شهر عشرة حبابو عشرة

شهر عشرة حبابو عشرة


02-10-2004, 11:19 PM


  » http://sudaneseonline.com/cgi-bin/sdb/2bb.cgi?seq=msg&board=101&msg=1135821637&rn=15


Post: #1
Title: شهر عشرة حبابو عشرة
Author: الجندرية
Date: 02-10-2004, 11:19 PM
Parent: #0

كل سنة وانتو طيبين / ات
والسنة الجاية كلنا قادلين / ات في سوداننا الثري وديمقراطي

بس حبيت اذكر الناس والادارة عشان نشمر ونشتغل شغل اجمل من السنة الفاتت

يلا اها
همتكم / ن

Post: #2
Title: Re: شهر عشرة حبابو عشرة
Author: تاج السر حسن
Date: 02-10-2004, 11:26 PM
Parent: #1

الجندريه سلام
فى شنو السنه الفاتت انا ما ولدونى ... بس.

Post: #3
Title: Re: شهر عشرة حبابو عشرة
Author: الجندرية
Date: 02-10-2004, 11:34 PM
Parent: #2

تاج السر
سلام

السنة الفاتت
شمر اعضاء وعضوات البورد
وملينا ساحة المنبر الحر :
تحليلات سياسية عن ثورة اكتوبر
وقائع تاريخية
شهادات اكتوبريون احياء
تداعيات وقصص وذكريات عن اكتوبر
الحان وقصائد اكتوبرية
وكان في وعود من اعضاء وعضوات انهم يغطوا بعض الجوانب
انا شخصياما وفيت وعدي
كان مفروض اكتب عن الانجازات التي حققتها المرأة السودانية كثمرة لاكتوبر
لكن نزلت موضوع عن تاريخ الحركة النسوية وأهديته لثائرات اكتوبر
السنة دي ربنا يسهل واخلص مشروع كتاب النص التسعيني واوفي بالكتابة عن الموضوع دا

ابو ساندرا برضو كان مفروض يكتب عن جوانب محدد وما اوفى

Post: #4
Title: Re: شهر عشرة حبابو عشرة
Author: samwal ebrahiem
Date: 02-10-2004, 11:34 PM
Parent: #1

الجندرية الجميلة /
وانت طيبة وآمين على دعوة انو السنة الجاية السودان
ينعم بالديمقراطية آمين يا جندرية ....
حنبنيهو البنحلم بيهو يوماتى
وطن حداى مدادى يسع للجميع
السمؤل

Post: #5
Title: Re: شهر عشرة حبابو عشرة
Author: الجندرية
Date: 02-10-2004, 11:41 PM
Parent: #4

السمؤل
وانت بالصحة والسلامة
اها حتكتب عن شنو في احتفالنا عن اكتوبر ؟

Post: #6
Title: Re: شهر عشرة حبابو عشرة
Author: أبو ساندرا
Date: 03-10-2004, 00:02 AM
Parent: #1

الجندرية:

{ أكتوبر دنميتنا ، ساعة الصفر ركيزة بيتنا }
وأكتوبر بالنسبة لي شهر عزيز جدآ ، في 27 من تزوجت ، يوم 18 ولدت ساندرا يوم 7 ولدت سولارا ويوم 7 ولدت سارا ، برضو ، ويو21 الثورة التي مازالت تحتل مكانآ عزيزآ في ذاكرتنا الثورية ، برغم محاولات التغييب والطمس ، وعلى منوالها نسجنا { ماريل }
نعم ، أذكر وعدت بالكتابة وأخلفت -كعادتي- أتمنى أن تذكريني عنوان الموضوع وهسع بكتبو ليك.
والله في يا أماني !!!

Post: #7
Title: Re: شهر عشرة حبابو عشرة
Author: الجندرية
Date: 03-10-2004, 00:22 AM
Parent: #1

ابو ساندرا
كل سنةوانت طيب
واهي يا سيدي المواضيع القلت حتكتب عنها

Quote: ممكن اكتب في محور الإضراب السياسي والعصيان المدني ، وكذلك في إكتوبر وقضية الديمقراطية فكرآ وممارسة


