Post: #1
Title: معرض تشكيلي : هبة تراث ( اربعة سنوات )
Author: الجندرية
Date: 01-27-2005, 00:55 AM
Parent: #0
العزيزات والاعزاء جميعاً
يهمني كثيراً رأيكم/ن
نفكر ووالدها في اقامةمعرض لها
وقبل ذلك نريد ان نستوثق من أن رأينا في رسوماتها ليس بعين ( القرد في عين امه غزال )
نخص اهل التشكيل
ولكم / ن المحبة والاعزاز
|
Post: #2
Title: Re: معرض تشكيلي : هبة تراث ( اربعة سنوات )
Author: الجندرية
Date: 01-27-2005, 00:57 AM
Parent: #1
|
Post: #3
Title: Re: معرض تشكيلي : هبة تراث ( اربعة سنوات )
Author: الجندرية
Date: 01-27-2005, 00:59 AM
Parent: #1
|
Post: #6
Title: Re: معرض تشكيلي : هبة تراث ( اربعة سنوات )
Author: Hussein Mallasi
Date: 01-27-2005, 01:05 AM
ليس الامر تشكيلاً بقدر ما هو عدم اجادة للرسم .....
_____
بالله ما تقولوا ليها الرأي دا؛ عشان ما تبقى الرسمة
الاولى و الاخير؛ زي قصة تراث ديك ....
|
Post: #4
Title: Re: معرض تشكيلي : هبة تراث ( اربعة سنوات )
Author: الجندرية
Date: 01-27-2005, 01:02 AM
Parent: #1
|
Post: #5
Title: Re: معرض تشكيلي : هبة تراث ( اربعة سنوات )
Author: الجندرية
Date: 01-27-2005, 01:05 AM
Parent: #4
|
Post: #8
Title: Re: معرض تشكيلي : هبة تراث ( اربعة سنوات )
Author: sympatico
Date: 01-27-2005, 01:11 AM
Parent: #5
الجندرية
لك ولتراث ولهبة التحايا
وكل سنة وانتو طيبين
لست من أهل التشكيل
ولكن بعين المشاهد والمتلقي اقول ان خطوطها جريئة و اعمالهابسيطة وعميقة تؤكد موهبتها
وفكرة اقامة معرض لهذه الفنانة الصغيرة بعمرها تبين اهتمامكم بموهبتها ويعزز فيها الثقة لتطوير مقدراتها كما انه سيكون فرصة لتلقي نقد المختصين وتوجيهاتهم
اؤيد فكرة المعرض فهي لفتة مهمة وفكرة جديدة تماما
تحية لهبة ومبروك مقدما
|
Post: #7
Title: Re: معرض تشكيلي : هبة تراث ( اربعة سنوات )
Author: الجندرية
Date: 01-27-2005, 01:10 AM
Parent: #1
جداً يا ملاسي
ليك علي ما بنقولوا ليها
يعني رايك انه اعجابنا برسومات البت نتاج ( لعين القرد ) ؟!!!ومافي داعي للمعرض وكدا؟
|
Post: #9
Title: Re: معرض تشكيلي : هبة تراث ( اربعة سنوات )
Author: khider
Date: 01-27-2005, 01:14 AM
Parent: #7
رسومات جميله و مافيها اي جندر
للامام يا هبه
|
Post: #10
Title: Re: معرض تشكيلي : هبة تراث ( اربعة سنوات )
Author: الجندرية
Date: 01-27-2005, 01:14 AM
Parent: #1
http://www.arab3.com/images13/27159035.jpg
شكراً يا سمبتيكو
بس نحن فعلاً خايفين ننفخ في البت وبعدين تاخد مقلب في روحها
فحبينا فعلاً نتأكد من أنو خطوتنا دي ما حتكون مضرة بالنسبة ليها( فنياً وتربوياً )
لك المحبة وشكراً على الاسهام برأيك محل التقدير
|
Post: #11
Title: Re: معرض تشكيلي : هبة تراث ( اربعة سنوات )
Author: الجندرية
Date: 01-27-2005, 01:18 AM
Parent: #10
لووووووووووول يا خدر
تعرف حرصنا اننا ما ننمطها جندرياً
لكنها لن تنجو فالتنميط تقوم به مؤسسات المجتمع كلها
مناهج تعليمية ، تلفزيون ، ونسة الجيران ، ... الخ
|
Post: #12
Title: Re: معرض تشكيلي : هبة تراث ( اربعة سنوات )
Author: الجندرية
Date: 01-27-2005, 01:23 AM
Parent: #1
معليش يا سمبتيكو يبدو ان علمت غلطة الرسمة دي كان مفروض انها مع ردك
لك الود والتقدير
|
Post: #13
Title: Re: معرض تشكيلي : هبة تراث ( اربعة سنوات )
Author: الجندرية
Date: 01-27-2005, 01:28 AM
Parent: #1
|
Post: #14
Title: Re: معرض تشكيلي : هبة تراث ( اربعة سنوات )
Author: Hussein Mallasi
Date: 01-27-2005, 01:32 AM
Parent: #13
ابداً يا جندرية؛
المعرض مهم و مشجع جداً و حيخليها تحب الرسم اكتر
و ممكن تكون رسامة ممتازة لمن تكبر .....
