Post: #1
Title: مبروك "أحمد طارق السر عمر التني".. عجبنا وسرً بالنا نجاحك
Author: Raja
Date: 06-21-2007, 03:38 PM
Parent: #0
الأحباب جميعا..
سلامات ومحبات وأشواق طن..
من شوية كنت بكلًم الحاجة في مصر.. عرفت منها أحلى خبر بنجاح ولدنا "أحمدوني" (أحمد طارق) وإحرازه 99.3% في إمتحانات الشهادة السودانية..
أحمدوني هسع مع "تارا" في لندن في كورس صيفي. والفرحة ما ساعياهم
التهنئة لأماني وطارق وأخوانه وحنًوني الصغيرونية
ومزيد من النجاحات يا أحمد..
مـــبــــروك
أحمد إبن أختنا التي لم تنجبها أمنا(بنت خالنا الكبير) وإبن الخال طارق. وقد شهدنا مولده ونموه وفرحه ونجاحه
دايما يا رب
|
Post: #2
Title: Re: مبروك "أحمد طارق السر عمر التني".. عجبنا وسرً بالنا نجاحك
Author: kamalabas
Date: 06-21-2007, 03:41 PM
Parent: #1
... مبروك النجاح والتفوق
.......ألف مبروك للعرسان ....ولأهل العرسان....وعودا حميدا يا رجاء
حتي لانخلق سوء فهم ;نقول المقصود بالعرسان هنا عرسان النجاح
كمال
|
Post: #3
Title: Re: مبروك "أحمد طارق السر عمر التني".. عجبنا وسرً بالنا نجاحك
Author: Raja
Date: 06-21-2007, 03:47 PM
Parent: #2
الله يا بارك فيك يا كمال يا غالي..
أحمد كان خايف من نتيجة إمتحانه.. ويوم سفري من القاهرة شعرت بكده في صوته..
الحمد لله الجبر بخاطره ورفع راسه وراسنا كلنا..
عمًان: جنة من غير ناس.. ما بتنداس
|
Post: #4
Title: Re: مبروك "أحمد طارق السر عمر التني".. عجبنا وسرً بالنا نجاحك
Author: Souad Taj-Elsir
Date: 06-21-2007, 03:51 PM
Parent: #1
الحبيبة رجاء،
حمدالله على السلامة، وألف مبروك النجاح الباهر لأحمد طارق السر، ماشاء الله ربنا يحفظه.
أود أيضاً أن أزف إليك خبر نجاح الحبيبة نون أحمد تاج السر علي الشيخ، إبنة شقيقي الحبيب أحمد في الشهادة السودانية وقد حصلت على 92%. كذلك تمت فرحتنا بنجاح عدد من الصغار الحلوين في أمدرمان وجميعهم أحرزوا نتائج باهرة مشرّفة. نسأل الله أن يحفظهم جميعاً، آمين.
كيفك يا رجاء، أرجو أن تكون الأمور تمام في الأردن. كل التحايا للأسرة الكريمة.
تحياتي وصادق مودتي.
|
Post: #9
Title: Re: مبروك "أحمد طارق السر عمر التني".. عجبنا وسرً بالنا نجاحك
Author: Raja
Date: 06-21-2007, 04:00 PM
Parent: #4
الحبيبة سعاد..
سلامات ومودات
ألف مبروك للإبنة نون. التهنئة لأحمد وكل الأسرة..
ما شا الله أجيالنا الجاية دي ربنا يحفظهم
لسة ما زلت أتلمس خطاي.. في الشغل أو البلد..
الزنقة حاصلة.. لكن أرحم مية مرة من القعاد وحدانية "زي القرد" بعد الساعة 6 مسا..
حأحاول التواصل بإذن الله
ودي لأسرتك الصغيرة..
ومبروك تاني لوليداتنا..
|
Post: #5
Title: Re: مبروك "أحمد طارق السر عمر التني".. عجبنا وسرً بالنا نجاحك
Author: Atif Makkawi
Date: 06-21-2007, 03:54 PM
Parent: #1
الأخت رجاء أولا ان شاءالله يكون المقام طاب ليك
ثانيا مبروك لأحمد وعقبال باقي الشهادات العليا
ولكن أظنك بحاجة لتعديل النسبة!!!!!
| Quote: وإحرازه 99.3% في إمتحانات الشهادة السودانية.. |
|
Post: #10
Title: Re: مبروك "أحمد طارق السر عمر التني".. عجبنا وسرً بالنا نجاحك
Author: Raja
Date: 06-21-2007, 04:00 PM
Parent: #5
الفاضل عاطف..