Re: باسمك الاخضر يا اكتوبر البورد يغنى


إقتراح ممتاز ونال القبول ،وفي ذهني أكثر من محور للكتابة مثلآ
1- أكتوبر وقضية الجنوب
2- الإضراب السياسي ، العصيان المدني ، تجربة إكتوبرية ناجحة ، وتكررت بنجاح في مارس/ إبريل ، لماذا لم تتكرر ضد إنقلاب الجبهة الإسلامية
3- الحركة النقابية ، الحركة الطلابية في إكتوبر
4- هل كان تدخل الضباط الأحرار حاسمآ؟
5- الشعر ، الأناشيد ، الفن والثورة
6- اوجه الشبه ، او أثر أكتوبر في إبريل
7- أكتوبر وقضية الديمقراطية ، فكرآ وممارسة
Re: باسمك الاخضر يا اكتوبر البورد يغنى

Post: #8
Title: Re: شهر عشرة حبابو عشرة
Author: أبو ساندرا
Date: 03-10-2004, 00:48 AM
Parent: #1

تطيب أيامك وتحلى ، ذاكرتك الأرشيفية تخوف ، ومازلت عند وعدي لو تسنى لي وقت ، زولك متورط والزمن ممحوق ، بالكاد أستطيع القرآة في البورد لمواضيع منتقاة وواجبات التواصل الإجتماعي ورفع بوست الغاليةنهديك رائعة الموصلي { وينك إنتي الطال غيابك }

Post: #9
Title: Re: شهر عشرة حبابو عشرة
Author: Adil Osman
Date: 03-10-2004, 02:42 AM
Parent: #1

شكرآ الاخت الجندرية لتنبيهنا بالماضى القريب..
اذكر انه فى اعقاب ثورة اكتوبر 1964، وانا طفل صغير أنّ بعض المسلمين هاجموا بعض المؤسسات الدينية المسيحية.. ولقد رأيت بعينى "البريئتين" الناس يهاجمون كنيسة بالقرب من منزلنا فى بحرى، ويسرقون اثاثاتها، وممتلكاتها. وعندما كبرنا عرفنا ان ما حدث هو احداث الاحد الدامى فى 1965 عندما كادت تحدث فتنة دينية وعرقية بين ابناء الشعب السودانى.

فى هذه الوصلة مقالة جيدة باللغة الانقليزية عن العلاقة المعقدة بين الجيش السودانى، وقوى المجتمع المدنى عبر تاريخ السودان الحديث. سوف اترجمها إذا تيسر لى وقت..
http://www.ploughshares.ca/content/BUILD%20PEACE/Mom99.html

Post: #10
Title: Re: شهر عشرة حبابو عشرة
Author: بارعة
Date: 03-10-2004, 06:11 AM
Parent: #9

الجندرية انا كنت قايلاك دايرة تباركى لينا

رمضان!!!!

وانتى طيبة.........

Post: #11
Title: Re: شهر عشرة حبابو عشرة
Author: EMU إيمو
Date: 03-10-2004, 07:10 AM
Parent: #10

وانا أدعوكم لتطفؤ معي شمعة العقد الثالث في عشرة اكتوبر
وحتى ذالك الحين
ماذا جنينا من اكتوبر؟

وشكراً أختنا الجندرية على الذكرى
ومني تحية إلى هدى العطاس

Post: #12
Title: Re: شهر عشرة حبابو عشرة
Author: الجندرية
Date: 03-10-2004, 08:20 AM
Parent: #1

شفت يا ابو ساندرا
تعمل حسابك من هنا ورايح
لوووووووووول
****

عادل عثمان مرحب بيك
وكل سنة وانت طيب

ما رأيته وانت طفل كانت افعال الغول على حد تعبير استاذنا بولا هو طفل ، لكنا للاسف لم نتبه حتى كبر ونبتت له سبع رؤوس
ربنا يسهل ونشوف المقال بالعربي
****
بارعة
وانت بالصحة والسلامة
نبارك ليك التيمان
ومالكم قلتوا ، لا بتسالموا لا بتكالموا انت وعريسك ؟
****

ايمو
وانت طيب
دا سؤال مهم
ايه رايك تكتب فيه في احتفالنا باكتوبر
توصل تحياتك هدى العطاس ستكون في فرانكفورت من يوم 5/10

Post: #13
Title: Re: شهر عشرة حبابو عشرة
Author: ايهاب
Date: 03-10-2004, 01:08 PM
Parent: #12

ازيك يا جندريه
مشتاقون

عقبال اكتوبر جديد
ومديد


تحيه خاصه لي ابو ساندرا

Post: #14
Title: Re: شهر عشرة حبابو عشرة
Author: الجندرية
Date: 05-10-2004, 02:06 AM
Parent: #13