_____
|
Post: #15
Title: Re: معرض تشكيلي : هبة تراث ( اربعة سنوات )
Author: الجندرية
Date: 01-27-2005, 01:33 AM
Parent: #13
|
Post: #16
Title: Re: معرض تشكيلي : هبة تراث ( اربعة سنوات )
Author: nazar hussien
Date: 01-27-2005, 01:40 AM
Parent: #15
امسكو فيها قوي يا جندريه...واصرّوا علي موضوع المعرض
هبويه...موهوبه بالجد ....فهي تخطت سنها بكثير في هذه
الرسومات....وحا يجي زمن تباروها بالعواصم انت وتراث
خالفين رجل فوق رجل في اجنحة الفنادق....شجعوها فهي مشروع
لفنان ناجح
|
Post: #17
Title: Re: معرض تشكيلي : هبة تراث ( اربعة سنوات )
Author: الجندرية
Date: 01-27-2005, 01:59 AM
Parent: #16
نزار العزيز
شكراً لرايك محل التقدير
وحنشجعها قدر ما نقدر طبعاً
بس كنا خايفين انه المعرض يكون جرعة زايدة
ملاسي
شكراً مرة اخرى
|
Post: #19
Title: Re: معرض تشكيلي : هبة تراث ( اربعة سنوات )
Author: نهال كرار
Date: 01-27-2005, 02:09 AM
Parent: #17
العزيزة الجندرية
بالنسبة لطفلة في الرابعه من عمرها
فأنا أرى بأن اللوحات جميلة , لأن الطفل في هذه العمر لا يقوى على الإمساك بالقلم او الفرشاة او الماوس جيدا
أنا أرى بأن لديها موهبة تستحق التشجيع 
|
Post: #26
Title: Re: معرض تشكيلي : هبة تراث ( اربعة سنوات )
Author: الجندرية
Date: 01-28-2005, 02:54 AM
Parent: #19
الاخت نهال
الف شكر على مشاركتك
فعلاً ما اثار دهشتنا ابتداءً هو قدرتها على التحكم في الماوس فحتى الفرشاة والقلم اسهل
وهي ـ كما ارى ـ تجيد الرسم بهما ، اذكر تماماً كيف عقدني الماوس اول عهد استخدامي للكمبيوتر
يلزمني اسكانر لانزال بعض رسوماتها وللاسف لا املكه ، رايت اشراككم / ن في رسوماتها باستخدام ( الدجتال ميديا ) المتاحة على الجهاز .
|
Post: #18
Title: Re: معرض تشكيلي : هبة تراث ( اربعة سنوات )
Author: gessan
Date: 01-27-2005, 02:07 AM
Parent: #1
يا للجمال ..
جمال فكرة المعرض..
جمال هبة ..وامها وابوها ..
وجمال الألوان ..والخطوط ورسوماتها ..
يا الجندرية ما تخافوا عليها من فكرة المعرض ..
هبة واصلي في الرسم والالوان ..لانك انتي هسع زولة فنانة ..وكمان بتستخدمي "ديجيتال ميديا"..
** حظظظك يا هبة ..
(مساكين نحنا البيعمل لينا معرض لي شخبتتنا البنسوي فيها دي منو؟؟؟)..
تحايا
----------------
محكومون بالأمل ..
|
Post: #20
Title: Re: معرض تشكيلي : هبة تراث ( اربعة سنوات )
Author: فتحي الصديق
Date: 01-27-2005, 02:54 AM
Parent: #18
العزيزة أماني
لك التحية
الجرأة هي ما يميز رسومات هبة00قوة الخطوط ووضوحها00
مجرد ملاحظة بس0
ربي يوفقها000
|
Post: #21
Title: Re: معرض تشكيلي : هبة تراث ( اربعة سنوات )
Author: tmbis
Date: 01-27-2005, 03:35 AM
Parent: #20
هبوية اكتشاف قديم خطير جدا
ده من الجانب التشكيلي ..