الله يبارك فيك..
ما فهمت قصدك في التعديل.. العارفاه إنه أحمد ممتحن للجامعة السنة دي.. هو الشهادة غيًروا إسمها..؟
ارجو إفادتي
تسلم لتهنئتك ومبروك لأحمد
|
Post: #6
Title: Re: مبروك "أحمد طارق السر عمر التني".. عجبنا وسرً بالنا نجاحك
Author: kamalabas
Date: 06-21-2007, 03:58 PM
Parent: #1
وين الحي بيك يارجاء? وكيف العمل والمقر الجديد?
|
Post: #7
Title: Re: مبروك "أحمد طارق السر عمر التني".. عجبنا وسرً بالنا نجاحك
Author: kamalabas
Date: 06-21-2007, 03:58 PM
Parent: #1
عفوا للتكرار
|
Post: #11
Title: Re: مبروك "أحمد طارق السر عمر التني".. عجبنا وسرً بالنا نجاحك
Author: Raja
Date: 06-21-2007, 04:04 PM
Parent: #7
الغالي كمال..
سلام وشوق..
زي ما قلت لسعاد فوق.. لسة بستكشف في الشغل والبلد..
الشغل ممتع لكنه متعب.. واللاجئين والمهاجرين العراقيين في الخارج عندهم مليون حكاية يشيب ليها الراس..
أكيد حأكتب عن مأساة ومعاناة أهلنا العراقيين الذين يعانون من إحتلال غاشم.
سأعود..
ودي
|
Post: #8
Title: Re: مبروك "أحمد طارق السر عمر التني".. عجبنا وسرً بالنا نجاحك
Author: حافظ العشا
Date: 06-21-2007, 03:58 PM
Parent: #1
بت العباسي
الف مبروك لاحمد
وعقبال الدكتوراة
مودتي
|
Post: #12
Title: Re: مبروك "أحمد طارق السر عمر التني".. عجبنا وسرً بالنا نجاحك
Author: Raja
Date: 06-21-2007, 04:05 PM
Parent: #8
حافظ يا عزيز..
يباركو ليك السمح دايما..
مبروك تاني ليسن..
ودي
|
Post: #13
Title: Re: مبروك "أحمد طارق السر عمر التني".. عجبنا وسرً بالنا نجاحك
Author: معاذ حسن
Date: 06-21-2007, 04:08 PM
Parent: #8
الف مبروك لاحمد
وبالتوفيق دايما يا رب
مبروك ليكم يا أخت رجاء
وعودا حميدا
صنفرة:
أنتظر زيارتك في بوست الامثال المصرية
|
Post: #15
Title: Re: مبروك "أحمد طارق السر عمر التني".. عجبنا وسرً بالنا نجاحك
Author: حليمة محمد عبد الرحمن
Date: 06-21-2007, 04:21 PM
Parent: #13
الحبيبة رجاء..
الف الف مبروك لاحمد وعقبال الماجستير والدكتوراة..
ابو خالد يبلغك تحياته القلبية ومباركته لنجاح احمد
ارجو ان تنقليهابدورك "لاختك" الكبيرة أم احمد..
أحمد طارق السر عمر التني
عاد يا رجا يا اختى كان كدي انت ما قريبة ابو خالد شديد..
بالمناسبة بيسأل عن اخبار اسامة ميرغني ووالدته.. عساهم
بخير بعد الاحداث الاخير في عمان..
التهنئة موصولة للعزيزة (للعمة)  سعاد تاج السر على الشيخ،
بنجاح نون أحمد تاج السر علي الشيخ .
مودتي..