بالاكتر يا ايهاب

يا اهلنا
حاخد اجازة عارضة لمدة عشرة يوم
بالله البوست دا خلوه لي فوق
دعواتكم/ن بالتوفيق

Post: #15
Title: Re: شهر عشرة حبابو عشرة
Author: لؤى
Date: 07-10-2004, 00:52 AM
Parent: #1

أمانى إزيك

أولاً مالو البوست ساكت كده رغم إنو أكتوبرى ؟؟ ثانياً انا حاأكون فى الخليج خلال تلك الفترة وربما يصعب على الدخول للبورد .. غايتو حاأرفع ليكم مكتبتى الأكتوبريّة كلها فى النت وماعليكم إلاّ إنكم تنزلوا الأشياء من هناك .


كل الوُد


_______________________________________
[email protected]

Post: #16
Title: Re: شهر عشرة حبابو عشرة
Author: الجندرية
Date: 07-10-2004, 09:38 PM
Parent: #1

لوي كل سنةوانت طيب
انا زاتي حاغيب الفترة الجاية وهسي غايبة جيت كدا بس على عجل مش عجلة
واكيد الحبان ما بقصروا بي ورانا
كل اكتوبر والجميع بخير

Post: #17
Title: Re: شهر عشرة حبابو عشرة
Author: almohndis
Date: 07-10-2004, 10:02 PM
Parent: #1

امانى
حبابو 1لف
جاهزين ما نحن حاضرين
الزمن داك

Post: #18
Title: Re: شهر عشرة حبابو عشرة
Author: Raja
Date: 21-10-2004, 09:10 AM
Parent: #1


شهر عشره حبابو
حبابو عشرة
وابقوا عشرة على المباديء
مبدأ الحرية اوّل
لم يحوّر لم يأول
والنضال سكة حياتنا
مهما وكت السكّة طوّل
ما تفرطوّا في الامانة
كل شهيد روحو بتنادي
ابقوا عشرة على المبادئ
مبدأ التطهير يصير
ما شعار خاوي وكبير
الحساب لكل واحد
للصنايعي وللوزير
امشوا طهّرو بعدالة
وابعدوا الفاشية غادي
وابقوا عشرة على المبادي
كل ثائر في جهادو
قصدو تتحرر بلادو
نحنا بنساعدو وندعمّ
كل وقفاتو وعنادو
اصلو هدف الثورة واحد
والاعادي هي الاعادي
ابقو عشرة على المبادي






الجندرية الحبيبة..

عاش اكتوبر ما عاش الشعب السوداني..

Post: #19
Title: Re: شهر عشرة حبابو عشرة
Author: Raja
Date: 21-10-2004, 09:44 AM
Parent: #1


اكتوبر الممهور بالدم
صباح الخير
اهلاً مساء النور
زمنًا تجي وبتمر
عبر النشيد المـُر
تحت الغنا المحظور
تنده تنادي الشعب
الصامد المقهور
هُب من ظلامك هُب
الشمس جوه الجب
والحكمة خلف السور
ضمِّد جراح الحب
والخاطر المكسور
كنا بنسّنك سن
في خندق الاصرار
في خندق الاصرار
يامـا
ادخرنّا غناك
ومسكنا فيهو النار
بذلك التيار
اكتوبر الممهور بالدم
صباح الخير
اهلاً مساء النور

Post: #20
Title: Re: شهر عشرة حبابو عشرة
Author: الواثق تاج السر عبدالله
Date: 21-10-2004, 10:37 AM
Parent: #1

المجد والخلود لشعب اكتوبر

Post: #21
Title: Re: شهر عشرة حبابو عشرة
Author: محمد عبدالرحمن
Date: 21-10-2004, 01:59 PM
Parent: #20

شهر عشره حبابو
حبابو عشرة
وابقوا عشرة على المباديء
مبدأ الحرية اوّل
لم يحوّر لم يأول
والنضال سكة حياتنا
مهما وكت السكّة طوّل
ما تفرطوّا في الامانة
كل شهيد روحو بتنادي
ابقوا عشرة على المبادئ
مبدأ التطهير يصير
ما شعار خاوي وكبير
الحساب لكل واحد
للصنايعي وللوزير
امشوا طهّرو بعدالة
وابعدوا الفاشية غادي
وابقوا عشرة على المبادي
كل ثائر في جهادو
قصدو تتحرر بلادو
نحنا بنساعدو وندعمّ
كل وقفاتو وعنادو
اصلو هدف الثورة واحد
والاعادي هي الاعادي
ابقو عشرة على المبادي