بتعبر عن روحه بي طريقة جميلة ،، ذكية ولماحة ربنا يحفظه..
قيسان فنان وقال كلام الفنانين.. نهال بابكر اضافة حاجه جميلة مسالة التحكم في الماوس والتعامل مع الالوان ..في العمر ده .. ودي هنا مسالة التفرد والموهبة
عموما يا اماني التشجيع .. التشجيع .. واذا في امكانية ممكن تعرج شوية علي الريشة والالوان..
العاجبني فيهاواعية ماشاء الله ..
وكمان ما شغاله كتير بي موضوع الجندر ده
|
Post: #22
Title: Re: معرض تشكيلي : هبة تراث ( اربعة سنوات )
Author: عشة بت فاطنة
Date: 01-27-2005, 04:23 AM
Parent: #21
من طفلة في الرابعة أبداع ، نتمنى ليها التوفيق وبت الجندرية أكيد حتكون فنجرية طبعا دا راي عايم ما بتاع تشكيليين ..
|
Post: #23
Title: Re: معرض تشكيلي : هبة تراث ( اربعة سنوات )
Author: عبد المنعم سيد احمد
Date: 01-27-2005, 06:56 AM
Parent: #22
الاستاذة
الجندرية
نايدك وبشدة لقيام معرض
الموهوبة هبة
هذا فهم متقدم للاهتمام بالطفولة
وابداعاتها
|
Post: #24
Title: Re: معرض تشكيلي : هبة تراث ( اربعة سنوات )
Author: bayan
Date: 01-27-2005, 07:15 AM
Parent: #23
العزيزة الجندرية
هبة رسامة.. وعندها خميرة.. عجبتنى لوحتها المالية الصفحة ديك
لانه عادة الاطفال ما بيوزعوا كويس.. بعدين رسم الوجوه برضو
وقيسان "الدفعة" دا فنان عظيم شهادتو ما تقع واطة
صاحبتى ندوة حسن كانت بترسم فى الحيط والمراتب وكل ذى سطح.. وكان بتجد تشجيع
كبير.. ولمو ليها لوحاتها كلها..
والان هى فنانة ذات خيال خصب.. واحسب ان عروستنا حتكون رسامة بارعة
فكرة المعرض ما بطالة .. برضو رسلى رسوماتها فى المسابقات
وبا بخت هبوية بام ذيك.. ترعى المواهب
|
Post: #33
Title: Re: معرض تشكيلي : هبة تراث ( اربعة سنوات )
Author: الجندرية
Date: 01-28-2005, 09:56 AM
Parent: #24
الغالية بيان
الف شكر على مشاركتك
ونهديك الرسمة دي من رسومات هبة الكبيرة برضو
كبيرة دي قاصدة بينها بتملا الورقة ما نبقى في شكارتها امها وخالتها
لووووووووول
|
Post: #32
Title: Re: معرض تشكيلي : هبة تراث ( اربعة سنوات )
Author: الجندرية
Date: 01-28-2005, 03:35 AM
Parent: #23
الأخ عبد المنعم
شكراً على مساهمتك
ربنا يقدرنا وننجز الفكرة وتكون مفيدة للنية يارب
|
Post: #31
Title: Re: معرض تشكيلي : هبة تراث ( اربعة سنوات )
Author: الجندرية
Date: 01-28-2005, 03:20 AM
Parent: #22
عشة الغالية
شكراً ليك
ورأيك محل تقدير واعزاز
هاك دي من هبة
|
Post: #30
Title: Re: معرض تشكيلي : هبة تراث ( اربعة سنوات )
Author: الجندرية
Date: 01-28-2005, 03:16 AM
Parent: #21
لووووووووووووول يا علاء
الجندر دا ما زي ما بقولوا ناس السياسة داخل في اي حاجة
ربك يكفيها شر التنميط الجندري بس
عاين رسمتها دي مش بتذكرك المولد ؟
|
Post: #28
Title: Re: معرض تشكيلي : هبة تراث ( اربعة سنوات )
Author: الجندرية
Date: 01-28-2005, 03:11 AM
Parent: #20
العزيز فتحي
شكراً لمشاركتك
تعرف الجرأة دي سلوك اصيل عندها
واتنمى انه ما يتم تدجينها
غايتو انا ببذل جهودي في كدا لكن باقي مؤسسات المجتمع الما عندنا عليها سلطان دي الله يبعد شرورها
