-color:white"><br style="color:black;background-color:white">

Quote: مَرَّ القطارُ سريعاً مَرَّ بي، وأنا ما زلتُ أّنتظرُ

الجندرية صباح الخير

كنت أتمني لو دخلت هذا البوست الجميل فى وضع أفضل ولكن هناك ما هو أهم الرجاء إخباري وبسرعة لو كنتي أمس مع وقت المغرب قد دخلتي الماسنجر أو أى أحد آخر من أسرتك
شكرا

واخيرا هذه هي الأغنية
محمود درويش
مارسيل خليفة
اميمة الخليل
استمتعوا
واستمتعي يا الجندرية


<br style="color:black;background-color:white"><bgsound src="http://rabahonline.com/up/up/marraalgi6ar1.ra" style="color:black;background-color:white"><br style="color:black;background-color:white">

يا سيمباتيييييييك

ليك على اردها ليك لما تتحير

الجندريه انتى تردى بى طريقتك

سمبتيكو
شكراً مالو حدود
التصبيرة ما سمعتها
ومر القطار بتقطع معاي
لو نزلت لي لنك الحفظ ليهن الاتنين
بدعي ليك لي يوم الاتنين
ربي يديك الفي مرادك ويفتح عليك فتح العارفين

قيسان
شكراً لحضورك الملون

Quote: فلا النسيانُ يُقْصيني، ولا التذكُّر يدنيني من امرأة إن مَسَّها قمرٌ صاحَتْ : أنا القَمَرُ

الجندرية أروع من كده وين بس قولي لي؟؟؟

تسلمي وتسلم بوستاتك الشديدة دي

خــيـــانــة..





بس حلوة بجد..





الناس الحلوة الفوق.. كلكم ليكم وحشة..

الاغنية كاملة

Save @ PC


التصبيرة

Save @ PC

أماني ومرسيل وأميمة ودرويش وكل الدراويش
والدرويشات زاتو

سلاااااام



وآآآآآآدي قعدة
الونسة بعدين

إيمان

سمبتيكو
تصدق التصبيرة حلفت حتى ما تتحفظ ؟
لكن مر القطار مستمتعة بيها جداً
الف شكر

نادر
اي أروع من كدا الحضرة الجميلة البديتها بهناك ديك

رجوية
كويس انك لحقتي
خيانة ؟
نحن نقدر
كانت حتقيف لينا في حلقنا لو ما حصلتيها

ايمان الغالية
طيب وقت الونسة جاء ؟

أماني

ان مسها القمر صاحت انا القمرُ

بلاهي وريني كيف بتحاربي "الموت"؟!

والناس
كلكم الهنا

نفسي أدسكم من حُزني ده"

رغم عن حساسية شديده واحزان استقرت بوجهي

يا ســلام يا أمانى، بوست ولا جلسة إستماع ؟
مراويد، اقول ليك : حاسدك عديــــل كده، لكن تحت تحت تستاهلها
شكرن سامبتيكو للأغنية ولنك الحفظ
تحياتى يا أمانى للصديق عثمان تراث، سعدت بسماع صوته عندما كنت متواجداً صدفة وفى ضيافة العائلة محمد عبدالحميد

عمر الماحي
بطل قلق
آي دي انا زاتي الكنت في الماسنجر
لوووووووووول
تعرف حينجحوا في العايزنو لو خلونا نمشي ونتلفت

***
ابراهيم الغالي

والله ما عندي وصفة جاهزة كدا
لكن اعتقد زمان قالــوا اختصارا للجمال واثره في اطــــاله العمــر ( الخضرة والماء والوجه الحسن )
خلينا نضيف الشعر النضيف والموسيقى المجيه زي شغل درويش ومارسيل دا

بعدين مالك شفقتني ؟
كدي طلنا في الماسنجر وخلينا نطمئن عليك

والما سمع مارسيل في حفل الدوحة قبل شهور ‘زي الما سمع أم كلثوم في هدأة ليل ، أو فيروز في إشراقة صباح طل على مرعى ، أو وردي في خرطوم الستينات يناجي طيره المهاجر ، أو في خرطوم السبعينات يغني لطفلة وسط اللمة منسية ، أو ما سمع حوار الأمواج عند شاطيء سيلين في الهزيع الأخير من الليل ، أو مظفر النواب وهو يشدو بالوتريات في تلك الساعة من شهوات الليل ،أو عبدالباسط عبدالصمد قبيل الجمعة بساعتين -أبيتو انا وأباني البين-،]أو السماني أحمد عالم يئن للراحلين إلى منى، أو منى الخير معاتبة{ لو تبسم ليا زي الأحباب} أو غناء الزمن الجميل ، عبدالدافع وملهمته ، وأبوداؤود وفينوسه والعذارىولحنهن.
الما سمع مارسيل خليفة في تلك الليلة عندما كانت الدوحة غناء مطلق ، الما سمع ده كلو عليه ان يقطع أذنيه إلا اذا كان يستعملها لوضع النظارات!

هسع في UP أحلى من كده ..؟

مراويد........
مرسيل خليفة ......محمود درويش
عنتريات أفريقية ....ووجدان عربي

منعمشوف
شفت كيف ؟
لكن انت مش ملاحظ انه الذ شئ في البورد دا انك بتلقى العايزو
جلسة استماع ممكن
حفلة عديل قاعدة
معرض فنون تشكيلية برضو ممكن
مقال في الاجتماع موجود
ندوة سياسية راقدة بكثرة
ركن طلبة كتاحته قايمة وانت وسلاطة لسانك في
شكلة زي ما داير تنقي على مزاجك نوع الشكلة وجنس المتشاكلين
كورة
ونسة اخوان
بيت بكاء
بيت مباركة ( عرس وطهور ولادة ....الخ )
شمار وقطيعة برضو في
تعرف لقيت لو قعد احسب ما بخلص


قلت لي مراويد يستاهله صاح انا زاتي عارفة وعارفة انه الريد مرات عارض
هسي عليك كان ما ساي قسم مراويد بقطامته ولهجه الزي موية الترمس دا يريدوه كيف
لكن نصيب غايتو
لوووووووووووووول يا مراويد فرصة يا عم تعال طرق لسانك

توصل تحاياك لتراث وانت كمان شيل نصيب ماجدة وناس محمد عبد الحميد وحواء معاك

***

ابو ساندرا
ام كلثوم ؟ عليك الله ما تجيب لينا سيرة البحر تاني
تعرف البوست دا من اسباب اهدائه لمراويد أننا متفقين فيما يخص الست
طيب عليك نزل لينا من حفلة الدوحة دي هنا
مع انو بنستخدم عدسات للاصقة لكن امكن نحتاج النضارة برضو

*****

رجاء الغالية

لا مافي وابصم بالعشرة
لووووووووووووووووووووووول

*****
امين السيد
ياخ عرب شنو وافرقيين شنو
بقينا لو شمينا ساي ريحة موضوع الهوية دا
الجيوب الانفية تقوم علينا
اعفونا منها عليكم الله

.

مازلت انتظر

الجريفاوي
انا برضو انتظر

الله يستر علينا من الانتظار الغنوه عقد الجلاد داك

مستني زول ما عارفو مين
مستني ريد ما أظن يجي