حليمة
|
Post: #16
Title: Re: مبروك "أحمد طارق السر عمر التني".. عجبنا وسرً بالنا نجاحك
Author: Souad Taj-Elsir
Date: 06-21-2007, 05:28 PM
Parent: #15
الحبيبة حليمة،
ألف شكر يا عزيزتي مباركتك للحبيبة نون أحمد تاج السر النجاج الباهر، إنشاء الله يباركو ليكم كل سمح وكل جديد يا رب. تقديري العميق ليك ياي حليمة يا سبّاقة بكل خير وكل مودة، أسأل الله أن يديك العافية. تسعدني يا عزيزتي طلّتك البهية دائماً وابتسامتك البتدخل الفرحة والسرور في القلب.
الشكر والتقدير موصول ليك مرة ثانية على اهتمامك بالحبيبة وديدة، واطمئنك أنها قد تحسنت كثيراً الحمدُلله وسأحتفظ بتعلقيك الجميل لتراه إن شاء الله لما تقوم بالسلامة.
شكراً ليك يا حليمة مع تحياتي وصادق مودتي لجميع الأهل الأحبّاء.
الشكر أيضاً موصول للحبيبة رجاء لرد التهنئة المُقدّرة للحبيبة نون أحمد تاج السر وكل الأبناء الأحباء.
سعاد
|
Post: #23
Title: Re: مبروك "أحمد طارق السر عمر التني".. عجبنا وسرً بالنا نجاحك
Author: Raja
Date: 06-24-2007, 02:09 PM
Parent: #15
الحبيبة القريبة حليمة
سلامات ومحبات..
كيييف؟ إحنا من بوست الأخوان طلعنا قرايب أبوخالد. من ما قلتي د. متوكل وأسامة ميرغني..
أسامة آخر أخباره عرفتها من قريبنا المشترك مهند في القاهرة. وقال إنه ووالدته بخير.
بالمناسبة خالي الكبير اللي هو جد أحمدوني هو د. سيدأحمد التني.. يعني من كل الجهات أحمدوني ولدكم.
ومبروك تاني لنون وأحمد..
ودي
|
Post: #22
Title: Re: مبروك "أحمد طارق السر عمر التني".. عجبنا وسرً بالنا نجاحك
Author: Raja
Date: 06-23-2007, 09:36 AM
Parent: #13
معاذ العزيز..
الله يبارك فيك..
ما شفت بوست الأمثال.. دخولي للمنبر في الفترة الفاتت كان "سرقات وقت".. سأطًلع عليه بالتأكيد..
سلمت يا عزيز
|
Post: #14
Title: Re: مبروك "أحمد طارق السر عمر التني".. عجبنا وسرً بالنا نجاحك
Author: Adil Osman
Date: 06-21-2007, 04:11 PM
Parent: #8
الاخت الصديقة رجاء العباسى
تحية طيبة
الف مبروك هذا النجاح الباهر. انا ايضآ لم افهم كون ابنكم احمد فى مصر ويجلس لامتحانات الشهادة السودانية..
كيف وجدتى عمان والاردن؟ نترقب كتاباتك عنها. فى الجامعة هنا قبل حوالى 12 عامآ كان طالب اردنى من اعز الاصدقاء. اسمه احمد الزعبى. لو لميتى فيهو قولى ليهو عادل عثمان بسلم عليك.!
شوفى عمان من الصورة. يبدو انها مدينة جميلة ومتميزة.
|
Post: #17
Title: Re: مبروك "أحمد طارق السر عمر التني".. عجبنا وسرً بالنا نجاحك
Author: ibrahim kojan
Date: 06-21-2007, 06:59 PM
Parent: #14
يا سلام اصلو يكون طالع ليك يا رجاء!!!