|
Post: #27
Title: Re: معرض تشكيلي : هبة تراث ( اربعة سنوات )
Author: الجندرية
Date: 01-28-2005, 03:02 AM
Parent: #18
http://www.arab3.com/images13/84486780.jpg
شكراً لك قيسان
فعلاً نحتاج ان نطمئن باراء ناس فنانه ومتخصصه زيك بانه رسومات البنية تستاهل العرض فعًلاً
ويا لجمال لطفك
على فكرة ممكن نرتب ليك معرض في صنعاء مع اصدقاءنا ناس ( غاليري صنعاء) ناس امنة النصيري وطلال بتعرفهم ؟
خلينا نتفاهم على كدا في الايميل
ودايميلي
[email protected]
ممنونة يا قيسان والف شكر
|
Post: #25
Title: Re: معرض تشكيلي : هبة تراث ( اربعة سنوات )
Author: zola123
Date: 01-27-2005, 07:26 AM
Parent: #1
اماني الجندرية الحبيبة
وكمان هبة الجندرية القادمة
مع انك ما طلتي رأينا ولا الموضوع اختصاصنا
لاكن انا عاجباني حاجتين
1
الصورة الخلفيتها سودا والالوان فيها واهية ومشرقةو واعتقد ان طفلة عمرها 4 سنوات فقط ما ساهل عليها تنقي الالوان بالعناية دي وتطلع بالجمال ده.
2
الصورة الخلفيتها زرقاء وفيها رسسمة اعتقد انها فراشة
كدي وريني برضو اذا ساهل بت عمرها 4 سنين تعمل خطوط متزاية بالدقة دي والتنسيق ده
انا باشوفهم بيرسموا الخطوط دايما معوجة لي جهة واحدة
بتك باختصار رهيبة
وعملي ليها المعرض انشاء الله لو بترسم خ واحد في ورقة فاضية
كفاية شعورها بالفخر والتجربة ان لوحاتها معلقة والناس يجوا يتفرجوا فيها .
|
Post: #29
Title: Re: معرض تشكيلي : هبة تراث ( اربعة سنوات )
Author: benyya
Date: 01-28-2005, 03:13 AM
Parent: #25
الاخت الجندريه
تستحق معرض
الله يخليها ليكم
وواصلوا في تشجيعها....
التحيه
لى قدام
|
Post: #35
Title: Re: معرض تشكيلي : هبة تراث ( اربعة سنوات )
Author: الجندرية
Date: 01-28-2005, 10:19 AM
Parent: #29
بنية العزيزة
وشكراً لتشجيعك لينا على تشجيعها
تحياتي
|
Post: #34
Title: Re: معرض تشكيلي : هبة تراث ( اربعة سنوات )
Author: الجندرية
Date: 01-28-2005, 10:11 AM
Parent: #25
ايناس العزيزة
كيف ما عايزة رايكم / ن
بالعكس رأي الناس دي كلها بهمني شديد
بس خصصنا ناس التشكيل بحكم التخصص
شكراً ليك ولمشاركتك
بخصوص كلامك عن الدقة في رسم الخطوط المتوازية حبيت اوضح ليك انها بتشتغل ببرنامج بتاع رسم في الميزة بتاعت السمترية دي . لكن فكرة التصميم عندها زاتها جميلة
يعني زي شغل الفراشة دا انا شايفة انو شغل جميلة وهي نفذته بمساعدة البرنامج
تحياتي ومحبتي يا اظرف زولة ونهديك العصفورة الجميلة دي من رسومات هبة
|
Post: #36
Title: Re: معرض تشكيلي : هبة تراث ( اربعة سنوات )
Author: Summanism
Date: 01-29-2005, 00:33 AM
Parent: #1
|
Post: #37
Title: Re: معرض تشكيلي : هبة تراث ( اربعة سنوات )
Author: Ehab Eltayeb
Date: 01-29-2005, 00:50 AM
Parent: #1
الجندريه سلام ...
استخدام هبه للالوان والخطوط فيه جرأة ..تنم عن مهارة وموهبه خصوصا
في الرسومات التي تشغل مساحات اكبر.. كالتي اهديت لبيان وعشه ..
اظن انهاتحتاج الي معرفة تناسق الالوان وتداخلها...
