هـلالك هـلا يا ود عبدالله ..

يرددها الهلالاب عند كل نصر يأتي به فريقهم ..

فهل يفعلها أخوان هيثم اليوم ويهزمون كل التوقعات ويفوزون على الأهلي في داره مره أخرى وسط 75 ألف مشجع ؟

أكفنا ودعواتنا خلف الهلال اليوم وهو يلعب باسم الوطن ..

أبطال الهلال .. نقلاً عن سودانايل ..

وقتها غنى وردي يا تامبا ..
وكانت ساعة النصر إكتمال الهلال ..
إن شاء الله اليوم يفرحونا أبطال الهلال ونغني لهم وللسودان ..
كلنا ثقة في أن الأبطال لن يخزلونا وقد فعلوها في آخر مقابله لهم مع الأهلي في دارهم ووسط جمهورهم ..

فللتوحـد قلوبنا وامنياتـنا لنصـر مـؤزر لهـلال السـودان


التوقـيع
مريخابي

تحياتي يا الخير ..
وينك ما ظاهر يا حبيب ..
نعم فالتتوحد قلوبنا اليوم من أجل الهلال والوطن ..
نحي هذه الروح السمحة والتي نتمنى أن تسود الوسط الرياضي المعافي من كل الخلافات ..

فليبقى الوطن ..


تقديري ..

يا سلاااام يا غباشي ..
ياها دي الروح السمحة العايزنها ..
ياها دي أخلاق الرياضة والرياضيين ..
لا هلال بدون مريخ ولا مريخ بدون هلال ..
كلنا اليوم الهلال ..
كلنا اليوم السودان ..
الآن بدأت الرياضة تنتعش في السودان الإنتصارات المتوالية التي حققها منتخبنا الوطني والهلال والمريخ رغم أشياء كثيرة تعوق تطورها ولكنها مجهود قليل من الحادبين على أمر الرياضة عندنا ..
نتمنى نبذ العصبية ووضع الوطن فوق حدقات العيون ..
ونتمنى معاً أن نرى علم السودان دوماُ يرفرف في المحافل الدولية ..


وفوق فوق سودانا فوووووق ..

هلال بدون مريخ ولا مريخ بدون هلال ..
كلنا اليوم الهلال ..
كلنا اليوم السودان ..

وقلوبنا مع الهلال
التوقيع مريخابية

معتصم
مودتي

الواحد مبسوط جداُ الآن يا نهال ..
هذا البوست جمع الهلالاب والمريخاب مع بعض ..
ودي روح سمحة نتمنى أن تسود بين الجميع ..
فليكن السودان أولاُ ..
ولتكن الرياضة جسر للمحبة والتواصل والعمل من أجل نهضتها ..


تحياتي ومودتي ..

دقائق وينطلق اللقاء الهام بين هلال السودان والأهلي القاهري في مباراة تعتبر الأهم في أولى مباريات منافسة دور المجموعات للثمانية الأبطال ..
لاعبوا الهلال في روح معنوية عاليه ..
كلهم عزيمة وإصرار لتخطي الأهلي في داره ووسط جمهوره ..

قلوبنا مع فتية الهلال حتى النصر ..

رحم الله الطيب عبدالله وأسكنه فسيح جناته

مباراة صعبة صعبة مافي كلام، لكن نعمل شنو؟
بنحب الهلال، وبنحب نشوفو على الدوام منصور
حتى لو لعب مع البرازيل، هزيمتو طعمها مر،
حتى لو كانت انتصار للمنطق الكروي!

أعصابك كيف يا معتصم؟!

ألف رحمة ونور على زعيم أمة الهلال ..

لا أخفي عليك يا أبوحميد المباراة فعلاً صعبة وهامة جداً للفريقين ..
الفائز فيها يضمن خطوات كبيرة للوصول للمباراة النهائية ..
وبيني وبينك الهزيمة (حارة) ومره في نفس الوقت ..
نتمنى النصر لهلال السودان اليوم ..

Quote: أعصابك كيف يا معتصم؟!

يا زول خلي الطبق مستور ..
تعرف أنا لي كم يوم عايش على أعصابي ..
بس قاعد أقطعه في مصاريني ساي ..

نتمنى الفوز للهلال والعودة للسودان منتصراً إن شاء الله ..

المعتصم بالله
مع اني مالي كبير غرض مع الكورة
وانت عارف ولكن قلوبنا مع الهلال
ودعواتنا ليهو بالانتصار عشان المسالة
اليوم بتخص بلد وليس فريق



تحياتي

يديك العافية يا إبن خالي ..
تعرف انت حبنا للكورة وللهلال ..
وقفتكم دي براها بالدنيا ..

ولكن ..

نقول شنو لحكام ظالمين أبت نفسهم إلا أن يغتالوا الهلال ومشجعيه ..
ودا شوط أول انتهى والمبارايات القادمة سوف يكون لنا كلام تاني ..

تحياتي ..

ماذا نقول يا هلال العظمة ؟؟

الحكم السنغالي يزبح الهلال أمام مرأى الجميع ..
ماذا كنا نتوقع من حكم مشكوك في زمته وقبلها كان الهلال محتجاً على إختياره ؟؟

الشكر لللاعب الدولي بدر بلال فقد أنصف الهلال وظلمه المحلل الجزائري ..
قالها كابتن الأهلي الأسبق والمحلل طاهر أبوزيد لو كنت الحكم لما احتسبت الهدف ..

التحية لفتية الهلال الأشاوس الذين صالوا وجالوا في الملعب ..
والتحية لمدربهم القدير ريكاردو ..
والتحية لعلاء الدين يوسف وريتشارد قلب الأسد والمهاجم المرعب قودين فقد أدوا مباراة كبيرة وكانو نجوماً ..

نقولها للجميع لا خوف على الهلال ولكن نخاف من لا ذمة له مثل هذا الحكم الغريب وعجيب ..

لولا وجود الرجل البركة المهندس صلاح غريبة هسي كنا نكون مرشوشين خمسة..

التحية لهذا الرجل الايقونة..





















خلي الاهلي يركب عـداد في لعبة الاياب..