بس ما يكون بيخاف من الحقن
الف مبروووووووووووووووووووووووووووووووووك
كوجان
|
Post: #18
Title: Re: مبروك "أحمد طارق السر عمر التني".. عجبنا وسرً بالنا نجاحك
Author: نهال الطيب
Date: 06-22-2007, 08:35 PM
Parent: #17
رجاء الحبيبة
ألف مبروك لأحمد التفوق
وربنا يحفظه ويزيده نجاح
ومبروك لكل التنيياب
برسل لزينة أكلمها
محبتي
|
Post: #19
Title: Re: مبروك "أحمد طارق السر عمر التني".. عجبنا وسرً بالنا نجاحك
Author: Rawia
Date: 06-23-2007, 00:04 AM
Parent: #18
حبيبة الروح الغالية رجاء
نقدر فرحتكم بالابن احمد بس في توضيح بسيط
احمد طارق تحصل على نسبة نجاح 90.9%
وحصل على درجة في الرياضيات 98
وفعلا الفرحة ماسايعانا كلنا بنجاح الابن احمد
ونتمنى نشوفه طبيب كجده الدكتور سيد احمد التني
نسيت اقول انه احمد سيكمل عامه الـ16 في اغسطس القادم -
--------------------
مع تمنياتي للجميع بالهناوالتبريكات بالنجاح للجميع
|
Post: #24
Title: Re: مبروك "أحمد طارق السر عمر التني".. عجبنا وسرً بالنا نجاحك
Author: Raja
Date: 06-24-2007, 02:20 PM
Parent: #14
الصديق الغعالي عادل..
سلامات ومودات
أحمد بيدرس في السودان.. بس هو اليومين الفاتو كان في القاهرة وهسع معاكم في اللندرة.
الأردن بلد جميل جمال غير عادي. وطبيعتها مختلفة خالص من الطبيعة الاتعودنا عليها.. يعني الجبال والبيوت المبنية عليها وشجر الزيتون الملوًن الأرض كلها والورود المختلفة الألوان (في ألوان زهور أول مرة أشوفه هنا - زي اللبني الفاتح).. بلد نضيفة مافيها أي تلوث بيئي من أي جهة..
لكن.
الأرادنة طبيعتهم غير برضو.. خاصة لزول زيي جاي من المصريين أصحاب النكتة والكلام الجاهز سريع البديهة.. أو السودانيين بتداخلهم وسؤالهم عن الغريب قبل القريب.. وقلبهم المفتوح وصوتهم الواضح.. ما عايزة أظلم ناس الأردن. وح أديهم تاني شهرين لحكمي الأخير.. لكن بعد ناس دارفور والترحاب اللقيناه هناك.. الواحد حاسس إنه (يتيم) هنا.
حتى الأجانب البيشتغلو في المنظمات الدولية أصبحوا زي ناس البلد.. جافين ومبتعدين ومختلفين تماما عن الموجودين في دارفور.. الجميل إني لقيت إتنين من الكنت بعرفهم في نيالا وهم زاتهم ما صدقوا يلاقو زول عرفة.. وشكوا لي مثل شكوتي الفوق دي.
بالمناسبة زميلتي في الأردنية إسم عائلتها الزعبي برضو.. حأسالها أكيد عن صديقك أحمد..
تسلم على التهنئة يا ذوق.. وعلى الصورة يا عزيز
ودي
|
Post: #20
Title: Re: مبروك "أحمد طارق السر عمر التني".. عجبنا وسرً بالنا نجاحك
Author: Atif Makkawi
Date: 06-23-2007, 07:48 AM
Parent: #1
| Quote: احمد طارق تحصل على نسبة نجاح 90.9% |
شكرا يا أخت راوية
لاحظتي رد العزيزة رجاء علي تنبيهي لها
خاصة وأن نسبة شيماء الأولي 96,6%
|
Post: #21
Title: Re: مبروك "أحمد طارق السر عمر التني".. عجبنا وسرً بالنا نجاحك
Author: Raja
Date: 06-23-2007, 09:32 AM
Parent: #20
الأحباب عاطف وراوية والجميع
سلامات ومحبات
النسبة السمعتها من أمي هي الكتبتها.. الظاهر الزول سمعه عايز نضارة ..
يا عاطف أنا ما فهمتك وإنت ما وضحت قصدك.. عشان كده إتساءلت.. دلوقت بس فهمت..
الأحباب الفوق..
راجعة ليكم برواقة
ومبروك لأحمدوني ونون وكل أولادنا
|
Post: #25
Title: Re: مبروك "أحمد طارق السر عمر التني".. عجبنا وسرً بالنا نجاحك
Author: Abd-Elrhman sorkati
Date: 06-24-2007, 02:37 PM
Parent: #1
العزيزة رجاء
الف مبروك وعقبال الشهادات العليا وانشاء الله ربنا يديم الافراح
تحياتي للجميع
|
|