واعتقد ان فكرة المشاركه في المسابقات الآن ..وتنمية مواهبها اهم من المعرض ..
مع عرض رسوماتها لذوي الاختصاص =طعبا اخوك ما من ذوي الاختصاص
ولكن لدي بعض الاهتمامات.. وقليل من الدراسة في كلية هندسة المعمار..
اتمني لها التوفيق.. ومزيدا من التشجيع والاهتمام لصقل هذه الموهبه او الهبه..
وزي ما قالوا ليكم تاني باذن الله تباروها من معرض.. لمعرض..
تحياتي ..وودي لك وللاسرة,,
|
Post: #38
Title: Re: معرض تشكيلي : هبة تراث ( اربعة سنوات )
Author: نادر
Date: 01-29-2005, 01:08 AM
Parent: #1
أماني هبة تراث 4 سنة دي معلومة أكيدة ولا قصدك 40 سنة؟؟ أنا في قمة الدهشة مما أرى؟؟ .. ربنا يحفظها ما شاء الله ما شاء الله ما شاء الله ...
|
Post: #39
Title: Re: معرض تشكيلي : هبة تراث ( اربعة سنوات )
Author: Rashid Elhag
Date: 01-29-2005, 01:13 AM
Parent: #1
بسم الله الرحمن الرحيم
الأخت العزيزة الجندرية
السلام عليكم ورحمة الله وبركاته وكل سنة وإنتي طيبة
ربنا يخلي ليك هبة وأخواتها وأخوانها...أنا لست فنانآ تشكيليآ...ولكني أتذوق الفن بأنواعه رسم...غناء...شعر...أحب الطبيعة بسكينتها...وأشجارها ومياهها...فأنا من مواليد مدينة الحصاحيصا ولي أهل وأحباب بمدينة رفاعة ولي بها ذكريات جميلة...أدهشتني هبة بلوحاتها البريئة المعبرة...ولكني لم أستغرب..فرفاعة لا تنجب إلا النوابغ...هبة تحتاج للرعاية والتشجيع...وأنا واثق بأنك لن تتأخري في ذلك
ودي
أخوك راشد الحاج
|
Post: #40
Title: Re: معرض تشكيلي : هبة تراث ( اربعة سنوات )
Author: zola123
Date: 01-29-2005, 04:43 AM
Parent: #1
أماني
نسيت أقول ليكي تجيبي معاكي شوية بخور عشان تختييه في البوست ده
|
Post: #41
Title: Re: معرض تشكيلي : هبة تراث ( اربعة سنوات )
Author: shiry
Date: 01-29-2005, 05:14 AM
Parent: #40
سلام مربع
الجندرية
ربنا يخلهالكم يارب
والله من غير مجاملة ، ابداع
يارب يحفظها ،كم هي رائعة ومبدعةهبويا
|
Post: #42
Title: Re: معرض تشكيلي : هبة تراث ( اربعة سنوات )
Author: ahmed abdelati
Date: 01-30-2005, 05:07 AM
Parent: #1
الرائعة الجندرية
شكرا لهذا الابداع
وكيف لاتكون هبة مبدعة وهي ابنة اماني وعثمان
لقد ادهشتني الرسومات وبما انني لا افهم في التشكيل
كثير شي فقد حاولت ان اعطي العيش للخباز
معي الفنان التشكيلي السوداني المقيم بالقاهرة
بحر الدين ادم محمد وهو بقول لك ولها:
لا حدود للخيال عند الانسان لكن مع الاطفال يتسع
الي افاق لانهائية لخصوبته البكر
لهم عوالم غير محددة ولها من الموهبة ما يجعلها ان
تخلق عالم خاص بها وتتحرك فيه بحرية ومتعة روحية
بريئة وفطرية
نتمني لها التوفيق والاهتمام
|
Post: #43
Title: Re: معرض تشكيلي : هبة تراث ( اربعة سنوات )
Author: THE RAIN
Date: 01-30-2005, 05:33 AM
Parent: #1
العزيزة
أمانى
حاجة بالجد كده والله ما عادية
إنتى متأكدة إنه هبة دى عمرها أربعة سنين
أجمل مافى الأعمال، إنه فيها رؤى عجيبة جدا، يعنى ما جايه من فراغ
بعدين التلوين مبالغة والله يا أمانى
فكرة المعرض حلوة طبعا، بس حقو تخلوهابعد شويه كده
وتحياتى لهبة وتراث
أبوذر
|
Post: #44
Title: Re: معرض تشكيلي : هبة تراث ( اربعة سنوات )
Author: الجندرية
Date: 01-31-2005, 00:03 AM
Parent: #1
شكرا
عزيزاتي / اعزائي
ساعود
|
Post: #45
Title: Re: معرض تشكيلي : هبة تراث ( اربعة سنوات )
Author: الجندرية
Date: 02-02-2005, 02:55 AM
Parent: #1
الصديق العزيز دكتور نزار
تحياتي لك ولآمينة
ارجو ان تبلغ عصام ووصال الاشواق
ولو عندهم ايميل رسلوا لي في المسنجر
الف شكر
***
العزيز ايهاب الطيب
شكراًً لمشاركتك ورأيك
بالمناسبة كل الرسومات دي بنفس المساحة
لكنني قمت بتصغير بعضها لتسهيل ارسالها
***
نادر النادر
40 سنة
لوووووووووول
ياخ دي امها باقي ليها شهر حتى تصلها
شكراً ليك
***
الاخ راشد
يعني طلعنا جيران
يا هلا بيك
وشكراً للمشاركة
***
زولة الظريفة
دي ما عين المحبة ما بتسوي شي
محبتكم/ ن بتحصنها من العين الما بتصلي على النبي
***
شيري
ازييييك
وينك انت طلتك بقت زي هلال العيد
في السنة مرتين ؟
مشتاقين وعليك الله ما تغيبي كدا
شكراً ليك
ويخليك لينا يارب
*****
العزيز احمد عبد العاطي
شكراً ليك ولصديقك التشكيلي بحر الدين
وفعلاً للاطفال عوالهم / ن
***
الغالي ابو ذر
هبوية عندها راي غايتو في اي شئ لكن حكاية الرؤية دي ما بعرفها غايتو
تصدق انو عندها راي في المنهج البتدروسو في التمهيدي
ومحتجة انهم ما بدرسوهاعلوم
شكراً ليك
معليش برد من المكتب عشان كدا ما نزلت ليكم / ن مع الردود رسومات تانية
|
Post: #46
Title: Re: معرض تشكيلي : هبة تراث ( اربعة سنوات )
Author: معتصم دفع الله
Date: 02-02-2005, 04:14 AM
Parent: #45
هبة الجميلة تخطو خطوة رائعة في التعامل مع الريشة ..
ربنا يحفظها ومزيد من الإبداع ..
تحتاج منك يا أماني لوقفة شديدة وتشجيع كبير ..
دعواتنا لها بالتوفيق ..
|
Post: #47
Title: Re: معرض تشكيلي : هبة تراث ( اربعة سنوات )
Author: شتات
Date: 02-02-2005, 11:52 PM
Parent: #45
العزيزة أماني
تحيات كتييييرة
يكفي هبة أن لها حس فنان .. وعشق للريشة والألوان والخيال ..
وبكرة ان شاء الله الطفلة هبة تبقى الفنانة التشكيلية هبة عثمان تراث
وكمان تكون جندرية ( سيبك من ناس تمبس ) وقالوا ليالي العيد تبين من عصاريها
وإلى الأمام يا هبة وربنا يحفظك ..
وتحياتي مجدداً يا أماني وكل سنة وانتو كلكم بخير
صلاح / شتات
|
Post: #48
Title: Re: معرض تشكيلي : هبة تراث ( اربعة سنوات )
Author: الجندرية
Date: 05-16-2005, 02:49 AM
Parent: #1
العزيز معتصم
تسلم كتير على مرورك واهتمامك برسومات هبة
غايتو ترانا ما مقصرين معاها من ناحية الوقفة
وربنا يقدرنا كمان وكمان
شكراً ليك على الدعوات الجميلة
***
العزيز شتات
سلام
هبة الفنانة الايام دي خلت الشغل في الكمبيوتر واتفتنت بالورق والالوان
وبتشتغل حاجات حلوة والله
افضى بس واعمل ليها اسكانق وانزلها
وجايب ليها تمثيل الايام دي
حفظت ليك نص تماضر شيخ الدين ( حسنة بت محمود ) صم ، وكل يوم بتشتغل لينا عرض
بالمناسبة مثلك بتاعت ليالي العيد تبين من عصاريها دا ذكرني كم مترادف ليه
ناس الخريف اللين من رشاشو بين
والناجحة من عشها زوزايه
ويارب زوزاي هبة دا يورثها مقدرات فائقة على التحليق والطيران
وتشكر كتير يا سيدي
|
|